ການແຂ່ງຂັນລາວລີກ 2 ແຂວງຄຳມ່ວນ ໄດ້ຈົບລົງແລ້ວ ຫຼັງແຂ່ງຂັນກັນມາແຕ່ວັນທີ 25 ກັນຍາ ຫາ 30 ພະຈິກ 2024 ມີທີມເຂົ້າຮ່ວມແຂ່ງຂັນທັງໝົດ 6 ທີມ ແຂ່ງຂັນແບບພົບກັນໝົດ 10 ນັດ ແຂ່ງຢູ່ສະໜາມກິລາແຂວງ.

ຜ່ານການແຂ່ງຂັນຜົນປະກົດວ່າ: ປກຊ ແຂວງຄຳມ່ວນ ສາມາດຄວ້າແຊ້ມລີກ 2 ຄຳມ່ວນ 2024 ໄປຄອງໄດ້ສໍາເລັດ, ສ່ວນຮອງແຊ້ມເປັນຂອງ ເລັກຕ້າ ເອັຟຊ,ອັນດັບ 3 ເທບສີໄຮ ເອັຟຊີ, ອັນດັບ 4 ຄຣີນິກແຂ້ວ ໄຊຍາສຸກ,ອັນດັບ 5 ນ້ຳເທີນ 2 ເອັຟຊີ ແລະ ອັນດັບ 6 ລູກໝູ ເອັຟຊີ.

ສະໂມສອນ ປກຊ ແຂວງຄຳມ່ວນ ໃນນາມທີມຄວ້າແຊ໋ມແມ່ນໄດ້ສິດເຂົ້າຮ່ວມ ການແຂ່ງຂັນ ຊິງຂັນພະນະທ່ານນາຍົກລັດຖະມົນຕີ ແຫ່ງ ສປປ ລາວ ລະດູການ 2024/ 2025 ໃນຖານະສະໂມສອນຊະນະເລີດ ລາວລີກ 2 ຂອງແຕ່ລະແຂວງ/ນະຄອນຫຼວງ.