ສະຫະພັນບານເຕະແຫ່ງຊາດລາວ

News

Home
News

ປກຊແຂວງຄຳມ່ວນເປັນທີມນຳອັນດັບໜຶ່ງການແຂ່ງຂັນບານເຕະລາວລີກ 2

10/07/2023

ການແຂ່ງຂັນບານເຕະລາວລີກ 2 ແຂວງຄຳມ່ວນ ແມ່ນໄດ້ເລີ່ມການແຂ່ງຂັນມາແຕ່ວັນທີ 03 ມິຖຸນາ 2023ແລະຜ່ານການແຂ່ງຂັນມາໄດ້5ອາທິດ,ຜົນປະກົດວ່າທິມບານເຕະປກຊແຂວງຄຳມ່ວນມີຜົນງານດີເປັນອັນດັບໜຶ່ງຄືລົງສະຫນາມ 5 ນັດ ຊະນະ 5 ນັດ ບໍ່ເສຍໃຫ້ທີມໃດ ຍິງໄດ້ 22 ປະຕູ ເສຍພຽງ 1 ປະຕູ ມີ 15 ຄະແນນ, ອັນດັບ 2 ເທບສີໄຮ ລົງສະຫນາມ 4 ນັດ ຊະນະ 2 ນັດ ເສຍ 2 ນັດ ມີ 6 ຄະແນນ, ອັນດັບ 3 ເລັກຕ້າ ລົງສະຫນາມ 5 ນັດ ຊະນະ 1 ນັດ,ສະເໝີ2ນັດ, ເສຍ 2 ນັດ ມີ 5 ຄະແນນ, ອັນດັບ 4 ລູກຫມູ ລົງສະຫນາມ 4 ນັດ ຊະນະ 1 ນັດ, ສະເຫມີ 2 ນັດ ເສຍ 1 ນັດ ມີ 5 ຄະແນນ, ອັນດັບ 5 ປກສ ແຂວງຄຳມ່ວນ ລົງສະຫນາມ 4 ນັດ ຊະນະ 1 ນັດ ສະເຫມີ 2 ນັດ ເສຍ 1 ນັດ ມີ 5 ຄະແນນ ແລະ ອັນດັບ ສຸດທ້າຍ ບໍ່ໂພນຕິ້ວ ລົງສະຫນາມ 4 ນັດ ເສຍ 4 ນັດ ມີ 0 ຄະແນນ.
ສຳລັບຕາຕະລາງ ການແຂ່ງຂັນ ວັນທີ 10 ກໍລະກົດ 2023 ເວລາ 15:00 ລູກຫມູ ພົບ ບໍ່ໂພນຕິ້ວ, ວັນທີ 12 ເວລາ 15:00 ປກສ ແຂວງຄຳມ່ວນ ພົບ ເທບສີໄຮ ແລະ ວັນທີ 14 ກໍລະກົດ 2023 ເວລາ 15:00 ລູກຫມູ ພົບ ປກຊ ແຂວງຄຳມ່ວນ ໂດຍທຸກໆນັດແມ່ນແຂ່ງຂັນຢູ່ທີ່ສະຫນາມກິລາແຂວງຄຳມ່ວນ.

#LaofootballlFederation
#KhammuanProvince
#Laoleaue2

Laos 5-0 Timor-Leste ( AFF U19 Women's Championship 2023 Indonesia)

09/07/2023

ຜົນການແຂ່ງຂັນບານເຕະຊີງແຊ້ມອາຊຽນ ຮຸ່ນອາຍຸບໍ່ເກີນ 19 ປີ ປະຈຳປີ 2023

ວັນທີ 09/07/2023

ທີມຊາດລາວຊະນະ ທີມຊາດ ຕີມໍ ເລສເຕ ( 5-0 )

- ທີມຊາດລາວ ໄດ້ປະຕູຈາກ: ດາຫລິງ ມະນີວັນ ນາທີ 11, ສິນລະຄອນ ບຸນນາລີ ນາທີ 21' , ໃຈຄຳ ໄຊຍະປະເສີດ ນາທີ 31' 89' ແລະ ແກ້ມມີ ອຸດົມສຸກ ນາທີ 66'

ທີມຊາດລາວ ລົງສະຫນາມ 3 ນັດ ຊະນະ 1 ນັດ ເສຍ 2 ນັດ ມີ 3 ຄະແນນ ເປັນອັນດັບ 3 ຂອງກຸ່ມ ເອ ຊະນະຜົນອີກຄູ່ ອິນໂດເນເຊຍ ເຈົ້າພາບ ເອົາຊະນະ ກຳປູເຈຍ 5-0 ຊະນະ 3 ນັດລວດ ເຂົ້າຮອບ 4 ທີມສຸດທ້າຍ, ສ່ວນ ກຳປູເຈຍ ມີ 6 ຄະແນນ ລຸ້ນເຂົ້າຮອບໃນຖານະອັນດັບ 2 ດີສຸດ 1 ທີມຈາກ 3 ກຸ່ມ, ລໍຖ້າຜົນນັດສຸດທ້າຍຂອງກຸ່ມ B ແລະ C ໃນວັນທີ 10 ກໍລະກົດ 2023.

ການແຂ່ງຂັນຄັ້ງນີ້ເປັນຄັ້ງທຳອິດ ທີມຍິງ ທີມຊາດລາວ ເຂົ້າຮ່ວມ ການແຂ່ງຂັນເຕະບານຍິງ U19 ປີ ຊີງແຊ້ມອາຊຽນ.

#AFFU19WOMENCHAMPIONSHIP2023

#LAOSWOMENU19

#LAOFOOTBALLFEDERATION

Best Squad of Season 2023

08/07/2023

ປະກາດລາຍຊື່ 11 ນັກເຕະ ຕິດທີມດີເດັ່ນ ເປບຊີ ລາວລີກ 1 ປະຈຳປີ 2023 ໃນລະບົບ 4-4-2

+ ຜູ້ຮັກສາປະຕູ: ສໍລະສັກ ທິລະວົງ ຜູ້ຮັກສາປະຕູ ຈາກ ຊ້າງນ້ອຍ ທີມແຊ້ມ ເຈົ້າລາງວັນຜູ້ຮັກສາປະຕູດີເດັ່ນ ທີ່ບໍ່ເສຍປະຕູ (Clean sheet) 10 ນັດ.

+ ກອງຫຼັງ 4 ຄົນ: ພຸດທະວົງ ສັງວິໄລ ຈາກ ເອສະຣາ ທີມອັນດັບ 3, ແສງດາວີ ຫັນທະວົງ ຈາກ ຊ້າງນ້ອຍ ທີມແຊ້ມ, ເກດສະດາ ສຸກສະຫວັນ ຈາກ ມາສເຕີ້ ເຊເວັນ ທີມຮອງແຊ້ມ ແລະ ທະນູທອງ ກຽດນະລົງລົບ ຈາກ ຊ້າງນ້ອຍ ທີມແຊ້ມ.

+ ກອງກາງ 4 ຄົນ: ສີສະຫວາດ ດາລາວົງ ຈາກ ກອງທັບ ທີມອັນດັບ 4, ສົມລິດ ແສງວັນນີ ຈາກ ຫຼວງພະບາງ, ພຸດດາວີ ພົມມະສານ ຈາກ ມາສເຕີ້ ເຊເວັນ ທີມຮອງແຊ້ມ, ພັດທະນາ ພົມມະເທບ ຈາກ ເອສະຣາ ທີມອັນດັບ 3.

+ ກອງໜ້າ 2 ຄົນ: ບຸນພະຈັນ ບຸນກອງຈາກ ຊ້າງນ້ອຍ ທີມແຊ້ມ ເຈົ້າຂອງລາງວັນນັກເຕະດີເດັ່ນ (MVP) ຍິງ 16 ປະຕູ ແລະ ຣາຟາເອວ ໂຣດຣີເກັຊ ຈາກ ມາສເຕີ້ ເຊເວັ້ນ ເຈົ້າຂອງລາງວັນດາວຍິງສູງສຸດ ຍິງ 18 ປະຕູ.

LFF/AFC ”C” Diploma Coaching Course 2023

06/07/2023

ສຕລຈັດຝຶກອົບຮົມຄູຝຶກກິລາບານເຕະລະດັບ”C”

ບານຍິງ ທີມຊາດລາວ U19 ເສຍໃຫ້ ກຳປູເຈຍ U19 1-2

06/07/2023

ບານຍິງ ທີມຊາດລາວ U19 ເສຍໃຫ້ ກຳປູເຈຍ U19 1-2 ການແຂ່ງຂັນບານເຕະຍິງ ຮຸ່ນອາຍຸບໍ່ເກີນ 19 ປີ ຊິງແຊ້ມອາຊຽນ 2023 ກຸ່ມ A ນັດທີ 1.

U19 ຍິງ ທີມຊາດລາວ ໄດ້ປະຕູຈາກ ຈິນດາ ສີຫາລາດ ແຕ່ຖືກຍິງແຊງສອງປະຕູ.

ນັດທີ 2 ຂອງກຸ່ມ A U19 ຍິງ ທີມຊາດລາວ ຈະພົບກັບ ອິນໂດເນເຊຍ ເຈົ້າພາບ ວັນທີ 7 ກໍລະກົດ 2023 ເວລາ 19:30.

ສະຫະພັນບານເຕະອາຊຽນ ແຕ່ງຕັ້ງກຳມະການຕັດສິນບານເຕະ ຍີງ (FIFA) ຂອງລາວ 2 ທ່ານ ເຂົ້າຮ່ວມຕັດສິນໃນລາຍການ AFF U19 Women's Championship 2023

06/07/2023

ສະຫະພັນບານເຕະອາຊຽນ ຫລື AFF ໄດ້ແຕ່ງຕັ້ງກຳມະການຕັດສິນບານເຕະ ຍີງ (FIFA) ຂອງລາວ 2 ທ່ານ ເຂົ້າຮ່ວມຕັດສິນໃນລາຍການ AFF U19 Women's Championship 2023 ໃນລະຫວ່າງ ວັນທີ 5-16 ກໍລະກົດ 2023 ທີ່ ປະເທດອິນໂດເນເຊຍ ເຊິ່ງ 2 ທ່ານປະກອບມີຄື:

1. ທ່ານ ນ. ແກ້ວມະນີ ເພັງເມືອງຄູນ (ກຳມະການຕັດສິນ)
2. ທ່ານ ນ. ພຸດສະຫັວນ ຈັນທະວົງ (ຜູ້ຊ່ວຍກຳມະການຕັດສິນ)

#REFEREELFF
#LAOFOOTBALLFEDERATION
#REFEREELAOS

ມື້ນີ ທີມຊາດລາວU19 ພົບ ທີມຊາດກຳປູເຈຍU19

05/07/2023

ການແຂ່ງຂັນບານເຕະຍິງ ທີມຊາດລາວ ຊີງແຊ້ມອາຊຽນຮຸ່ນອາຍຸບໍ່ເກີນ 19 ປີ

ມື້ນີ້ 05/07/2023 ເວລາ 15:30 ທີມຊາດລາວ ຈະພົບກັບ ທີມຊາດກຳປູເຈຍ

ສະຫນາມກິລາ Gelora Sriwijaya.

( ບໍ່ມີຖ່າຍທອດສົດ )

#AFFU19WOMENCHAMPIONSHIP2023

#LAOSWOMENU19

#LAOFOOTBALLFEDERATION

ທິມໃດຈະເປັນແຊັມລາວລີກ 2ແຂວງຈຳປາສັກລະຫວ່າງ ທິມລະບຽງພູ,ທະຫານແຂວງແລະບາຈຽງໃນໂຄ້ງສຸດທ້າຍ

05/07/2023

ການແຂ່ງຂັນບານເຕະລາວລີກ 2 ແຂວງຈຳປາສັກ ແມ່ນໄດ້ດຳເນີນມາແຕ່ວັນທີ 8ເມສາ 2023 ເປັນຕົ້ນມາ,ແຂ່ງຂັນໄດ້ 11 ອາທິດ ຍັງອີກ 3 ນັດ ກໍຈະຈົບການແຂ່ງຂັນ ໂດຍມີ 3 ທີມທີ່ມີໂອກາດຈະໄດ້ຊະນະເລີດ(ແຊັມ)ໃນການແຂ່ງຂັນຄັ້ງນີ້ປະກອບມີ: ອັນດັບ 1 ລະບຽງພູ ລົງສະຫນາມ 11 ນັດ ຊະນະ 8 ນັດ ສະເຫມີ 1 ນັດ ເສຍ 2 ນັດ ມີ 25 ຄະແນນ, ອັນດັບ 2 ທະຫານແຂວງ ລົງສະຫນາມ 11 ນັດ ຊະນະ 7 ນັດ ສະເຫມີ 3 ນັດ ເສຍ 1 ນັດ ມີ 24 ຄະແນນ, ອັນດັບ 3 ບາຈຽງ ລົງສະຫນາມ 11 ນັດ ຊະນະ 6 ນັດ ສະເຫມີ 2 ນັດ ເສຍ 3 ນັດ ມີ 20 ຄະແນນ.
ສຳລັບຕາຕະລາງ ການແຂ່ງຂັນ 3 ນັດສຸດທ້າຍ ຂອງລະບຽງພູ ວັນທີ 09 / 07 / 2023 ເວລາ 15:30 ລະບຽງພູ ພົບ ທະຫານແຂວງ, ວັນທີ 15/07/2023 ເວລາ 13:30 ຫົວແຊ ພົບ ລະບຽງພູ, ນັດສຸດທ້າຍ ວັນທີ 22/07/2023 ລະບຽນພຸ ພົບ ສີອຳພອນ. ສ່ວນທີມອັນດັບ 2 ທະຫານແຂວງ ວັນທີ 09/07/2023 ເວລາ 15:30 ລະບຽງພູ ພົບ ທະຫານແຂວງ, ວັນທີ 16/07/2023 ເວລາ 15:30 ທະຫານແຂວງ ພົບ ນໍ້າດື່ມນາດາ, ນັດສຸດທ້າຍ ວັນທີ 22/07/2023 ເວລາ 13:30 ບາຈຽງ ພົບ ທະຫານແຂວງ ແລະ ທີມອັນດັບ 3 ບາຈຽງ ວັນທີ 08/07/2023 ເວລາ 13:30 ຫົວແຊ ພົບ ບາຈຽງ, ວັນທີ 15/07/2023 ເວລາ ສີລາເພັດ ພົບ ບາຈຽງ ແລະ ນັດສຸດທ້າຍ ວັນທີ 22/07/2023 ເວລາ 15:30 ບາຈຽງ ພົບ ທະຫານແຂວງ.
ເຊີນທ່ານຜູ້ຊົມມາເຊຍນຳກັນວ່າທີມໃດຈະເປັນແຊ້ມການແຂ່ງຂັນບານເຕະລາວລີກ 2 ແຂວງຈຳປາສັກ ແຟນບານສາມາດຕິດຕາມຊົມແລະໃຫ້ກຳລັງໃຈທີມທີ່ຕົນເອງມັກ,ເຊິ່ງການແຂ່ງຂັນຈັດຢູ່ສະຫນາມກິລາແຂວງຈຳປາສັກ
Champasak League 2
#LaoFootballFederation
#Laoleague2
#ChampasakProvince

ຖະແຫລງຂ່າວກ່ອນເກມ ການແຂ່ງຂັນບານເຕະຍິງ ຊີງແຊ້ມອາຊຽນ ຮຸ່ນອາຍຸບໍ່ເກີນ 19 ປີ ປະຈຳປີ 2023

04/07/2023

ວັນທີ 04 ກໍລະກົດ 2023 ໄດ້ມີພີທີຖະແຫລງຂ່າວກ່ອນເກມ ການແຂ່ງຂັນບານເຕະຍິງ ຊີງແຊ້ມອາຊຽນ ຮຸ່ນອາຍຸບໍ່ເກີນ 19 ປີ ປະຈຳປີ 2023 ຢູ່ທີ່ປະເທດອິນໂດເນເຊຍ, ໂດຍຫົວຫນ້າຄູຝຶກ 4 ທີມ ກຸ່ມ ເອ ເຂົ້າຮ່ວມຖະແຫລງຂ່າວ.

ທ່ານ ວຽງສະຫວັນ ໄຊຍະບູນ ຫົວຫນ້າຄູຝຶກທີມຊາດຍິງລາວ U19 ໄດ້ລາຍງານໃຫ້ຮູ້ວ່າ : '' ທີມຊາດລາວ ໄດ້ກຽມຄວາມພ້ອມເປັນຢ່າງດີ ບໍ່ວ່າຈະເປັນທາງດ້ານພາລະກຳລັງ, ເຕັກນິກ ແລະ ຍຸດທະວິທີ ກຽມພ້ອມລົງແຂ່ງຂັນໃນທຸກໆນັດ ''.

ຕາຕະລາງ ການແຂ່ງຂັນຂັນນັດທຳອິດ ທີມຊາດລາວ ຈະພົບກັບ ທີມຊາດກຳປູເຈຍ ເວລາ 15:30 ແຂ່ງຂັນ ວັນທີ 05 ກໍລະກົດ 2023 ຢູ່ທີ່ສະຫນາມກິລາ Gelora Sriwijaya.

ຜ່ານໄປ 6 ອາທິດ ເຮັສບີທີ 941 ຂຶ້ນເປັນທີມນຳຕາຕະລາງຄະແນນ ການແຂ່ງຂັນບານເຕະ ລາວລີກ 2 ນະຄອນຫຼວງ

04/07/2023

ການແຂ່ງຂັນບານເຕະ ລາວລີກ 2 ນະຄອນຫຼວງ ແມ່ນໄດ້ດຳເນີນການແຂ່ງຂັນມາໄດ້ 6 ອາທິດ ເປັນທາງດ້ານ ເຮັສບີທີ 941 ຂື້ນເປັນທີມນຳຕາຕະລາງຄະແນນ ລົງສະຫນາມ 6 ນັດ ຊະນະ 5 ນັດ ສະເຫມີ 1 ມີ 15 ຄະແນນ, ອັນດັບ 2 ຈັນທະບູລີ ລົງສະຫນາມ 6 ນັດ ຊະນະ 4 ນັດ ສະເຫມີ 2 ນັດ ມີ 14 ຄະແນນ, ອັນດັບ 3 ເຄເອັມທີ ລົງສະຫນາມ 6 ນັດ ຊະນະ 3 ນັດ ສະເຫມີ 3 ນັດ ມີ 12 ຄະແນນ, ອັນດັບ 4 ມຊ ລົງສະຫນາມ 6 ນັດ ຊະນະ 3 ນັດ ສະເຫມີ 2 ນັດ ເສຍ 1 ນັດ ມີ 11 ຄະແນນ, ອັນດັບ 5 ໄອສະປອດ ລົງສະຫນາມ 6 ນັດ ຊະນະ 2 ນັດ ສະເຫມີ 4 ນັດ ມີ 10 ຄະແນນ, ອັນດັບ 6 ເມືອງຫາດ ລົງສະຫນາມ 6 ນັດ ຊະນະ 2 ນັດ ສະເຫມີ 3 ນັດ ມີ 9 ຄະແນນ, ອັນດັບ 7 ເອັສທີທີ ລົງສະຫນາມ 6 ນັດ ຊະນະ 2 ນັດ ສະເຫມີ 2 ນັດ ເສຍ 2 ນັດ ມີ 8 ຄະແນນ, ອັນດັບ 8 ຄິງດ້ອມ ລົງສະຫນາມ 6 ນັດ ຊະນະ 2 ນັດ ສະເຫມີ 2 ນັດ ເສຍ 2 ນັດ ມີ 8 ຄະແນນ, ອັນດັບ 9 ເອັສອີຊີ ຢູໄນເຕັດ ລົງສະຫນາມ 6 ນັດ ຊະນະ 1 ນັດ ສະເຫມີ 1 ນັດ ເສຍ 4 ນັດ ມີ 4 ຄະແນນ, ອັນດັບ 10 ທຣີນີຕີ ລົງສະຫນາມ 6 ນັດ ຊະນະ 1 ນັດ ເສຍ 5 ນັດ ມີ 3 ຄະແນນ, ອັນດັບ 11 ຈັນສີ ລົງສະຫນາມ 6 ນັດ ຊະນະ 1 ນັດ ເສຍ 5 ນັດ ມີ 3 ຄະແນນ ແລະ ອັນດັບສຸດທ້າຍ ເຄພີເອັສ ລົງສະຫນາມ 6 ນັດ ເສຍ 6 ນັດ ມີ 0 ຄະແນນ.

ສຳລັບການແຂ່ງຂັນບານເຕະ ລາວລີກ 2 ນະຄອນຫຼວງ ແມ່ນຈະແຂ່ງຂັນທຸກໆວັນເສົາ ແລະ ວັນອາທິດ ແຂ່ງຂັນມື້ລະ 3 ຄູ່ ເວລາ 09:30, ເວລາ 14:30 ແລະ ເວລາ 17:30 ຢູ່ທີ່ສະຫນາມກິລາເຈົ້າອານຸວົງ ແຟນບານສາມາດໄປຕິດຕາມຮັບຊົມໄດ້ເຂົ້າຊົມຟຣີ.

ທະຫານແຂວງບໍລິຄຳໄຊ ແລະ ບໍລິສັດວັນນະແສງ ຟອມຮ້ອນແຮງ ຊະນະ 4 ນັດ ລາວລີກ 2 ແຂວງບໍລິຄຳໄຊ

04/07/2023

ການແຂ່ງຂັນບານເຕະ ລາວລີກ 2 ແຂວງບໍລິຄຳໄຊ ແມ່ນໄດ້ດຳເນີນການແຂ່ງຂັນນັບຕັ້ງ ວັນທີ 09 ມິຖຸູນາ 2023 ເປັນຕົ້ນມາ ເຊິ່່ງແຂ່ງໄດ້ 4 ອາທິດ ເປັນທາງດ້ານ ທະຫານແຂວງບໍລິຄຳໄຊ ລົງສະຫນາມ 4 ນັດ ຊະນະ 4 ນັດ ມີ 12 ຄະແນນ, ອັນດັບ 2 ບໍລິສັດ ວັນນະແສງ ລົງສະຫນາມ 4 ນັດ ຊະນະ 4 ນັດ ມີ 12 ຄະແນນ, ອັນດັບ 3 ບໍລິຄຳໄຊ ລົງສະຫນາມ 4 ນັດ ຊະນະ 1 ນັດ ສະເຫມີ 1 ນັດ ເສຍ 2 ນັດ ມີ 4 ຄະແນນ, ອັນດັບ 4 ໂຈ-ເຈ ຟາມ ລົງສະຫນາມ 4 ນັດ ຊະນະ 1 ນັດ ສະເຫມີ 2 ນັດ ເສຍ 3 ນັດ ມີ 4 ຄະແນນ, ອັນດັບ 5 ສະມາຄົມ ເຂີຍຫຼັກ 4 ລົງສະຫນາມ 4 ນັດ ຊະນະ 1 ນັດ ເສຍ 3 ນັດ ມີ 3 ຄະແນນ ແລະ ອັນດັບສຸດທ້າຍ ເມືອງບໍລິຄັນ ລົງສະຫນາມ 4 ນັດ ເສຍ 4 ນັດ ມີ 0 ຄະແນນ.

ສຳລັບຕາຕະລາງການແຂ່ງຂັນນັດສຸດທ້າຍຮອບຂາໄປ ຈະມີຂຶ້ນວັນທີ 08 ກໍລະກົດ 2023 ເວລາ 09:00 ສະມາຄົມ ເຂີຍຫຼັກ 4 ພົບ ໂຈ - ເຈ ຟາມ, ເວລາ 13:00 ເມືອງບໍລິຄັນ ພົບ ບໍລິຄຳໄຊ ແລະ ຄູ່ສຸດທ້າຍ ເວລາ 15:00 ເປັນການຍາດຊີງຕຳແຫນ່ງທີມນຳຮອບຂາໄປ ເປັນການພົບກັນລະຫວ່າງ ທະຫານແຂວງບໍລິຄຳໄຊ ພົບ ບໍລິສັດວັນນະແສງ ທຸກໆຄູ່ແມ່ນແຂ່ງຂັນຢູ່ທີ່ສະຫນາມກິລາ ມສ ສີທ່ານາໄຊ.

ໃນການຈັດການແຂ່ງຂັນລາວລີກ2ຂອງແຕ່ລະແຂວງ ແລະ ນະຄອນຫຼວງວຽງຈັນ ຄັ້ງນີ້,ສະຫະພັນບານເຕະແຫ່ງຊາດລາວ(ສຕລ)ໄດ້ໃຫ້ການ ສະຫນັບສະຫນູນງົບປະມານໃຫ້ແຕ່ລະແຂວງທີ່ຈັດການແຂ່ງຂັນລາວລີກ2ເປັນຈຳນວນເງິນ 60 ລ້ານກີບ,ສວ່ນແຂ່ງຂັນລະດັບມັດທະຍົມຕົ້ນ(ຊາຍ-ຍິງ)30ລ້ານກີບແລະລະດັບມັດທະຍົມປາຍ(ຊາຍ-ຍິງ)30ລ້ານກີບລວມໄດ້ຮັບເງິນອຸປະຖໍາຈາກສຕລໃນການແຂ່ງຂັນທັງ3ລາຍການເປັນເງິນທັງໝົດ120ລ້ານກີບຕໍ່ແຂວງ.

ທີມຊາດຍິງລາວ U19 ອອກເດີນທາງເຂົ້າຮ່ວມແຂ່ງຂັນຢູ່ທີ່ປະເທດອິນໂດເນເຊຍ

02/07/2023

ໃນວັນທີ 02 ກໍລະກົດ 2023 ຄະນະນັກກິລາທີມຍິງລາວU19 ນຳໂດຍທ່ານ ດຣ ບຸນຍູ້ ສີສານ ຄະນະບໍລິຫານງານ ສະຫະພັນບານເຕະແຫ່ງຊາດລາວ ທັງເປັນຫົວໜ້າຄະນະນຳນັກກິລາ ພ້ອມຄະນະຄູຝຶກ ແລະ ນັກກິລາທັງໝົດ 34 ຄົນໄດ້ເດີນທາງເຂົ້າຮ່ວມການແຂ່ງຂັນບານເຕະຍິງຊີງແຊ້ມອາຊຽນຮຸ່ນອາຍຸບໍ່ເກີນ 19 ປີ ຢູ່ທີ່ປະເທດອິນໂດເນເຊຍ.

ທີມຍິງລາວU19 ແມ່ນໄດ້ເລີ່ມເກັບຕົວຝຶກຊ້ອມນັບຕັ້ງແຕ່ຕົ້ນເດືອນມິຖຸນາ 2023 ເປັນຕົ້ນມາໂດຍແມ່ນ ທ່ານ ວຽງສະຫວັນ ໄຊຍະບູນ ເປັນຫົວຫນ້າຄູຝຶກ ໄດ້ຄັດເລືອກນັກກິລາ 23 ຄົນສຸດທ້າຍ ເຂົ້າຮ່ວມ ການແຂ່ງຂັນບານເຕະຍິງຊີງແຊ້ມອາຊຽນຮຸ່ນອາຍຸບໍ່ເກີນ 19 ປີ ຢູ່ທີ່ປະເທດອິນໂດເນເຊຍ.

ລາຍຊື່ນັກກິລາ 23 ຄົນ ມີລາຍຊື່ດັ່ງລຸ່ມນີ້:

+ ຜູ້ຮັກສາປະຕູ

- ປານິຕາ ລາດສະວົງສາ ຈາກ ສະໂມສອນ ກິລາບານເຕະ ຈຳປາສັກ

- ລີ່ນ່າ ລັດສະຫມີ ຈາກ ສະໂມສອນ ກິລາບານເຕະ PKP ແຂວງຫຼວງພະບາງ

- ຕາຕີບ ແກ້ວອີນຫວນ ຈາກ ສະໂມສອນ ກິລາບານເຕະ SL ແຂວງອຸດົມໄຊ

+ ກອງຫຼັງ

- ບຸດສະບາ ສຸດທະວິໄລ ຈາກ ສະໂມສອນ ກິລາບານເຕະ ຈຳປາສັກ

- ໂນຕ້າ ໄຊຍະລາດ ຈາກ ສະໂມສອນ ກິລາບານເຕະ ຈຳປາສັກ

- ແຈ໋ກ ວົງຕາແສງ ຈາກ ສະໂມສອນ ກິລາບານເຕະ ຈຳປາສັກ

- ກາເຫວົາ ວົງພະຈັນ ຈາກ ສະໂມສອນ ກິລາບານເຕະ ເອສະຣາ

- ທີບປະກອນ ສີວົງລາດ ຈາກ ສະໂມສອນ ກິລາບານເຕະ ເອສະຣາ

- ຄຳຫລ້າ ແກ້ວມະນີ ຈາກ ສະໂມສອນ ກິລາບານເຕະ ເອສະຣາ

- ນິດຊາ ສຸລາລຸ ຈາກ ສະໂມສອນ ກິລາບານເຕະ ກອງທັບ

- ດາຫລີງ ມະນີວັນ ຈາກ ແຂວງຈຳປາສັກ

- ແສງເດືອນ ພົງໄພລັດ ຈາກ ນະຄອນຫຼວງວຽງຈັນ

+ ກອງກາງ

- ຫຼິວ ຟອງສະມຸດ ຈາກ ສະໂມສອນ ກິລາບານເຕະ ກອງທັບ

- ສິນລະຄອນ ບຸນນາລີ ຈາກ ສະໂມສອນ ກິລາບານເຕະ PKP ແຂວງຫຼວງພະບາງ

- ຄອນສະຫວັນ ວົງຄຳແກ້ວ ຈາກ ສະໂມສອນ ກິລາບານເຕະ ຈຳປາສັກ

- ຫັດລືໄທ ທຳມະວົງສາ ຈາກ ສະໂມສອນ ກິລາບານເຕະ ຈຳປາສັກ

- ລັດດາ ວໍລະຈິດ ຈາກ ສະໂມສອນ ກິລາບານເຕະ ຈຳປາສັກ

- ພຸດທະສອນ ໂຄທິສານ ຈາກ ສະໂມສອນ ກິລາບານເຕະ ຈຳປາສັກ

- ປ໋ອງ ແກ້ວສະຫວ່າງ ຈາກ ສະໂມສອນ ກິລາບານເຕະ ຈຳປາສັກ

+ ກອງຫນ້າ

- ສີສະອາດ ອຳໄພລາດ ຈາກ ສະໂມສອນ ກິລາບານເຕະ ຈຳປາສັກ

- ໃຈຄຳ ໄຊຍະປະເສີດ ນະຄອນຫລວງວຽງຈັນ

- ຈິນດາ ສີຫາລາດ ນະຄອນຫລວງວຽງຈັນ

- ແກ້ມມີ້ ອຸດົມສຸກ ຈາກ ສະໂມສອນ ກິລາບານເຕະ ເອສະຣາ

ການແຂ່ງຂັນບານເຕະຍິງຊີງແຊ້ມອາຊຽນຮຸ່ນອາຍຸບໍ່ເກີນ 19 ປີ ເຊິ່ງຈະຈັດຂຶ້ນໃນລະຫວ່າງວັນທີ 05 – 15 ກໍລະກົດ 2023 ຢູ່ທີ່ ເມືອງ ປາແລມບັງ ປະເທດອິນໂດເນເຊຍ.

ການແຂ່ງຂັນລາຍການດັ່ງກ່າວມີ 10 ປະເທດ ເຂົ້າຮ່ວມ ການແຂ່ງຂັນ ໂດຍແບ່ງອອກເປັນ 3 ກຸ່ມ ຄັດອັນດັບ 1 ຂອງແຕ່ລະກຸ່ມ ຜ່ານເຂົ້າຮອບ ແລະ ອັນດັບ 2 ທີ່ມີຄະແນນດີທີ່ສຸດຜ່ານເຂົ້າຮອບຮອງຊະນະເລີດ.

- ກຸ່ມ A: ອິນໂດເນເຊຍ, ກຳປູເຈຍ, ລາວ ແລະ ຕີມໍ ເລສເຕ

- ກຸ່ມ B: ຫວຽດນາມ, ມາເລເຊຍ ແລະ ສິງກະໂປ

- ກຸ່ມ C: ໄທ, ມຽນມາ ແລະ ຟີລິບປິນ

ຕາຕະລາງ ການແຂ່ງຂັນຂອງທີມຊາດລາວ

ວັນທີ 05/07/2023 ເວລາ 15:30 ກຳປູເຈຍ ພົບ ລາວ ແຂ່ງຂັນຢູ່ທີ່ສະຫນາມກິລາ Gelora Sriwijaya

ວັນທີ 07/07/2023 ເວລາ 19:30 ລາວ ພົບ ອິນໂດເນເຊຍ ແຂ່ງຂັນຢູ່ທີ່ສະຫນາມກິລາ Gelora Sriwijaya

ວັນທີ 09/07/2023 ເວລາ 19:30 ລາວ ພົບ ຕີມໍ ເລສເຕ ແຂ່ງຂັນຢູ່ທີ່ສະຫນາມກິລາ Athletic Field

ກຳນົດການເດີນຂອງທີມຊາດຍິງ ລາວU19 ແມ່ນຈະອອກເດີນທາງໄປທີ່ປະເທດອິນໂດເນເຊຍໃນວັນທີ 02 ກໍລະກົດ 2023.

ເຊີນແຟນບານທຸກທ່ານສົ່ງກຳລັງໃຈຮວ່ມຊົມ,ຮວ່ມເຊຍທິມຊາດຍິງລາວU19ໃນການແຂ່ງຂັນຄັ້ງນີ້ດວ້ຍ.

ປກຊແຂວງຄຳມ່ວນເປັນທີມນຳອັນດັບໜຶ່ງການແຂ່ງຂັນບານເຕະລາວລີກ 2

Laos 5-0 Timor-Leste ( AFF U19 Women's Championship 2023 Indonesia)