ການແຂ່ງຂັນບານເຕະ ລາວລີກ ຍິງ ປະຈຳປີ 2023 ແມ່ນໄດ້ດຳເນີນການແຂ່ງຂັນສຳເລັດໃນຮອບຂາໄປເປັນທີ່ເປັນຮຽບຮ້ອຍແລ້ວ ພາຍຫຼັງໄດ້ດຳເນີນການແຂ່ງຂັນມານັບຕັ້ງແຕ່ວັນທີ 21 ຕຸລາ 2023 ໂດຍມີທີມເຂົ້າຮ່ວມການແຂ່ງຂັນ 8 ທີມປະກອບມີ: ຊ້າງນ້ອຍ, ມາສເຕີ້ ເຊເວັ້ນ, ເອສະຣາ, ກອງທັບ,ຫຼວງພະບາງ, ຈຳປາສັກ,ນໍ້າທາ ແລະ ວຽງຈັນ.

 ສຳລັບທີມທີ່ເຂົ້າຮ່ວມນັ້ນແມ່ນໄດ້ຮັບເງິນອຸດຫນູນຈຳນວນ 150 ລ້ານກີບ ຂະນະທີ່ ເງິນລາງວັນ ອັນດັບ 1 ແມ່ນຈະໄດ້ຮັບຂັນແຊັມພ້ອມເງິນລາງວັນ 100 ລ້ານກີບ, ອັນດັບ 2 ໄດ້ 50 ລ້ານກີບ ແລະ ອັນດັບ 3 ໄດ້ 20 ລ້ານກີບ.

 ສະຫລຸບຕາຕະລາງຄະແນນ ການແຂ່ງຂັນໃນຮອບຂາໄປ ອັນດັບ 1 ຊ້າງນ້ອຍ ລົງສະຫນາມ 7 ນັດ ຊະນະ 6 ນັດ ເສຍ 1 ນັດ ມີ 18 ຄະແນນ, ອັນດັບ 2 ມາສເຕີ້ ເຊເວັ້ນ ລົງສະຫນາມ 7 ນັດ ຊະນະ 5 ນັດ ສະເຫມີ 1 ນັດ ເສຍ 1 ນັດ ມີ 16 ຄະແນນ, ອັນດັບ 3 ເອສະຣາ ລົງສະຫນາມ 7 ນັດ ຊະນະ 3 ນັດ ສະເຫມີ 4 ນັດ ມີ 13 ຄະແນນ, ອັນດັບ 4 ກອງທັບ ລົງສະຫນາມ 7 ນັດ ຊະນະ 3 ນັດ ສະເຫມີ 2 ນັດ ເສຍ 2 ນັດ ມີ 11 ຄະແນນ, ອັນດັບ 5 ຈຳປາສັກ ລົງສະຫນາມ 7 ນັດ ຊະນະ 3 ນັດ ເສຍ 4 ນັດ ມີ 9 ຄະແນນ, ອັນດັບ 6 ນ້ຳທາ ລົງສະຫນາມ 7 ນັດ ຊະນະ 2 ນັດ ສະເຫມີ 2 ນັດ ເສຍ 3 ນັດ ມີ 8 ຄະແນນ, ອັນດັບ 7 ຫຼວງພະບາງ ລົງສະຫນາມ 7 ນັດ ຊະນະ 1 ນັດ 1 ສະເຫມີ 1 ນັດ ເສຍ 5 ມີ 4 ຄະແນນ ແລະ ອັນດັບ ສຸດທ້າຍ ວຽງຈັນ ລົງສະຫນາມ 7 ນັດ ເສຍ 7 ນັດ ມີ 0 ຄະແນນ, ຂະນະທີ່ ອັນດັບຜູ້ຍິງປະຕູສູງສຸດ ແມ່ນເທົ່າກັນຫມົດ 3 ຄົນ ໃຈຄຳ ໄຊຍະປະເສີດ, ຈິນດາ ສີຫາລາດ ຈາກ ສະໂມສອນ ມາສເຕີ້ ເຊເວັ້ນ ແລະ ສຸພາວັນ ໄພວັນ ຈາກ ສະໂມສອນ ເອສະຣາ ແມ່ນຍິງໄດ້ທັງຫມົດ 18 ປະຕູ.

 ສຳລັບ ຕາຕະລາງ ການແຂ່ງຂັນໃນອາທິດນີ້ ວັນເສົາ 18 ພະຈິກ 2023 ເວລາ 17:00 ຫຼວງພະບາງ ພົບ ມາສເຕີ້ ເຊເວັ້ນ ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ ສະຫນາມ 1, ເວລາ 17:00 ນ້ຳທາ ພົບ ເອສະຣາ ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ ສະຫນາມ 2 ແລະ ວັນອາທິດ 19 ພະຈິກ 2023 ເວລາ 17:00 ກອງທັບ ພົບ ຊ້າງນ້ອຍ ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ ສະຫນາມ 1, ເວລາ 17:00 ວຽງຈັນ ພົບ ຈຳປາສັກ ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ ສະຫນາມ 2, ສາມາດໄປຊົມ ແລະ ເຊຍ ຕິດຂອບສະຫນາມທີມທີ່ຕົນເອງມັກໄດ້, ເຂົ້າຊົມບໍ່ເສຍຄ່າ(FREE) ແລະ ສາມາດຮັບຊົມ ການຖ່າຍທອດສົດໄດ້ທີ່ ເພສເຟສບຸກ LAOWOMEN'SLEAGUE ລາວລີກຍິງ ,Youtube LAOFF TV ແລະ Application LTC PLAY.

   ວັນທີ 12 ພະຈິກ 2023 ການແຂ່ງຂັນ ລາວ ຟຸດຊໍ ລີກ 2023 ຢູ່ທີ່ສະຫນາມຟຸດຊໍ ສະຫະພັນບານເຕະແຫ່ງຊາດລາວ, ຄູ່ສຸດທ້າຍຂອງການແຂ່ງຂັນ ທີມຫົວແຖວຕາຕະລາງອັນດັບທີ 3 ເໜືອ-ໃຕ້ ພົບ ທີມຈ່າຝູງ ເບສະຫວັນ ເອັບຊີ ມີກອງເຊຍເຂົ້າຮ່ວມຊົມ-ເຊຍ ຢ່າງຄັບຄາໜາແໜ້ນຜ່ານການແຂ່ງຂັນຜົນປະກົດວ່າ ເຫນືອ - ໃຕ້ ສະເຫມີ ເບສະຫວັນ 2-2 ໂດຍ ເຫນືອ - ໃຕ້ ໄດ້ປະຕູຂຶ້ນນຳກ່ອນ 2-0 ຈາກ ເບີ 4 ກະຕ່າຍ ອິນຊີລິ ນາທີ 14’, 33’ ແລະ ເບສະຫວັນ ມາຕີສະເຫມີ 2-2 ຈາກ ເບີ 7 ຄຳຜາ ພິພັກຂະວົງ ນາທີ 32’, ເບີ 9 ສຸລິຈັນ ພະສະແຫວງ ນາທີ 33’.

  ສຳລັບຜົນງານຂອງ ເບ ສະຫວັນ ລົງສະໜາມນັດທີ 10 ຊະນະ 9 ນັດ ແລະ ສະເໝີ 1 ນັດ ລວມມີ 28 ຄະແນນ ເປັນທີມດຽວທີ່ສ້າງສະຖິຕິບໍ່ເສຍໃຫ້ທີມໃດຈັກນັດ ໄດ້ຍົກຂັນແຊັມລາຍການນີ້ເປັນທີ່ແນນອນແລ້ວ ເຖິງຈະຍັງເຫຼືອພຽງ 1 ນັດກໍຕາມ.

   ທີມເເຊ້ມປີນີ້ຈະໄດ້ຮັບຂັນແຊ້ມ 1 ໜ່ວຍ ພ້ອມຫຼຽນຊະນະເລີດ ເເລະ ເງິນລາງວັນ ຈຳນວນ 20.000.000ກີບ, ອັນດັບ 2 ໄດ້ຮັບເງິນລາງວັນ ຈຳນວນ 15.000.000ກີບ, ອັນດັບ 3 ໄດ້ຮັບເງິນລາງວັນ ຈຳນວນ 10.000.000ກີບ.

ນອກຈາກນັ້ນ,ຍັງມີລາງວັນດາວຍິງສູງສຸດ,ຜູ້ຮັກສາປະຕູດີເດັ່ນ,ນັກກິລາດີເດັ່ນ ເເລະ ຄູຝຶກດີເດັ່ນ ລາຍການດັ່ງກ່າວມີ 12 ສະໂມສອນເຂົ້າຮ່ວມ ແຂ່ງຂັນລະບົບແບບລີກ ມີແຕ່ຮອບຂາໄປ ບໍ່ມີຮອບຂາກັບ, ແຟນບານຫ້າມພາດໃນອາທິດນີ້ ຟຸດຊໍ ລາວລີກ 2023 ຈະເປັນແຂ່ງຂັນໃນອາທິດສຸດທ້າຍ ວັນເສົາ 18/11/2023 ເວລາ 14:00 ເຫນືອ - ໃຕ້ ພົບ ທີເອັມ, ເວລາ 16:00 ວີເຊີນ ພົບ ເອັຟເອຈແອວ , ເວລາ 18:00 ອາສາ ພາວເວີ້ ພົບ ເລີບ - ສະປາ, ວັນອາທິດ 19/11/2023 ເວລາ 14:00 ຊີທີເອ ພາວເວີ້ ພົບ ບຸນມີ ເຟີນີເຈີ, ເວລາ 16:00 ນະຄອນຫຼວງ ພົບ ຄິງດອມ, ເວລາ 18:00 ເບສະຫວັນ ພົບ ມາສະດາ ຈີບີ.

ຫຼັງຈາກຈົບການແຂ່ງຂັນນັດສຸດທ້າຍຈະມີພິທີມອບຂັນຊະນະເລີດ ໃຫ້ກັບທີມຊະນະເລີດ ແລະ ລາງວັນຕ່າງໆ ເຊີນຊວນແຟນບານເຂົ້າຮ່ວມຮັບຊົມການແຂ່ງຂັນໃນນັດສຸດທ້າຍນີ້ດວ້ຍ.ເຂົ້າຊົມFREE

ຜົນການແຂ່ງຂັນເຕະບານລາວລີກ 2 ນະຄອນຫລວງວຽງຈັນ ປະຈຳປີ 2023 ນັດສຸດທ້າຍເປັນການພົບກັນລະຫວ່າງທິມHBT 941 ພົບທິມຈັນທະບູລີເມື່ອວັນທີ4ພະຈິກ2023ທີ່ສະໜາມເຈົ້າອະນຸວົງແລະຜ່ານການແຂ່ງຂັນຜົນປະກົດວ່າ ຈັນທະບູລີ ເອົາຊະນະ HBT 941 2-1,ແຕ່ຍ້ອນຄະແນນສະສົມຂອງຂອງທິມHBT 941 ດີກວ່າຈິ່ງເຮັດໃຫ້ HBT 941ຄວ້າແຊ້ມ ລາວລີກ 2 ນະຄອນຫຼວງວຽງຈັນ.ຫລັງຈາກຈົບການແຂ່ງຂັນໄດ້ມີພິທີປິດການແຂ່ງຂັນແລະມອບລາງວັນ,ໃຫ້ກຽດມອບລາງວັນໂດຍ ທ່ານ ພູວົງ ວົງຄຳຊາວ ຮອງເຈົ້າຄອງນະຄອນຫຼວງວຽງຈັນ ແລະ ທ່ານ ເດດສົງຄາມ ທຳມະວົງ ເຈົ້າເມືອງສີສັດຕະນາກ ທັງເປັນປະທານສະຫະພັນບານເຕະນະຄອນຫຼວງວຽງຈັນ, ມີຜູ້ຕາງໜ້າບໍລິສັດ ລາວໂຕໂຢຕ້າ ບໍລິການຈຳກັດ ພ້ອມດ້ວຍຄະນະນຳ, ຄູຝຶກ ແລະ ນັກກິລາເຂົ້າຮ່ວມຢ່າງພ້ອມພຽງ.

ສຳລັບຜົນງານຂອງ HBT 941 ລົງສະໜາມ 22 ນັດ ຊະນະ 17 ນັດ, ສະເໝີ 3 ນັດ ແລະ ເສຍ 2 ນັດ ມີ 54 ຄະແນນ, ອັນດັບ 2ແມ່ນ ຈັນທະບູລີ ລົງສະໜາມ 22 ນັດ ຊະນະ 15 ນັດ, ສະເໝີ 5 ນັດ ແລະ ເສຍ 2 ນັດລວມມິ 50 ຄະແນນ,ສ່ວນທີ 3 ຄິງດອມ, ທີ 4 ເມືອງຫາດ, ທີ 5 ເຄເອັມທີ ເອັບຊີ ແລະ ທີ 6 ໄອສະປອດ ສ່ວນທີ 7 ເອັດທີທີ, ທີ 8 ມຊ, ທີ 9 ເອັດອີຊີ, ທີ 10 ຈັນສີ, ທີ 11 ທີນິຕີ ແລະ ທີ 12 ເຄພີເອັດ.

  ລາຍການນີ້ ທິມຊະນະເລີດ ໄດ້ຮັບຂັນແຊ໋ມເປັນຂັນເງິນ 1 ໜ່ວຍພ້ອມເງິນສົດ 50.000.000 ກີບ ນອກຈາກນັ້ນ ກໍຍັງມີລາງວັນຕ່າງໆ ເປັນຕົ້ນລາງວັນສຳລັບບຸກຄົນ ແລະ ທີມດີເດັ່ນອີກດ້ວຍ ໂດຍສະເພາະລາງວັນດາວຍິງສູງສຸດແມ່ນຕົກເປັນຂອງ ນິລິນ ຫຼວງສີສົມບັດ ກອງໜ້າຈາກສະໂມສອນ ໄອສະປອດ ຍິງຄົນດຽວເກືອບ 30 ປະຕູ ໄດ້ຮັບເກີບຄຳ ແລະ ເງິນສົດ 1,5 ລ້ານກີບ, ດາວພະຫັດ ກ່ຳກາຊົມພູ ຈາກ ເຄເອັມທີ ໄດ້ຮັບລາງວັນນັກກິລາດີເດັ່ນ ໄດ້ຮັບເງິນສົດ 1,5 ລ້ານກີບ.ການແຂ່ງຂັນເຕະບານລາວລີກ 2 ນະຄອນຫລວງວຽງຈັນ ປະຈຳປີ 2023ໄດ້ເລີ່ມຕັ້ງແຕ່ວັນທີ 27 ພືດສະພາ 2023 ແລະມາຮອດວັນທີ 04 ພະຈິກ 2023ໄດ້ປິດພິທີການແຂ່ງຂັນຢ່າງເປັນທາງການດວ້ຍຜົນສຳເລັດ.

ໃນການຈັດການແຂ່ງຂັນລາວລີກ2ຂອງແຕ່ລະແຂວງ ແລະ ນະຄອນຫຼວງວຽງຈັນຄັ້ງນີ້,ສະຫະພັນບານເຕະແຫ່ງຊາດລາວ(ສຕລ)ໄດ້ໃຫ້ການສະຫນັບສະຫນູນງົບປະມານໃຫ້ແຕ່ລະແຂວງທີ່ຈັດການແຂ່ງຂັນລາວລີກ2ເປັນຈຳນວນເງິນ 60 ລ້ານກີບ,ສວ່ນການແຂ່ງຂັນລະດັບມັດທະຍົມຕົ້ນ(ຊາຍ-ຍິງ)30ລ້ານກີບແລະລະດັບມັດທະຍົມປາຍ(ຊາຍ-ຍິງ)30ລ້ານກີບລວມໄດ້ຮັບເງິນອຸປະຖໍາຈາກສຕລໃນການແຂ່ງຂັນທັງ3ລາຍການເປັນເງິນທັງໝົດ120ລ້ານກີບຕໍ່ແຂວງ.

ສະຫະພັນບານເຕະແຫ່ງຊາດລາວ( ສຕລ) ໄດ້ຈັດຊຸດຝຶກອົບຮົມຄູຝຶກກິລາບານເຕະ ລະດັບ B (LFF/AFC "B" DIPLOMA COACHING COURSE 2023/2024)ຂື້ນໃນຕອນເຊົ້າວັນທີ 1 ພະຈິກ 2023 ທີ່ ຫ້ອງປະຊຸມ ສຕລ,ໂດຍໃຫ້ກຽດເປັນປະທານກ່າວເປີດຂອງທ່ານ ນາງ ພູໄຊ ແພງພົງ ຄະນະບໍລິຫານງານ ສຕລ, ທ່ານ Sundram Moorthy ຫົວໜ້າພະແນກເຕັກນິກ - ວິທະຍາ ສຕລ, ຄະນະພັດທະນາຄູຝຶກ ພ້ອມດ້ວຍພະນັກງານວິຊາການກ່ຽວຂ້ອງ ແລະ ນັກສຳມະກອນ ຈໍານວນ 22 ທ່ານ ທີ່ມາຈາກປະເທດໄທ 3ທ່ານ, ໄນຈີເລຍ 1ທ່ານ ແລະ ສະວິດເຊີແລນ 1ທ່ານ.

ໃນພິທີ,ທ່ານ ນາງ ພູໄຊ ແພງພົງ ໄດ້ກ່າວວ່າ: ການຝຶກອົບຮົມຄັ້ງນີ້ແມ່ນສໍາຄັນຫຼາຍ,ຈົ່ງໃຫ້ທຸກຄົນຕັ້ງໃຈ ແລະອວຍພອນໃຫ້ທຸກທ່ານປະສົບຜົນສໍາເລັດຕາມຄາດໝາຍທີ່ວາງໄວ້, ສາມາດຜ່ານການຝຶກອົບຮົມໃນຄັ້ງນີ້ເພື່ອກ້າວໄປສູ່ລະດັບຕໍ່ໄປ.

ສໍາລັບການຝຶກອົບຮົມຄັ້ງນີ້ແມ່ນຈະນໍາໃຊ້ລະບຽບໃໝ່ຂອງ AFC ຊຶ່ງຈະແບ່ງອອກເປັນ 2ໄລຍະ ຄື:

- ໄລຍະທີ1 ເລີ່ມວັນທີ 1 ຫາ 10 ພະຈິກ 2023

- ໄລຍະທີ2 ເລີ່ມວັນທີ 18 ຫາ 28 ກຸມພາ 2024

ໃນຕອນເຊົ້າວັນທີ 28 ຕຸລາ 2023 ສູນພັດທະນາກິລາບານເຕະເຍົາວະຊົນ ຈໍາປີ-ຈໍາປາ ຫຼັກ16 ເລີ່ມເປີດການຝຶກສອນແລ້ວ ຊຶ່ງເປັນການເປີດການຝຶກສອນມື້ທໍາອິດຂອງເທີມທີ1 ທີ່ສູນຝຶກກິລາບານເຕະແຫ່ງຊາດລາວຫຼັກ16, ເມືອງໄຊທານີ, ນະຄອນຫຼວງວຽງຈັນ.

ສູນພັດທະນາກິລາບານເຕະເຍົາວະຊົນ ຈໍາປີ-ຈໍາປາ ຫຼັກ16 ຍັງເປີດຮັບສະໝັກນັກກິລາອາຍຸ: U-8, U-10 ແລະ U-12 ເຂົ້າມາເລື້ອຍໆ.

• 1 ເທີມ ມີ 10 ອາທິດ

• ຄ່າສະໝັກ 400,000 ກີບ

• ຄ່າຊຸດຊ້ອມ 350,000 ກີບ/2ຊຸດ

• ຊ້ອມທຸກໆ ວັນເສົາ-ທິດ ເວລາ 07:30-09:00 ເຊົ້າ

  ພິເສດໄປກວ່ານັ້ນສຳລັບນັກກິລາເພດຍິງທີ່ຕ້ອງການມາສະຫມັກ ແມ່ນໄດ້ເສຍຄ່າທຳນຽມພຽງ 50 %,

 ສະຖານທີ່: ສູນຝຶກບານເຕະແຫ່ງຊາດລາວຫລັກ 16 ເມືອງໄຊທານີ, ນະຄອນຫຼວງວຽງຈັນ

 ຕິດຕໍ່ສອບຖາມ ແລະ ລົງທະບຽນ: 020 97744940 ທ່ານ ສຸດທະນີ ລຸນສິຣິ.

ສະຫຼຸບຜົນການແຂ່ງຂັນບານເຕະ ລາວລີກຍິງ 2023 ປະຈຳ ນັດທີ2

- ນ້ຳ​ທາ 1-3 ມາ​ສ​ເຕີ້ ເຊ​ເວັ້ນ

- ຫຼວງ​ພະ​ບາງ 0-2 ກອງ​ທັບ

- ເອ​ສະ​ຣາ 28-0 ວຽງ​ຈັນ

- ຊ້າງ​ນ້ອຍ 4-1 ຈຳ​ປາ​ສັກ 

ການແຂ່ງຂັນບານເຕະ ລາວລີກຍິງ ປະຈຳອາທິດທີ2 ນັດທີ3 28-29 ຕຸລາ 2023

28 ຕຸລາ

🟣 ກອງທັບ ພົບ ມາສເຕີ້ ເຊເວັ້ນ

- ⏱ ວັນເສົາ ເວລາ 16:00 PM

- 🏟 ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ1

🟣 ວຽງຈັນ ພົບ ນ້ຳທາ

- ⏱ ວັນເສົາ ເວລາ 16:00 PM

- 🏟 ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ2

29 ຕຸລາ

🟣 ຫຼວງພະບາງ ພົບ ຈຳປາສັກ

- ⏱ ວັນອາທິດ ເວລາ 16:00 PM

- 🏟 ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ1

🟣 ຊ້າງນ້ອຍ ພົບ ເອສະຣາ

- ⏱ ວັນອາທິດ ເວລາ 16:00 PM

- 🏟 ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ2

ນະຄອນຫຼວງວຽງຈັນ ວັນທີ 24 ຕຸລາ 2023 ຢູ່ທີ່ຫ້ອງປະຊຸມໂຮງແຮມ ແລນມາກ ນະຄອນຫຼວງວຽງຈັນ,ສະຫະພັນບານເຕະແຫ່ງຊາດລາວ ໄດ້ຈັດກອງປະຊຸມສຳມະນາ ການພັດທະນາກິລາບານເຕະຍິງ 2023 LFF WOMEN’S FOOTBALL DEVELOPMENT WORKSHOP 2023 ເປັນກຽດເຂົ້າຮ່ວມເປັນປະທານ ຂອງ ທ່ານ ວີເພັດ ສີຫາຈັກຣ ປະທານ ສະຫະພັນບານເຕະແຫ່ງຊາດລາວ, ເປັນກຽດເຂົ້າຮ່ວມກອງປະຊຸມຄັ້ງນີ້ີຍັງມີີ ທ່ານ ແສງພອນ ພົນອາມາດ ຫົວຫນ້າກົມກິລະດັບສູງ ກະຊວງສຶກສາທິການ ແລະ ກິລາ, ຜູ້ຕາງໜ້າຈາກ ສະຫະພັນບານເຕະນາໆຊາດ ຫຼື ຟີຟາ, ຕົວແທນຈາກອົງການຈັດຕັ້ງລັດ ແລະ ເອກະຊົນ,ຄະນະບໍລິຫານງານ ສຕລ, ຜູ້ແທນຈາກບັນດາສະຫະພັນບານເຕະແຂວງ, ນະຄອນຫຼວງ, ຜູ້ສະຫນັບສະຫນູນ, ຜູ້ຕາງໜ້າຈາກສະໂມສອນກິລາບານເຕະລາວລີກ 1 ປະຈໍາປີ 2023, ບັນດາຄູຝຶກທີມຊາດລາວ, ບັນດາສື່ມວນຊົນ ພ້ອມດ້ວຍ ບັນດາວິຊາການ ສຕລ. ກ່າວເປີດກອງປະຊຸມຢ່າງເປັນທາງການ, ທ່ານ ວີເພັດ ສີຫາຈັກຣ໌ ປະທານສະຫະພັນບານເຕະແຫ່ງຊາດລາວໄດ້ກ່າວວ່າ: ‘’ ສຕລ ໄດ້ເຫັນຄວາມສຳຄັນໃນການພັດທະນາກິລາບານເຕະຍິງ ໂດຍມີການສົ່ງເສີມໃຫ້ການແຂ່ງຂັນພາຍໃນ ເຊັ່ນ:ການແຂ່ງຂັນບານເຕະ ລາວລີກຍິງ ປະຈຳປີ 2023 ທີ່ໄດ້ເລີ້ມຂຶ້ນໃນທ້າຍອາທິດທີ່ຜ່ານມາ ລວມທັງການແຂ່ງຂັນບານເຕະເຍົາວະຊົນໃນແຕ່ລະແຂວງ, ພ້ອມດຽວກັນນັ້ນ ສຕລ ຍັງໄດ້ສົ່ງເສີມການພັດທະນາບຸກຄະລາກອນທີ່ເປັນເພດຍິງ ແລະ ຊຸກຍູ້ໃຫ້ເຂົາເຈົ້າກ້າວສູ່ລະດັບເວທີສາກົນ ເຊັ່ນ: ທ່ານ ນ. ກັນຍາ ແກ້ວມະນີ ເລຂາທິການ ສະຫະພັນບານເຕະແຫ່ງຊາດລາວ ພ້ອມທັງເປັນຄະນະບໍລິຫານງານຂອງ FIFA ແລະ AFC ແລະ ທ່ານ ນ.ພຸດສະຫວັນ ຈັນທະວົງ ກຳມະການຕັດສິນຍິງລະດັບ AFC ELITE ທີ່ໄດ້ເຂົ້າຮ່ວມຕັດສິນລະດັບສາກົນມາຫລາຍຄັ້ງແລ້ວ, ການພັດທະນາກິລາບານເຕະຍິງໃນ ສປປລາວ ຈະບໍ່ສາມາດບັນລຸເປົ້າຫມາຍໄດ້ ຫາກຂາດການຮ່ວມມື ແລະ ສະຫນັບສະຫນູນຈາກພາກລັດກໍຄືກະຊວງສຶກສາທິການ ແລະ ກິລາ,ສະຫະພັນບານເຕະແຂວງ ນະຄອນຫຼວງ,ສະໂມສອນ ບານເຕະ, ສະຖາບັນການສຶກສາ, ໃນການພັດທະນາດ້ານກິລາ, ຜູ້ສະຫນັບສະຫນູນ,ສື່ມວນຊົນ ທີ່ຈະຊ່ວຍຜັກດັນ ແລະ ເປັນກະບອກສຽງໃຫ້ແກ່ການພັດທະນາກິລາບານເຕະຍິງໃນທົ່ວປະເທດ‘’ .

  ທ່ານ ນ.ກັນຍາ ແກ້ວມະນີ ເລຂາທິການ ສະຫະພັນບານເຕະແຫ່ງຊາດລາວ ໄດ້ກ່າວວ່າ ‘’ ສຳລັບໂຄງການການພັດທະນາກິລາບານເຕະຍິງນີ້ເກີດຂຶ້ນເຊິ່ງເປັນຄັ້ງທຳອິດ ທີ່ ສຕລ ໄດ້ມີການສ້າງແຜນຍຸດທະສາດ ພັດທະນາກິລາບານເຕະຍິງ ໂດຍເປັນການສຶກສາຄົ້ນຄວ້າຈາກ ພະແນກເຕັກນິກ - ວິທະຍາ ຂອງ ສຕລ ຮ່ວມກັບຟີຟາ ຕິດຕາມຢ່າງໃກ້ສິດໃນທຸກຂັ້ນຕອນ ເພື່ອສ້າງໃຫ້ແຜນຍຸດທະສາດນີ້ສົມບູນແບບທີ່ສຸດ ແລະ ສ້າງຄວາມຫມັ້ນໃຈແກ່ຜູ້ໃຫ້ທຶນ ກໍຄື ຟີຟາໃນການຮັບຮອງໂຄງການດັ່ງກ່າວ ແລະ ມອບທຶນໃຫ້ກັບ ສຕລ ເພື່ອຈັດຕັ້ງແຜນຍຸດທະສາດໃຫ້ເກີດຫມາກຜົນທີ່ສຸດ.

 ສຕລ ເລັ່ງເຫັນຄວາມສຳຄັນໃນການສ້າງໂຄງການພັດທະນາກິລາບານເຕະຍິງນີ້ໂດຍເລີ້ມຈາກການວາງແຜນຍຸດທະສາດເພື່ອເປັນແບບແຜນການຈັດຕັ້ງປະຕິບັດໃຫ້ມີການພັດທະນາແບບຍືນຍົງ

 ໃນວາລະຂອງການສຳມະນາ ຜູ້ເຂົ້າຮ່ວມສຳມະນາຍັງໄດ້ຮ່ວມສົນທະນາ ເພື່ອແລກປ່ຽນຄວາມຄິດເຫັນໂດຍແບ່ງການສົນທະນາເປັນກຸ່ມ 8 ເສົາຫລັກຍຸດທະສາດ ຄື: ບານເຕະຂັ້ນພື້ນຖານ, ການເຟັ້ນຫານັກກິລາພອນສະຫວັນ, ການພັດທະນາພອນສະຫວັນ, ພັດທະນາຄູຝຶກ, ລີກ / ສະໂມສອນ, ທີມຊາດ, ການບໍລິຫານ - ການປົກຄອງ ແລະ ການສະຫນັບສະຫນູນ.

ສະຫຼຸບຜົນການແຂ່ງຂັນບານເຕະ ລາວລີກຍິງ 2023 ປະຈຳອາທິດ ທີ 1

- ນ້ຳ​ທາ ຊະ​ນະ ຫຼວງ​ພະ​ບາງ 1-0

- ຈຳ​ປາ​ສັກ ຊະ​ນະ ວຽງ​ຈັນ 21-0

- ເອ​ສະ​ຣາ ສະ​ເຫມີ ນ້ຳ​ທາ 0-0

- ຊ້າງ​ນ້ອຍ ຊະ​ນະ ກອງ​ທັບ 3-1

ການແຂ່ງຂັນບານເຕະ ລາວລີກຍິງ ປະຈຳອາທິດທີ2 ນັດທີ2 25 ຕຸລາ 2023

🟣 ນ້ຳທາ ພົບ ມາສເຕີ້ ເຊເວັ້ນ

- ⏱ ເວລາ 16:00 PM

- 🏟 ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ1

🟣 ຫຼວງພະບາງ ພົບ ກອງທັບ

- ⏱ ເວລາ 16:00 PM

- 🏟 ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ2

🟣 ເອສະຣາ ພົບ ວຽງຈັນ

- ⏱ ເວລາ 19:00 PM

- 🏟 ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ1

🟣 ຊ້າງນ້ອຍ ພົບ ຈຳປາສັກ

- ⏱ ເວລາ 19:00 PM

- 🏟 ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ2

    ການແຂ່ງຂັນບານເຕະລາວລີກຍິງ ປະຈຳປີ 2023 ( Lao Women's League 2023 )ຈະເປີດສາກຢ່າງເປັນທາງການໃນວັນເສົາ 21 ຕຸລາ 2023 ເຊິ່ງໃຊ້ສະໜາມຫຍ້າທຽມສະຫະພັນບານເຕະແຫ່ງຊາດລາວ ສະໜາມ 1 ແລະ ສະໜາມ 2 ຕັ້ງຢູ່ບ້ານຫ້ວຍຫົງ ເມືອງຈັນທະບູລີ ນະຄອນຫຼວງວຽງຈັນ ເປັນສະໜາມແຂ່ງຂັນ ໂດຍມີທີມເຂົ້າຮ່ວມທັງໝົດ 8 ທີມ.

   ພິທີຖະແຫຼງຂ່າວກະກຽມການແຂ່ງຂັນບານເຕະ ລາວລີກຍິງ ປະຈໍາປີ 2023 ໃຫ້ກຽດເຂົ້າຮ່ວມໂດຍ ທ່ານ ຈັນທະວົງ ສີລິມະໂນທຳ ຮອງເລຂາທິການ ສະຫະພັນບານເຕະແຫ່ງຊາດລາວ (ສຕລ), ທ່ານ ສັນຕິກອນ ແສງດາລາ ຫົວຫນ້າພະແນກຈັດການແຂ່ງຂັນ ສຕລ, ທ່ານ ນາງ ອານຸລັກ ທອງຄໍາສະຫວັດ ຜູ້ຈັດການຝ່າຍຂາຍ ບໍລິສັດ ວາຣີິ, ທ່ານ ບຸນສູງ ຄົມຂາວ ຫົວໜ້າພະແນກການຕະຫຼາດ ບໍລິສັດ ອີໂວ ສະຕໍ.

   ໃນໂອກາດຖະແຫຼງຂ່າວ, ທ່ານ ຈັນທະວົງ ສີລິມະໂນທຳ ຮອງເລຂາທິການ ສຕລ ໄດ້ກ່າວວ່າ: ການຈັດການແຂ່ງຂັນບານເຕະ ລາວລີກ ຍິງ ຄັ້ງນີ້ເປັນຄັ້ງທໍາອິດທີ່ຈັດເປັນແບບລີກຂອງເພດຍິງ, ເຊິ່ງຕ້ອງຂໍຂອບໃຈມາຍັງທຸກໆພາກສ່ວນ ທັງຜູ້ສະໜັບສະໜູນ ແລະ ບັນດາທີມທີ່ສົ່ງທີມເຂົ້າຮ່ວມການແຂ່ງຂັນ ໂດຍງົບປະມານຫຼັກໄດ້ຈາກ ສະຫະພັນບານເຕະນາໆຊາດ (FIFA) ເພື່ອຈັດການແຂ່ງຂັນລີກບານເຕະຍິງແບບຍືນຍົງ ແລະ ຈັດຂຶ້ນທຸກໆປີ ເພື່ອພັດທະນານັກກີລາຍິງ ແລະ ເປັນຕົວເລືອກນັກກີລາສູ່ທີມຊາດ.

   ຂະນະດຽວກັນ ທ່ານ ສັນຕິກອນ ແສງດາລາ ຫົວຫນ້າພະແນກຈັດການແຂ່ງຂັນ ສຕລ ກ່າວວ່າ: ປີນີ້ເປັນປີທໍາອິດທີ່ ສຕລ ຈັດການແຂ່ງຂັນບານເຕະລາວລີກຍິງ ປະຈໍາປີ 2023 ຫວັງວ່າລາຍການນີ້ຈະໃຫ້ປະໂຫຍດ ແລະ ສາມາດສ້າງຖານນັກກີລາຍິງໃຫ້ມີມາດຕະຖານທີ່ສູງຂຶ້ນ ໂດຍໄດ້ຮັບການສະໜັບສະໜູນຈາກບັນດາສະໂມສອນໃນລາວລີກ 1 ຊ່ວຍໃຫ້ການສ້າງທີມຍິງ ເຂົ້າຮ່ວມການແຂ່ງຂັນບານເຕະ ລາວລີກ ຍິງ ນັບແຕ່ປີ 2023 ເປັນຕົ້ນໄປ ລວມເຖິງຈະເພີ່ມຈໍານວນທີມເຂົ້າຮ່ວມການແຂ່ງຂັນຂຶ້ນເລື້ອຍໆ ແລະ ຈະມີການພິຈາລະນາວ່າຈະໃຫ້ມີການຕົກຊັ້ນເລື່ອນຊັ້ນໃນອະນາຄົດ.

   ສໍາລັບ ການແຂ່ງຂັນບານເຕະ ລາວລີກຍິງ ປະຈຳປີ 2023 ເປີດສາກຢ່າງເປັນທາງການໃນວັນເສົາ 21 ຕຸລາ 2023 ແລະ ຈະໄປສິ້ນສຸດໃນວັນທີ 20 ທັນວາ 2023 ໂດຍມີທີມເຂົ້າຮ່ວມທັງຫມົດ 8 ທີມປະກອບມີ:

1. ຊ້າງນ້ອຍ

2. ມາສເຕີ້ ເຊເວັ້ນ

3. ເອສະຣາ

4. ກອງທັບ

5. ຫຼວງພະບາງ

6. ຈຳປາສັກ

7. ນໍ້າທາ

8. ວຽງຈັນ

   ສໍາລັບ ທີມທີ່ເຂົ້າຮ່ວມນັ້ນແມ່ນໄດ້ຮັບເງິນອຸດຫນູນຈຳນວນ 150 ລ້ານກີບ ຂະນະທີ່ ເງິນລາງວັນ ອັນດັບ 1 ແມ່ນຈະໄດ້ຮັບຂັນແຊັມພ້ອມເງິນລາງວັນ 100 ລ້ານກີບ, ອັນດັບ 2 ໄດ້ 50 ລ້ານກີບ ແລະ ອັນດັບ 3 ໄດ້ 20 ລ້ານກີບ.

ຕາຕະລາງ ການແຂ່ງຂັນໃນອາທິດທຳອິດ

ວັນເສົາ 21 ຕຸລາ 2023 ເວລາ 16:00 ມາສເຕີ້ ເຊເວັ້ນ ພົບ ຫຼວງພະບາງ ແຂ່ງຂັນຢູ່ທີ່ຫຍ້າທຽມສະຫະພັນບານເຕະແຫ່ງຊາດລາວ ສະໜາມ 1, ເວລາ 16:00 ຈຳປາສັກ ພົບ ວຽງຈັນ ແຂ່ງຂັນຢູ່ທີ່ຫຍ້າທຽມສະຫະພັນບານເຕະແຫ່ງຊາດລາວ ສະໜາມ 2 ແລະ ວັນທີ 22 ຕຸລາ 2023 ເວລາ 16:00 ເອສະຣາ ພົບ ນ້ຳທາ ແຂ່ງຂັນຢູ່ທີ່ຫຍ້າທຽມສະຫະພັນບານເຕະແຫ່ງຊາດລາວ ສະໜາມ 1 ແລະ ເວລາ 16:00 ຊ້າງນ້ອຍ ພົບ ກອງທັບ ແຂ່ງຂັນຢູ່ທີ່ຫຍ້າທຽມສະຫະພັນບານເຕະແຫ່ງຊາດລາວ ສະໜາມ 2.

ສາມາດໄປຊົມ ແລະ ເຊຍ ຕິດຂອບສະຫນາມທີມທີ່ຕົນເອງມັກໄດ້, ເຂົ້າຊົມບໍ່ເສຍຄ່າ(FREE) ແລະ ສາມາດຮັບຊົມ ການຖ່າຍທອດສົດໄດ້ທີ່ ເພສເຟສບຸກ LAOWOMEN'SLEAGUE ລາວລີກຍິງ ,Youtube LAOFF TV ແລະ Application LTC PLAY.

---------------------------------------------

ຕິດຕາມຂ່າວສານກ່ຽວກັບບານຍິງ

FB: Lao Women's League ລາວລີກຍິງ

https://www.facebook.com/Laowomensleague/

IG: laowomensleague_official https://www.instagram.com/laowomensleague_official/

Youtube: LAOFF TV ສະຫະພັນບານເຕະແຫ່ງຊາດລາວ https://www.youtube.com/channel/UCvFindEKBnIA2H9dDMWrwkQ

TikTok: laowomensleague_official

https://www.tiktok.com/@laowomensleague_official

#LaoWomensFootball

#LaoFootball

#LaoFootballFederation

#ບານເຕະຍິງລາວ

#LaowomensLeague

#ສະຫະພັນບານເຕະແຫ່ງຊາດລາວ

#Daretoplay

#ກ້າທີ່ຈະສູ້

ກໍາມະການຕັດສິນກຽມພ້ອມຮັບໃຊ້ການແຂ່ງຂັນກິລາບານເຕະລາວລີກຍິງ 2023 ທີ່ຈະເປີດສາກ 21 ຕຸລານີ້.

ສະຫະພັນບານເຕະແຫ່ງຊາດລາວ(ສຕລ)ໄດ້ສໍາເລັດການຝຶກອົບຮົມກໍາມະການຕັດສິນການແຂ່ງຂັນກິລາບານເຕະລາວລີກຍິງ 2023 ຕອນແລງວັນທີ 18 ສິງຫາ 2023 ທີ່ຫ້ອງປະຊຸມ ສຕລ,ໂດຍໃຫ້ກຽດເຂົ້າຮ່ວມເປັນປະທານກ່າວປິດພິທີຂອງທ່ານ ນາງ ກັນຍາ ແກ້ວມະນີ ເລຂາທິການ ສຕລ.

ໃນໂອກາດນີ້ ທ່ານ ນາງ ກັນຍາ ແກ້ວມະນີ ໄດ້ສະແດງຄວາມຊົມເຊີຍມາຍັງຜົນສຳເລັດຂອງການຝຶກອົບຮົມຄັ້ງນີ້ ແລະ ຮຽກຮ້ອງໃຫ້ທຸກທ່ານທີ່ຜ່ານການຝຶກອົບຮົມໃຫ້ສຶບຕໍ່ພັດທະນາຝຶກຝົນຕົນເອງໃຫ້ປະສົບຜົນສໍາເລັດໃນການເຂົ້າຮ່ວມເປັນກໍາມະການຕັດສິນໃນການແຂ່ງຂັນ ລາວລີກຍິງ 2023 ຊຶ່ງເປັນຄັ້ງປະຫວັດສາດຂອງການຈັດການແຂ່ງຂັນກິລາບານເຕະລາວລີກຍິງຂອງສປປລາວ,ຂໍໃຫ້ທຸກທ່ານຈົ່ງຕັ້ງໃຈແລະ ມີຜົນສຳເລັດໃນການເປັນກໍາມະການຕັດສິນ.

ສໍາລັບການຝຶກອົບຮົມຄັ້ງນີ້ແມ່ນດຳເນີນເປັນເວລາ 3ວັນ ແຕ່ວັນທີ 16-18 ຕຸລາ 2023,ເຊິ່ງມີນັກຝຶກອົບຮົມເຂົ້າຮ່ວມທັງໝົດ26 ຄົນ.ເຂົ້າຮວ່ມກອງປະຊຸມນີ້ຍັງມີທ່ານ ໄຊປະເສີດ ພົງຊະນິດ ຫົວໜ້າພະແນກກຳມະການຕັດສິນທັງເປັນຜູ້ຝຶກສອນກຳມະການຕັດສິນ ສຕລ, ພ້ອມດວ້ຍຜູ້ຊ່ວຍຄູຝຶກສອນແລະວິຊາການພະແນກກໍາມະການຕັດສິນສຕລ.

 ການແຂ່ງຂັນບານເຕະ ລາວລີກຍິງ ປະຈຳປີ 2023 Lao Women's League 2023 ຈະເລີ່ມເປີດສາກຢ່າງເປັນທາງການໃນວັນເສົາ 21/10/2023 ເຊິ່ງໃຊ້ສະຫນາມຫຍ້າທຽມສະຫະພັນບານເຕະແຫ່ງຊາດລາວ ສະຫນາມ 1 ແລະ ສະຫນາມ 2 ເປັນສະຫນາມທີ່ແຂ່ງຂັນໂດຍມີທີມເຂົ້າຮ່ວມທັງຫມົດ 8 ທີມປະກອບມີ:

1. ຊ້າງນ້ອຍ

2. ມາສເຕີ້ ເຊເວັ້ນ

3. ເອສະຣາ

4. ກອງທັບ

5. ຫຼວງພະບາງ

6. ຈຳປາສັກ

7. ນໍ້າທາ

8. ວຽງຈັນ

ສາມາດໄປຊົມ ແລະ ເຊຍ ຕິດຂອບສະຫນາມທີມທີ່ຕົນເອງມັກໄດ້, ເຂົ້າຊົມບໍ່ເສຍຄ່າ(FREE) ແລະ ສາມາດຮັບຊົມ

ການຖ່າຍທອດສົດໄດ້ທີ່ ເພສເຟສບຸກ LAOWOMEN'SLEAGUE ລາວລີກຍິງ ,Youtube LAOFF TV ແລະ Application LTC PLAY.

ທີມຊາດລາວເຂົ້າຮວ່ມກອງປະຊຸມເຕັກນິກກ່ອນການແຂ່ງຂັນບານໂລກ 2026 ຮອບຄັດເລືອກ ຮອບທີ 1 ໂຊນອາຊີ (FIFA World Cup 2026 Preliminary Joint Qualification R1) ນັດທີ 2

ຕອນເຊົ້າຂອງວັນທີ 16 ຕຸລາ 2023 ທີ່ຫ້ອງປະຊຸມ ໂຮງແຮມແລນມາກ ,ຄະນະກຳມະການແຂ່ງຂັນໄດ້ຈັດກອງປະຊຸມເຜີຍແຜ່ກົດລະບຽບການແຂ່ງຂັນ,ກ່ອນການການແຂ່ງຂັນບານໂລກ 2026 ຮອບຄັດເລືອກ ຮອບທີ 1 ໂຊນອາຊີ ນັດທີ 2 ລະຫວ່າງ ທີມຊາດລາວ ພົບກັບ ທີມຊາດເນປານ

ທີມຊາດລາວຈະໃສ່ຊຸດສີແດງ, ສ່ວນທີມຊາດເນປານ ຈະໃສ່ຊຸດສີຟ້າ.

ສຳລັບລະບຽບການແຂ່ງຂັນຮອບຄັດເລືອກ ແມ່ນບໍ່ນັບກົດປະຕູທີມເຢືອນ Away Goal ຖ້າຫາກສະເຫມີກັນແມ່ນຕ້ອງໄດ້ຕໍ່ເວລາພິເສດ 30 ນາທີ ຖ້າຫາກຍັງສະເຫມີກັນອິກ ແມ່ນຕ້ອງຕັດສິນດ້ວຍການເຕະຈຸດໂທດ ເພື່ອຫາທີມທີ່ຊະນະ ຜ່ານເຂົ້າສູ່ຮອບແບ່ງກຸ່ມ.

🏆 ການແຂ່ງຂັນບານໂລກ 2026 ຮອບຄັດເລືອກ ຮອບທີ 1 ໂຊນອາຊີ (FIFA World Cup 2026 Preliminary Joint Qualification R1) ນັດທີ 2

📅 ວັນອັງຄານ 17/10/2023

⏰ ເວລາ 19:00 ໂມງ

🏟️ ສະຫນາມກິລາແຫ່ງຊາດຫຼັກ 16

📺 ຖ່າຍທອດສົດ ໂທລະພາບແຫ່ງຊາດລາວຊ່ອງ 3 LNTV 3 HD

⭐ ລາຄາບັດເຂົ້າຊົມ 20.000ກີບ ທຸກບ່ອນນັ່ງ

ນັດທີ 2 ສາມາດຊື້ໄດ້ ທີ່ ສະຫະພັນບານເຕະແຫ່ງຊາດລາວ ຫ້ວຍຫົງ ແລະ ສະໜາມກິລາແຫ່ງຊາດ (ຫຼັກ16) ໃນມື້ແຂ່ງຂັນ

ຕິດຕໍ່ສອບຖາມທີ່ 020 5541 4619.

#FIFAWorldCup

#AsianCup2027

#LAOSNATIONALTEAM

ຕອນເຊົ້າ ວັນທີ 16 ຕຸລາ 2023 ຢູ່ທີ່ຫ້ອງປະຊຸມ ສະຫະພັນບານເຕະແຫ່ງຊາດລາວ ໄດ້ມີພິທີເປີດ ຊຸດຝຶກອົບກຳມະການຕັດສິນ ເພື່ອກະກຽມ ການແຂ່ງຂັນບານເຕະ ລາວລີກຍິງ ປະຈຳປີ 2023 Lao Women's League 2023 ໂດຍເຂົ້າຮ່ວມພິທີເປີດໂດຍມີ ທ່ານ ຄໍາແພງ ວົງຂັນຕິ ຮອງປະທານ ສະຫະພັນບານເຕະແຫ່ງຊາດລາວ ທັງເປັນຫົວຫນ້າອະນຸກຳມະການຕັດສິນ ສຕລ, ທ່ານ ທອງປະເສີດ ພອນສິຣິຍະວົງ ຫົວໜ້າຫ້ອງການນິຕິກຳ ແລະ ທ່ານ ໄຊປະເສີດ ພົງຊະນິດ ຫົວໜ້າພະແນກກຳມະການຕັດສິນທັງເປັນຜູ້ຝຶກສອນກຳມະການຕັດສິນ ສຕລ, ພ້ອມດວ້ຍຜູ້ຊ່ວຍຄູຝຶກສອນ, ວິຊາການພະແນກກໍາມະການຕັດສິນ ສຕລ ແລະ ຜູ້ຝຶກອົບຮົມເຂົ້າຮ່ວມທັງໝົດ 24 ຄົນ ເປັນຍິງ 7 ຄົນ.

 ທ່ານ ຄຳແພງ ວົງຂັນຕີ ໄດ້ກ່າວວ່າ: ຖືວ່າເປັນໂອກາດດີອັນຫນຶ່ງຂອງ ສະຫະພັນບານເຕະແຫ່ງຊາດລາວ ເວົ້າລວມ ເວົ້າສະເພາະກໍຄືບານເຕະຍິງ ທີ່ທາງພວກເຮົາມີິຄວາມສາມາດຈັດການແຂ່ງຂັນຂຶ້ນ ເຊິ່ງເປັນຄັ້ງທຳອິດທີ່່ຈັດລາຍການແຂ່ງຂັນນີ້ຂຶ້ນ ສະນັ້່ນຂໍສະເຫນີໃຫ້ກຳມະການຕັດສິນທີ່ຝຶກອົບຮົມຄັ້ງດັ່ງກ່າວໃຫ້ເອົາໃຈໃສ່ໃຫ້ລະອຽດກ່ຽວກັບກົດລະບຽບກະຕິກາຕ່າງໆ

 ສຳລັບຈຸດປະສົງແມ່ນກໍເພື່ອກະກຽມຄວາມພ້ອມເຂົ້າຮ່ວມຕັດສິນ ການແຂ່ງຂັນບານເຕະ ລາວລີກຍິງ ປະຈຳປີ 2023, ກຽມຄວາມພ້ອມທາງດ້ານກະຕິການ, ພາລະກໍາລັງ ເຊິ່ງການຝຶກອົບຮົມແມ່ນໄດ້ດໍາເນີນການຝຶກອົບຮົມ 3 ມື້ຄື: ນັບຕັ້ງແຕ່ວັນທີ 16 -18 ຕຸລາ 2023.

  ການແຂ່ງຂັນບານເຕະ ລາວລີກຍິງ ປະຈຳປີ 2023 Lao Women's League 2023 ຈະເລີ້ມເປີດສາກຄວາມມັນໃນວັນເສົາ 21/10/2023 ເຊິ່ງໃຊ້ສະຫນາມຫຍ້າທຽມສະຫະພັນບານເຕະແຫ່ງຊາດລາວ ສະຫນາມ 1 ແລະ ສະຫນາມ 2 ເປັນສະຫນາມທີ່ແຂ່ງຂັນໂດຍມີທີມເຂົ້າຮ່ວມທັງຫມົດ 8 ທີມປະກອບມີ:

1. ຊ້າງນ້ອຍ

2. ມາສເຕີ້ ເຊເວັ້ນ

3. ເອສະຣາ

4. ກອງທັບ

5. ຫຼວງພະບາງ

6. ຈຳປາສັກ

7. ນໍ້າທາ

8. ວຽງຈັນ

ສາມາດໄປຊົມ ແລະ ເຊຍ ຕິດຂອບສະຫນາມທີມທີ່ຕົນເອງມັກໄດ້, ເຂົ້າຊົມຟຣີ ແລະ ສາມາດຮັບຊົມ ການຖ່າຍທອດສົດໄດ້ທີ່ ເພສເຟສບຸກ LAOWOMEN'SLEAGUE ລາວລີກຍິງ ,Youtube LAOFF TV ແລະ Application LTC PLAY.