ການແຂ່ງຂັນກິລາເຕະບານ ສະຫວັນນະເຂດ ລາວລີກ 2 ປະຈໍາປີ 2024 ໄດ້ດຳເນີນມາແຕ່ວັນທີ 8 ມິຖຸນາ 2024 ເປັນຕົ້ນມາ, ທີ່ສະໜາມກິລາແຂວງ ຫຼັກ 4, ໂດຍມີ 8 ທີມເຂົ້າຮ່ວມຊີງໄຊ ປະກອບມີ: ສະຫວັນ ຢູໄນເຕັດ, ອີໂວ້ ສະຫວັນ, ເຮືອເຫຼັກ, ໂພໄຊນ້ອຍ, ຮາຢີນາ, ເຊໂນ, ດັກວູ໋ບ ແລະ ມະຫາວິທະຍາໄລສະຫວັນນະເຂດ.

     ການແຂ່ງນັດສຸດທ້າຍໄດ້ມີຂຶ້ນ ວັນທີ 14 ກັນຍາ 2024 ທີ່ສະຫນາມ ກິລາແຂວງ ຫຼັກ 4 ໂດຍຄູ່ສຸດທ້າຍ ເປັນການພົບກັນລະຫວ່າງ ສະຫວັນ ຢູໄນເຕັດ ທີມອັນດັບ 1 ພົບ ເຮືອເຫຼັກທີມອັນດັບ2 . ຜ່ານການແຂ່ງຂັນຜົນປະກົດວ່າ ສະຫວັນ ຢູໄນເຕັດ ເອົາຊະນະ ເຮືອເຫຼັກ 4-0 ຄວ້າແຊ້ມສະໄຫມທີ 2 ລາວລີກ 2 ແຂວງສະຫວັນນະເຂດ ໄປຄອງ ຕໍ່ຈາກປີ 2023.

     ສະຫລຸບ ຕາຕະລາງຄະແນນ ສະຫວັນ ຢູໄນເຕັດ ແຂ່ງຂັນ 14 ນັດ ຊະນະ 13 ນັດ ເສຍ 1 ນັດ ມີ 39 ຄະແນນ ໄດ້ຮັບຂັນແຊ້ມ,ຫລຽນ ແລະ ເງິນ 20 ລ້ານກີບ, ອັນດັບ 2 ເຮືອເຫຼັກ ແຂ່ງ 14 ນັດ ຊະນະ 12 ເສຍ 2 ນັດ ມີ 36 ຄະແນນ ໄດ້ຮັບເງິນ 12 ລ້ານ, ອັນດັບ 3 ອີໂວ ສະຫວັນ ໄດ້ຮັບເງິນ 7 ລ້ານ, ອັນດັບ 4 ດັກວຸ໋ບ , ອັນດັບ 5 ເຊໂນ, ອັນດັບ 6 ໂພໄຊນ້ອຍ , ອັນດັບ 7 ຮາຢີນາ ແລະ ອັນດັບ 8 ມະຫາວິທະຍາໄລສະຫວັນນະເຂດ , ອັນດັບ 4-8 ແມ່ນໄດ້ຮັບເງິນທີມລະ 2 ລ້ານກີບ. ຂະນະ ທີ່ລາງວັນປະເພດບຸກຄົນ ມີ 4ລາງວັນຄືຕົກເປັນຂອງສະໂມສອນ ສະຫວັນ ຢູໄນເຕັດ ທັງຫມົດ ຜູ້ຮັກສາປະຕູດີເດັ່ນ ສັນຕິສຸກ ນ້ອຍວິໄລ, ຄູຝຶກດີເດັ່ນ ທ່ານ ອຸລະ ນ້ອຍວິໄລ ພ້ອມດ້ວຍຄະນະຄູຝຶກ , ຜູ້ຍິງປະຕູສູງສຸດ ຈິດຕະກອນ ວໍລະເດດ ຍິງໄດ້ 23 ປະຕູ ແລະ ນັກກິລາດີເດັ່ນ ເອກກະໄມ ລາດຊະຈັກ.

     ເຂົ້າຮ່ວມພິທີປິດການແຂ່ງຂັນມີ ທ່ານ ຄຳໄພ ປຣະເສີດ ຮອງປະທານ ສະຫະພັນບານເຕະແຫ່ງຊາດລາວ, ທ່ານ ທ່ອນແກ້ວ ພຸດທະໄກຍະລາດ ປະທານກິດຕິມະສັກ ສະຫະພັນບານເຕະແຂວງສະຫວັນນະເຂດ , ທ່ານ ໄພສານ ຈັນສີນາ ປະທານສະຫະພັນບານເຕະແຂວງສະຫວັນນະເຂດ ພ້ອມດ້ວຍແຂກຖືກເຊີນ, ສື່ມວນຊົນ ແລະ ແຟນບານເຂົ້າຮ່ວມ.

     ສຳລັບສະໂມສອນ ສະຫວັນ ຢູໄນເຕັດ ຊະນະເລີດ ສະຫວັນນະເຂດ ລີກ 2 ແມ່ນໄດ້ຮັບສິດເຂົ້າຮ່ວມການແຂ່ງຂັນ ຊິງຂັນພະນະທ່ານ ນາຍົກລັດຖະມົນຕີ ແຫ່ງ ສປປ ລາວ ລະດູການ 2024/25 ເຊິ່ງຈະເລີ່ມການແຂ່ງຂັນໃນທ້າຍປີ 2024 ນີ້.

        ຕອນເຊົ້າ ວັນທີ 11 ກັນຍາ 2024 ຢູ່ທີ່ຫ້ອງປະຊຸມ ສະຫະພັນບານເຕະແຫ່ງຊາດລາວ(ສຕລ) ໄດ້ມີພິທີເປີດຊຸດຝຶກອົບຮົມກຳມະການຕັດສິນ ເພື່ອກຽມຄວາມພ້ອມໃຫ້ແກ່ການແຂ່ງຂັນບານເຕະ ເປບຊີ ລາວລີກ 1 ລະດູການ 2024/2025 PEPSI LAO LEGUE 1 SEASON 2024/2025 ໂດຍໃຫ້ກຽດເຂົ້າຮ່ວມພິທີເປີດຂອງ ທ່ານ ຄຳແພງ ວົງຂັນຕີ ຮອງປະທານ ສຕລ ທັງເປັນຫົວຫນ້າອະນຸກຳມະການຕັດສິນ, ທ່ານ ທອງປະເສີດ ພອນສິຣິຍະວົງ ຄະນະອະນຸກຳມະການຕັດສິນ ສຕລ, ທ່ານ ໄຊປະເສີດ ພົງຊະນິດ ຫົວໜ້າພະແນກກຳມະການຕັດສິນ ສຕລ ທັງເປັນຜູ້ຝຶກສອນກຳມະການຕັດສິນ ສຕລ, ພ້ອມດວ້ຍຜູ້ປະເມີນກຳມະການຕັດສິນ, ວິຊາການພະແນກກໍາມະການຕັດສິນ ສຕລ ແລະ ຜູ້ຝຶກອົບຮົມເຂົ້າຮ່ວມທັງໝົດ 40 ຄົນ ເປັນຍິງ 3 ຄົນ.

ໂອກາດນີ້, ທ່ານ ຄຳແພງ ວົງຂັນຕີ ໄດ້ຮຽກຮ້ອງໃຫ້ກຳມະການຕັດສິນທີ່ເຂົ້າຮວ່ມຝຶກອົບຮົມໃຫ້ເອົາໃຈໃສ່ກຳແໜ້ນຢ່າງລະອຽດກ່ຽວກັບກົດລະບຽບກະຕິກາທີ່ທາງສະຫະພັນບານເຕະສາກົນ(FIFA)ໄດ້ປັບປຸງໃໝ່ 2024.ການຝຶກອົບຮົມ,ນອກຈາກກຽມຄວາມພ້ອມເຂົ້າຮ່ວມຕັດສິນ ການແຂ່ງຂັນບານເຕະ ເປບຊີ ລາວລີກ 1 ລະດູການ 2024/2025 ແລ້ວຍັງເປັນການກຽມຄວາມພ້ອມທາງດ້ານກະຕິກາ, ພາລະກໍາລັງ, ອັບເດດ ກະຕິກາ ຟີຟາ ປັບປຸງໃຫມ່ 2024ຕື່ມອີກ ເຊິ່ງການຝຶກອົບຮົມຈະໄດ້ດໍາເນີນການຝຶກອົບຮົມ 3ວັນ,ຄືນັບແຕ່ວັນທີ 11 -13 ກັນຍາ 2024.

       ການແຂ່ງຂັນ ເປບຊີ ລາວລີກ 1 ລະດູການ 2024/2025 ມີ 8 ສະໂມສອນ ເຂົ້າຮ່ວມປະກອບມີ:

1. ສະໂມສອນ ກິລາບານເຕະ ຊ້າງນ້ອຍ.

2. ສະໂມສອນ ກິລາບານເຕະ ມາດສເຕີ

3. ສະໂມສອນ ກິລາບານເຕະ ເອສະຣາ

4. ສະໂມສອນ ກິລາບານເຕະ ກອງທັບ

5. ສະໂມສອນ ກິລາບານເຕະ ຫຼວງພະບາງ

6. ສະໂມສອນ ກິລາບານເຕະ ຈຳປາສັກ

7. ສະໂມສອນ ກິລາບານເຕະ ນໍ້າທາ

8. ສະໂມສອນ ກິລາບານເຕະ ວຽງຈັນ

         ໃນການແຂ່ງຂັນຈະໃຊ້ 6 ສະຫນາມຄື: ສະຫນາມກິລາແຫ່ງຊາດຫຼັກ 16 ( ສະຫນາມນອກ ), ສະຫນາມ ກິລາກອງທັບ ຫຼັກ 5, ສະຫນາມກິລາແຂວງຈຳປາສັກ, ສະຫນາມກິລາແຂວງຫຼວງພະບາງ, ສະຫນາມກິລາແຂວງຫຼວງນ້ຳທາ ແລະ ສະຫນາມກິລາກອງບັນຊາການທະຫານແຂວງວຽງຈັນ.

         ຮູບແບບການແຂ່ງຂັນແມ່ນແບບພົບກັນຫມົດຈຳນວນ 2 ຮອບ ຂາໄປ ແລະ ຂາກັບ ເຊິ່ງຈະເລີ່ມແຂ່ງຂັນນັບຕັ້ງແຕ່ວັນທີ 14 ກັນຍາ 2024 ຫາ ວັນທີ 1 ມີນາ 2025, ຈຳນວນນັດແຂ່ງຂັນທັງຫມົດ 56 ນັດ ທຸກໆນັດແມ່ນມີການຖ່າຍທອດສົດຜ່ານທາງ YOUTUBE: LAOFF TV ສະຫະພັນບານເຕະແຫ່ງຊາດລາວ. ສະໂມສອນທີ່ໄດ້ເປັນແຊ້ມການແຂ່ງຂັນບານເຕະ ເປບຊີ ລາວລີກ 1 ລະດູການ 2024/2025 ຈະໄດ້ເປັນສະໂມສອນ ຕົວແທນຈາກ ສປປ ລາວ ເຂົ້າຮ່ວມການແຂ່ງຂັນລະດັບ AFC CHALLENGE LEAGUE 2025/2026 (ແຕ່ຕ້ອງໄດ້ຮັບໃບອະນຸຍາດຈາກສະໂມສອນລະດັບອາຊີຈື່ງສາມາດເຂົ້າຮ່ວມໄດ້ ) ຫຼື ລາຍການອື່ນໆທີ່ຖືກເຊີນ ສ່ວນອັນດັບຮອງລົງມາຈະໄດ້ພິຈາລະນາຕາມຄວາມເໝາະສົມ.

        ຕາຕະລາງການແຂ່ງຂັນ ອາທິດທຳອິດ ວັນທີ 14 ກັນຍາ 2024 ເວລາ 16:00ມ ເອສະຣາ ພົບ ຈຳປາສັກ ແຂ່ງຂັນຢູ່ທີ່ສະຫນາມກິລາແຫ່ງຊາດ ຫຼັກ 16 ( ສະຫນາມນອກ ), ເວລາ 16:00ມ ວຽງຈັນ ພົບ ຊ້າງນ້ອຍ ແຂ່ງຂັນຢູ່ທີ່ສະຫນາມກິລາກອງບັນຊາການທະຫານແຂວງວຽງຈັນ, ວັນອາທິດ 15 ກັນຍາ 2024 ເວລາ 16:00ມ ກອງທັບ ພົບ ຫຼວງພະບາງ ແຂ່ງຂັນຢູ່ທີ່ສະຫນາມກິລາກອງທັບ ຫຼັກ 5 ແລະ ເວລາ 16:00ມ ມາດສເຕີ ພົບ ນໍ້າທາ ແຂ່ງຂັນຢູ່ທີ່ສະຫນາມກິລາແຫ່ງຊາດຫຼັກ 16 ( ສະຫນາມນອກ ).

ສະຫະພັນບານເຕະແຫ່ງຊາດລາວ(ສຕລ) ໄດ້ສຳເລັດການແຂ່ງຂັນກິລາບານເຕະ ການແຂ່ງຂັນບານເຕະ ລາວລີກ ຍິງ 2024 LAO WOMEN'S LEAGUE 2024 ຂື້ນເມື່ອ ວັນທີ 07 ກັນຍາ 2024 ຢູ່ທີ່ສະຫນາມສູນຝຶກສະຫະພັນບານເຕະແຫ່ງຊາດລາວ ສະຫນາມ 1 ພາຍຫຼັງດໍາເນີການແຂ່ງຂັນມາແຕ່ວັນທີ 15 ມິຖຸນາ 2024.

 ການແຂ່ງຂັນບານເຕະລາວລີກຍິງ ປະຈຳປີ 2024 ( Lao Women's League 2024) ມີ10 ທີມ ເຂົ້າຮ່ວມປະກອບມີ:

1. ກອງທັບ

2. ນ້ຳທາ

3. ຈຳປາສັກ

4. ຫຼວງພະບາງ

5. ມາສເຕີ້ ເຊເວັ້ນ

6. ທ່າຊ້າງ

7. ເອັສອີຊີ

8. ປາກຊັນ

9. ມະຫາວິທະຍາໄລແຫ່ງຊາດລາວ

10. ວຽງຈັນ

          ການແຂ່ງຂັນຄັ້ງນີ້ໄດ້ນຳໃຊ້ 8 ສະຫນາມຄື: ກິລາແຫ່ງຊາດຫຼັກ 16 ສະຫນາມໃນ, ກິລາແຫ່ງຊາດຫຼັກ 16 ສະຫນາມນອກ,ສູນຝຶກຫ້ວຍຫົງ ( 2 ສະຫນາມ),ກິລາກາງມະຫາວິທະຍາໄລແຫ່ງຊາດລາວ,ກິລາກອງທັບ ຫຼັກ 5,ກິລາກອງບັນຊາການທະຫານແຂວງວຽງຈັນ ແລະສະຫນາມກິລາສະຖານບັນກິລາ-ກາຍຍະກຳ ( ສີເກີດ ).

 ສະຫລຸບຜົນການແຂ່ງຂັນ ອັນດັບ 1 ມາສເຕີ້ ເຊເວັ້ນ ໄດ້ຮັບຂັນແຊັມພ້ອມເງິນລາງວັນ 300 ລ້ານກີບ ເຊິ່ງເປັນແຊ້ມປະຫວັດສາດຂອງ ສະໂມສອນ , ອັນດັບ 2 ກອງທັບ ໄດ້ຮັບເງິນ 100 ລ້ານກີບ, ອັນດັບ 3 ຫຼວງພະບາງ ໄດ້ຮັບເງິນ 50 ລ້ານກີບ, ອັນດັບ 4 ເອັສອີຊີ , ອັນດັບ 5 ທ່າຊ້າງ, ອັນດັບ 6 ຈຳປາສັກ, ອັນດັບ 7 ມຊ, ອັນດັບ 8 ນໍ້າທາ, ອັນດັບ 9 ປາກຊັນ ແລະ ອັນດັບ 10 ວຽງຈັນ. ນອກຈາກນັ້ນ,ຍັງມີລາງວັນປະເພດບຸກຄົນມີ: ລາງວັນນັກກິລາທີ່ຍິງປະຕູສູງສຸດ ແລະ ລາງວັນນັກກິລາດີເດັ່ນ ແມ່ນ ໃຈຄຳ ໄຊຍະປະເສີດ ຈາກ ສະໂມສອນ ບານເຕະ ມາສເຕີ້ ເຊເວັ້ນ ລົງສະຫນາມ 18 ນັດ ຍິງໄດ້ 42 ປະຕູ ໄດ້ຮັບຂັນລາງວັນ, ລາງວັນຜູ້ຮັກສາປະຕູດີເດັ່ນ ລີ່ນ້າ ລັດສະຫມີ ຈາກ ສະໂມສອນ ບານເຕະ ຫຼວງພະບາງ ເສຍ 8 ປະຕູ ຈາກການລົງສະຫນາມ 18 ນັດ ໄດ້ຮັບຂັນລາງວັນ 1 ຫນ່ວຍ, ລາງວັນ ຄູຝຶກດີເດັ່ນ ທ່ານ ຕົ້ນ ເພັດເພັງທອງ ຈາກ ສະໂມສອນ ບານເຕະ ມາສເຕີ້ ເຊເວັ້ນ ໄດ້ຮັບຂັນລາງວັນ 1 ໜວ່ຍ.

ເຂົ້າຮ່ວມພິທີປິດມີ ທ່ານ ນາງ ກັນຍາ ແກ້ວມະນີ ຮອງປະທານ ສະຫະພັນບານເຕະແຫ່ງຊາດລາວ, ທ່ານ ພັທ ຖາວອນ ຫຼວງຈັນດາວົງ, ທ່ານ ປອ ບຸນຍູ້ ສີສານ, ທ່ານ ດຣ ໄຊຊະນະ ທອງຄຳຈັນ, ທ່ານ ນ.ພູໄຊ ແພງພົງ ຄະນະບໍລິຫານງານ ສະຫະພັນບານເຕະແຫ່ງຊາດລາວ ພ້ອມດ້ວຍ ທ່ານ ທອນແກ້ວ ສີຫາວົງ ຕົວແທນຈາກ ບໍລິສັດ ລາວໂທລະຄົມ ມະຫາຊົນ ຈຳກັດ ແລະ ບັນດາແຟນບານເຂົ້າຮ່ວມຮັບຊົມການແຂ່ງຂັນ.

ສະຫະພັນບານເຕະແຫ່ງຊາດລາວ(ສຕລ) ໄດ້ປະກາດແຕ່ງຕັ້ງ ທ່ານ ຈອງ ເຈ ຄວອນ(Jung Jae-kwon) ເປັນຫົວໜ້າຄູຝຶກ ທີມຊາດລາວຮຸ່ນອາຍຸບໍ່ເກີນ20ປີຫຼື U20ຄົນໃໝ່ເພື່ອຄຸມທິມເຂົ້າຮ່ວມ ລາຍການແຂ່ງຂັນບານເຕະ ຊີງແຊ້ມອາຊີ U20 ຮອບຄັດເລືອກ 2025 ຈັດຂຶ້ນ ວັນທີ 25-29 ກັນຍາ 2024 ( AFC U20 ASIAN CUP 2025 Qualifiers ).

  ສຳລັບປະຫວັດ ຂອງ ທ່ານ ຈອງ ເຈ ຄວອນ ແມ່ນ ເກິດ ວັນທີິ ວັນທີ 5 ພະຈິກ 1970 ເປັນຄົນສັນຊາດ ສ. ເກົາຫລີ, ອະດີດ ກອງຫນ້າ ທີມຊາດ ສ. ເກົາຫລີ ໂດຍລົງສະຫນາມ ທີມຊາດຊຸດໃຫຍ່ ທັງຫມົດ 15 ນັດ ຍິງໄດ້ 3 ປະຕູ ແລະ ທີມຊາດ ສ.ເກົາຫລີ U23 ລົງສະຫນາມ 10 ນັດ ຍິງໄດ້ 3 ປະຕູ, ສ່ວນຜົນງານລະດັບສະໂມສອນ ມີຄື:

- ປີ 1993 ຫລິ້ນໃຫ້ກັບ ສະໂມສອນ Industrial Bank of Korea

- ປີ 1994-1999 ຫລິ້ນໃຫ້ກັບ ສະໂມສອນ Pusan Daewoo Royals ລົງສະຫນາມ 99 ນັດ ຍິງໄດ້ 20 ປະຕູ

- ປີ 1998 ຫລິ້ນໃຫ້ກັບ ສະໂມສອນ Vitória FC ລົງສະຫນາມ ລົງສະຫນາມ 5 ນັດ ຍິງ ໄດ້ 5 ປະຕູ

- ປີ 2000-2001 ຫລິ້ນໃຫ້ກັບ ສະໂມສອນ Pohang Steelers ລົງສະຫນາມ 17 ນັດ ຍິງໄດ້ 1 ປະຕູ

ຂະນະທີ່ຜົນງານການຄູມທີມມີຄື:

- ປີ 2002 ຄຸມທີມ ສະໂມສອນ Dong-eui University

- ປີ 2003 -2007 ເຮັດວຽກຢູ່ Dongnae Middle School

- ປີ 2008 - ປັດຈຸບັນ ຄູມທີມ ມະຫາວິທະຍາໄລ Hanyang University

ພາລະກິດຫຼັກໃນການມາຄຸມທິມຂອງ ທ່ານ ຈອງ ເຈ ຄວອນ ແມ່ນນຳພາ ທີມຊາດລາວ U20 ເຂົ້າຮ່ວມ ການແຂ່ງຂັນບານເຕະ ຊີງແຊ້ມອາຊີ U20ຮອບຄັດເລືອກ 2025 ຈັດຂຶ້ນ ວັນທີ 25-29 ກັນຍາ 2024 ( AFC U20 ASIAN CUP 2025 Qualifiers ) ຢູ່ ສປປລາວ ໄດ້ຮັບກຽດເປັນເຈົ້າພາບໃນຮອບຄັດເລືອກ ໂດຍ ທີມຊາດລາວ ຢູ່ ຮ່ວມກຸ່ມ G ປະກອບມີ : ອີຣ່ານ, ມົງໂກລີ, ອິນເດຍ ແລະສປປລາວ ( ເຈົ້າພາບ ).

ກ່ອນນັ້ນ,ຄືວັນທີ 14 ສິງຫາ 2024 ສະຫະພັນບານເຕະແຫ່ງຊາດລາວກໍໄດ້ຖະແຫລງຂ່າວການແຕ່ງຕັ້ງ ທ່ານ ຮາ ຮອກ ຈູນ (HA HYEOKJUN) ໄວ 54 ປີ ສັນຊາດ ສ. ເກົາຫລີ ຮັບໜ້າທີ່ເປັນ ຄູຝຶກ ທີມຊາດລາວ ຄົນໃໝ່,ຄຸມທີມຊາດລາວ ຊຸດໃຫຍ່ ແລະທີມຊາດລາວU23 ເພື່ອກຽມທີມຊາດລາວ ຊຸດໃຫຍ່ ເຂົ້າຮ່ວມການແຂ່ງຂັນ ASEAN Mitsubishi Electric Cup 2024 ແລະ ການແຂ່ງຂັນ AFC Asian Cup 2027 ຮອບຄັດເລືອກ ຮອບ 2.

ຕາຕະລາງ ການແຂ່ງຂັນຂອງ ທີມຊາດລາວ U20

- ວັນທີ 25/09/2024

 ເວລາ 19:00 ອີຣ່ານ ພົບ ລາວ

- ວັນທີ 27/09/2024

 ເວລາ 19:00 ລາວ ພົບ ມົງໂກລີ

- ວັນທີ 29/09/2024

 ເວລາ 19:00ອິນເດຍ ພົບ ລາວ

 ທຸກນັດແຂ່ງຂັນຢູ່ທີ່ສະຫນາມກິລາແຫ່ງຊາດຫຼັກ 16

ການແຂ່ງຂັນບານເຕະ ຍິງຊີງແຊ້ມສະໂມສອນ ອາຊີ ລະດູການ 2024-2025 (AFC Women’s Champions League™ 2024/25 ) ຮອບຄັດເລືອກກຸ່ມ ເອ ຈັດຂຶ້ນຢູ່ທີ່ ປະເທດ ຊາອຸດິອາຣັບເບຍ, ນັດສຸດທ້າຍ ວັນທີ 31 ສິງຫາ 2024 ທີ່ຜ່ານມາແຂ່ງຂັນຢູ່ທີ່ສະຫນາມ Al Nassr Club Stadium ສະໂມສອນ ຊ້າງນ້ອຍ ຈາກລາວ ພົບ ສະໂມສອນ ມຽວຢາວະດີ ຈາກມຽນມາ ຜ່ານການແຂ່ງຂັນຜົນປະກົດວ່າ ສະໂມສອນ ຊ້າງນ້ອຍ ເອົາຊະນະ ສະໂມສອນ ມຽວຢາວະດີ 3-0 ໂດຍ ຊ້າງນ້ອຍ ໄດ້ປະຕູຈາກ ເບີ 13 NANAMI SONE ນາທີ 25, ເບີ 6 SAKI YANAGISAWA ນາທີ 45+1, 78 ຈາກໄຊຊະນະ ດັ່ງກ່າວເປັນການຊະນະນັດທຳອິດ ຂອງ ສະໂມສອນ ຊ້າງນ້ອຍ ໃນການເປັນຕົວແທນຈາກ ສະໂມສອນບານເຕະຍິງ ຈາກລາວ ເຂົ້າຮ່ວມລາຍການ ການແຂ່ງຂັນບານເຕະ ຍິງຊີງແຊ້ມສະໂມສອນ ອາຊີ ລະດູການ 2024-2025 (AFC Women’s Champions League™ 2024/25 ).

 ສະຫລູບຕາຕະລາງ ຄະແນນ ອັນດັບ 1 ອາບູ ດາບີ ຄັນທີ ຄຣັບ ຈາກ ສະຫະລັດອາຣັບ ອີມີເຣດ ລົງສະຫນາມ 3 ນັດ ຊະນະ 3 ນັດ ມີ 9 ຄະແນນ, ອັນດັບ 2 ອັລ ນາສເສີ ຈາກ ຊາອຸດິ ອາຣັບເບຍ ລົງສະຫນາມ 3 ນັດ ຊະນະ 2 ນັດ ເສຍ 1 ນັດ ມິ 6 ຄະແນນ, ອັນດັບ 3 ຊ້າງນ້ອຍ ຈາກ ລາວ ລົງສະຫນາມ 3 ນັດ ຊະນະ 1 ນັດ ເສຍ 2 ນັດ ມີ 3 ຄະແນນ ແລະ ອັນດັບ ສຸດທ້າຍ ມຽວຢາວະດີ ຈາກມຽນມາ ລົງສະຫນາມ 3 ນັດ ເສຍ 3 ນັດ. ສຳລັບ ການແຂ່ງຂັນບານເຕະ ຍິງຊີງແຊ້ມສະໂມສອນ ອາຊີ ລະດູການ 2024-2025 (AFC Women’s Champions League™ 2025/26 ) ສະໂມສອນ ຈາກລາວ ໄດ້ສິດເຂົ້າຮ່ວມ 1 ທີມທີ່ ສຳລັບທີມທີ່ເປັນແຊ້ມ ການແຂ່ງຂັນບານເຕະ ລາວລີກ ຍິງ 2024 (ແຕ່ຕ້ອງໄດ້ຮັບໃບອະນຸຍາດຈາກສະໂມສອນລະດັບອາຊີຈື່ງສາມາດເຂົ້າຮ່ວມໄດ້ ).

ທ່ານ ແຮັບປີ້ ສີສົມພອນ ຮອງປະທານສະໂມສອນ ນໍ້າທາ ຢູໄນເຕັດ ກ່າວວ່າ: ເພື່ອເປັນການສ້າງໂອກາດ ແລະ ຜົນປະໂຫຍດແກ່ນັກກິລາ ໂດຍສະເພາະການຝຶກຝົນ ແລະ ແຂ່ງຂັນຢ່າງຕໍ່ເນື່ອງ ສ້າງຜົນງານ,ປະສົບການໃຫ້ດີຂຶ້ນ ເພື່ອຕໍ່ຍອດສູ່ການເປັນນັກເຕະອາຊີບໃນອະນາຄົດ ດັ່ງນັ້ນ, ສະໂມສອນບານເຕະ ນໍ້າທາ ຢູໄນເຕັດ ຈຶ່ງສືບຕໍ່ເຊັນສັນຍາກັບນັກກິລາໃນສັງກັດ ຮຸ່ນອາຍຸບໍ່ເກີນ 19 ປີ (U19) ຈຳນວນ 10 ຄົນ. ສຳລັບນັກກິລາທັງ 10 ຄົນແມ່ນເປັນນັກກິລາທີ່ມີພອນສະຫວັນ-ພອນສະແຫວງ ແລະ ລະບຽບວິໄນດີ ຈະກາຍເປັນກຳລັງຫລັກໃນທີມຊຸດໃຫຍ່ ສົມທົບກັບລຸ້ນອ້າຍ ແລະ ຕ່າງຊາດຊາວຍີ່ປຸ່ນ 2 ຄົນ ກຽມລຸຍ ເປບຊີ ລາວລີກ 1 ລະດູການ 2024/2025. ທ່ານ ແຮັບປີ້ ສີສົມພອນ ໃຫ້ຮູ້ຕື່ມວ່າ: ໃນຈຳນວນນັກກິລາຊຸດນີ້ ອາດມີບາງຄົນທີ່ເຊັນສັນຍາກັບພວກເຮົາ ແຕ່ຈະປ່ອຍໃຫ້ທີມອື່ນຢືມຕົວ ຍ້ອນປັດໃຈເລື່ອງການຮຽນ ເພາະທາງເຮົາໃຫ້ນ້ອງໆເອົາການຮຽນເປັນສຳຄັນ ເພາະສະໂມສອນຕັ້ງຂື້ນມາກໍ່ຍ້ອນຢາກໃຫ້ທຸກຄົນໄດ້ຮັບໂອກາດ ແລະ ອະນາຄົດທີ່ດີ.

         ຜົນງານຂອງ ນໍ້າທາ ຢູໄນເຕັດ ໃນປີທີຜ່ານແມ່ນຍາດໄດ້ ອັນດັບ 7 ໃນການເຂົ້າຮ່ວມ ການແຂ່ງຂັນ ບານເຕະ ເປບຊີ ລາວລີກ 2023 ເຊິ່ງເປັນປີທຳອິດທີ່ສົ່ງທີມເຂົ້າຮ່ວມການແຂ່ງຂັນ.

 ການແຂ່ງຂັນລະດູການນີ້ມີ 8 ສະໂມສອນ ເຂົ້າຮ່ວມປະກອບມີ:

1. ສະໂມສອນ ກິລາບານເຕະ ຊ້າງນ້ອຍ.

2. ສະໂມສອນ ກິລາບານເຕະ ມາສເຕີ້ ເຊເວັ້ນ

3. ສະໂມສອນ ກິລາບານເຕະ ເອສະຣາ

4. ສະໂມສອນ ກິລາບານເຕະ ກອງທັບ

5. ສະໂມສອນ ກິລາບານເຕະ ຫຼວງພະບາງ

6. ສະໂມສອນ ກິລາບານເຕະ ຈຳປາສັກ

7. ສະໂມສອນ ກິລາບານເຕະ ນໍ້າທາ

8. ສະໂມສອນ ກິລາບານເຕະ ວຽງຈັນ

  ໃນການແຂ່ງຂັນຈະໃຊ້ 6 ສະຫນາມຄື: ສະຫນາມກິລາແຫ່ງຊາດຫຼັກ 16 ( ສະຫນາມນອກ ), ສະຫນາມກິລາກອງທັບ ຫຼັກ 5, ສະຫນາມກິລາແຂວງຈຳປາສັກ, ສະຫນາມກິລາແຂວງຫຼວງພະບາງ, ສະຫນາມກິລາແຂວງຫຼວງນ້ຳທາ ແລະ ສະຫນາມກິລາກອງບັນຊາການທະຫານແຂວງວຽງຈັນ.

    ຮູບແບບການແຂ່ງຂັນແມ່ນແຂ່ງຂັນແບບພົບກັນຫມົດຈຳນວນ 2 ຮອບ ຂາໄປ ແລະ ຂາກັບ ເຊິ່ງຈະເລີ່ມແຂ່ງຂັນນັບຕັ້ງແຕ່ວັນທີ 14 ກັນຍາ 2024 ຫາ ວັນທີ 1 ມີນາ 2025, ຈຳນວນນັດແຂ່ງຂັນທັງຫມົດ 56 ນັດ ທຸກໆນັດແມ່ນມີການຖ່າຍທອດສົດຜ່ານທາງ YOUTUBE: LAOFF TV ສະຫະພັນບານເຕະແຫ່ງຊາດລາວ. ສະໂມສອນທີ່ໄດ້ເປັນແຊ້ມການແຂ່ງຂັນບານເຕະ ເປບຊີ ລາວລີກ 1 ລະດູການ 2024/2025 ຈະໄດ້ເປັນສະໂມສອນ ຕົວແທນຈາກ ສປປ ລາວ ເຂົ້າຮ່ວມການແຂ່ງຂັນລະດັບ AFC CHALLENGE LEAGUE 2025/2026 (ແຕ່ຕ້ອງໄດ້ຮັບໃບອະນຸຍາດຈາກສະໂມສອນລະດັບອາຊີຈື່ງສາມາດເຂົ້າຮ່ວມໄດ້ ) ຫຼື ລາຍການອື່ນໆທີ່ຖືກເຊີນ ສ່ວນອັນດັບຮອງລົງມາຈະໄດ້ພິຈາລະນາຕາມຄວາມເໝາະສົມ. ຕາຕະລາງການແຂ່ງຂັນ ອາທິດທຳອິດ ວັນທີ 14 ກັນຍາ 2024 ເວລາ 16:00ມ ເອສະຣາ ພົບ ຈຳປາສັກ ແຂ່ງຂັນຢູ່ທີ່ສະຫນາມກິລາແຫ່ງຊາດ ຫຼັກ 16 ( ສະຫນາມນອກ ), ເວລາ 16:00ມ ວຽງຈັນ ພົບ ຊ້າງນ້ອຍ ແຂ່ງຂັນຢູ່ທີ່ສະຫນາມກິລາກອງບັນຊາການທະຫານແຂວງວຽງຈັນ, ວັນອາທິດ 15 ກັນຍາ 2024 ເວລາ 16:00ມ ກອງທັບ ພົບ ຫຼວງພະບາງ ແຂ່ງຂັນຢູ່ທີ່ສະຫນາມກິລາກອງທັບ ຫຼັກ 5 ແລະ ເວລາ 16:00ມ ມາສເຕີເຊເວັ້ນ ພົບ ນໍ້າທາ ແຂ່ງຂັນຢູ່ທີ່ສະຫນາມກິລາແຫ່ງຊາດຫຼັກ 16 ( ສະຫນາມນອກ ).

        ສະໂມສອນ ວຽງຈັນ ເອັຟຊີ ສະໂມສອນ ທີ່່ມາຈາກແຂວງວຽງຈັນ ປະກາດແຕ່ງຕັ້ງ ທ່ານ ກິດທະໄຊ ວົງສິມ (KISTHACHAI WONGSIM) ອະດີດຄູຝຶກບານເຕະເຍົາວະຊົນ U14, U16, U19 ທີມຊາດໄທ ແລະ ຜູ້ຊ່ວຍຄູຝຶກໃນໄທລີກ 1 ສະໂມສອນໜອງບົວ, ຫົວໜ້າຜູ້ຝຶກສອນ ອຸດອນ ຢູໄນເຕັດ ແລະ ອະດີດຫົວໜ້າຜູ້ຝຶກສອນສະໂມສອນລຳປາງ ໄທລີກ 2 ຄຸມທີມລຸຍ ລາວລີກ 1 ລີກສູງສຸດຂອງລາວ ລະດູການ 2024/2025 ທີ່ຈະເປີດສາກຂຶ້ນໃນເດືອນກັນຍານີ້.

           ທ່ານ ກິດທະໄຊ ວົງສິມ ຫາກໍຜ່ານການເປັນຄູຝຶກລະດັບ A License ຢູ່ສປປ ລາວ ເມື່ອບໍ່ດົນມານີ້ ເປົ້າໝາຍເບື້ອງຕົ້ນ ຈະພະຍາຍາມພາທີມໃຫ້ມີຜົນງານຢູ່ໃນລະດັບກາງຂອງຕາຕະລາງການແຂ່ງຂັນ. ນີ້ເປັນຄັ້ງທຳອິດທີ່ ທ່ານ ກິດທະໄຊ ວົງສິມ ເຂົ້າມາຄຸມສະໂມສອນໃນລາວ ເປັນການເປີດປະສົບການ ແລະ ສິ່ງທ້າທາຍໃໝ່ໃນສາຍອາຊີບຄູຝຶກ.

          ຜົນງານຂອງ ສະໂມສອນ ບານເຕະ ວຽງຈັນ ປີທີ່ຜານມາ ແມ່ນໄດ້ອັນດັບ ສຸດທ້າຍ.

ການແຂ່ງຂັນລະດູການນີ້ມີ 8 ສະໂມສອນ ເຂົ້າຮ່ວມປະກອບມີ:

1. ສະໂມສອນ ກິລາບານເຕະ ຊ້າງນ້ອຍ.

2. ສະໂມສອນ ກິລາບານເຕະ ມາສເຕີ້ ເຊເວັ້ນ

3. ສະໂມສອນ ກິລາບານເຕະ ເອສະຣາ

4. ສະໂມສອນ ກິລາບານເຕະ ກອງທັບ

5. ສະໂມສອນ ກິລາບານເຕະ ຫຼວງພະບາງ

6. ສະໂມສອນ ກິລາບານເຕະ ຈຳປາສັກ

7. ສະໂມສອນ ກິລາບານເຕະ ນໍ້າທາ

8. ສະໂມສອນ ກິລາບານເຕະ ວຽງຈັນ

  ໃນການແຂ່ງຂັນຈະໃຊ້ 6 ສະຫນາມຄື: ສະຫນາມກິລາແຫ່ງຊາດຫຼັກ 16 ( ສະຫນາມນອກ ), ສະຫນາມກິລາກອງທັບ ຫຼັກ 5, ສະຫນາມກິລາແຂວງຈຳປາສັກ, ສະຫນາມກິລາແຂວງຫຼວງພະບາງ, ສະຫນາມກິລາແຂວງຫຼວງນ້ຳທາ ແລະ ສະຫນາມກິລາກອງບັນຊາການທະຫານແຂວງວຽງຈັນ.

    ຮູບແບບການແຂ່ງຂັນແມ່ນແຂ່ງຂັນແບບພົບກັນຫມົດຈຳນວນ 2 ຮອບ ຂາໄປ ແລະ ຂາກັບ ເຊິ່ງຈະເລີ່ມແຂ່ງຂັນນັບຕັ້ງແຕ່ວັນທີ 14 ກັນຍາ 2024 ຫາ ວັນທີ 1 ມີນາ 2025, ຈຳນວນນັດແຂ່ງຂັນທັງຫມົດ 56 ນັດ ທຸກໆນັດແມ່ນມີການຖ່າຍທອດສົດຜ່ານທາງ YOUTUBE: LAOFF TV ສະຫະພັນບານເຕະແຫ່ງຊາດລາວ. ສະໂມສອນທີ່ໄດ້ເປັນແຊ້ມການແຂ່ງຂັນບານເຕະ ເປບຊີ ລາວລີກ 1 ລະດູການ 2024/2025 ຈະໄດ້ເປັນສະໂມສອນ ຕົວແທນຈາກ ສປປ ລາວ ເຂົ້າຮ່ວມການແຂ່ງຂັນລະດັບ AFC CHALLENGE LEAGUE 2025/2026 (ແຕ່ຕ້ອງໄດ້ຮັບໃບອະນຸຍາດຈາກສະໂມສອນລະດັບອາຊີຈື່ງສາມາດເຂົ້າຮ່ວມໄດ້ ) ຫຼື ລາຍການອື່ນໆທີ່ຖືກເຊີນ ສ່ວນອັນດັບຮອງລົງມາຈະໄດ້ພິຈາລະນາຕາມຄວາມເໝາະສົມ. ຕາຕະລາງການແຂ່ງຂັນ ອາທິດທຳອິດ ວັນທີ 14 ກັນຍາ 2024 ເວລາ 16:00ມ ເອສະຣາ ພົບ ຈຳປາສັກ ແຂ່ງຂັນຢູ່ທີ່ສະຫນາມກິລາແຫ່ງຊາດ ຫຼັກ 16 ( ສະຫນາມນອກ ), ເວລາ 16:00ມ ວຽງຈັນ ພົບ ຊ້າງນ້ອຍ ແຂ່ງຂັນຢູ່ທີ່ສະຫນາມກິລາກອງບັນຊາການທະຫານແຂວງວຽງຈັນ, ວັນອາທິດ 15 ກັນຍາ 2024 ເວລາ 16:00ມ ກອງທັບ ພົບ ຫຼວງພະບາງ ແຂ່ງຂັນຢູ່ທີ່ສະຫນາມກິລາກອງທັບ ຫຼັກ 5 ແລະ ເວລາ 16:00ມ ມາສເຕີເຊເວັ້ນ ພົບ ນໍ້າທາ ແຂ່ງຂັນຢູ່ທີ່ສະຫນາມກິລາແຫ່ງຊາດຫຼັກ 16 ( ສະຫນາມນອກ ).

ສະໂມສອນ ບານເຕະ ເອສະຣາ ທີມອັນດັບ 3 ເປບຊີ ລາວລີກ1ປະຈຳປີ 2023 ໄດ້ເປີດເຜີຍໂສມຫນ້ານັກກິລາ ເອສະຣາ ຊຸດເຂົ້າຮ່ວມ ການແຂ່ງຂັນບານເຕະ ເປບຊີ ລາວລີກ 1 ລະດູການ 2024/2025.ໂອກາດນີ້,ທ່ານ MIDEUM KIM ( ມີດືມ ກີມ ) ຜູ້ຈັດການທີມ ສະໂມສອນ ບານເຕະ ເອສະຣາ ໄດ້ລາຍງານໃຫ້ຮູ້ວ່າ: ປັດຈຸບັນ ສະໂມສອນ ບານເຕະ ເອສະຣາ ມີຄວາມພ້ອມເກືອບ 90 ເປີເຊັນ ເພື່ອເຂົ້າຮ່ວມ ການແຂ່ງຂັນບານເຕະ ເປບຊີ ລາວລີກ 1 ລະດູການ 2024/2025 ໂດຍຄູຝຶກໃນລະດູການນີ້ ແມ່ນ ທ່ານ ບຽງຊູນາ ຄູຝຶກຈາກ ສ.ເກົາຫລີ ເປັນຫົວຫນ້າຄູຝຶກ. ສຳລັບລາຍຊື່ນັກກິລາ ສະໂມສອນ ບານເຕະ ເອສະຣາ ມີດັ່ງລຸ່ມນີ້:

+ ຜູ້ຮັກສາປະຕູ

1. ກົບ ໂລກພະທິບ

2. ພູນິນ ໄຊຍະສອນ

+ ກອງຫລັງ

3. ຄໍາຫມັ້ນ ທາປະເສີດ

4. ອານັນຕະຊາ ສີພົງພັນ

5. ພຸດທະວົງ ສັງວິໄລ

6. ສະເຫລີມໄຊ ພົມມະວົງ

7. ຟຸດບອນ ກຸນນະເສນ|

8. TAKUMI ITO

9. ສີສັດຕະນະ ກັນລະຍາ \

10. ຊີດີ ພົມສະຫວັນ

11. ໄຊຍະສຸກ ແກ້ວວີສອນ

12. ວົງສັກດາ ຈັນທະລືໄຊ

+ ກອງກາງ

13. ດາຫມົດ ທອງຄຳສະຫວັດ

14. ຈັນທະວີໄຊ ຂຸນທຸມພອນ

15. ພອນໄຊ ໄຊມົນທຽນ

16. ໄຊຊະນະ ສີຫາລາດ

17. ບິນລີ້ ໂດນສະຫນູພິດ

18. ພັດທະນາ ພົມມະເທບ

19. ພຸດທະລັກ ທອງສະນິດ

20. NAKAMURA

+ ກອງຫນ້າ

21. ປີເຕີ້ ພັນທະວົງ

22. ໂຈນີ້ ແຫວນປະເສີດ

23. ທະນູສັກ ນັນທະວົງດວງສີ

ການແຂ່ງຂັນລະດູການນີ້ມີ 8 ສະໂມສອນ ເຂົ້າຮ່ວມປະກອບມີ:

1. ສະໂມສອນ ກິລາບານເຕະ ຊ້າງນ້ອຍ.

2. ສະໂມສອນ ກິລາບານເຕະ ມາສເຕີ້ ເຊເວັ້ນ

3. ສະໂມສອນ ກິລາບານເຕະ ເອສະຣາ

4. ສະໂມສອນ ກິລາບານເຕະ ກອງທັບ

5. ສະໂມສອນ ກິລາບານເຕະ ຫຼວງພະບາງ

6. ສະໂມສອນ ກິລາບານເຕະ ຈຳປາສັກ

7. ສະໂມສອນ ກິລາບານເຕະ ນໍ້າທາ

8. ສະໂມສອນ ກິລາບານເຕະ ວຽງຈັນ

  ໃນການແຂ່ງຂັນຈະໃຊ້ 6 ສະຫນາມຄື: ສະຫນາມກິລາແຫ່ງຊາດຫຼັກ 16 ( ສະຫນາມນອກ ), ສະຫນາມກິລາກອງທັບ ຫຼັກ 5, ສະຫນາມກິລາແຂວງຈຳປາສັກ, ສະຫນາມກິລາແຂວງຫຼວງພະບາງ, ສະຫນາມກິລາແຂວງຫຼວງນ້ຳທາ ແລະ ສະຫນາມກິລາກອງບັນຊາການທະຫານແຂວງວຽງຈັນ.

    ຮູບແບບການແຂ່ງຂັນແມ່ນແຂ່ງຂັນແບບພົບກັນຫມົດຈຳນວນ 2 ຮອບ ຂາໄປ ແລະ ຂາກັບ ເຊິ່ງຈະເລີ່ມແຂ່ງຂັນນັບຕັ້ງແຕ່ວັນທີ 14 ກັນຍາ 2024 ຫາ ວັນທີ 1 ມີນາ 2025, ຈຳນວນນັດແຂ່ງຂັນທັງຫມົດ 56 ນັດ ທຸກໆນັດແມ່ນມີການຖ່າຍທອດສົດຜ່ານທາງ YOUTUBE: LAOFF TV ສະຫະພັນບານເຕະແຫ່ງຊາດລາວ. ສະໂມສອນທີ່ໄດ້ເປັນແຊ້ມການແຂ່ງຂັນບານເຕະ ເປບຊີ ລາວລີກ 1 ລະດູການ 2024/2025 ຈະໄດ້ເປັນສະໂມສອນ ຕົວແທນຈາກ ສປປ ລາວ ເຂົ້າຮ່ວມການແຂ່ງຂັນລະດັບ AFC CHALLENGE LEAGUE 2025/2026 (ແຕ່ຕ້ອງໄດ້ຮັບໃບອະນຸຍາດຈາກສະໂມສອນລະດັບອາຊີຈື່ງສາມາດເຂົ້າຮ່ວມໄດ້ ) ຫຼື ລາຍການອື່ນໆທີ່ຖືກເຊີນ ສ່ວນອັນດັບຮອງລົງມາຈະໄດ້ພິຈາລະນາຕາມຄວາມເໝາະສົມ. ຕາຕະລາງການແຂ່ງຂັນ ອາທິດທຳອິດ ວັນທີ 14 ກັນຍາ 2024 ເວລາ 16:00ມ ເອສະຣາ ພົບ ຈຳປາສັກ ແຂ່ງຂັນຢູ່ທີ່ສະຫນາມກິລາແຫ່ງຊາດ ຫຼັກ 16 ( ສະຫນາມນອກ ), ເວລາ 16:00ມ ວຽງຈັນ ພົບ ຊ້າງນ້ອຍ ແຂ່ງຂັນຢູ່ທີ່ສະຫນາມກິລາກອງບັນຊາການທະຫານແຂວງວຽງຈັນ, ວັນອາທິດ 15 ກັນຍາ 2024 ເວລາ 16:00ມ ກອງທັບ ພົບ ຫຼວງພະບາງ ແຂ່ງຂັນຢູ່ທີ່ສະຫນາມກິລາກອງທັບ ຫຼັກ 5 ແລະ ເວລາ 16:00ມ ມາສເຕີເຊເວັ້ນ ພົບ ນໍ້າທາ ແຂ່ງຂັນຢູ່ທີ່ສະຫນາມກິລາແຫ່ງຊາດຫຼັກ 16 ( ສະຫນາມນອກ ).

ສະຫະພັນບານເຕະແຫ່ງຊາດລາວ(ສຕລ) ໄດ້ສຳເລັດການແຂ່ງຂັນກິລາບານເຕະເຍົາວະຊົນຮຸ່ນອາຍຸບໍ່ເກີນ19ປີ ຫຼື U19 (LFF U-19 CHAMPIONSHIP 2024) ຂື້ນເມື່ອ ວັນທີ 25 ສິງຫາ 2024 ນີ້ພາຍຫຼັງດໍາເນີການແຂ່ງຂັນມາແຕ່ວັນທີ 22 ມິຖຸນາ 2024. ການແຂ່ງຂັນບານເຕະເຍົາວະຊົນ ຮຸ່ນອາຍຸບໍ່ເກີນ 19 ປີ ຊີງຂັນ ສະຫະພັນບານເຕະແຫ່ງຊາດລາວ ປະຈຳປີ 2024 LFF U-19 CHAMPIONSHIP 2024 ມີ 10 ທີມເຂົ້າຮ່ວມການແຂ່ງຂັນ ປະກອບມີ:

1. ເອສະຣາ

2. ຈັນທະບູລີ

3. ມາສເຕີ້ ເຊເວັ້ນ

4. ນໍ້າທາ

5. ຈຳປາສັກ

6. ກອງທັບ

7. ຫຼວງພະບາງ

8. ຊ້າງນ້ອຍ

9. ວຽງຈັນ

10. ເຄພີເອັສ

     ຮູບແບບການແຂ່ງຂັນແມ່ນແຂ່ງຂັນແບບພົບກັນຫມົດ 1 ຮອບ ເພື່ອສະສົມຄະແນນ, ເອົາອັນດັບ 1-4 ເຂົ້າຮອບຮອງຊະນະເລີດ ( SEMI FINAL ) ແລ້ວຈັບສະຫລາກປະກົບຄູ່ເຕະເສຍຄັດອອກ ( Knock - Out ), ທີມຊະນະເຂົ້າໄປຮອບຊີງຊະນະເລີດ ສ່ວນທີມທີ່ເສຍແມ່ນຊີງອັນດັບ 3. ຜົນການແຂ່ງຂັນນັດຊີງຊະນະເລີດ ເອສະຣາ ເອົາຊະນະ ຈັນທະບູລີ 4-0 ຄວ້າແຊ໋ມໄປຄອງ ໄດ້ຮັບຂັນ ພ້ອມເງິນລາງວັນ 50 ລ້ານກີບ ແລະ ຫຼຽນລາງວັນ, ອັນດັບທີ 2 ສະໂມສອນ ຈັນທະບູລີ ໄດ້ຮັບເງິນລາງວັນ 25 ລ້ານກີບ ແລະ ຫຼຽນລາງວັນ, ສ່ວນອັນດັບ 3 ຕົກເປັນຂອງ ມາສເຕີ້ ເຊເວັ້ນ ໄດ້ຮັບເງິນລາງວັນ 15 ລ້ານກີບ ພ້ອມຫຼຽນລາງວັນ. ຂະນະທີ່ ລາງວັນຄູຝຶກດີເດັ່ນເປັນຂອງ ທ່ານ ບຽງຊູນາ ຈາກ ສະໂມສອນ ບານເຕະ ເອສະຣາ, ລາງວັນນັກກີລາດີເດັ່ນ ແລະ ລາງວັນຜູ້ຍິງປະຕູສູງສຸດ ປີເຕີ້ ພັນທະວົງ ສະໂມສອນ ເອສະຣາ ລົງສະຫນາມ 10 ນັດ ຍິງໄດ້ 28 ປະຕູ ແລະ ລາງວັນຜູ້ຮັກສາປະຕູດີເດັ່ນ ກົບ ໂລກພະທິບ ຈາກ ສະໂມສອນ ເອສະຣາ. ເຂົ້າຮ່ວມພິທີປິດມີ ທ່ານ ຄຳໄພ ປຣະເສີດ ຮອງປະທານ ສະຫະພັນບານເຕະແຫ່ງຊາດລາວ ທັງເປັນຫົວຫນ້າອະນຸກຳມະການຈັດການແຂ່ງຂັນ, ທ່ານ ນາງ ກັນຍາ ແກ້ວມະນີ ຮອງປະທານ ສະຫະພັນບານເຕະແຫ່ງຊາດລາວ, ພ້ອມດ້ວຍບັນດາຄະນະບໍລິຫານງານ ສະຫະພັນບານເຕະແຫ່ງຊາດລາວ, ທ່ານ ທິດຕະວັນ ວັນນະຈັກ ຜູ້ອຳນວຍການຮ້ານຂາຍເຄື່ອງກິລາ LIFE FOOTBALL .

#LFFU19CHAMPIONSHIP2024

#PepsiLaos

#LaoTelecom

#Tigerhead

#Sting

#Revive

#LifeFootball

           ສະຫະພັນບານເຕະແຫ່ງຊາດລາວ(ສຕລ )ໄດ້ສຳເລັດການຝຶກອົບຮົມທັກສະການຝຶກສອນກິລາບານເຕະເຍົາວະຊົນລະດັບສູງ LFF ELITE YOUTH 2024ຂື້ນໃນຕອນແລງ ວັນທີ 23 ສິງຫາ 2024 ຢູ່ທີ່ ຫ້ອງປະຊຸມຂອງ ສຕລ ໂດຍໃຫ້ກຽດເຂົ້າຮ່ວມຂອງທ່ານ ພັນໂທ ຖາວອນ ຫຼວງຈັນດາວົງ ຄະນະບໍລິຫານງານສຕລ,ທ່ານ ຊຸນດຣໍາ ມູນຕີ (Sundram Moorthy) ຫົວໜ້າພະແນກເຕັກນິກ - ວິທະຍາ, ທ່ານ Mohammad Herman B Zailani ຫົວໜ້າວຽກງານພັດທະນາຄູຝຶກ ສຕລ.

              ການຝຶກອົບຮົມຄັ້ງນີ້ມີຈຸດປະສົງຫຼັກເພື່ອໃຫ້ບັນດາຄູຝຶກທີ່ເຂົ້າຮວ່ມໄດ້ຮຽນຮູ້ທັກສະການຝຶກສອນກິລາບານເຕະໃຫ້ກັບເຍົາວະຊົນຢ່າງຖືກວິທີ,ເຊິ່ງມີສຳມະນາກອນເຂົ້າຮ່ວມ 12 ຄົນ ທີ່ມາຈາກສະຫະພັນບານເຕະແຫ່ງຊາດລາວ, ແຂວງບໍລິຄຳໄຊ, ແຂວງຄຳມ່ວນ, ແຂວງບໍ່ແກ້ວ, ແຂວງອຸດົມໄຊ, ສະໂມສອນ ບີໄອເອັສ, ສະໂມສອນ ເມືອງຫາດ, ສະໂມສອນ ນ້ຳທາ, ສະໂມສອນ ມາສເຕີ້ ເຊເວັ້ນ , ສະໂມສອນ ຄຳໃສ ອະຄາເດມີ ແລະ ຈາກປະເທດໄທ 1 ຄົນ ມີລາຍຊື່ດັ່ງລຸ່ມນີ້:

1. ທ່ານ ພອນສະຫວັນ ສີຫາລາດ ຈາກ ສະໂມສອນ ມາສເຕີ້ ເຊເວັ້ນ

2. ທ່ານ ຂັນໄຊ ພະກາສີ ຈາກ ແຂວງບໍລິຄຳໄຊ

3. ທ່ານ ຄຳໃສ ຈັນທະວົງ ຈາກ ສະໂມສອນ ຄຳໃສ ອະຄາເດີມີ

4. ທ່ານ ສົມລິດ ລັດສະນີ ຈາກ ແຂວງອຸດົມໄຊ

5. ທ່ານ ໂຄລ່າ ອຸ່ນດາລາ ຈາກ ແຂວງບໍ່ແກ້ວ

6. ທ່ານ ໄຊຍະສັກ ວານີສະເວດ ຈາກ ສະໂມສອນ ບີໄອເອັສ

7. ທ່ານ ວິສິດທິພົງ ແສນພິມມະຈັກ ສະໂມສອນ ອະຄາເດີມີ ເມືອງຫາດ

8. ທ່ານ ອຳໄພວັນ ຈັນທະລາວົງ ຈາກ ສະໂມສອນ ນໍ້າທາ

9. ທ່ານ ສົມພູ ດວງດາລາ ຈາກ ສຕລ

10. ທ່ານ ພູເພັດ ສານຸວົງ ຈາກ ແຂວງຄຳມ່ວນ

11. ທ່ານ ສາຄອນ ແສນຫານ ຈາກປະເທດໄທ

12. ທ່ານ ວົງມີໄຊ ສຸບົວຄຳ ຈາກ ສຕລ

  ສຳລັບການຝຶກອົບຮົມແມ່ນໄດ້ຈັດຂື້ນເປັນ 2 ໄລຍະຄື ໄລຍະທີ 1 ເລີ່ມວັນທີ 30 ພຶດສະພາ - 1 ມີຖຸນາ 2024 ແລະ ໄລຍະທີ 2 ເລີ່ມ ວັນທີ 19-23 ສິງຫາ 2024.

            ວັນທີ 22 ສິງຫາ 2024 ຢູ່ທີ່ສຳນັກງານໃຫຍ່ ສະຫະພັນບານເຕະອາຊີ ປະເທດ ມາເລເຊຍ ໄດ້ມີການຈັບສະຫລາກ ການແຂ່ງຂັນບານເຕະ ຊີງແຊ້ມສະໂມສອນ ອາຊີ AFC CHALLENGE LEAGUE 2024/2025 ສະໂມສອນ ຊ້າງນ້ອຍ ຈາກ ລາວ ໄດ້ສິດເຂົ້າຮ່ວມໃນຖານະແຊ້ມ ການແຂ່ງຂັນບານເຕະ ເປບຊີ ລາວລີກ 1 2023 ທີ່ຜ່ານມາ ຜົນການຈັບສະຫລາກມີຄືດັ່ງນີ້: ກຸ່ມ D : ຊານ ຢູໄນເຕັດ ( SHAN UNITED ) ຈາກມຽນມາ, ໄຖນານ ຊິດຕີ້ ( TAINAN CITY FC ) ຈາກໄຕ້ຫວັນ ແລະ ຊ້າງນ້ອຍ ( YOUNG ELEPHANTS FC ) ຈາກລາວ.

                ການແຂ່ງຂັນລາຍດັ່ງກ່າວແມ່ນຄັດເອົາອັນດັບ 1-2 ໃນແຕ່ລະກຸ່ມຜ່ານເຂົ້າສູ່ຮອບຕໍ່ໄປ ໂດຍຈະແຂ່ງຂັນໃນວັນທີ 27 ຕຸລາ ຫາ 2 ພະຈິກ 2024 ຮອບຄັດເລືອກກຸ່ມ D ຈັດຢູ່ທີ່ປະເທດມຽນມາ.

#AFCCHALLENGELEAGUE

#YOUNGELEPHANTSFC

ການແຂ່ງຂັນເຕະບານ ລາວລີກ 2 ແຂວງຊຽງຂວາງ ເປີດສາກຂຶ້ນຢ່າງເປັນທາງການແລ້ວ ໃນວັນທີ 16 ສິງຫາ 2024 ທີ່ຜ່ານມາ ຢູ່ທີ່ ສະໜາມກິລາໄຊຊະນະ ໂດຍທີມນັກກິລາເຕະບານເຂົ້າຮ່ວມແຂ່ງຂັນທັງໝົດ 6 ສະໂມສອນຄື:ສະໂມສອນບານເຕະໄຊໂຍ FC, ສະໂມສອນບານເຕະເມືອງພວນ, ສະໂມສອນບານເຕະເມືອງຄູນ, ສະໂມສອນບານເຕະສຸລິວັນ(ເມືອງຄໍາ), ສະໂມສອນບານເຕະດວງຖາວອນ ແລະ ສະໂມສອນກອງທັບ (ຊຽງຂວາງ) ໂດຍແຂ່ງຂັນນັບຕັ້ງແຕ່ວັນທີ 16 ສິງຫາ ຫາ 18 ຕຸລາ 2024. ຄູ່ປະເດີມສະໜາມນັດທໍາອິດ ວັນທີ 16 ສິງຫາ 2024 ເປັນການພົບກັນລະຫວ່າງ ທີມກອງທັບ ພົບ ທີມບໍລິສັດດວງຖາວອນ ຜົນການແຂ່ງຂັນປາກົດວາ ທີມກອງທັບ ບຽດເອົາຊະນະ ທີມບໍລິສັດດວງຖາວອນໄປໄດ້ 2-1 , ສ່ວນຜົນການແຂ່ງຂັນ ວັນທີ 17 ສິງຫາ 2024 ສະໂມສອນ ເມືອງພວນ ເອົາຊະນະ ສະໂມສອນ ສຸລິວັນ 2-0 ແລະ ສະໂມສອນ ໄຊໂຍ ເອົາຊະນະ ສະໂມສອນເມືອງຄູນ 4-1. ສະຫລຸບ ຕາຕະລາງ ຄະແນນ ອັນດັບ 1 ໄຊໂຍ ແຂ່ງຂັນ 1 ນັດ ຊະນະ 1 ນັດ ມີ 3 ຄະແນນ, ອັນດັບ 2 ເມືອງພວນ ແຂ່ງຂັນ 1 ນັດ ຊະນະ 1 ນັດ ມີ 3 ຄະແນນ, ອັນດັບ 3 ກອງທັບ ແຂ່ງຂັນ 1 ນັດ ຊະນະ 1 ນັດ ມີ 3 ຄະແນນ, ອັນດັບ 4 ບໍລິສັດດວງຖາວອນ ແຂ່ງຂັນ 1 ນັດ ເສຍ 1 ນັດ ມີ 0 ຄະແນນ, ອັນດັບ 5 ສຸລິວັນ ແຂ່ງຂັນ 1 ນັດ ເສຍ 1 ນັດ ມີ 0 ຄະແນນ ແລະ ອັນດັບ ສຸດທ້າຍ ເມືອງຄູນ ແຂ່ງຂັນ 1 ນັດ ເສຍ 1 ນັດ ມີ 0 ຄະແນນ.

 ຕາຕະລາງການແຂ່ງຂັນ ອາທິດທີ 2 ວັນສຸກ 23 ສິງຫາ 2024 ເວລາ 15:00 ໄຊໂຍ ພົບ ສຸລິວັນ ( ເມືອງຄຳ ), ວັນເສົາ 24 ສິງຫາ 2024 ເວລາ 13:30 ເມືອງພວນ ພົບ ກອງທັບ ແລະ ເວລາ 15:30 ເມືອງຄູນ ພົບ ບໍລິສັດ ດວງຖາວອນ ທຸກໆຄູ່ແມ່ນແຂ່ງຂັນຢູ່ທີ່ສະຫນາມກິລາໄຊຊະນະ.

 ສຳລັບສະໂມສອນທີ່ຊະນະເລີດ ການແຂ່ງຂັນເຕະບານ ລາວລີກ 2 ແຂວງຊຽງຂວາງ ຈະໄດ້ຮັບສິດເຂົ້າຮ່ວມການແຂ່ງຂັນ ຊິງຂັນພະນະທ່ານ ນາຍົກລັດ ຖະມົນຕີ ແຫ່ງ ສປປ ລາວ ລະດູການ 2024/25 ໃນຖານະສະໂມສອນຊະນະເລີດການແຂ່ງຂັນ ລາວລີກ 2 ເຊິ່ງຈະເລີ່ມການແຂ່ງຂັນໃນທ້າຍປີ 2024 ນີ້.