ທ່ານ ຮາ ຮອກ ຈູນ (HA HYEOKJUN) ຄູຝຶກ ທີມຊາດລາວ ສັນຊາດ ສ.ເກົາຫລີ ໄດ້ຈັດກອງປະຊຸມພາຍໃຕ້ຫົວຂໍ້:ສະກັດກັ້ນການລົ້ມບານ ໃຫ້ກັບຄະນະຄູຝຶກ ແລະ ນັກກິລາ,ເພື່ອເຜີຍແຜ່ແລະນຳສະເຫນີຜົນຮ້າຍຂອງການລ໋ອກສະກໍການແຂ່ງຂັນ,ກໍຄືສະກັດກັ້ນການລົ້ມບານບໍ່ໃຫ້ເກີດມີຂື້ນໃນທິມຊາດລາວ ພ້ອມທັງປຸກລະດົມໃຫ້ນັກກິລາມີຄວາມຮັກຊາດ, ເປັນຫູເປັນຕາຊ່ວຍກັນ ແລະ ປະກອບສ່ວນສະກັດກັ້ນບໍ່ໃຫ້ມີກໍລະນີນີ້ເກີດຂຶ້ນກັບທິມຊາດລາວ ຊຸດໃຫຍ່, ພ້ອມກະຕຸ້ນນັກກິລາທິມຊາດລາວຊຸດນີ້ວ່າ: ການໄດ້ຕິດທີມຊາດລາວເປັນກຽດສັກສີຂອງນັກກິລາ ໃນຖານະເປັນຕົວແທນຂອງຄົນລາວທົ່ວທັງປະເທດທີ່ຢາກເຫັນໄຊຊະນະຂອງ ທີມຊາດລາວ.

ການແຂ່ງຂັນບານເຕະນັດມິດຕະພາບ FIFA TIER 1 INTERNATIONAL FRIENDLY MATCH

📅 ວັນພະຫັດ 14/11/2024

⏰ ເວລາ 19:30

ທີມຊາດລາວ ພົບ ທີມຊາດມາເລເຊຍ

🏟️ ສະຫນາມກິລາ PAT STADIUM ປະເທດໄທ

📺 ຖ່າຍທອດສົດເຟສບຸກ ສະຫະພັນບານເຕະແຫ່ງຊາດລາວ

 ຊ່ອງທາງຕິດຕາມຂໍ້ມູນຂ່າວສານ:

 www.laoff.org.la

FB: ສະຫະພັນບານເຕະແຫ່ງຊາດລາວ Lao Football Federation

TikTok: Lff_official

IG: Lff_official

Youtube: LAOFF TV ສະຫະພັນບານເຕະແຫ່ງຊາດລາວ

#LAOFOOTBALLFEDERATION

#LAONATIONALTEAM

#INTERNATIONALFRIENDLYMATCH

ວັນທີ 11 ພະຈິກ 2024 ທີມຊາດລາວ ຊຸດໃຫຍ່ ພາຍໃຕ້ການຄຸມທີມຂອງ ທ່ານ ຮາ ຮອກ ຈູນ (HA HYEOKJUN) ຄູຝຶກ ທີມຊາດລາວ ສັນຊາດ ສ.ເກົາຫລີ ພ້ອມດ້ວຍຄະນະຄູຝຶກ ແລະ ນັກກິລາ ທີມຊາດລາວ ຊຸດໃຫຍ່ ອອກເດີນທາງໄປປະເທດໄທ ເພື່ອຝຶກຊ້ອມ ແລະ ອຸ່ນເຄື່ອງ 2 ນັດໃນລະຫວ່າງ ວັນທີ 11-18 ພະຈິກ 2024 ຕາມປະຕິທິນFiFA .

ສຳລັບນັກກິລາ 29 ຄົນທີ່ໄດຜ່ານການຄັດເລືອກ ມີລາຍຊື່ດັ່ງລຸ່ມນີ້:

+ ຜູ້ຮັກສາປະຕູ

ໄຊສະຫວາດ ສຸວັນນະໂຊກ ຈາກ ສະໂມສອນ ກິລາບານເຕະ ນໍ້າທາ

ກົບ ໂລກພະທິບ ຈາກ ສະໂມສອນ ກິລາບານເຕະ ເອສະຣາ

ອານຸລັກ ວິລະຜົນ ຈາກ ສະໂມສອນ ກິລາບານເຕະ ຊ້າງນ້ອຍ

ແກ້ວອຸດອນ ສຸວັນນະສັງໂສ ຈາກ ສະໂມສອນ ກິລາບານເຕະ ກອງທັບ

+ ກອງຫຼັງ

ພຸດທະວົງ ສັງວິໄລ ຈາກ ສະໂມສອນ ກິລາບານເຕະ ເອສະຣາ

ອານັນຕະຊາ ສີພົງພັນ ຈາກ ສະໂມສອນ ກິລາບານເຕະ ເອສະຣາ

ຊີດີ ພົມສະຫວັນ ຈາກ ສະໂມສອນ ກິລາບານເຕະ ເອສະຣາ

ສະເລີມໄຊ ພົມມະວົງ ຈາກ ຈາກ ສະໂມສອນ ກິລາບານເຕະ ເອສະຣາ

ຈິດຕະກອນ ວັນນະຈອນ ຈາກ ສະໂມສອນ ກິລາບານເຕະ ຫລວງພະບາງ

ແສງດາວວີ ຫັນທະວົງ ຈາກ ສະໂມສອນ ກິລາບານເຕະ ຊ້າງນ້ອຍ

ພົນສັກ ສີສະຫວາດ ຈາກ ສະໂມສອນ ກິລາບານເຕະ ຊ້າງນ້ອຍ

ໄຊຍະສິດ ສິງສະຫວ່າງ ຈາກ ສະໂມສອນ ກິລາບານເຕະ ນໍ້າທາ

ເພັດຕາວັນ ສົມສະນິດ ຈາກ ສະໂມສອນ ກິລາບານເຕະ ມາດສເຕີ

ສົມສະຫວາດ ພົມໂສພາ ຈາກ ສະໂມສອນ ກິລາບານເຕະ ມາດສເຕີ

+ ກອງກາງ

ຈັນທະວີໄຊ ຂຸນທຸມພອນ ຈາກ ສະໂມສອນ ກິລາບານເຕະ ເອສະຣາ

ດາໝົດ ທອງຄໍາສະຫວັດ ຈາກ ສະໂມສອນ ກິລາບານເຕະ ເອສະຣາ

ພຸດທະລັກ ທອງສະນິດ ຈາກ ສະໂມສອນ ກິລາບານເຕະ ເອສະຣາ

ອານຸສອນ ໄຊປັນຍາ ຈາກ ສະໂມສອນ ກິລາບານເຕະ ຊ້າງນ້ອຍ

ພິທັກ ກອງມາທິລາດ ຈາກ ສະໂມສອນ ກິລາບານເຕະ ຊ້າງນ້ອຍ

ພູຫຼວງ ວິນນະວົງ ຈາກ ສະໂມສອນ ກິລາບານເຕະ ຈໍາປາສັກ

ອານຸລັກ ໄຊຍະລາດ ຈາກ ສະໂມສອນ ກິລາບານເຕະ ນໍ້າທາ

ພຸດທະໄຊ ໂຄຈະເລີນ ຈາກ ສະໂມສອນ ກິລາບານເຕະ ທັບຫຼວງ Thapluang United ( ປະເທດໄທ )

ພູສົມບູນ ປັນຍາວົງ ຈາກ ສະໂມສອນ ກິລາບານເຕະ ກອງທັບ

+ ກອງຫນ້າ

ບຸນພະຈັນ ບຸນກອງ ຈາກ ສະໂມສອນ ກິລາບານເຕະ ສວາຍຣຽງ ( PREAK KHAN REACH SVAY RIENG FC ( ປະເທດກຳປູເຈຍ )

ໂຈນີ້ ແຫວນປະເສີດ ຈາກ ສະໂມສອນ ກິລາບານເຕະ ເອສະຣາ

ປີເຕີ້ ພັນທະວົງ ຈາກ ສະໂມສອນກິລາບານເຕະ ເອສະຣາ

ກີ້ດາວອນ ສຸວັນນີ ຈາກ ສະໂມສອນ ກິລາບານເຕະ ຊ້າງນ້ອຍ

ສຸກພະຈັນ ເລື່ອນທະລາ ຈາກ ສະໂມສອນ ກິລາບານເຕະ ມາດສເຕີ

ສີສະຫວາດ ດາລາວົງ ຈາກ ສະໂມສອນ ກິລາບານເຕະ ກອງທັບ

 ຕາຕະລາງການແຂ່ງຂັນນັດມິດຕະພາບ 2 ນັດ ທີມຊາດລາວ ມີດັ່ງນີ້:

- ວັນທີ 14 ພະຈິກ 2024 ເວລາ 19:30 ທີມຊາດລາວ ພົບ ທີມຊາດມາເລເຊຍ ແຂ່ງຂັນຢູ່ທີ່ສະຫນາມ PAT STADIUM ປະເທດໄທ.

- ວັນທີ 17 ພະຈິກ 2024 ເວລາ 19:30 ທີມຊາດລາວ ພົບ ທີມຊາດໄທ ແຂ່ງຂັນຢູ່ທີ່ສະຫນາມທຳມະສາດລັງສິດ ປະເທດໄທ ( ຖ່າຍທອດສົດ ທາງຊ່ອງໄທລັດ ປະເທດໄທ ).

ວັນທີ 09 ພະຈິກ 2024 ຢູ່ທີ່ຫ້ອງປະຊຸມສະຫະພັນບານເຕະແຫ່ງຊາດລາວ ທ່ານ ນາງ ກັນຍາ ແກ້ວມະນີ ຮອງປະທານ ສະຫະພັນບານເຕະແຫ່ງຊາດລາວພ້ອມທ່ານ ປອ ບຸນຍູ້ ສີສານ ຄະນະບໍລິຫານງານສະຫະພັນບານເຕະແຫ່ງຊາດລາວ ໄດ້ໂອ້ລົມ ຕໍ່ຄະນະຄູຝຶກ ແລະ ນັກກິລາ ທີມຊາດຍິງ ລາວຊຸດໃຫຍ່ ທີ່ກຽມເຂົ້າຮ່ວມ ການແຂ່ງຂັນ ບານເຕະຍິງຊີງແຊ້ມ ອາຊຽນ 2024 AFF WOMEN'S CUP 2024 ທີ່ ສປປ ລາວ ໄດ້ຮັບກຽດເປັນເຈົ້າພາບໃນລະຫວ່າງວັນທີ 23 ພະຈິກ ຫາ 05 ທັນວາ 2024. ທ່ານ ນາງ ກັນຍາ ແກ້ວມະນີ ໄດ້ກ່າວເນັ້ນໃຫ້ນັກກິລາເອົາໃຈໃສຕື່ມໃນການຝຶກຊ້ອມຢ່າງມີລະບຽບວິໄນ , ມີຄວາມສາມັກຄີ ໃຫ້ນັກກິລາແຕ່ລະຄົນຄິດວ່າເຮົາເປັນຕົວແທນທີມຊາດລາວທັງເປັນກຽດສັກສີ ຂອງຕົນເອງ ແລະ ຄອບຄົວ ຂໍໃຫ້ນັກກິລາເຮົາສູ້ໃຫ້ເຕັມທີເພື່ອຍາດໄດ້ໄຊຊະນະໃນຄັ້ງນີ້. ຂະນະທີ່ ທ່ານ ປອ ບຸນຍູ້ ສີສານ ໄດ້ກ່າວວ່າ: ລາຍການນີ້ເປັນລາຍການສຳຄັນ ສະຫະພັນບານເຕະແຫ່ງຊາດລາວ ໄດ້ວາງເປົ້າຫມາຍໄວ້ວ່າເຮົາຈະຕ້ອງເຂົ້າຊີງຊະນະເລີດໃຫ້ໄດ້ , ເພາະສະນັ້ນຂໍໃຫ້ນັກກິລາແຕ່ລະຄົນຈົ່ງສຸມໃສ່ຕັ້ງໃຈຝຶກຊ້ອມ ແລະ ເອົາໃຈໃສ່ໃນການຝຶກຊ້ອມຕາມການແນະນຳຂອງຄູຝືກ.

   ການແຂ່ງຂັນ ບານເຕະຍິງຊີງແຊ້ມ ອາຊຽນ 2024 AFF WOMEN'S CUP 2024 ມີດັ່ງນີ້:

- ກຸ່ມ ເອ: ລາວ ( ເຈົ້າພາບ), ສິງກະໂປ ແລະ ຕີມໍ ເລສເຕ

- ກຸ່ມ ບີ: ກຳປູເຈຍ, ມາເລເຊຍ ແລະ ອິນໂດເນເຊຍ

 ຮູບແບບ ການແຂ່ງຂັນຮອບແບ່ງກຸ່ມແມ່ນແຂ່ງຂັນ ແບບພົບກັນຫມົດ, ທີມທີ່ໄດ້ອັນດັບ 1 – 2 ຂອງທັງ 2 ກຸ່ມ ແມ່ນຈະໄດ້ຜ່ານເຂົ້າສູ່ຮອບຮອງຊະນະເລີດ, ທີມທີ່ຊະນະໃນຮອບຮອງຊະນະເລີດ ຈະໄດ້ຜ່ານເຂົ້າໄປສູ່ຮອບຊີງຊະນະເລີດ, ທີມທີ່ເສຍຮອບຮອງຊະນະເລີດ ແມ່ນຈະໄດ້ຊີງອັນດັບທີ 3.

ຕາຕະລາງ ການແຂ່ງຂັນ ທີມຊາດລາວ

- ວັນທີ 23 ພະຈິກ 2024 ເວລາ 19:30 ຕີມໍ ເລສເຕ ພົບ ລາວ ແຂ່ງຂັນຢູ່ທີ່ສະຫນາມກິລາແຫ່ງຊາດຫຼັກ 16

- ວັນທີ 29 ພະຈິກ 2024 ເວລາ 15:00 ສິງກະໂປ ພົບ ລາວ ແຂ່ງຂັນຢູ່ທີ່ສະຫນາມກິລາແຫ່ງຊາດຫຼັກ 16