![News Cover](https://laoff.org.la/storage/news/News_Image_1695196670226.webp)
ອາເຣນ່າ ກູເລຍໂມ່ ໝົດສັນຍາເປັນຄູຝຶກທີມຊາດລາວ ແລະ ກັນລະຍາ ສີສົມຫວັງ ຮັກສາການຫົວໜ້າຄູຝຶກທີມຊາດລາວຊູດໃຫຍ່
ອາເຣນ່າ ກູເລຍໂມ່ (ARENA GUGLIERMO) ໄດ້ໝົດສັນຍາຈາກການເປັນຄູຝຶກທີມຊາດລາວ.
ສຳລັບ ອາເຣນ່າ ກູເລຍໂມ່ ໄດ້ຮັບການຄຸມທີມຊາດລາວຮຸ່ນອາຍຸບໍ່ເກີນ 23 ປີ ຫຼື U23 ນັບຕັ້ງແຕ່ຕົ້ນເດືອນມິຖຸນາ ນໍາທີມເຂົ້າຮ່ວມການແຂ່ງຂັນບານເຕະຊາຍຊີງແຊ້ມອາຊຽນ U23 ຢູ່ທີ່ປະເທດໄທ ໃນລະຫວ່າງວັນທີ 17-26 ສິງຫາ 2023 ແລະ ການແຂ່ງຂັນບານເຕະຊາຍ U23 ຊິງແຊ້ມອາຊີ 2024 ຮອບຄັດເລືອກ (AFC U23 Asian Cup 2024 Qualifying Round) ລະຫວ່າງວັນທີ 06-12 ກັນຍາ 2023 ຢູ່ທີ່ປະເທດທາຈີກິສຖານ.
ສະຫະພັນບານເຕະແຫ່ງຊາດລາວ ຂໍອວຍພອນໃຫ້ທ່ານ ປະສົບຜົນສໍາເລັດໃນໜ້າທີ່ວຽກງານໃນອະນາຄົດ.
ໃນຂະນະດຽວກັນ ສະຫະພັນບານເຕະແຫ່ງຊາດລາວ ໄດ້ແຕ່ງຕັ້ງ ທ່ານ ກັນລະຍາ ສີສົມຫວັງ ເປັນຮັກສາການຫົວໜ້າຄູຝຶກ ເພື່ອກະກຽມທີມເຂົ້າຮ່ວມ ການແຂ່ງຂັນບານໂລກ 2026 ຮອບຄັດເລືອກ ຮອບທີ 1 ໂຊນອາຊີ (FIFA World Cup 2026 Preliminary Joint Qualification R1) ທີ່ຂະພົບກັບທີມຊາດເນປານ, ຮູບແບບການແຂ່ງຂັນແມ່ນຈັດ 2 ນັດແບບໄປ-ກັບ ແລ້ວຜ່ານເຂົ້າໃນຮອບທີ 2 ຕໍ່ໄປ, ໂດຍຮອບຄັດເລືອກຮອບທີ 1 ຈະແຂ່ງຂັນໃນວັນທີ 12 ຕຸລາ2023 ທີ່ປະເທດເນປານ ແລະ 17 ຕຸລາ 2023 ແມ່ນຈະແຂ່ງຂັນຢູ່ທີ່ສະໜາມກິລາແຫ່ງຊາດ ຫຼັກ 16 ນະຄອນຫຼວງວຽງຈັນ. ຮອບຄັດເລືອກ ຮອບທີ 2 ມີທັງໝົດ 36 ທີມ ຜູ້ຊະນະຮອບທີໜຶ່ງ 9 ທີມ ແລະ 27 ທີມທີ່ໄດ້ສິດລໍຖ້າໃນຮອບທີ 2, ຖ້າຫາກ ສປປລາວ ຫລື ເນປານ ທີມໃດຊະນະ ແມ່ນຈະຜ່ານເຂົ້າສູ່ຮອບທີ 2 ເຊິ່ງຜົນການຈັບສະຫລາກແມ່ນ ຢູ່ຮ່ວມກຸ່ມ H ສະຫະລັດ ອາຣັບ ເອມມີເລດ, ບາເຣນ, ເຢເມນ ຫລື ສີລັງກາ.
![News Cover](https://laoff.org.la/storage/news/News_Image_1690439979153.webp)
ບານໂລກ2026 ຮອບຄັດເລືອກ ທີມຊາດລາວ ພົບ ທີມຊາດເນປານ
ວັນທີ 27 ກໍລະກົດ 2023 ຢູ່ທີ່ສຳນັກງານ ສະຫະພັນບານເຕະອາຊີ ນະຄອນຫຼວງກົວລາລຳເປີ ປະເທດມາເລເຊຍ ໄດ້ມີການຈັບສະຫລາກການແຂ່ງຂັນບານໂລກ 2026 ຮອບຄັດເລືອກ ຮອບທີ 1 ໂຊນອາຊີ (FIFA World Cup 2026 Preliminary Joint Qualification R1)ໂດຍຜົນການຈັບສະຫລາກ ທີມຊາດ ເນປານ ພົບ ທີມຊາດລາວ.ສວ່ນຮູບແບບການແຂ່ງຂັນແມ່ນຈັດ 2 ນັດແບບໄປ-ກັບ ແລ້ວຜ່ານເຂົ້າໃນຮອບທີ 2 ຕໍ່ໄປ, ໂດຍຮອບຄັດເລືອກຮອບທີ 1 ຈະແຂ່ງຂັນໃນວັນທີ 12 ຕຸລາ ແລະ 17 ຕຸລາ 2023 ນີ້.
ຮອບຄັດເລືອກ ຮອບທີ 2 ມີທັງໝົດ 36 ທີມ ຜູ້ຊະນະຮອບທີໜຶ່ງ 9 ທີມ ແລະ 27 ທີມທີ່ໄດ້ສິດລໍຖ້າໃນຮອບທີ 2.
ຖ້າຫາກ ລາວ ຫລື ເນປານ ທີມໃດຊະນະ ແມ່ນຈະຜ່ານເຂົ້າສູ່ຮອບທີ 2 ເຊິ່ງຜົນການຈັບສະຫລາກແມ່ນ ຢູ່ຮ່ວມກຸ່ມ H ສະຫະລັດ ອາຣັບ ເອມມີເລດ, ບາເຣນ, ເຢເມນ ຫລື ສີລັງກາ.
![News Cover](https://laoff.org.la/storage/news/News_Image_168083044596.webp)
ວັນທີ 05 ເມສາ 2023 ຢູ່ທີ່ນະຄອນຫຼວງພະນົມເປັນ ປະເທດກຳປູເຈຍ ໄດ້ມີການຈັບສະຫລາກ ການແຂ່ງຂັນບານເຕະຊາຍ - ຍິງ ໃນງານມະຫະກຳກິລາຊີເກມຄັ້ງທີ 32.
ການແຂ່ງຂັນບານເຕະຊາຍ ມີທັງຫມົດ 10 ປະເທດ ເຂົ້າຮ່ວມການແຂ່ງຂັນ ໂດຍແບ່ງອອກເປັນ 2 ກຸ່ມ, ກຸ່ມລະ 5 ທີມ ໂດຍຄັດເອົາອັນດັບ 1 ແລະ 2 ຜ່ານເຂົ້າໄປຫລິ້ນໃນຮອບຮອງຊະນະເລີດ, ສ່ວນການແຂ່ງຂັນບານເຕະຍິງມີທັງຫມົດ 9 ປະເທດເຂົ້າຮ່ວມການແຂ່ງຂັນແບ່ງອອກເປັນ 2 ກຸ່ມ.
ຜົນການຈັບສະຫລາກບານເຕະຊາຍມີດັ່ງນີ໊:
- ກຸ່ມ A ປະກອບມີ: ກຳປູເຈຍ, ອິນໂດເນເຊຍ, ມຽນມາ, ຟີລິບປິນ ແລະ ຕີມໍ ເລສເຕ
- ກຸ່ມ B ປະກອບມີ: ຫວຽດນາມ, ໄທ, ມາເລເຊຍ, ສິງກະໂປ ແລະ ສປປລາວ
ການແຂ່ງຂັນບານເຕະຊາຍແມ່ນໃຊ້ 2 ສະຫນາມຫລັກຄື: ສະຫນາມກິລາແຫ່ງຊາດ Morodok Techo ແລະ ສະຫນາມກິລາ Prince.
ຜົນການຈັບສະຫລາກບານເຕະຍິງມີດັ່ງນີ້
- ກຸ່ມ A ປະກອບມີ: ຫວຽດນາມ, ຟີລິບປີນ, ມຽນມາ, ອິນໂດເນເຊຍ ແລະ ມາເລເຊຍ
- ກຸ່ມ B ປະກອບມີ: ກຳປູເຈຍ, ໄທ, ສິງກະໂປ ແລະສປປລາວ
ການແຂ່ງຂັນບານເຕະຍິງ ແມ່ນໃຊ້ສະຫນາມກິລາ ARMY , ສະຫນາມກິລາ RSN ແລະ ສະຫນາມກິລາ Prince.
ການແຂ່ງຂັນບານເຕະໃນງານມະຫະກຳກິລາຊີເກມຄັ້ງທີ 32 ກິລາບານເຕະ ແມ່ນຈະເລີ່ມການແຂ່ງຂັນວັນທີ 29 ເມສາ ຫາ 16 ພືດສະພາ 2023, ສ່ວນຕາຕະລາງການແຂ່ງຂັນຂອງ ທີມຊາດລາວ ແມ່ນຈະແຈ້ງໃຫ້ຮັບຊາບຕາມພາຍຫລັງ.
![News Cover](https://laoff.org.la/storage/news/News_Image_1680483371798.webp)
ໃນຕອນບ່າຍ ຂອງມື້ນີ້ 02/04/2023 ຄະນຳ,ຄະນະຄູຝຶກ ແລະ ນັກກິລາ ທີມຊາດລາວ ຊຸດໃຫຍ່ ເດີນທາງກັບມາຮອດ ສະໜາມບີນສາກົນ ວັດໄຕ ເປັນທີ່ຮຽບຮ້ອຍແລ້ວ.
![News Cover](https://laoff.org.la/storage/news/News_Image_1680483243112.webp)
ປະມວນພາບ ທີມຊາດເນປານ ພົບ ທີມຊາດລາວ 2 - 1
ການແຂ່ງຂັນກິລາ ບານເຕະນັດມິດຕະພາບ 3 ປະເທດ ຊີງຂັນນາຍົກປະເທດເນປານ (FIFA day)
ນັດຊີງຊະນະເລີດ ວັນທີ 31/03/2023 ທີມຊາດເນປານ ພົບ ທີມຊາດລາວ ເວລາ 18:45ໂມງ.
ແຂ່ງຂັນທີ່ ສະໜາມ Dashrath Stadium Kathmandu, Nepal.
#Match Final
![News Cover](https://laoff.org.la/storage/news/News_Image_1680138580572.webp)
ຜົນການແຂ່ງຂັນກິລາ ບານເຕະນັດມິດຕະພາບ 3 ປະເທດ ຊີງຂັນນາຍົກປະເທດ ເນປານ (FIFA day)
ວັນທີ 28/03/2023
ທີມຊາດ ເນປານ ສະເຫມີ ທີມຊາດ ບູຖານ 1-1 , ທີມຊາດເນປານ ລົງສະຫນາມ 2 ນັດ ຊະນະ 1 ສະເຫມີ 1 ມີ 4 ຄະແນນ ຜ່ານເຂົ້າສູ່ຮອບຊີງຊະນະເລີດໄປພົບ ທີມຊາດລາວ ລົງສະຫນາມ 2 ນັດ ຊະນະ 1 ເສຍ 1 ມີ 3 ຄະແນນ ສ່ວນ ທີມຊາດບູຖານ ລົງສະຫນາມ 2 ນັດ ເສຍ 1 ສະເຫມີ 1 ມີ 1 ຄະແນນ ຕົກຮອບ.
ສ່ວນນັດຊິງຊະນະເລີດ ແມ່ນຈະແຂ່ງຂັນ ໃນວັນທີ 31 ມີນາ ເວລາ 18:45 ແຂ່ງຂັນທີ່ ສະໜາມ Dashrath Stadium Kathmandu, Nepal.
ສຳລັບເງິນລາງວັນລາຍການດັ່ງກ່າວ ທີມຊະນະເລີດຈະໄດ້ຮັບຂັນ ແລະ ເງິນລາງວັນ 5000$ ສ່ວນອັນດັບ2 ແມ່ນຈະໄດ້ຮັບເງິນລາງວັນ 3000$, ລາງວັນນັກເຕະດີເດັ່ນປະຈຳນັດແຂ່ງຂັນໄດ້ຮັບເງິນລາງວັນ 250 $ ແລະ ລາງວັນນັກເຕະດີເດັ່ນປະຈຳການແຂ່ງຂັນໄດ້ຮັບເງິນລາງວັນ 500$.
![News Cover](https://laoff.org.la/storage/news/News_Image_1679880709928.webp)
ຕາຕະລາງຄະແນນ ການແຂ່ງຂັນກິລາ ບານເຕະນັດມິດຕະພາບ 3 ປະເທດ ຊີງຂັນນາຍົກປະເທດເນປານ (FIFA day)
![News Cover](https://laoff.org.la/storage/news/News_Image_1679880636350.webp)
ຈົບເກມການແຂ່ງຂັນ ທີມຊາດລາວ 2 - 1 ທີມຊາດບູຖານ
![News Cover](https://laoff.org.la/storage/news/News_Image_1679621087390.webp)
ໃນຕອນຄ່ຳ ຂອງວັນທີ 23/3/2023 ຄະນະນຳ, ຄະນະຄູຝຶກ ແລະ ນັກກິລາ ທີມຊາດລາວ ໄດ້ເຂົ້າຮ່ວມ ຮັບປະທານອາຫານຄ່ຳ
ໃນຕອນຄ່ຳ ຂອງວັນທີ 23/3/2023 ຄະນະນຳ, ຄະນະຄູຝຶກ ແລະ ນັກກິລາ ທີມຊາດລາວ ໄດ້ເຂົ້າຮ່ວມ ຮັບປະທານອາຫານຄ່ຳ ທີ່ Nepali Ghar A Handcrafted Hotel ຕາມຄຳເຊີນຂອງ ທ່ານ Raju Shrestha ທູດ ກິຕິມະສັກ ສປປ ລາວ ປະຈຳ ປະເທດ ເນປານ ແລະ ໃນງານ ກໍຍັງໄດ້ຮັບ ການຕ້ອນຮັບຢ່າງອົບອຸ່ນ ຈາກ ທ່ານ Pankaj Bikram Nembang ປະທານ ສະຫະພັນບານເຕະ ແຫ່ງຊາດເນປານ ອີກດ້ວຍ.
![News Cover](https://laoff.org.la/storage/news/News_Image_1679534642125.webp)
ຕາຕະລາງຄະແນນ ການແຂ່ງຂັນກິລາ ບານເຕະນັດມິດຕະພາບ 3 ປະເທດ
![News Cover](https://laoff.org.la/storage/news/News_Image_1679360456414.webp)
ການແຂງຂັນກິລາ ບານເຕະນັດມິດຕະພາບ 3 ປະເທດ ຊີງຂັນນາຍົກປະເທດເນປານ (FIFA day) ທີ່ ປະເທດ ເນປານ
ການແຂງຂັນກິລາ ບານເຕະນັດມິດຕະພາບ 3 ປະເທດ ຊີງຂັນນາຍົກປະເທດເນປານ (FIFA day) ທີ່ ປະເທດ ເນປານ ໃນລະຫວ່າງວັນທີ 22-31 ມີນາ 2023 ເຊີ່ງຈະແຂ່ງຂັນແບບພົບກັນໝົດທັງ 3 ທີມຄື:
1 Nepal ( ເຈົ້າພາບ )🇳🇵
2 Bhutan🇧🇹
3 Laos🇱🇦
ຕາຕະລາງ ການແຂ່ງຂັນມີດັ່ງນີ້
- ວັນທີ 22/03/2023 ທີມຊາດເນປານ ພົບ ທີມຊາດລາວ ເວລາ 18:00ໂມງ.
- ວັນທີ 25/03/2023 ທີມຊາດລາວ ພົບ ທີມຊາດບູຖານ ເວລາ 18:00ໂມງ.
- ວັນທີ 28/03/2023 ທີມຊາດເນປານ ພົບ ທີມຊາດບູຖານ ເວລາ 18:00ໂມງ.
- ວັນທີ 31/03/2023 ຮອບຊີງຊະນະເລີດ (ທີມອັນດັບ1 ຊີງກັບ ທີມອັນດັບ2) ເວລາ 17:30ໂມງ.
ທຸກນັດແມ່ນຈະແຂ່ງຂັນທີ່ ສະໜາມ Dashrath Stadium Kathmandu, Nepal.