ສຕລ ຮ່ວມກັບ ສຕຂ ສາລະວັນ ຈັດກິດຈະກໍາສະຫຼອງວັນແມ່ຍິງສາກົນ 

ເອສະຣາ ຄວ້າແຊ້ມ ການແຂ່ງຂັນບານເຕະ ຊິງຂັນ ພະນະທ່ານ ນາຍົກ ລັດຖະມົນຕີ ແຫ່ງ ສປປ ລາວ ປະຈຳປີ 2024/2025 ເປັນສະໄຫມທໍາອິດ

ເອສະຣາ ຄວ້າແຊ້ມ ປະຫວັດສາດ ການແຂ່ງຂັນບານເຕະເປບຊີ ລາວລີກ 1 ລະດູການ 2024/2025 ເປັນສະໄຫມທຳອິດ

ທະນາຄານ ມາຣູຮານສະໜັບສະໜູນການແຂ່ງຂັນກິລາບານເຕະຊິງຂັນນາຍົກລັດຖະມົນຕີ ລະດູການ 2024/2025

ພິທີຖະແຫຼງຂ່າວຜູ້ສະໜັບສະໜູນຫຼັກຢ່າງເປັນທາງການ ໃນການແຂ່ງຂັນກິລາບານເຕະ ຊິງຂັນ ພະນະທ່ານນາຍົກລັດຖະມົນຕີ ແຫ່ງ ສປປລາວ ລະດູການ 2024 – 2027 ລະຫວ່າງ ສະຫະພັນບານເຕະແຫ່ງຊາດ ແລະ ບໍລິສັດ ເບຍລາວ ຈຳກັດ ໄດ້ຈັດຂຶ້ນໃນຕອນບ່າຍຂອງວັນທີ 13 ກຸມພາ 2025 ທີ່ ຮາດຣ໋ອກ ຄາເຟ (Hard Rock Café) ນະຄອນຫຼວງວຽງຈັນ. ໃນພິທີທ່ານ ວີເພັດ ສີຫາຈັກຣ ປະທານ ສະຫະພັນບານເຕະແຫ່ງຊາດລາວ ກໍ່ໄດ້ປະກອບຄຳຄິດຄຳເຫັນໂດຍເພິ່ນໄດ້ກ່າວວ່າ ບໍລິສັດເບຍລາວແມ່ນຄູ່ຮ່ວມສັນຍາທີ່ດີຕໍ່ ສະຫະພັນບານເຕະແຫ່ງຊາດລາວ ຕະຫຼອດມາ, ການອຸປະຖຳຄັ້ງນີ້ແມ່ນຈະເອົາໄປໃຊ້ຈ່າຍສຳລັບຄ່າທີ່ພັກ, ເດີນທາງ ແລະ ຄ່າອື່ນໆຂອງບັນດາສະໂມສອນ.

  ຈາກນັ້ນທ່ານ ຈັນສະໝອນ ຜ່ອງຈັນທາ ຜູ້ອຳນວຍການ ການຕະຫຼາດຂອງບໍລິສັດເບຍລາວ ກໍ່ໄດ້ປະກອບຄຳຄິດຄຳເຫັນ ເຊິ່ງເພີ່ນໄດ້ໃຫ້ຮູ້ວ່າ: ການແຂ່ງຂັນບານເຕະຊິງຂັນພະນະທ່ານນາຍົກລັດຖະມົນຕີຄັ້ງນີ້ແມ່ນໂຄງການ

ໃໝ່ ແລະ ກໍ່ດີໃຈທີ່ທາງ ສຕລ ໄດ້ເອົາໃຈໃສ່ໃນການພັດທະນາກິລາບານເຕະຕັ້ງແຕ່ຂັ້ນພື້ນຖານຈົນຮອດຂັ້ນອາຊີບ ສຳລັບງານນີ້ ບໍລິສັດ ເບຍລາວຈະເປັນຜູ້ສະໜັບສະໜູນຫຼັກ ແລະ ຫວັງວ່າການສະໜັບສະໜູນຂອງພວກເຮົານີ້ຈະຊ່ວຍຕໍ່ຍອດໃນການພັດທະນາຕໍ່ໄປ.

  ໃນພິທີຖະແຫຼງຂ່າວຍັງໄດ້ມີການມອບຮັບການສະໜັບສະໜູນ ລະຫວ່າງ ສຕລ ແລະ ບໍລິສັດ ເບຍລາວ

ໂດຍບໍລິສັດເບຍລາວໃຫ້ການສະໜັບສະໜູນການແຂ່ງຂັນເປັນໄລຍະເວລາ ຄືແຕ່ປີ 2024 ຫາປີ 2027 ເຊິ່ງເປັນມູນຄ່າ 4,200,000,000 ກີບ. ຫຼັງຈາກນັ້ນກໍ່ເປີດໂອກາດໃຫ້ສື່ມວນຊົນສອບຖາມ.

  ເປັນກຽດເຂົ້າຮ່ວມໃນພິທີມີທ່ານ ວີເພັດ ສີຫາຈັກຣ ປະທານ ສະຫະພັນບານເຕະແຫ່ງຊາດລາວ, ທ່ານ ຈັນສະໝອນ ຜ່ອງຈັນທາ ຜູ້ອຳນວຍການ ການຕະຫຼາດ ບໍລິສັດເບຍລາວ, ທ່ານ ນາງ ກັນຍາ ແກ້ວມະນີ ຮອງປະທານ ສຕລ, ທ່ານ ຈັນທະວົງ ສີລິມະໂນທຳ ຮັກສາການເລຂາທິການ ສຕລ, ພະນັກງານຈາກບໍລິສັດເບຍລາວ, ພະນັກງານຈາກ ສຕລ ແລະ ບັນດາສື່ມວນຊົນ ເຂົ້າຮ່ວມ.

ເປີດຂຶ້ນຢ່າງເປັນທາງການສູນຝຶກ ຈຳປີ-ຈໍາປາແຫ່ງທີ6ທີ່ແຂວງ ບໍລິຄໍາໄຊ

ທີີມຊາດລາວU20

ຈັດກິດຈະກຳບານເຕະ FIFA Women’s Football Campaign

ເອສະຣາ ເອົາຊະນະ ຈັນທະບູລີ 4-0 ຄວ້າແຊ້ມ ການແຂ່ງຂັນບານເຕະເຍົາວະຊົນ ຮຸ່ນອາຍຸບໍ່ເກີນ 19 ປີ ຊີງຂັນ ສຕລ ປະຈຳປີ 2024

   ວັນທີ 14 ສິງຫາ 2024 ສະຫະພັນບານເຕະແຫ່ງຊາດລາວ(ສຕລ) ໄດ້ຖະແຫລງຂ່າວການແຕ່ງຕັ້ງ ທ່ານ ຮາ ຮອກ ຈູນ (HA HYEOKJUN) ໄວ 54 ປີ ສັນຊາດ ສ. ເກົາຫລີ ຮັບໜ້າທີ່ເປັນ ຄູຝຶກ ທີມຊາດລາວ ຄົນໃໝ່, ເຊິ່່ງຈະຄຸມທີມຊາດລາວ ຊຸດໃຫຍ່ ແລະ ທີມຊາດລາວ ຮຸ່ນອາຍຸບໍ່ເກີນ 23 ປິ ໂດຍມີ ທ່ານ ວີເພັດ ສີຫາຈັກຣ ປະທານ ສະຫະພັນບານເຕະແຫ່ງຊາດລາວ, ພ້ອມດ້ວຍບັນດາຄູຝຶກ ແລະ ສື່ມວນຊົນ ເຂົ້າຮ່ວມ.

           ທ່ານ ວີເພັດ ສີຫາຈັກຣ ໄດ້ກ່າວວ່າ: ທ່ານ ຮາ ຮອກ ຈູນ ( HA HYEOKJUN )ຈະເຮັດຫນ້າທີ່່ ຄຸມທີມຊາດລາວ ຊຸດໃຫຍ່ ແລະ ທີມຊາດລາວ ຮຸ່ນອາຍຸບໍ່ເກີນ 23 ປິ ໄລຍະເວລາ 2 ປິ, ເຊິ່ງເປັນແຜນຍຸດທະສາດໃໝ່ຂອງ ສະຫະພັນບານເຕະແຫ່ງຊາດລາວ ນຳໃຊ້ຄູຝຶກ ສ.ເກົາຫລີ ເປັນຄັ້ງທຳອິດເປັນບາດກ້າວໃໝ່.

 ຂະນະທີ່ ທ່ານ ຮາ ຮອກ ຈູນ ໄດ້ກ່າວວ່າ: ກ່ອນອື່ນຫມົດຂ້າພະເຈົ້າຂໍສະແດງຄວາມດີໃຈ ທີ່ໄດ້ຮັບໜ້າທີ່ເປັນຫົວໜ້າຄູຝຶກ ທີມຊາດລາວ ແລະຂໍສັນຍາວ່າຈະທຸ້ມເທທຸກສິ່່ງຢ່າງ ເພື່ອໃຫ້ທີມຊາດລາວປະສົບຜົນສຳເລັດ.

          ສຳລັບປະຫວັດ ຂອງ ທ່ານ ຮາ ຮອກ ຈູນ ແມ່ນເກີດ ວັນທີ 27 ມັງກອນ 1970 ເປັນຄົນສັນຊາດ ສ. ເກົາຫລີ, ມີໃບປະກາດ AFC/KFA INSTRUCTOR PRO-LICENSE ທຽບເທົ່າ AFC Professional Diploma ແລະ ມີຜົນງານການຄຸມທີມ ຄື:

- ປີ 2009 – 2011 ເຮັດວຽກຢູ່ທີ່ ສະຫະພັນບານເຕະເກົາຫລີ (KFA)

- ປີ 2012 – 2013 ເປັນຜູ້ຊ່ວຍຄູຝຶກ ທີມຊາດມຽນມາ ຊຸດໃຫຍ່ ແລະ ທີມຊາດມຽນມາ ຮຸ່ນອາຍຸບໍ່ເກີນ 23 ປີ

- ປີ 2015 - 2016 ເປັນຄູຝຶກພາລະກໍາລັງ ສະໂມສອນ BEIJING BEKONG ລີກສູງສຸງ ສປ ຈີນ

- ປິ 2016 - 2017 ເປັນຫົວໜ້າຄູຝຶກ ສະໂມສອນ BEIJING BEKONG ລີກສູງສຸງ ສປ ຈີນ

- ປີ 2017 - 2018 ເປັນຜູ້ຊ່ວຍຄູຝຶກ ສະໂມສອນ SUWON SAMSUNG BLUEWING ລີກສູງສຸດ ສ.ເກົາຫລີ

- ປີ 2019 - 2021 ເປັນຫົວໜ້າຄູຝຶກ ສະໂມສອນ ມະຫາວິທະໄລ DAEGU NATIONAL UNIVERSITY

- ປີ 2023 ເປັນຫົວໜ້າຄູຝຶກ ສະໂມສອນ Resources Capital FC ລີກສູງສຸດ ເຂດປົກຄອງພິເສດຮົງກົງ

           ພາລະກິດຫຼັກໃນການມາຄຸມທິມຂອງ ທ່ານຮາ ຮອກ ຈູນ ແມ່ນການກຽມທີມຊາດລາວ ຊຸດໃຫຍ່ ເຂົ້າຮ່ວມການແຂ່ງຂັນ ASEAN Mitsubishi Electric Cup 2024 ແລະ ການແຂ່ງຂັນ AFC Asian Cup 2027 ຮອບຄັດເລືອກ ຮອບ 2.

#LAONATIONALTEAM

#LAOFOOTBALLFEDERATION

#KOREAREPUBLIC

#HAHYEOKJUN

ຕອນເຊົ້າ ວັນທີ 19 ກໍລະກົດ 2024,ທ່ານຈັນທະວົງ ສີລິມະໂນທຳ ຮັກສາການເລຂາທິການສະຫະພັນບານເຕະແຫ່ງຊາດລາວ(ສຕລ)ໄດ້ຕ້ອນຮັບການມາທັດສະນະສຶກສາຂອງຄູອາຈານ ແລະ ນັກສຶກສາຈາກສະຖາບັນກິລາ-ກາຍຍະກຳຂອງກະຊວງສຶກສາທິການ ແລະ ກິລາ,ນຳໂດຍທ່ານ ວັນໄຊ ອຸດົມຜົນ ຫົວໜ້າພະແນກວິຊາການ ແລະ ກິດຈະການ ນັກຮຽນ-ນັກສຶກສາສະຖາບັນກິລາ-ກາຍຍະກໍາທີ່ຫ້ອງການສຕລ.

ໂອກາດນີ້,ທ່ານຈັນທະວົງ ສີລິມະໂນທຳໄດ້ຕາງໜ້າໃຫ້ການນຳສຕລສະແດງຄວາມຍິນດີຕ້ອນຮັບແລະລາຍງານຫຍໍ້ສະພາບລວມຂອງ ສຕລ,ລວມທັງທີ່ຕັ້ງ,ພາລະບົດບາດ ແລະໂຄງຮ່າງການຈັດຕັ້ງຂອງ ສຕລ,ຜົນງານການເຄື່ອນໄຫວຂອງທັງພາຍໃນແລະຕ່າງປະເທດໃນການພັດທະນາກິລາບານເຕະເຍົາວະຊົນ,ຊາວໜຸ່ມ,ການແຂ່ງຂັນໃນລະດັບທິມຊາດແຕ່ລະລຸ້ນ,ການແຂ່ງຂັນລາວລີກທັງຍິງແລະຊາຍແລະບັນຫາອື່ນໆ. ທັງໄດ້ແນະນຳໃຫ້ຜູ້ສົນໃຈທີ່ຢາກມາເປັນອາສາສະໝັກເຮັດວຽກນຳ ສຕລ ເພື່ອເກັບກ່ຽວປະສົບການດ້ານກິລາບານເຕະ ຈາກນັ້ນກໍໄດ້ເປີດໂອກາດໃຫ້ຜູ້ເຂົ້າຮ່ວມໄດ້ສອບຖາມ, ໂດຍໄດ້ຮັບຄວາມສົນໃຈຈາກນັກສຶກສາເປັນຢ່າງດີ.

ການມາຢ້ຽມຢາມຂອງນັກສຶກສາຈາກສະຖາບັນກິລາ ແລະ ກາຍຍະກຳ ເທື່ອນີ້ເປັນເທື່ອທີ 2ປະກອບມີວິຊາການ4 ທ່ານ ແລະ ນັກສຶກສາ ປິທີ2 ຈຳນວນ 20 ທ່ານເຂົ້າຮວ່ມ.

ພິທີເປີດສູນຝຶກກິລາບານເຕະ ຈໍາປີ-ຈໍາປາ ແຫ່ງທີ 5 ທີ່ແຂວງ ຄຳມ່ວນ