ສະຫະພັນບານເຕະແຫ່ງຊາດລາວ

News

Home
News

ຖະແຫລງຂ່າວກ່ອນເກມ ການແຂ່ງຂັນບານເຕະຍິງ ຊີງແຊ້ມອາຊຽນ ຮຸ່ນອາຍຸບໍ່ເກີນ 19 ປີ ປະຈຳປີ 2023

04/07/2023

ວັນທີ 04 ກໍລະກົດ 2023 ໄດ້ມີພີທີຖະແຫລງຂ່າວກ່ອນເກມ ການແຂ່ງຂັນບານເຕະຍິງ ຊີງແຊ້ມອາຊຽນ ຮຸ່ນອາຍຸບໍ່ເກີນ 19 ປີ ປະຈຳປີ 2023 ຢູ່ທີ່ປະເທດອິນໂດເນເຊຍ, ໂດຍຫົວຫນ້າຄູຝຶກ 4 ທີມ ກຸ່ມ ເອ ເຂົ້າຮ່ວມຖະແຫລງຂ່າວ.

ທ່ານ ວຽງສະຫວັນ ໄຊຍະບູນ ຫົວຫນ້າຄູຝຶກທີມຊາດຍິງລາວ U19 ໄດ້ລາຍງານໃຫ້ຮູ້ວ່າ : '' ທີມຊາດລາວ ໄດ້ກຽມຄວາມພ້ອມເປັນຢ່າງດີ ບໍ່ວ່າຈະເປັນທາງດ້ານພາລະກຳລັງ, ເຕັກນິກ ແລະ ຍຸດທະວິທີ ກຽມພ້ອມລົງແຂ່ງຂັນໃນທຸກໆນັດ ''.

ຕາຕະລາງ ການແຂ່ງຂັນຂັນນັດທຳອິດ ທີມຊາດລາວ ຈະພົບກັບ ທີມຊາດກຳປູເຈຍ ເວລາ 15:30 ແຂ່ງຂັນ ວັນທີ 05 ກໍລະກົດ 2023 ຢູ່ທີ່ສະຫນາມກິລາ Gelora Sriwijaya.

ຜ່ານໄປ 6 ອາທິດ ເຮັສບີທີ 941 ຂຶ້ນເປັນທີມນຳຕາຕະລາງຄະແນນ ການແຂ່ງຂັນບານເຕະ ລາວລີກ 2 ນະຄອນຫຼວງ

04/07/2023

ການແຂ່ງຂັນບານເຕະ ລາວລີກ 2 ນະຄອນຫຼວງ ແມ່ນໄດ້ດຳເນີນການແຂ່ງຂັນມາໄດ້ 6 ອາທິດ ເປັນທາງດ້ານ ເຮັສບີທີ 941 ຂື້ນເປັນທີມນຳຕາຕະລາງຄະແນນ ລົງສະຫນາມ 6 ນັດ ຊະນະ 5 ນັດ ສະເຫມີ 1 ມີ 15 ຄະແນນ, ອັນດັບ 2 ຈັນທະບູລີ ລົງສະຫນາມ 6 ນັດ ຊະນະ 4 ນັດ ສະເຫມີ 2 ນັດ ມີ 14 ຄະແນນ, ອັນດັບ 3 ເຄເອັມທີ ລົງສະຫນາມ 6 ນັດ ຊະນະ 3 ນັດ ສະເຫມີ 3 ນັດ ມີ 12 ຄະແນນ, ອັນດັບ 4 ມຊ ລົງສະຫນາມ 6 ນັດ ຊະນະ 3 ນັດ ສະເຫມີ 2 ນັດ ເສຍ 1 ນັດ ມີ 11 ຄະແນນ, ອັນດັບ 5 ໄອສະປອດ ລົງສະຫນາມ 6 ນັດ ຊະນະ 2 ນັດ ສະເຫມີ 4 ນັດ ມີ 10 ຄະແນນ, ອັນດັບ 6 ເມືອງຫາດ ລົງສະຫນາມ 6 ນັດ ຊະນະ 2 ນັດ ສະເຫມີ 3 ນັດ ມີ 9 ຄະແນນ, ອັນດັບ 7 ເອັສທີທີ ລົງສະຫນາມ 6 ນັດ ຊະນະ 2 ນັດ ສະເຫມີ 2 ນັດ ເສຍ 2 ນັດ ມີ 8 ຄະແນນ, ອັນດັບ 8 ຄິງດ້ອມ ລົງສະຫນາມ 6 ນັດ ຊະນະ 2 ນັດ ສະເຫມີ 2 ນັດ ເສຍ 2 ນັດ ມີ 8 ຄະແນນ, ອັນດັບ 9 ເອັສອີຊີ ຢູໄນເຕັດ ລົງສະຫນາມ 6 ນັດ ຊະນະ 1 ນັດ ສະເຫມີ 1 ນັດ ເສຍ 4 ນັດ ມີ 4 ຄະແນນ, ອັນດັບ 10 ທຣີນີຕີ ລົງສະຫນາມ 6 ນັດ ຊະນະ 1 ນັດ ເສຍ 5 ນັດ ມີ 3 ຄະແນນ, ອັນດັບ 11 ຈັນສີ ລົງສະຫນາມ 6 ນັດ ຊະນະ 1 ນັດ ເສຍ 5 ນັດ ມີ 3 ຄະແນນ ແລະ ອັນດັບສຸດທ້າຍ ເຄພີເອັສ ລົງສະຫນາມ 6 ນັດ ເສຍ 6 ນັດ ມີ 0 ຄະແນນ.

ສຳລັບການແຂ່ງຂັນບານເຕະ ລາວລີກ 2 ນະຄອນຫຼວງ ແມ່ນຈະແຂ່ງຂັນທຸກໆວັນເສົາ ແລະ ວັນອາທິດ ແຂ່ງຂັນມື້ລະ 3 ຄູ່ ເວລາ 09:30, ເວລາ 14:30 ແລະ ເວລາ 17:30 ຢູ່ທີ່ສະຫນາມກິລາເຈົ້າອານຸວົງ ແຟນບານສາມາດໄປຕິດຕາມຮັບຊົມໄດ້ເຂົ້າຊົມຟຣີ.

ທະຫານແຂວງບໍລິຄຳໄຊ ແລະ ບໍລິສັດວັນນະແສງ ຟອມຮ້ອນແຮງ ຊະນະ 4 ນັດ ລາວລີກ 2 ແຂວງບໍລິຄຳໄຊ

04/07/2023

ການແຂ່ງຂັນບານເຕະ ລາວລີກ 2 ແຂວງບໍລິຄຳໄຊ ແມ່ນໄດ້ດຳເນີນການແຂ່ງຂັນນັບຕັ້ງ ວັນທີ 09 ມິຖຸູນາ 2023 ເປັນຕົ້ນມາ ເຊິ່່ງແຂ່ງໄດ້ 4 ອາທິດ ເປັນທາງດ້ານ ທະຫານແຂວງບໍລິຄຳໄຊ ລົງສະຫນາມ 4 ນັດ ຊະນະ 4 ນັດ ມີ 12 ຄະແນນ, ອັນດັບ 2 ບໍລິສັດ ວັນນະແສງ ລົງສະຫນາມ 4 ນັດ ຊະນະ 4 ນັດ ມີ 12 ຄະແນນ, ອັນດັບ 3 ບໍລິຄຳໄຊ ລົງສະຫນາມ 4 ນັດ ຊະນະ 1 ນັດ ສະເຫມີ 1 ນັດ ເສຍ 2 ນັດ ມີ 4 ຄະແນນ, ອັນດັບ 4 ໂຈ-ເຈ ຟາມ ລົງສະຫນາມ 4 ນັດ ຊະນະ 1 ນັດ ສະເຫມີ 2 ນັດ ເສຍ 3 ນັດ ມີ 4 ຄະແນນ, ອັນດັບ 5 ສະມາຄົມ ເຂີຍຫຼັກ 4 ລົງສະຫນາມ 4 ນັດ ຊະນະ 1 ນັດ ເສຍ 3 ນັດ ມີ 3 ຄະແນນ ແລະ ອັນດັບສຸດທ້າຍ ເມືອງບໍລິຄັນ ລົງສະຫນາມ 4 ນັດ ເສຍ 4 ນັດ ມີ 0 ຄະແນນ.

ສຳລັບຕາຕະລາງການແຂ່ງຂັນນັດສຸດທ້າຍຮອບຂາໄປ ຈະມີຂຶ້ນວັນທີ 08 ກໍລະກົດ 2023 ເວລາ 09:00 ສະມາຄົມ ເຂີຍຫຼັກ 4 ພົບ ໂຈ - ເຈ ຟາມ, ເວລາ 13:00 ເມືອງບໍລິຄັນ ພົບ ບໍລິຄຳໄຊ ແລະ ຄູ່ສຸດທ້າຍ ເວລາ 15:00 ເປັນການຍາດຊີງຕຳແຫນ່ງທີມນຳຮອບຂາໄປ ເປັນການພົບກັນລະຫວ່າງ ທະຫານແຂວງບໍລິຄຳໄຊ ພົບ ບໍລິສັດວັນນະແສງ ທຸກໆຄູ່ແມ່ນແຂ່ງຂັນຢູ່ທີ່ສະຫນາມກິລາ ມສ ສີທ່ານາໄຊ.

ໃນການຈັດການແຂ່ງຂັນລາວລີກ2ຂອງແຕ່ລະແຂວງ ແລະ ນະຄອນຫຼວງວຽງຈັນ ຄັ້ງນີ້,ສະຫະພັນບານເຕະແຫ່ງຊາດລາວ(ສຕລ)ໄດ້ໃຫ້ການ ສະຫນັບສະຫນູນງົບປະມານໃຫ້ແຕ່ລະແຂວງທີ່ຈັດການແຂ່ງຂັນລາວລີກ2ເປັນຈຳນວນເງິນ 60 ລ້ານກີບ,ສວ່ນແຂ່ງຂັນລະດັບມັດທະຍົມຕົ້ນ(ຊາຍ-ຍິງ)30ລ້ານກີບແລະລະດັບມັດທະຍົມປາຍ(ຊາຍ-ຍິງ)30ລ້ານກີບລວມໄດ້ຮັບເງິນອຸປະຖໍາຈາກສຕລໃນການແຂ່ງຂັນທັງ3ລາຍການເປັນເງິນທັງໝົດ120ລ້ານກີບຕໍ່ແຂວງ.

ທີມຊາດຍິງລາວ U19 ອອກເດີນທາງເຂົ້າຮ່ວມແຂ່ງຂັນຢູ່ທີ່ປະເທດອິນໂດເນເຊຍ

02/07/2023

ໃນວັນທີ 02 ກໍລະກົດ 2023 ຄະນະນັກກິລາທີມຍິງລາວU19 ນຳໂດຍທ່ານ ດຣ ບຸນຍູ້ ສີສານ ຄະນະບໍລິຫານງານ ສະຫະພັນບານເຕະແຫ່ງຊາດລາວ ທັງເປັນຫົວໜ້າຄະນະນຳນັກກິລາ ພ້ອມຄະນະຄູຝຶກ ແລະ ນັກກິລາທັງໝົດ 34 ຄົນໄດ້ເດີນທາງເຂົ້າຮ່ວມການແຂ່ງຂັນບານເຕະຍິງຊີງແຊ້ມອາຊຽນຮຸ່ນອາຍຸບໍ່ເກີນ 19 ປີ ຢູ່ທີ່ປະເທດອິນໂດເນເຊຍ.

ທີມຍິງລາວU19 ແມ່ນໄດ້ເລີ່ມເກັບຕົວຝຶກຊ້ອມນັບຕັ້ງແຕ່ຕົ້ນເດືອນມິຖຸນາ 2023 ເປັນຕົ້ນມາໂດຍແມ່ນ ທ່ານ ວຽງສະຫວັນ ໄຊຍະບູນ ເປັນຫົວຫນ້າຄູຝຶກ ໄດ້ຄັດເລືອກນັກກິລາ 23 ຄົນສຸດທ້າຍ ເຂົ້າຮ່ວມ ການແຂ່ງຂັນບານເຕະຍິງຊີງແຊ້ມອາຊຽນຮຸ່ນອາຍຸບໍ່ເກີນ 19 ປີ ຢູ່ທີ່ປະເທດອິນໂດເນເຊຍ.

ລາຍຊື່ນັກກິລາ 23 ຄົນ ມີລາຍຊື່ດັ່ງລຸ່ມນີ້:

+ ຜູ້ຮັກສາປະຕູ

- ປານິຕາ ລາດສະວົງສາ ຈາກ ສະໂມສອນ ກິລາບານເຕະ ຈຳປາສັກ

- ລີ່ນ່າ ລັດສະຫມີ ຈາກ ສະໂມສອນ ກິລາບານເຕະ PKP ແຂວງຫຼວງພະບາງ

- ຕາຕີບ ແກ້ວອີນຫວນ ຈາກ ສະໂມສອນ ກິລາບານເຕະ SL ແຂວງອຸດົມໄຊ

+ ກອງຫຼັງ

- ບຸດສະບາ ສຸດທະວິໄລ ຈາກ ສະໂມສອນ ກິລາບານເຕະ ຈຳປາສັກ

- ໂນຕ້າ ໄຊຍະລາດ ຈາກ ສະໂມສອນ ກິລາບານເຕະ ຈຳປາສັກ

- ແຈ໋ກ ວົງຕາແສງ ຈາກ ສະໂມສອນ ກິລາບານເຕະ ຈຳປາສັກ

- ກາເຫວົາ ວົງພະຈັນ ຈາກ ສະໂມສອນ ກິລາບານເຕະ ເອສະຣາ

- ທີບປະກອນ ສີວົງລາດ ຈາກ ສະໂມສອນ ກິລາບານເຕະ ເອສະຣາ

- ຄຳຫລ້າ ແກ້ວມະນີ ຈາກ ສະໂມສອນ ກິລາບານເຕະ ເອສະຣາ

- ນິດຊາ ສຸລາລຸ ຈາກ ສະໂມສອນ ກິລາບານເຕະ ກອງທັບ

- ດາຫລີງ ມະນີວັນ ຈາກ ແຂວງຈຳປາສັກ

- ແສງເດືອນ ພົງໄພລັດ ຈາກ ນະຄອນຫຼວງວຽງຈັນ

+ ກອງກາງ

- ຫຼິວ ຟອງສະມຸດ ຈາກ ສະໂມສອນ ກິລາບານເຕະ ກອງທັບ

- ສິນລະຄອນ ບຸນນາລີ ຈາກ ສະໂມສອນ ກິລາບານເຕະ PKP ແຂວງຫຼວງພະບາງ

- ຄອນສະຫວັນ ວົງຄຳແກ້ວ ຈາກ ສະໂມສອນ ກິລາບານເຕະ ຈຳປາສັກ

- ຫັດລືໄທ ທຳມະວົງສາ ຈາກ ສະໂມສອນ ກິລາບານເຕະ ຈຳປາສັກ

- ລັດດາ ວໍລະຈິດ ຈາກ ສະໂມສອນ ກິລາບານເຕະ ຈຳປາສັກ

- ພຸດທະສອນ ໂຄທິສານ ຈາກ ສະໂມສອນ ກິລາບານເຕະ ຈຳປາສັກ

- ປ໋ອງ ແກ້ວສະຫວ່າງ ຈາກ ສະໂມສອນ ກິລາບານເຕະ ຈຳປາສັກ

+ ກອງຫນ້າ

- ສີສະອາດ ອຳໄພລາດ ຈາກ ສະໂມສອນ ກິລາບານເຕະ ຈຳປາສັກ

- ໃຈຄຳ ໄຊຍະປະເສີດ ນະຄອນຫລວງວຽງຈັນ

- ຈິນດາ ສີຫາລາດ ນະຄອນຫລວງວຽງຈັນ

- ແກ້ມມີ້ ອຸດົມສຸກ ຈາກ ສະໂມສອນ ກິລາບານເຕະ ເອສະຣາ

ການແຂ່ງຂັນບານເຕະຍິງຊີງແຊ້ມອາຊຽນຮຸ່ນອາຍຸບໍ່ເກີນ 19 ປີ ເຊິ່ງຈະຈັດຂຶ້ນໃນລະຫວ່າງວັນທີ 05 – 15 ກໍລະກົດ 2023 ຢູ່ທີ່ ເມືອງ ປາແລມບັງ ປະເທດອິນໂດເນເຊຍ.

ການແຂ່ງຂັນລາຍການດັ່ງກ່າວມີ 10 ປະເທດ ເຂົ້າຮ່ວມ ການແຂ່ງຂັນ ໂດຍແບ່ງອອກເປັນ 3 ກຸ່ມ ຄັດອັນດັບ 1 ຂອງແຕ່ລະກຸ່ມ ຜ່ານເຂົ້າຮອບ ແລະ ອັນດັບ 2 ທີ່ມີຄະແນນດີທີ່ສຸດຜ່ານເຂົ້າຮອບຮອງຊະນະເລີດ.

- ກຸ່ມ A: ອິນໂດເນເຊຍ, ກຳປູເຈຍ, ລາວ ແລະ ຕີມໍ ເລສເຕ

- ກຸ່ມ B: ຫວຽດນາມ, ມາເລເຊຍ ແລະ ສິງກະໂປ

- ກຸ່ມ C: ໄທ, ມຽນມາ ແລະ ຟີລິບປິນ

ຕາຕະລາງ ການແຂ່ງຂັນຂອງທີມຊາດລາວ

ວັນທີ 05/07/2023 ເວລາ 15:30 ກຳປູເຈຍ ພົບ ລາວ ແຂ່ງຂັນຢູ່ທີ່ສະຫນາມກິລາ Gelora Sriwijaya

ວັນທີ 07/07/2023 ເວລາ 19:30 ລາວ ພົບ ອິນໂດເນເຊຍ ແຂ່ງຂັນຢູ່ທີ່ສະຫນາມກິລາ Gelora Sriwijaya

ວັນທີ 09/07/2023 ເວລາ 19:30 ລາວ ພົບ ຕີມໍ ເລສເຕ ແຂ່ງຂັນຢູ່ທີ່ສະຫນາມກິລາ Athletic Field

ກຳນົດການເດີນຂອງທີມຊາດຍິງ ລາວU19 ແມ່ນຈະອອກເດີນທາງໄປທີ່ປະເທດອິນໂດເນເຊຍໃນວັນທີ 02 ກໍລະກົດ 2023.

ເຊີນແຟນບານທຸກທ່ານສົ່ງກຳລັງໃຈຮວ່ມຊົມ,ຮວ່ມເຊຍທິມຊາດຍິງລາວU19ໃນການແຂ່ງຂັນຄັ້ງນີ້ດວ້ຍ.

ຊ້າງນ້ອຍ ຄວ້າແຊ້ມການແຂ່ງຂັນບານເຕະເປບຊີ ລາວລີກ 1 2023 ເປັນສະໄຫມທີ 2 ຕິດຕໍ່ກັນ ພ້ອມສ້າງສະຖິຕິ ບໍ່ເສຍໃຫ້ທີມໃດ 35 ນັດ ນັບຕັ້ງແຕ່ປີ 2020

02/07/2023

ການແຂ່ງຂັນບານເຕະ ເປບຊີ ລາວລີກ 1 ປະຈຳປີ 2023 ນັດສຸດທ້າຍຂອງການແຂ່ງຂັນໄດ້ຈັດຂຶ້ນທີ່ສະຫນາມກິລາແຫ່ງຊາດ(ຫຼັກ16)ເປັນການພົບກັນ ລະຫວ່າງ ສະໂມສອນ ກິລາບານເຕະ ຊ້າງນ້ອຍກັບສະໂມສອນ ກິລາບານເຕະມາສເຕີ້ ເຊເວັ້ນ. ຜ່ານການແຂ່ງຂັນສະໂມສອນ ກິລາບານເຕະ ຊ້າງນ້ອຍ ເອົາຊະນະ ສະໂມສອນ ກິລາບານເຕະ ມາສເຕີ້ ເຊເວັ້ນ 1-0 ໂດຍໄດ້ປະຕູຈາກຈູລຽນໂບດຕາໂຣ(JULIAN BOTTARO)ໃນນາທີ 45+2.

ຊ້າງນ້ອຍ ເກັບໄຊຊະນະ ເປັນນັດທີ 12 ຈາກທັງຫມົດ 14 ນັດ, ສ່ວນທີ່ເຫລືອ ສະເໜີ 2 ນັດເສຍ 0 ຍິງໄດ້ 39 ປະຕູ ເສຍ 5 ປະຕູ,ມີ 38 ຄະແນນເປັນທີມທີ່ເສຍປະຕູໜ້ອຍກວ່າທຸກທິມໃນ ເປບຊີ ລາວລີກ 1 ແລະສາມາດປ້ອງກັນແຊ້ມ ເປບຊີ ລາວລີກ 1 ເປັນຄັ້ງທໍາອິດ,ທັງເປັນການຄວ້າແຊ້ມສະໄຫມທີ 2 ຕໍ່ຈາກປີ 2022 ຮັບຂັນແຊ້ມ ພ້ອມເງິນລາງວັນ 300 ລ້ານກີບ,ເຊິ່ງສ້າງສະຖິຕິບໍ່ເສຍໃຫ້ທີມໃດ 35 ນັດ ນັບຕັ້ງແຕ່ປີ 2020 ເປັນຕົ້ນມາ.

ສວ່ນທິມອັນດັບ2ເປັນຂອງມາສເຕີ້ ເຊເວັ້ນ ລົງສະຫນາມ 14 ນັດ ຊະນະ 9 ນັດ ສະເຫມີ 1 ນັດ ເສຍ 4 ນັດ ຍິງໄດ້ 42 ປະຕູ ເສຍ 15 ປະຕູ ມີ 28 ຄະແນນ ພ້ອມຮັບເງິນລາງວັນ 150ລ້ານກີບ, ອັນດັບ 3 ເອສະຣາ ລົງສະຫນາມ 14 ນັດ ຊະນະ 7 ນັດ ສະເຫມີ 4 ນັດ ເສຍ 3 ນັດ ຍິງໄດ້ 39 ປະຕູ ເສຍ 12 ປະຕູ ມີ 25 ຄະແນນ ໄດ້ຮັບເງິນລາງວັນ 80ລ້ານກີບ, ອັນດັບ 4 ກອງທັບ ລົງສະຫນາມ 14 ນັດ ຊະນະ 6 ນັດ ສະເຫມີ 5 ນັດ ເສຍ 3 ນັດ ມີ ຍິງໄດ້ 20 ປະຕູ ເສຍ 14 ປະຕູ ມີ 23 ຄະແນນ 40ລ້ານກີບ, ອັນດັບ 5 ຫຼວງພະບາງ ລົງສະຫນາມ 14 ນັດ ຊະນະ 3 ນັດ ສະເຫມີ 5 ນັດ ເສຍ 6 ນັດ ຍິງໄດ້ 33 ປະຕູ ເສຍ 17 ປະຕູ ມີ 14 ຄະແນນ ໄດ້ຮັບເງິນລາງວັນ 30ລ້ານກີບ, ອັນດັບ 6 ຈຳປາສັກ ລົງສະຫນາມ 14 ນັດ ຊະນະ 3 ນັດ ສະເຫມີ 2 ນັດ ເສຍ 9 ນັດ ຍິງໄດ້ 13 ປະຕູ ເສຍ 42 ປະຕູ 11 ຄະແນນ ໄດ້ຮັບເງິນລາງວັນ 20ລ້ານກີບ, ອັນດັບ 7 ນໍ້າທາ ລົງສະຫນາມ 14 ນັດ ຊະນະ 1 ນັດ ສະເຫມີ 5 ນັດ ເສຍ 8 ນັດ ຍິງໄດ້ 10 ປະຕູ ເສຍ 24 ປະຕູ ມີ 8 ຄະແນນ ໄດ້ຮັບເງິນລາງວັນ 10ລ້ານກີບ ແລະ ອັນດັບສຸດທ້າຍ ວຽງຈັນ ລົງສະຫນາມ 14 ນັດ ຊະນະ 2 ນັດ ສະເຫມີ 2 ນັດ ເສຍ 10 ນັດ ຍິງໄດ້ 11 ປະຕູ ເສຍ 78 ປະຕູ ມີ 8 ຄະແນນ.

ລາງວັນປະເພດບຸກຄົນ: ນັກກິລາທີ່ຍິງປະຕູໄດ້ຫຼາຍແມ່ນRAFAEL RODRIGUES ສັນຊາດເບຣຊິນ ຈາກ ສະໂມສອນກິລາບານເຕະ ມາສເຕີ້ ເຊເວັ້ນ ຍິງໄດ້ 18 ປະຕູ, ຜູ້ຮັກສາປະຕູດີເດັ່ນແມ່ນ ສໍລະສັກ ທິລະວົງ ຈາກ ສະໂມສອນກິລາບານເຕະ ຊ້າງນ້ອຍ, ນັກກິລາດີເດັ່ນ ບຸນພະຈັນ ບຸນກອງ ຈາກ ສະໂມສອນ ກິລາບານເຕະ ຊ້າງນ້ອຍ ແລະ ຄູຝຶກດີເດັ່ນແມ່ນທ່ານSATYA SAGARA ຈາກ ສະໂມສອນກິລາບານເຕະຊ້າງນ້ອຍ

ການຈັດການແຂ່ງຂັນບານເຕະ ເປບຊີ ລາວລີກ 1 ແມ່ນໄດ້ເລີ່ມແຂ່ງຂັນມານັບຕັ້ງວັນທີ 18 ກຸມພາ 2023 ໂດຍນໍາໃຊ້ຮູບແບບການແຂ່ງຂັນແບບພົບກັນຫມົດຈຳນວນ 2 ຮອບ ຂາໄປ ແລະ ຂາກັບລວມມີ 56 ນັດ, ສະໂມສອນທີ່ໄດ້ເປັນແຊ້ມ ເປບຊີ ລາວລີກ 1ໃນ ລະດູການ 2023 ຈະໄດ້ເປັນສະໂມສອນຕົວແທນຈາກ ສປປ ລາວ ເຂົ້າຮ່ວມການແຂ່ງຂັນລະດັບ AFC Cup 2024 (ແຕ່ຕ້ອງໄດ້ຮັບໃບອະນຸຍາດສະໂມສອນລະດັບອາຊີຈື່ງສາມາດເຂົ້າຮ່ວມໄດ້ ) ຫຼື ລາຍການອື່ນໆທີ່ຖືກເຊີນ ສ່ວນອັນດັບຮອງລົງມາຈະໄດ້ພິຈາລະນາຕາມຄວາມເໝາະສົມ.

ໃຫ້ກຽດເຂົ້າຮ່ວມພິທີປິດ ແລະ ມອບລາງວັນໂດຍມີ ພະນະທ່ານ ສົມສະຫວາດ ເລັ່ງສະຫວັດ ປະທານກິຕິມະສັກສະຫະພັນບານເຕະແຫ່ງຊາດລາວ, ທ່ານ ວີເພັດ ສີຫາຈັກຣ ປະທານ ສະຫະພັນບານເຕະແຫ່ງຊາດລາວ,ທ່ານ ຈັນສະຫມອນ ຜ່ອງຈັນທາ ຜູ້ອຳນວຍການຝ່າຍການຕະຫລາດບໍລິສັດເບຍລາວຈຳກັດ, ຄະນະບໍລິຫານງານ ສະຫະພັນບານເຕະແຫ່ງຊາດລາວ, ແຂກຖືກເຊີນ ຕະຫລອດຮອດແຟນບານ ແລະ ສື່ມວນຊົນ ເຂົ້າຮ່ວມຮັບຊົມ.

ປະກາດລາຍຊື່ລາຍຊື່ນັກກິລາ ທີມຊາດຍິງລາວU19 ເຂົ້າຮ່ວມ ການແຂ່ງຂັນບານເຕະ ການແຂ່ງຂັນບານເຕະຍິງຊີງແຊ້ມອາຊຽນຮຸ່ນອາຍຸບໍ່ເກີນ 19 ປີ ຢູ່ທີ່ປະເທດອິນໂດເນເຊຍ

30/06/2023

ທີມຍິງລາວU19 ແມ່ນໄດ້ເລີ້ມເກັບຕົວຝຶກຊ້ອມນັບຕັ້ງແຕ່ຕົ້ນເດືອນມິຖຸນາ 2023 ເປັນຕົ້ນມາໂດຍແມ່ນ ທ່ານ ວຽງສະຫວັນ ໄຊຍະບູນ ເປັນຫົວຫນ້າຄູຝຶກ ໄດ້ຄັດເລືອກນັກກິລາ 23 ຄົນສຸດທ້າຍ ເຂົ້າຮ່ວມ ການແຂ່ງຂັນບານເຕະຍິງຊີງແຊ້ມອາຊຽນຮຸ່ນອາຍຸບໍ່ເກີນ 19 ປີ ຢູ່ທີ່ປະເທດອິນໂດເນເຊຍ.

ລາຍຊື່ນັກກິລາ 23 ຄົນ ມີລາຍຊື່ດັ່ງລຸ່ມນີ້:
+ ຜູ້ຮັກສາປະຕູ
- ປານິຕາ ລາດສະວົງສາ ຈາກ ສະໂມສອນ ກິລາບານເຕະ ຈຳປາສັກ
- ລີ່ນ່າ ລັດສະຫມີ ຈາກ ສະໂມສອນ ກິລາບານເຕະ PKP ແຂວງຫຼວງພະບາງ
- ຕາຕີບ ແກ້ວອີນຫວນ ຈາກ ສະໂມສອນ ກິລາບານເຕະ SL ແຂວງອຸດົມໄຊ
+ ກອງຫຼັງ
- ບຸດສະບາ ສຸດທະວິໄລ ຈາກ ສະໂມສອນ ກິລາບານເຕະ ຈຳປາສັກ
- ໂນຕ້າ ໄຊຍະລາດ ຈາກ ສະໂມສອນ ກິລາບານເຕະ ຈຳປາສັກ
- ແຈ໋ກ ວົງຕາແສງ ຈາກ ສະໂມສອນ ກິລາບານເຕະ ຈຳປາສັກ
- ກາເຫວົາ ວົງພະຈັນ ຈາກ ສະໂມສອນ ກິລາບານເຕະ ເອສະຣາ
- ທີບປະກອນ ສີວົງລາດ ຈາກ ສະໂມສອນ ກິລາບານເຕະ ເອສະຣາ
- ຄຳຫລ້າ ແກ້ວມະນີ ຈາກ ສະໂມສອນ ກິລາບານເຕະ ເອສະຣາ
- ນິດຊາ ສຸລາລຸ ຈາກ ສະໂມສອນ ກິລາບານເຕະ ກອງທັບ
- ດາຫລີງ ມະນີວັນ ຈາກ ແຂວງຈຳປາສັກ
- ແສງເດືອນ ພົງໄພລັດ ຈາກ ນະຄອນຫຼວງວຽງຈັນ
+ ກອງກາງ
- ຫຼິວ ຟອງສະມຸດ ຈາກ ສະໂມສອນ ກິລາບານເຕະ ກອງທັບ
- ສິນລະຄອນ ບຸນນາລີ ຈາກ ສະໂມສອນ ກິລາບານເຕະ PKP ແຂວງຫຼວງພະບາງ
- ຄອນສະຫວັນ ວົງຄຳແກ້ວ ຈາກ ສະໂມສອນ ກິລາບານເຕະ ຈຳປາສັກ
- ຫັດລືໄທ ທຳມະວົງສາ ຈາກ ສະໂມສອນ ກິລາບານເຕະ ຈຳປາສັກ
- ລັດດາ ວໍລະຈິດ ຈາກ ສະໂມສອນ ກິລາບານເຕະ ຈຳປາສັກ
- ພຸດທະສອນ ໂຄທິສານ ຈາກ ສະໂມສອນ ກິລາບານເຕະ ຈຳປາສັກ
- ປ໋ອງ ແກ້ວສະຫວ່າງ ຈາກ ສະໂມສອນ ກິລາບານເຕະ ຈຳປາສັກ
+ ກອງຫນ້າ
- ສີສະອາດ ອຳໄພລາດ ຈາກ ສະໂມສອນ ກິລາບານເຕະ ຈຳປາສັກ
- ໃຈຄຳ ໄຊຍະປະເສີດ ນະຄອນຫລວງວຽງຈັນ
- ຈິນດາ ສີຫາລາດ ນະຄອນຫລວງວຽງຈັນ
- ແກ້ມມີ້ ອຸດົມສຸກ ຈາກ ສະໂມສອນ ກິລາບານເຕະ ເອສະຣາ
ການແຂ່ງຂັນບານເຕະຍິງຊີງແຊ້ມອາຊຽນຮຸ່ນອາຍຸບໍ່ເກີນ 19 ປີ ເຊິ່ງຈະຈັດຂຶ້ນໃນລະຫວ່າງວັນທີ 05 – 15 ກໍລະກົດ 2023 ຢູ່ທີ່ ເມືອງ ປາແລມບັງ ປະເທດອິນໂດເນເຊຍ.
ການແຂ່ງຂັນລາຍການດັ່ງກ່າວມີ 10 ປະເທດ ເຂົ້າຮ່ວມ ການແຂ່ງຂັນ ໂດຍແບ່ງອອເປັນ 3 ກຸ່ມ ຄັດອັນດັບ 1 ຂອງແຕ່ລະກຸ່ມ ຜ່ານເຂົ້າຮອບ ແລະ ອັນດັບ 2 ທີ່ມີຄະແນນດີທີ່ສຸດຜ່ານເຂົ້າຮອບຮອງຊະນະເລີດ.
- ກຸ່ມ A: ອິນໂດເນເຊຍ, ກຳປູເຈຍ, ລາວ ແລະ ຕີມໍ ເລສເຕ
- ກຸ່ມ B: ຫວຽດນາມ, ມາເລເຊຍ ແລະ ສິງກະໂປ
- ກຸ່ມ C: ໄທ, ມຽນມາ ແລະ ຟີລິບປິນ
ຕາຕະລາງ ການແຂ່ງຂັນຂອງທີມຊາດລາວ
ວັນທີ 05/07/2023 ເວລາ 15:30 ກຳປູເຈຍ ພົບ ລາວ ແຂ່ງຂັນຢູ່ທີ່ສະຫນາມກິລາ Gelora Sriwijaya
ວັນທີ 07/07/2023 ເວລາ 19:30 ລາວ ພົບ ອິນໂດເນເຊຍ ແຂ່ງຂັນຢູ່ທີ່ສະຫນາມກິລາ Gelora Sriwijaya
ວັນທີ 09/07/2023 ເວລາ 19:30 ລາວ ພົບ ຕີມໍ ເລສເຕ ແຂ່ງຂັນຢູ່ທີ່ສະຫນາມກິລາ Athletic Field
ກຳນົດການເດີນຂອງທີມຊາດຍິງ ລາວU19 ແມ່ນຈະອອກເດີນທາງໄປທີ່ປະເທດອິນໂດເນເຊຍໃນວັນທີ 02 ກໍລະກົດ 2023.
ເຊີນແຟນບານທຸກທ່ານສົ່ງກຳລັງໃຈຮວ່ມຊົມ,ຮວ່ມເຊຍທິມຊາດຍິງລາວU19ໃນການແຂ່ງຂັນຄັ້ງນີ້ດວ້ຍ.

ອານັນ ອາໄຫຼ່ ຂຶ້ນເປັນທີມນຳຕາຕະລາງຄະແນນ ລາວລີກ 2 ແຂວງສະຫວັນນະເຂດ

29/06/2023

ການແຂ່ງຂັນບານເຕະ ລີກ 2 ແຂວງສະຫວັນນະເຂດ ດຳເນີນການແຂ່ງຂັນໄດ້ 4 ອາທິດ ເປັນທາງດ້ານ ອານັນ ອາໄຫລ່ ຂຶ້ນເປັນທີມນຳຕາຕະລາງ ຄະແນນ ລົງສະຫນາມ 4 ນັດ ຊະນະ 3 ນັດ ສະເຫມີ 1 ນັດ ມີ 10 ຄະແນນ, ສ່ວນອັນດັບ 2 ສະຫວັນ ຢູໄນເຕັດ ລົງສະຫນາມ 4 ນັດ ຊະນະ 2 ນັດ ສະເຫມີ 1 ນັດ ເສຍ 1 ນັດ ມີ 7 ຄະແນນ, ອັນດັບ 3 ດາຣກວູຟ ລົງສະຫນາມ 4 ນັດ ຊະນະ 2 ນັດ ເສຍ 2 ນັດ ມີ 6 ຄະແນນ, ອັນດັບ 4 ໂພໄຊນ້ອຍ ລົງສະຫນາມ 4 ນັດ ຊະນະ 2 ນັດ ເສຍ 1 ນັດ ມີ 6 ຄະແນນ, ອັນດັບ 5 ລີລາວະດີ ສອງຄອນ ລົງສະຫນາມ 4 ນັດ ຊະນະ 1 ສະເຫມີ 2 ນັດ ເສຍ 1 ນັດ ມີ 5 ຄະແນນ ແລະ ອັນດັບສຸດທ້າຍ ໄຮເຢຍນ້າ ລົງສະຫນາມ 4 ນັດ ເສຍ 4 ນັດ.
ການແຂ່ງຂັນແມ່ນເລີ້ມແຂ່ງຂັນວັນທີ 03 ມິຖູນາ ຫາ 6 ສິງຫາ 2023 ໂດຍທຸກໆນັດແມ່ນຈະແຂ່ງຂັນຢູ່ທີ່ສະຫນາມກິລາແຂວງສະຫວັນນະເຂດ.

ການແຂ່ງຂັນບານເຕະ ເປບຊີ ລາວລີກ 1 ປີ 2023 ຈົບນັດທີ 13 ໄດ້ອັນດັບທີ 2, 3 ແລະ 4 ແນ່ນອນແລ້ວ

29/06/2023

ການແຂ່ງຂັນເຕະບານ ລາວລີກ 1 ປະຈຳປີ 2023 ນັດທີ 13 ໃນທ້າຍອາທິດຜ່ານມາ, ໄດ້ອັນດັບທີ 2, 3 ແລະ 4 ແນ່ນອນແລ້ວ, ມາສເຕີ ເຊເວັນ ຊະນະ ກອງທັບ 4-0 ເຮັດໃຫ້ ມາສເຕີ ເຊເວັນ ໄດ້ອັນດັບ 2 ແນ່ນອນແລ້ວ ມີ 28 ຄະແນນ ຈາກ 13 ນັດ ນຳອັນດັບ 3 ເອສະຣາ 4 ຄະແນນ ເຫລືອການແຂ່ງຂັນພຽງນັດດຽວ, ມາສເຕີ ເຊເວັນ ໄດ້ຮອງແຊ້ມ 4 ສະໄໝຕິດຕໍ່ກັນ ໄດ້ຮັບເງິນລາງວັນ 150 ລ້ານກີບ.

ສ່ວນ ເອສະຣາ ກໍໄດ້ອັນດັບ 3 ແນ່ນອນແລ້ວ ມີ 24 ຄະແນນ ຈາກ 13 ນັດ ນຳອັນດັບ 4 ກອງທັບ 4 ຄະແນນ ເຫລືອການແຂ່ງຂັນພຽງນັດດຽວ, ເອສະຣາ ຈົບອັນດັບ 3 ເໝືອນກັບປີຜ່ານມາ ໄດ້ຮັບເງິນ 80 ລ້ານກີບ. ຂະນະທີ່ ກອງທັບ ກໍຈົບອັນດັບທີ 4 ແນ່ນອນແລ້ວ ມີ 20 ຄະແນນ ຈາກ 13 ນັດ ນຳອັນດັບ 5 ຫລວງພະບາງ 9 ຄະແນນ ເຫລືອການແຂ່ງຂັນພຽງນັດດຽວ, ກອງທັບ ໄດ້ຮັບເງິນລາງວັນ 40 ລ້ານກີບ.

ສ່ວນການຊິງອັນດັບ 5 ລຸ້ນກັນລະຫວ່າງ ຫລວງພະບາງ ກັບ ຈຳປາສັກ ປັດຈຸບັນ ທັງສອງທີມມີ 11 ຄະແນນເທົ່າກັນ ແລະ ການຊິງໜີຈາກອັນດັບສຸດທ້າຍ ມີສອງທີມ ລະຫວ່າງ ວຽງຈັນ ທີ່ມີ 8 ຄະແນນ ແລະ ນໍ້າທາ ຢູໄນເຕັດ ທີ່ມີ 7 ຄະແນນ.

ສຳລັບທີມແຊ້ມ ຮູ້ກັນກ່ອນໜ້ານີ້ແລ້ວຄື: ຊ້າງນ້ອຍ ເອັຟຊີ ປ້ອງກັນແຊ້ມໄດ້ສຳເລັດ ແລະ ຍັງມີສະຖິຕິໄຮ້ປະລາໄຊ ຜ່ານໄປ 13 ນັດ ຊະນະ 11 ສະເໝີ 2 ຮັບຂັນແຊ້ມ ແລະ ເງິນລາງວັນ 200 ລ້ານກີບ ພ້ອມກັບສິດໄປແຂ່ງຂັນລາຍການ AFC Cup 2023-24 ຮອບຄັດເລືອກ.

ຕາຕະລາງການແຂ່ງຂັນນັດສຸດທ້າຍ ນັດທີ 14 ວັນອາທິດ 2 ກໍລະກົດ 2023 ວຽງຈັນ ພົບ ຫຼວງພະບາງ ເວລາ 16:00 ທີ່ສະຫນາມກິລາແຫ່ງຊາດ ຫຼັກ 16 ສະໜາມນອກ, ຊ້າງນ້ອຍ ພົບ ມາສເຕີ ເຊເວັນ ເວລາ 16:00 ທີ່ສະຫນາມກິລາແຫ່ງຊາດ ຫຼັກ 16 ສະໜາມໃຫຍ່.

ຈຳປາສັກ ພົບ ກອງທັບ ເວລາ 16:00 ທີ່ສະຫນາມກິລາ ແຂວງຈຳປາສັກ ແລະນ້ຳທາ ພົບ ເອສະຣາ ເວລາ 15:30 ຢູ່ສະຫນາມກິລາ ແຂວງຫຼວງນ້ຳທາ.

ມາຮ່ວມຊົມ ແລະ ຮ່ວມເຊຍ ຕິດຂອບສະຫນາມ ເຂົ້າຊົມໂດຍບໍ່ເສຍຄ່າຜ່ານປະຕູ ແລະ ສາມາດຮັບຊົມການຖ່າຍທອດສົດໄດ້ທີ່ ເຟສບຸກ '' Lao League 1 ລາວລີກ 1 '' ແລະ YouTube '' LAOFF TV ສະຫະພັນບານເຕະແຫ່ງຊາດລາວ ''

Photo: Lao League 1 ລາວລີກ 1

ຄະນະຄູຝຶກ ແລະ ນັກກິລາທີມຊາດຍິງລາວU19 ຮັບຟັງການເຜີຍແຜ່ກ່ຽວກັບການສະກັດກັ້ນການລົ້ມບານ

27/06/2023

ໃນຕອນບ່າຍຂອງ ວັນທີ 27 ມິຖຸນາ 2023 ຢູ່ທີ່ຫ້ອງປະຊຸມສະຫະນບານເຕະແຫ່ງຊາດລາວ(ສຕລ), ຄະນະຄູຝຶກ ແລະ ນັກກິລາທີມຊາດຍິງລາວ U19 ໄດ້ຮັບຟັງການເຜີຍແຜ່ 5 ຫົວຂໍ້ສຳຄັນກ່ຽວກັບການສະກັດກັ້ນການ ລົ້ມບານເພື່ອໃຫ້ມີສະຕິລະວັງຕົວ,ເປັນຫູເປັນຕາຊ່ວຍກັນ ແລະ ປະກອບສ່ວນສະກັດກັ້ນບໍ່ໃຫ້ມີກໍລະນີນີ້ເກີດຂຶ້ນກັບທິມຊາດຍິງລາວ ໂດຍມີ ທ່ານ ສົມສະໜຸກ ລຽນສະຫວັນ ຮອງເລຂາທິການ ສຕລ ແລະ ທ່ານ ພອນສະຫວັນ ເພັດສາຍຊຳ ໜ່ວຍງານການຕໍ່ຕ້ານການລົ້ມບານ ເປັນຜູ້ບັນລະຍາຍ.

ການແຂ່ງຂັນບານເຕະຍິງຊີງແຊ້ມອາຊຽນຮຸ່ນອາຍຸບໍ່ເກີນ 19 ປີ ເຊິ່ງຈະຈັດຂຶ້ນໃນລະຫວ່າງວັນທີ 05 – 15 ກໍລະກົດ2023ທີ່ປະເທດອິນໂດເນເຊຍ. ການແຂ່ງຂັນລາຍການດັ່ງກ່າວມີ 10 ປະເທດເຂົ້າຮ່ວມ ໂດຍແບ່ງອອເປັນ 3 ກຸ່ມ ຄັດອັນດັບ 1 ຂອງແຕ່ລະກຸ່ມ ຜ່ານເຂົ້າຮອບ ແລະ ອັນດັບ 2 ທີ່ມີຄະແນນດີທີ່ສຸດຜ່ານເຂົ້າຮອບຮອງຊະນະເລີດ.

ຜົນການຈັບສະຫລາກມີດັ່ງນີ້:

- ກຸ່ມ A: ອິນໂດເນເຊຍ, ກຳປູເຈຍ, ລາວ ແລະ ຕີມໍເລສເຕ

- ກຸ່ມ B: ຫວຽດນາມ, ມາເລເຊຍ ແລະ ສິງກະໂປ

- ກຸ່ມ C: ໄທ, ມຽນມາ ແລະ ຟີລິບປິນ

ຕາຕະລາງ ການແຂ່ງຂັນຂອງທີມຊາດລາວ

ວັນທີ 05/07/2023 ກຳປູເຈຍ ພົບ ລາວ

ວັນທີ 07/07/2023 ລາວ ພົບ ອິນໂດເນເຊຍ

ວັນທີ 09/07/2023 ລາວ ພົບ ຕີມໍ ເລສເຕ

ກຳນົດການເດີນຂອງທີມຊາດຍິງ ລາວU19 ແມ່ນຈະອອກເດີນທາງໄປທີ່ປະເທດອິນໂດເນເຊຍໃນວັນທີ 02 ກໍລະກົດ 2023

ລາວລີກ 2 ແຂວງ ຫຼວງນ້ຳທາ ເປີດສາກຂຶ້ນໃນອາທິດຜ່ານມາ

24/06/2023

ການແຂ່ງຂັນບານເຕະ ລາວລີກ 2 ແຂວງຫຼວງນ້ຳທາ ແມ່ນໄດ້ເປີດສາກຂຶ້ນໃນອາທິດຜ່ານມາໂດຍຈະເລີ້ມແຂ່ງຂັນໃນລະຫວ່າງວັນທີ 16 ມິຖຸນາ ຫາ 19 ສິງຫາ 2023 ມີ 6 ສະໂມສອນແຂ່ງຂັນຄື : ສະໂມສອນ THE KING EVO, ສະໂມສອນ FC ເມືອງສິງ, ສະໂມສອນ MS SPORT CITY, ສະໂມສອນ ນ້ຳທາ ເອັຟຊີ, ສະໂມສອນ ທະຫານແຂວງ ແລະ ສະໂມສອນ ປກສແຂວງ ໂດຍໆທຸກໆນັດແມ່ນຈະແຂ່ງຂັນຢູ່ທີ່ສະຫນາມກິລາແຂວງຫຼວງນໍ້າທາ. ສະຫລຸບຜົນການແຂ່ງຂັນອາທິດທຳອິດ ວັນທີ 16 ມິຖຸນາ 2023 ສະໂມສອນ THE KING EVO ເອົາຊະນະ ສະໂມສອນ FC ເມືອງສິງ 3-1, ສະໂມສອນ MS SPORT CITY ສະເຫມີ ສະໂມສອນ ນ້ຳທາ ເອັຟຊີ 2-2 , ສະໂມສອນ ທະຫານແຂວງ ເສຍໃຫ້ ສະໂມສອນ ປກສ ແຂວງ 0-1, ອາທິດທີ 2 ວັນທີ 20 ມິຖຸນາ 2023 ສະໂມສອນ ນ້ຳທາ ເສຍໃຫ້ ສະໂມສອນ ທະຫານແຂວງ 0-1, ວັນທີ 21 ສະໂມສອນ FC ເມືອງສິງ ເສຍໃຫ້ ສະໂມສອນ MS SPORT CITY 1-4 ແລະ ວັນທີ 22 ມິຖຸນາ 2023 ສະໂມສອນ THE KING EVO ເສຍໃຫ້ ສະໂມສອນ ປກສ ແຂວງ 1-2.

ໃນການຈັດການແຂ່ງຂັນລາວລີກ2ຂອງແຕ່ລະແຂວງ ແລະ ນະຄອນຫຼວງວຽງຈັນຄັ້ງນີ້,ສະຫະພັນບານເຕະແຫ່ງຊາດລາວ(ສຕລ)ໄດ້ໃຫ້ການ ສະຫນັບສະຫນູນງົບປະມານໃຫ້ແຕ່ລະແຂວງທີ່ຈັດການແຂ່ງຂັນລາວລີກ2ເປັນຈຳນວນເງິນ 60 ລ້ານກີບ,ສວ່ນແຂ່ງຂັນລະດັບມັດທະຍົມຕົ້ນ(ຊາຍ-ຍິງ)30ລ້ານກີບແລະລະດັບມັດທະຍົມປາຍ(ຊາຍ-ຍິງ)30ລ້ານກີບລວມໄດ້ຮັບເງິນອຸປະຖໍາຈາກສຕລໃນການແຂ່ງຂັນທັງ3ລາຍການເປັນເງິນທັງໝົດ120ລ້ານກີບຕໍ່ແຂວງ.

ພາບ ແລະ ຂໍ້ມູນຈາກ: ສະຫະພັນບານເຕະແຂວງຫຼວງນ້ຳທາ

ສະຫະພັນບານເຕະແຂວງຊຽງຂວາງຮ່ວມກັບພະແນກ ສກຂ ຈັດການແຂ່ງຂັນກິລາລາວລີກ 2 ຊີງຂັນທ່ານເຈົ້າແຂວງ

24/06/2023

ສະຫະພັນບານເຕະແຂວງຊຽງຂວາງ ຮ່ວມກັບ ພະແນກສຶກສາທິການ ແລະ ກິລາແຂວງ(ສກຂ) ຈັດການແຂ່ງຂັນກິລາບານເຕະລາວລີກ 2, ຊີງຂັນທ່ານເຈົ້າແຂວງຊຽງຂວາງ, ເຊິ່ງເລີ່ມແຂ່ງຂັນມາແຕ່ກາງເດືອນ ພຶດສະພາ 2023 ແລະ ຈະສຳເລັດໃນຕົ້ນເດືອນກໍລະກົດ 2023, ແຂ່ງຂັນຢູ່ ທີ່ສະໜາມກິລາໄຊຊະນະ(ບ້ານໂພນມີໄຊ ). ການແຂ່ງຂັນກິລາບານເຕະ ລາວລີກ 2 ຢູ່ແຂວງຊຽງຂວາງ 2023, ມີ 6 ສະໂມສອນເຂົ້າຮ່ວມແຂ່ງຂັນຄື: ສະໂມສອນບານເຕະ ປ້ອງກັນຄວາມສະຫງົບ, ສະໂມສອນບານເຕະ ອາລີວັນ ແພມມີລີ່, ສະໂມສອນບານເຕະ ທະວີໂຊກ, ສະໂມສອນບານເຕະ ກອງທັບແຂວງຊຽງຂວາງ, ສະໂມສອນບານເຕະ ເມືອງຜາໄຊ ແລະ ສະໂມສອນບານເຕະ ສະມາຄົມຫວຽດ. ໃນການຈັດການແຂ່ງຂັນລາວລີກ2ຂອງແຕ່ລະແຂວງ ແລະ ນະຄອນຫຼວງວຽງຈັນຄັ້ງນີ້,ສະຫະພັນບານເຕະແຫ່ງຊາດລາວ(ສຕລ)ໄດ້ໃຫ້ການ ສະຫນັບສະຫນູນງົບປະມານໃຫ້ແຕ່ລະແຂວງທີ່ຈັດການແຂ່ງຂັນລາວລີກ2ເປັນຈຳນວນເງິນ 60 ລ້ານກີບ,ສວ່ນແຂ່ງຂັນລະດັບມັດທະຍົມຕົ້ນ(ຊາຍ-ຍິງ)30ລ້ານກີບແລະລະດັບມັດທະຍົມປາຍ(ຊາຍ-ຍິງ)30ລ້ານກີບລວມໄດ້ຮັບເງິນອຸປະຖໍາຈາກສຕລໃນການແຂ່ງຂັນທັງ3ລາຍການເປັນເງິນທັງໝົດ120ລ້ານກີບຕໍ່ແຂວງ.

ພາບ ແລະ ຂໍ້ມູນຈາກ: ສະຫະພັນບານເຕະແຂວງຊຽງຂວາງ

ສຕລ ສຳເລັດການຝຶກອົບຮົມກຳມະການບານເຕະຂັ້ນພື້ນຖານ ໃຫ້ກັບຄະນະ ວິທະຍາສາດການກິລາ - ກາຍະກໍາ

23/06/2023

ວັນທີ 23 ມິຖຸນາ 2023 ທີ່ຜ່ານມາ ຢູ່ທີ່ ຄະນະວິທະຍາສາດການກິລາ - ກາຍະກໍາ ໄດ້ມີການມອບໃບຢັ້ງຢືນ ໃຫ້ກັບນັກສຶກສາຜູ້ເຂົ້າຮ່ວມຝຶກອົບຮົມການຝຶກອົບຮົມກຳມະການບານເຕະຂັ້ນພື້ນຖານ. ການຝຶກອົບຮົມແມ່ນໄດດຳເນີນເປັນເວລາ 4 ວັນ,ວັນທີ 20 - 23 ມິຖຸນາ 2023

ຖະແຫລງຂ່າວກ່ອນເກມ ການແຂ່ງຂັນບານເຕະຍິງ ຊີງແຊ້ມອາຊຽນ ຮຸ່ນອາຍຸບໍ່ເກີນ 19 ປີ ປະຈຳປີ 2023

ຜ່ານໄປ 6 ອາທິດ ເຮັສບີທີ 941 ຂຶ້ນເປັນທີມນຳຕາຕະລາງຄະແນນ ການແຂ່ງຂັນບານເຕະ ລາວລີກ 2 ນະຄອນຫຼວງ

ທະຫານແຂວງບໍລິຄຳໄຊ ແລະ ບໍລິສັດວັນນະແສງ ຟອມຮ້ອນແຮງ ຊະນະ 4 ນັດ ລາວລີກ 2 ແຂວງບໍລິຄຳໄຊ

ທີມ​ຊາດ​ຍິງ​ລາວ U19 ອອກ​ເດີ​ນ​ທາງ​ເຂົ້າ​ຮ່ວມ​ແຂ່ງ​ຂັນ​ຢູ່​ທີ່​ປະ​ເທດ​ອິນ​ໂດ​ເນ​ເຊຍ

ອາ​ນັນ ອາ​ໄຫ​ຼ່ ຂຶ້ນ​ເປັນ​ທີມ​ນຳ​ຕາ​ຕະ​ລາງ​ຄະ​ແນນ ລາວ​ລີກ 2 ແຂວງ​ສະ​ຫວັນ​ນະ​ເຂດ

ການ​ແຂ່ງ​ຂັນ​ບານ​ເຕະ ເປບ​ຊີ ລາວລີກ 1 ປີ 2023 ຈົບນັດທີ 13 ໄດ້ອັນດັບທີ 2, 3 ແລະ 4 ແນ່ນອນແລ້ວ

ລາວລີກ 2 ແຂວງ ຫຼວງນ້ຳທາ ເປີດສາກຂຶ້ນໃນອາທິດຜ່ານມາ

ສະຫະພັນບານເຕະແຂວງຊຽງຂວາງຮ່ວມກັບພະແນກ ສກຂ ຈັດການແຂ່ງຂັນກິລາລາວລີກ 2 ຊີງຂັນທ່ານເຈົ້າແຂວງ

ສຕລ ສຳເລັດການຝຶກອົບຮົມກຳມະການບານເຕະຂັ້ນພື້ນຖານ ໃຫ້ກັບຄະນະ ວິທະຍາສາດການກິລາ - ກາຍະກໍາ

Main Sponsors

ທີມຊາດຍິງລາວ U19 ອອກເດີນທາງເຂົ້າຮ່ວມແຂ່ງຂັນຢູ່ທີ່ປະເທດອິນໂດເນເຊຍ

ອານັນ ອາໄຫຼ່ ຂຶ້ນເປັນທີມນຳຕາຕະລາງຄະແນນ ລາວລີກ 2 ແຂວງສະຫວັນນະເຂດ

ການແຂ່ງຂັນບານເຕະ ເປບຊີ ລາວລີກ 1 ປີ 2023 ຈົບນັດທີ 13 ໄດ້ອັນດັບທີ 2, 3 ແລະ 4 ແນ່ນອນແລ້ວ