ວັນທີ 1 ເມສາ 2026 ທີ່ຜ່ານມາ ຢູ່ທີ່ຫ້ອງປະຊຸມສະພາປະຊາຊົນແຂວງຈຳປາສັກ ໄດ້ຈັດກອງປະຊຸມປຶກສາຫາລືການກະກຽມຄວາມພ້ອມ ເພື່ອຈັດການແຂ່ງຂັນກິລາບານເຕະລາວໂຕ ໂຢຕ້າ ພາກໃຕ້ ລາວລີກ 2 ປະຈຳລະດູການ 2026ທີ່ແຂວງດັ່ງກ່າວ, ໂດຍໃຫ້ກຽດເຂົ້າຮ່ວມເປັນປະທານຂອງທ່ານ ແກ້ວລັດຕະນະ ສີຫາວົງ, ຄະນະປະຈຳພັກແຂວງ, ຄະນະບໍລິຫານງານສະຫະພັນບານເຕະແຫ່ງຊາດລາວ ທັງເປັນ ປະທານສະຫະພັນກິລາບານເຕະແຂວງຈຳປາສັກ, ໂດຍມີພາກສ່ວນກ່ຽວຂ້ອງ ແລະ ຕົວແທນຈາກບໍລິສັດຜູ້ສະໜັບສະໜູນເຂົ້າຮ່ວມ.

ກອງປະຊຸມຄັ້ງນີ້ ໄດ້ມີການສະຫຼຸບຖອດຖອນບົດຮຽນຈາກການຈັດການແຂ່ງຂັນໃນຊຸມປີຜ່ານມາ ເພື່ອວາງແຜນການຈັດຕັ້ງປະຕິບັດໃນລະດູການໃໝ່ ໃຫ້ມີປະສິດທິພາບສູງສຸດ. ເປົ້າໝາຍສຳຄັນແມ່ນເພື່ອພັດທະນາວົງການກິລາບານເຕະພາຍໃນແຂວງ, ສ້າງນັກກິລາລຸ້ນສືບທອດເພື່ອຮັບໃຊ້ທັງໃນລະດັບແຂວງ ແລະ ທີມຊາດໃນອະນາຄົດ. ພ້ອມກັນນັ້ນ, ຍັງເປັນການຄັດເລືອກເອົາສະໂມສອນທີ່ດີທີ່ສຸດຂອງແຂວງ ເພື່ອເປັນຕົວແທນເຂົ້າຮ່ວມຊີງຂັນພະນະທ່ານນາຍົກລັດຖະມົນຕີ ແລະ ລາຍການສຳຄັນອື່ນໆ ຕາມແຜນການເຄື່ອນໄຫວຂອງສະຫະພັນກິລາບານເຕະແຫ່ງຊາດລາວ.

       ຜົນກອງປະຊຸມແມ່ນໄດ້ມີມະຕິເປັນເອກະພາບກຳນົດເອົາວັນທີ 28 ເມສາ 2026 ເປັນມື້ເປີດສາກການແຂ່ງຂັນຢ່າງເປັນທາງການ. ສ່ວນລາງວັນໃນລະດູການນີ້ ມີມູນຄ່າລວມກວ່າ 40 ລ້ານກີບ ໂດຍທີມຊະນະເລີດຈະໄດ້ຮັບຂັນລາງວັນ ພ້ອມເງິນສົດ 25,000,000 ກີບ, ຮອງຊະນະເລີດ 12,000,000 ກີບ ແລະ ອັນດັບທີສາມ 8,000,000 ກີບ ພ້ອມລາງວັນຊົມເຊີຍອື່ນໆ.ພິເສດ ເພື່ອໃຫ້ແຟນບານທົ່ວປະເທດໄດ້ຕິດຕາມຢ່າງທົ່ວເຖິງ,ຄະນະຈັດການແຂ່ງຂັນໄດ້ກຽມຖ່າຍທອດສົດການແຂ່ງ ຂັນຄົບທັງ 56 ນັດ.

 ສຳລັບການແຂ່ງຂັນໃນລະດູການນີ້ ແມ່ນໄດ້ຮັບການສະໜັບສະໜູນຫຼັກຈາກ ບໍລິສັດ ລາວ ໂຕໂຢຕ້າ ພາກໃຕ້ ຈຳກັດ ເຊິ່ງມີ 8 ສະໂມສອນຊັ້ນນຳພາຍໃນແຂວງເຂົ້າຮ່ວມຊີງໄຊ ຄື:

1. ສະໂມສອນສຸລິຍະວົງ (ແຊັ້ມເກົ່າ)

2. ສະໂມສອນປີ່ນແກ້ວ 2010 (ແຊັ້ມລະດູການ 2025)

3. ສະໂມສອນ SP Sign

4. ສະໂມສອນບາຈຽງ FC

5. ສະໂມສອນໂຮງຮຽນຊ້າງເຜືອກ

6. ສະໂມສອນໂຮງຫຼໍ່ການໄຊ

7. ສະໂມສອນ SLP ພົມປັນຍາ ຟຣາມ

8. ສະໂມສອນ ປະຕິຫານ

ການແຂ່ງຂັນບານເຕະ ລາວໂຕໂຢຕ້າ ພາກໃຕ້ແຂວງຈຳປາສັກ ລາວລີກ 2 ປະຈຳປີ 2025 ມີສະໂມສອນເຂົ້າຮ່ວມທັງໝົດ 8 ສະໂມສອນດັ່ງນີ້:

1. ສະໂມສອນ ກິລາບານເຕະ ຂົງເຂດປົກປ້ອງກົດໝາຍ ແຂວງຈໍາປາສັກ;

2. ສະໂມສອນ ກິລາບານເຕະ ສຸລິຍະວົງ;

3. ສະໂມສອນ ກິລາບານເຕະ ໂຮງຫຼໍ່ການໄຊ;

4. ສະໂມສອນ ກິລາບານເຕະ ບາຈຽງ;

5. ສະໂມສອນ ກິລາບານເຕະ ສະຖາບັນຈຸລະພາກ ພຸດພະຈັນ;

6. ສະໂມສອນ ກິລາບານເຕະ PT STORE ປາກຊ່ອງ;

7. ສະໂມສອນ ກິລາບານເຕະ ສະມາໂບຣກເກີ້

8. ສະໂມສອນ ກິລາບານເຕະ ພົມປັນຍາຟາມ.

ການແຂ່ງຂັນແມ່ນຈັດຂຶ້ນຢູ່ທີ່ສະຫນາມກິລາແຂວງຈຳປາສັກເຊິ່ງເປັນສະໜາມຫຼັກໃນການດຳເນີນການແຂ່ງຂັນ ແລະ ນໍາໃຊ້ຮູບແບບການແຂ່ງຂັນແບບພົບກັນຫມົດຈຳນວນ 2 ຮອບ ຂາໄປ ແລະ ຂາກັບ.

ມາຮອດປັດຈຸບັນນີ້ການແຂ່ງຂັນໄດ້ດຳເນີນມາເປັນອາທິດທີ 5 ແລ້ວ ເຊິ່ງຜົນການແຂ່ງຂັນແມ່ນສະຫຼຸບໄດ້ດັ່ງນີ້:

ວັນທີ 21/06/2025 ມີການແຂ່ງຂັນ 2 ຄູ່

• ສະໂມສອນກິລາບານເຕະ ໂຮງຫຼໍ່ການໄຊ ສະເໝີ ສະໂມສອນກິລາບານເຕະ ສະຖາບັນການເງິນຈຸລະພາກ

ພຸດພະຈັນ 1 – 1

• ສະໂມສອນກິລາບານເຕະ ຂົງເຂດປົກປ້ອງກົດໝາຍແຂວງຈຳປາສັກ ຊະນະ ສະໂມສອນກິລາບານເຕະ ສະມາຍໂບຣກເກີ 4 – 0

ວັນທີ 22/06/2025 ການແຂ່ງຂັນມີ 1 ຄູ່

• ສະໂມສອນກິລາບານເຕະ ພົມປັນຍາ ຟຣາມ ເສຍໃຫ້ ສະໂມສອນກິລາບານເຕະ ສຸລິຍະວົງ 2 – 5

ໃນການຈັດການແຂ່ງຂັນລາວລີກ 2 ຂອງແຕ່ລະແຂວງ ແລະ ນະຄອນຫຼວງວຽງຈັນ,ສະຫະພັນບານເຕະແຫ່ງຊາດລາວ (ສຕລ) ໄດ້ໃຫ້ການສະຫນັບສະຫນູນງົບປະມານໃຫ້ແຕ່ລະແຂວງຈັດການແຂ່ງຂັນລາວລີກ 2, ການແຂ່ງຂັນລະດັບມັດທະຍົມຕົ້ນ(ຊາຍ-ຍິງ) ແລະ ລະດັບມັດທະຍົມປາຍ(ຊາຍ-ຍິງ).

         ການແຂ່ງຂັນຮອບຊິງຊະນະເລີດກິລາບານເຕະ ເຍົາວະຊົນ ມັດທະຍົມຕອນປາຍ ຊິງຂັນທ່ານເຈົ້າແຂວງຈໍາປາສັກ LBB CUP 2025 ໃນວັນທີ 2 ພຶກສະພາ 2025, ຢູ່ທີ່ສະໜາມ ກິລາແຂວງຈຳປາສັກ (ເດີ່ນຫຼັກ 2 ນະຄອນປາກເຊ), ຄູ່ຊິງຊະນະເລີດ ລະຫວ່າງ ເຄສະປອດ ພັບກັບ ພົມປັນຍາ ຟາມ ເປັນເຄສະປອນສາມາດເອົາຊະນະ ພົມປັນຍາ ຟາມ 2-1 ປະຕູ ຄວ້າແຊັ້ມລາຍການດັ່ງກ່າວ ໂດຍໄດ້ຮັບເງິນລາງວັນ 10,000,000 ກີບ+ຫຼຽນ ແລະ ຂັນລາງວັນຊະນະເລີດໄປຄອງ ສ່ວນທິມ ພົມປັນຍາ ຟານ ຮອງຊະນະເລີດ ໄດ້ຮັບເງິນລາງວັນ 6,000,000 ກີບ+ຫຼຽນລາງວັນ. ສໍາລັບຄູ່ຊິງອັນດັບ 3 ລະຫວ່າງ ຟາຍເດ ຈໍາປາສັກ ພົບ ກັບ ເມືອງ ສຸຂຸມາ ເປັນເມືອງສຸຂຸມາ ສາມາດເອົາຊະນະ ຟາຍເດ ຈໍາປາສັກ 1-2 ໄດ້ອັນດັບທີ 3 ຮັບເງິນລາງວັນ 3,000,000 ກີບ+ຫຼຽນລາງວັນ. ເຊິ່ງການແຂ່ງຂັນຮອບຊິງຊະນະເລີດການແຂ່ງຂັນກິລາບານເຕະເຍົາວະຊົນ ມັດທະຍົມຕອນປາຍ ຊິງຂັນທ່ານເຈົ້າແຂວງຈໍາປາສັກ ໄດ້ຮັບກຽດເຂົ້າຮ່ວມເປັນປະທານ-ຄະນະປະທານ ຂອງ ທ່ານ ສົມບູນ ເຮືອງວົງສາ ຄະນະປະຈໍາພັກແຂວງ, ຮອງເຈົ້າແຂວງຈໍາປາສັກ, ທ່ານ ຄໍາໄພ ປະເສີດ ຮອງປະທານສະຫະພັນກິລາບານເຕະແຫ່ງຊາດລາວ, ທ່ານ ພັທ. ຖາວອນ ຫຼວງຈັນດາວົງ, ຄນະບໍລິຫານງານສະຫະພັນກິລາບານເຕະແຫ່ງຊາດລາວ, ທ່ານ ແກ້ວລັດຕະນະ ສີຫາວົງ ຄະນະປະຈໍາພັກແຂວງ, ຮອງປະທານສະພາປະຊາຊົນແຂວງ ຄະນະບໍລິຫາງານສະຫະພັນບານເຕະແຫ່ງຊາດລາວ, ທ່ານ ປະດິດ ວັນນະລັດສະໝີ ຄະນະປະຈໍາພັກແຂວງ, ປະທານອົງການກວດກາລັດແຂວງ, ມີບັນດາທ່ານການນໍາຂອງແຂວງ, ຕ່າງໜ້າທະນາຄານຄໍາລາວ, ຄະນະຈັດການແຂ່ງຂັນ, ຄະນະຄູຝຶກ ແລະ ນັກກິລາຈາກບັນດາພະແນກການ-ກົມກອງ ແລະ ສະຖາບັນການສຶກສາ ອ້ອມຂ້າງແຂວງຈໍາປາສັກ ເຂົ້າຮ່ວມຈໍານວນ 1,200 ກວ່າຄົນ.

       ໃນການຈັດການແຂ່ງຂັນລາວລີກ 2 ຂອງແຕ່ລະແຂວງ ແລະ ນະຄອນຫຼວງວຽງຈັນ,ສະຫະພັນບານເຕະແຫ່ງຊາດລາວ (ສຕລ) ໄດ້ໃຫ້ການສະຫນັບສະຫນູນງົບປະມານໃຫ້ແຕ່ລະແຂວງຈັດການແຂ່ງຂັນລາວລີກ 2, ການແຂ່ງຂັນລະດັບມັດທະຍົມຕົ້ນ(ຊາຍ-ຍິງ) ແລະ ລະດັບມັດທະຍົມປາຍ(ຊາຍ-ຍິງ).

             ການແຂ່ງຂັນກິລາບານເຕະລາວ ໂຕໂຢຕ້າ ພາກໃຕ້ ຈໍາປາສັກ ລາວລີກ 2 ປະຈໍາປີ 2024 ທີ່ດຳເນີນມາແຕ່ວັນທີ 18 ພຶດສະພາ 2024ໄດ້ຈັດພິທີປິດຢ່າງເປັນທາງການໃນ ວັນທີ 27 ກໍລະກົດ 2024 ທີ່ສະຫນາມກິລາແຂວງຈໍາປາສັກ. ການແຂ່ງຂັນຄັ້ງນີ້ມີ 6 ສະໂມສອນເຂົ້າຮ່ວມຄື:ສະໂມສອນກິລາບານເຕະທະຫານແຂວງຈໍາປາສັກ, ສະໂມສອນກິລາບານເຕະລະບຽງພູ, ສະໂມສອນກິລາບານເຕະ ປ.ກ.ສ ແຂວງຈໍາປາສັກ, ສະໂມສອນກິລາບານເຕະສີລາເພັດ, ສະໂມສອນກິລາບານເຕະປິ່ນແກ້ວ 2010 ແລະ ສະໂມສອນກິລາບານເຕະບຸ່ງອຸດົມ.

         ສະຫລຸບ ຕາຕະລາງ ການແຂ່ງຂັນ ອັນດັບ 1 ປິ່ນແກ້ວ ລົງສະຫນາມ 10 ນັດ ຊະນະ 9 ນັດ ສະເຫມີ 1ນັດມີ 28 ຄະແນນ ໄດ້ຮັບຂັນ, ຫລຽນ ແລະ ເງິນຈໍານວນ 10 ລ້ານກີບ, ອັນດັບ 2 ທະຫານແຂວງຈໍາປາສັກ ລົງສະຫນາມ 10 ນັດ ຊະນະ 7 ນັດ ເສຍ 3 ນັດ ມີ 21 ຄະແນນ ໄດ້ຮັບຫລຽນ ແລະ ເງິນຈໍານວນ 6 ລ້ານກີບ, ອັນດັບ 3ລະບຽງພູ ລົງສະຫນາມ 10 ນັດ ຊະນະ 6 ນັດ ສະເຫມີ 1 ນັດ ເສຍ 3 ນັດ ມີ 19 ຄະແນນ ໄດ້ຮັບຫລຽນ ແລະ ເງິນຈຳນວນ 3 ລ້ານກີບ, ອັນດັບ 4 ປກສແຂວງຈຳປາສັກ ລົງສະຫນາມ 10 ນັດ ຊະນະ 4 ນັດ ເສຍ 6 ນັດ ມີ 12 ຄະແນນ, ອັນດັບ 5 ບຸ່ງອຸດົມ ລົງສະຫນາມ 9 ນັດ ຊະນະ 3 ນັດ ເສຍ 7 ນັດ ມີ 9 ຄະແນນ ແລະ ອັນດັບສຸດທ້າຍ ສີລາເພັດ ລົງສະຫນາມ 9 ນັດ ເສຍ 10 ນັດ ມີ 0 ຄະແນນ ຂະນະທີ່ ຜູ້ຍິງປະຕູສູງສຸດ ອັນດັບ 1 ມັງກອນ ວົງສະຫວັດ ຈາກ ທະຫານແຂວງຈຳປາສັກ ຍິງໄດ້ 11 ປະຕູ ໄດ້ຮັບເງິນ 1 ລ້ານກີບ.

              ສະໂມສອນບານເຕະ ປິ່ນແກ້ວ 2010 ຍັງໄດ້ຮັບສິດເຂົ້າຮ່ວມການແຂ່ງຂັນ ຊິງຂັນພະນະທ່ານ ນາຍົກລັດຖະມົນຕີ ແຫ່ງ ສປປ ລາວ ລະດູການ 2024/25 ໃນຖານະສະໂມສອນຊະນະເລີດການແຂ່ງຂັນ ລາວລີກ 2 ເຊິ່ງຈະເລີ່ມການແຂ່ງຂັນໃນທ້າຍປີ 2024 ນີ້ ໂດຍຈະເປັນສະໂມສອນທີ 2 ຈາກແຂວງຈໍາປາສັກ ຕໍ່ຈາກສະໂມສອນບານເຕະຈໍາປາສັກ ທີ່ໄດ້ສິດເຂົ້າຮ່ວມລາຍການດັ່ງກ່າວ ໃນນາມສະໂມສອນໃນການແຂ່ງຂັນ ເປບຊີ ລາວລີກ 1.

               ເຂົ້າຮ່ວມພິທີປິດ ມີ ທ່ານ ອາລຸນໄຊ ສູນນະລາດ ກຳມະການສູນກາງພັກ, ເລຂາພັກແຂວງ, ເຈົ້າແຂວງຈໍາປາສັກ,ທ່ານ ສາຍທອງ ໄຊຍະວົງ ຮອງເລຂາພັກແຂວງ, ປະທານຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 15 ທັງເປັນປະທານສະພາປະຊາຊົນແຂວງຈໍາປາສັກ ພ້ອມດ້ວຍບັນດາທ່ານການນໍາຂັ້ນສູງຂອງແຂວງ, ພະນັກງານ-ລັດຖະກອນ, ທະຫານ-ຕໍາຫຼວດ ຈາກບັນດາພະແນກການ-ກົມກອງ ແລະ ອົງການທຽບເທົ່າຂັ້ນແຂວງ, ຄະນະຄູຝຶກ-ນັກກິລາ ແລະແຟນບານເຂົ້າຮ່ວມ ຈໍານວນຫຼາຍກວ່າ 1,500 ຄົນ. ຄະນະຮັບຜິດຊອບຈັດການແຂ່ງຂັນລາຍງານໃຫ້ຮູ້ວ່າ:ຈຸດປະສົງຂອງການຈັດການແຂ່ງຂັນຄັ້ງນີ້ກໍ່ເພື່ອປະຕິບັດຕາມແຜນການເຄື່ອນໄຫວຂອງສະຫະພັນບານເຕະແຫ່ງຊາດລາວ ປະຈຳປີ 2024,ທັງເປັນການສ້າງຂະບວນການຕ້ອນ ຮັບວັນສໍາຄັນຕ່າງໆຂອງພັກ, ຂອງຊາດ ໂດຍສະເພາະຕ້ອນຮັບກອງປະຊຸມສາມຂັ້ນຂອງແຂວງຈໍາປາສັກ ໃຫ້ມີບັນ ຍາກາດ ແລະ ຂະບວນການຟົດຟື້ນ ແລະເພື່ອເປັນການຄັດເລືອກໃຫ້ໄດ້ນັກກິລາທີ່ມີຄວາມສາມາດ ເຂົ້າຮັບໃຊ້ແຂວງ ແລະ ທິມຊາດລາວ.ພ້ອມນັ້ນທ່ານຍັງໄດ້ເນັ້ນໃຫ້ບັນດາສະໂມສອນຕະຫຼອດຄະນະຈັດການແຂ່ງຂັນຈົ່ງພ້ອມກັນເອົາໃຈໃສ່ ແລະ ເຮັດສໍາເລັດໜ້າທີ່ຄວາມຮັບຜິດຊອບ,ໂດຍສະເພາະນັກກິລາ ຈົ່ງພ້ອມກັນຕັ້ງໜ້າ ແລະ ເອົາໃຈໃສ່ ຝຶກແອັບຕົນເອງເພື່ອສະແດງໃຫ້ເຫັນເຖິງຄວາມສາມາດໃນການເຂົ້າຮ່ວມການແຂ່ງຂັນລາຍການດັ່ງກ່າວສາມາດຕໍ່ຍອດ ນໍາພາຕົນເອງກ້າວໄປສູ່ການເປັນນັກກິລາອາຊີບ ແລະ ຮັບໃຊ້ຊາດ.

                ການແຂ່ງຂັນກິລາບານເຕະລາວ ໂຕໂຢຕ້າພາກໃຕ້ ຈໍາປາສັກ ລາວລີກ 2 ປະຈໍາປີ 2024ທີ່ດຳເນີນມາແຕ່ວັນທີ 18 ພຶດສະພາ 2024ແລະສືບຕໍ່ແຂ່ງຂັນອາທິດນີ້ ເປັນອາທິດ ສຸດທ້າຍ.,ແຕ່ຜົນຂອງການແຂ່ງຂັນໃນ9ນັດຜ່ານມາເຫັນວ່າສະໂມສອນປິ່ນແກ້ວມີ25ຄະແນນເປັນອັນດັບ1ຖີ້ມຫ່າງສະໂມສອນທະຫານແຂວງຈຳປາສັກເຖິງ7ຄະແນນທີ່ເປັນອັນດັບ2ທີ່ມີພຽງ18ຄະແນນ.ນີ້ກໍຢັ້ງຢືນໄດ້ວ່າການແຂ່ງຂັນເຖິງຈະຍັງສຶບຕໍ່,ແຕ່ປິ່ນແກ້ວສາມາດຄວ້າແຊ້ມໃນລາຍ ການນີ້ໄດ້ຢ່າງແນ່ນອນ.

                ການແຂ່ງຂັນຄັ້ງນີ້ມີ 6 ສະໂມສອນເຂົ້າຮ່ວມຄື:ສະໂມສອນກິລາບານເຕະທະຫານແຂວງຈໍາປາສັກ(ແຊ້ມເກົ່າ), ສະໂມສອນກິລາບານເຕະລະບຽງພຸ(ຮອງແຊ້ມ), ສະໂມສອນກິລາບານເຕະ ປ.ກ.ສ ແຂວງຈໍາປາສັກ, ສະໂມສອນກິລາບານເຕະສີລາເພັດ, ສະໂມສອນກິລາບານເຕະປິ່ນແກ້ວ 2010 ແລະ ສະໂມສອນກິລາບານເຕະບຸ່ງອຸດົມ.

                ຄະນະຮັບຜິດຊອບຈັດການແຂ່ງຂັນລາຍງານໃຫ້ຮູ້ວ່າ:ຈຸດປະສົງຂອງການຈັດການແຂ່ງຂັນຄັ້ງນີ້ກໍ່ເພື່ອປະຕິບັດຕາມແຜນການເຄື່ອນໄຫວຂອງສະຫະພັນບານເຕະແຫ່ງຊາດລາວ ປະຈຳປີ 2024,ທັງເປັນການສ້າງຂະບວນການຕ້ອນ ຮັບວັນສໍາຄັນຕ່າງໆຂອງພັກ, ຂອງຊາດ ໂດຍສະເພາະຕ້ອນຮັບກອງປະຊຸມສາມຂັ້ນຂອງແຂວງຈໍາປາສັກ ໃຫ້ມີບັນ ຍາກາດ ແລະ ຂະບວນການຟົດຟື້ນ ແລະເພື່ອເປັນການຄັດເລືອກໃຫ້ໄດ້ນັກກິລາທີ່ມີຄວາມສາມາດ ເຂົ້າຮັບໃຊ້ແຂວງ ແລະ ທິມຊາດລາວ.ພ້ອມນັ້ນທ່ານຍັງໄດ້ເນັ້ນໃຫ້ບັນດາສະໂມສອນຕະຫຼອດຄະນະຈັດການແຂ່ງຂັນຈົ່ງພ້ອມກັນເອົາໃຈໃສ່ ແລະ ເຮັດສໍາເລັດໜ້າທີ່ຄວາມຮັບຜິດຊອບ,ໂດຍສະເພາະນັກກິລາ ຈົ່ງພ້ອມກັນຕັ້ງໜ້າ ແລະ ເອົາໃຈໃສ່ ຝຶກແອັບຕົນເອງ ເພື່ອສະແດງໃຫ້ເຫັນເຖິງຄວາມສາມາດໃນການເຂົ້າຮ່ວມການແຂ່ງຂັນລາຍການດັ່ງກ່າວສາມາດຕໍ່ຍອດ ນໍາພາຕົນເອງກ້າວໄປສູ່ການເປັນນັກກິລາອາຊີບ ແລະ ຮັບໃຊ້ຊາດ.

               ຕາຕະລາງ ຄະແນນໃນປັດຈຸບັນ ອັນດັບ 1 ປິ່ນແກ້ວ ລົງສະຫນາມ 9 ນັດ ຊະນະ 8 ນັດ ສະເຫມີ 1 ມີ 25 ຄະແນນ, ອັນດັບ 2 ທະຫານແຂວງຈຳປາສັກ ລົງສະຫນາມ 9 ນັດ ຊະນະ 6 ນັດ ເສຍ 3 ນັດ ມີ 18 ຄະແນນ, ອັນດັບ 3 ລະບຽງພູ ລົງສະຫນາມ 9 ນັດ ຊະນະ 5 ນັດ ສະເຫມີ 1 ນັດ ເສຍ 3 ນັດ ມີ 16 ຄະແນນ, ອັນດັບ 4 ປກສແຂວງຈຳປາສັກ ລົງສະຫນາມ 9 ນັດ ຊະນະ 4 ນັດ ເສຍ 5 ນັດ ມີ 12 ຄະແນນ, ອັນດັບ 5 ບຸ່ງອຸດົມ ລົງສະຫນາມ 9 ນັດ ຊະນະ 3 ນັດ ເສຍ 6 ນັດ ມີ 9 ຄະແນນ ແລະ ອັນດັບສຸດທ້າຍ ສີລາເພັດ ລົງສະຫນາມ 9 ນັດ ເສຍ 9 ນັດ ມີ 0 ຄະແນນ ຂະນະທີ່ ຜູ້ຍິງປະຕູສູງສຸດ ອັນດັບ 1 ມັງກອນ ວົງສະຫວັດ ຈາກ ທະຫານແຂວງຈຳປາສັກ ຍິງໄດ້ 11 ປະຕູ ແລະ ອັນດັບ 2 ສຸກຈິນດາ ນັດຜາສຸກ ຈາກ ປກສແຂວງຈຳປາສັກ ຍິງໄດ້ 9 ປະຕູ.

                  ຕາຕະລາງການແຂ່ງຂັນນັດສຸດທ້າຍ ວັນເສົາ 27 ກໍລະກົດ 2024 ເວລາ 13:30 ປິ່ນແກ້ວ ພົບ ປກສ ແຂວງ, ເວລາ 15:30 ລະບຽງພູ ພົບ ສີລາເພັດ ແລະ ເວລາ 17:30 ບຸ່ງອຸດົມ ພົບ ທະຫານແຂວງວຽງຈັນ ແຂ່ງຂັນຢູ່ທີ່ສະ ຫນາມກິລາຫຼັກ 2 ແຂວງຈຳປາສັກ ພາຍຫຼັງຈົບການແຂ່ງຂັນຄູ່ສຸດທາຍຈະມີພີທີມອບລາງວັນປະເພດຕ່າງໆຢ່າງເປັນທາງການ.

         ການແຂ່ງຂັນກິລາບານເຕະ ລາວ ໂຕໂຢຕ້າພາກໃຕ້ ຈໍາປາສັກ ລີກ 2 ປະຈໍາປີ 2024 ເປີດຂື້ນຢ່າງເປັນທາງການເມື່ອບໍ່ດົນມານີ້,ທີ່ສະໜາມກິລາແຂວງຈໍາປາສັກ ໂດຍການໃຫ້ກຽດເຂົ້າຮ່ວມເປັນປະທານຂອງ ທ່ານ ແກ້ວລັດຕະນະ ສີຫາວົງ ຮອງປະທານສະພາປະຊາຊົນແຂວງຈໍາປາສັກ ທັງເປັນຄະນະບໍລິຫານງານສະຫະພັນກິລາບານເຕະແຫ່ງຊາດລາວ.

          ໃນພິທີ, ທ່ານ ວິໄລວັນ ແກ້ວເຮືອງສີ ຄະນະບໍລີຫານງານສະຫະພັນກິລາບານເຕະແຂວງຈໍາປາສັກ ໄດ້ລາຍງານຫຍໍ້ກ່ຽວກັບການຈັດຕັ້ງປະຕິບັດ, ການກະກຽມ ແລະ ການດຳເນີນການແຂ່ງຂັນ ເຊິ່ງປະກອບມີ 6 ສະໂມສອນເຂົ້າຮ່ວມການແຂ່ງຂັນຄື: ສະໂມສອນກິລາບານເຕະທະຫານແຂວງຈໍາປາສັກ(ແຊັ້ມເກົ່າ), ສະໂມສອນກິລາບານເຕະລະບຽງພຸ(ຮອງແຊັ້ມ), ສະໂມສອນກິລາບານເຕະ ປ.ກ.ສ ແຂວງຈໍາປາສັກ, ສະໂມສອນກິລາບານເຕະສີລາເພັດ, ສະໂມສອນກິລາບານເຕະປິນແກ້ວ 2010ແລະ ສະໂມສອນກິລາບານເຕະບຸ່ງອຸດົມ. ຈາກນັ້ນ, ທ່ານແກ້ວລັດຕະນະ ສີຫາວົງ ປະທານຈັດການແຂ່ງຂັນ ໄດ້ມີຄໍາເຫັນໂອ້ລົມ ກ່າວເປີດການແຂ່ງກິລາບານເຕະລາວ ໂຕໂຢຕ້າ ພາກໃຕ້ ຈໍາປາສັກ ລີກ 2 ປະຈໍາປີ 2024 ຢ່າງເປັນທາງການ,ເຊິ່ງທ່ານໄດ້ຍົກໃຫ້ເຫັນຈຸດປະສົງຂອງການຈັດການແຂ່ງຂັນຄັ້ງນີ້ກໍ່ເພື່ອປະຕິບັດຕາມແຜນການເຄື່ອນໄຫວ ສະຫະພັນບານເຕະແຫ່ງຊາດລາວ ປະຈຳປີ 2024 , ທັງເປັນການສ້າງຂະບວນການຕ້ອງຮັບວັນສໍາຄັນຕ່າງໆຂອງພັກ, ຂອງຊາດ ໂດຍສະເພາະເພື່ອເປັນການຕ້ອນຮັບກອງປະ ຊຸມສາມຂັ້ນຂອງແຂວງຈໍາປາສັກ ໃຫ້ມີບັນຍາກາດ ແລະ ຂະບວນການຟົດຟື້ນ ແລະເພື່ອເປັນການຄັດເລືອກໃຫ້ໄດ້ນັກກິລາທີ່ມີຄວາມສາມາດ ເຂົ້າຮັບໃຊ້ແຂວງ ແລະ ທິມຊາດລາວ.ພ້ອມນັ້ນທ່ານຍັງໄດ້ເນັ້ນໜັກໃຫ້ບັນດາສະໂມສອນຕະຫຼອດຄະນະຈັດການແຂ່ງຂັນຈົ່ງພ້ອມກັນເອົາໃຈໃສ່ ແລະ ເຮັດສໍາເລັດໜ້າທີ່ຄວາມຮັບຜິດຊອບ,ໂດຍສະເພາະນັກກິລາ ຈົ່ງພ້ອມກັນຕັ້ງ ແລະ ເອົາໃຈໃສ່ ຝຶກແອັບຕົນເອງ ເພື່ອສະແດງໃຫ້ເຫັນເຖິງຄວາມສາມາດໃນການເຂົ້າຮ່ວມການແຂ່ງຂັນລາຍການດັ່ງ ກວ່າສາມາດຕໍ່ຍອດ ນໍາພາຕົນກ້າວໄປສູ່ການເປັນນັກກິລາອາຊີບ ແລະ ຮັບໃຊ້ຊາດ.

           ເຂົ້າຮ່ວມໃນພິທີນີ້ຍັງມີບັນດາທ່ານຜູ້ຕາງໜ້າຈາກພະແນກການ-ກົມກອງອ້ອມຂ້າງແຂວງ, ຄະນະນະບໍລິຫານງານສະຫະພັນກິລາບານເຕະແຂວງຈໍາປາສັກ,ຜູ້ຕາງໜ້າບັນດາສະໂມສອນກິລາບານເຕະທີ່ເຂົ້າຮ່ວມການແຂ່ງຂັນ, ຄະນະຈັດການແຂ່ງຂັນ, ນັກກິລາ ແລະແຟນບານເຂົ້າຮ່ວມຢ່າງພ້ອມພຽງ.

ລາວລີກ 2 ແຂວງຈຳປາສັກ ມີ 6 ສະໂມສອນເຂົ້າຮ່ວມການແຂ່ງຂັນຄື:

1. ສະໂມສອນບານເຕະ ທະຫານແຂວງຈຳປາສັກ(ເເຊັ້ມເກົ່າ 2023).

2. ສະໂມສອນບານເຕະ ລະບຽງພູ (ຮອງເເຊັ້ມເກົ່າ2023).

3. ສະໂມສອນບານເຕະ ປ.ກ.ສ ແຂວງຈຳປາສັກ.

4. ສະໂມສອນບານເຕະ ສີລາເພັດ.

5. ສະໂມສອນບານເຕະ ບຸ່ງອຸດົມ.

6. ສະໂມສອນບານເຕະ ປິ່ນແກ້ວ

ໂດຍຈະເລີ້ມແຂ່ງຂັນວັນທີ 18 ພຶດສະພາ 2024 ເປັນຕົ້ນໄປ ແຂ່ງຂັນທຸກໆ ວັນເສົາ ແລະ ວັນອາທິດ ຢູ່ທີ່ສະຫນາມກິລາຫຼັກ 2 ແຂວງຈຳປາສັກ

ຕາຕະລາງ ການແຂ່ງຂັນອາທິດທີ 1

ວັນເສົາ 18 ພຶດສະພາ 2024

ເວລາ 15:30 ສະໂມສອນບານເຕະ ປິນເເກ້ວ F.C ພົບ ສະໂມສອນບານເຕະ ບຸ່ງອຸດົມ F.C

ວັນອາທິດ 19 ພຶດສະພາ 2024

ເວລາ 13:30 ສະໂມສອນບານເຕະທະຫານແຂວງຈຳປາສັກ F.C ພົບ ສະໂມສອນບານເຕະລະບຽງພູ

ເວລາ 15:30 ສະໂມສອນບານເຕະ ປ.ກ.ສ ແຂວງຈຳປາສັກ F.C ພົບ ສະໂມສອນບານເຕະ ສີລີເພັດ F.C

ສາມາດຕິດຕາມຊົມ ແລະ ເຊຍ ທີມທີ່ຕົນເອງມັກໄດ້ແຂ່ງຂັນຢູ່ທີ່ສະຫນາມກິລາຫຼັກ 2 ແຂວງຈຳປາສັກ ເຂົ້າຊົມຟຣີ ຫລື ຮັບຊົມການຖ່າຍທອດສົດໄດ້ທີ່ເພສ F.C.Champasak

ການແຂ່ງຂັນບານເຕະລາວລີກ 2 ແຂວງຈຳປາສັກ ແມ່ນໄດ້ດຳເນີນມາແຕ່ວັນທີ 8ເມສາ 2023 ເປັນຕົ້ນມາ,ແຂ່ງຂັນໄດ້ 11 ອາທິດ ຍັງອີກ 3 ນັດ ກໍຈະຈົບການແຂ່ງຂັນ ໂດຍມີ 3 ທີມທີ່ມີໂອກາດຈະໄດ້ຊະນະເລີດ(ແຊັມ)ໃນການແຂ່ງຂັນຄັ້ງນີ້ປະກອບມີ: ອັນດັບ 1 ລະບຽງພູ ລົງສະຫນາມ 11 ນັດ ຊະນະ 8 ນັດ ສະເຫມີ 1 ນັດ ເສຍ 2 ນັດ ມີ 25 ຄະແນນ, ອັນດັບ 2 ທະຫານແຂວງ ລົງສະຫນາມ 11 ນັດ ຊະນະ 7 ນັດ ສະເຫມີ 3 ນັດ ເສຍ 1 ນັດ ມີ 24 ຄະແນນ, ອັນດັບ 3 ບາຈຽງ ລົງສະຫນາມ 11 ນັດ ຊະນະ 6 ນັດ ສະເຫມີ 2 ນັດ ເສຍ 3 ນັດ ມີ 20 ຄະແນນ.
ສຳລັບຕາຕະລາງ ການແຂ່ງຂັນ 3 ນັດສຸດທ້າຍ ຂອງລະບຽງພູ ວັນທີ 09 / 07 / 2023 ເວລາ 15:30 ລະບຽງພູ ພົບ ທະຫານແຂວງ, ວັນທີ 15/07/2023 ເວລາ 13:30 ຫົວແຊ ພົບ ລະບຽງພູ, ນັດສຸດທ້າຍ ວັນທີ 22/07/2023 ລະບຽນພຸ ພົບ ສີອຳພອນ. ສ່ວນທີມອັນດັບ 2 ທະຫານແຂວງ ວັນທີ 09/07/2023 ເວລາ 15:30 ລະບຽງພູ ພົບ ທະຫານແຂວງ, ວັນທີ 16/07/2023 ເວລາ 15:30 ທະຫານແຂວງ ພົບ ນໍ້າດື່ມນາດາ, ນັດສຸດທ້າຍ ວັນທີ 22/07/2023 ເວລາ 13:30 ບາຈຽງ ພົບ ທະຫານແຂວງ ແລະ ທີມອັນດັບ 3 ບາຈຽງ ວັນທີ 08/07/2023 ເວລາ 13:30 ຫົວແຊ ພົບ ບາຈຽງ, ວັນທີ 15/07/2023 ເວລາ ສີລາເພັດ ພົບ ບາຈຽງ ແລະ ນັດສຸດທ້າຍ ວັນທີ 22/07/2023 ເວລາ 15:30 ບາຈຽງ ພົບ ທະຫານແຂວງ.
ເຊີນທ່ານຜູ້ຊົມມາເຊຍນຳກັນວ່າທີມໃດຈະເປັນແຊ້ມການແຂ່ງຂັນບານເຕະລາວລີກ 2 ແຂວງຈຳປາສັກ ແຟນບານສາມາດຕິດຕາມຊົມແລະໃຫ້ກຳລັງໃຈທີມທີ່ຕົນເອງມັກ,ເຊິ່ງການແຂ່ງຂັນຈັດຢູ່ສະຫນາມກິລາແຂວງຈຳປາສັກ
Champasak League 2
#LaoFootballFederation
#Laoleague2
#ChampasakProvince