ທີມຊາດລາວ ຜ່ານເຂົ້າຮອບຄັດເລືອກ ການແຂ່ງຂັນບານເຕະ ຊີງແຊ້ມອາຊີ 2027 AFC Asian Cup Saudi Arabia 2027™ Qualifiers Final Round ໂດຍບໍ່ໄດ້ແຂ່ງຂັນຮອບ Play off, ສຳລັບຮອບນີ້ແມ່ນຈະເອົາທີມທີ່ໄດ້ອັນດັບ 3 ແລະ ອັນດັບ 4 ຈາກການແຂ່ງຂັນບານໂລກ & ຊີງແຊ້ມອາຊີ ຮອບຄັດເລືອກ ຈາກ 9 ກຸ່ມ ລວມທັງຫມົດ 18 ທີມ ແລະ 6 ທີມຈາກຮອບຄັດເລືອກ Play off .

          ການຈັບສະຫລາກແບ່ງກຸ່ມຈະໄດ້ຈັດຂຶ້ນໃນຕົ້ນເດືອນທັນວາ 2024.

               ລະຫວ່າງວັນທີ 22-27 ເມສາ 2024 ສະຫະພັນບານເຕະແຫ່ງຊາດລາວ(ສຕລ)ໄດ້ສົ່ງບຸກຄະລາກອນໜຶ່ງທ່ານຄືທ່ານ ນາງຕິກຕ້າ ດວງພະຈັນ ເຂົ້າຮ່ວມຝຶກອົບຮົມວຽກງານການແພດດ້ານກິລາ(AFC PRESIDENT’S TRAVELLING FELLOWS FOR FOOTBALL MEDICINE PROGRAMME 2024) ຢູ່ນະຄອນຫຼວງບາງກອກ ປະເທດໄທ ໂດຍມີ ບຸກຄະລາກອນຈາກປະເທດຈໍແດນ,ອິນໂດເນເຊຍ, ສປປລາວ ແລະ ເຂດປົກຄອງພິເສດມາເກົາສປຈີນເຂົ້າຮວ່ມ.

             ທ່ານ ນາງ ຕິກຕ້າ ດວງພະຈັນໄດ້ກ່າວວ່າ: ‘’ ໃນຖານະນັກກາຍຍະພາບຂອງທີມຊາດບານເຕະລາວສະແດງຄວາມດີໃຈທີ່ການຈັດຕັ້ງສຕລໄດ້ເປີດໂອກາດໃຫ້ຕົນເອງເຂົ້າຮວ່ມຝຶກອົບຮົມໃນໂຄງການຂອງສະຫະພັນບານເຕະອາຊີ ໃນຄັ້ງນີ້,ເຊິ່ງຈະເປັນໂອກາດທີ່ດີໄດ້ຮຽນຮູ້ເພີ່ມເຕີມເພື່ອພັດທະນາທັກສະໃນດ້ານກາຍຍະພາບບຳບັດ,ການຝຶກ ແລະ ພັດທະນາຮ່າງກາຍ,ທັງຈະເປັນການພັດທະນາຕົນເອງໃນການປະຕິບັດຫນ້າທີ່ດ້ານວິຊາສະເພາະຊວ່ຍນັກກິລາທີ່ຖືກບາດເຈັບໃນເວລາແຂ່ງຂັນໃຫ້ທັນການມີຄຸນນະ ພາບສູງຂື້ນ.

ທ່ານ ນ. ຕິກຕ້າ ດວງພະຈັນກ່າວຕື່ມວ່າ: ການເຂົ້າຮ່ວມໂຄງການນີ້,ນອກຈາກເຮັດໃຫ້ຕົນເອງໄດ້ຮຽນຮູ້ປະສົບການດ້ານການປິ່ນປົວກາຍຍະພາບບຳບັດເຂົ້າຊ່ວຍນັກກິລາທີ່ບາດເຈັບແລ້ວ,ກໍຍັງໄດ້ຮຽນຮູ້ແລະແລກປ່ຽນບົດຮຽນດ້ານເທັກໂນໂລຊີດ້ານ ອື່ນໆຕື່ມອີກຈາກຜູ້ເຂົ້າຮວ່ມການຝຶກອົບຮົມ.

            ສຳລັບ ປະຫວັດຂອງ ທ່ານ ນ. ຕິກຕ້າ ດວງພະຈັນ ເຂົ້າສູ່ວົງການບານເຕະເປັນແພດ ການແຂ່ງຂັນບານເຕະ ລາວພຣີເມຍລີກ 2016, ໄດ້ເຂົ້າຮ່ວມເຄື່ອນໄຫວທີມຊາດລາວ ໃນຫລາຍໆລາຍການ ແລະ ເຂົ້າເຮັດວຽກຢູ່ຫນ່ວຍງານແພດຂອງ ສະຫະພັນບານເຕະອາຊີ 2019.

⚽️ ການແຂ່ງຂັນກິລາບານເຕະເຍົາວະຊົນ LFF-YOUTH FOOTBALLCOMPETITIONS

➡️ ເງື່ອນໄຂການສະໝັກເຂົ້າຮ່ວມການແຂ່ງຂັນ

📌 ກຳນົດທີມເຂົ້າຮ່ວມການແຂ່ງຂັນ U12 ຈໍາ ນວນ 24 ທີມ ແລະ U14 ຈຳ ນວນ 16 ທີມ.

📌 ການແຂ່ງຂັນຈັດແບບ Play Off ເພື່ອຄັດເລືອກ 8 ທີມສຸດທ້າຍເຂົ້າຮ່ວມການແຂ່ງຂັນ.

➡️ U12 ປີ(ຊາຍ) ແມ່ນກໍານົດປີເກີດ 2012/2013.

➡️ U14 ປີ (ຊາຍ) ແມ່ນກຳນົດປີເກີດ 2010/2011.

➡️ U12 ປີ ແມ່ນແຂ່ງຂັນໃນ 🗓 ວັນທີ 18/5/2024 

🏟 ສະໜາມສູນຝຶກຫຍ້າທຽມຫ້ວຍຫົງ ສຕລ.

➡️ U14 ແມ່ນແຂ່ງຂັນໃນ 🗓 ວັນທີ 19/5/2024 

🏟 ສະ​ຫນາມສູນຝຶກຈໍາປີ- ຈໍາປາ ຫຼັກ16.

(ໝາຍເຫດ) ກໍານົດສົ່ງເອກະສານບໍ່ໃຫ້ກາຍ 🗓 ວັນທີ 8/5/2024 ປິດຮັບສະໝັກ 17:00pm

📱+856 2094178792 ທ່ານ ບຸນເຊິ່ນ ໝອນອາລັກ

📱 +856 2098232882 ທ່ານ ທິບພະຈັນ ສອນທະວີ

#LFFYOUTHFOOTBALLCOMPETITIONS

#LFFU12

#LFFU14

#LFFU15GIRLS

ສະຫະພັນບານເຕະແຫ່ງຊາດລາວ (ສຕລ) ໄດ້ສຳເລັດການຝຶກອົບຮົມຜູ້ປະສານງານການແຂ່ງຂັນບານເຕະ LFF Local General Coordinators’ Course ໃນວັນທີ 26 ເມສາ 2024 ທີ່ຜ່ານມາ ຢູ່ທີ່ຫ້ອງປະຊຸມຂອງສຕລ,ໂດຍການເປັນປະທານແລະກ່າເປີດພິທີຂອງ ທ່ານ ຈັນທະວົງ ສິລິມະໂນທຳ ຮັກສາການເລຂາທິການ ສະຫະພັນບານເຕະແຫ່ງຊາດລາວ.

 ທ່ານ ຈັນທະວົງ ສິລິມະໂນທຳ ໄດ້ກ່າວວ່າ: ການຈັດຝຶກອົບຮົມວຽກງານການຈັດການແຂ່ງຂັນຂອງ ສຕລ ແມ່ນວຽກງານທີ່ສຳຄັນຫລາຍໃນແຕ່ລະປີ ສະຫະພັນບານເຕະແຫ່ງຊາດລາວ ໄດ້ຈັດການແຂ່ງຂັນຫລາຍລາຍການຕ້ອງໄດ້ຝຶກອົບຮົມຍົກລະດັບບຸກຄະລາກອນ , ຂໍຂອບໃຈ ສະຫະພັນບານເຕະອາຊີ ທີ່ເຫັນຄວາມສຳຄັນຂອງວຽກງານຈັດການແຂ່ງຂັນ ໄດ້ສົ່ງບຸກຄະລາກອນກໍຄື ທ່ານ ໂຕ ເຊັນນີ ( TOH SEN NEE ) ເປັນຜູ້ບັນລະຍາຍ, ທ່ານ ຍັງກ່າວຕື່ມອີກວ່າ: ຖ້າຫາກບຸກຄະລາກອນຄົນໃດທີ່ມີຜົນງານດີກໍມີໂອກາດເຂົ້າຮ່ວມຝຶກອົບຮົມລະດັບອາຊີໃນຕໍ່ຫນ້າ.

ສຳລັບຈຸດປະສົງໃນການຈັດຝຶກອົບຮົມໃນຄັ້ງນີ້ກໍເພື່ອຍົກລະດັບວຽກງານຈັດແຂ່ງຂັນຢູ່ ສປປລາວ, ອັບເດດກົດລະບຽບການແຂ່ງຂັນຂອງFIFA, AFC ທັງນີ້ກໍເພື່ອກະກຽມໃສ່ ການແຂ່ງຂັນລາຍການແຂ່ງຂັນຕ່າງໆຂອງ ສຕລ ຈັດຂຶ້ນປະຈຳປີ 2024 , ເພື່ອສົ່ງເສີມ ແລະ ຂະຫຍາຍວຽກງານຈັດການແຂ່ງຂັນບານເຕະພາຍໃນປະເທດ ເປົ້າໝາຍຍົກລະດັບການບໍລິຫານຈັດການແຂ່ງຂັນໂດຍເປັນການເປີດກ້ວາງໃຫ້ກັບບຸກຄະລາກອນຮຸ່ນສືບທອດໃນໜ້າວຽກດັ່ງກ່າວ.

    ການຈັດຝຶກອົບຮົມຄັ້ງນີ້ແມ່ນໄດ້ໃຊ້ເວລາ 3 ວັນ(24-26 ເມສາ 2024 ),ເຊິ່ງຜູ້ເຂົ້າຮ່ວແມ່ນໄດ້ຮຽນຮູ້ທາງດ້ານທິດສະດີ ແລະ ການປະຕິບັດຕົວຈິງຢູ່ສະຫນາມ,ລວມທັງວິທີການຈັດການແຂ່ງຂັນຕ່າງໆ ລະບຽບການແຂ່ງຂັນຂອງລາຍການແຂ່ງຂັນ ສະຫະພັນບານເຕະອາຊີ, ແຕ່ລະວຽກງານ ທຸກຂັ້ນຕອນ.

 ໃນທ້າຍພິທີຍັງມີພິທີມອບໃບຢັ້ງຢືນເຂົ້າຮ່ວມໃຫ້ກັບຜູ້ເຂົ້າຮ່ວມຝຶກອົບຮົມ ຜູ້ປະສານງານການແຂ່ງຂັນບານເຕະ LFF Local General Coordinators’ Cours

  ໃຫ້ກຽດເຂົ້າຮວ່ມໃນງານນີ້ຍັງມີທ່ານ ສົມສະນຸກ ລຽນສະຫວັນ ຮອງເລຂາທິການ ສະຫະພັນບານເຕະແຫ່ງຊາດລາວ, ທ່ານ ໂຕ ເຊັນນີ ( TOH SEN NEE ) ສັນຊາດມາເລເຊຍ ວິທະຍາກອນຈາກ ສະຫະພັນບານເຕະອາຊີ, ທ່ານ ສັນຕິກອນ ແສງດາລາ ຫົວຫນ້າພະແນກຈັດການແຂ່ງຂັນ ສຕລ ພ້ອມດ້ວຍວິຊາການຈັດການແຂ່ງຂັນທີ່ກ່ຽວຂ້ອງ ແລະ ນັກສໍາມະນາກອນຈຳນວນ 35 ທ່ານ ເປັນຍິງ 9 ທ່ານ ທີ່ມາຈາກຫລາຍພາກສ່ວນເຂົ້າຮ່ວມ.

#LaoFootballFederation

#LFFLOCALGENERALCOORDINATORSCOURSE2024

#LFFCOMPETITION

                          ສະຫະພັນບານເຕະແຫ່ງຊາດລາວ (ສຕລ) ໄດ້ຈັດພິທີເປີດການຝຶກອົບຮົມຜູ້ປະສານງານການແຂ່ງຂັນບານເຕະ LFF Local General Coordinators’ Course ຂື້ນໃນຕອນເຊົ້າ ວັນທີ 24 ເມສາ 2024 ຢູ່ທີ່ຫ້ອງປະຊຸມຂອງສຕລ,ໂດຍການເປັນປະທານແລະກ່າວເປີດພິທີຂອງ ທ່ານ ນາງ ກັນຍາ ແກ້ວມະນີ ຮອງປະທານ ສະຫະພັນບານເຕະແຫ່ງຊາດລາວ.

 ທ່ານ ນາງ ກັນຍາ ແກ້ວມະນີໄດ້ກ່າວວ່າ: ການຈັດຝຶກອົບຮົມວຽກງານການຈັດການແຂ່ງຂັນຂອງ ສຕລ ແມ່ນວຽກງານທີ່ສຳຄັນ,ຂໍໃຫ້ຜູ້ເຂົ້າຮ່ວມຈົ່ງຕັ້ງຫນ້າເກັບກຳບົດຮຽນໃຫ້ໄດ້ຫລາຍທີ່ສຸດ ເພື່ອເປັນບຸກຄະລາກອນຈັດການແຂ່ງຂັນບານເຕະ ສຕລ ແລະ ກ້າວໄປສູ່ບຸກຄະລາກອນຈັດການແຂ່ງຂັນລະດັບນາໆຊາດ.

ສຳລັບຈຸດປະສົງໃນການຈັດຝຶກອົບຮົມໃນຄັ້ງນີ້ກໍເພື່ອຍົກລະດັບວຽກງານຈັດແຂ່ງຂັນຢູ່ ສປປລາວ, ອັບເດດກົດລະບຽບການແຂ່ງຂັນຂອງFIFA, AFC ທັງນີ້ກໍເພື່ອກະກຽມໃສ່ ການແຂ່ງຂັນລາຍການແຂ່ງຂັນຕ່າງໆຂອງ ສຕລ ຈັດຂຶ້ນປະຈຳປີ 2024 , ເພື່ອສົ່ງເສີມ ແລະ ຂະຫຍາຍວຽກງານຈັດການແຂ່ງຂັນບານເຕະພາຍໃນປະເທດ ເປົ້າໝາຍຍົກລະດັບການບໍລິຫານຈັດການແຂ່ງຂັນໂດຍເປັນການເປີດກ້ວາງໃຫ້ກັບບຸກຄະລາກອນຮຸ່ນສືບທອດໃນໜ້າວຽກດັ່ງກ່າວ.

  ການຈັດຝຶກອົບຮົມຄັ້ງນີ້ແມ່ນໃຊ້ເວລາ 3 ວັນ(24-26 ເມສາ 2024 ),ເຊິ່ງຜູ້ເຂົ້າຮ່ວມຈະໄດ້ຮຽນຮູ້ທາງດ້ານທິດສະດີ ແລະ ການປະຕິບັດຕົວຈິງຢູ່ສະຫນາມ,ລວມທັງວິທີການຈັດການແຂ່ງຂັນຕ່າງໆ ລະບຽບການແຂ່ງຂັນຂອງລາຍການແຂ່ງຂັນ ສະຫະພັນບານເຕະອາຊີ, ແຕ່ລະວຽກງານ ທຸກຂັ້ນຕອນ ນັບຕັ້ງແຕ່ການຈັດກອງປະຊຸມເຕັກນິກ, ການຄວບຄຸມການແຂ່ງຂັນ, ວຽກງານປ້ອງກັນຄວາມສະຫງົບ, ວຽກງານການແພດ, ວຽກງານສື່ມວນຊົນ, ວຽກງານການຕະຫຼາດ, ວຽກງານພິທີການ, ການລາຍງານຫຼັງຈົບເກມການແຂ່ງຂັນ ແລະ ວຽກງານປິ່ນອ້ອມອື່ນໆໃນການຈັດການແຂ່ງຂັນ.

ໃຫ້ກຽດເຂົ້າຮວ່ມໃນງານນີ້ຍັງມີທ່ານ ຈັນທະວົງ ສິລິມະໂນທຳ ຮັກສາການເລຂາທິການ ສະຫະພັນບານເຕະແຫ່ງຊາດລາວ, ທ່ານ ໂຕ ເຊັນນີ ( TOH SEN NEE ) ສັນຊາດມາເລເຊຍ ວິທະຍາກອນຈາກ ສະຫະພັນບານເຕະອາຊີ, ທ່ານ ສັນຕິກອນ ແສງດາລາ ຫົວຫນ້າພະແນກຈັດການແຂ່ງຂັນ ສຕລ ພ້ອມດ້ວຍວິຊາການຈັດການແຂ່ງຂັນທີ່ກ່ຽວຂ້ອງ ແລະ ນັກສໍາມະນາກອນຈຳນວນ 35 ທ່ານ ເປັນຍິງ 9ທ່ານ ທີ່ມາຈາກຫລາຍພາກສ່ວນເຂົ້າຮ່ວມ.

ຄໍລຳທີ2ຂອງສະກຸບພິເສດອາທິດນີ້ ຜູ້ຂຽນຂໍນຳສະເຫນີ ‘’ ວີໄລພອນ ສີນວນຄຳ ຫລື ວີ ກອງໜ້າດາວຍິງປະຕູດີເດັ່ນຂອງ‘’ສະໂມສອນ ຟຸດຊໍ ຈັນສີ.

             ວິໄລພອນ ສີນວນຄຳ ເກີດເມື່ອວັນທີ 12 ຕຸລາ 2002 ຢູ່ທີ່ບ້ານຊ້າງ ເມືອງຄູນ ແຂວງຊຽງຂວາງ, ລວງສູງ 167 ຊັງຕີແມັດ, ນ້ຳໜັກ 60 ກິໂລກຣາມ, ເລີ້ມຫລິ້ນກິລາບານເຕະຕັ້ງແຕ່ອາຍຸ 13 ປີ, ຜົນງານດ້ານກິລາບານເຕະແມ່ນເຄີຍຫລິ້ນໃຫ້ກັບ ສະໂມສອນຊ້າງແກ້ວ ( ລາວລີກ 2 ແຂວງຊຽງຂວາງ ) ໃນປີ2022 ແລະ ກໍຕິດທີມແຂວງ ຊຽງຂວາງໃນປີ 2022 ແລະ ຈົບດ້ວຍການເປັນຮອງແຊັມ ( ໃນລາຍການ ຊິງຂັນ ກິລາບານເຕະແຫ່ງຊາດປະຈຳປີ 2022) ແລະ ໃນປີ2023 ໄດ້ມາຫຼິ້ນໃຫ້ກັບສະໂມສອນ ຈັນສີ ເອັຟຊີ (ລາຍການ ນະຄອນຫຼວງລີກ2) ໂດຍໄດ້ຮັບລາງວັນ ນັກກິລາດີເດັ່ນ 2 ນັດ.

             ເມື່ອຖືກຖາມເຖິງຄວາມທ້າທາຍໃໝ່ໃນການຫລິ້ນກິລາຟຸດຊໍ ວິໄລພອນ ໄດ້ກ່າວວ່າ:ການມາຫຼິ້ນກິລາຟຸດຊໍຄັ້ງນີ້ນ້ອງເອງຄິດວ່າມັນເປັນສິ່ງທ້າທາຍ ແລະ ເປັນຄັ້ງທຳອິດຂ້ອງນ້ອງທີ່ໄດ້ມາຮ່ວມລາຍການນີ້ ຮູ້ສຶກຕື່ນເຕັ້ນຫຼາຍ ແຕ່ເຮັດໃຫ້ນ້ອງໄດ້ຮຽນຮູ້ໃນການຫຼີ້ນແບບລວມໝູ່ຫຼືເປັນທີມເວີກຫຼາຍຂຶ້ນ,ການເອົາຕົວລອດໃນພື້ນທີ່ແຄບ, ການຈົບສະກໍ,ຕ້ອງຄິດໄວເຮັດໄວ ແລະ ພາລະກຳລັງຕ້ອງດີ.ກ່ອນທີ່ຈະມາຫຼິ້ນກິລາບານເຕະ ຫຼື ຟຸດຊໍ ນ້ອງໄດ້ມີຄວາມຮັກ ແລະ ມັກໃນກິລາບານເຕະມາແຕ່ນ້ອຍແລ້ວ ໂດຍມີຄອບຄົວສະໜັບສະໜູນ ແຕ່ບໍ່ໄດ້ເຂົ້າຝຶຶກຊ້ອມຢູ່ສະໂມສອນຫຼືອາຄາເດມີໃດໆ ເພາະວ່າຢູ່ ພາຍໃນແຂວງຕອນນັ້ນຍັງບໍ່ທັນມີອາຄາເດມີເທື່ອ,

           ວິໄລພອນ ສີນວນຄຳ ຍັງກ່າວຕື່ມວ່າ: ຄວາມໄຝ່ຝັນ ຂອງນ້ອງແມ່ນຢາກເປັນນັກກິລາອາຊີບ, ນ້ອງເອງຄິດວ່າ ການທີ່ໄດ້ມາຫຼີ້ນກິລາຟຸດຊໍ ໃນຄັ້ງນີ້ ເປັນ1ໃນການຮຽນຮູ້ແລະໄດ້ໃຊ້ທັກສະຂອງຕົນເອງຫຼາຍຂຶ້ນ, ຜົນງານສ່ວນໂຕແມ່ນ ລົງທັງໝົດ 6 ນັດ ຍິງ 12 ປະຕູ.

           ສຸດທ້າຍນີ້ນ້ອງຂໍ ເຊີນຊວນແຟນບານ ແລະ ກອງເຊຍ ທີ່ມາໃຫ້ກຳລັງໃຈທີມຂອງພວກເຮົາ ແລະກໍຂໍຂອບໃຈ ກອງເຊຍຂອງສະໂມສອນ ຈັນສີເອັບຊີ ທີ່ໃຫ້ກຳລັງໃຈທີມຂອງພວກເຮົາ.

           ສຳລັບການແຂ່ງຂັນ ລາວ ຟຸດຊໍ ລີກ 2024 ແມ່ນໄດ້ດຳເນີນການແຂ່ງຂັນມາໄດ້ 6 ອາທິດແລ້ວ ເຊິ່ງມີ 12 ທີມເຂົ້າຮ່ວມການແຂ່ງຂັນ ປະກອບມີ: ເບ ສະຫວັນ ( ແຊ້ມເກົ່າ ), ລະຊະຕະ , ມາສະດາ ຈີບີ, ເຫນືອ - ໃຕ້, ຊີທີເອ ພາວເວີ້ , ນະຄອນຫຼວງ, ວີເຊີນ, ອາສາ ພາວເວີ້, ເຄເອັມທີ, ເອັສທີທີ, ຈັນສີ ແລະ ຊີໄອທີ. ໂດຍໄດ້ເລີ່ມແຂ່ງຂັນມາແຕ່ ວັນທີ 02 ມີນາ 2024 ຫາ 02 ມິຖຸນາ 2024.

        ຮູບແບບການແຂ່ງຂັນຄັ້ງນີ້ແມ່ນແຂ່ງຂັນແບບລີກພົບກັນຫມົດ 1 ຮອບ ສະສົມຄະແນນ,ແລ້ວຄັດເລືອກເອົາສະໂມສອນ ອັນດັບ 1 ແລະ 2 ເຂົ້າຮອບ 4 ທີມໂດຍອັດຕະໂນມັດ. ສ່ວນອັນດັບ 3-6 ແມ່ນປະຄົບຄູ່ແຂ່ງຂັນຮອບຕົກແລ້ວຄັດອອກ( Play-off) ນັດດຽວ.ສວ່ນສະໂມສອນ ທີ່ຊະນະຈະໄດ້ຜ່ານເຂົ້າສູ່ຮອບ 4 ທີມ ໂດຍຈະພົບກັບທີມອັນດັບ 1 ແລະ ອັນດັບ 2 ທີ່ເປັນທີມຢືນ, ຮອບ 4 ທີມ ແລະ ຮອບຊີງຊະນະເລີດ ຕາມລຳດັບ, ສ່ວນເງິນລາງວັນຊະນະເລີດ ແມ່ນຈະໄດ້ຮັບເງິນ 50 ລ້ານກີບ, ຮອງຊະນະເລີດ ອັນດັບ 1 ໄດ້ຮັບເງິນ 25 ລ້ານກີບ ແລະ ຮອງຊະນະເລີດອັນດັບ 2 ໄດ້ຮັບເງິນ 10 ລ້ານກີບ ຂະນະທີ່ລາງວັນປະເພດບຸກຄົນ ມີລາງວັນຜູ້ຮັກສາປະຕູດີເດັ່ນ, ລາງວັນນັກກິລາດີເດັ່ນ, ລາງວັນຄູຝຶກດີເດັ່ນ ແລະ ລາງວັນຜູ້ຍິງປະຕູສູງສຸດ.

ພາບ: ຈອນ​ນີ້

ກ​ຣາ​ຟ​ຟິກ: ບິນ

ຂຽນ: ຫມີ ອາ​ເຊ​ເນ​ລ

#LAOFOOTBALLFEDERATION

#LAOFUTSALLEAGUE2024

#LAOFORDCITY

#LAOTELECOM

#CAVALAOS

                  ສະຫະພັນບານເຕະແຫ່ງຊາດລາວ ຂໍແຈ້ງມາຍັງບັນດາທ່ານທີ່ມີຄວາມສົນໃຈກ່ຽວກັບວຽກງານຈັດການແຂ່ງຂັນກິລາບານເຕະ ສະໝັກເຂົ້າຮ່ວມການຝຶກອົບຮົມຜູ້ປະສານງານການແຂ່ງຂັນ LFF LOCAL GENERAL COORDINATOR COURSE 2024 ລະຫວ່າງ ວັນທີ 24-26 ເມສາ 2024 ໂດຍມີຊ່ຽວຊານ ທີ່ມີຄວາມຮູ້ ແລະ ປະສົບການ ຈາກສະຫະພັນບານເຕະອາຊີ (AFC) ເປັນວິທະຍາກອນ. ລາຍລະອຽດການຝຶກອົບຮົມໃນຄັ້ງນີ້ ມີຄືດັ່ງລຸ່ມນີ້:

1. ວັນເວລາ ແລະ ສະຖານທີ່

- ວັນທີ: 24-26 ເມສາ 2024

- ເວລາ: 9:00 – 16:00 ໂມງ

- ສະຖານທີ່: ຫ້ອງປະຊຸມ ຊັ້ນ 3, ສະຫະພັນບານເຕະແຫ່ງຊາດລາວ

2. ເງື່ອນໄຂຜູ້ເຂົ້າຮ່ວມ

- ຜູ້ເຂົ້າຮ່ວມຕ້ອງມີອາຍຸ 22 ປີຂື້ນໄປ ທີ່ມີຄວາມສົນໃຈໃນວຽກງານບານເຕະທົ່ວໄປ.

- ຜູ້ທີ່ເຄີຍຜ່ານການຝຶກອົບຮົມ ຜູ້ຄວບຄຸມການແຂ່ງຂັນ (Match Commissioner) ແລະ ຜູ້ຊ່ວຍຜູ້ຄວບຄຸມການແຂ່ງຂັນ (General Coordinator) ຂອງ ສຕລ ໃນໄລຍະຜ່ານມາ.

3. ນະໂຍບາຍຕໍ່ຜູ້ເຂົ້າຮ່ວມຝຶກອົບຮົມ

- ເຂົ້າຮ່ວມຝຶກອົບຮົມ ໂດຍບໍ່ເສຍຄ່າ.

- ອຸປະກອນເຄື່ອງຂຽນ.

- ອາຫານວ່າງ ແລະ ນໍ້າດື່ມທີ່ໃຊ້ໃນການຝຶກອົບຮົມ.

- ອາຫານທ່ຽງສຳຫຼັບຜູ້ເຂົ້າຮ່ວມຝຶກອົບຮົມ.

4. ຂັ້ນຕອນການສະໝັກຝຶກອົບຮົມ

                ຜູ້ທີ່ສົນໃຈ ສາມາດສົ່ງຟອມສະໝັກ, ໃບຊີວະປະຫວັດ (CV) ແລະ ຮູບພາບຕິດບັດ ໃຫ້ກັບຄະນະຮັບຜິດຊອບ ຜ່ານອີເມວ [email protected] ນັບຕັ້ງແຕ່ມື້ນີ້ ຈົນເຖິງ ວັນທີ 22 ເມສາ 2024.

ລິ້ງດາວໂຫລດແບບຟອມ: https://drive.google.com/drive/folders/1NQr3QKqnsmumgqCwHaGImn4TsfphrfKo?usp=sharing.

                ສອບຖາມຂໍ້ມູນເພີ່ມເຕີມ

ທ. ສູກພະໄຊ ສູລະສິນ 020 55591916; W.A +856 20 56425845

ນ. ທິດາພອນ ອູໄທຍະວົງ 020 76662200; W.A +856 20 76662200

                 ສະກຸບພິເສດອາທິດນີ້ ເຊິ່ງເປັນຄໍລໍາທຳອິດ, ຜູ້ຂຽນຂໍນຳສະເຫນີ ນັກກິລາດາວຮຸ່ງ ຟຸດຊໍ ດາວພະຫັດ ກໍ່າກາຊົມພູ ຫຼື ໂທນີ້ ອາຍຸ 16 ປີ ຫລິ້ນໃຫ້ກັບ ສະໂມສອນ ຟຸດຊໍ ເຄເອັມທີ, ປະຫວັດກ່ອນມາຫລີ້ນກິລາບານເຕະ ຫລື ຟຸດຊໍ ດາວພະຫັດໄດ້ກ່າວວ່າ: ‘’ ຂ້າພະເຈົ້າມີໃຈຮັກໃນການຫລີ້ນກິລາບານເຕະມາແຕ່ນ້ອຍ,ເລີ່ມຈຳຄວາມໄດ້ ໂດຍມີພໍ່ແມ່ແລະຄອບຄົວເປັນກຳລັງໃຈໃຫ້ການສະໜັບສະໜູນ ແລະ ເປັນແຮງບັນດານໃຈໃຫ້ ຈື່ງເລີ່ມເຂົ້າຝືກຊ້ອມກິລາບານ ເຕະ ອາຄາເດີມີ ມາສເຕີ້ ເຊເວັ້ນ ຕອນອາຍຸໄດ້ 7 ປີ ແລະ ມີໃຈຮັກມັກຈົນຮອດທຸກມື້ນີ້. ການມາຫລີ້ນກິລາຟຸດຊໍ ນ້ອງເອງຄິດວ່າ ມັນເປັນສິ່ງທ້າທາຍ ແລະ ເປັນລາຍການໃໝ່ສຳຫລັບນ້ອງທີ່ຈະໄດ້ນຳໃຊ້ ທັກສະ ຄວາມສາມາດໃນການຫລີ້ນກິລາ ເຊັ່ນ: ການເອົາຕົວຫລອດຈາກຄູ່ຕໍ່ສູ້ ການລ້ຽງບານ, ລອກບານ,ການຍິງບານໃຫ້ເຂົ້າປະຕູ(ການຈົບສະກໍ) ລວມທັງພາລະກໍາລັງຕ້ອງດີ ທຸກຢ່າງຕ້ອງຄິດໄວເຮັດໄວ ຍ້ອນແນວນີ້ນ້ອງເອງຈື່ງມີໃຈຢາກສະແຫວງຫາຄວາມທ້າທາຍໃໝ່ຈາກການເຕະຟຸດຊໍ.

                 ດາວພະຫັດ ແມ່ນເຄີຍຫລິ້ນໃຫ້ກັບ ສະໂມສອນ ມາສເຕີ້ ເຊເວັ້ນ ໃນຮຸ່ນອາຍຸບໍ່ເກີນ 15 ປີ ໃນປີ 2022 – 2023 ໂດຍປີ 2023 ຍິງໄດ້ 6 ປະຕູ, ພ້ອມທັງຫລິ້ນໃຫ້ກັບ ສະໂມສອນ ເຄເອັມທີ ເຂົ້າຮ່ວມ ລາວລີກ 2 ນະຄອນຫຼວງວຽງຈັນ ໃນປີ 2023 ໂດຍໄດ້ຮັບລາງວັນນັກກິລາດີເດັ່ນ ແລະ ຍິງໄດ້ທັງຫມົດ 13 ປະຕູ.

                  ດາວພະຫັດກ່າວວ່າ:ຄວາມໄຝ່ຝັນແມ່ນຢາກເປັນນັກກິລາ ແລະ ຮັບໃຊ້ທີມຊາດເຕະບານເດີ່ນໃຫຍ່ ເພາະວ່າເປັນຄວາມໄຝ່ຝັນມາແຕ່ນ້ອຍ ແລະ ເຮັດຜົນງານໃຫ້ດີທີ່ສຸດ ນ້ອງເອງຄິດວ່າ ການມາຫລີ້ນກິລາຟຸດຊໍ ເປັນ 1 ໃນອົງປະກອບທີ່ໃຫ້ໄດ້ຮຽນຮູ້ທັກສະການເອົາຕົວຫລອດຫລາຍຂື້ນ ແລະ ຖ້າມີໂອກາດນ້ອງກໍຢາກຫຼີ້ນໃນນາມທີມຊາດບານເຕະ ແລະ ຟຸດຊໍ.

                   ສ່ວນຜົນງານໃນການຫລີ້ນຟຸດຊໍ ເຖິງຈະເປັນປີທຳອິດທີ່ດາວພະຫັດໄດ້ລົງຫລີ້ນລາຍການນີ້,ແຕ່ຜ່ານການຝຶກຝົນຫລໍ່ຫລອມ,ປະຕິບັດຕາມການແນະນຳຂອງຄູຝຶກສອນແລະອ້າຍໆເພື່ອນຮ່ວມທີມໃຫ້ການສະໜັບສະໜູນ,ເຮັດໃຫ້ການຫຼີ້ນຂອງດາວພະຫັດກໍຄືທຸກຄົນຮູ້ສືກວ່າມີຄວາມສຸກ ແລະ ເປັນຄອບຄົວດຽວກັນ.ດາວພະຫັດ ລົງສະຫນາມໃຫ້ກັບ ເຄເອັມທີ ທັງຫມົດ 4 ນັດ ຍິງໄດ້ 4 ປະຕູ.

ສຸດທ້າຍ ດາວພະຫັດ ຍັງກ່າວຕື່ມ ຂໍເຊີນຊວນແຟນບານ ແລະ ກອງເຊຍ ມາໃຫ້ກໍາລັງໃຈພວກເຮົາ ແລະ ຂອບໃຈສຳລັບກຳລັງໃຈຈາກກອງເຊຍສະໂມສອນ ເຄເອັມທີ ທີ່ເຂົ້າມາໃຫ້ກຳລັງໃຈພວກເຮົາ ຢູຂ້າງສະໜາມ ແລະ ທາງໄລ້ສົດ ຫວັງຢ່າງຍິ່ງວ່າພວກທ່ານຄືກຳລັງໃຈທີ່ດີ ແລະ ເປັນຫນຶ່ງໃນອົງປະກອບຂອງພວກເຮົາ.

                    ສຳລັບການແຂ່ງຂັນ ລາວ ຟຸດຊໍ ລີກ 2024 ແມ່ນໄດ້ດຳເນີນການແຂ່ງຂັນມາໄດ້ 5 ອາທິດແລ້ວ ເຊິ່ງມີ 12 ທີມເຂົ້າຮ່ວມການແຂ່ງຂັນ ປະກອບມີ: ເບ ສະຫວັນ ( ແຊ້ມເກົ່າ ), ລະຊະຕະ , ມາສະດາ ຈີບີ, ເຫນືອ - ໃຕ້, ຊີທີເອ ພາວເວີ້ , ນະຄອນຫຼວງ, ວີເຊີນ, ອາສາ ພາວເວີ້, ເຄເອັມທີ, ເອັສທີທີ, ຈັນສີ ແລະ ຊີໄອທີ. ໂດຍໄດ້ເລີ່ມແຂ່ງຂັນມາແຕ່ ວັນທີ 02 ມີນາ 2024 ຫາ 02 ມິຖຸນາ 2024.

                  ຮູບແບບການແຂ່ງຂັນຄັ້ງນີ້ແມ່ນແຂ່ງຂັນແບບລີກພົບກັນຫມົດ 1 ຮອບ ສະສົມຄະແນນ,ແລ້ວຄັດເລືອກເອົາສະໂມສອນ ອັນດັບ 1 ແລະ 2 ເຂົ້າຮອບ 4 ທີມໂດຍອັດຕະໂນມັດ. ສ່ວນອັນດັບ 3-6 ແມ່ນປະຄົບຄູ່ແຂ່ງຂັນຮອບຕົກແລ້ວຄັດອອກ( Play-off) ນັດດຽວ.ສວ່ນສະໂມສອນ ທີ່ຊະນະຈະໄດ້ຜ່ານເຂົ້າສູ່ຮອບ 4 ທີມ ໂດຍຈະພົບກັບທີມອັນດັບ 1 ແລະ ອັນດັບ 2 ທີ່ເປັນທີມຢືນ, ຮອບ 4 ທີມ ແລະ ຮອບຊີງຊະນະເລີດ ຕາມລຳດັບ, ສ່ວນເງິນລາງວັນຊະນະເລີດ ແມ່ນຈະໄດ້ຮັບເງິນ 50 ລ້ານກີບ, ຮອງຊະນະເລີດ ອັນດັບ 1 ໄດ້ຮັບເງິນ 25 ລ້ານກີບ ແລະ ຮອງຊະນະເລີດອັນດັບ 2 ໄດ້ຮັບເງິນ 10 ລ້ານກີບ ຂະນະທີ່ລາງວັນປະເພດບຸກຄົນ ມີລາງວັນຜູ້ຮັກສາປະຕູດີເດັ່ນ, ລາງວັນນັກກິລາດີເດັ່ນ, ລາງວັນຄູຝຶກດີເດັ່ນ ແລະ ລາງວັນຜູ້ຍິງປະຕູສູງສຸດ.

ໂດຍ: MEE ARSENAL PHAKASY

                 ສະຫະພັນບານເຕະແຫ່ງຊາດລາວ( ສຕລ) ໄດ້ຈັດພິທີເປີດການຝຶກອົບຮົມຄູຝຶກກິລາບານເຕະລະດັບຊີ(c)ຂື້ນໃນຕອນເຊົ້າວັນທີ 1 ເມສາ 2024 ທີ່ ຫ້ອງປະຊຸມ ສຕລ,ໂດຍໃຫ້ກຽດເປັນປະທານກ່າວເປີດຂອງທ່ານ ຈັນທະວົງ ສິລິມະໂນທຳ ຮັກສາການເລຂາທິການສະຫະພັນບານເຕະແຫ່ງຊາດລາວ.ການຝຶກອົບຮົມແມ່ນແບ່ງອອກເປັນ 2 ໄລຍະຄື:

- ໄລຍະທີ1 ເລີ່ມ 1-5 ເມສາ 2024

- ໄລຍະທີ2 ເລີ່ມ 20-24 ພຶດສະພາ 2024

                ການຝຶກອົບຮົມແບ່ງອອກເປັນ 2 ພາກ ປະກອບມີ ພາກທິດສະດີ ແລະພາກປະຕິບັດຕົວຈິງພາກສະໜາມ, ໂດຍຈະມີການສອບເສັງ 6 ຄັ້ງ ( ຕົວຈິງ 3 ຄັ້ງ ແລະ ທິດສະດີ 2 ຄັ້ງ ແລະ ເສັງກໍາມະການ 1 ຄັ້ງ ), ໃນນັ້ນ,ຜູ້ເຂົ້າຮ່ວມຈະໄດ້ຮຽນຮູ້ກ່ຽວກັບ ການພັດທະນາຄູຝຶກ, ຄວາມຕ້ອງການຄູຝຶກຂອງ AFC, ພາລະບົດບາດ ແລະ ໜ້າທີຮັບຜິດຊອບ, ເຕັກນິກ ແລະ ຍຸດທະວິທີຂອງການເຕະບານ, ຄວາມສຳພັນກັບບານ, ການສົ່ງບານ, ການຈັບບານ, ການຍິງບານ.ຫຼັກການຂອງການຝຶກສອນ, ບານເຕະຟຸດຊໍ, ກະຕິກາຂອງກິລາບານເຕະ, ອາຫານ ແລະ ສຸຂະພາບ, ການຝຶກແອບ, ການຝຶກແອບຜູ້ຮັກສາປະຕູ, ການວາງແຜນ, ບົດບາດສຳຄັນຂອງຜູ້ຮັກສາປະຕູ, ການຈະເລີນເຕີບໃຫຍ່ ແລະ ການປະຖົມ ພະ ຍາບານ, ແນະນຳພາກປະຕິບັດກິດຈະກຳບານເຕະພື້ນຖານ, ການຫຼີ້ນບານໃນເກມ.

               ໃນໂອກາດກ່າວເປີດພິທີຢ່າງເປັນທາງການທ່ານ ຈັນທະວົງ ສິລິມະໂນທຳໄດ້ຍົກໃຫ້ເຫັນຄວາມໝາຍແລະຄວາມສຳຄັນ ຂອງການຝຶກອົບຮົມໃນຄັ້ງນີ້ແລະຮຽກຮ້ອງໃຫ້ສຳມະນາກອນຕັ້ງໃຈຮໍ່າຮຽນ,ຮັບເອົາຄວາມຮູ້ຈາກຄູຝຶກໃຫ້ໄດ້ຄົບຖວ້ນສົມບຸນແນໃສ່ໃຫ້ກາຍເປັນຄູຝຶກດີເດັ່ນໃນອະນາຄົດ.

                ເຂົ້າຮວ່ມກອງປະຊຸມນີ້ຍັງມີ,ທ່ານ ຊຸນດຣໍາ ມູນຕີ (Sundram Moorthy) ຫົວໜ້າພະແນກເຕັກນິກ - ວິທະຍາ ສຕລ, ທ່ານ ວົງມີໄຊ ສຸບົວຄຳຜູ້ຝຶກສອນຫຼັກຈາກ ສຕລ ພ້ອມດ້ວຍພະນັກງານວິຊາການກ່ຽວຂ້ອງ ແລະ ນັກສຳມະກອນຈໍານວນ 24 ທ່ານ, ເປັນຍິງ 1ທ່ານ, ມາຈາກປະເທດໄທ 4ທ່ານ, ມາເລເຊຍ 1ທ່ານ ແລະ ແຄມເມີລູນ 1ທ່ານ.

            ແຂວງຫຼວງນໍ້າທາໂດຍໄດ້ຮັບການອຸປະຖໍາແລະຮວ່ມມືກັບສະຫະພັນບານເຕະແຫ່ງຊາດລາວ(ສຕລ)ໄດ້ສຳເລັດການຈັດຝຶກອົບຮົມຄູຝຶກລະດັບຊີ(C),ເຊິ່ງພິທີປິດຢ່າງເປັນທາງການໄດ້ຈັດຂື້ນໃນຕອນເຊົ້າວັນທີ 22 ມີນາ 2024 ທີ່ ຫ້ອງການສະຫະພັນບານເຕະແຂວງ (ສະຫນາມກິລາແຂວງ),ເຊິ່ງມີທ່ານ ພູນແກ້ວ ເຫົ່າອີນ ຄະນະປະຈໍາພັກແຂວງ, ຫົວໜ້າພະແນກໂຍທາທິການແລະຂົນສົ່ງແຂວງ,ທັງເປັນປະທານສະຫະພັນບານເຕະແຂວງໃຫ້ກຽດເຂົ້າຮວ່ມ.

             ທ່ານພູນແກ້ວ ເຫລົ່າອີນ ໄດ້ກ່າວວ່າ: ການຝຶກອົບຮົມຄັ້ງນີ້ ແມ່ນມີຄວາມໝາຍສຳຄັນຫລາຍ, ພ້ອມຮຽກຮ້ອງໃຫ້ຜູ້ເຂົ້າຮວ່ມ ນໍາເອົາບົດຮຽນໃນການຝຶກອົບຮົມຄັ້ງນີ້ ໄປນໍາໃຊ້ໃຫ້ເກີດປະໂຫຍດທີ່ສຸດ ເພື່ອພັດທະນາວົງການບານເຕະລາວເວົ້າລວມ,ກໍຄືບານເຕະຂອງແຂວງຫຼວງນໍ້າທາ ໃຫ້ກ້າວສູ່ລະດັບດີຂື້ນໄປເລື້ອຍໆ.

             ໄລຍະການຝຶກອົບຮົມ ແມ່ນໄດ້ແບ່ງອອກເປັນ 2 ພາກ ປະກອບມີ ພາກທິດສະດີ ແລະ ການປະຕິບັດຕົວຈິງພາກສະໜາມ, ໂດຍມີການສອບເສັງ 6 ຄັ້ງ ( ຕົວຈິງ 3 ຄັ້ງ ແລະ ທິດສະດີ 2 ຄັ້ງ ແລະ ເສັງກໍາມະການ 1 ຄັ້ງ ), ຜູ້ເຂົ້າຮ່ວມໄດ້ຮຽນຮູ້ກ່ຽວກັບ ການພັດທະນາຄູຝຶກ, ຄວາມຕ້ອງການຄູຝຶກຂອງ AFC, ພາລະບົດບາດ ແລະ ໜ້າທີຮັບຜິດຊອບ,ເຕັກນິກ ແລະ ຍຸດທະວິທີຂອງການເຕະບານ, ຄວາມສຳພັນກັບບານ, ການສົ່ງບານ, ການຈັບບານ, ການຍິງບານ, ຫຼັກການຂອງການຝຶກສອນ, ບານເຕະຟຸດຊໍ, ກະຕິກາຂອງກິລາບານເຕະ, ອາຫານ ແລະ ສຸຂະພາບ, ການຝຶກແອບ, ການຝຶກແອບຜູ້ຮັກສາປະຕູ, ການວາງແຜນ, ບົດບາດສຳຄັນຂອງຜູ້ຮັກສາປະຕູ, ການຈະເລີນເຕີບໃຫຍ່ ແລະ ການປະຖົມພະຍາບານ, ແນະນຳພາກປະຕິບັດກິດຈະກຳບານເຕະພື້ນຖານ, ການຫຼີ້ນບານໃນເກມ. ສຳລັບການຝຶກອົບຮົມແມ່ນໄດ້ດຳເນີນມາແຕ່ວັນທີ 11 ມີນາ ຫາ ວັນທີ 22 ມີນາ 2024.

             ເຂົ້າຮວ່ມພິທີປີດໃນຄັ້ງນີ້ນີ້ ຍັງມີທ່ານ ຊຸນດຣໍາ ມູນຕີ (Sundram Moorthy) ຫົວໜ້າພະແນກເຕັກນິກ - ວິທະຍາ ສຕລ, ທ່ານ ເຮີມັນ ( Herman Zalaini ) ຫົວຫນ້າພັດທະນາຄູຝຶກຈາກ ສຕລ, ມີທ່ານ ວົງມີໄຊ ສຸບົວຄຳ ຜູ້ຝຶກສອນຫຼັກຈາກ ສຕລ ແລະ ທ່ານ ຈັນທະຄາດ ສ່ຽນຜ່ອງໃສ ຜູ້ຊ່ວຍຜູ້ຝຶກສອນ, ພ້ອມດ້ວຍພະນັກງານວິຊາການກ່ຽວຂ້ອງ ແລະ ນັກສຳມະກອນຈໍານວນ 24 ທ່ານ ມາຈາກແຂວງຫຼວງນ້ຳທາ 13 ທ່ານ, ແຂວງອຸດົມໄຊ 3 ທ່ານ, ແຂວງບໍ່ແກ້ວ 2 ທ່ານ ແລະ ປະເທດໄທ 6 ທ່ານ.

#LaoFootballFederation

#LFFCoachEducation

                ວັນທີ 21 ມີນາ 2024 ຢູ່ທີ່ ສູນປິ່ນປົວ ແລະ ຮັກສາສຸຂະພາບຕາ(ທົ່ງປົ່ງ)ກະຊວງສາທາລະນະສຸກ ໄດ້ຈັດພິທີເປີດກິດຈະກໍາການຮັກສາສຸຂະພາບຕາສາກົນຂື້ນ,ໂດຍການເຂົ້າຮວ່ມເປັນກຽດຂອງທ່ານ ດຣ ໄພວັນ ແກ້ວປະເສີດ ຮອງລັດຖະມົນຕີກະຊວງສາທາລະນະສຸກ,ເຊິ່ງກິດຈະກຳນີ້ຈະດຳເນີນໄປລະຫວ່າງ ວັນທີ 18-22 ມີນາ2024.

               ໃນພິທີ,ທ່ານ ດຣ ໄພວັນ ແກ້ວປະເສີດໄດ້ລາຍງານໃຫ້ຮູ້ວ່າ:ການຮັກສາສຸຂະພາບຕາສາກົນຄັ້ງນີ້ແມ່ນສູນຮັກສາສຸຂະພາບຕາແຫ່ງຊາດສິງກະໂປໄດ້ນໍາທີມແພດຊ່ຽວຊານຕາລະດັບສາກົນລວມ22ທ່ານມາຜ່າຕັດປິ່ນປົວພະຍາດແກ່ນຕາຂຸ້ນໃຫ້ພໍ່ແມ່ປະຊາຊົນລາວໃນນະຄອນຫລວງວຽງຈັນ ແລະ ໃນຂອບເຂດທົ່ວປະເທດເປັນຄັ້ງທໍາອິດໂດຍບໍ່ໄດ້ເສຍຄ່າ.ກິດຈະກຳນີ້ຍັງເປັນການຮວ່ມມືກັນລະຫວ່າງທີມງານຜ່າຕັດແກ່ນຕາຂຸ້ນຈາກສິງກະໂປສົມທົບກັບສະພາການຄ້າອຸດສາຫະກໍານະຄອນຫຼວງວຽງຈັນ, ນັກທຸລະກິດສິງກະໂປ,ພະແນກສາທານະລະສຸກ ນະຄອນ ຫຼວງວຽງຈັນ ພ້ອມດ້ວຍໂຮງໝໍ9 ຕົວເມືອງຂອງນະຄອນຫຼວງວຽງຈັນ ແລະ ສູນປິ່ນປົວ ແລະຮັກສາສຸຂະພາບຕາ ເພື່ອດໍາເນີນການຜ່າຕັດແກ່ນຕາຂຸ້ນໃຫ້ຊາວນະຄອນຫຼວງວຽງຈັນ ແລະ ບັນດາແຂວງໃນຂອບເຂດທົ່ວປະເທດ.

                 ທ່ານ ດຣ ໄພວັນ ແກ້ວປະເສີດກ່າວຕື່ມວ່າ:ຜ່ານມາມີທີມງານມູນນິທິ ນິວວີເຊີນ ປະເທດສິງກະໂປໄດ້ດໍາເນີນການຜ່າຕັດແກ່ນຕາຂຸ້ນຢູ່ທີ່ສູນຕາແຫ່ງຊາດລາວໃນປີ 2019 ໄດ້ຈໍານວນທັງໝົດຫລາຍກວ່າ 200 ກໍລະນີ. ແຕ່ໃນຊຸດນີ້ແມ່ນທີມງານສູນຮັກສາສຸຂະພາບຕາແຫ່ງຊາດສິງກະໂປມາສ້າງກິດຈະກໍາຜ່າຕັດແກ່ນຕາຂຸ້ນໂດຍບໍ່ໄດ້ເສຍຄ່າເປັນຄັ້ງທີ 2.ສ່ວນປະຫວັດຄວາມເປັນມາຂອງສູນດັ່ງກ່າວແມ່ນເປັນໜຶ່ງໃນສູນທີ່ເດັ່ນທາງດ້ານວົງການແພດຕາຂອງສິງກະໂປກໍ່ຄືລະດັບສາກົນ.

                   ສູນຕາແຫ່ງຊາດສິງກະໂປ ໄດ້ກໍ່ຕັ້ງຂຶ້ນໃນວັນທີ 3 ມີນາ 1989 ແລະ ເລີ່ມດໍາເນີນງານໃນເດືອນ ຕຸລາ 1990. ເປັນສູນຕາແຫ່ງຊາດທີ່ໄດ້ຮັບການມອບໝາຍພາຍໃຕ້ເຄືອຂ່າຍການປິ່ນປົວສຸຂະພາບຂອງພາກລັດ. ເປັນໜ່ວຍງານຫຼັກ ແລະ ປະສານງານການສະໜອງການບໍລິການດ້ານສາຍຕາໂດຍສະເພາະໂດຍເນັ້ນໃສ່ການສຶກສາ ແລະ ວິໄຈທີ່ມີຄຸນນະພາບ ໂດຍມີຄະນະຊ່ຽວຊານດ້ານສາຍຕາປະມານ 80 ທ່ານ.

ສູນຮັກສາສຸຂະພາບຕາແຫ່ງຊາດສິງກະໂປ ແມ່ນສ່ວນໜຶ່ງຂອງກຸ່ມວິຊາການບໍລິການສາທາລະນະສຸກ ສິງກະໂປ (SingHealth) ເຊິ່ງປະກອບດ້ວຍໂຮງໝໍ 4 ແຫ່ງ, ສູນສະເພາະທາງແຫ່ງຊາດ 5 ແຫ່ງ, ສຸກສາລາຂັ້ນຕົ້ນ 8 ແຫ່ງ ແລະໂຮງໝໍຊຸມຊົນ 3 ແຫ່ງ.ປັດຈຸບັນມີສາຂາສະເພາະທາງ10 ສາຂາເພື່ອສະໜອງການປິ່ນປົວຕາຢ່າງຄົບວົງຈອນຈາກລະດັບປະຖົມເຖິງຂັ້ນສາມສໍາລັບອາການທາງດວງຕາທັງໝົດ.

                ໃນວັນທີ 17 ພະຈິກ 2023, ອົງການ ອະນາໄມໂລກ (WHO) ໄດ້ກຳນົດໃຫ້ ສູນດັ່ງກ່າວ ເປັນສູນຮ່ວມມືຂອງ ອົງການ ອະນາໄມໂລກ ເພື່ອປ້ອງກັນຄົນຕາບອດ ແລະ ຄວາມບົກຜ່ອງທາງສາຍຕາໃນໄລຍະ 4 ປີຕໍ່ໜ້າ, ເຊີ່ງໂຄງການຜ່າຕັດແກ່ນຕາຂຸ້ນໂດຍບໍ່ໄດ້ເສຍຄ່າຂອງສູນຮັກສາສຸຂະພາບຕາແຫ່ງຊາດສິງກະໂປ ຈະຈັດຂຶ້ນທີ່ ສູນປິ່ນປົວ ແລະ ຮັກສາສຸຂະພາບຕາ, ກະຊວງສາທາລະນະສຸກ, ເປັນເວລາ 5 ວັນ ນັບແຕ່ວັນທີ 18-22/3/2024, ຄາດວ່າຈະບັນລຸຕົວເລກຜ່າຕັດແກ່ນຕາຂຸ້ນຫລາຍກ່ວາ 150 ກໍລະນີ.

                 ສຳລັບ ຕອນເຊົ້າ ວັນທີ 23 ມີນາ 2024 ສູນຕາແຫ່ງຊາດສິງກະໂປ ແມ່ນຈະໄດ້ມອບແວ່ນຕາກັນແສງໃຫ້ກັບເຍົາວະຊົນທີ່ຝຶກຊ້ອມຢູ່ສູນຝຶກ ຈຳປີ - ຈຳປາ ຫ້ວຍຫົງ .

                 ເຂົ້າຮ່ວມພິທີຍັງມີທ່ານ ພູວົງ ວົງຄໍາຊາວ ຮອງເຈົ້າຄອງນະຄອນຫຼວງວຽງຈັນ, ທ່ານ ຊູເດສ ມາເນັຍ ເອອັກຄະລັດຖະທູດ ສິງກະໂປ ປະຈໍາລາວ ພ້ອມທັງແຂກຖືກເຊີນ ແລະ ຜູ້ປິ່ນປົວຕາເຂົ້າຮ່ວມ.

              ສະຫະພັນບານເຕະແຫ່ງຊາດລາວ ເປິດຮັບສະໝັກເພື່ອນຮ່ວມງານທີ່ຮັກມັກກິລາບານເຕະ ໂອກາດຂອງທ່ານມາແລ້ວມີ 2 ຕໍາແຫນ່ງ ດັ່ງນີ້:

1. ຜູ້ບໍລິຫານສູນຝຶກບານເຕະ

2. ຜູ້ດູແລສູນຝຶກບານເຕະ

              ປະຈຳຢູ່ແຂວງ ສະຫະພັນບານເຕະແຂວງຫຼວງນ້ຳທາ, ແຂວງຈຳປາສັກ ແລະ ແຂວງຊຽງຂວາງ ພາຍໃຕ້ໂຄງການ ຟີຟາ ພັດທະນາທັກສະຄວາມສາມາດສູນຝຶກບານເຕະ ຈຳປິ - ຈຳປາ.

              ເງື່ອນໄຂ ການຮັບສະຫມັກມີດັ່ງນີ້:

- ສື່ສານພາສາອັງກິດໄດ້ເວົ້າ, ຂຽນ, ອ່ານ

- ພື້ນຖານການໃຊ້ຄອມພິວເຕີ

- ທັກສະໃນການຈັດການ

- ທັກສະໃນການບໍລິຫານ

- ມີໃບປະກາດຄູຝຶກລະດັບ ຊີ ຈະຖືກພິຈາລະນາພິເສດ

              ລາຍລະອຽດຕິດຕໍ່ໄດ້ທີ່ເບີໂທ: +85620 52213030 ( ສົມໃຈ )

Email: [email protected]

ຫມາຍເຫດ: ຮັບສະຫມັກແຕ່ຄົນລາວເທົ່ານັ້ນ