Women’s football is gaining popularity around the globe and developing faster than ever before. At the beginning of the year, Kanya Keomany was elected as the first Laotian FIFA council member. She has worked over the years to promote women’s football in Asia as a member of the AFC Women’s Football Committee. This interview hopes to shed more light on the future of women’s football and women working in the football industry. 

As the first Lao member on the FIFA Council, what ideas do you want to see on the table? 

 First of all, it is an absolute honour to be elected as a FIFA Council Member to represent Asian females in one of the biggest sport governing bodies in the world. No matter where I am, my aim  has always been women for women. Developing women’s football is something that I committed  myself to do not only on the pitch but off the pitch as well. I hope to be a voice for women players,  women coaches, referees, administrators, etc. To make their voices heard at all levels of football governing bodies and most importantly, to advocate  social inclusiveness for women in football and make  sure all women are welcome in the football industry. 

  Women’s football in Asia has been a major  part of your work for the last 15 years. What  are the remaining challenges that still have to  be overcome for the sport to develop further? 

   Recently FIFA and AFC have invested a lot in  women’s football development. The popularity of women's football has increased significantly after the latest edition of the Women's World Cup in 2019, France. Nowadays we see more females in football executive positions. Female officials were appointed to officiate at the last FIFA Men’s World Cup in Qatar, and a lot of media coverage focuses on promoting women football players and coaches. It is a positive sign for women’s football in general. However, there is still room to improve especially in smaller football member associations where women’s football is still unpopular and lacks support. They need the right assistance to strengthen their capacities so that they can compete with bigger national football teams competitively especially on the world’s biggest football stage like the FIFA Women’s World Cup.

How will the new changes to the World Cup format help lesser known football federations such as the AFF?

  The 2023 Women’s World Cup will be the first World Cup to be played with 32 teams in Australia and New Zealand. For AFF, this means more opportunities for ASEAN nations to be in the World Cup. Currently we already have two ASEAN teams that will be making their debut at the World Cup namely Vietnam and the Philippines, while waiting for Thailand to go through the play-off round which will be decided in mid-February. It is inspiring to see smaller national teams there, which means everyone will have the chance to see their national flag at the world’s biggest football tournament. The increasing number of teams in the World Cup finals is a game changer and an important step for women’s game development, the pace will be faster now for women’s football development as everyone is aiming for their spot in the World Cup.

ໃນວັນທີ 13 ກຸມພາ 2023 ​ທີ່​​ ກະ​ຊວງ​ການ​ຕ່າງ​ປະ​ເທດ  ທ່ານ ສະ​ເຫຼີມໄຊ ກົມ​ມະ​ສິດ ຮອງ​ນາ​ຍົກ​ລັດ​ຖະ​ມົນ​ຕີ,​ລັດ​ຖະ​ມົນ​ຕີກະ​ຊວງການ​ຕ່າງ​ປະ​ເທດ ໄດ້​ໃຫ້​ກຽດ​ຕ້ອນ​ຮັບ​ການເຂົ້າຢ້ຽມຂໍ່ານັບຂອງທ່ານ ວີ​ເພັດ ສີ​ຫາ​ຈັກ​ຣ ປະ​ທານ ສະ​ຫະ​ພັນ​ບານ​ເຕະ​ແຫ່ງ​ຊາດ​ລາວ(ສຕລ) ພ້ອມ​ດ້ວຍ ທ່ານ ນາງ ກັນ​ຍາ ແກ້ວ​ມະ​ນີ ເລ​ຂາ​ທິ​ການ ສະ​ຫະ​ພັນ​ບານ​ເຕະ​ແຫ່ງ​ຊາດ​ລາວ,ເພື່ອ​ເຂົ້າ​ລາຍງານ​ຜົນ​ສຳ​ເລັດ​ຂອງການ​ເລືອກ​ຕັ້ງ​ຄະນະບໍລິຫານງານບານ ເຕະນານາຊາດຫຼື FIFA ທີ່ ບຸກຄະລາກອນຂອງ ສຕລ ໄດ້ຮັບການເລືອກຕັ້ງຈາກບັນ​ດາສະມາຊິກ ສະ​ຫະ​ພັນ​ບານ​ເຕະ​ອາ​ຊີ ເພື່ອເປັນຕົວແທນ ໃນການປະຕິບັດໜ້າທີ່ໃນຖານະຄະນະບໍລິຫານງານ ສະ​ຫະ​ພັນ​ບານ​ເຕະFIFA.

ໃນ​ໂອ​ກາດ​ດັ່ງ​ກ່າວ  ທ່ານ ສະ​ເຫຼີມ​ໄຊ ກົມ​ມະ​ສິດ ຮອງ​ນາ​ຍົກ​ລັດ​ຖະ​ມົນ​ຕີ  ໄດ້​ກ່າວສະແດງຄວາມ​ຍ້ອງຍໍຊົມ​ເຊີຍ ທ່ານ ນາງ ກັນ​ຍາ ແກ້ວ​ມະ​ນີ ເລ​ຂາ​ທິ​ການສະ​ຫະ​ພັນ​ບານ​ເຕະ​ແຫ່ງ​ຊາດລ​າວ ທີ່​ໄດ້ຮັບ​ຕຳ​ແຫນ່ງ ເປັນຄະ​ນະ​ບໍ​ລິ​ຫານ​ງານ FIFA ,ອັນໄດ້​ສ້າງ​ກຽດ​ຊື່​ສຽງ​ມາໃຫ້ແກ່​ປະ​ເທດ​ຊ​າດແລະປະຊາຊົນເຮົາ ປຽບ​ເຫມືອນ​ນັກ​ການ​ທູດ​ທາງ​ດ້ານ​ກິ​ລາ ໂດຍ​ສະ​ເພາະ​ແມ່ນ​ເພດ​ຍິງຄົ​ນ​ລາວ​ທຳອິດທີ່​ໄດ້​ຮັບ​ຕຳ​ແຫນ່ງ​ໃນ​ເວ​ທີ​​ພາກ​ພື້ນແລະສາ​ກົນນີ້.

ທ່ານຮອງນາຍົກໄດ້ແນະນຳແລະອວຍພອນໃຫ້ທ່ານນາງກັນຍາແກ້ວມະນີຈົ່ງເສີມຂະຫຍາຍມູນເຊື້ອອັນດີງາມ,ຕັ້ງໜ້າແລະຫ້າວຫັນປະກອບສວ່ນໃນໜ້າທີ່ໃໝ່ທີ່ໄດ້ຮັບການມອບໝາຍດວ້ຍຜົນສຳເລັດ,ກ້າວ​ຫນ້າ​ຍິ່ງໆ​ຂຶ້ນ​.ທ່ານຮອງນາຍົກກ່າວວ່າ:ຜົນສຳເລັດນີ້,​ສະ​ທ້ອນ​ໃຫ້​ເຫັນ​ວ່າ​ ລ​ັດ​ຖະ​ບານ​ລາວ ມີ​ນະ​ໂຍ​ບາຍ​ທີ່​ຖືກ​ຕ້ອງ ໃນການຊຸກ​ຍູ​້​ສົ່ງ​ເສີມ​ຕົວ​ແທນ​ບຸກຄະລາກອນ​ທີ່​ມີຄວາມຮູ້,ຄວາ​ມ​ສາ​ມາດ,ເພາະວ່າການ​ທີ່​ມີ​ສ່ວນ​ຮ່ວມ​ໃນ​ເວທີ​ສາ​ກົນ​ມັນ​ບໍ່​ແມ່ນ​ເລື້ອງ​ງ່າຍ,ຕ້ອງບົນ​ພື້ນ​ຖານ ຄ​ວາມ​ຮູ້ ຄວາມ​ສາ​ມາດ ຂອງ​ບຸກ​ຄົນ​ທີ່​ສະ​ເຫນີ​ລາຍ​ຊື່​ໃນ​ການ​ດຳ​ລົງ​ຕຳ​ແຫນ່ງ​ເປັນ​ຄະ​ນະ​ບໍ​ລິ​ຫານ​ງານ ສະ​ຫະ​ພັນ​ບານ​ເຕະ​ຟີ​ຟາ(FIFA).ຂະ​ນະ​ທີ່ ທ່ານ ນາງ ກັນ​ຍາ ແກ້ວ​ມະ​ນີ ເລ​ຂາ​ທິ​ການ ສະ​ຫະ​ພັນ​ບານ​ເຕະ​ແຫ່ງ​ຊາດ​ລາວ,ໃນນາມຄະນະບໍລິຫານງານFIFAຄົນໃໝ່ກໍ​ໄດ້ນ້ອ​ມ​ຮັບ​ຄຳ​ອວຍ​ພອນ​ຂອງ ທ່ານຮອງ​ນາ​ຍົກ​ລັດ​ຖະ​ມົນ​ຕີ ພ້ອມ​ທັງ​ຈະ​ປະ​ຕິດ​ບັດ​ຫນ້າ​ທີ່​ຂອງ​ຕົນ​ເອງ​ທີ່​ໄດ້​ຖືກມອບ​​ຫມາຍໃຫ້ມີຜົນງານດີທີ່ສຸດ​.  

ສະຫະພັນບານເຕະແຫ່ງຊາດລາວ(ສຕລ)ໄດ້ຈັດພິທີປີດຊຸດຝຶກອົບຮົມຄູຝຶກບານເຕະລະດັບ ຊີ (LFF / AFC 'C' Coaching Certificate Course) ຂື້ນໃນວັນທີ 10 ກຸມ​ພາ 2023 ທີ່​ຜ່ານ​ມາ ຢູ່ທີ່ ຫ້ອງປະຊຸມຂອງສຕລ,ໂດຍໃຫ້ກຽດເປັນປະທານກ່າວປີດຂອງ​ ທ່ານ ນ. ກັນ​ຍາ ແກ້ວ​ມະ​ນີ ເລຂາທິການສະຫະພັນບານເຕະແຫ່ງຊາດລາວ, ທ່ານ Mohammad Herman B Zailani ຫົວໜ້າວຽກງານພັດທະນາຄູຝຶກ ສຕລ ທັງວິທະຍາກອນ ພ້ອມດ້ວຍພະນັກງານວິຊາການກ່ຽວຂ້ອງ ແລະ ນັກສຳມະກອນ ຈໍານວນ 22 ທ່ານ ທີ່ມາຈາກ ສະໂມສອນ ພາຍໃນປະເທດ, ຕ່າງປະເທດ ແລະ ນັກກິລາທີມຊາດລາວ.
ຕະ​ຫ​ລອດໄລຍະການຝຶກອົບຮົມ ແມ່ນແບ່ງອອກເປັນ 2 ພາກ ປະກອບມີ ພາກທິດສະດີ ແລະ ການປະຕິບັດຕົວຈິງໃນພາກສະໜາມ, ໂດຍໄດ້ມີການສອບເສັງ 6 ຄັ້ງ (ຕົວຈິງ 3 ຄັ້ງ ,ທິດສະດີ 2 ຄັ້ງ ແລະ ເສັງກໍາມະການ 1 ຄັ້ງ ), ຜູ້ເຂົ້າຮ່ວມຈະໄດ້ຮຽນຮູ້ກ່ຽວກັບ ການພັດທະນາຄູຝຶກ, ຄວາມຕ້ອງການຄູຝຶກຂອງ AFC, ພາລະບົດບາດ ແລະ ໜ້າທີຮັບຜິດຊອບ, ເຕັກນິກ ແລະ ຍຸດທະວິທີຂອງການເຕະບານ, ຄວາມສຳພັນກັບບານ, ການສົ່ງບານ, ການຈັບບານ, ການຍິງບານ, ຫຼັກການຂອງການຝຶກສອນ, ບານເຕະຟຸດຊໍ, ກະຕິກາຂອງກິລາບານເຕະ, ອາຫານ ແລະ ສຸຂະພາບ, ການຝຶກແອບ, ການຝຶກແອບຜູ້ຮັກສາປະຕູ, ການວາງແຜນ, ບົດບາດສຳຄັນຂອງຜູ້ຮັກສາປະຕູ, ການຈະເລີນເຕີບໃຫຍ່ ແລະ ການປະຖົມພະຍາບານ, ແນະນຳພາກປະຕິບັດກິດຈະກຳບານເຕະພື້ນຖານ, ການຫຼີ້ນບານໃນເກມ.
ການຝຶກອົບຮົມຄັ້ງນີ້ແມ່ນ​ໄດ້ດຳເນີນ​ການຝຶກນັບຕັ້ງແຕ່ວັນທີ 30 ມັງກອນ ຫາ 10 ກຸມພາ 2023.
ໃນ​ຕອນ​ທ້າຍ​ພິ​ທີ​ຍັງ​ມີ​ການ​ມອບ​ໃບ​ຢັ້ງ​ຢືນ​ໃນ​ການ​ເຂົ້າ​ຮ່ວມ​ໃຫ້​ກັບ​ຜູ້​ເຂົ້າ​ຮ່ວມເພື່ອ​ຢັ້ງ​ຢືນ​ໃນ​ການ​ຝຶກ​ອົບ​ຮົມ, ສ່ວນ​ຜົນ​ການ​ສອບ​ເສັງ​ນັ້ນ​ແມ່ນ​ຈະ​ແຈ້ງ​ໃຫ້​ຮັບ​ຊາບ​ຕາມ​ພາຍ​ຫລັງ.

ໃນວັນທີ 09 ກຸມພາ 2023 ​ທີ່​​ສຳ​ນັກ​ງານ ກະ​ຊວງ​ສຶກ​ສາ​ທິການ ແລະ ກິ​ລາ ( ສ​ສກ ) ທ່ານ ຮ​ສ. ປອ ພຸດ ສິມ​ມາ​ລາ​ວົງ ລັດ​ຖະ​ມົນ​ຕີກ​ະ​ຊວ​ງ​ສຶກ​ສາ​ທິ​ການ ແລະ ກິ​ລາ ປະທານຄະນະກຳມະການໂອລິມປິກແຫ່ງຊາດລາວໄດ້​ໃຫ້​ກຽດ​ຕ້ອນ​ຮັບ​ການເຂົ້າຢ້ຽມ ຂໍ່ານັບຂອງທ່ານ ວີ​ເພັດ ສີ​ຫາ​ຈັກ​ຣ ປະ​ທານ ສະ​ຫະ​ພັນ​ບານ​ເຕະ​ແຫ່ງ​ຊາດ​ລາວ(ສຕລ) ພ້ອມ​ດ້ວຍ​ຄະ​ນະ ເພື່ອ​ເຂົ້າ​ລາຍງານ​ກ່ຽວ​​ກັບ​ຜົນ​ສຳ​ເລັດ​ຂອງການ​ເລືອກ​ຕັ້ງ​ ຄະນະບໍລິຫານງານ FIFA ທີ່ ບຸກຄະລາກອນຂອງ ສຕລ ໄດ້ຮັບການເລືອກຕັ້ງຈາກບັນ​ດາສະມາຊິກ ສະ​ຫະ​ພັນ​ບານ​ເຕະ​ອາ​ຊີ ເພື່ອເປັນຕົວແທນ ໃນການປະຕິບັດວຽກງານ ໃນຖານະ ຄະນະບໍລິຫານງານ ສະ​ຫະ​ພັນ​ບານ​ເຕະ​ຟີ​ຟາ(FIFA).

        ໃນ​ໂອ​ກາດ​ດັ່ງ​ກ່າວ  ທ່ານ ຮ​ສ. ປອ ພຸດ ສິມ​ມາ​ລາ​ວົງ ໄດ້​ກ່າວ​ຍ້ອງຍໍຊົມ​ເຊີຍ ສະ​ຫະ​ພັນ​ບານ​ເຕະ​ແຫ່ງ​ຊາດ​ລາວ ທີ່​ມີ​ຜົນ​ງານ​ດີ​ເດ່ນໃນ​ໄລ​ຍະ​ຜ່ານ​ມາ​, ພ້ອມໄດ້​ອວຍ​ພອນໃຫ້ ທ່ານ ນາງ ກັນ​ຍາ ແກ້ວ​ມະ​ນີເລຂາທິການສຕລ ທີ່​ໄດ້​ຮັບຕຳ​ແຫນ່ງ​ໃໝ່ເປັນຄະ​ນະ​ບໍ​ລິ​ຫານ​ງານ FIFA ໃຫ້​ມີ​ຄວ​າມ​ສຳ​ເລັດ​ໃນ​ຫນ້າ​ທີ່​ສາ​ກົນ, ທຸ້ມ​ເທ​ສະຕິ​ປັນຍາແລະເຫື່ອ​ແຮງປະກອບສວ່ນຢ່າງຕັ້ງໜ້າໃຫ້ສົມກັບເປັນ​ທູດ​​ວົງ​ການ​ກິ​ລາບານ​ເຕະ ​ອາ​ຊີ ແລະສາກົນ,ພ້ອມທັງຖືໂອກາດນີ້ເຮັດໜ້າທີ່ເຜີຍ​ແຜ່​ວັດ​ທະ​ນະ​ທຳ​ລາວ​ໃນ​ເວ​ທີ​ສາ​ກົນໃຫ້ກວ້າງຂວາງ.

        ໃນ​ຕອນ​ທ້າຍ ທ່ານ ວີ​ເພັດ ສີ​ຫາ​ຈັກ​ຣ ປະ​ທານ ສ​ຕ​ລ ຍັງໄດ້​ນຳ​ສະ​ເຫນີ​ແຜນ​ການ​ເຄື່ອ​ນ​ໄຫ​ວ​ວຽກ​ງານ ຂອງ ສະ​ຫະ​ພັນ​ບານ​ເຕະ​ແຫ່ງ​ຊາດ​ລາວ ໃນ​ປີ 2023 ໂດຍ​ສະ​ເພາະ​ແມ່ນ​ການ​ແຂ່ງ​ຂັນ​ບານ​ເຕະ ເປ​ບ​ຊີ ລາວ​ລີກ 1 ປະຈຳປີ2023, ການແຂ່ງຂັນ ກິລາລະດັບມັດທະຍົມ ຕອນຕົ້ນ ແລະ ຕອນປາຍ ພາຍໃນແຂວງ (ຍິງ-ຊາຍ) ແລະ ວຽກ​ງານ​ຂອງ ທີມ​ຊາດ​ລາວ ໃຫ້ ທ່ານລັດ​ຖະ​ມົນ​ຕີ ກະ​ຊວງ​ສຶກ​ສາ​ທິ​ການ ແລະ ກິ​ລາ ໄດ້ຮັບ​ຊາບ.

        ທ່ານ ນາງ ກັນຍາ ແກ້ວມະນີ ໄດ້ຖືກສະເໜີ ຊື່ ຈາກ ສະຫະພັນບານເຕະແຫ່ງຊາດລາວ ເຂົ້າເລືອກຕັ້ງ ໃນຕຳແໜ່ງຄະນະບໍລິຫານງານ FIFA ຫລື FIFA Council Member ໂດຍຕຳແໜ່ງດັ່ງກ່າວແມ່ນເປັນຕົວແທນຈາກທະວີບອາຊີ ໃນເວທີບໍລິຫານກິລາບານເຕະລະດັບໂລກ ເຊິ່ງຕົວແທນ ຈາກທະວີບອາຊີ ຈະມີ 6 ທ່ານທີ່ຕ້ອງຜ່ານການເລືອກຕັ້ງຈາກຊາດສະມາຊິກຂອງ ສະຫະພັນບານເຕະອາຊີ ໂດຍບັນດາທ່ານ ທີ່ຖືກເລືອກຕັ້ງໃນຄັ້ງນີ້ໄດ້ແກ່:
1. ທ່ານ ນາງກັນຍາ ແກ້ວມະນີ ເລຂາທິການ ສະຫະພັນບານເຕະແຫ່ງຊາດລາວ
2. ທ່ານ Hamad bin Khalifa bin Ahmed al-Thani ປະທານ ສະຫະພັນບານເຕະກາຕ້າ
3. ທ່ານ Yasser Al-Misehal ປະທານ ສະຫະພັນບານເຕະຊາອຸດິອາເຣເບຍ
4. ທ່ານ Kozo Tashima ປະທານ ສະພັນບານເຕະຢີ່ປຸ່ນ
5. ທ່ານ Mariano V. Araneta ປະທານ ສະຫະພັນບານເຕະຟິລິບປິນ
6. ທ່ານ Datuk Hamidin Mohd Amin ປະທານສະຫະພັນບານເຕະມາເລເຊຍ

ທັ້ງນີ້ ທ່ານ ນາງ ກັນຍາ ແກ້ວມະນີ້ ແມ່ນສະມາຊິກຈາກປະເທດລາວຄົນທຳອິດທີ່ ໄດ້ຮັບຕຳແໜ່ງໃນການເປັນຄະນະບໍລິຫານງານ FIFA ເຊິ່ງປັດຈຸບັນຖືວ່າເປັນ ອົງກອນກິລາທີ່ໃຫຍ່ທີ່ສຸດໃນໂລກ ຮັບຜິດຊອບການພັດທະນາກິລາບານເຕະ ແລະ ຈັດການແຂ່ງຂັນກິລາຍອດນິຍົມສູງສຸດໃນໂລກ ກໍຄື ການແຂ່ງຂັນບານໂລກ ຫລື FIFA World Cup.
#LaoFootballFederation

#MinistryofEducationandSportsLaoPDR

ປະທານກິຕິມະສັກສຕລສະແດງຄວາມຊົມເຊີຍຕໍ່ເລຂາທິການ ສຕລ ທີ່ໄດ້ຮັບເລືອກຕັ້ງເປັນຄະນະບໍລິຫານງານFIFA         

ນະຄອນຫລວງວຽງຈັນ ວັນທີ 7 ກຸມພາ 2023 - ພະນະທ່ານ ສົມສະຫວາດ ເລ່ງສະຫວັດ ປະທານກິຕິມະສັກສະຫະພັນບານເຕະແຫ່ງຊາດລາວ (ສຕລ)ໄດ້ຕອ້ນຮັບການເຂົ້າຢ້ຽມຂໍ່ານັບຂອງຄະນະບໍລິຫານງານສະຫະພັນບານເຕະແຫ່ງຊາດລາວ(ສຕລ)ນໍາໂດຍ ທ່ານ ວີເພັດ ສີຫາຈັກຣ ປະທານ ສຕລ ເພື່ອລາຍງານຕໍ່ກັບຜົນສຳເລັດຈາກການເລືອກຕັ້ງຄະນະບໍລິຫານງານ FIFA ທີ່ ບຸກຄະລາກອນຂອງ ສຕລ ໄດ້ຮັບການເລືອກຕັ້ງຈາກຊາດສະມາຊິກ AFC ເພື່ອເປັນຕົວແທນ ໃນການປະຕິບັດວຽກງານ ໃນ ຖານະ ຄະນະບໍລິຫານງານFIFA 

ໃນໂອກາດນີ້ ທ່ານ ສົມສະຫວາດ ເລ່ງສະຫວັດ ໄດ້ສະແດງຄວາມຍ້ອງຍໍຊົມເຊີຍຜົນງານຂອງ ສຕລ ໃນການປະຕິບັດໜ້າທີ່ໃນຕະຫຼອດໄລຍະຜ່ານມາ, ອັນໄດ້ປະກອບສວ່ນເຮັດໃຫ້ ສຕລ ມີຜົນງານດີເດ່ນເປັນທີ່ພໍໃຈທັງພາຍໃນແລະຕ່າງປະເທດ, ໂດຍສະເພາະແມ່ນ ທ່ານ ນາງ ກັນຍາ ແກ້ວມະນີ ເລຂາທິການ ສຕລ ທີ່ໄດ້ຮັບການເລືອກຕັ້ງເປັນຄະນະບໍລິຫານງານ FIFA ຄົນທຳອິດຂອງປະເທດລາວຍິ່ງສະແດງໃຫ້ເຫັນເຖິງຄວາມໄວ້ວາງໃຈຂອງຄະນະບໍລິຫານງານບານເຕະນານາຊາດທີ່ມີຕໍ່ ສຕລ ກໍຄືບຸກຄະລາກອນຂອງປະເທດເຮົາ.             

ທ່ານ ສົມສະຫວາດ ເລັ່ງສະຫວັດ ຍັງໄດ້ແນະນໍາໃຫ້ປະທານ ສຕລ ພ້ອມຄະນະຈົ່ງເສີມຂະຫຍາຍມູນເຊື້ອແລະສືບຕໍ່ພັດທະນາວົງການບານເຕະລາວ ທີ່ຢູ່ພາຍໃຕ້ການຊີ້ນໍາຂອງ ສຕລ ແຕ່ຫົວທີໃຫ້ມີຜົນງານສູງເດ່ນຂື້ນໄປກວ່າເກົ່າ, ພ້ອມນັ້ນກໍໃຫ້ເພີ່ມທະວີການພົວພັນກັບສະຫະພັນບານເຕະພາກພື້ນ ແລະ ສາກົນໃຫ້ຫຼາຍຂື້ນເພື່ອແລກປ່ຽນບົດຮຽນແລະປະສົບການໃຫ້ນັກກິລາລາວແລະພະນັກງານລາວໄດ້ມີມາດຕະຖານຫຍັບໃກ້ເຂົ້າກັບພາກພື້ນແລະສາກົນ. ທ່ານກ່າວວ່າ: ເພື່ອກ້າວເຂົ້າສູ່ປີ2023ດວ້ຍຜົນງານແລະໄຊຊະນະ ພວກເຮົາຕ້ອງຮີບຮ້ອນຈັດຕັ້ງຜັນຂະຫຍາຍແຜນການຂອງສຕລ ໄປສູ່ການຈັດຕັ້ງປະຕິບັດໃຫ້ມີຜົນສຳເລັດແລະຂ້າພະເຈົ້າມີຄວາມເຊື່ອໝັ້ນວ່າພາຍໃຕ້ການນຳພາຂອງ ທ່ານ ວີເພັດ ສີຫາຈັກຣ ປະທານ ສຕລ ແລະ ມີເລຂາທິການ ສຕລເປັນຄະນະບໍລິຫານງານຂອງFIFA ສຕລຈະຍາດໄດ້ຜົນງານເດ່ນຂື້ນໄປເລື້ອຍໆ.

ເລຂາທິການ ສະຫະພັນບານເຕະແຫ່ງຊາດລາວ ສູ່ ການເປັນຄະນະບໍລິຫານງານ ອົງກອນກິລາລະດັບໂລກ FIFA.

ທ່ານ ນາງ ກັນຍາ ແກ້ວມະນີ ເລຂາທິການ ສະຫະພັນບານເຕະ ແຫ່ງຊາດລາວ ໄດ້ຮັບການເລືອກຕັ້ງ ເປັນຄະນະບໍລິຫານງານ ສະຫະພັນບານເຕະນາໆຊາດ ຫລື FIFA ສົກປີ 2023-2027 ທີ່ ກອງປະຊຸມໃຫຍ່ ສະຫະພັນບານເຕະອາຊີ ຄັ້ງທີ 33 ທີ່ປະເທດບາເຣນ.  ທ່ານ  ນາງ ກັນຍາ ແກ້ວມະນີ ໄດ້ຖືກສະເໜີ ຊື່ ຈາກ ສະຫະພັນບານເຕະແຫ່ງຊາດລາວ ເຂົ້າເລືອກຕັ້ງ ໃນຕຳແໜ່ງຄະນະບໍລິຫານງານ FIFA ຫລື FIFA Council Member ໂດຍຕຳແໜ່ງດັ່ງກ່າວແມ່ນຈະເປັນຕົວແທນຈາກທະວີບອາຊີ ໃນເວທີບໍລິຫານກິລາບານເຕະລະດັບໂລກ ເຊິ່ງຕົວແທນ ຈາກທະວີບອາຊີ ຈະມີ 6 ທ່ານ ທີ່ຕ້ອງຜ່ານການເລືອກຕັ້ງຈາກຊາດສະມາຊິກຂອງ ສະຫະພັນບານເຕະອາຊີ ໂດຍບັນດາທ່ານ ທີ່ຖືກເລືອກຕັ້ງໃນຄັ້ງນີ້ໄດ້ແກ່:

1. ທ່ານ ນາງກັນຍາ ແກ້ວມະນີ ເລຂາທິການ ສະຫະພັນບານເຕະແຫ່ງຊາດລາວ

2. ທ່ານ Hamad bin Khalifa bin Ahmed al-Thani ປະທານ ສະຫະພັນບານເຕະກາຕ້າ

3. ທ່ານ Yasser Al-Misehal  ປະທານ ສະຫະພັນບານເຕະຊາອຸດິອາເຣເບຍ

4. ທ່ານ Kozo Tashima  ປະທານ ສະພັນບານເຕະຢີ່ປຸ່ນ 

5. ທ່ານ Mariano V. Araneta ປະທານ ສະຫະພັນບານເຕະຟິລິບປິນ

6. ທ່ານ Datuk Hamidin Mohd Amin ປະທານສະຫະພັນບານເຕະມາເລເຊຍ

ທັ້ງນີ້ ທ່ານ ນາງ ກັນຍາ ແກ້ວມະນີ້ ແມ່ນສະມາຊິກຈາກປະເທດລາວຄົນທຳອິດທີ່ ໄດ້ຮັບຕຳແໜ່ງໃນການເປັນຄະນະບໍລິຫານງານ FIFA ເຊິ່ງປັດຈຸບັນຖືວ່າເປັນ ອົງກອນກິລາທີ່ໃຫຍ່ທີ່ສຸດໃນໂລກ ຮັບຜິດຊອບການພັດທະນາກິລາບານເຕະ ແລະ ຈັດການແຂ່ງຂັນກິລາຍອດນິຍົມສູງສຸດໃນໂລກ ກໍຄື ການແຂ່ງຂັນບານໂລກ ຫລື FIFA World Cup.

ເດືອນມີນາ 2023 ສປປ ລາວ ໄດ້ຮັບກຽດເປັນເຈົ້າພາບ ການແຂ່ງຂັນບານເຕະຍິງ ຊີງແຊ້ມອາຊີ ຮຸ່ນອາຍຸບໍ່ເກີນ 20 ປີ ຮອບຄັດເລືອກ AFC U20 WOMEN'S ASIAN CUP 2024 ROUND 1

 ການແຂ່ງຂັນບານເຕະຍິງ ຊີງແຊ້ມອາຊີ ຮຸ່ນອາຍຸບໍ່ເກີນ 20 ປີ ຮອບຄັດເລືອກ AFC U20 WOMEN'S ASIAN CUP 2024 ROUND 1 ແມ່ນຈະຈັດຂຶ້ນຢູ່ທີ່ ສປປ ລາວ ໂດຍຈະແຂ່ງຂັນໃນລະຫວ່າງ ວັນທີ 08 – 12 ມີນາ 2023 ທີມຊາດລາວ ຢູ່ກຸ່ມ ເອ ຮ່ວມກັບ: ສປ ຈີນ, ເຂດປົກຄອງພິເສດຮົງກົງ ແລະ ຟີລິບປິນ.

ສຳລັບ ທີມຊາດລາວ ແມ່ນໄດ້ເລີ້ມເກັບຕົວຝຶກຊ້ອມ ນັບຕັ້ງແຕ່ ວັນທີ 10 ມັງກອນ 2023 ໂດຍແມ່ນ ທ່ານ ວຽງສະຫວັນ ໄຊຍະບູນ ເປັນຫົວຫນ້າຄູຝຶກ, ຜົນງານຜ່ານມາໄດ້ນຳພາ ທີມບານເຕະຍິງ ນະຄອນຫຼວງວຽງຈັນ ຄວ້າ 2 ແຊ້ມໃນປີ 2022 ຄື: ການແຂ່ງຂັນກິລາບານເຕະແຫ່ງຊາດປະຈຳປີ 2022 ແລະ ງານມະຫະກຳກິລາແຫ່ງຊາດຄັ້ງທີ XI ຊຽງຂວາງ ເກມ, ການຄັດເລືອກນັກກິລາ ແມ່ນໄດ້ເອີ້ນນັກກິລາເກັບຕົວຝຶກຊ້ອມຈຳນວນ 35 ຄົນ ທີ່ມາຈາກຫລາຍແຂວງເຊັ່ນ: ນະຄອນຫຼວງ, ແຂວງຈຳປາສັກ, ແຂວງຫູວງພະບາງ, ແຂວງວຽງຈັນ, ແຂວງອຸດົມໄຊ, ແຂວງສະຫວັນນະເຂດ ແລະ ແຂວງຊຽງຂວາງ, ສ່ວນການຕັດໂຕນັກກິລາ ແມ່ນຈະຕັດເປັນແຕ່ໄລຍະ ເພື່ອກຽມຄວາມພ້ອມ ອຸ່ນເຄື່ອງກັບປະເທດເພື່ອນບ້ານ ໃນຕົ້ນເດືອນກຸມພາ.

ຕາຕະລາງ ການແຂ່ງຂັນຂອງ ທີມຊາດລາວ

- ວັນທີ 08 ມີນາ 2023 ເວລາ 19:30 ລາວ ພົບ ເຂດປົກຄອງພິເສດຮົງກົງ

- ວັນທີ 10 ມີນາ 2023 ເວລາ 19:30 ຟີລິບປິນ ພົບ ລາວ

- ວັນທີ 12 ມີນາ 2023 ເວລາ 19:30 ຈີນ ພົບ ລາວ

ທຸກໆນັດແມ່ນແຂ່ງຂັນຢູ່ທີ່ສະຫນາມກິລາແຫ່ງຊາດຫຼັກ 16 .

ໃນຕອນເຊົ້າ ວັນທີ 15 ມັງກອນ 2023 ໄດ້ມີພິທີເປີດສູນຝຶກກິລາບານເຕະ ຈໍາປີ-ຈໍາປາ ແຫ່ງທີ 2 ຂຶ້ນທີ່ສະໜາມກິລາບານເຕະ ບ້ານນາຫຼວງ ແຂວງຫຼວງພະບາງ. ພາຍໃຕ້ການສະໜັບສະໜູນຈາກໂຄງການພັດທະນາຄວາມອາດສາມາດຂອງສະຫະພັນບານເຕະນາໆຊາດ FIFA Talent Development Scheme, ໃຫ້ກຽດເປັນປະທານກ່າວເປີດໂດຍ ທ່ານ ດຣ ໄຊຊະນະ ທອງຄຳຈັນ ຄະນະບໍລິຫານງານ ສຕລ, ທ່ານ ຄໍາປະສົງ ດິດຍະວົງ ຄະນະບໍລິຫານງານ ສຕຂ, ທ່ານ ນາງ ກັນຍາ ແກ້ວມະນີ ເລຂາທິການ ສຕລ, ທ່ານ Sundram Moorthy ຫົວໜ້າພະແນກເຕັກນິກວິທະຍາ ພ້ອມດ້ວຍຄະນະຄູຝຶກ ສຕລ, ຄະນະຄູຝຶກ ສຕຂ, ຕົວແທນນັກກິລາທີມຊາດລາວ U-19, ນັກກິລາເຍົາວະຊົນແຂວງຫຼວງພະບາງ ແລະ ພໍ່ແມ່ຜູ້ປົກຄອງນັກກິລາເຂົ້າຮ່ວມ.
ທ່ານ ດຣ ໄຊຊະນະ ກ່າວວ່າ: ຈຸດປະສົງຂອງໂຄງການດັ່ງກ່າວແມ່ນເປີດໃຫ້ບັນດາເຍົາວະຊົນ ໄດ້ມີໂອກາດຝຶກຊ້ອມ ແລະ ຫຼິ້ນກິລາບານເຕະ ເພື່ອພັດທະນາໂຕເອງກ້າວຂື້ນໄປສູ່ລະດັບທີມຊາດໃນອານາຄົດ.
ໂຄງການດັ່ງກ່າວແມ່ນເລີ່ມຝຶກແອບແຕ່ວັນທີ 10 ມັງກອນ 2023 ເປັນຕົ້ນມາ ເບື້ອງຕົ້ນມີນັກກິລາເຍົາວະຊົນເຂົ້າຮ່ວມຝຶກແອບ 56 ຄົນ ແລະ ມີຄູຝຶກ 4 ທ່ານ, ການຝຶກແອບແມ່ນຈະຝຶກແອບສະເພາະວັນເສົາ-ທິດ ເວລາ 7:30 ຫາ 9:30 ໂດຍແມ່ນທາງ ສຕລ ເປັນຜູ້ອອກຫຼັກສູດການຝຶກສອນໃຫ້ໃນແຕ່ລະທິດ.
#FIFATalentDevelopmentScheme
#ChampiChampaFootballTrainingCenter
#Luangprabangprovince

ນະຄອນຫລວງວຽງຈັນ ວັນທີ 27 ທັນວາ 2022 – ສະຫະພັນບານເຕະແຫ່ງຊາດລາວໄດ້ຈັດກອງປະຊຸມໃຫຍ່ ສະໄໝສາມັນ ສະຫະພັນບານເຕະແຫ່ງຊາດລາວ ປະຈໍາປີ 2022 ຂຶ້ນ ໃນຕອນເຊົ້າຂອງວັນອັງຄານ ວັນທີ 27 ທັນວາ 2022 ທີ່ ໂຮງແຮມ ເມືອງແທ໋ງ ວຽງຈັນ, ນະຄອນຫຼວງວຽງຈັນ ພາຍໃຕ້ການເປັນປະທານຂອງທ່ານ ວີເພັດ ສີຫາຈັກຣ ປະທານ ສະຫະພັນບານເຕະແຫ່ງຊາດລາວ. ເປັນກຽດເຂົ້າຮ່ວມກອງປະຊຸມຄັ້ງນີ້ີມີ ທ່ານ ສົມສະຫວາດ ເລັ່ງສະຫວັດ ປະທານກິຕິມະສັກ ສະຫະພັນບານເຕະແຫ່ງຊາດລາວ, ທ່ານ ນາງ ຂັນທະລີ ສີຣິພົງພັນ ຮອງລັດຖະມົນຕີ ກະຊວງສຶກສາທິການ ແລະ ກິລາ, ທ່ານ ພົນໂທ Khiiev Sameth ປະທານ ສະຫະພັນບານເຕະ ອາຊຽນ (AFF President), ຜູ້ຕາງໜ້າຈາກ FIFA, ຜູ້ຕາງໜ້າຈາກ AFC, ຄະນະບໍລິຫານງານ ສຕລ, ຜູ້ແທນຈາກບັນດາສະຫະພັນບານເຕະແຂວງ, ຜູ້ຕາງໜ້າຈາກສະໂມສອນກິລາບານເຕະລາວລີກ 1 ປະຈໍາປີ 2022 ແລະ ບັນດາສື່ມວນຊົນ ພ້ອມດ້ວຍ ບັນດາວິຊາການ ສຕລ.

ຈູດປະສົງຂອງກອງປະຊຸມໃນມື້ນີ້ແມ່ນເພື່ອສະຫຼຸບການເຄື່ອນໄຫວວຽກງານຂອງ ສຕລ ປະຈໍາປີ 2022 ແລະ ສະເໜີແຜນຈັດຕັ້ງປະຕິບັດກິດຈະກໍາ ປະຈໍາປີ 2023.

ຂຶ້ນກ່າວຕ້ອນຮັບ ແລະ ເປີດກອງປະຊຸມຢ່າງເປັນທາງການໂດຍ ທ່ານວີເພັດ ສີຫາຈັກຣ ປະທານສະຫະພັນບານເຕະແຫ່ງຊາດລາວ.

ຈາກນັ້ນທ່ານ ພົນໂທ Khiev Smeth ປະທານ ສະຫະພັນບານເຕະອາຊຽນ ກໍ່ໄດ້ຂຶ້ນມີຄໍາເຫັນ ເຊິ່ງເພິ່ນກໍ່ໄດ້ສະແດງຄວາມຊົມເຊີຍຕໍ່ຜົນງານທີ່ທາງ ສະຫະພັນບານເຕະແຫ່ງຊາດ ໄດ້ປະຕິບັດຜ່ານມາ.

ໃນກອງປະຊຸມ ທ່ານ ນາງ ກັນຍາ ແກ້ວ ມະນີ ເລຂາທິການ ສະຫະພັນບານເຕະແຫ່ງຊາດລາວ ໄດ້ດຳເນີນວາລະກອງປະຊຸມ ໂດຍຜູ້ເຂົ້າຮ່ວມໄດ້ຮັບຊົມວີດີໂອການລາຍງານການເຄື່ອນໄຫວວຽກງານ ສຕລ ປະຈໍາປີ2022 ປະກອບມີ ວຽກງານຈັດການແຂ່ງຂັນ, ວຽກງານທີມຊາດ, ວຽກງານກຳມະການຕັດສິນ, ວຽກງານສື່ມວນຊົນ, ວຽກນງານນິຕິກຳ, ວຽກງານທີມຊາດ ແລະ ວຽກງານເຕັກນິກ - ວິທະຍາ, ວຽກງານບໍລິຫານ - ບຸກຄະລາກອນ ແລະ ວຽກງານການເງິນ. ນອກນັ້ນ ຍັງມີການລາຍງານ ເອກະສານການລາຍງານການເງິນ ທີ່ໄດ້ຮັຍການກວດສອບ ຈາກບໍລິສັດກວດສອບບັນຊີພາຍນອກ.

ຫລັງຈາກນັ້ນ ທ່ານ ວີເພັດ ສີຫາຈັກຣ ປະທານສະຫະພັນບານເຕະແຫ່ງຊາດລາວ ໄດ້ຂຶ້ນສະເໜີ ແຜນ ກິດຈະການເຄື່ອນໄຫວວຽກງານປະຈຳປີ 2023 ແລະ ແຜນງານງົບປະມານ ທີ່ຈະນໍາໃຊ້ໃນປີ 2023.

ໂດຍ ໃນປີ 2023 ສຕລ ຈະຈະໄດ້ປັບປຸງຮູບແບບ ແລະ ໂຄງສ້າງຂອງການແຂ່ງຂັນ ພ້ອມດ້ວຍ ຍົກສູງດ້ານປະສິດທິພາບຂອງການພັດທະນາບຸກຄະລາກອນ ເພື່ອໃຫ້ແທດເໝາະກັບການພັດທະນາຢູ່ໃນ ສປປລາວ, ແລະ ສອດຄ່ອງກັບແນວທາງການພັດທະນາບານເຕະຂອງ ສຕລ.

ການແຂ່ງຂັນບານເຕະຂອງ ສຕລ ໃນສົກປີ 2023 ຈະຖືກແບ່ງອອກເປັນ 2 ປະເພດຫຼັກຄື:

1. ການແຂ່ງຂັນບານເຕະລະດັບເຄີ່ງອາຊີບລະດັບສູງ ເຊິ່ງປະກອບມີ: ການແຂ່ງຂັນ ລາວລີກ 1 (Pepsi Lao League 1), ການແຂ່ງຂັນ LFF CUP

2. ການແຂ່ງຂັນບານເຕະສະໝັກຫຼິ້ນ ປະກອບມີ: ການແຂ່ງຂັນ ລາວລີກ 2 (ການແຂ່ງຂັນປະຈໍາປີຂອງບັນດາແຂວງ/ນະຄອນຫຼວງ), ການແຂ່ງຂັນ ລະດັບມັດທະຍົມ ຕອນຕົ້ນ ແລະ ຕອນປາຍ ພາຍໃນແຂວງ (ຍິງ-ຊາຍ), ການແຂ່ງຂັນ U15 & U18 (ສະເພາະສະໂມສອນໃນລາວລີກ 1), ການແຂ່ງຂັນ ຟຸດຊໍ ລາວລີກ, ການແຂ່ງຂັນ ລາວລີກ ຍິງ ປະຈຳປີ 2023.

ສ່ວນ ວຽກງານຈັດການແຂ່ງຂັນລະດັບທ້ອງຖິ່ນ ສໍາລັບສະຫະພັນບານເຕະແຂວງ/ນະຄອນຫຼວງ ສຕລ ຈະມອບງົບປະມານສະໜັບສະໜູນ ຈໍານວນ 120 ລ້ານກີບ ໃຫ້ແກ່ທຸກໆສະຫະພັນບານເຕະແຂວງ ແລະ ນະຄອນຫຼວງວຽງຈັນ ເພື່ອນໍາໄປຈັດການແຂ່ງຂັນ 5 ລາຍການ ດັ່ງຕໍ່ໄປນີ້:

• ການແຂ່ງຂັນ ລາວລີກ 2 (ການແຂ່ງຂັນປະຈໍາປີຂອງບັນດາແຂວງ/ນະຄອນຫຼວງງ

• ການແຂ່ງຂັນ ລະດັບມັດທະຍົມ ຕອນຕົ້ນ ປະເພດຊາຍ ພາຍໃນແຂວງ/ນະຄອນຫຼວງ

• ການແຂ່ງຂັນ ລະດັບມັດທະຍົມ ຕອນປາຍ ປະເພດຊາຍ ພາຍໃນແຂວງ/ນະຄອນຫຼວງ

• ການແຂ່ງຂັນ ລະດັບມັດທະຍົມ ຕອນຕົ້ນ ປະເພດຍິງ ພາຍໃນແຂວງ/ນະຄອນຫຼວງ

• ການແຂ່ງຂັນ ລະດັບມັດທະຍົມ ຕອນປາຍ ປະເພດຍິງ ພາຍໃນແຂວງ/ນະຄອນຫຼວງ

ພ້ອມດຽວກັນນັ້ນຍັງຈະໄດ້ມີການຈັດຝຶກອົບຮົມພັດທະນາສະໂມສອນ ແລະ ບຸກຄະລາກອນຈັດການແຂ່ງຂັນ, ຝຶກອົບກຳມະການຕັດສິນ ແລະ ຝຶກອົບຮົມຄູຝຶກອີກດ້ວຍ.

ໃນທ້າຍກອງປະຊຸມ ພະນະທ່ານ ສົມສະຫວາດ ເລັ່ງສະຫວັດ ປະທານກິດຕິມະສັກ ສະຫະພັນບານເຕະແຫ່ງຊາດລາວ ກໍໄດ້ກ່າວໂອ້ລົມຕໍ່ກອງປະຊຸມ ໂດຍໄດ້ຊົມເຊີຍ ຜົນງານການປະຕິບັດວຽກງານຂອງ ຄະນະບໍລິຫານງານຂອງ ສຕລ, ຄວາມສາມັກຄີ ແລະ ການເອົາໃຈໃສ່ພັດທະນະກິລາບານເຕະ ລະຫວ່າງ ສຕລ ແລະ ສະຫະພັນບານເຕະແຂວງ/ນະຄອນຫລວງ, ສະແດງຄວາມຂອບໃຈຕໍ່ FIFA, AFC ແລະ AFF ທີ່ສືບຕໍ່ຊ່ວຍເຫລືອກິລາບານເຕະລາວ ຜ່ານ ສະຫະພັນບານເຕະແຫ່ງຊາດລາວ, ຂອບໃຈຕໍ່ການນໍາພັກລັດ ທີ່ເອົາໃຈໃສ່ສະໜັບສະໜູນວຽກງານກິລາບານເຕະ ແລະ ເພີ່ນກໍ່ໄດ້ສະເໜີໃຫ້ກະຊວງສຶກສາທິການ ແລະ ກິລາ ເພີ້ມທະວີສະໜັບສະໜູນກິລາບານເຕະຂອງແຕ່ລະແຂວງ ແລະ ສະເໜີໃຫ້ແຕ່ລະແຂວງປັບປຸງການຈັດຕັ້ງພາຍໃນແຂວງຕົນເອງອີກດ້ວຍ.

ຈາກນັ້ນປະທານສະຫະພັນບານເຕະແຫ່ງຊາດໄດ້ຂຶ້ນກ່າວສະຫຼຸບ ແລະ ປິດກອງປະຊຸມຢ່າງເປັນທາງການ.