ກອງປະຊຸມໃຫຍ່ສະຫະພັນບານເຕະແຫ່ງຊາດລາວ(ສຕລ)ປະຈຳປີ2024ໄດ້ໄຂຂື້ນແລະອັດລົງດວ້ຍຜົນສຳເລັດໃນວັນທີ 19ມັງກອນ 2025 ທີ່ໂຮງແຮມDouble Tree by Hiton ນະຄອນຫຼວງວຽງຈັນ, ພາຍໃຕ້ການເປັນ ປະທານຂອງທ່ານ ວີເພັດ ສີຫາຈັກຣ໌ ປະທານສະຫະພັນບານເຕະແຫ່ງຊາດລາວ , ໂດຍໃຫ້ກຽດເຂົ້າຮວ່ມ ຂອງ ທ່ານ ຮສ. ປອ ພຸດ ສິມມະລາວົງ ລັດຖະມົນຕີກະຊວງສຶກສາທິການແລະກິລາ, ທ່ານ ປອ ເຂີງຄຳແກ້ວ ໜູຈັນ ຮອງລັດຖະມົນຕີ,ຮອງຫົວໜ້າຫ້ອງວ່າການສຳນັກງານນາຍົກລັດຖະມົນຕີ,ພ້ອມດວ້ຍຄະນະບໍລິຫານງານສຕລ,ສະຫະພັນບານເຕະແຂວງ,ນະຄອນຫຼວງວຽງຈັນ,ແຂກຖືກເຊີນທັງພາຍໃນແລະຕ່າງປະເທດ.

              ກ່າວເປີດກອງປະຊຸມ ທ່ານ ວີເພັດ ສີຫາຈັກຣ໌ ປະທານສະຫະພັນບານເຕະແຫ່ງຊາດລາວໄດ້ກ່າວວ່າ:ປີ 2024 ທີີ່ຜ່ານມາ ສຕລ ໄດ້ຜັນຂະຫຍາຍມະຕິຂອງກອງປະຊຸມໃຫຍ່ ປະຈໍາປີ 2023ໄດ້ສໍາເລັດຫຼາຍດ້ານທີີ່ພົົ້ນເດັັ່ນ.ໃນນັ້ນ, ສຕລ ໄດ້ຖືກຮັບເລືອກໃຫ້ເປັນສະຫະພັນບານເຕະດີເດັັ່ນ ປະເພດ Ruby ໂດຍສະຫະພັນບານເຕະອາຊີ(AFC) ເຊິີ່ງສະແດງໃຫ້ເຫັນເຖິງການຮັບຮູ້ຂອງສາກົນຕໍ່ການພັດທະນາກິລາບານເຕະໃນປະເທດລາວ,ເຊິ່ງຜົນງານ ນີ້ແມ່ນເປັນລາງວັນຂອງຄອບຄົວບານເຕະລາວທຸກພາກສ່ວນ. ນອກນັ້ນ ສຕລ ຍັງໄດ້ຮັບກຽດເປັນເຈົົ້າພາບຈັດກອງປະຊຸມໃຫຍ່ສະໄໝສາມັນ ຂອງສະຫະພັນບານເຕະອາຊຽນ,ພ້ອມນັ້ນຍ້ອນຄວາມເຊືີ່ອໝັ້ນຂອງສາກົນຕໍໍ່ ສຕລ, FIFA ແລະ AFCໄດ້ເລືອກໃຫ້ ສປປ ລາວ ເປັນສະໜາມກາງຈັດການແຂ່ງຂັນບານໂລກຮອບຄັດເລືອກຂົງເຂດທະວີບອາຊີ ຮອບ 2 ແລະ ຮອບ 3 ຂອງທີມຊາດ ສປປເກົາຫຼີ ແລະ ພາຍໃຕ້ໂຄງການ FIFA Forward ສຕລຍັງສາມາດຍາດແຍ່ງທຶນສືບຕໍໍ່ຈັດການແຂ່ງຂັນລາວລີກຍິງ ແລະ ຈັດການແຂ່ງຂັນ ຊິງຂັນທ່ານ ນາຍົກລັດຖະມົນຕີ ແຫ່ງ ສປປ ລາວ ໃນອີກ 4 ລະດູການຂ້າງໜ້າ.ພາຍໃຕ້ໂຄງການ AFC Enhance Programme: Stadium ສຕລ ສາມາດຍາດແຍ່ງທຶນຮອນມາກໍໍ່ສ້າງອາຄານຫໍພັກນັກກິລາ ທີີ່ສູນຝຶກຈໍາປີ-ຈໍາປາ ຫຼັກ 16 ເພືີ່ອຮອງຮັບການຝຶກຊ້ອມຂອງທີມຊາດ ແລະ ສະໂມ ສອນໃຫ້ຫຼາຍຂືົ້ນ.ພາຍໃຕ້ໂຄງການ AFF Member Associations Development Programme

       ສຕລ ກໍໄດ້ລະດົມທຶນຮອນຈາກຕ່າງປະເທດມາປັບປຸງສະໜາມກິລາແຫ່ງຊາດ ຫຼັກ 16.ດ້ານການພັດທະນາບຸກຄະລາກອນພາຍໃນ, ສຕລຍາມໃດກໍສົ່ງເສີມໃຫ້ບຸກຄະລາກອນໄດ້ຍົກລະດັບຄວາມຮູ້, ຄວາມສາມາດ ໃນວຽກງານວິຊາສະເພາະຂອງຕົນ ໂດຍການສົ່ງເຂົົ້າຮ່ວມຮຽນຫຼັກສູດຕ່າງໆຂອງ FIFA ແລະ AFC. ນອກນັ້ນ ຍັງໄດ້ສົ່ງເສີມໃຫ້ບັນດາຄູຝຶກ ພັດທະນາຂີດຄວາມສາມາດຈົນມີຜູ້ຝຶກສອນຄົນລາວ ທີີ່ສາມາດອົບຮົມຄູຝຶກລະດັບ C ຂອງ AFC ແລະ ສົ່ງເສີມກໍາມະການຕັດສີນ ລົງຄັດເລືອກເປັນກໍາມະການຕັດສິນລະດັບສູງຂອງ AFC.

       ໃນກອງປະຊຸມໄດ້ຮັບຮອງເອົາບົດບັນທຶກກອງປະຊຸມໃຫຍ່ສຕລປະຈຳປີ2024,ລວມມີຜົນການເຄື່ອນໄຫວ ວຽກງານຂອງສຕລປະຈຳປີ2024,ບົດສະຫຼຸບວຽກງານການເງິນ2024,ບົດກວດສອບບັນຊີ2023,ແຜນການເຄື່ອນ ໄຫວແລະງົບປະມານປະຈຳປີ2025. ກອງປະຊຸມໄດ້ຮັບຟັງການປະກອບຄຳເຫັນຂອງ ທ່ານ ຮສ. ປອ ພຸດ ສິມມະລາວົງ ລັດຖະມົນຕີກະຊວງສຶກສາທິການແລະກິລາ,ເຊິ່ງກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຜົນງານຫຼາຍດ້ານທີ່ສຕລຍາດມາໄດ້ໃນໄລຍະ1ປີຜ່ານມາ,ໂດຍສະເພາະແມ່ນໄດ້ປັບປຸງພື້ນຖານໂຄງລ່າງດ້ານກິລາບານເຕະ,ການຝຶກອົບຮົມຄູຝຶກ ແລະການ ສ້າງນັກກິລາຜູ້ສືບທອດແມ່ນເຮັດໄດ້ດີ,ສ້າງໄດ້ກຽດແລະຊື່ສຽງໃຫ້ແກ່ປະເທດຊາດທັງຢູ່ພາກພື້ນແລະສາກົນ.ຢ່າງໃດກໍຕາມໃນສະພາບການຕໍ່ໜ້າທີ່ມີທັງກາລະໂອກາດແລະສິ່ງທ້າທາຍຫຼາຍຢ່າງ,ສຕລ,ສະຫະພັນບານເຕະແຂວງ,ນະຄອນຫຼວງວຽງຈັນ,ແຕ່ລະສະໂມສອນບານເຕະແລະທຸກພາກສວ່ນຂອງສັງຄົມຕ້ອງໄດ້ສືບຕໍ່ຮວ່ມມືກັນເສີມຂະຫຍາຍມູນເຊື້ອ ຄວາມເປັນເອກະພາບໃນການພັດທະນາກິລາບານເຕະລາວກໍຄືຈັດຕັ້ງປະຕິບັດແຜນການເຄື່ອນໄຫວທີ່ສຕລວາງອອກໃນປີ2025ໃຫ້ມີຜົນສຳເລັດຢ່າງເປັນຮູບປະທຳ.

            ສະຫະພັນບານເຕະແຫ່ງຊາດລາວ (ສຕລ) ໄດ້ຈັດກອງປະຊຸມພັດທະນາກິລາບານເຕະທົ່ວປະເທດ ປະຈໍາປີ 2024 ຂຶ້ນຢ່າງເປັນທາງການ ໃນຕອນເຊົ້າຂອງວັນທີ 18 ມັງກອນ 2025 ທີ່ຫ້ອງປະຊຸມ ສຕລ ພາຍໃຕ້ການເປັນປະທານຂອງທ່ານ ວີເພັດ ສີຫາຈັກຣ໌ ປະທານສະຫະພັນບານເຕະແຫ່ງຊາດລາວ ໂດຍມີຄະນະບໍລິຫານງານສຕລພ້ອມດວ້ຍສະຫະພັນບານເຕະແຂວງແລະນະຄອນຫຼວງວຽງຈັນເຂົ້າຮ່ວມ.

           ກ່າວເປີດກອງປະຊຸມຢ່າງເປັນທາງການ ທ່ານ ວີເພັດ ສີຫາຈັກຣ໌ ປະທານສະຫະພັນບານເຕະແຫ່ງຊາດລາວ ໄດ້ກ່າວວ່າ:ກອງປະຊຸມຄັ້ງນີ້ພວກເຮົາຈະໄດ້ພ້ອມກັນສັງເກດຕີລາຄືນບັນດາຜົນງານການເຄື່ອນໄຫວວຽກງານການພັດທະນາກິລາບານເຕະທົ່ວປະເທດໃນໄລຍະຫນຶ່ງປີທີ່ຜ່ານມາ.ສະຫະພັນບານເຕະແຫ່ງຊາດລາວຮຽກຮ້ອງໃຫ້ບັນດາສະຫະພັນບານເຕະແຂວງແລະນະຄອນຫຼວງວຽງຈັນຈົ່ງພ້ອມກັນຄົ້ນຄວ້າ,ປຶກສາຫາລືເພື່ອໃຫ້ການແຂ່ງຂັນສາມາດຈັດຂຶ້ນໄດ້ໃນປີ 2025ນີ້.

            ໂອກາດດັ່ງກ່າວ ທ່ານ ວີເພັດ ສີຫາຈັກຣ ປະທານ ສະຫະພັນບານເຕະແຫ່ງຊາດລາວ ຍັງໄດ້ກ່າວຕື່ມວ່າ: ກອງປະຊຸມຄັ້ງນີ້ມີວາລະທີ່ສໍາຄັນຫຼາຍອັນໂດຍສະເພາະແມ່ນການຜັນຂະຫຍາຍວຽກງານໃຫຍ່ຄື:ການຈັດການແຂ່ງຂັນຮ່ວມກັນລະຫວ່າງ ສະຫະພັນບານເຕະແຫ່ງຊາດລາວ ກັບສະຫະພັນບານເຕະແຕ່ລະແຂວງ ໃນການແຂ່ງຂັນນັບແຕ່ມັດທະຍົມຕອນຕົ້ນ-ຕອນປາຍຈົນເຖິງລາວລີກ2,ລວມທັງວຽກງານເຕັກນິກວິທະຍາ ແລະ ພັດທະນາ ສຕລ, ໂຄງການພັດທະນາກີລາບານເຕະຮຸ່ນສືບທອດ, ວຽກງານບານເຕະຂັ້ນພື້ນຖານ, ວຽກງານບານເຕະໃນໂຮງຮຽນ, ວຽກງານບານເຕະຍິງ ແລະ ວຽກງານພັດທະນາຄູຝຶກ. ດັ່ງນັ້ນ ໃນກອງປະຊຸມມື້ນີ້ນອກຈາກສະຫຼຸບ ແລະ ຖອດຖອນບົດຮຽນໃນປີ 2024, ຜ່ານມາແລ້ວ,ພວກເຮົາຍັງຈະໄດ້ຮ່ວມກັນວາງແຜນກຳນົດທິດທາງວຽກງານຂອງພວກເຮົາຕື່ມອີກໃນໃນປີ 2025.

              ໃນກອງປະຊຸມ,ພາຍຫຼັງຜ່ານບົດລາຍງານແຜນການເຄື່ອນໄຫວວຽກງານເຕັກນິກວິທະຍາ ແລະ ພັດທະນາ ຂອງ ສຕລ 2024 ແລ້ວ,ກໍໄດ້ມີການນໍາສະເໜີແຜນການເຄື່ອນໄຫວຈັດການແຂ່ງຂັນ 2025-2026 ແລະ ແຜນການເຄື່ອນໄຫວວຽກງານເຕັກນິກວິທະຍາ ແລະ ພັດທະນາ ຂອງ ສຕລ ປະຈໍາປີ 2025

             ໃນກອງປະຊຸມ ບັນດາຜູ້ຕາງໜ້າ ສະຫະພັນບານເຕະແຕ່ລະແຂວງ,ນະຄອນຫຼວງວຽງຈັນ ຍັງໄດ້ປະກອບຄວາມຄິດເຫັນໃນການປະຕິບັດວຽກງານໃນໄລຍະປີ 2024 ຜ່ານມາ ແລະ ຜ່ານແຜນການຈັດຕັ້ງປະຕິບັດໃນປີ 2025ຕື່ມອີກ.

ວັນທີ 16 ມັງກອນ 2025 ຢູ່ທີ່ຫ້ອງປະຊຸມ ສະຫະພັນບານເຕະແຫ່ງຊາດລາວ, ສະຫະພັນບານເຕະແຫ່ງຊາດລາວ ໄດ້ມີພິທີຈັບສະຫລາກ ແບ່ງກຸ່ມ ການແຂ່ງຂັນບານເຕະ ຊິງຂັນ ພະນະທ່ານ ນາຍົກ ລັດຖະມົນຕີ ແຫ່ງ ສປປ ລາວ ປະຈຳປີ 2024/25 The Lao Prime Minister Cup 2024/2025 ໂດຍມີ ທ່ານ ຈັນທະວົງ ສິລິມະໂນທຳ ຮັກສາການເລຂາທິການ ສະຫະພັນບານເຕະແຫ່ງຊາດລາວ, ທ່ານ ສັນຕິກອນ ແສງດາລາ ຫົວຫນ້າພະແນກຈັດການແຂ່ງຂັນ ສະຫະພັນບານເຕະແຫ່ງຊາດລາວ, ພ້ອມດ້ວຍຕາງຫນ້າສະໂມສອນ ແລະ ວິຊາການທີ່່ກ່ຽວຂ້ອງເຂົ້າຮ່ວມ.

ສຳລັບ ການແຂ່ງຂັນບານເຕະ ຊິງຂັນ ພະນະທ່ານ ນາຍົກ ລັດຖະມົນຕີ ແຫ່ງ ສປປ ລາວ ປະຈຳປີ 2024/25 The Lao Prime Minister Cup 2024/2025 ມີທີມເຂົ້າຮ່ວມ 16 ທີມເຂົ້າຮ່ວມ ຄື: ທີມຈາກ ລີກ 1 ມິ 8 ທີມ ປະກອບມີ: ສະໂມສອນ ບານເຕະ ຊ້າງນ້ອຍ, ສະໂມສອນ ບານເຕະ ມາດສເຕີ , ສະໂມສອນ ບານເຕະ ເອສະຣາ, ສະໂມສອນ ບານເຕະ ກອງທັບ, ສະໂມສອນ ບານເຕະ ຫຼວງພະບາງ, ສະໂມສອນ ບານເຕະ ຈຳປາສັກ, ສະໂມສອນ ບານເຕະ ນໍ້າທາ ຢຸູໄນເຕັດ ແລະ ສະໂມສອນ ບານເຕະ ມັດສະດ້າ ວຽງຈັນ ຂະນະ ທີມຈາກ ລີກ 2 ປະກອບມີ: ສະໂມສອນ ບານເຕະ ພີເອັມ ເຊກອງ, ສະໂມສອນບານເຕະ ທະຫານແຂວງຄຳມ່ວນ, ສະໂມສອນ ບານເຕະ ເມືອງເລົ່າງາມ, ສະໂມສອນ ບານເຕະ ສະຫວັນ ຢູໄນເຕັດ, ສະໂມສອນ ບານເຕະ ເມືອງພວນ, ສະໂມສອນ ບານເຕະ ທະຫານແຂວງຈຳປາສັກ, ສະໂມສອນ ບານເຕະ ທະຫານແຂວງຊຽງຂວາງ, ສະໂມສອນ ບານເຕະ ເຮືອເຫຼັກ. ຜົນການຈັບສະຫລາກ ແບ່ງກຸ່ມ (ສະໂມສອນ ລາວລີກ 1) ການແຂ່ງຂັນບານເຕະ ຊິງຂັນ ພະນະທ່ານ ນາຍົກ ລັດຖະມົນຕີ ແຫ່ງ ສປປ ລາວ ປະຈຳປີ 2024/25 The Lao Prime Minister Cup 2024/2025

- ກຸ່ມ ເອ : ສະໂມສອນບານເຕະ ມາດສເຕີ , ສະໂມສອນບານເຕະ ກອງທັບ, ສະໂມສອນບານເຕະ ຫຼວງພະບາງ ແລະ ສະໂມສອນບານເຕະ ນໍ້າທາ ຢູໄນເຕັດ

- ກຸ່ມ ບີ: ສະໂມສອນບານເຕະ ຊ້າງນ້ອຍ, ສະໂມສອນບານເຕະ ເອສະຣາ, ສະໂມສອນບານເຕະ ຈຳປາສັກ ແລະ ສະໂມສອນບານເຕະ ມັດສະດ້າ ຈີບີ

ຕາຕະລາງການແຂ່ງຂັນຮອບແບ່ງກຸ່ມ ແມ່ນຈະແຂ່ງຂັນວັນທີ 25 ມັງກອນ 2025, ວັນທີ 29 ມັງກອນ 2025 ແລະ ວັນທີ 05 ກຸມພາ 2025 ໂດຍຈະແຂ່ງຂັນຢູ່ທີ່ນະຄອນຫຼວງ 4 ສະຫນາມຄື: ສະຫນາມກິລາມະຫາວິທະຍາໄລແຫ່ງຊາດລາວ, ສະຫນາມກິລາແຫ່ງຊາດຫຼັກ 16 ສະຫນາມໃນ, ສະຫນາມກິລາແຫ່ງຊາດຫຼັກ 16 ສະຫນາມນອກ ແລະ ສະຫນາມກິລາກອງທັບ.

 ຂະນະທີ່ ຜົນການຈັບສະຫລາກ ແບ່ງກຸ່ມ (ສະໂມສອນ ລາວລີກ 2) ການແຂ່ງຂັນບານເຕະ ຊິງຂັນ ພະນະທ່ານ ນາຍົກ ລັດຖະມົນຕີ ແຫ່ງ ສປປ ລາວ ປະຈຳປີ 2024/25 The Lao Prime Minister Cup 2024/2025

- ກຸ່ມ ເອ : ສະໂມສອນບານເຕະ ພີເອັມ ເຊກອງ( ເຈົ້າພາບ ) , ສະໂມສອນບານເຕະ ເມືອງເລົ່າງາມ, ສະໂມສອນບານເຕະ ເມືອງພວນ ແລະ ສະໂມສອນບານເຕະ ເຮືອເຫຼັກ

- ກຸ່ມ ບີ: ສະໂມສອນບານເຕະ ທະຫານແຂວງຄຳມ່ວນ ( ເຈົ້າພາບ ), ສະໂມສອນບານເຕະ ທະຫານແຂວງຈຳປາສັກ, ສະໂມສອນບານເຕະທະຫານແຂວງຊຽງຂວາງ ແລະ ສະໂມສອນບານເຕະ ສະຫວັນ ຢູໄນເຕັດ

ຕາຕະລາງການແຂ່ງຂັນຮອບແບ່ງກຸ່ມ ແມ່ນຈະແຂ່ງຂັນວັນທີ 04 ກຸມພາ 2025, ວັນທີ 06 ກຸມພາ 2025 ແລະ ວັນທີ 08 ກຸມພາ 2025, ກຸ່ມ ເອ ແມ່ນແຂ່ງຂັນຢູ່ທີ່ສະຫນາມກິລາແຂວງເຊກອງ ແລະ ກຸ່ມ ບີ ແມ່ນແຂ່ງຂັນຢູ່ທີ່ສະຫນາມກິລາແຂວງຄຳມ່ວນ.

 ທີມທີ່ໄດ້ອັນດັບ 1 ແລະ ອັນດັບ 2 ແຕ່ລະກຸ່ມ ແມ່ນຈະໄດ້ຜ່ານເຂົ້າສູ່ຮອບ 8 ທີິມສຸດທ້າຍເຊິ່ງຈະແຂ່ງຂັນໃນວັນທີ 13 ກຸມພາ 2025, ຮອບຮອງຊະນະເລີດ ແຂ່ງຂັນວັນທີ 16 ກຸມພາ 2025 ແລະ ນັດຊີງຊະນະເລີດ ແມ່ນແຂ່ງຂັນວັນທີ 08 ມີນາ 2025.

 ສ່ວນລາຍລະອຽດຕາຕະລາງການແຂ່ງຂັນແມ່ນຈະແຈ້ງໃຫ້ຮັບຊາບຕາມພາຍຫຼັງ ແລະ ສາມາດຕິດຕາມຄວາມເຄື່ອນໄຫວໄດ້ທີ່ເພສ ການແຂ່ງຂັນບານເຕະ ຊິງຂັນ ພະນະທ່ານ ນາຍົກ ລັດຖະມົນຕີ ແຫ່ງ ສປປ ລາວ ແລະ ເວບໄຊ ສະຫະພັນບານເຕະແຫ່ງຊາດລາວ www.laoff.org.la

ສະຫະພັນບານເຕະແຫ່ງຊາດລາວ ຂໍຖືເປັນກຽດເຊີນບໍລິສັດ ທີ່ມີຄວາມສົນໃຈ ແລະ ມີເງື່ອນໄຂທີ່ເໝາະສົມ ເຂົ້າຮ່ວມຍື່ນ ເອກະສານຂໍ້ມູນບໍລິສັດ (Company Profile) ເຊິ່ງຕ້ອງມີຄັດຕິດປະຫວັດໂຄງກາ່ນທີ່ໄດ້ເຮັດຜ່ານມາ (List of Clients) ແລະ ໃບຈົດທະບຽນທຸລະກິດ (Certificate of Business Registration) ເພື່ອເຂົ້າຮ່ວມການຄັດເລືອກເປັນຜູ້ກວດສອບບັນຊີ (independent auditor) ຂອງສະຫະພັນບານເຕະແຫ່ງຊາດລາວ ສໍາລັບປີບັນຊີ 2024-2026.

 ການຍື່ນເອກະສານ ວັນທີ 08 ມັງກອນ ເຖິງ 13 ມັງກອນ 2025 (ວັນລັດຖະການເທົ່ານັ້ນ)

ເວລາ: 08:30 – 12:00 ແລະ 13:30 – 17:00

ສົ່ງເຖິງ ທ່ານ ຈັນທະວົງ ສີລິມະໂນທໍາ, ຮັກສາການ ເລຂາທິການສະຫະພັນບານເຕະແຫ່ງລາວ.

ສະຖານທີ່ ສໍານັກງານໃຫຍ່ສະຫະພັນບານເຕະແຫ່ງຊາດລາວ ບ້ານຫ້ວຍຫົງ, ເມືອງຈັນທະບູລີ, ນະຄອນຫຼວງວຽງຈັນ

ເບີໂທ ໂທ: 021 560 821

ອີເມວ [email protected]

.

ກ້າຫານ ເພັດສີວິໄລ ກອງຫຼັງ ທີມຊາດລາວ ໄດ້ປະກາດອຳລາ ສະໂມສອນ ບານເຕະ ຊ້າງນ້ອຍ ວ່າ: ‘ຂໍຂອບໃຈ ປະທານ ທີມງານ ຄະນະຄູຝຶກ ສະໂມສອນຊ້າງນ້ອຍ ທີ່ໃຫ້ໂອກາດ ແລະ ເຫັນພອນສະຫວັນເດັກນ້ອຍບ້ານ ນອກຄົນນີ້ ໄດ້ມາເຕະລີກສູງສຸດຂອງປະເທດລາວ ຕະຫຼອດ 7 ປີຜ່ານມາ ພ້ອມຂອບໃຈ ລຸ້ນອ້າຍແລະນ້ອງໝົດທຸກຄົນ ທີ່ບອກສອນຕະຫຼອດມາ‘’

 ສຳລັບປະຫວັດ ກ້າຫານ ເພັດສີວິໄລ ( ຊິ ) ເກີດວັນທີ 09 ກັນຍາ 1998 ເກີດທີ່ບ້ານ ນາເລົາ ເມືອງນານ ແຂວງຫລວງພະບາງ, ລວງສູງ: 175 ຊັງຕີແມັດ, ນ້ຳຫນັກ: 69 ກິໂລກຣາມ, ຕຳແຫນ່ງ ກອງຫຼັງ ແລະ ກອງກາງ, ຈົບການສຶກສາ ຄະນະວິທະຍາສາດການກີລາ-ກາຍະກຳ, ເຄິຍຫລິ້ນໃຫ້ທີມຊາດ: U21, U23 ແລະ ຊຸດໃຫຍ່, ເຄີຍຫລິ້ນໃຫ້ກັບ ສະໂມສອນ ບານເຕະ ມຊ ດີວີຊັນ 1 ສາຍ ກໍ ປີ 2017, ສະໂມສອນ ຊ້າງນ້ອຍ ນັບຕັ້ງແຕ່ ປີ 2018 ເປັນຕົ້ນມາ ແລະ ໄດ້ຮັບຂັນແຊ້ມ ເປບຊີ ລາວລີກ 1 ຈໍານວນ 2 ປີ ແລະ ລາຍການແຂ່ງຂັນບານເຕະ ຊີງຂັນ ສຕລ ຈໍານວນ 2 ປີ.

 ສຳລັບຄວາມທ້າທາຍໃຫມ່ ຂອງກ້າຫານ ເພັດສີວິໄລ ແມ່ນຈະກັບໄປພັດທະນາສ້າງນັກກິລາ ຮຸ່ນສຶບທອດຢູ່ແຂວງຫຼວງພະບາງ ໂດຍສະເພາະແມ່ນພັດທະນາບັນດາເຍົາວະຊົນເມືອງນານ ເພື່ອຮັບໃຊ້ແຂວງຫຼວງພະບາງ ແລະ ທີມຊາດລາວ ໃນອະນາຄົດ.

         ການແຂ່ງຂັນບານເຕະ ເປບຊີ ລາວລີກ 1 ລະດູການ 2024/2025 ດຳເນີນການແຂ່ງຂັນມາແລ້ວ 7 ອາທິດ , ສະຫລຸບສະຖິຕິຈຳນວນນັກກິລາທີ່ໄດ້ຮັບລາງວັນນັກກິລາດີເດັ່ນ ຫລາຍທີ່ສຸດແມ່ນ ໂຈນີ້ ແຫວນປະເສີດ ໄດ້ຮັບລາງວັນນັກກິລາດີເດັ່ນ ຈຳນວນ 3 ນັດ, ລົງສະຫນາມທັງຫມົດ 6 ນັດ ຍິງໄດ້ 7 ປະຕູ ແລະ ສົ່ງບານໃຫ້ກັບເພື່ອນຮ່ວມທີມຍິງປະຕູໄດ້ຕື່ມອີກ 3 ປະຕູ.

       ໂຈນີ້ ແຫວນປະເສີດ ເກີດວັນທີ 27 ພະຈິກ 2002 ທີ່ ບ້ານ ປາກວັງ ເມືອງຫີນເຫີບ ແຂວງວຽງຈັນ, ເລີ່ມເຂົ້າມາຝຶກຊ້ອມຢູ່ ສູນ ເອສະຣາ ໃນປີ 2014. ຜົນງານໃນລະດັບທີມຊາດ ເຄີຍຕິດທີມຊາດລາວ ນັບແຕ່ຮຸ່ນເຍົາວະຊົນອາຍຸບໍ່ເກີນ14, 15, 16,19,23ປີ( U14, U15, U16, U19, U23) ຈົນເຖິງທິມຊາດຊຸດໃຫຍ່ປັດຈຸບັນ, ລົງສະຫນາມໃຫ້ກັບ ທີມຊາດລາວ ທັງຫມົດ 17 ນັດ ຍິງໄດ້ 2 ປະຕູ.

            ສ່ວນນັກກິລາທີ່ໄດ້ຮັບລາງວັນນັກກິລາດີເດັ່ນຈຳນວນ 2 ນັດປະກອບມີ 7 ຄົນຄື: ແກ້ວວຽງເພັດ ລິດທິເດດ , ສຸກພະຈັນ ເລື່ອນທະລາ ຈາກ ສະໂມສອນ ບານເຕະ ມາດສເຕີິ, EMMANUEL JUGBE DOE ຈາກ ສະໂມສອນ ບານເຕະ ຫຼວງພະບາງ, ຕີ ສີຫລາດ ຈາກ ສະໂມສອນ ບານເຕະ ກອງທັບ, TAKUMU NISHIHARA, YUTA SUZUKI, SAVELIY ABRAMOV ຈາກ ສະໂມສອນ ບານເຕະ ຊ້າງນ້ອຍ.

           ຂະນະ ທີ່ຈຳນວນ ລາງວັນນັກກິລາກິລາດີເດັ່ນຈຳນວນ 1 ນັດ ປະກອບມີ 11 ຄົນ ຄື: ພັດທະນາ ພົມມະເທບ, ປີເຕີ້ ພັນທະວົງ, ດາຫມົດ ທອງຄຳສະຫວັດ, ອານັນຕະຊາ ສີພົງພັນ ຈາກ ສະໂມສອນ ບານເຕະ ເອສະຣາ, ເພັດສະຫມອນ ສີຫາເທບ ຈາກ ສະໂມສອນ ບານເຕະ ຈຳປາສັກ, ສຸກສະຫວັນ ຮອບຈັກກະວານ ຈາກ ສະໂມສອນ ບານເຕະ ນໍ້າທາ, ອາລິດ ຄຳປະເສີດ ຈາກ ສະໂມສອນ ບານເຕະ ກອງທັບ, ພິທັກ ກອງມາທິລາດ ຈາກ ສະໂມສອນ ບານເຕະ ກອງທັບ, ຈໍ່າວັນ ປະເສີດ ຈາກ ສະໂມສອນ ບານເຕະ ຫຼວງພະບາງ, MOHAMED ELSHENNAWY ຈາກ ສະໂມສອນ ບານເຕະ ວຽງຈັນແລະ JUN KOCHI ຈາກ ສະໂມສອນ ບານເຕະ ມາດສເຕີ .

           ສະຫະພັນບານເຕະແຫ່ງຊາດລາວ(ສຕລ)ໄດ້ມອບເຄື່ອງນຸ່ງຫົ່ມ ແລະ ອຸປະກອນການສຶກສາລວມມູນຄ່າຫຼາຍກ່ວາ 150.000.000 ກີບ ໃຫ້ແກ່ແຂວງ ຫຼວງພະບາງ ແລະ ມອບອຸປະກອນການສຶກສາໃຫ້ແກ່ເມືອງວຽງຄໍາ ແຂວງຫຼວງພະບາງ ລວມມູນຄ່າ 50.000.000 ກີບ ( ໃນນັ້ນປະກອບມີ ໝາກບານ, ປື້ມ ແລະ ເສື້ອກັນໜາວ ) ເພື່ອນໍາໃຊ້ເຂົ້າໃນການຮຽນ-ການສອນ, ການຝຶກແອບ ແລະ ຈັດການແຂ່ງຂັນ ໃຫ້ກັບບັນດາເມືອງ 11 ເມືອງ, 1 ນະຄອນ ແລະ ໂຮງຮຽນອ້ອມຂ້າງແຂວງ ທີ່ຂື້ນກັບພະແນກສຶກສາທິການ ແລະ ກິລາແຂວງ.ສໍາລັບເສື້ອກັນໜາວແມ່ນນໍາໄປແຈກຢາຍໃຫ້ແກ່ນັກຮຽນຊົນເຜົ່າ ສວນຫຼວງ, ນໍ້າບາກ, ເດັກກໍ່າພ້າ, ໂຮງຮຽນເຕັກນິກ-ວິຊາຊີບ ແບບປະສົມນໍ້າບາກ ແຂວງຫຼວງພະບາງ.

          ພິທີມອບ-ຮັບໄດ້ຈັດຂື້ນເມື່ອຕອນບ່າຍຂອງວັນທີ20ທັນວານີ້ທີ່ພະແນກສຶກສາທິການແລະກິລາແຂວງຫຼວງພະບາງ, ໃຫ້ກຽດມອບໂດຍທ່ານ ວີເພັດ ສີຫາຈັກຣ ປະທານສະຫະພັນບານເຕະແຫ່ງຊາດລາວ ແລະ ຮັບໂດຍທ່ານ ປອ ສຸລິເດດ ແກ້ວບົວລະເພັດ ຫົວຫນ້າພະແນກສຶກສາທິການ ແລະ ກິລາ ແຂວງຫຼວງພະບາງ.​

ແຂວງຫຼວງພະບາງ, ທ່ານ ສອນສັກ ສຸລິເສີມ ຮອງເຈົ້າເມືອງໆວຽງຄຳ, ມີຮອງຫົວໜ້າພະແນກສຶກສາທິການ ແລະ ກິລາ , ທ່າມກາງການເປັນສັກຂີພິຍານຂອງທ່ານຮອງປະທານສະຫະພັນບານເຕະແຫ່ງຊາດລາວ ພ້ອມດ້ວຍຄະນະ.

ສະຫະພັນບານເຕະແຫ່ງຊາດລາວ (ສຕລ) ຂໍສະແດງຄວາມຍິນດີ ແລະ ຊົມເຊີຍມາຍັງສະຫະພັນບານເຕະແຂວງ ໃນຂອບເຂດທົ່ວປະເທດທີ່ມີຜົນສຳເລັດໃນການຈັດການແຂ່ງຂັນ ລາວລີກ 2 ປະຈຳປີ 2024 ແລະ ສະໂມສອນທີ່ຊະນະເລີດລາວລີກ2ຈະໄດ້ຮັບສິດເຂົ້າຮ່ວມການແຂ່ງຂັນ 2 ລາຍການໃຫຍ່ປີ 2025 ຄືເຂົ້າຮ່ວມການແຂ່ງຂັນຊິງຂັນພະນະທ່ານ ນາຍົກລັດຖະມົນຕີ ແຫ່ງສປປລາວ ລະດູການ 2024/25 ແລະ ເຂົ້າຮວ່ມການແຂ່ງຂັນບານເຕະເປບຊີລາວລີກ1 ລະດູການ 2025/26.

ລາຍຊື່ສະໂມສອນທີ່ຊະນະເລີດລາວລີກ 2 ມີດັ່ງນີ້໋:

1. ສະໂມສອນສະໂມສອນເມືອງພວນ (ແຂວງຊຽງຂວາງ)

2. ສະໂມສອນ ປກຊ ແຂວງ (ແຂວງຄໍາມ່ວນ)

3. ສະໂມສອນສະຫວັນ ຢູໄນເຕັດ (ແຂວງສະຫວັນນະເຂດ)

4. ສະໂມສອນ ປິ່ນແກ້ວ 2010 (ແຂວງຈໍາປາສັກ)

5. ສະໂມສອນ ເມືອງເລົ່າງາມວິລະຊົນ (ແຂວງສາລະວັນ)

6. ສະໂມສອນ NP Family (ແຂວງເຊກອງ)

ທີມຊາດລາວ ຊຸດໃຫຍ່ ເຂົ້າຮ່ວມ ການແຂ່ງຂັນບານເຕະ ຊີງແຊ້ມອາຊຽນ ມີດຊູບີຊີ ເອເລັກຕິກ 2024 ASEAN MITSUBISHI ELECTRIC CUP™ 2024 ລາຍຊື່ຄະນະນໍາ, ຄະນະຄູຝຶກ ມີລາຍຊື່ດັ່ງລຸ່ມນີ້:

1. ທ່ານ ຄໍາໄພ ປຣະເສີດ ຮອງປະທານ ສະຫະພັນບານເຕະແຫ່ງຊາດລາວ ຫົວຫນ້າຄະນະ

2. ທ່ານ ຄໍາແພງ ວົງຂັນຕີ ຮອງປະທານ ສະຫະພັນບານເຕະແຫ່ງຊາດລາວ ຮອງຫົວຫນ້າຄະນະ ເປັນຄະນະ

3. ທ່ານ ດຣ ໄຊຊະນະ ທອງຄໍາຈັນ ຄະນະບໍລິຫານງານ ສະຫະພັນບານເຕະແຫ່ງຊາດລາວ ເປັນຄະນະ

4. ທ່ານ ຄໍລະເດດ ພອນພະຈັນ ຄະນະບໍລິຫານງານ ສະຫະພັນບານເຕະແຫ່ງຊາດລາວ ເປັນຄະນະ

5. ທ່ານ ແກ້ວລັດຕະນະ ສີຫາວົງ ຄະນະບໍລິຫານງານ ສະຫະພັນບານເຕະແຫ່ງຊາດລາວ ເປັນຄະນະ

6. ທ່ານ HYEOKJUN HA ຫົວຫນ້າຄູຝຶກ ສັນຊາດ ສ.ເກົາຫລີ

7. ທ່ານ YONGKYU LEE ຜູ້ຊ່ວຍຄູຝຶກ ສັນຊາດ ສ.ເກົາຫລີ

8.ທ່ານ SANGUOOK LEE ຜູ້ຊ່ວຍຄູຝຶກ ສັນຊາດ ສ.ເກົາຫລີ

9. ທ່ານ BUM SOO KIM ຄູຝຶກຜູ້ຮັກສາປະຕູ ສັນຊາດ ສ.ເກົາຫລີ

10. ທ່ານ ກັນລະຍາ ສີສົມຫວັງ ຜູ້ຊ່ວຍຄູຝຶກ

11. ທ່ານ ຄອນສະໄໝ ຈັນທະວົງໄຊ ຜູ້ຈັດການທີມ

12. ທ່ານ ຈັນທະບູນ ໝື່ນສີ ອຸປະກອນ

13. ທ່ານ ສຸກສົມພອນ ວົງຄຳຜຸຍ ອຸປະກອນ

14. ທ່ານ ກິດຕິໄຊ ອຸດົມຜົນ ແພດກາຍະບໍາບັດ

15. ທ່ານ ຄໍາສີ ຄູນນິວາດ ແພດກາຍະບໍາບັດ

16. ທ່ານ ທິບພະກອນ ພະກາສີ ສື່ມວນຊົນ

17. ທ່ານ Mideum Kim ແປພາສາ ສັນຊາດ ສ.ເກົາຫລີ

ສຳລັບລາຍຊື່ນັກກິລາ 26 ຄົນ ທີ່ໄດ້ຜ່ານການຄັດເລືອກມີດັ່ງລຸ່ມນີ໊

+ ຜູ້ຮັກສາປະຕູ

ໄຊສະຫວາດ ສຸວັນນະໂຊກ ຈາກ ສະໂມສອນ ກິລາບານເຕະ ນໍ້າທາ

ກົບ ໂລກພະທິບ ຈາກ ສະໂມສອນ ກິລາບານເຕະ ເອສະຣາ

ແກ້ວອຸດອນ ສຸວັນນະສັງໂສ ຈາກ ສະໂມສອນ ກິລາບານເຕະ ກອງທັບ

+ ກອງຫຼັງ

ພຸດທະວົງ ສັງວິໄລ ຈາກ ສະໂມສອນ ກິລາບານເຕະ ເອສະຣາ

ອານັນຕະຊາ ສີພົງພັນ ຈາກ ສະໂມສອນ ກິລາບານເຕະ ເອສະຣາ

ແສງດາວວີ ຫັນທະວົງ ຈາກ ສະໂມສອນ ກິລາບານເຕະ ຊ້າງນ້ອຍ

ພົນສັກ ສີສະຫວາດ ຈາກ ສະໂມສອນ ກິລາບານເຕະ ຊ້າງນ້ອຍ

ໄຊຍະສິດ ສິງສະຫວ່າງ ຈາກ ສະໂມສອນ ກິລາບານເຕະ ນໍ້າທາ

ເພັດດາວັນ ສົມສະນິດ ຈາກ ສະໂມສອນ ກິລາບານເຕະ ມາດສເຕີ

ສົມສະຫວາດ ພົມໂສພາ ຈາກ ສະໂມສອນ ກິລາບານເຕະ ມາດສເຕີ

ສອນວິໄລ ເພັດວຽງສີ ຈາກ ສະໂມສອນ ກິລາບານເຕະ ມາດສເຕີ

+ ກອງກາງ

ຈັນທະວີໄຊ ຂຸນທຸມພອນ ຈາກ ສະໂມສອນ ກິລາບານເຕະ ເອສະຣາ

ດາໝົດ ທອງຄໍາສະຫວັດ ຈາກ ສະໂມສອນ ກິລາບານເຕະ ເອສະຣາ

ພຸດທະລັກ ທອງສະນິດ ຈາກ ສະໂມສອນ ກິລາບານເຕະ ເອສະຣາ

ພັດທະນາ ພົມມະເທບ ຈາກ ສະໂມສອນ ກິລາບານເຕະ ເອສະຣາ

ອານຸສອນ ໄຊປັນຍາ ຈາກ ສະໂມສອນ ກິລາບານເຕະ ຊ້າງນ້ອຍ

ສຸພັນ ຄຳໃບອ່ອນ ຈາກ ສະໂມສອນ ກິລາບານເຕະ ຊ້າງນ້ອຍ

ພຸດດາວີ ພົມມະສານ ຈາກ ສະໂມສອນ ກິລາບານເຕະ ມາດສເຕີ

ພຸດທະໄຊ ໂຄຈະເລີນ ຈາກ ສະໂມສອນ ກິລາບານເຕະ ທັບຫຼວງ Thapluang United ( ປະເທດໄທ )

ພູສົມບູນ ປັນຍາວົງ ຈາກ ສະໂມສອນ ກິລາບານເຕະ ກອງທັບ

+ ກອງຫນ້າ

ບຸນພະຈັນ ບຸນກອງ ຈາກ ສະໂມສອນ ກິລາບານເຕະ ສວາຍຣຽງ ( PREAK KHAN REACH SVAY RIENG FC ( ປະເທດກຳປູເຈຍ )

ໂຈນີ້ ແຫວນປະເສີດ ຈາກ ສະໂມສອນ ກິລາບານເຕະ ເອສະຣາ

ປີເຕີ້ ພັນທະວົງ ຈາກ ສະໂມສອນກິລາບານເຕະ ເອສະຣາ

ກີ້ດາວອນ ສຸວັນນີ ຈາກ ສະໂມສອນ ກິລາບານເຕະ ຊ້າງນ້ອຍ

ສຸກພະຈັນ ເລື່ອນທະລາ ຈາກ ສະໂມສອນ ກິລາບານເຕະ ມາດສເຕີ

ສີສະຫວາດ ດາລາວົງ ຈາກ ສະໂມສອນ ກິລາບານເຕະ ກອງທັບ

ການແຂ່ງຂັນ ບານເຕະ ຊີງແຊ້ມອາຊຽນ ມີດຊູບີຊີ ເອເລັກຕິກ 2024 ASEAN MITSUBISHI ELECTRIC CUP™ 2024 ໂດຍ ທີມຊາດລາວ ຢູ່ຮ່ວມ ກຸ່ມ B ປະກອບມີ : ຫວຽດນາມ, ອິນໂດເນເຊຍ, ຟີລິບປິນ, ມຽນມາ ແລະ ລາວ.

ຕາຕະລາງການແຂ່ງຂັນທີມຊາດລາວ

- ວັນທີ 09/12/2024 ເວລາ20:00 ລາວ ພົບ ຫວຽດນາມ ແຂ່ງຂັນຢູ່ທີ່ສະຫນາມກິລາແຫ່ງຊາດຫຼັກ 16

- ວັນທີ 12/12/2024 ເວລາ 20:00 ອິນໂດເນເຊຍ ພົບ ລາວ ແຂ່ງຂັນຢູ່ທີ່ສະຫນາມກິລາ The Manahan Stadium

- ວັນທີ 15/12/2024 ເວລາ 17:30 ລາວ ພົບ ຟີລິບປີນ ແຂ່ງຂັນຢູ່ທີ່ສະຫນາມກິລາແຫ່ງຊາດຫຼັກ 16

- ວັນທີ 18/12/2024 ເວລາ 17:00 ມຽນມາ ພົບ ລາວ ແຂ່ງຂັນຢູ່ທີ່ສະຫນາມກິລາ Thuwunna Stadium

ການແຂ່ງຂັນລາວລີກ 2 ແຂວງຄຳມ່ວນ ໄດ້ຈົບລົງແລ້ວ ຫຼັງແຂ່ງຂັນກັນມາແຕ່ວັນທີ 25 ກັນຍາ ຫາ 30 ພະຈິກ 2024 ມີທີມເຂົ້າຮ່ວມແຂ່ງຂັນທັງໝົດ 6 ທີມ ແຂ່ງຂັນແບບພົບກັນໝົດ 10 ນັດ ແຂ່ງຢູ່ສະໜາມກິລາແຂວງ.

ຜ່ານການແຂ່ງຂັນຜົນປະກົດວ່າ: ປກຊ ແຂວງຄຳມ່ວນ ສາມາດຄວ້າແຊ້ມລີກ 2 ຄຳມ່ວນ 2024 ໄປຄອງໄດ້ສໍາເລັດ, ສ່ວນຮອງແຊ້ມເປັນຂອງ ເລັກຕ້າ ເອັຟຊ,ອັນດັບ 3 ເທບສີໄຮ ເອັຟຊີ, ອັນດັບ 4 ຄຣີນິກແຂ້ວ ໄຊຍາສຸກ,ອັນດັບ 5 ນ້ຳເທີນ 2 ເອັຟຊີ ແລະ ອັນດັບ 6 ລູກໝູ ເອັຟຊີ.

ສະໂມສອນ ປກຊ ແຂວງຄຳມ່ວນ ໃນນາມທີມຄວ້າແຊ໋ມແມ່ນໄດ້ສິດເຂົ້າຮ່ວມ ການແຂ່ງຂັນ ຊິງຂັນພະນະທ່ານນາຍົກລັດຖະມົນຕີ ແຫ່ງ ສປປ ລາວ ລະດູການ 2024/ 2025 ໃນຖານະສະໂມສອນຊະນະເລີດ ລາວລີກ 2 ຂອງແຕ່ລະແຂວງ/ນະຄອນຫຼວງ.

ທີມຊາດລາວ ຊຸດໃຫຍ່ ພາຍໃຕ້ການຄຸມທີມຂອງ ທ່ານ ຮາ ຮອກ ຈູນ (HA HYEOKJUN) ຄູຝຶກ ທີມຊາດລາວ ສັນຊາດ ສ.ເກົາຫລີ ໄດ້ປະກາດລາຍຊື່ນັກກິລາ 26 ຄົນ ເຂົ້າຮ່ວມ ການແຂ່ງຂັນ ບານເຕະ ຊີງແຊ້ມອາຊຽນ ມີດຊູບີຊີ ເອເລັກຕິກ 2024 ASEAN MITSUBISHI ELECTRIC CUP™ 2024 ໂດຍ ທີມຊາດລາວ ຢູ່ຮ່ວມ ກຸ່ມ B ປະກອບມີ : ຫວຽດນາມ, ອິນໂດເນເຊຍ, ຟີລິບປິນ, ມຽນມາ ແລະ ລາວ.

ສຳລັບລາຍຊື່ນັກກິລາ 26 ຄົນ ທີ່ໄດ້ຜ່ານການຄັດເລືອກມີດັ່ງລຸ່ມນີ໊

+ ຜູ້ຮັກສາປະຕູ

ໄຊສະຫວາດ ສຸວັນນະໂຊກ ຈາກ ສະໂມສອນ ກິລາບານເຕະ ນໍ້າທາ

ກົບ ໂລກພະທິບ ຈາກ ສະໂມສອນ ກິລາບານເຕະ ເອສະຣາ

ແກ້ວອຸດອນ ສຸວັນນະສັງໂສ ຈາກ ສະໂມສອນ ກິລາບານເຕະ ກອງທັບ

+ ກອງຫຼັງ

ພຸດທະວົງ ສັງວິໄລ ຈາກ ສະໂມສອນ ກິລາບານເຕະ ເອສະຣາ

ອານັນຕະຊາ ສີພົງພັນ ຈາກ ສະໂມສອນ ກິລາບານເຕະ ເອສະຣາ

ແສງດາວວີ ຫັນທະວົງ ຈາກ ສະໂມສອນ ກິລາບານເຕະ ຊ້າງນ້ອຍ

ພົນສັກ ສີສະຫວາດ ຈາກ ສະໂມສອນ ກິລາບານເຕະ ຊ້າງນ້ອຍ

ໄຊຍະສິດ ສິງສະຫວ່າງ ຈາກ ສະໂມສອນ ກິລາບານເຕະ ນໍ້າທາ

ເພັດດາວັນ ສົມສະນິດ ຈາກ ສະໂມສອນ ກິລາບານເຕະ ມາດສເຕີ

ສົມສະຫວາດ ພົມໂສພາ ຈາກ ສະໂມສອນ ກິລາບານເຕະ ມາດສເຕີ

ສອນວິໄລ ເພັດວຽງສີ ຈາກ ສະໂມສອນ ກິລາບານເຕະ ມາດສເຕີ

+ ກອງກາງ

ຈັນທະວີໄຊ ຂຸນທຸມພອນ ຈາກ ສະໂມສອນ ກິລາບານເຕະ ເອສະຣາ

ດາໝົດ ທອງຄໍາສະຫວັດ ຈາກ ສະໂມສອນ ກິລາບານເຕະ ເອສະຣາ

ພຸດທະລັກ ທອງສະນິດ ຈາກ ສະໂມສອນ ກິລາບານເຕະ ເອສະຣາ

ພັດທະນາ ພົມມະເທບ ຈາກ ສະໂມສອນ ກິລາບານເຕະ ເອສະຣາ

ອານຸສອນ ໄຊປັນຍາ ຈາກ ສະໂມສອນ ກິລາບານເຕະ ຊ້າງນ້ອຍ

ສຸພັນ ຄຳໃບອ່ອນ ຈາກ ສະໂມສອນ ກິລາບານເຕະ ຊ້າງນ້ອຍ

ພຸດດາວີ ພົມມະສານ ຈາກ ສະໂມສອນ ກິລາບານເຕະ ມາດສເຕີ

ພຸດທະໄຊ ໂຄຈະເລີນ ຈາກ ສະໂມສອນ ກິລາບານເຕະ ທັບຫຼວງ Thapluang United ( ປະເທດໄທ )

ພູສົມບູນ ປັນຍາວົງ ຈາກ ສະໂມສອນ ກິລາບານເຕະ ກອງທັບ

+ ກອງຫນ້າ

ບຸນພະຈັນ ບຸນກອງ ຈາກ ສະໂມສອນ ກິລາບານເຕະ ສວາຍຣຽງ ( PREAK KHAN REACH SVAY RIENG FC ( ປະເທດກຳປູເຈຍ )

ໂຈນີ້ ແຫວນປະເສີດ ຈາກ ສະໂມສອນ ກິລາບານເຕະ ເອສະຣາ

ປີເຕີ້ ພັນທະວົງ ຈາກ ສະໂມສອນກິລາບານເຕະ ເອສະຣາ

ກີ້ດາວອນ ສຸວັນນີ ຈາກ ສະໂມສອນ ກິລາບານເຕະ ຊ້າງນ້ອຍ

ສຸກພະຈັນ ເລື່ອນທະລາ ຈາກ ສະໂມສອນ ກິລາບານເຕະ ມາດສເຕີ

ສີສະຫວາດ ດາລາວົງ ຈາກ ສະໂມສອນ ກິລາບານເຕະ ກອງທັບ

 ຕາຕະລາງການແຂ່ງຂັນທີມຊາດລາວ

- ວັນທີ 09/12/2024 ເວລາ20:00 ລາວ ພົບ ຫວຽດນາມ ແຂ່ງຂັນຢູ່ທີ່ສະຫນາມກິລາແຫ່ງຊາດຫຼັກ 16

- ວັນທີ 12/12/2024 ເວລາ 20:00 ອິນໂດເນເຊຍ ພົບ ລາວ ແຂ່ງຂັນຢູ່ທີ່ສະຫນາມກິລາ The Manahan Stadium

- ວັນທີ 15/12/2024 ເວລາ 17:30 ລາວ ພົບ ຟີລິບປີນ ແຂ່ງຂັນຢູ່ທີ່ສະຫນາມກິລາແຫ່ງຊາດຫຼັກ 16

- ວັນທີ 18/12/2024 ເວລາ 17:00 ມຽນມາ ພົບ ລາວ ແຂ່ງຂັນຢູ່ທີ່ສະຫນາມກິລາ Thuwunna Stadium

ວັນທີ 29 ພະຈິກ 2024 ທີ່ໂຮງແຮມ ສຸພັດຕາ ນະຄອນຫຼວງວຽງຈັນ ສປປ ລາວ, ສຕລ ຮັບກຽດເປັນເຈົ້າພາບຈັດ ກອງປະຊຸມໃຫຍ່ ສະໄຫມສາມັນ ສະຫະພັນບານເຕະອາຊຽນ AFF ORDINARY CONGRESS VIENTIANE 2024 ໂດຍມີຕົວແທນ 12 ປະເທດສະມາຊິກ, ຕົວແທນຈາກ ສະຫະພັນບານເຕະນາໆຊາດ (FIFA), ຕົວແທນຈາກ ສະຫະພັນບານເຕະອາຊີ (AFC) ແລະ ແຂກຖືກເຊີນເຂົ້າຮ່ວມ.

ທ່ານ ຈານນີ້ ອິນຟານຕິໂນ້ (Gianni Infantino) ປະທານ FIFA ໄດ້ສົ່ງສານສະແດງຄວາມຊົມເຊີຍຜ່ານທາງອອນລາຍ ພ້ອມສືບຕໍ່ຊຸກຍູ້ຢືນກາຍພັດທະນາບານເຕະໃນອາຊຽນໃຫ້ກ້າວຂື້ນ ເປັນຕົ້ນແມ່ນການພັດທະນາບານເຕະເຍົາວະຊົນໂດຍມີໂປແກຣມ FIFA FOOTBALL FOR SCHOOL ຊຶ່ງຈະໄດ້ສ້າງເງື່ອນໄຂໃຫ້ກັບບັນດາເຍົາວະຊົນໃຫ້ເຂົ້າເຖິງການຫລິ້ນກິລາບານເຕະພາຍໃນໂຮງຮຽນ, ພ້ອມທັງສະແດງຄວາມຍິນດີນໍາບັນດາປະເທດອາຊຽນໄດ້ເປັນເຈົ້າພາບຈັດລາຍການແຂ່ງຂັນລາຍການໃຫຍ່ໆຂອງຟີຟານຳອີກດ້ວຍ.

ໃນວາລະກອງປະຊຸມ ໄດ້ມີການສະຫຼຸບລາຍງານກິດຈະກໍາໃນປີຜ່ານມາ ພ້ອມທັງອະນຸມັດແຜນກິດຈະກໍາ ແລະ ແຜນງົບປະມານໃນປີ 2025 ອີກດ້ວຍ.

ອີກໜຶ່ງວາລະທີ່ສໍາຄັນຂອງກອງປະຊຸມຄັ້ງນີ້ ກໍ່ຄືການຕົກລົງເຫັນດີເລືອກ ສະມາຊິກຄະນະບໍລິຫານງານ ສະຫະພັນບານເຕະອາຊຽນ 1 ທ່ານ ໂດຍແມ່ນ ທ່ານ PYE PHYO TAY ZA ຈາກ ປະເທດມຽນມາ ຈະດໍາລົງຕໍາແຫນ່ງຈົນເຖິງ 2026.