ທີມຊາດລາວຊຸດໃຫຍ່ ກຽມໄປເກັບຕົວຝຶກຊ້ອມທີ່ປະເທດ ຍີປຸ່ນ
21/05/2025
ທີມຊາດລາວ ຊຸດໃຫຍ່ ປະກອບດ້ວຍ ຄະນະຄູຝຶກ ແລະ ນັກກິລາ ພາຍໃຕ້ການຄຸມທີມຂອງ ທ່ານ ຮາ ຮອກ ຈູນ (HA HYEOKJUN) ຄູຝຶກສັນຊາດ ສ.ເກົາຫລີ ກຽມອອກເດີນທາງໄປເກັບຕົວຝຶກຊ້ອມຢູ່ທີ່ສູນຝຶກ J-GREEN SAKI ເມືອງໂອຊາກາ ປະເທດຍີ່ປຸ່ນ ໃນລະຫວ່າງວັນທືີ 24 ພຶດສະພາ ຫາ 02 ມິຖຸນາ 2025 ເພື່ອກຽມຄວາມພ້ອມກ່ອນພົບກັບ ທີມຊາດເນປານ ໃນການແຂ່ງຂັນບານເຕະ ຊີງແຊ້ມອາຊີ ຮອບຄັດເລືອກ 2027 AFC Asian Cup Saudi Arabia 2027 Qualifiers Final Round.
ການເດີນທາງໄປເກັບຕົວຝຶກຊ້ອມໃນຄັ້ງນີ້ ທີມຊາດລາວ ຊຸດໃຫຍ່ ຈະມີການອຸ່ນເຄື່ອງກັບສະໂມສອນຈາກປະເທດຍີປຸ່ນ. ທີມຊາດລາວ ຊຸດໃຫຍ່ ຈະອອກເດີນທາງໄປປະເທດຍີປຸ່ນ ໃນຕອນຄໍ່າ ວັນທີ 24 ພຶດສະພາ 2025 ແລະ ຈະເດີນທາງເຖິງສະຫນາມບິນສາກົນ ໂອຊາກາ ໃນຕອນເຊົ້າ ຂອງວັນທີ 25 ພຶດສະພາ 2025.
