ວັນທີ 28 ເມສາ 2025 ທີ່ສຳນັກງານໃຫຍ່ ສະຫະພັນບານເຕະອາຊີ ປະເທດມາເລເຊຍ ໄດ້ມີການຈັບສະຫລາກ ການແຂ່ງຂັນບານເຕະຍິງ ຊີງແຊ້ມອາຊີ ຮຸ່ນອາຍຸບໍ່ເກີນ 20 ປີ ຮອບຄັດເລືອກ AFC U20 Women's Asian Cup™ Thailand 2026 Qualifiers,ໂດຍມີທັງຫມົດ 33 ທີມເຂົ້າຮ່ວມການແຂ່ງຂັນ ແບ່ງອອກເປັນ 8 ກຸ່ມ, ຜົນການຈັບສະຫລາກ ທິມຊາດລາວ ຖືກຈັດຢູ່ໃນກຸ່ມ H,ປະກອບມີ: ສ.ເກົາຫລີ, ບັງກະລາເທດ,ສປປລາວ ( ເຈົ້າພາບຮອບຄັດເລືອກ ) ແລະ ຕີມໍ ເລສເຕ.

         ຮອບຄັດເລືອກຈະແຂ່ງຂັນໃນລະຫວ່າງ ວັນທີ 02-10 ສິງຫາ 2025, ຮູບແບບການແຂ່ງຂັນແມ່ນຄັດເລືອກເອົາອັນດັບ 1 ຂອງ 8 ກຸ່ມ ບວກກັບ ອັບດັບ 2 ທີ່ມີຄະແນນດີທີ່ສຸດ 3 ທີມ ບວກກັບ ໄທ ເຈົ້າພາບ ເຂົ້າຮອບສຸດທ້າຍ ປີ 2026.

         ສຳລັບ ຕາຕະລາງ ການແຂ່ງຂັນແມ່ນຈະແຈ້ງໃຫ້ຮັບຊາບຕາມພາຍຫຼັງ. 

            ວັນທີ 23 ເມສາ 2025 ສະຫະພັນບານເຕະອາຊີ (AFC) ສົ່ງຫນັງສືເຖິງ ສະຫະພັນບານເຕະແຫ່ງຊາດລາວ ເພື່ອເຫັນດີອະນຸມັດໃຫ້ທ່ານ ວົງມີໄຊ ສຸບົວຄຳ ຜູ້ຝຶກສອນຫຼັກຈາກ ສຕລ ໃຫ້ເປັນຄູຝຶກສອນຄົນລາວຜູ້ທໍາອິດທີ່ໄດ້ຮັບສິດໃນການສອນລະດັບ B ‘’ AFC B Diploma ‘’ ຮ່ວມກັບ ທ່ານ Mohammad Herman B Zailani ຫົວໜ້າວຽກງານພັດທະນາຄູຝຶກ ສຕລ ແລະ ມີຜູ້ຊ່ວຍຝຶກສອນຄືທ່ານ ຄຳໃສ ຈັນທະວົງ .

            ສຳລັບແຜນການຝຶກອົບຮົມຄູຝຶກ ລະດັບ B ‘’ AFC B Diploma ‘’ ໃນປີ2025 ແມ່ນຈະເລີ່ມຈັດຂື້ນເປັນ3 ເປັນໄລຍະຄື: ໄລຍະທີ 1 ວັນທີ 12-16 ພຶດສະພາ 2025, ໄລຍະທີ 2 ວັນທີ 09-15 ມິຖຸນາ 2025 ແລະ ໄລຍະທີ 3 ວັນທີ 01-07 ກັນຍາ 2025. ປະຫວັດການເຄື່ອນໄຫວຂອງທ່ານ ວົງມີໄຊ ສຸບົວຄຳ ແມ່ນເຄີຍເປັນນັກກິລາ ທີມຊາດລາວໄດ້ອັນດັບ 1 ໃນຮຸ່ນອາຍຸ 14 ປີ ຮຸ່ນດຽວກັບ ກັນລະຍາ ສີສົມຫວັງ, ເລີ່ມເຂົ້າເຮັດວຽກຢູ່ທີ່ ສະຫະພັນບານເຕະແຫ່ງຊາດລາວ ໃນປີ 2011, ເປັນຜູ້ຊ່ວຍຄູຝຶກ ທີມຊາດລາວ ຊຸດໃຫຍ່, ຊຸດເຍົາວະຊົນ ແລະ ຫົວຫນ້າຄູຝຶກ ທີມບານເຕະຍິງ ຊຸດເຍົາວະຊົນ ແລະ ຊຸດໃຫຍ່.

            ການພັດທະນາບຸກຄະລາກອນພາຍໃນ, ສຕລ ຍາມໃດກໍເນັ້ນວິໄສທັດສົ່ງເສີມໃຫ້ບຸກຄະລາກອນລາວໄດ້ຍົກລະດັບຄວາມຮູ້, ຄວາມສາມາດ ໃນວຽກງານວິຊາສະເພາະຂອງຕົນ ໂດຍການສົ່ງຄູຝຶກລາວເຂົ້າຮ່ວມຮຽນຫຼັກສູດຕ່າງໆ ຂອງ FIFA ແລະ AFC. ນອກນັ້ນ ຍັງໄດ້ສົ່ງເສີມໃຫ້ບັນດາຄູຝຶກລາວໄດ້ພັດທະນາຂີດຄວາມສາມາດໃຫ້ກາຍເປັນຜູ້ຝຶກສອນການອົບຮົມຄູຝຶກລະດັບ C, B ຂອງ AFC ຕາມລໍາດັບ .

        ສະຫະພັນບານເຕະແຫ່ງຊາດລາວ( ສຕລ) ໄດ້ຈັດພິທີເປີດການຝຶກອົບຮົມຍົກລະດັບກຳມະການຕັດສິນ ຟຸດຊໍລາວ ໃນຕອນເຊົ້າ ວັນທີ 22 ເມສາ 2025 ທີ່ຫ້ອງປະຊຸມ ສຕລ,ໂດຍໃຫ້ກຽດເຂົ້າຮ່ວມພິທີເປິດຂອງ ທ່ານ ຄຳແພງ ວົງຂັນຕີ ຮອງປະທານສຕລ,ທັງເປັນຫົວຫນ້າອະນຸກຳມະການຕັດສິນ ສຕລ. ການຝຶກອົບຮົມໃນຄັ້ງນີ້ແມ່ນເພື່ອຈຸດປະສົງກຽມຄວາມພ້ອມໃຫ້ແກ່ການແຂ່ງຂັນຟຸດຊໍລາວລີກ 2025 ທີ່ຈະເປີດຂື້ນຢ່າງເປັນທາງການໃນວັນທີ 26 ເມສາ 2025 ນີ້.

        ໄລຍະການຝຶກອົບຮົມເປັນເວລາ 3 ມື້ ( 22 – 24 ເມສາ 2025) ຜູ້ເຂົ້າຮ່ວມຈະໄດ້ຮຽນຮູ້ທາງດ້ານກົດລະບຽບກະຕິກກາໃໝ່ຂອງກິລາບານເຕະຟຸດຊໍສະບັບປັບປຸງຂອງFIFA ແລະ ມີການທົດສອບພາລະກຳລັງພ້ອມດ້ວຍການ ສອບເສັງຄວາມຮູ້ດ້ານທິດສະດີ.

         ທ່ານ ຄຳແພງ ວົງຂັນຕີ ໄດ້ຍົກໃຫ້ເຫັນຄວາມໝາຍແລະຄວາມສຳຄັນຂອງການຝຶກອົບຮົມແລະເນັ້ນໃຫ້ຜູ້ເຂົ້າຮວ່ມຕັ້ງໃຈໃນການຮຽນ,ພ້ອມປະຕິບັດລະບຽບຂອງການຮຽນໃຫ້ເຄັ່ງຄັດ,ປາສະຈາກຂໍ້ຜິດພາດທີ່ອາດຈະເກີດຂຶ້ນ ເພື່ອກຽມຄວາມພ້ອມຕັດສິນ ການແຂ່ງຂັນ ລາວ ຟຸດຊໍ ລີກ 2025 ທີ່ຈະເປີດຂຶ້ນໃນອາທິດນີ້ດວ້ຍຜົນສຳເລັດ.ເຂົ້າຮວ່ມໃນກອງປະຊຸມຍັງມີ ທ່ານ ຄຳປະສົງ ໄຊຍະວິງ ຜູ້ຮັບຜິດຊອບກໍາມະການຕັດສິນຟຸດຊໍ ທັງເປັນຜູ້ຝຶກສອນ ພ້ອມດ້ວຍຜູ້ປະເມີນກໍາມະການຕັດສິນ ແລະ ສໍາມະນາກອນ 18 ທ່ານ.

ການແຂ່ງຂັນ ລາວ ຟຸດຊໍ ລີກ ປະຈຳປີ 2025 (LAO FUTSAL LEAGUE 2025) ໂດຍຈະເລີ່ມແຂ່ງຂັນໃນວັນທີ 26 ເມສາ ຫາ 26 ກໍລະກົດ 2025,ໂດຍຈະນໍາໃຊ້ສະຫນາມກິລາຟຸດຊໍຂອງ ສຕລ ເປັນສະຫນາມແຂ່ງຂັນ ກຳນົດເອົາ 12 ທີມເຂົ້າຮ່ວມການແຂ່ງຂັນ ປະກອບມີ:

1. ເບ ສະຫວັນ ( ແຊ້ມເກົ່າ )

2. ຄິງດ້ອມ & ເອັສທີທີ ເອັຟຊີ

3. ເຫນືອ - ໃຕ້

4. ຊີທີເອ ພາວເວີ້

5. ນະຄອນຫຼວງ

6. ວີເຊີນ ຢູໄນເຕັດ

7. ອາສາ ພາວເວີ້

8. ເຄເອັມທີ ເອັຟຊີ

9.ຈັນສີ

10. ລະຊະຕະ

11. ວີພີຊີ ເອັຟຊີ

12. ມະຫາວິທະຍາໄລວິທະຍາສາດສຸຂະພາບ

ສຳລັບຮູບແບບການແຂ່ງຂັນຄັ້ງນີ້ແມ່ນແຂ່ງຂັນແບບລີກພົບກັນຫມົດ 1 ຮອບ ສະສົມຄະແນນ,ແລ້ວຄັດເລືອກເອົາສະໂມສອນ ອັນດັບ 1 ແລະ 2 ເຂົ້າຮອບ 4 ທີມໂດຍອັດຕະໂນມັດ ສ່ວນອັນດັບ 3-6 ແມ່ນປະຄົບຄູ່ແຂ່ງຂັນຮອບຕົກແລ້ວຄັດອອກ( Play-off) ນັດດຽວ.ສວ່ນສະໂມສອນ ທີ່ຊະນະຈະໄດ້ຜ່ານເຂົ້າສູ່ຮອບ 4 ທີມ ໂດຍຈະພົບກັບທີມອັນດັບ 1 ແລະ ອັນດັບ 2 ທີ່ເປັນທີມຢືນ, ຮອບ 4 ທີມ ແລະ ຮອບຊີງຊະນະເລີດ ຕາມລຳດັບ . ສ່ວນເງິນລາງວັນຊະນະເລີດ ແມ່ນຈະໄດ້ຮັບເງິນ 50 ລ້ານກີບ, ຮອງຊະນະເລີດ ອັນດັບ 1 ໄດ້ຮັບເງິນ 25 ລ້ານກີບ ແລະ ຮອງຊະນະເລີດອັນດັບ 2 ໄດ້ຮັບເງິນ 10 ລ້ານກີບ ຂະນະທີ່ລາງວັນປະເພດບຸກຄົນ ມີລາງວັນຜູ້ຮັກສາປະຕູດີເດັ່ນ, ລາງວັນນັກກິລາດີເດັ່ນ, ລາງວັນຄູຝຶກດີເດັ່ນ ແລະ ລາງວັນຜູ້ຍິງປະຕູສູງສຸດ.

ສະໂມສອນ ທີ່ຊະນະເລີດຈະຄວ້າສິດເປັນຕົວແທນສະໂມສອນ ຈາກ ສປປລາວ ເຂົ້າຮ່ວມລາຍການພາກພື້ນ ແລະ ສາກົນ.​

ເຊີນຊົມແລະເຊຍທິມທີ່ຕົນເອງມັກ,ໂດຍຈະເລີ່ມແຂ່ງຂັນໃນວັນທີ 26 ເມສາ ຫາ 26 ກໍລະກົດ 2025ນີ້. ຢ່າລືມ,ຢ່າພາດ ຫາໂອກາດໄປເຊຍແລະໄປຊົມຕິດຂອບສະໜາມນຳກັນ

          ໃນການແຂ່ງຂັນບານເຕະຊີງແຊ້ມອາຊີ ຮຸ່ນອາຍຸບໍ່ເກີນ 17 ປີຫຼືU17 ປີ2025 ສະຫະພັນບານເຕະອາຊີ ( AFC ) ໄດ້ເຊື້ອເຊີນທ່ານ ຈັນທະວົງ ສິລິມະໂນທຳ ຮອງເລຂາທິການ ສະຫະພັນບານເຕະແຫ່ງຊາດລາວ(ສຕລ)ເຂົ້າຮ່ວມໃນຮອບສຸດທ້າຍຢູ່ທີ່ປະເທດຊາອຸດິ ອາຣັບບີ ໃນຖານະຜູ້ຄວບຄຸມການແຂ່ງຂັນລາຍການດັ່ງກ່າວນີ້,ທັງໄດ້ເປັນຜູ້ຄວບຄຸມການແຂ່ງຂັນທັງຫມົດ 9 ນັດ ເຊິ່ງເປັນຄັ້ງທຳອິດຂອງທ່ານ ຈັນທະວົງ ສິລິມະໂນທຳທີ່ໄດ້ຮັບຫນ້າທີ່ອັນຊົງກຽດນີ້ ພາຍຫຼັງທີ່ສາມາດຜ່ານການຄັດເລືອກເປັນຜູ້ຄວບຄຸມການແຂ່ງຂັນລະດັບອາຊີ( AFC Match Commissioners) ໃນທ້າຍປີຜ່ານມາ ເຊິ່ງເປັນຜູ້ຄວບຄຸມການແຂ່ງຂັນລະດັບອາຊີ ຄົນທີ 2 ຂອງ ສປປລາວ ຕໍ່ຈາກ ທ່ານ ນາງ ກັນຍາ ແກ້ວມະນີທີ່ເປັນເລຂາທິການສຕລໃນເວລານັ້ນແລະເປັນຮອງປະທານສຕລໃນປັດຈຸບັນ.

          ຜົນການແຂ່ງຂັນຄັ້ງນີ້ແມ່ນໄດ້ຈົບລົງຢ່າງສວຍງາມ ໂດຍນັດຊີງຊະນະເລີດ ທີມຊາດ ອຸສເບກິສຖານ ເອົາຊະນະ ທີມຊາດຊາອຸດິອາຣັບບີ 2-0.

         ຕໍ່ປະສົບການດັ່ງກ່າວ, ທ່ານ ຈັນທະວົງ ສິລິມະໂນທຳ ໄດ້ກ່າວວ່າ : ’’ ຮູ້ສຶກເປັນກຽດທີ່ໄດ້ຖືກແຕ່ງຕັ້ງຈາກ ສະຫະພັນບານເຕະອາຊີ ໃນການເປັນຜູ້ຄວບຄຸມການແຂ່ງຂັນໃນລາຍການດັ່ງກ່າວນີ້, ຮູ້ສຶກປະທັບໃຈທີ່ໄດ້ເປັນສ່ວນຫນຶ່ງຕາງຫນ້າໃຫ້ ສປປລາວ ກໍຄື ສະຫະພັນບານເຕະແຫ່ງຊາດລາວ ແລະ ປະສົບການທີ່ດີ ທີ່ໄດ້ຮັບຄວາມຮູ້ໃຫມ່ໆໃນຫລາຍດ້ານທີ່ຈະມານຳແບ່ງປັນ, ເຜີຍແຜ່ ການແຂ່ງຂັນພາຍໃນ ຂອງ ສະຫະພັນບານເຕະແຫ່ງຊາດລາວ, ຂໍຂອບໃຈມາຍັງ ສະຫະພັນບານເຕະອາຊີ ແລະ ສະຫະພັນບານເຕະແຫ່ງຊາດລາວ ທີ່ເປີດໂອໃຫ້ໄດ້ມີສ່ວນຮ່ວມໃນລາຍການໃຫຍ່ຂອງລະດັບອາຊີ, ຫວັງວ່າໂອກາດຫນ້າຈະໄດ້ຖືກແຕ່ງຕັ້ງເຂົ້າຮ່ວມລາຍການອື່ນໆຕື່ມອີກ ບໍ່ວ່າຈະເປັນການແຂ່ງຂັນລະດັບອາຊຽນ, ອາຊີ ແລະ ລະດັບໂລກ ໃນຕໍ່ຫນ້າ ‘’.

          ມາຮອດປັດຈຸບັນ,ສຕລ ໄດ້ສືບຕໍ່ສ້າງບຸກຄະລາກອນພາຍໃນໃຫ້ມີໂອກາດປະກອບສ່ວນໃນການແຂ່ງຂັນລະດັບພາກພື້ນແລະສາກົນ,ເຊິ່ງໃນປີ 2024 ກໍ່ໄດ້ສົ່ງ ທ່ານ ສັນຕິກອນ ແສງດາລາ, ຫົວໜ້າພະແນກຈັດການແຂ່ງຂັນ ໄປປະຕິບັດໜ້າທີ່ໃນການແຂ່ງຂັນບານເຕະ ຊິງແຊ້ມອາຊີ AFC Asian Cup ທີ່ປະເທດກາຕ້າ, ທ່ານ ນາງ ພຸດສະຫວັນ ຈັນທະວົງ, ກໍາມະການຕັດສິນລະດັບ AFC Elite ເຂົ້າຮ່ວມການແຂ່ງຂັນຂອງ AFC ຫຼາຍລາຍການ ແລະ ທ່ານ ປາດຖະໜາ ຂັນຕິຍະວົງ, ຫົວໜ້າຝ່າຍພົວພັນຕ່າງປະເທດ ທັງເປັນຜູ້ຮັບຜິດຊອບການປົກປ້ອງສິດທິເດັກນ້ອຍ ຂອງສະຫະພັນບານເຕະແຫ່ງຊາດລາວ ເຂົ້າຮ່ວມ ການແຂ່ງຂັນ ຟຸດຊໍ ຊິງແຊ້ມໂລກ 2024 ທີ່ປະເທດອຸສເບກິສຖານ ຮັບຜິດຊອບໜ້າທີ່ຊ່ວຍພິທີການໃນສະໜາມແຂ່ງຂັນ.

KUALA LUMPUR, 9 April 2025 - The ASEAN Football Federation (AFF) proudly announces that Coach Kim Sang-sik, the highly respected and championship-winning head coach of Vietnam’s national football team, will take the helm of the ASEAN All-Stars Team in the upcoming Maybank Challenge Cup - a historic international friendly against Manchester United Football Club, scheduled for 28 May 2025 at Bukit Jalil National Stadium, Malaysia.

This is more than just a football match - it is a celebration of leadership, regional pride, and unity through sport.

Coach Kim’s leadership is built on integrity, discipline, and vision. After guiding Vietnam to an undefeated campaign and championship title at the 2024 ASEAN Mitsubishi Electric Cup, his appointment to lead the ASEAN All-Stars Team is a clear reflection of his excellence and the deep trust he has earned across the footballing community.

“It’s an honor to lead the best players from across ASEAN in a match of this magnitude,” said Coach Kim Sang-sik.

“We are not just representing our nations—we are showing the world the pride, spirit, and strength of our region.”

In what will be Manchester United’s first appearance in Malaysia in 16 years, the event is expected to draw tens of thousands of fans, bring together diverse cultures, and highlight the growing passion and progress of football in the ASEAN region.

Equally important, this match carries a deeper purpose—it will also serve as a fundraising initiative in support of the Al-Sultan Abdullah Foundation (YASA), a respected charitable organisation in Malaysia, underscoring AFF’s commitment to making a positive impact beyond the pitch.

AFF President Major General Khiev Sameth commented:

“Coach Kim is a symbol of progress and professionalism. His leadership will inspire not just our players, but an entire generation of footballers and fans.

This match is a moment of pride for our region, and a reminder that football can truly uplift lives.

On behalf of the AFF, I would also like to express our heartfelt appreciation to ProEvents for their instrumental role in organising this match, to the Football Association of Malaysia (FAM) for their unwavering support and partnership as the host Member Association, and to Maybank for their generous title sponsorship. Their collective contributions have been vital in bringing this extraordinary event to life.”

The ASEAN All-Stars Team will feature top players selected from all 12 AFF Member Associations, reflecting the diversity and collective strength of Southeast Asian football.

With the support of ProEvents, the Football Association of Malaysia (FAM), and title sponsor Maybank, the Maybank Challenge Cup promises to be one of the most meaningful and unforgettable sporting events of the year.

For Media Inquiries:

Dhinnesh Kumaran

dhinne

       ສະຫະພັນບານເຕະແຫ່ງຊາດລາວ( ສຕລ) ໄດ້ສຳເລັດການຝຶກອົບຮົມຄູຝຶກກິລາບານເຕະລະດັບຊີ(C)ໃຫ້ແກ່ຜູ້ເຂົ້າຮວ່ມເມື່ອວັນທີ 04 ເມສາ 2025ທີ່ຫ້ອງປະຊຸມ ສຕລ,ໃຫ້ກຽດເຂົ້າຮວ່ມ ມີ ທ່ານ ດຣ ໄຊຊະນະ ທອງຄຳຈັນ ຄະນະບໍລິຫານງານ ສຕລ, ທັງເປັນຫົວຫນ້າອະນຸກຳມະການເຕັກນິກ - ວິທະຍາ ສຕລ.

     ໃນໂອກາດດັ່ງກ່າວ ທ່ານ ດຣ ໄຊຊະນະ ທອງຄໍາຈັນ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດຂອງການຝຶກອົບຮົມຄັ້ງນີ້,ເຖິງວ່າຈະເປັນໄລຍະເວລາສັ້ນ,ແຕ່ດວ້ຍຄວາມເອົາໃຈໃສ່ຂອງຄູຝຶກສອນແລະການຕັ້ງໃຈຮັບເອົາບົດຮຽນຂອງຜູ້ເຂົ້າຮວ່ມຈິ່ງເຮັດໃຫ້ການຝຶກອົບຮົມສຳເລັດຕາມຈຸດປະສົງທີ່ໄດ້ກຳນົດໄວ້, ຢ່າງໃດກໍຕາມທ່ານ ດຣ ໄຊຊະນະ ທອງຄຳຈັນ ໄດ້ຮຽກຮ້ອງໃຫ້ຜູ້ເຂົ້າຮວ່ມຈົ່ງນຳໃຊ້ບົດຮຽນທີ່ໄດ້ຮຽນມາໄປພັດທະນານຳໃຊ້ແລະຮຽນຮູ້ແລກປ່ຽນບົດຮຽນ,ປະສົບການນຳກັນ ໃນການເອົາໄປນໍາໃຊ້ໃຫ້ເກີດປະໂຫຍດຫຼາຍເທົ່າທີ່ຈະຫຼາຍໄດ້ເພື່ອພ້ອມກັນພັດທະນາວົງການບານເຕະລາວໃຫ້ດີຂື້ນໄປເລື້ອຍໆ.

       ໄລຍະການຝຶກອົບຮົມສຳມະກອນຈໍານວນ 24 ທ່ານ ເປັນຍິງ 3 ທ່ານ, ຈາກປະເທດໄທ 6 ທ່ານໄດ້ຮຽນຮູ້ທັງພາກທິດສະດີ ແລະ ການປະຕິບັດຕົວຈິງຢູ່ສະໜາມ, ໂດຍມີການສອບເສັງ 6 ຄັ້ງ ( ຕົວຈິງ 3 ຄັ້ງ ແລະ ທິດສະດີ 2 ຄັ້ງ ແລະ ເສັງກໍາມະການ 1 ຄັ້ງ ),ໃນນັ້ນ,ຜູ້ເຂົ້າຮ່ວມໄດ້ຮຽນຮູ້ກ່ຽວກັບ ການພັດທະນາຄູຝຶກ, ຄວາມຕ້ອງການຄູຝຶກຂອງ AFC, ພາລະບົດບາດ ແລະ ໜ້າທີຮັບຜິດຊອບ, ເຕັກນິກ ແລະ ຍຸດທະວິທີຂອງການເຕະບານ, ຄວາມສຳພັນກັບບານ, ການສົ່ງບານ, ການຈັບບານ, ການຍິງບານ, ຫຼັກການຂອງການຝຶກສອນ, ບານເຕະຟຸດຊໍ, ກະຕິກາຂອງກິລາບານເຕະ, ອາຫານ ແລະ ສຸຂະພາບ, ການຝຶກແອບຂອງນັກກິລາ, ການວາງແຜນ, ບົດບາດສຳຄັນຂອງຜູ້ຮັກສາປະຕູ, ການຈະເລີນເຕີບໃຫຍ່ ແລະ ການປະຖົມພະຍາບານ, ແນະນຳພາກປະຕິບັດກິດຈະກຳບານເຕະພື້ນຖານ, ການຫຼີ້ນບານໃນເກມແລະອື່ນໆ.

           ສຳລັບການຝຶກອົບຮົມແມ່ນໄດ້ດຳເນີນໄປ 2 ໄລຍະ ຄື: ໄລຍະທີ 1 ວັນທີ 17 – 21 ກຸມພາ 2025 ແລະ ໄລຍະທີ 2 ວັນທີ 31 ມີນາ ຫາ 04 ເມສາ 2025. ໃນຕອນທ້າຍພິທີຍັງມີການມອບໃບຢັ້ງຢືນໃຫ້ກັບຜູ້ເຂົ້າຮ່ວມຝຶກອົບຮົມ ທັງ24ທ່ານ.

ເຂົ້າຮວ່ມພິທີຍັງມີທ່ານ ຊຸນດຣໍາ ມູນຕີ (Sundram Moorthy) ຫົວໜ້າພະແນກເຕັກນິກ - ວິທະຍາ ສຕລ, ທ່ານ ວົງມີໄຊ ສຸບົວຄຳ ຜູ້ຝຶກສອນຫຼັກຈາກ ສຕລ, ສ່ວນຜົນການຝຶກອົບຮົມຄູຝຶກກິລາບານເຕະລະດັບຊີ(C) ແມ່ນຈະແຈ້ງໃຫ້ຮັບຊາບຕາມພາຍຫຼັງ.ສໍາລັບແຜນການຝຶກອົບຮົມຄູຝຶກກິລາບານເຕະລະດັບຊີ(C) ຄັ້ງຕໍ່ໄປແມ່ນຈະຈັດຢູ່ແຂວງສະຫວັນນະເຂດລະຫວ່າງ ວັນທີ 19-30 ພຶດສະພາ 2025.

ສະຫະພັນບານເຕະແຫ່ງຊາດລາວ(ສຕລ) ໄດ້ແຕ່ງຕັ້ງ ທ່ານ ຈອງ ຊອງ ຊົນ(Jong Song-chon)ອາຍຸ 53 ປີ ສັນຊາດ ສ.ເກົາຫລີ ຮັບຫນ້າທີ່ເປັນ ຫົວຫນ້າຄູຝຶກບານເຕະຍິງທີມຊາດລາວຄົນໃຫມ່.ສໍາລັບປະຫວັດ ຂອງ ທ່ານ ຈອງ ຊອງ ຊົນ ເກີດ ວັນທີ 30 ພຶດສະພາ 1971 ມີໃບປະກາດ AFC/KFA Pro License ອະດີດນັກກິລາ ທີມຊາດ ສ.ເກົາຫລີ ຮຸ່ນອາຍຸບໍ່ເກີນ 23 ປີຫຼື U23 ແລະມີຜົນງານການຄຸມທີມ ຄື:

- ປີ 2002 – 2005 ເປັນຜູ້ຊ່ວຍຄູຝຶກ ສະໂມສອນ Geoje U18

- ປີ 2005 – 2010 ເປັນຫົວຫນ້າຄູຝຶກ ສະໂມສອນ Geoje U18

- ປີ 2010 ເປັນຜູ້ຊ່ວຍ ຄູຝຶກ ທີມຊາດ ສ.ເກົາຫລີ ບານເຕະຍິງ U20

- ປີ 2010 – 2018 ເປັນຜູ້ຊ່ວຍຄູຝຶກ ທີມຊາດ ສ. ເກົາຫລີ ບານເຕະຍິງU20

- ປີ 2012 – 2018 ເປັນຫົວຫນ້າຄູຝຶກ ທີມຊາດ ສ.ເກົາຫລີ ຮຸ່ນU20

- ປີ 2018 – 2019 ເປັນຫົວຫນ້າຄູຝຶກ ສະໂມສອນ Sungkyunkwan University

- ປີ 2020 – 2021 ເປັນຫົວຫນ້າຄູຝຶກ ສະໂມສອນ Incheon Hyundai Steel Red Angels, WK League

- ປີ 2021 – 2022 ເປັນຫົວຫນ້າຄູຝຶກ ສະໂມສອນ Ha Noi Women’s Football Club ປະເທດຫວຽດນາມ ພາລະກິດຫຼັກໃນການມາຄຸມທິມຂອງ ທ່ານ ຈອງ ຊອງ ຊົນ ແມ່ນການກຽມທີມຊາດຍິງລາວ ຊຸດໃຫຍ່ ເຂົ້າຮ່ວມ ການແຂ່ງຂັນບານເຕະ ຍິງຊີງແຊ້ມອາຊີ ຮອບຄັດເລືອກ 2026 AFC Women’s Asian Cup 2026 Qualifiers ທີມບານເຕະຍິງທີມຊາດລາວ ຢູ່ ກຸ່ມ F ຮ່ວມກັບ ອຸດເບກິສຖານ ( ເຈົ້າພາບ ຮອບຄັດເລືອກ ), ເນປານ, ລາວ ແລະ ສີລັງກາ ໂດຍຈະແຂ່ງຂັນໃນລະຫວ່າງ ວັນທີ 23 ມິຖຸນາ ຫາ 5 ກໍລະກົດ 2025

  ຕາຕະລາງການແຂ່ງຂັນ ທີມຊາດລາວ

- ນັດທີ 1 ວັນທີ 29/6/2025ທີມຊາດເນປານ ພົບ ທີມຊາດລາວ

- ນັດທີ 2 ວັນທີ 02/07/2025 ທິມຊາດລາວ ພົບ ທີມຊາດອຸດເບກິສຖານ

- ນັດທີ 3 ວັນທີ 05/07/2025 ທີມຊາດລາວ ພົບ ທີມຊາດສີລັງກາ

 ທີມບານເຕະຍິງທີມຊາດລາວ ແມ່ນຈະເລີ່ມເກັບຕົວຝຶກຊ້ອມໃນໄລຍະທີ 1 ແມ່ນວັນທີ 01 - 11 ເມສາ 2025. 

AFC Grassroots Charter ເປັນໂຄງການຂອງ ສະຫະພັນບານເຕະເອຊີ (AFC) ທີ່ສ້າງຂຶ້ນເພື່ອສົ່ງເສີມ ແລະ ຍົກລະດັບການພັດທະນາບານເຕະໃນທຸກລະດັບ, ໂດຍເນັ້ນໃຫ້ຄວາມສຳຄັນກັບການພັດທະນາບານເຕະຂັ້ນພື້ນຖານ ສຳລັບບັນດາປະເທດສະມາຊິກຂອງ ສະຫະພັນບານເຕະອາຊີ (AFC), ໂດຍທາງ ສະຫະພັນບານເຕະອາຊີ (AFC) ໄດ້ແບ່ງອອກເປັນ 3 ປະເພດ ຄື:

1. ປະເພດຫລຽນຄຳ (Gold Level Membership)

2. ປະເພດຫຼຽນເງິນ (Silver Level Membership)

3. ປະເພດຫຼຽນທອງ (Bronze Level Membership)

ສະຫະພັນບານເຕະແຫ່ງຊາດລາວ ແມ່ນໄດ້ຮັບລາງວັນດັ່ງກ່າວປະເພດຫລຽນທອງ (Bronze Level Members) ແຕ່ ໃນປີ 2019 ແລະ ໄດ້ຮັບການເລື່ອນເປັນປະເພດຫຼຽນເງິນ (Silver Level Membership) ໃນ ປີ 2025. ເຊິ່ງໃນປັດຈຸບັນມີປະເທດສະມາຊິກຂອງ ສະຫະພັນບານເຕະອາຊີ AFC 10 ກວ່າປະເທດ ທີ່ໄດ້ຮັບການຈັດຢູ່ປະເພດຫຼຽນເງິນ ເຊິ່ງໃນນັ້ນລວມມີ ສ ປ ປ ລາວ ທີ່ໄດ້ຮັບໃນ ປີ 2025 ນີ້.

ໃນລະຫວ່າງ ວັນທີ 14 – 16 ມີນາ 2025, ກ່ອນທີ່ ສະຫະພັນບານເຕະແຫ່ງຊາດລາວ ໄດ້ຮັບ ການເລື່ອນລຳດັບຈາກປະເພດ ຫຼຽນທອງ (Bronze Level Membership) ເປັນປະເພດຫຼຽນເງິນ (Silver Level Membership) ສະຫະພັນບານເຕະແຫ່ງຊາດລາວ ໄດ້ມີໂອກາດຕ້ອນຮັບ ຄະນະກຳມະການຈາກ ສະຫະພັນບານເຕະອາຊີ (AFC Grassroots Panel) ທີ່ເດີນທາງມາເພື່ອປະເມີນ ແລະ ຕີລາຄາ ແນວທາງການພັດທະນາບານເຕະຂັ້້ນພື້ນຖານຂອງສະຫະພັນບານເຕະແຫ່ງຊາດລາວ ແລະ ລວມໄປເຖິງການເຄື່ອນໄຫວກິລາບານເຕະຂັ້້ນພື້ນຖານຢູ່ ສ ປ ປ ລາວ.

ການທີ່ ສ ປ ປ ລາວ ກໍຄື ສະຫະພັນບານເຕະແຫ່ງຊາດລາວ (ສຕລ) ໄດ້ຮັບລາງວັນປະເພດຫຼຽນເງິນໃນຄັ້ງນີ້ແມ່ນສະຫະພັນບານເຕະອາຊີ AFC ເຫັນໄດ້ເຖິງຄວາມພະຍາຍາມ ແລະ ຄວາມເອົາໃຈໃສ່ຂອງ ສຕລ ແລະ ທົ່ວສັງຄົມລາວທີ່ມີການພັດທະນາກິລາບານເຕະຂັ້ນພຶ້ນຖານຢ່າງຕໍ່ເນື່ອງ ແລະ ເປັນໂຄງສ້າງ. ຕະຫຼອດໄລຍະທີ່ຜ່ານມາແມ່ນມີຜົນງານຢ່າງພົ້ນເດັ່ນ,ໂດຍສະເພາະແມ່ນໄດ້ເອົາໃຈໃສ່ໃນການພັດທະນາກິລາບານເຕະຂັ້ນພຶ້ນຖານໂດຍຜ່ານກິດຈະກຳ ແລະ ບັນດາໂຄງການຕ່າງໆເຊັ່ນ:ການສ້າງ ສູນພັດທະນາກິລາບານເຕະ ຈຳປີ - ຈຳປາ , ການຈັດການແຂ່ງຂັນບານເຕະໃນຮຸ່ນເຍົາວະຊົນ ຍິງ-ຊາຍ, ການໄປຝຶກສອນກິລາບານເຕະ ແລະ ເຮັດກິດຈະກຳໃຫ້ກັບເດັກນ້ອຍຢູ່ທ້ອງຖິ່ນ ແລະ ໂຮງຮຽນທີ່ຫຼາຍຂຶ້ນ,ໂດຍນໍາໃຊ້ ຫຼັກການສິດສອນຂອງ ສຕລ ທີ່ຜ່ານການສຶກສາຄົ້ນຄວ້າຈາກການນໍາຊ່ຽວຊານ ແລະ ຜູ້ຝຶກສອນທີ່ໄດ້ຮັບການຝຶກອົບຮົມເປັນຢ່າງດີ, ເຊິ່ງໂຄງການທັງໝົດແມ່ນໄດ້ປະຕິບັດຮ່ວມກັບກະຊວງສຶກສາທິການ ແລະ ກິລາ, ພະແນກສຶກສາທິການ-ກິລາແຂວງ ແລະ ສະຫະພັນບານເຕະແຂວງ ເຊິ່ງເປັນຄູ່ຮ່ວມງານຂອງສະຫະພັນບານເຕະແຫ່ງຊາດລາວດວ້ຍຜົນສຳເລັດ.

ສຳລັບໂຄງການບານເຕະຍິງກໍໄດ້ຮັບການເອົາໃຈໃສ່ຄຽງຄູ່ກັນ,ເຊິ່ງໄດ້ມີການຈັດການແຂ່ງຂັນ ແລະ ກິດຈະກຳບານເຕະ ເພື່ອສະຫຼອງວັນແມ່ຍິງສາກົນ ຮ່ວມກັບ ສະຫະພັນບານເຕະອາຊີ (AFC) ພາຍໃຕ້ໂຄງການ AFC Women’s Football Day, ກິດຈະກຳບານເຕະຍິງຮ່ວມກັບ ສະຫະພັນບານເຕະນານາຊາດ (FIFA) ພາຍໃຕ້ໂຄງການ FIFA Women’s Football Campaign, ແລະ ກິດຈະກໍາ ສະເຫຼີມສະຫຼອງວັນບານເຕະສໍາລັບລຸ້ນເຍົາວະຊົນ ພາຍໃຕ້ໂຄງການ AFC Grassroots Football Day. ບັນດາກິດຈະກໍາເຫຼົ່ານີ້ໄດ້ຊ່ວຍຊຸກຍູ້ໃຫ້ເຍົາວະຊົນລາວໄດ້ມີສ່ວນຮ່ວມ ແລະ ເຂົ້າຮ່ວມໃນກິລາບານເຕະເປັນຈໍານວນຫຼາຍຂຶ້ນ.

ພ້ອມດຽວກັນນີ້ ທ່ານ ວີເພັດ ສີຫາຈັກ, ປະທານ ສະຫະພັນບານເຕະແຫ່ງຊາດລາວ ໄດ້ກ່າວເຖິງການໄດ້ຮັບການເລື່ອນເປັນປະເພດ ຫຼຽນເງິນ ວ່າ “ໃນນາມຂອງສະຫະພັນບານເຕະແຫ່ງຊາດລາວ, ຂ້າພະເຈົ້າຮູ້ສຶກເປັນກຽດຢ່າງຍິ່ງທີ່ ສຕລ ໄດ້ຮັບການເລື່ອນລຳດັບຈາກ ປະເພດ ຫຼຽນທອງ ເປັນ ປະເພດ ຫຼຽນເງິນ ໃນຄັ້້ງນີ້, ເຊິ່ງມັນບໍ່ພຽງແຕ່ເປັນບາດກ້າວສຳຄັນຂອງສະຫະພັນບານເຕະຂອງພວກເຮົາ,ແຕ່ມັນສະແດງເຖິງຄວາມມຸ່ງໝັ້ນຂອງພວກເຮົາທີ່ມີພັດທະນາກິລາບານເຕະຂັ້ນພື້ນຖານຢູ່ໃນລາວຢ່າງຕໍ່ເນື່ອງ. ວຽກງານການພັດທະນາບານເຕະຂັ້້ນພື້ນຖານເປັນໜຶ່ງໃນວິໄສທັດຂອງພວກເຮົາ ທີ່ຢາກສ້າງແຮງບັນດານໃຈ ແລະ ປູກຝັງໃຫ້ກັບນັກກິລາຜູ້ທີ່ມີພອນສະຫວັນ, ປູກຝັງຄວາມຮັກມັກຕໍ່ກິລາລານເຕະ ເຊິ່ງຈະນຳໄປສູ່ການເປັນນັກກິລາບານເຕະຮຸ້ນສືບທອດໃນອານະຄົດ. ພວກເຮົາ ຂໍສະແດງຄວາມຂອບໃຈ ມາຍັງສະຫະພັນບານເຕະອາຊີ AFC ສໍາລັບການສະຫນັບສະຫນູນ ແລະ ທິດຊີ້ນໍາ ແລະ ຫວັງຢ່າງຍິ່ງວ່າຈະໄດ້ຮ່ວມກັນສືບຕໍ່ພັດທະນາກິລາບານເຕະໃນລາວຮ່ວມກັບສະຫະພັນບານເຕະອາຊີຕື່ມອີກ"

      ສະຫະພັນບານເຕະແຫ່ງຊາດລາວ(ສຕລ) ສົມທົບ ກັບພະແນກສຶກສາທິການ ແລະ ກິລາແຂວງຫົວພັນ ໄດ້ຈັດພິທີເປີດກິດຈະກຳໂຄງການກິລາບານເຕະໃນໂຮງຮຽນ FIFA FOOTBALL FOR SCHOOLS ຂື້ນເມື່ອຕອນເຊົ້າວັນທີ 27 ມີນາ 2025 ທີ່ສະໜາມກິລາບານເຕະ ເມືອງຊໍາເໜືອ,ໂດຍເປັນກຽດເຂົ້າຮ່ວມຂອງ ທ່ານ ດຣ ໄຊຊະນະ ທອງຄຳຈັນ ຄະນະບໍລິຫານງານ ສຕລ, ທ່ານ ສົມເພັດ ອິນທະສອນ ຮອງຫົວໜ້າພະແນກສຶກສາທິການ ແລະ ກິລາ ແຂວງແລະທ່ານ Soundram Moorthy ຫົວໜ້າພະແນກເຕັກນິກວິທະຍາຂອງ ສຕລ, ທ່ານ ພູຄຳ ກອງສີຫາລາດ ຮອງຫົວໜ້າພະແນກພະລະສຶກສາ ກົມກິລາມວນຊົນພະລະ ແລະ ສີລະປະສຶກສາ ກະຊວງສຶກສາທິການ ແລະ ກິລາ.

    ຈຸດປະສົງເພື່ອຍົກລະດັບຄວາມຮູ້ຄວາມສາມາດແລະວິທີສິດສອນກິລາບານເຕະໃຫ້ກັບຄູພະລະສຶກສາທົ່ວແຂວງຫົວພັນ ໄດ້ນໍາເອົາຫຼັກສູດແບບໃໝ່ຂອງກິລາບານເຕະໄປນໍາໃຊ້ຝຶກແອບຢູ່ບັນດາໂຮງຮຽນໃນທົ່ວແຂວງ, ເພື່ອເປັນການພັດທະນານັກກິລາບານເຕະລຸ້ນສືບທອດກໍ່ຄືລຸ້ນເຍົາວະຊົນທັງປະເພດຍິງ-ຊາຍໃຫ້ກ້າວສູ່ຄຸນນະພາບສຸງຂື້ນ.ໃນນັ້ນ,ລວມມີການແນະນໍາການຝຶກແອບນັກກິລາໃຫ້ຮູ້ປັບປຸງຄວາມສາມາດຂອງການຫຼີ້ນກິລາບານເຕະ,ຮູ້ທັກສະ,ມີໄຫວພິກໃນການຫຼີ້ນບານທີ່ຄ່ອງແຄ້ວ,ມີນໍ້າໃຈນັກກິລາ, ເປັນສູນກາງເຂົ້າເຖິງນັກກິລາ, ເປັນຈຸດສຸມຂອງການພັດທະນານັກກິລາເຍົາວະຊົນ ຍິງ-ຊາຍ ເພື່ອອະນາຄົດ ແລະ ເປັນເວທີສອນນັກກິລາໃຫ້ຫຼີ້ນຫຼາຍກ່ວາເພື່ອເອົາຊະນະ. ການເປີດໂຄງການກິລາບານເຕະໃນໂຮງຮຽນFIFA FOOTBALL FOR SCHOOLS ທີ່ແຂວງຫົວພັນຖືວ່າເປັນແຂວງທີ 4 ຖັດຈາກ ເຊກອງ, ບໍ່ແກ້ວ ແລະ ນະຄອນຫຼວງວຽງຈັນ.

ການຈັດກິດຈະກໍາໃນຄັ້ງນີ້ມີວິທະຍາກອນຈາກ ສຕລ,ຫົວໜ້າຂະແໜງກິລາກາຍະກໍາ, ຄູສອນພະລະສຶກສາ, ຄູສອນຊ່ວຍ, ຜູ້ຮັບຜິດຊອບວຽກງານກິລາໃນໂຮງຮຽນປະຖົມ ແລະ ມັດທະຍົມ ລວມທັງໝົດ 35 ທ່ານ ລວມທັງນ້ອງນັກຮຽນທັງຍິງແລະຊາຍ 100ຄົນເຂົ້າຮ່ວມ. ພາຍໃນງານ ສຕລ ຍັງໄດ້ມອບບານເຕະໃຫ້ບັນດາໂຮງຮຽນທີ່ເຂົ້າຮ່ວມອີກດ້ວຍ.

      ສະຫະພັນບານເຕະແຫ່ງຊາດລາວ( ສຕລ) ໄດ້ສຳເລັດການຝຶກອົບຮົມຄູຝຶກກິລາບານເຕະລະດັບຊີ(C)ໃຫ້ແກ່ຜູ້ເຂົ້າຮວ່ມເມື່ອວັນທີ 21 ມີນາ 2025 ທີ່ຜ່ານມາ ຢູ່ທີ່ຫ້ອງປະຊຸມພະແນກສຶກສາທິການແລະ ກິລາແຂວງສາລະວັນ,ໃຫ້ກຽດເຂົ້າຮວ່ມ ມີ ທ່ານ ທົງໄຊ ບຸນທິສະຫວັດ ຮອງຫົວຫນ້າພະແນກພະລັງງງານ ແລະ ບໍ່ແຮ່ ແຂວງສາລະວັນ.

     ໄລຍະການຝຶກອົບຮົມສຳມະກອນຈໍານວນ 24 ທ່ານ ທີ່ມາຈາກແຂວງສາລະວັນ 14 ທ່ານ, ນະຄອນຫຼວງ 4 ທ່ານ ແລະ ປະເທດໄທ 6 ທ່ານໄດ້ຮຽນຮູ້ທັງພາກທິດສະດີ ແລະ ການປະຕິບັດຕົວຈິງຢູ່ສະໜາມ, ໂດຍມີການສອບເສັງ 6 ຄັ້ງ ( ຕົວຈິງ 3 ຄັ້ງ ແລະ ທິດສະດີ 2 ຄັ້ງ ແລະ ເສັງກໍາມະການ 1 ຄັ້ງ ),ໃນນັ້ນ,ຜູ້ເຂົ້າຮ່ວມໄດ້ຮຽນຮູ້ກ່ຽວກັບ ການພັດທະນາຄູຝຶກ, ຄວາມຕ້ອງການຄູຝຶກຂອງ AFC, ພາລະບົດບາດ ແລະ ໜ້າທີຮັບຜິດຊອບ, ເຕັກນິກ ແລະ ຍຸດທະວິທີຂອງການເຕະບານ, ຄວາມສຳພັນກັບບານ, ການສົ່ງບານ, ການຈັບບານ, ການຍິງບານ, ຫຼັກການຂອງການຝຶກສອນ, ບານເຕະຟຸດຊໍ, ກະຕິກາຂອງກິລາບານເຕະ, ອາຫານ ແລະ ສຸຂະພາບ, ການຝຶກແອບຂອງນັກກິລາ, ການວາງແຜນ, ບົດບາດສຳຄັນຂອງຜູ້ຮັກສາປະຕູ, ການຈະເລີນເຕີບໃຫຍ່ ແລະ ການປະຖົມພະ ຍາບານ, ແນະນຳພາກປະຕິບັດກິດຈະກຳບານເຕະພື້ນຖານ, ການຫຼີ້ນບານໃນເກມແລະອື່ນໆ.

        ການຝຶກອົບຮົມແມ່ນໄດ້ດຳເນີນມາແຕ່ວັນທີ10-21 ມີນາ 2025.ເຂົ້າຮວ່ມພິທີຍັງມີທ່ານ ໂມຮໍາມັດ ເຮີມັນ ( Mohammad Herman B Zailani ) ຫົວໜ້າວຽກງານພັດທະນາຄູຝຶກ ສຕລ, ທ່ານ ວົງມີໄຊ ສຸບົວຄຳ ຜູ້ຝຶກສອນຫຼັກຈາກ ສຕລ ພ້ອມດ້ວຍຄະນະ.ສ່ວນຜົນການຝຶກອົບຮົມຄູຝຶກກິລາບານເຕະລະດັບຊີ(C) ແມ່ນຈະແຈ້ງໃຫ້ຮັບຊາບຕາມພາຍຫຼັງ.ສຳລັບແຜນການຝຶກອົບຮົມຄູຝຶກກິລາບານເຕະລະດັບຊີ(C) ຄັ້ງຕໍ່ໄປແມ່ນຈະຈັດຢູ່ແຂວງສະຫວັນນະເຂດລະຫວ່າງ ວັນທີ 19-30 ພຶດສະພາ 2025.

ເຟສບຸກຂອງ ສະໂມສອນບານເຕະ ເອສະຣາ ແລະ ສະໂມສອນ ສະໂມສອນບານເຕະ ແທັງຮວາ ລາຍງານໃຫ້ຮູ້ເມື່ອບໍ່ດົນມານີ້ວ່າ:ສະໂມສອນບານເຕະ ເອສະຣາ ແຊ້ມລີກສູງ ເປບຊີ ລາວລີກ 1 ລະດູການ 2024/2025 ແລະແຊ້ມລີກສູງສຸດຂອງລາວທີ່ຊະນະເລີດຂັນນາຍົກລັດ ຖະມົນຕີ ແຫ່ງ ສປປ ລາວ ລະດູການນີ້ໄດ້ບັນລຸຂໍ້ຕົກລົງແລະເຊັນສັນຍາກັບສະໂມສອນບານເຕະ ແທັງຮວາ (Thanh Hoa FC) ທີມໃນລີກສູງສຸດຂອງຫວຽດນາມ (V-League)ໃຫ້ດາໝົດ ທອງຄຳສະຫວັດ ( ແຮ໋ມ )ກອງກາງທີມຊາດລາວ ໄວ 20 ປີ ຂອງສະໂມສອນເອສະຣາໄປຫຼີ້ນໃຫ້ກັບສະໂມສອນບານເຕະ ແທັງຮວາ.

ດາຫມົດ ທອງຄຳສະຫວັດ ເກີດວັນທີ 03 ເມສາ 2004 ຢູ່ທີ່່ບ້ານຈັດສັນ ນະຄອນປາກເຊ ແຂວງຈຳປາສັກ, ລວງສູງ 175 ຊັງຕີແມັດ ແລະ ນໍ້າຫນັກ 61ກລ ຈຸດເລີ່ມຕົ້ນການເຕະບານຂອງ ດາຫມົດ ແມ່ນເລີ້ມຫລິ້ນເຕະບານໃນອາຍຸ 10 ປີ ໂດຍສະໂມສອນ ທຳອິດ ແມ່ນ ອາຄາເດີມີ ໄອດີຊີ ຈຳປາສັກ ອາຈານຄົນທຳອິດ ແມ່ນ ອຈ ຄຳຕັນ ປິ່ນແກ້ວ ແລະ ອຈ ແຂກ ວິລະສິດ ສຸນາແກ້ວວົງສາ ເປັນຜູ້ສິດສອນໃຫ້ຈົນກ້າວມາເປັນນັກກິລາທີມຊາດລາວ ໃນຮຸ່ນເຍົາວະຊົນ, ຈາກນັ້ນແມ່ນຕິດທີມປະສົມແຂວງຈຳປາສັກ ຊຸດເຂົ້າຮ່ວມ ການແຂ່ງຂັນບານເຕະ ເພື່ອຂໍ່ານັບຮັບຕ້ອນວັນຊາດ ທີ 2 ທັນວາ ຄົບຮອບ 45 ປີ ແມ່ນພາທີມແຂວງຈຳປາສັກ ຄວ້າແຊ້ມລາຍການດັ່ງກ່າວ, ຈາກນັ້ນໃນປີ 2021 – 2022 ແມ່ນຫລິ້້ນໃຫ້ກັບ ສະໂມສອນ ບານຕະຈຳປາສັກ ເຂົ້າຮ່ວມການແຂ່ງຂັນ ເປບຊີ ລາວລີກ 1 ແລະ ປີິ 2023 – 2025 ແມ່ນຍ້າຍມາຮ່ວມສະໂມສອນ ບານເຕະ ເອສະຣາ ໂດຍໃນລະດູການ 2024/2025 ຜົນງານເດັ່ນກັບຕົ້ນສັງກັດ ສາມາດຊ່ວຍທີມສ້າງປະຫວັດສາດຄວ້າ 2 ແຊ້ມໃນລະດູການນີ້ ພ້ອມຄວ້າລາງວັນນັກເຕະດີເດັ່ນຂອງ ລາວລີກ 1 ດ້ວຍຜົນງານ 7 ປະຕູ 4 ແອັສຊິສ.

 ສ່ວນຜົນງານລະດັບທີມຊາດລາວ ດາຫມົດ ຕິດທີມຊາດລາວໃນຫລາຍຮຸ່ນຄື: ຮຸ່ນອາຍຸບໍ່ເກີນ 16 ປີ, ຮຸ່ນອາຍຸບໍ່ເກີນ 19 ປີ ( ໄດ້ຮອງແຊ້ມອາຊຽນ ) , ຮຸ່ນອາຍຸບໍ່ເກີນ 23 ປີ ແລະ ຕິດທີມຊາດລາວ ຊຸດໃຫຍ່ ໃນປີ 2022.

  ດາຫມົດ ຍັງກ່າວຕື່ມວ່ານັດທີ່ປະທັບໃຈໃນການຫລິ້ນທີມຊາດລາວ ແມ່ນນັດຮອບຮອງຊະນະເລີດ ການແຂ່ງຂັນບານເຕະ ຊາຍຊີງແຊ້ມອາຊຽນ ຮູ່ນອາຍຸບໍ່ເກີນ 19 ປີ 2022 ຮອບຮອງຊະນະເລີດ ທີມຊາດລາວ ເອົາຊະນະ ທີມຊາດໄທ 2-0 ໂດຍນັດດັ່ງກ່າວຜູ້ກ່ຽວຍິງໄດ້ 1 ປະຕູ.

  ດາຫມົດ ທອງຄຳສະຫວັດ ໄດ້ກ່າວສະແດງຄວາມຮູ້ສຶກທີ່ໄດ້ຍ້າຍມາຮ່ວມ ສະໂມສອນບານເຕະ ແທັງຮວາ (Thanh Hoa FC) ທີມໃນລີກສູງສຸດຂອງຫວຽດນາມ (V-League) ວ່າ: ‘’ ຮູ້ສືກດີໃຈ ແລະ ເປັນຄວາມຝັນທີ່່ຢາກໄປເຕະຢູ່ລີກນອກປະເທດ ແລະ ເປັນອີກບາດກ້າວຫນື່ງສຳລັບຕົນເອງ ‘’

ດາໝົດ ຈະກາຍເປັນນັກເຕະບານຈາກລາວຄົນທຳອິດ ໄດ້ລົງຫລິ້ນໃນລີກສູງສຸດຂອງຫວຽດນາມ ຈະໄດ້ຊ່ວຍ ແທັງຮວາ ໃນຮອບຂາກັບຂອງ ວີລີກ ລະດູການນີ້ ປັດຈຸບັນ ແທັງຮວາ ຢູ່ອັນດັບທີ 4 ແຂ່ງ 16 ນັດ ມີ 26 ຄະແນນ ຕາມຫລັງ ນຳດິ່ງ ທີມນຳ 5 ຄະແນນ.