AFC FUTSAL LEVEL 1 COACHING COURSE 2017

 

ສະຫະພັນ​ບານ​ເຕະ​ແຫ່ງ​ຊາດ​ລາວ ​ ຂໍ​ແຈ້ງ​ມາ​ຍັງ​ບັນດາສະໂມສອນ, ສະຫະພັນບານເຕະແຂວງ, ​ຜູ້​ທີ່​ສົນ​ໃຈ ​ແລະ ມີ​ໃຈ​ມັກ​ຢາກ​ເປັນ​ຄູຝຶກ​ຟຸດຊໍຊາບ​ວ່າ ທາງ​ສະຫະພັນ​ບານ​ເຕະ​ແຫ່ງ​ຊາດ​ລາວຈະໄດ້​ຈັດການ​​ຝຶກ​ອົບຮົມ​ຄູຝຶກ​ໃບປະກາດຟຸດຊໍລະດັບ 01 ຈັດໂດຍຄູຝຶກມາຈາກສະຫະພັນບານເຕະອາຊີ (AFC Futsal Level 1 Coaching Course) ​ຂື້ນ​ໃນ​ລະ​ຫ່ວາງ​ວັນ​ທີ 08 -13/06/2017 ຢູ່ທີ່ສະຫະພັນບານເຕະແຫ່ງຊາດລາວ(ຫ້ວຍຫົງ).
ນັກສຳມະ​ນາກ​ອນທີ່​ຈະ​ມາ​ເຂົ້າ​ຮ່ວມ​ຝຶກ​ອົບຮົມຄູຝຶກໃບປະກາດຟຸດຊໍລະດັບ 01 ຂອງສະຫະພັນບານເຕະອາຊີ(AFC) ​ຕ້ອງມີ​ເງື່ອນໄຂດັ່ງ​ນີ້:
1.  ຕ້ອງມີອາຍຸ 25 ປີຂຶ້ນໄປ (ບໍ່ຈຳກັດເພດ).
2. ລະດັບ​ການ​ສຶກສາ​ຢ່າງ​ຕໍ່າ​ຈົບ ມໍ ປາຍ​ຂື້ນ​ໄປ ​ແລະ ມີ​ຄວາມ​ຮູ້ພາສາ​ອັງກິດ​ ຍິງ​ເປັນ​ການ​ດີ
3. ມີ​ສະພາບ​ຮ່າງກາຍ​ແຂງ​ແຮງສົມບູນ​ດີ ​ແລະ ​ມີ​ໃຈ​ມັກ​ໃນ​ກິລາບານເຕະຟຸດຊໍ, ມີຄວາມ​ບຸກບືນ​ສູງ ແລະ  ພ້ອມ​ປະ​ເຊີນ​ໜ້າ​ກັບ​ຄວາມ​ທ້າ​ທາຍ​ຕໍ່​ອາຊີບ​ນີ້.
4. ຄ່າສະຫມັກ 200,000ກີບ/ຕໍ່ຄົນ.
5. ສິ່ງທີ່ນັກສຳມະນາກອນທີ່ຈະໄດ້ຮັບ: ຊຸດຝຶກອົບຮົມ 2 ຊຸດ/ຄົນ, ໃບຢັ້ງຢືນ, ແລະ ພ້ອມທັງໄດ້ຮັບໃບປະກາດ(ຖ້າເສັງຜ່ານ), ອາຫານທ່ຽງ, ສຳລັບນັກສຳມະນາກອນຈາກຕ່າງແຂວງ ແມ່ນຈະໄດ້ຮັບເພິ່ມ ອາຫານເຊົ້າ ແລະ ແລງ.
6. ເປີດຮັບຈໍານວນຈໍາກັດພຽງແຕ່ 20 ຄົນເທົ່ານັ້ນ.
7. ສະຖານ​ທີ່ຝຶກອົບຮົມແມ່ນຢູ່ທີ່ ສະຫະພັນ​ບານ​ເຕະ​ແຫ່ງ​ຊາດ​ລາວ (ສູນຝຶກກິລາ​ບານເຕະ​ຫ້ວຍ​ຫົງ)
8. ປິດ​ຮັບ​ສະໝັກ​ວັນ​ທີ 18/03/2017.
- ລາຍລະອຽດ: ມາຕິດຕໍ່ເອົາ ແບບຟອມໃບສະຫມັກທີ່ ​ສະຫະພັນ​ບານ​ເຕະ​ແຫ່ງ​ຊາດ​ລາວ ​ວັນຈັນ​ ເຖິງ​ ວັນ​ສຸກ ໃນ​ໂມງ​ລັດຖະການ ທີ່ໜ່ວຍງານຟຸດຊໍ ໂທ: 020 78575554, 55411932, E-mail: futsal-bsoccer@laoff.org.la, ແລະ ສາມາດດາວໂຫລດແບບຟອມໄດ້ທີ່ເວບໄຊ: www.laoff.org.la ຕາມ LINK ລຸ່ມນີ້

/upload/files/%E0%BB%81%E0%BA%9A%E0%BA%9A%E0%BA%9F%E0%BA%AD%E0%BA%A1%E0%BA%AA%E0%BA%B0%E0%BB%9D%E0%BA%B1%E0%BA%81-Futsal-Coaching-Course.docx

 

LAO FOOTBALL FEDERATION ©. All Rights Reserved.