ສະຫະພັນບານເຕະແຫ່ງຊາດລາວ ໄດ້ສົ່ງກຳມະການຕັດສິນ FIFA 3 ທ່ານ ເຂົ້າຮ່ວມຕັດສິນໃນການແຂ່ງຂັນ FIFA DAY International 'A' Match Myamar Vs Srilanka ໃນລະຫວ່າງວັນທີ 8-14/10/2024 ທີ່ ປະເທດມຽນມາ

1. ທ່ານ ສວຍ ວົງຄໍາ (ກຳມະການຕັດສິນ)

2. ທ່ານ ພອນສຸກສິນ ເຕໂຊ (ຜູ້ຊ່ວຍກຳມະການຕັດສິນ)

3. ທ່ານ ລຸນ ສຸດທິວົງ (ຜູ້ຊ່ວຍກຳມະການຕັດສິນ )

#LFFREFEREE

#LAOFOOTBALLFEDERATION

#FIFADAY

ສະຫະພັນບານເຕະອາຊີ (AFC) ໄດ້ແຕ່ງຕັ້ງ ທ່ານ ນ.ພຸດສະຫັວນ ຈັນທະວົງ ຜູ້ຊ່ວຍກຳມະການຕັດສິນ FIFA Elite ເຂົ້າຮ່ວມຕັດສິນ ໃນລາຍການແຂ່ງຂັນ AFC Women's Champions League2024/25 ຮອບແບ່ງກຸ່ມ (Group A) ໃນລະຫວ່າງວັນທີ 2-9/10/2024 ທີ່ ເມືອງ Wuhan China PR.

#FIFAWOMENREFEREE

#LFFREFEREE

#LAOFOOTBALLFEDERATION

#AWCL

        ຕອນເຊົ້າ ວັນທີ 11 ກັນຍາ 2024 ຢູ່ທີ່ຫ້ອງປະຊຸມ ສະຫະພັນບານເຕະແຫ່ງຊາດລາວ(ສຕລ) ໄດ້ມີພິທີເປີດຊຸດຝຶກອົບຮົມກຳມະການຕັດສິນ ເພື່ອກຽມຄວາມພ້ອມໃຫ້ແກ່ການແຂ່ງຂັນບານເຕະ ເປບຊີ ລາວລີກ 1 ລະດູການ 2024/2025 PEPSI LAO LEGUE 1 SEASON 2024/2025 ໂດຍໃຫ້ກຽດເຂົ້າຮ່ວມພິທີເປີດຂອງ ທ່ານ ຄຳແພງ ວົງຂັນຕີ ຮອງປະທານ ສຕລ ທັງເປັນຫົວຫນ້າອະນຸກຳມະການຕັດສິນ, ທ່ານ ທອງປະເສີດ ພອນສິຣິຍະວົງ ຄະນະອະນຸກຳມະການຕັດສິນ ສຕລ, ທ່ານ ໄຊປະເສີດ ພົງຊະນິດ ຫົວໜ້າພະແນກກຳມະການຕັດສິນ ສຕລ ທັງເປັນຜູ້ຝຶກສອນກຳມະການຕັດສິນ ສຕລ, ພ້ອມດວ້ຍຜູ້ປະເມີນກຳມະການຕັດສິນ, ວິຊາການພະແນກກໍາມະການຕັດສິນ ສຕລ ແລະ ຜູ້ຝຶກອົບຮົມເຂົ້າຮ່ວມທັງໝົດ 40 ຄົນ ເປັນຍິງ 3 ຄົນ.

ໂອກາດນີ້, ທ່ານ ຄຳແພງ ວົງຂັນຕີ ໄດ້ຮຽກຮ້ອງໃຫ້ກຳມະການຕັດສິນທີ່ເຂົ້າຮວ່ມຝຶກອົບຮົມໃຫ້ເອົາໃຈໃສ່ກຳແໜ້ນຢ່າງລະອຽດກ່ຽວກັບກົດລະບຽບກະຕິກາທີ່ທາງສະຫະພັນບານເຕະສາກົນ(FIFA)ໄດ້ປັບປຸງໃໝ່ 2024.ການຝຶກອົບຮົມ,ນອກຈາກກຽມຄວາມພ້ອມເຂົ້າຮ່ວມຕັດສິນ ການແຂ່ງຂັນບານເຕະ ເປບຊີ ລາວລີກ 1 ລະດູການ 2024/2025 ແລ້ວຍັງເປັນການກຽມຄວາມພ້ອມທາງດ້ານກະຕິກາ, ພາລະກໍາລັງ, ອັບເດດ ກະຕິກາ ຟີຟາ ປັບປຸງໃຫມ່ 2024ຕື່ມອີກ ເຊິ່ງການຝຶກອົບຮົມຈະໄດ້ດໍາເນີນການຝຶກອົບຮົມ 3ວັນ,ຄືນັບແຕ່ວັນທີ 11 -13 ກັນຍາ 2024.

       ການແຂ່ງຂັນ ເປບຊີ ລາວລີກ 1 ລະດູການ 2024/2025 ມີ 8 ສະໂມສອນ ເຂົ້າຮ່ວມປະກອບມີ:

1. ສະໂມສອນ ກິລາບານເຕະ ຊ້າງນ້ອຍ.

2. ສະໂມສອນ ກິລາບານເຕະ ມາດສເຕີ

3. ສະໂມສອນ ກິລາບານເຕະ ເອສະຣາ

4. ສະໂມສອນ ກິລາບານເຕະ ກອງທັບ

5. ສະໂມສອນ ກິລາບານເຕະ ຫຼວງພະບາງ

6. ສະໂມສອນ ກິລາບານເຕະ ຈຳປາສັກ

7. ສະໂມສອນ ກິລາບານເຕະ ນໍ້າທາ

8. ສະໂມສອນ ກິລາບານເຕະ ວຽງຈັນ

         ໃນການແຂ່ງຂັນຈະໃຊ້ 6 ສະຫນາມຄື: ສະຫນາມກິລາແຫ່ງຊາດຫຼັກ 16 ( ສະຫນາມນອກ ), ສະຫນາມ ກິລາກອງທັບ ຫຼັກ 5, ສະຫນາມກິລາແຂວງຈຳປາສັກ, ສະຫນາມກິລາແຂວງຫຼວງພະບາງ, ສະຫນາມກິລາແຂວງຫຼວງນ້ຳທາ ແລະ ສະຫນາມກິລາກອງບັນຊາການທະຫານແຂວງວຽງຈັນ.

         ຮູບແບບການແຂ່ງຂັນແມ່ນແບບພົບກັນຫມົດຈຳນວນ 2 ຮອບ ຂາໄປ ແລະ ຂາກັບ ເຊິ່ງຈະເລີ່ມແຂ່ງຂັນນັບຕັ້ງແຕ່ວັນທີ 14 ກັນຍາ 2024 ຫາ ວັນທີ 1 ມີນາ 2025, ຈຳນວນນັດແຂ່ງຂັນທັງຫມົດ 56 ນັດ ທຸກໆນັດແມ່ນມີການຖ່າຍທອດສົດຜ່ານທາງ YOUTUBE: LAOFF TV ສະຫະພັນບານເຕະແຫ່ງຊາດລາວ. ສະໂມສອນທີ່ໄດ້ເປັນແຊ້ມການແຂ່ງຂັນບານເຕະ ເປບຊີ ລາວລີກ 1 ລະດູການ 2024/2025 ຈະໄດ້ເປັນສະໂມສອນ ຕົວແທນຈາກ ສປປ ລາວ ເຂົ້າຮ່ວມການແຂ່ງຂັນລະດັບ AFC CHALLENGE LEAGUE 2025/2026 (ແຕ່ຕ້ອງໄດ້ຮັບໃບອະນຸຍາດຈາກສະໂມສອນລະດັບອາຊີຈື່ງສາມາດເຂົ້າຮ່ວມໄດ້ ) ຫຼື ລາຍການອື່ນໆທີ່ຖືກເຊີນ ສ່ວນອັນດັບຮອງລົງມາຈະໄດ້ພິຈາລະນາຕາມຄວາມເໝາະສົມ.

        ຕາຕະລາງການແຂ່ງຂັນ ອາທິດທຳອິດ ວັນທີ 14 ກັນຍາ 2024 ເວລາ 16:00ມ ເອສະຣາ ພົບ ຈຳປາສັກ ແຂ່ງຂັນຢູ່ທີ່ສະຫນາມກິລາແຫ່ງຊາດ ຫຼັກ 16 ( ສະຫນາມນອກ ), ເວລາ 16:00ມ ວຽງຈັນ ພົບ ຊ້າງນ້ອຍ ແຂ່ງຂັນຢູ່ທີ່ສະຫນາມກິລາກອງບັນຊາການທະຫານແຂວງວຽງຈັນ, ວັນອາທິດ 15 ກັນຍາ 2024 ເວລາ 16:00ມ ກອງທັບ ພົບ ຫຼວງພະບາງ ແຂ່ງຂັນຢູ່ທີ່ສະຫນາມກິລາກອງທັບ ຫຼັກ 5 ແລະ ເວລາ 16:00ມ ມາດສເຕີ ພົບ ນໍ້າທາ ແຂ່ງຂັນຢູ່ທີ່ສະຫນາມກິລາແຫ່ງຊາດຫຼັກ 16 ( ສະຫນາມນອກ ).

ສະຫະພັນບານເຕະແຫ່ງຊາດລາວ(ສຕລ) ໄດ້ສຳເລັດການຝຶກອົບຮົມກຳມະການຕັດສິນ ເພື່ອກຽມຄວາມພ້ອມຕັດສິນ ການແຂ່ງຂັນບານເຕະ ຮຸ່ນອາຍຸບໍ່ເກີນ 16ປີ(U16) ແລະ ຮຸ່ນອາຍຸບໍ່ເກິນ 19 ປີ (U19) ຊີງຂັນປະ ທານ ສຕລ ປະຈໍາປີ 2024,ເຊິ່ງພິທີປິດການຝຶກອົບຮົມໄດ້ຈັດຂື້ນໃນວັນທີ 30 ພຶດສະພາ 2024ພາຍຫຼັງການດຳເນີນການຝຶກອົບຮົມມາເປັນເວລາ3ວັນ(27-30/5/2024), ໂດຍມີ ທ່ານ ຄຳແພງ ວົງຂັນຕີ ຮອງປະທານ ສະຫະພັນບານເຕະແຫ່ງຊາດລາວ ທັງເປັນຫົວຫນ້າອະນຸກຳມະການຕັດສິນ ສຕລໃຫ້ກຽດເຂົ້າຮວ່ມ.

ທ່ານ ຄຳແພງ ວົງຂັນຕີ ໄດ້ກ່າວວ່າ :ການຝຶກອົບຮົມຄັ້ງນີ້ເປັນການຍົກລະດັບໃຫ້ກຳມະການຕັດສິນກ່ອນເປີດ ການແຂ່ງຂັນບານເຕະU16 ແລະ U19 ຊີງຂັນປະທານສຕລ ປະຈຳປີ 2024,ເຊິ່ງຜູ້ເຂົ້າຮວ່ມຝຶກອົບຮົມໄດ້ຮຽນຮູ້ທັງພາກທິດສະດີ,ພາກປະຕິບັດຕົວຈິງຢູ່ສະຫນາມ ແລະມີການທົດສອບພະລະກຳລັງ, ເພື່ອຮັບປະກັນການແຂ່ງຂັນໃຫ້ຮັກສາໄດ້ໃນລະດັບເກນມາດຕະຖານຂອງການແຂ່ງຂັນທີ່ໄດ້ກຳນົດໄວ້ແລະໄດ້ສະແດງຄວາມຊົມເຊີຍຢ່າງສຸດໃຈຕໍ່ກຳມະການທີ່ໄດ້ສຳ ເລັດການຝຶກອົບຮົມໃນຄັ້ງນີ້ ພ້ອມທັງຮຽກຮ້ອງໃຫ້ກຳມະການຕັດສິນທຸກທ່ານຈົ່ງເອົາໃຈໃສ່ປະຕິບັດກົດລະບຽບກະຕິກາຕ່າງໆຂອງສະຫະພັນບານເຕະສາກົນຫຼືFIFAສະບັບປັບປຸງໃໝ່ຢ່າງເຄັ່ງຄັດ,ຍຸຕິທຳ.

ການແຂ່ງຂັນບານເຕະ ຮຸ່ນອາຍຸບໍ່ເກີນ 16ປີ(U16) ແລະ ຮຸ່ນອາຍຸບໍ່ເກິນ 19 ປີ (U19) ຊີງຂັນປະທານ ສຕລ ປະຈໍາປີ 2024 ທີ່ຈະເປີດສາກຂຶ້ນໃນຕົ້ນເດືອນມິຖຸນາ ທີ່ຈະມາເຖິງ.ເຂົ້າຮວ່ມໃນພິທີປິດການຝຶກອົບຮົມຄັ້ງນີ້ຍັງມີທ່ານໄຊປະເສີດ ພົງຊະນິດ ຫົວຫນ້າພະແນກ ກຳມະການຕັດສິນ ສຕລ ໃນຖານະເປັນຄູຝຶກ,ພ້ອມຜູ້ປະເມີນກຳມະການຕັດສິນ ແລະ ກຳມະການຕັດສິນ ທັງຫມົດ 35 ຄົນ ທີ່ມາຈາກຫລາຍພາກສ່ວນ.

ສະຫະພັນບານເຕະແຫ່ງຊາດລາວ(ສຕລ)ໄດ້ຈັດຝຶກອົບຮົມກຳມະການຕັດສິນ ເພື່ອກຽມຄວາມພ້ອມຕັດສິນ ການແຂ່ງຂັນບານເຕະ ຮຸ່ນອາຍຸບໍ່ເກີນ 16ປີ(U16) ແລະ ຮຸ່ນອາຍຸບໍ່ເກິນ 19 ປີ (U19) ຊີງຂັນປະທານສຕລ ປະຈໍາປີ 2024 ທີ່ຈະຈັດຂື້ນລະຫວ່າງວັນທີ 27-30 ພຶດສະພາ 2024 ໂດຍມີທ່ານ ໄຊປະເສີດ ພົງຊະນິດ ຫົວຫນ້າພະແນກ ກຳມະການຕັດສິນ ສຕລ ເປັນຄູຝຶກ, ຜູ້ປະເມີນກຳມະການຕັດສິນ ແລະ ກຳມະການຕັດສິນ ທັງຫມົດ 35 ຄົນ ທີ່ມາຈາກຫລາຍພາກສ່ວນເຂົ້າຮວ່ມ.

ສຳລັບຈຸດປະສົງຂອງການຝຶກອົບຮົມໃນຄັ້ງນີ້ແມ່ນເພື່ອກະກຽມຄວາມພ້ອມໃນດ້ານກຳມະການຕັດສິນໃຫ້ແກ່ການແຂ່ງຂັນບານເຕະ ຮຸ່ນອາຍຸບໍ່ເກີນ 16ປີ(U16) ແລະ ຮຸ່ນອາຍຸບໍ່ເກິນ 19 ປີ (U19) ຊີງຂັນປະທານສຕລ ປະຈໍາປີ 2024 ທີ່ຈະເປີດສາກຂຶ້ນໃນຕົ້ນເດືອນມິຖຸນາ ທີ່ຈະມາເຖິງນີ້.

ການຝຶກອົບກຳມະການຕັດສິນຄັ້ງນີ້ຈະດຳເນີນໄປເປັນເວລາ03ວັນຄືເລີ່ມແຕ່ວັນທີ 27- 29 ພຶດສະພາ 2024 ໂດຍຜູ້ເຂົ້າຮວ່ມຝຶກອົບຮົມຈະໄດ້ຮຽນຮູ້ທັງພາກທິດສະດີແລະພາກປະຕິບັດຕົວຈິງ.ໃນນັ້ນແມ່ນຈະໄດ້ຮຽນຮູ້ກົດລະບຽບຂອງສະຫະພັນບານເຕະສາກົນຫຼືFIFAສະບັບປັບປຸງໃໝ່, ລົງພາກປະຕິບັດຕົວຈິງຢູ່ສະຫນາມ, ພ້ອມດຽວກັນນັ້ນກໍ່ຈະໄດ້ມີການທົດສອບພະລະກຳລັງຕື່ມອີກ.

ຂໍ​ສະ​ແດງ​ຄວາມ​ຍິນ​ດີນຳ ພູ​ສະ​ຫວັນ ຈັນ​ທະ​ວົງ ກຳ​ມະ​ການ​ຕັດ​ສິນ​ຈາກ​ລາວ ໄດ້​ລົງ​ຕັດ​ສິນ​ນັດ​ຊີງ​ຊະ​ນະ​ເລີດ ການ​ແຂ່ງ​ຂັນ​ບານ​ເຕະຍິງ ຊີ​ງ​ແຊ້ມ ອາ​ຊີ ຮຸ່ນ​ອາ​ຍຸ​ບໍ່​ເກີນ 17 ປີ ຮອບ​ສຸດ​ທ້າຍ ທີ່ ບາ​ລີ ປະ​ເທດ​ອິນ​ໂດ​ເນ​ເຊຍ.

ສຳລັບປະສົບການຜ່ານມາຂອງ ພຸດສະຫວັນ ຈັນທະວົງ ເລີ່ມຕົ້ນດ້ວຍການເປັນນັກກິລາແລ່ນລານ, ຈາກນັ້ນໄດ້ຮັບການອົບຮົມ ຮຽນຮູ້ ເລື່ອງການເປັນກຳມະການຕັດສິນບານເຕະ, ເຄີຍຕັດສິນລາຍການຕ່າງໆພາຍໃນປະເທດ ລວມທັງລະດັບອາຊຽນ ແລະ ອາຊີ ຈຳນວນໜຶ່ງ, ໄດ້ຮັບໃບຢັ້ງຢືນການເປັນຜູ້ຊ່ວຍຜູ້ຕັດສິນລະດັບຟີຟ້າໃນປີ 2019.

           ສະຫະພັນບານເຕະແຫ່ງຊາດລາວ(ສຕລ)ໄດ້ຈັດພິທີເປີດຝຶກອົບຮົມກໍາມະການຕັດສິນ ຮຸ່ນສືບທອດ( LFF Referee Academy )ເປັນຄັ້ງທຳອິດຂື້ນໃນຕອນເຊົ້າ ຂອງວັນທີ 12 ມີນາ 2024 ຢູ່ທີ່ຫ້ອງປະຊຸມຂອງສຕລ,ໃຫ້ກຽດເຂົ້າຮ່ວມຂອງທ່ານ ຄຳແພງ ວົງຂັນຕີ ຮອງປະທານ ສຕລ, ຫົວໜ້າອະນຸກໍາມະການຕັດສິນ ສຕລ, ທ່ານ ໂມຮາແມັດ ໂຣຊາຣີ ບິນຢາຄອບ (MOHAMAD RODZALI BIN YACOB) ຫົວໜ້າອະນຸກຳມະການພັດທະນາກໍາມະການຕັດສິນສະຫະພັນບານເຕະນາໆຊາດ(FIFA).

          ໃນພິທີ ທ່ານ ໄຊປະເສີດ ພົງສະນິດ ຫົວໜ້າພະແນກກໍາມະການຕັດສິນ ສຕລ ໄດ້ລາຍງານການຝຶກອົບຮົມວ່າ: ອີງໃສ່ແຜນຍຸດທະສາດພັດທະນາກໍາມະການຕັດສິນ ໂຄງການ LFF Referee Academy ແມ່ນເພື່ອພັດທະນາ ແລະຍົກລະດັບກໍາມະການຕັດສິນຂອງ ສຕລ ໃຫ້ກ້າວໄປສູ່ລະດັບສາກົນ, ເພື່ອພັດທະນາກໍາມະການຕັດສິນຮຸ່ນສືບທອດໃຫ້ໄດ້ປະສິດທິພາບ ແລະປະສິດທິຜົນຢ່າງເປັນລະບົບຕໍ່ເນື່ອງກ້າວໄປສູ່ລະດັບມາດຖານຂອງ AFC ແລະ FIFA.ຊຶ່ງໂຄງການຈະໃຊ້ເວລາ 4ປີຄື: ປີ 2024-2027, ທຸກໆປີຈະໄດ້ມີການສອບເສັງຄັດເລືອກຜູ້ທີ່ມີເງື່ອນໄຂຄົບຖ້ວນ ເພື່ອສົ່ງເຂົ້າໂຄງການ AFC Acedemy.ຄາດໝາຍຂອງໂຄງການ LFF Referee Academy ແມ່ນເພື່ອພັດທະນາບຸກຄະລາກອນຜູ້ທີ່ມີພອນສະຫວັນ ແລະໃຈມັກທີ່ຈະເປັນກໍາມະການຕັດສິນ, ສ້າງກໍາມະການຕັດສິນທີ່ມີຄຸນນະພາບຮັບໃຊ້ການແຂ່ງຂັນລາຍການຕ່າງໆ ໂດຍສະເພາະການແຂ່ງຂັນລາວລີກ 1, ຄາດໝາຍວ່າຈະມີກໍາມະການຈາກ ສປປ ລາວ ມີລາຍຊື່ເປັນກໍາມະການຕັດສິນ AFC Elite 1 ທ່ານ.

            ໃນໂອກາດກ່າວເປີດພິທີ, ທ່ານ ຄໍາແພງ ວົງຂັນຕີໄດ້ກ່າວເນັ້ນຕໍ່ກັບການຝຶກອົບຮົມຄັ້ງນີ້ແມ່ນຢາກໃຫ້ມີກໍາມະການຕັດສິນຮຸ່ນສືບທອດ,ພ້ອມໄດ້ຮຽກຮ້ອງໃຫ້ສໍາມະນາກອນທຸກຄົນຈົ່ງຕັ້ງໃຈຮຽນຮູ້ພັດທະນາຕົນເອງໃຫ້ປະສົບຜົນສໍາເລັດ, ຊຶ່ງເປັນໂອກາດທີ່ດີໃນການພັດທະນາກ້າວໄປສູ່ລະດັບສາກົນ.

             ການຝຶກອົບຮົມຄັ້ງນີ້ຈະນໍາໃຊ້ເວລາ 5 ວັນ ເລີ່ມວັນທີ 12-16 ມີນາ 2024 ຊຶ່ງຜູ້ເຂົ້າຮ່ວມຈະໄດ້ຮຽນຮູ້ພາກທິດສະດີ ແລະ ພາກປະຕິບັດຕົວຈິງ, ນອກນັ້ນຈະໄດ້ມີການທົດສອບພາລະກໍາລັງ ພ້ອມດ້ວຍທົດສອບກະຕິກາບານເຕະ.ເຂົ້າຮວ່ມກອງປະຊຸມນີ້,ຍັງມີທ່ານ Subkhiddin BIN MOHD SALLEH ຄູຝຶກ FIFA (FIFA Instructror), ທ່ານ Ganesan S/O Maniam ຄູຝຶກພາລະກໍາລັງ FIFA (FIFA Fitness Instructrur ) ແລະ ທ່ານ ສົມສະນຸກ ລຽນສະຫວັນ ຮອງເລຂາທິການ ສຕລ ພ້ອມດວ້ຍວິຊາການກໍາມະການຕັດສິນ ສຕລ ແລະນັກສຳມະນາກອນທັງຫມົດ 25 ທ່ານ ເປັນຍິງ 4 ທ່ານ.

        ສະຫະພັນບານເຕະແຫ່ງຊາດລາວ( ສຕລ) ໄດ້ຈັດພິທີເປີດການຝຶກອົບຮົມຍົກລະດັບກຳມະການຕັດສິນ ຟຸດຊໍ ໃນຕອນເຊົ້າ ວັນທີ 28 ກຸມພາ 2024 ທີ່ຫ້ອງປະຊຸມ ສຕລ,ໂດຍໃຫ້ກຽດເຂົ້າຮ່ວມພິທີເປິດຂອງ ທ່ານ ຈັນທະວົງ ສິລິມະໂນທຳ ຮັກສາການເລຂາທິການສະຫະພັນບານເຕະແຫ່ງຊາດລາວ.

       ທ່ານ ຄຳປະສົງ ໄຊຍະວົງສີ ໄດ້ລາຍງານໃຫ້ຮູ້ວ່າ: ການຝຶກອົບຮົມໃນຄັ້ງນີ້ແມ່ນເພື່ອຈຸດປະສົງກຽມຄວາມພ້ອມໃຫ້ແກ່ການແຂ່ງຂັນລາວ ຟຸດຊໍ ລີກ 2024 ທີ່ຈະເປີດຂື້ນຢ່າງເປັນທາງການໃນວັນທີ 02 ມີນາ 2024 ນີ້. ໄລຍະການຝຶກອົບຮົມເປັນເວລາ 3 ມື້ (28 ກຸມພາ ຫາ 01 ມີນາ 2024) ຜູ້ເຂົ້າຮ່ວມ ແມ່ນຈະໄດ້ຮຽນຮູ້ທາງດ້ານກົດລະບຽບກະຕິກາໃໝ່ຂອງກິລາບານເຕະຟຸດຊໍ ທີ່ FIFAສະບັບປັບປຸງ ແລະ ມີການທົດສອບພາລະກຳລັງພ້ອມດ້ວຍ ມີການ ສອບເສັງຄວາມຮູ້ດ້ານທິດສະດີ.

       ກ່າວມີຄຳເຫັນໃນກອງປະຊຸມ,ທ່ານຈັນທະວົງ ສິລິມະໂນທຳໄດ້ຍົກໃຫ້ເຫັນຄວາມໝາຍແລະຄວາມສຳຄັນຂອງການຝຶກອົບຮົມແລະເນັ້ນໃຫ້ຜູ້ເຂົ້າຮວ່ມຕັ້ງໃຈໃນການຮຽນ,ພ້ອມປະຕິບັດລະບຽບຂອງການຮຽນໃຫ້ເຄ່ງຄັດ,ປາສຈາກຂໍ້ຜິດພາດທີ່ອາດຈະເກີດຂຶ້ນ ເພື່ອກຽມຄວາມພ້ອມຕັດສິນ ການແຂ່ງຂັນ ລາວ ຟຸດຊໍ ລີກ 2024 ທີ່ຈະເປີດຂຶ້ນໃນອາທິດນີ້ດວ້ຍຜົນສຳເລັດ.

       ເຂົ້າຮວ່ມໃນກອງປະຊຸມຍັງມີທ່ານ ໄຊປະເສີດ ພົງຊະນິດ ຫົວຫນ້າພະແນກກຳມະການຕັດສິນ ສຕລ, ທ່ານ ຄຳປະສົງ ໄຊຍະວິງ ຜູ້ຮັບຜິດຊອບກໍາມະການຕັດສິນຟຸດຊໍ ທັງເປັນຜູ້ຝຶກສອນ ພ້ອມດ້ວຍຜູ້ປະເມີນກໍາມະການຕັດສິນ ແລະ ສໍາມະນາກອນ 25 ທ່ານ.

           ທ່ານ ນາງ ພຸດສະຫວັນ ຈັນທະວົງໄດ້ກາຍເປັນກຳມະການຕັດສິນຍິງຄົນທຳອິດຂອງສປປລາວລາວທີ່ໄດ້ຖືກຄັດເລືອກໃຫ້ຮ່ວມຕັດສິນລາຍການລະດັບທະວີບອາຊີ.ຖືວ່າເປັນອີກໜຶ່ງຂ່າວດີ ແລະ ເປັນຄວາມພາກພູມໃຈຂອງຄົນລາວ ທີ່ຈະໄດ້ເຫັນບຸກຄະລາກອນທີ່ເປັນຄົນລາວ ໄດ້ຮັບກຽດຖືກເຊີນໄປຮ່ວມຕັດສິນລະດັບທະວີບອາຊີຄັ້ງທຳອິດ ເຊິ່ງ ທ່ານ ນາງ ພຸດສະຫວັນ ຈັນທະວົງ ຜູ້ຊ່ວຍກຳມະການຕັດສິນລະດັບຟີຟ້າ(FIFA)ຈາກສປປລາວ ຈະໄດ້ໄປຮ່ວມຕັດສິນການແຂ່ງຂັນເຕະບານຍິງ ຮຸ່ນອາຍຸບໍ່ເກີນ 20 ປີ(U20) ຊິງແຊ້ມອາຊີ 2024 ຮອບສຸດທ້າຍ ໃນລະຫວ່າງ ວັນທີ 3-16 ມີນາ 2024 ນີ້.

          ທ່ານ ນາງ ພຸດສະຫວັນ ຈັນທະວົງ ໃຫ້ຮູ້ຕື່ມວ່າ: ກ່ອນຈະຖືກຄັດເລືອກໄປຮ່ວມຕັດສິນຄັ້ງນີ້ ຕົນເອງຕ້ອງອົດທົນຝຶກຝົນຮຽນຮູ້ດ້ານວິຊາສະເພາະໜັກສົມຄວນ ໂດຍສະເພາະດ້ານພາສາອັງກິດ, ກົດກະຕິກາ, ພະລະກຳລັງ, ຈິດໃຈ ແລະ ການເຮັດວຽກເປັນທີມ ຖືວ່າຈະເປັນປະສົບການອັນໃໝ່ໃຫ້ກັບຕົນເອງ ເພື່ອຕໍ່ຍອດສູ່ການຕັດສິນລະດັບພາກພື້ນ ແລະ ສາກົນຕໍ່ໄປ.

         ສຳລັບປະສົບການຜ່ານມາຂອງ ພຸດສະຫວັນ ຈັນທະວົງ ເລີ່ມຕົ້ນດ້ວຍການເປັນນັກກິລາແລ່ນລານ, ຈາກນັ້ນໄດ້ຮັບການອົບຮົມ ຮຽນຮູ້ ເລື່ອງການເປັນກຳມະການຕັດສິນບານເຕະ, ເຄີຍຕັດສິນລາຍການຕ່າງໆພາຍໃນປະເທດ ລວມທັງລະດັບອາຊຽນ ແລະ ອາຊີ ຈຳນວນໜຶ່ງ, ໄດ້ຮັບໃບຢັ້ງຢືນການເປັນຜູ້ຊ່ວຍຜູ້ຕັດສິນລະດັບຟີຟ້າໃນປີ 2019.

         ການແຂ່ງຂັນເຕະບານຍິງ ຮຸ່ນອາຍຸບໍ່ເກີນ 20 ປີ ຊິງແຊ້ມອາຊີ 2024 ຮອບສຸດທ້າຍ ມີທີມເຂົ້າຮ່ວມທັງຫມົດ 8 ທີມ ປະກອບມີ: ອຸດເບກກິດສະຖານ, ໄຕ້ຫວັນ(ສປຈີນ), ສ.ເກົາຫລີ, ອົສຕຣາລີ, ຍີ່ປຸ່ນ, ສປປ ເກົາຫລີ, ສປຈີນ ແລະ ຫວຽດນາມ.

               ສະຫະພັນບານເຕະແຫ່ງຊາດລາວ(ສຕລ)ຮ່ວມກັບ ສະຫະພັນບານເຕະແຂວງ ບໍລິຄໍາໄຊ ໄດ້ມີພິທີເປີດຝຶກອົບຮົມກຳມະການຕັດສິນຂັ້ນພື້ນຖານຂື້ນໃນຕອນເຊົ້າ ຂອງວັນທີ 19 ກຸມພາ 2024 ຢູ່ທີ່ຫ້ອງປະຊຸມ ຫ້ອງການສຶກສາທິການ ແລະ ກິລາ ເມືອງ ຄໍາເກີດ,ໃຫ້ກຽດເຂົ້າຮ່ວມຂອງ ທ່ານ ແສງທອງ ລໍມະນີ ຮອງຫົວຫນ້າຫ້ອງການສຶກສາ ແລະ ກິລາ ເມືອງຄໍາເກີດ.

              ໃນພິທີ ທ່ານ ໄຊປະເສີດ ພົງຊະນິດ ຫົວຫນ້າພະແນກກໍາມະການຕັດສິນ ສຕລໄດ້ ຂຶ້ນລາຍງານໃຫ້ຮູ້ວ່າ: ການຝຶກອົບຮົມໃນຄັ້ງນີ້ແມ່ນໂຄງການປະຈຳປີຂອງ ສະຫະພັນບານເຕະແຫ່ງຊາດລາວ, ເພື່ອເປັນການພັດທະນາທັກສະຄວາມຮູ້ຄວາມສາມາດທາງດ້ານທິດສະດີ ແລະ ການປະຕິບັດຕົວຈິງໃຫ້ແກ່ກຳມະການຕັດສິນ, ພ້ອມດຽວກັນນັ້ນ ຜູ້ເຂົ້າຮ່ວມຈະໄດ້ຮຽນຮູ້ກະຕິກາ ກິລາບານເຕະທີ່ມີການປັບປຸງໃໝ່ ປະຈຳປີ 2023 / 2024, ການຂຽນບົດລາຍງານຂອງກໍາມະການຕັດສິນໃຫ້ຖືກຕ້ອງຕາມຫລັກການຂອງ FIFA.

               ໃນໂອກາດກ່າວເປີດພິທີ, ທ່ານ ແສງທອງ ລໍມະນີ ໄດ້ກ່າວວ່າ: ການຝຶກອົບຮົມຄັ້ງນີ້ແມ່ນມີຄວາມສຳຄັນຕໍ່ການພັດທະນາກຳມະການຕັດສິນຢູ່ທີ່ເມືອງ ຄໍາເກີດ ເພື່ອຕອບສະໜອງໃນການແຂ່ງຂັນກິລາບານເຕະໃນຂອບເຂດຕົວເມືອງທີ່ນັບມື້ມີການຂະຫຍາຍຕົວແລະຟົດຟື້ນຂຶ້ນເລື້ອຍໆ.ແຕ່ຍ້ອນເວລາໃນການຝຶກອົບຮົມສັ້ນ,ດັ່ງນັ້ນ,ຈິ່ງຮຽກ ຮ້ອງໃຫ້ທຸກຄົນຈົ່ງເອົາໃຈໃສ່ຕັ້ງໜ້າຮຽນ,ຈົດຈຳເອົາຄວາມຮູ້ທາງທິດສະດີ ແລະ ພາກປະຕິບັດຕົວຈິງ ເພື່ອໄປຍົກລະດັບຕົນເອງໃຫ້ສູງເທົ່າທີ່ຈະສູງໄດ້.ການຝຶກອົບຮົມຄັ້ງນີ້ແມ່ນໃຊ້ເວລາ 5 ມື້ ເຊິ່ງເລີ່ມແຕ່ວັນທີ 19-23 ກຸມພາ 2024.

               ເຂົ້າຮວ່ມກອງປະຊຸມນີ້,ຍັງມີທ່ານ ຄໍາປະສົງ ໄຊຍະວົງສີ ວິຊາການພະແນກກຳມະການຕັດສິນ ສຕລ, ທ່ານ ກິຫຼ້າ ລາດຊະວົງ ວິຊາການພະແນກກຳມະການຕັດສິນ ສຕລ, ພ້ອມດວ້ຍນັກສຳມະນາກອນທັງຫມົດ 25 ທ່ານ, ຍິງ 2 ທ່ານທີ່ ມາຈາກຂອບເຂດຕົວເມືອງ ຄໍາເກີດ.

ສະຫະພັນບານເຕະແຫ່ງຊາດລາວ(ສຕລ)ຮ່ວມກັບ ສະຫະພັນບານເຕະແຂວງຫຼວງນ້ຳທາຈັດຝືກອົບຮົມກຳມະການຕັດສີນ ຂັ້ນພື້ນຖານ ທີ່ເມືອງສີງ ແຂວງຫລວງນໍ້າທາ ເມື່ອວັນທີ 12 ກຸມພາ 2024 ,ເຊິ່ງໃຫ້ກຽດເຂົ້າຮວ່ມພິເປີດຝືກອົບຮົມໂດຍທ່ານ ວັນດິ ພົມທອງ ຮອງປະທານແນວລາວສ້າງຊາດແຂວງ, ຮອງປະທານສະຫະພັນບານເຕະແຂວງ,ທ່ານ ໄຊປະເສີດ ພົງຊະນິດ ຫົວຫນ້າພະແນກກຳມະການຕັດສີນ ຈາກ ສຕລ, ທ່ານ ທອງປະເສີດ ພອນສີຣິຍະວົງ ຫົວຫນ້າຫ້ອງການນິຕິກໍາ ສຕລ, ທ່ານ ຄໍາຕັນ ສີງດາວເຮືອງ ຮອງຫົວຫນ້າຫ້ອງການສືກສາທິການ ແລະ ກິລາເມືອງສີງ,ພ້ອມດ້ວຍທີມງານນັກສຳມະນາກອນເຂົ້າຮ່ວມທັງຫມົດ 25 ທ່ານທີ່ມາຈາກຫ້ອງການສືກສາທິການແລະກິລາເມືອງສີງ ແລະ ຈາກໂຮງຮຽນອ້ອມຂ້າງເມືອງ.

 ການຝືກອົບຮົມຄັ້ງນີ້ ແມ່ນໃຊ້ເວລາ 5 ວັນນັບຕັ້ງແຕ່ວັນທີ 12-16 ກຸມພາ 2024 ຈຶ່ງຈະສຳເລັດ, ,ໂດຍສຳມະກອນຈະໄດ້ຮຽນຮູ້ທາງດ້ານທິດສະດີ ແລະພາກປະຕິບັດຕົວຈິງແລະຕະຫຼອດການຝຶກອົບຮົມສຳມະກອນທີ່ມີຜົນງານດີເດ່ນຈະມີໂອກາດໄດ້ຖືກຄັດເລືອກໃຫ້ເຂົ້າຮວ່ມຕັດສິນການແຂ່ງຂັນລາຍການຕ່າງໆທີ່ທາງ ສະຫະພັນບານເຕະແຂວງຫຼວງນ້ຳທາຈັດຂຶ້ນ.

 ໂອກາດກ່າວເປີດພິທີ, ທ່ານ ຄໍາຈັນ ສິງດາວເຮືອງ ຮອງຫົວຫນ້າ ສຶກສາທິການ ແລະ ກິລາ ເມືອງ ສິງ, ໄດ້ກ່າວວ່າ ການຝຶກອົບຮົມຄັ້ງນີ້ແມ່ນມີເວລາສັ້ນດັ່ງນັ້ນ,ຮຽກຮ້ອງໃຫ້ທຸກຄົນຈົ່ງເອົາໃຈໃສ່ຕັ້ງໜ້າຮຽນເອົາຄວາມຮູ້ທາງທິດສະດີ ແລະ ພາກປະຕິບັດຕົວຈິງ ເພື່ອໄປຍົກລະດັບຕົວເອງໃຫ້ສູງເທົ່າທີ່ຈະສູງໄດ້

 ເຂົ້າຮວ່ມກອງປະຊຸມນີ້,ຍັງມີທ່ານ ຄໍາປະສົງ ໄຊຍະວົງສີ ວິຊາການພະແນກກຳມະການຕັດສິນ ສຕລ, ທ່ານ ສອນສິນ ຈັນທະວົງສາ ເລຂາທິການ ສະຫະພັນບານເຕະແຂວງ ຫລວງນໍ້າທາ.

VIENTIANE (22 January 2024) – A total of 24 participants – including three women – are taking part in the LFF Referee Assessors Course which starts today and ends on Friday, 26 January 2024.

The course which is conducted by FIFA Instructor Mohamad Rodzali Yacob is being held at the Lao Football Federation (LFF) Headquarters in Vientiane, Laos.

“The course is important in the development of our referees and also for the future improvement of our referee assessors at the international level,” said Kanya Keomany, the General Secretary of the LFF.

The participants are from LFF, the National University of Laos, the Ministry of Education and Sports, Bokeo Province, Oudomxay Province, Luangnamtha Province, Oudomxay Province, Xiengkhuang Province, Khammuan Province, Savannakhet Province, Salavan Province, Sekong Province, Champasak Province, Xayyabouli Province, Phongsaly Province and Viengchanh Province.