ວັນທີ 28 ມີນາ 2026 ທີ່ຜ່ານມາ ຢູ່ທີ່່ ໂຮງແຮມແລນມາກແມ່ຂອງລີເວີໄຊ , ສະຫະພັນບານເຕະແຫ່ງຊາດລາວ ຮ່ວມກັບ ສະຫະພັນບານເຕະນາໆຊາດ ໄດ້ຈັດ ກອງປະຊຸມ ວິເຄາະສະພາບແວດລ້ອມກິລາບານເຕະລະດັບສະໝັກຫຼີ້ນ ໃນ ສປປ ລາວ FIFA AMATEUR FOOTBALL ENVIRONMENT ເຂົ້າຮ່ວມ ມີ ທ່ານ ວີເພັດ ສີຫາຈັກຣ ປະທານ ສະຫະພັນບານເຕະແຫ່ງຊາດລາວ, ທ່ານ ARIS CASLIB ຕົວແທນ ຈາກ ສະຫະພັນບານເຕະນາໆຊາດ ສັນຊາດຟີລິບປິນ, ທ່ານ CHOKEY NIMA ຕົວແທນຈາກ ສະຫະພັນບານເຕະນາໆຊາດ ສັນຊາດບູຖານ, ຄະນະບໍລິຫານງານ ສະຫະພັນບານເຕະແຫ່ງຊາດລາວ, ຫົວຫນ້າພະແນກ ແລະ ວິຊາການ ສະຫະພັນບານເຕະແຫ່ງຊາດລາວ, ກະຊວງສຶກສາທິການ ແລະ ກິລາ, ສະຫະພັນບານເຕະແຂວງ, ມະຫາວິທະຍາໄລແຫ່ງຊາດລາວ, ສະຖາບັນກິລາ - ກາຍຍະກຳ, ມສ ນາຊາຍທອງ, ສະໂມສອນ ຈາກລາວລີກ 2, ສະໂມສອນ ຟຸດຊໍ ແລະ ສູນຝຶກເຍົາວະຊົນ ໂດຍມີຜູ້ເຂົ້າຮ່ວມທັງຫມົດ 66 ຄົນ.

          ທ່ານ ວີເພັດ ສິີຫາຈັກຣ ປະທານ ສະຫະພັນບານເຕະແຫ່ງຊາດລາວ ໄດ້ກ່າວວ່າ: ‘’ ຂໍສະແດງຄວາມຂອບໃຈຢ່າງສູງຕໍ່ FIFA ສຳລັບການສະໜັບສະໜູນ ແລະ ຄວາມມຸ່ງໝັ້ນຢ່າງຕໍ່ເນື່ອງ ໃນການພັດທະນາກິລາບານເຕະໃນທຸກລະດັບ ໂດຍສະເພາະ ລະດັບຂັ້ນພື້ນຖານ ແລະ ລະດັບສະໝັກຫຼີ້ນ ຊຶ່ງເປັນພື້ນຖານແກ່ນແທ້ຂອງກິລານີ້f ກິລາບານເຕະບໍ່ພຽງແຕ່ເປັນກິດຈະກຳທີ່ນີຍົມໃນດ້ານການແຂ່ງຂັນເທົ່ານັ້ນ, ແຕ່ຍັງເປັນກິດຈະກຳໜຶ່ງທີ່ພັດດັນໃຫ້ແກ່ການສ້າງຄວາມສາມັກຄີ, ການສຶກສາ ແລະ ການພັດທະນາສັງຄົມ. ສຳລັບ ສປປ ລາວ ກິລາບານເຕະລະດັບສະໝັກຫຼີ້ນ ມີບົດບາດສຳຄັນໃນການເຊື່ອມໂຍງຊຸມຊົນ, ສ້າງແຮງບັນດານໃຈໃຫ້ແກ່ຊາວໜຸ່ມ ໂດຍສົ່ງເສີມການມີສຸຂະພາບທີ່ດີ ແລະ ຫ່າງໄກຈາກສິ່ງເສບຕິດ. ນີ້ແມ່ນຈຸດເລີ່ມຕົ້ນຂອງຄວາມມັກຮັກ ແລະ ເປັນບ່ອນຄົ້ນພົບພອນສະຫວັນຂອງນັກກິລາໃນແຕ່ລະຮຸ່ນອາຍຸໃນອະນາຄົດ ''.

          ກອງປະຊຸມໃນຄັ້ງນີ້ ເກີດຂຶ້ນໃນເວລາອັນເໝາະສົມຢ່າງຍິ່ງ ສຳລັບພວກເຮົາ. ໃນຂະນະທີ່ພວກເຮົາກຳລັງສືບຕໍ່ເສີມສ້າງການພັດທະນາກິລາບານເຕະໃນປະເທດ, ການທົບທວນ ແລະ ປະເມີນສະພາບອົງປະກອບດ້ານໂຄງສ້າງ, ສິ່ງທ້າທາຍ ແລະ ກາລະໂອກາດ ເປັນສິ່ງຈຳເປັນຢ່າງຍິ່ງ. ຜ່ານຂະບວນການນີ້ ພວກເຮົາຫວັງວ່າ ຈະໄດ້ຮັບຄວາມເຂົ້າໃຈຢ່າງຊັດເຈນ ເພື່ອສ້າງລະບົບບານເຕະສະໝັກຫຼີ້ນ ທີ່ເປັນລະບົບຮັດກຸມ ແລະ ມີການພັດທະນາແບບຍືນຍົງຂຶ້ນໄປເລື້ອຍໆ.

          ສຳລັບເນື້ອໃນກອງປະຊຸມດັ່ງກ່າວນີ້ໄດ້ມີການນຳສະເຫນີກ່ຽວກັບ ສະພາບແວດລ້ອມບານເຕະສະຫມັກຫລິ້ນໃນທົ່ວໂລກ ແລະ ສະເພາະຂອງ ສປປ ລາວ, ການສົນທະນາແບບມີສ່ວນຮ່ວມກ່ຽວກັບ ສະພາບແວດລ້ອມບານເຕະສະຫມັກຫລິ້ນໃນ ສປປ ລາວ , ໃນທ້າຍກອງປະຊຸມຍັງມີການແລກປ່ຽນຄວາມຄິດເຫັນເພື່ອພັດທະນາບານເຕະ ພາຍໃນ ສປປ ລາວ ໃຫ້ພັດທະນາຂຶ້ນກວ່າເກົ່າ.

         ສະຫະພັນບານເຕະແຫ່ງຊາດລາວ ( ສຕລ ) ໄດ້ສຳເລັດຊຸດຝຶກອົບຮົມຄູຝຶກລະດັບ ໂປຣລາຍເຊັນ ຫຼື LFF/AFC – Pro Diploma Coaching Course ຖືເປັນການເປີດຝຶກອົບຮົມຄູຝຶກລະດັບສູງສຸດຄັ້ງທໍາອິດໃນ ສປປ ລາວໂດຍໄດ້ເລີ່ມຝຶກອົບຮົມນັບແຕ່ວັນທີ 14 ກໍລະກົດ 2025 ຫາ 31 ມີນາ 2026 ລວມໄລຍະຝຶກອົບຮົມ 9ເດືອນ.

ຄະນະຮັບຜິດຊອບຈັດການຝຶກອົບຮົມລາຍງານໃຫ້ຮູ້ວ່າ:ໃນຫຼັກສູດນີ້ ຜູ້ເຂົ້າຮ່ວມໄດ້ຮຽນຮູ້ທາງດ້ານທິດສະດີ, ການປະຕິບັດຕົວຈິງ ແລະ ມີການຮຽນຜ່ານອອນລາຍ ພ້ອມດຽວກັນນັ້ນ ຍັງໄດ້ເດີນທາງໄປທັດສະນະສຶກສາຕື່ມອີກ ທີ່ ປະເທດອາຣັບບີ ຊາອຸດິ ອາຣັບເບຍ ແລະ ປະເທດ ກາຕ້າ.ນອກຈາກການຈັດຝຶກອົບຮົມໃນຄັ້ງນີ້ ທາງ ສຕລ ຍັງໄດ້ມີແຜນຈະຈັດເພີ້ມຕື່ມອີກ ເພື່ອເປັນ ເງື່ອນໄຂໃນການສ້າງບຸກຄະລາກອນຄູຝຶກກິລາບານເຕະ ລະດັບ Pro License ໃຫ້ນັບມື້ຫຼາຍຂຶ້ນ ເລື້ອຍໆ ເພື່ອຕອບສະໜອງໃຫ້ແກ່ການພັດທະນາ ແລະ ຍົກສູງວົງການກິລາບານເຕະໃນ ສປປ ລາວ.

        ການຝຶກອົບຮົມ ຫຼັກສູດ “ຄູຝຶກບານເຕະ ລະດັບ Pro License” ຄັ້ງນີ້ ແມ່ນໄດ້ຮັບການ ຮັບຮອງຈາກ ສະຫະພັນບານເຕະອາຊີ (AFC) ມີຜູ້ເຂົ້າຮ່ວມທັງໝົດ 12 ທ່ານ ທີ່ມາຈາກບັນດາ ສະໂມສອນບານເຕະພາຍໃນປະ ເທດລາວ ຈໍານວນ 6 ທ່ານ ໃນນັ້ນມີ ຍິງ 1 ທ່ານ ແລະ ຕ່າງປະເທດ ຈໍານວນ 6 ທ່ານ ທີ່ມາຈາກສິງກະໂປ, ມາເລເຊຍ, ໄທ, ກຳປູເຈຍ ແລະ ຍີ່ປຸ່ນ.ດັ່ງລາຍຊື່ດັ່ງລຸ່ມນີ້:

1. ທ່ານ ຈັນດາລາພອນ ລຽບວິໄຊ ຈາກ ສະໂມສອນ ບານເຕະ ເອສະຣາ

2. ທ່ານ ໂອເລ້ ບູສະອາດ ຈາກ ສະໂມສອນ ບານເຕະ ມັດສະດ້າ ຈີບີ

3. ທ່ານ ກັນລະຍາ ສີສົມຫວັງ ຈາກ ສະໂມສອນ ບານເຕະ ຊ້າງນ້ອຍ

4. ທ່ານ ຄໍາໃສ ຈັນທະວົງ ຈາກ ສະໂມສອນ ບານເຕະ ຫຼວງພະບາງ ຟຟລ

5. ທ່ານ ນ. ພອນທິບ ແສງມະນີ ຈາກ ສະໂມສອນ ບານເຕະ ສາລະວັນ

6. ທ່ານ ວົງມີໄຊ ສຸບົວຄຳ ຈາກ ສະໂມສອນ ບານເຕະ ມັດສະດ້າ ຈີບີ

7. ທ່ານ Supachai Komsilp ຈາກ ປະເທດໄທ

8. ທ່ານ Hok Sochetra ຈາກ ປະເທດກໍາປູເຈຍ

9. ທ່ານ Lizuka Koichiro ຈາກ ປະເທດຍີ່ປຸ່ນ

10. ທ່ານ Mohd Noh Alam Shah ຈາກ ປະເທດສິງກະໂປ

11. ທ່ານ Mohammad Isa Bin Abdul Halim ຈາກ ປະເທດສິງກະໂປ

12. ທ່ານ ARULCHELVAN A/L ILENGGO ຈາກ ປະເທດມາເລເຊຍ

          ສຳລັບຜົນການຮຽນ,ສະຫະພັນບານເຕະອາຊີ ແມ່ນຈະໄດ້ແຈ້ງຜົນການຮຽນດັ່ງກ່າວໃຫ້ຮັບຊາບຕາມພາຍຫລັງ.

         ລະຫວ່າງວັນທີ 01-12 ທັນວາ 2025 ຜູ້ເຂົ້າຮ່ວມ ຝຶກອົບຮົມຄູຝຶກລະດັບ ໂປຣລາຍເຊັນ “LFF/AFC – Pro Diploma Coaching Course” ໄດ້ໄປທັດສະນະສຶກສາ ຢູ່ທີ່ປະເທດ ກາຕ້າ ແລະ ຊາອຸດິດ ອາຣັບບີ.

        ຈຸດປະສົງຂອງການເດີນທາງໄປທັດສະນະສຶກສາໃນຄັ້ງນີ້ ແມ່ນໜຶ່ງໃນຫຼັກສູດການຝຶກອົບຮົມຄູຝຶກລະດັບສູງສຸດ (Pro License) ເພື່ອສຶກສາຮູບແບບການບໍລິຫານກິລາສະໄໝໃໝ່, ການພັດທະນາບານເຕະຍິງ ແລະ ກິລາອາຊີບ, ການສ້າງມູນເຊື້ອສືບທອດພາຍຫຼັງສິ້ນສຸດຈາກການເປັນເຈົ້າພາບຈັດການແຂ່ງຂັນບານເຕະໂລກ ແລະ ລະບົບການພັດທະນາສັກກະຍາພາບບຸກຄະລາກອນ (Talent Development) ທີ່ຖືກນໍາໃຊ້ໃນປະເທດຕາເວັນອອກກາງ.

          ໃນການທັດສະນະສຶກສາຄັ້ງນີ້, ທາງຄະນະໄດ້ມີໂອກາດເຂົ້າຮ່ວມສັງເກດການແຂ່ງຂັນບານເຕະຍິງ (Saudi Women’s Premier League) ແລະ ການແຂ່ງຂັນ ລີກ 3 (Saudi Third Division) ທີ່ ເມືອງ Dammam ປະເທດ ຊາອຸດິດ ອາຣັບບີ, ການແຂ່ງຂັນບານເຕະ FIFA Arab Cup Qatar 2025, FIFA Intercontinental Cup Qatar 2025 and the U23 Gulf Cup Qatar 2025 ທີ່ ເມືອງ Doha ປະເທດ ກາຕ້າ

           ນີ້ເປັນຄັ້ງທໍາອິດໃນປະຫວັດສາດຂອງ ສປປ ລາວ ແລະ ຂອງ ສຕລ ທີ່ໄດ້ຈັດການຝຶກອົບຮົມຄູຝຶກລະດັບສູງສຸດ (Pro License) ເຊິ່ງປະກອບມີ 8 ຫຼັັກສູດ ໂດຍໃຊ້ເວລາໃນການຝຶກອົບຮົມ ລວມທັງຫມົດ 9 ເດືອນ, ເຊິ່ງໄດ້ເລີ້ມແຕ່ ວັນທີ 14 ກໍລະກົດ 2025 ແລະ ຈະສິ້ນສຸດໃນ ວັນທີ 21 ເມສາ ປີ 2026. ແຕ່ລະຫຼັກສູດໄດ້ມີການເຊີນຊ່ຽວຊານຕ່າງປະເທດທີ່ຮັບການຮັບຮອງຈາກ FIFA/AFC ມາເປັນຜູ້ບັນລະຍາຍ ແລະ ສິດສອນ. ພາຍຫຼັງຝຶກອົບຮົມຄົບ, ຜູ້ເຂົ້າຮ່ວມຄູຝຶກຕ້ອງໄດ້ເຮັດບົດວິພາກ ແລະ ສອບເສັງກ່ອນຈະໄດ້ຮັບໃບປະກາດ.

ການຝຶກອົບຮົມ ຫຼັກສູດ “ຄູຝຶກບານເຕະ ລະດັບ Pro License” ຄັ້ງນີ້ ແມ່ນໄດ້ຮັບການຮັບຮອງຈາກ ສະຫະພັນບານເຕະອາຊີ (AFC) ໂດຍມີຜູ້ເຂົ້າຮ່ວມທັງໝົດ 12 ທ່ານ ທີ່ມາຈາກບັນດາ ສະໂມສອນບານເຕະພາຍໃນປະເທດລາວ ຈໍານວນ 6 ທ່ານ ໃນນັ້ນມີ ຍິງ 1 ທ່ານ ແລະ ຕ່າງປະເທດ ຈໍານວນ 6 ທ່ານ ເຊິ່ງມາຈາກປະເທດ ສິງກະໂປ, ມາເລເຊຍ, ໄທ, ກຳປູເຈຍ ແລະ ຍີ່ປຸ່ນ.

            ການຈັດຝຶກອົບຮົມນີ້, ກໍເປັນຫນຶ່ງໃນແຜນຍຸດທະສາດຂອງ ສຕລ ເພື່ອຍົກລະດັບບຸກຄະລາກອນຂອງລາວໃຫ້ໄດ້ມາດຕະຖານສາກົນ ແລະ ເພື່ອຮອງຮັບແຜນການເຄື່ອນໄຫວຂອງທີມຊາດລາວໃນອານາຄົດ, ເຊິ່ງທາງ ສຕລ ກໍຄາດຫວັງໄວ້ວ່າ ເລີ້ມແຕ່ກາງປີ 2026 ທີມຊາດທຸກລຸ້ນຈະມີຄູຝຶກຄົນລາວເປັນຫົວໜ້າຄູຝຶກ.

      ສະຫະພັນບານເຕະແຫ່ງຊາດລາວ( ສຕລ) ໄດ້ສຳເລັດການຝຶກອົບຮົມຄູຝຶກສອນກິລາຟຸດຊໍ ລະດັບ 2 ( AFC FUTSAL LEVEL 2 COACHING CERTIFICATE COUSE ) ເມື່ອວັນທີ 04 ທັນວາ 2025 ທີ່ຫ້ອງປະຊຸມ ສຕລ,ໃຫ້ກຽດເຂົ້າຮ່ວມພິທີປິດໂດຍ ທ່ານ ປອ ບຸນຍູ້ ສີສານ ຄະນະບໍລິຫານງານ ສຕລ, Mr.Hussein Dip ຜູ້ຝຶກສອນກິລາຟຸດຊໍ ຈາກ AFC ພ້ອມດ້ວຍພະນັກງານວິຊາການກ່ຽວຂ້ອງ ແລະ ນັກສຳມະກອນຈໍານວນ 09 ທ່ານ ຈາກບັນດາສະໂມສອນ ລາວ ຟຸດຊໍລີກ, ຈາກປະເທດໄທ 02 ທ່ານ.

       ໃນໂອກາດດັ່ງກ່າວ ທ່ານ ປອ ບຸນຍູ້ ສີສານ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດຂອງການຝຶກອົບຮົມຄັ້ງນີ້, ປີນີ້ແມ່ນມີຄວາມໝາຍສໍາຄັນທາງປະຫວັດສາດ ໃນການສະຖາປະນາ ສປປ ລາວ ຄົບຮອບ 50 ປີ, ໃນໂອກາດດັ່ງກ່າວນີ້ ຮຽກຮ້ອງໃຫ້ຜູ້ເຂົ້າຮວ່ມຈົ່ງນຳໃຊ້ບົດຮຽນທີ່ໄດ້ຮຽນມາໄປພັດທະນານຳໃຊ້ແລະຮຽນຮູ້ແລກປ່ຽນບົດຮຽນ, ປະສົບການນຳກັນ ໃນການເອົາໄປນໍາໃຊ້ໃຫ້ເກີດປະໂຫຍດຫຼາຍເທົ່າທີ່ຈະຫຼາຍໄດ້ ເພື່ອພ້ອມກັນພັດທະນາວົງການກິລາຟຸດຊໍລາວໃຫ້ດີຂື້ນໄປເລື້ອຍໆ ໃນລະດັບຕໍ່ໆໄປ.

       ຕະຫຼອດໄລຍະການຝຶກອົບຮົມໃນຄັ້ງນີ້ ໄດ້ຮຽນຮູ້ທັງພາກທິດສະດີ ແລະ ການປະຕິບັດຕົວຈິງຢູ່ສະໜາມ, ໂດຍມີການສອບເສັງ 03 ຄັ້ງ ( ພາກຕົວຈິງ 02 ຄັ້ງ ແລະ ພາກທິດສະດີ 1 ຄັ້ງ ),ໃນນັ້ນ ພາກທິດສະດີແມ່ນໄດ້ຮຽນຮູ້ກ່ຽວກັບ ຄວາມຕ້ອງການເພື່ອເປັນຄູຝຶກປະສົບຜົນສໍາເລັດ, ການຝຶກແອບໜ້າທີ່ຂອງໜ້າເປົ້າ, ຍຸດທະວິທີການບຸກ, ລະບົບການປ້ອງກັນ, ການວິເຄາະເກມ, ພະລະກໍາລັງ ແລະ ການຟື້ນຄືນຂອງນັກກິລາ, ການປ້ອງກັນການບາດເຈັບ, ການກະກຽມທີມກ່ອນລະດູການແຂ່ງຂັນ ແລະ ການກະກຽມອາທິດກ່ອນເກມແຂ່ງຂັນ, ການປ່ຽນຈາກບຸກມາເປັນຮັບ ແລະ ຈາກຮັບເປັນບຸກ, ການໂຕ້ກັບໄວ, ລູກຕັ້ງເຕະ. ສ່ວນພາກຕົວຈິງໄດ້ຮຽນຮູ້ກ່ຽວກັບ ຝຶກໜ້າທີຂອງໜ້າເປົ້າ ເກມເດີ່ນນ້ອຍ, ຝຶກການຫຼີ້ນດ້ານຍຸດທະວີທີ(ການເຄື່ອນທີ່,ການສະກັດບານ), ລະບົບການບຸກ(3-1,2-2,4-0), ລະບົບການປ້ອງກັນຮູບແບບການປ້ອງກັນ, ການປ່ຽນຈາກບຸກມາເປັນຮັບ(ການເຄື່ອນທີ່) ແລະ ອື່ນໆ.

         ສຳລັບການຝຶກອົບຮົມແມ່ນໄດ້ດຳເນີນໄປເປັນເວລາ 9 ວັນ ແຕ່ວັນທີ 26 ພະຈິກ – 04 ທັນວາ 2025. ໃນຕອນທ້າຍພິທີຍັງມີການມອບໃບຢັ້ງຢືນໃຫ້ກັບຜູ້ເຂົ້າຮ່ວມຝຶກອົບຮົມ ທັງ 09 ທ່ານ .ສ່ວນຜົນການຝຶກອົບຮົມຄູຝຶກສອນກິລາຟຸດຊໍ ລະດັບ 2 ແມ່ນຈະແຈ້ງໃຫ້ສໍາມະນາກອນຮັບຊາບຕາມພາຍຫຼັງ.

          ສະຫະພັນບານເຕະແຫ່ງຊາດລາວ (ສຕລ) ຈັດກອງປະຊຸມພັດທະນາຄູຝຶກບານເຕະ ສຕລ ປະຈຳປີ 2025 ຂຶ້ນໃນວັນທີ 09 ພະຈິກ 2025, ທີ່ໂຮງແຮມແລກມາກ, ນະຄອນຫຼວງວຽງຈັນ, ໃຫ້ກຽດເຂົ້າຮ່ວມເປີດພິທີໂດຍ ທ່ານ ວີເພັດ ສີຫາຈັກຣ ປະທານ ສຕລ.

 ທ່ານ ວີເພັດ ສີຫາຈັກຣ ໄດ້ກ່າວວ່າ: “ການພັດທະນາຄູຝຶກເປັນໜຶ່ງໃນປັດໃຈສໍາຄັນ ໃນການຍົກລະດັບວົງການກິລາບານເຕະຂອງປະເທດລາວເຮົາ, ເພາະຄູຝຶກແມ່ນຜູ້ທີ່ສ້າງແຜນ ແລະ ຫຼັກສູດການຝຶກແອບໃຫ້ນັກກິລາ ເພາະ ສະນັ້ນ ຄູຝຶກຈະຕ້ອງເປັນແບບຢ່າງທີ່ດີ ບໍ່ວ່າໃນສະໜາມຝຶກຊ້ອມ ແລະ ຢູ່ນອກສະໜາມ.”

          ທ່ານ ວີເພັດ ສີຫາຈັກຣ ໄດ້ໃຫ້ຂໍ້ມູນເພີ່ມເຕີມອີກວ່າ: “ສຳລັບແຜນການຈັດຝຶກອົບຮົມຄູຝຶກໃນປີ 2026, ສຕລ ໄດ້ວາງແຜນຈະຈັດຝຶກອົບຮົມຄູຝຶກບານເຕະ ລະດັບ C ຈໍານວນ 3 ຄັ້ງ, ລະດັບ B ຈຳນວນ 1 ຄັ້ງ ແລະ A ຈຳນວນ 1 ຄັ້ງ ເຊິ່ງເງື່ອນໄຂຫຼັກສໍາຄັນຂອງຄູຝຶກລະດັບ B ທີ່ຈະຖຶກຍົກລະດັບກ້າວເຂົ້າຮຽນໃນລະດັບ A, ຄູຝຶກຜູ້ນັ້ນຕ້ອງມີທີມສະໂມສອນທີ່ເຄື່ອນໄຫວວຽກງານນໍາເປັນປົກກະຕິ ຈຸດປະສົງກໍ່ເພື່ອໃຫ້ເປັນໄປຕາມເກນການປະເມີນ ແລະ ຕາມມາດຕະຖານທີ່ທາງສະຫະພັນບານເຕະອາຊີ (Asian Football Confederation) ໄດ້ວາງອອກ ແລະ ກໍເພື່ອຮັບປະກັນວ່າ ຄູຝຶກມີເງື່ອນໄຂເຂົ້າເຖິງກຸ່ມນັກກິລາ ແລະ ຕິດແທດກັບວຽກງານການແຂ່ງຂັນບານເຕະຢ່າງສະໝໍ່າສະເໝີ.”

          ໃນວາລະດຳເນີນກອງປະຊຸມ, ຜູ້ເຂົ້າຮ່ວມຍັງໄດ້ແລກປ່ຽນບົດຮຽນ, ປະສົບການຕົວຈິງ; ຮັບຟັງການບັນລະຍາຍກ່ຽວກັບ ຂະບວນການເຟັ້ນຫານັກກິລາພອນສະຫວັນ ຜ່ານລະບົບດີຈິຕອນ (Digital), ການວາງແຜນຝຶກຊ້ອມ ແລະ ການປະຊຸມທີມ ໂດຍນຳໃຊ້ Tactical Pad ແລະ ການພັດທະນາຄູຝຶກໃນບານເຕະສະໄໝໃໝ່ເປັນຕົ້ນ. ການຝຶກອົບຮົມນີ້ ໄດ້ຈັດຂຶ້ນເປັນຄັ້ງທີ 2, ເຊິ່ງຄັ້ງທໍາອິດໄດ້ຈັດຂື້ນເມື່ອວັນທີ 12 ຕຸລາ2024 ແລະຄັ້ງນີ້ໄດ້ມີວິທະຍາກອນຈາກຕ່າງປະເທດ, ບັນດາຄູຝຶກບານເຕະ ແລະ ວິຊາການ ສຕລ ເຂົ້າຮ່ວມ, ຈຸດປະສົງເພື່ອສ້າງຊຸມຊົນຄູຝຶກກິລາບານເຕະ ໄວ້ແລກປ່ຽນປະສົບການ, ແນວຄິດ, ຂໍ້ມູນຂ່າວສານ ເພື່ອໄປໝູນໃຊ້ໃນສະໂມສອນ ຫຼື ສູນຝຶກຊ້ອມບານເຕະເຍົາວະຊົນໃນແຕ່ຂົງເຂດທີ່ຄູຝຶກຮັບຜິດຊອບ ເປັນທ່າແຮງໃນການພັກດັນວົງການກິລາບານເຕະໃຫ້ພັດທະນາ ແລະ ຍົກລະດັບຄວາມຮູ້ຄວາມສາມາດຂອງຄູຝຶກບານເຕະລາວໃຫ້ຕໍ່ເນື່ອງ, ທັງໃຫ້ກ້າວທັນຕາມມາດຕະຖານສາກົນ ເຂົ້າກັບຍຸກກິລາບານເຕະສະໄໝໃໝ່ ແລະ ໃຫ້ທັນກັບບັນດາປະເທດອ້ອມຂ້າງ.

         ສະຫະພັນບານເຕະແຫ່ງຊາດລາວ (ສຕລ) ໄດ້ສົ່ງຜູ້ຝຶກສອນຄູຝຶກຂອງ ສຕລ ເຂົ້າຮ່ວມຝຶກອົບຮົມ ຫຼັກສູດຝຶກອົບຮົມຄູຝຶກ The FIFA Coach Educator Development Pathway - Assessment Practice Program ຢູ່ທີ່ນະຄອນຫຼວງຈາກາຕາ ປະເທດອິນໂດເນເຊຍ ໃນລະຫວ່າງ ວັນທີ 27 – 30 ຕຸລາ 2025 ທີ່ຜ່ານມາ.

        ຜູ້ຝຶກສອນຄູຝຶກຂອງ ສຕລ ທີ່ເຂົ້າຮ່ວມຝຶກອົບຮົມຄັ້ງນີ້ ລວມມີ 2 ທ່ານ ຄື: ທ່ານ ເຮີມັນ (Herman Zalaini) ຫົວຫນ້າພັດທະນາຄູຝຶກ ສຕລ ແລະ ທ່ານ ວົງມີໄຊ ສຸບົວຄຳ ຜູ້ຝຶກສອນຫຼັກຈາກ ສປປ ລາວ.

        ສຳລັບຈຸດປະສົງຂອງການຝຶກອົບຮົມຄັ້ງນີ້ ແມ່ນເພື່ອປະເມີນຜົນ ແລະ ສອບເສັງວິທະຍກອນອົບຮົມຄູຝຶກ 6 ດ້ານຄື: ພາກທິດສະດີ, ການເປັນຜູ້ນໍາ, ພາກການໃຫ້ຄໍາປຶກສາການອອກແບບແຜນຊ້ອມ, ພາກສະໜາມ, ພາກການຕິດຕາມຜູ້ເຂົ້າອົບຮົມ ແລະ ພາບລວມຂອງວິທະຍາກອນຄູຝຶກ.

        ຕະຫຼອດໄລຍະທີ່ຜ່ານມາ, ຄະນະບໍລິຫານງານຂອງ ສຕລ ຍາມໃດກໍຍຶດໝັ້ນເອົາການພັດທະນາບຸກຄະລາກອນພາຍໃນເປັນສິ່ງສຳຄັນ, ທັງໄດ້ເນັ້ນວິໄສທັດສົ່ງເສີມໃຫ້ບຸກຄະລາກອນຄົນລາວ ມີໂອກາດຍົກລະດັບຄວາມຮູ້, ຄວາມສາມາດໃນວຽກງານວິຊາສະເພາະຂອງຕົນ ໂດຍການສົ່ງຄູຝຶກລາວເຂົ້າຮ່ວມຮຽນຫຼັກສູດຕ່າງໆ ຂອງ FIFA ແລະ AFC ຕະຫຼອດມາຢ່າງຕໍ່ເນືອງ. ນອກນັ້ນ, ຍັງໄດ້ສົ່ງເສີມໃຫ້ບັນດາຄູຝຶກລາວ ໄດ້ພັດທະນາຂີດຄວາມສາມາດໃຫ້ກາຍເປັນຜູ້ຝຶກສອນການອົບຮົມຄູຝຶກລະດັບ C, B, A, PRO LICENSE ຂອງ AFC ຕາມລໍາດັບ.

        ເລີ້ມແຕ່ປີ 2023 ສຕລ ສາມາດເປີດຫຼັກສູດຝຶກອົບຮົມຄູຝຶກ ລະດັບ AFC B ແລະ C ໄດ້ໂດຍບໍ່ຕ້ອງເຊີນຄູຝຶກຕ່າງຊາດມາເປັນຜູ້ຝຶກສອນ, ພິເສດໃນປີ 2026 ສຕລ ຈະສາມາດເປີດຫຼັກສູດຝຶກອົບຮົມຄູຝຶກ ລະດັບ A ໂດຍແມ່ນຄົນລາວເປັນຜູ້ຝຶກສອນ.

           ສະຫະພັນບານເຕະແຫ່ງຊາດລາວ (ສຕລ) ໄດ້ສົມທົບກັບ ພະແນກ ສຶກສາທິການ ແລະ ກິລາ ຂອງ ແຂວງ ສະຫວັນນະເຂດ ຈັດພິທີເປີດຝຶກອົບຮົມຄູຝຶກກິລາບານເຕະ ພາຍໃຕ້ ໂຄງການກິລາບານເຕະໃນໂຮງຮຽນ (FIFA FOOTBALL FOR SCHOOLS) ຂື້ນໃນວັນທີ 21 ກັນຍາ 2025 ທີ່ ສະໜາມກິລາແຂວງສະຫວັນນະເຂດ. ໃຫ້ກຽດເປີດພິທີໂດຍ ທ່ານ ອະນຸສອນ ສຸດທິວົງ ຮອງຫົວໜ້າພະແນກສຶກສາທິການ ແລະ ກິລາ ແຂວງ ສະຫວັນນະເຂດ, ທ່ານ ພູຄຳ ກອງສີຫາລາດ ຮອງຫົວໜ້າພະແນກພະລະສຶກສາ ກົມກິລາມວນຊົນພະລະ ແລະ ສີລະປະສຶກສາ ກະຊວງສຶກສາທິການ ແລະ ກິລາ, ທ່ານ Soundram Moorthy ຫົວໜ້າພະແນກເຕັກນິກວິທະຍາຂອງ ສຕລ, ວິທະຍາກອນຈາກ ສຕລ, ຫົວໜ້າຂະແໜງກິລາກາຍະກໍາ, ຄູສອນພະລະສຶກສາ, ຄູສອນຊ່ວຍ, ຜູ້ຮັບຜິດຊອບວຽກງານກິລາໃນໂຮງຮຽນປະຖົມ ແລະ ມັດທະຍົມ ລວມທັງໝົດ 35 ທ່ານ.

        ຈຸດປະສົງໃນການຝຶກອົບຮົມແມ່ນເພື່ອຍົກລະດັບຄວາມຮູ້ຄວາມສາມາດ ແລະ ວິທີສິດສອນກິລາບານເຕະໃຫ້ກັບ ຄູພະລະສຶກສາທົ່ວແຂວງສະຫວັນະເຂດ ເຊິ່ງໄດ້ນໍາເອົາຫຼັກສູດແບບໃໝ່ຂອງກິລາບານເຕະໄປນໍາໃຊ້ຝຶກຢູ່ບັນດາໂຮງຮຽນ ໃນທົ່ວແຂວງ, ເພື່ອເປັນການພັດທະນານັກກິລາບານເຕະລຸ້ນສືບທອດ ກໍ່ຄືລຸ້ນເຍົາວະຊົນທັງຍິງ-ຊາຍ ກະກຽມຂັ້ນພື້ນຖານໃຫ້ພ້ອມ ກ່ອນກ້າວສູ່ລະດັບສູງໃນຂັ້ນຕໍ່ໄປໃນອານາຄົດ. ໃນນັ້ນ, ລວມມີການແນະນໍາການຝຶກແອບນັກກິລາໃຫ້ຮູ້ປັບປຸງຄວາມ ສາມາດຂອງການຫຼີ້ນກິລາບານເຕະ, ຮູ້ທັກສະ, ມີໄຫວພິກໃນການຫຼີ້ນບານທີ່ຄ່ອງແຄ້ວ, ມີນໍ້າໃຈນັກກິລາ, ເປັນສູນກາງເຂົ້າເຖິງ ນັກກິລາ, ເປັນຈຸດສຸມຂອງການພັດທະນານັກກິລາເຍົາວະຊົນ ຍິງ-ຊາຍ ເພື່ອອະນາຄົດ ແລະ ເປັນເວທີສອນນັກກິລາໃຫ້ຫຼີ້ນບານເຕະແບບມີນໍ້າໃຈນັກກິລາ ຫຼາຍກວ່າເນັ້ນເພື່ອເອົາໄຊຊະນະ.

ໃນໂອກາດເປີດພິທີ ທ່ານ ອະນຸສອນ ສຸດທິວົງ ໄດ້ກ່າວວ່າ: ການຝຶກອົບຮົມຄັ້ງນີ້ ບໍ່ພຽງແຕ່ຖ່າຍທອດຄວາມຮູ້ດ້ານ ວິຊາການບານເຕະ, ແຕ່ຍັງເປັນໂອກາດອັນດີທີ່ຄູຝຶກສອນພະລະສຶກສາ ຈາກຫຼາຍພື້ນທີ່ຈະໄດ້ພົບປະ ເພື່ອແລກປ່ຽນປະ ສົບການ, ສ້າງຄວາມຮ່ວມມືອັນດີ ເພື່ອຮ່ວມກັນພັດທະນາວົງການກິລາຂອງແຂວງ ກໍ່ຄືປະເທດລາວໃຫ້ກ້າວໜ້າຕໍ່ໄປ.

          ການຝຶກອົບຮົມຄັ້ງນີ້ ຈະໃຊ້ເວລາ 2 ມື້ນັບຕັ້ງແຕ່ວັນທີ 21-22 ກັນຍາ 2025 ເຊິ່ງລວມມີພາກທິດສະດີ ແລະ ພາກປະຕິບັດ ຕົວຈິງ ແລະ ຈະໄດ້ເປີດພີທີໂຄງການ FIFA FOOTBALL FOR SCHOOLS ຢ່າງເປັນທາງການ ໃນວັນທີ 23 ກັນຍາ 2025 ທີ່ .

ສະຫະພັນບານເຕະແຫ່ງຊາດລາວ ( ສຕລ ) ໄດ້ເປີດຊຸດຝຶກອົບຮົມຄູຝຶກລະດັບ ໂປຣລາຍເຊັນ ຫຼື LFF/AFC – Pro Diploma Coaching Course ເປັນຄັ້ງທໍາອິດໃນປະຫວັດສາດທີ່ ສປປ ລາວ ໂດຍໄດ້ເປີດສາກຂຶ້ນຢ່າງເປັນທາງການໃນວັນທີ 5 ສິງຫາ 2025 ແລະ ຈະດໍາເນີນການຝຶກອົບຮົມໄປຈົນເຖິງວັນທີ 21 ເມສາ 2026 ຈິ່ງສໍາເລັດ.

ເມື່ອຕອນເຊົ້າວັນທີ 5 ສິງຫາ 2025 ສະຫະພັນບານເຕະແຫ່ງຊາດລາວ ໄດ້ເປີດຝຶກອົບຮົມຄູຝຶກລະດັບ ໂປຣລາຍເຊັນ ຫຼື LFF/AFC – Pro Diploma Coaching Course ຂຶ້ນຢ່າງເປັນທາງການທີ່ ໂຮງແຮມແລນມາກ ໃຫ້ກຽດເຂົ້າຮ່ວມໂດຍ ທ່ານ ວີເພັດ ສີຫາຈັກຣ ປະທານສະຫະພັນບານເຕະແຫ່ງຊາດລາວ, ມີຕົວແທນຈາກ ສະຫະພັນບານເຕະແຫ່ງອາຊີ, ບັນດາຄູຝຶກ, ນັກສໍາມະກອນ, ວິຊາການ ສຕລ ແລະ ອ້າຍ-ນ້ອງ ສື່ມວນຊົນເຂົ້າຮ່ວມຢ່າງພ້ອມພຽງ.

ໂອກາດດັ່ງກ່າວ ທ່ານ ວີເພັດ ສີຫາຈັກຣ ປະທານສະຫະພັນບານເຕະແຫ່ງຊາດລາວ ກ່າວວ່າ: ຂ້າພະເຈົ້າຕາງຫນ້າໃຫ້ ສະຫະພັນບານເຕະແຫ່ງຊາດລາວ ຂໍສະແດງຄວາມຍິນດີຕ້ອນຮັບທຸກໆ ທ່ານເຂົ້າໃນງານຝຶກອົບຮົມຫຼັກສູດ ຄູຝຶກບານເຕະ ລະດັບ Pro License ຢ່າງເປັນທາງການ. ການຝຶກອົບຮົມຄັ້ງນີ້ຈະມີໄລຍະເວລາທັງຫມົດ 9 ເດືອນ, ໂດຍເລີ້ມແຕ່ ວັນທີ 14 ກໍລະກົດ 2025 ຫາ 21 ເມສາ ປີ 2026 ແນ່ນອນການເປີດຝຶກອົບຮົມຄັ້ງນີ້ຖືເປັນບາດກ້າວອັນສໍາຄັນ ແລະ ຄັ້ງປະຫວັດສາດຂອງວົງການກິລາ ບານເຕະລາວ ເພາະຖືເປັນການເປີດຝຶກອົບຮົມຄູຝຶກລະດັບສູງສຸດຄັ້ງທໍາອິດໃນ ສປປ ລາວ. ຈາກຂໍ້ມູນ ສະຖິຕິ ປັດຈຸບັນ ສປປ ລາວ ມີຄູຝຶກບານເຕະ ລະດັບ A License ຈໍານວນ 21 ຄົນ, B License 64 ຄົນ ແລະ C License 310 ຄົນ ລວມທັງຫມົດ 395 ຄົນ.

ການຝຶກອົບຮົມ ຫຼັກສູດ “ຄູຝຶກບານເຕະ ລະດັບ Pro License” ຄັ້ງນີ້ ແມ່ນໄດ້ຮັບການ ຮັບຮອງຈາກ ສະຫະພັນບານເຕະອາຊີ (AFC) ໂດຍມີຜູ້ເຂົ້າຮ່ວມທັງໝົດ 12 ທ່ານ ທີ່ມາຈາກບັນດາ ສະໂມສອນບານເຕະພາຍໃນປະເທດລາວ ຈໍານວນ 6 ທ່ານ ໃນນັ້ນມີ ຍິງ 1 ທ່ານ ແລະ ຕ່າງປະເທດ ຈໍານວນ 6 ທ່ານ ເຊິ່ງມາຈາກປະເທດ ສິງກະໂປ, ມາເລເຊຍ, ໄທ, ກຳປູເຈຍ ແລະ ຍີ່ປຸ່ນ.

ໃນຫຼັກສູດນີ້ ຜູ້ເຂົ້າຮ່ວມຝຶກອົບຮົມຈະໄດ້ຮຽນຮູ້ທາງດ້ານທິດສະດີ, ການປະຕິບັດຕົວຈິງ ແລະ ມີການຮຽນຜ່ານອອນລາຍ ພ້ອມດຽວກັນນັ້ນ ແມ່ນຈະໄດ້ມີການເດີນທາງໄປທັດສະນະສຶກສາຕື່ມອີກ ທີ່ ປະເທດອາຣັບບີ ຊາອຸດິດ ແລະ ປະເທດ ກາຕ້າ.

ນອກຈາກການຈັດຝຶກອົບຮົມໃນຄັ້ງນີ້ ທາງ ສຕລ ຍັງໄດ້ມີແຜນຈະຈັດເພີ້ມຕື່ມອີກ ເພື່ອເປັນ ເງື່ອນໄຂໃນການສ້າງບຸກຄະລາກອນຄູຝຶກກິລາບານເຕະ ລະດັບ Pro License ໃຫ້ນັບມື້ຫຼາຍຂຶ້ນ ເລື້ອຍໆ ເພື່ອຕອບສະໜອງໃຫ້ແກ່ການພັດທະນາ ແລະ ຍົກສູງວົງການກິລາບານເຕະໃນ ສປປ ລາວ.

ການຝຶກອົບຮົມຄູຝຶກລະດັບ ໂປຣລາຍເຊັນ ຫຼື LFF/AFC – Pro Diploma Coaching Course ຄັ້ງນີ້ມີຜູ້ເຂົ້າຮ່ວມຝຶກ ຈໍານວນ 12 ຄົນ ທີ່ມາຈາກບັນດາສະໂມສອນ ພາຍໃນປະເທດ ແລະ ຕ່າງປະເທດ ໃນນັ້ນເປັນຍິງ 1 ຄົນ ມີລາຍຊື່ດັ່ງລຸ່ມນີ້:

1. ທ່ານ ຈັນດາລາພອນ ລຽບວິໄຊ ຈາກ ສະໂມສອນ ບານເຕະ ເອສະຣາ

2. ທ່ານ ໂອເລ້ ບູສະອາດ ຈາກ ສະໂມສອນ ບານເຕະ ມັດສະດ້າ ຈີບີ

3. ທ່ານ ກັນລະຍາ ສີສົມຫວັງ ຈາກ ສະໂມສອນ ບານເຕະ ຊ້າງນ້ອຍ

4. ທ່ານ ຄໍາໃສ ຈັນທະວົງ ຈາກ ສະໂມສອນ ບານເຕະ ສະຫວັນນະເຂດ

5. ທ່ານ ນ. ພອນທິບ ແສງມະນີ ຈາກ ສະໂມສອນ ບານເຕະ ສາລະວັນ

6. ທ່ານ ວົງມີໄຊ ສຸບົວຄຳ ຈາກ ສະໂມສອນ ບານເຕະ ມັດສະດ້າ ຈີບີ

7. ທ່ານ Supachai Komsilp ຈາກ ປະເທດໄທ

8. ທ່ານ Hok Sochetra ຈາກ ປະເທດກໍາປູເຈຍ

9. ທ່ານ Iizuka Koichiro ຈາກ ປະເທດຍີ່ປຸ່ນ

10. ທ່ານ Mohd Noh Alam Shah ຈາກ ປະເທດສິງກະໂປ

11. ທ່ານ Mohammad Isa Bin Abdul Halim ຈາກ ປະເທດສິງກະໂປ

12. ທ່ານ ARULCHELVAN A/L ILENGGO ຈາກ ປະເທດມາເລເຊຍ

          ສະຫະພັນບານເຕະແຫ່ງຊາດລາວ ( ສຕລ ) ກຽມຈັດຝຶກອົບຮົມຄູຝຶກລະດັບ ໂປຣລາຍເຊັນ ຫຼື LFF/AFC – Pro Diploma Coaching Course ຂຶ້ນເປັນຄັ້ງທໍາອິດທີ່ສປປລາວ,ເຊິ່ງຈະຈັດຂື້ນລະຫວ່າງວັນທີ 14 ກໍລະກົດ 2025 ຫາ 21 ເມສາ 2026.

ການຝຶກອົບຮົມຄູຝຶກລະດັບ ໂປຣລາຍເຊັນ ຫຼື LFF/AFC – Pro Diploma Coaching Course ຄັ້ງນີ້ມີຜູ້ເຂົ້າຮ່ວມຝຶກ ຈໍານວນ 12 ຄົນ ທີ່ມາຈາກບັນດາສະໂມສອນ ພາຍໃນປະເທດ ແລະ ຕ່າງປະເທດ ໃນນັ້ນເປັນຍິງ 1 ຄົນ ມີລາຍຊື່ດັ່ງລຸ່ມນີ້:

1. ທ່ານ ຈັນດາລາພອນ ລຽບວິໄຊ ຈາກ ສະໂມສອນ ບານເຕະ ເອສະຣາ

2. ທ່ານ ໂອເລ້ ບູສະອາດ ຈາກ ສະໂມສອນ ບານເຕະ ມັດສະດ້າ ຈີບີ

3. ທ່ານ ກັນລະຍາ ສີສົມຫວັງ ຈາກ ສະໂມສອນ ບານເຕະ ຊ້າງນ້ອຍ

4. ທ່ານ ຄໍາໃສ ຈັນທະວົງ ຈາກ ສະໂມສອນ ບານເຕະ ສະຫວັນນະເຂດ

5. ທ່ານ ນ. ພອນທິບ ແສງມະນີ ຈາກ ສະໂມສອນ ບານເຕະ ສາລະວັນ

6. ທ່ານ ວົງມີໄຊ ສຸບົວຄຳ ຈາກ ສະໂມສອນ ບານເຕະ ມັດສະດ້າ ຈີບີ

7. ທ່ານ Supachai Komsilp ຈາກ ປະເທດໄທ

8. ທ່ານ Hok Sochetra ຈາກ ປະເທດກໍາປູເຈຍ

9. ທ່ານ Iizuka Koichiro ຈາກ ປະເທດຍີ່ປຸ່ນ

10. ທ່ານ Mohd Noh Alam Shah ຈາກ ປະເທດສິງກະໂປ

11. ທ່ານ Mohammad Isa Bin Abdul Halim ຈາກ ປະເທດສິງກະໂປ

12. ທ່ານ ARULCHELVAN A/L ILENGGO ຈາກ ປະເທດມາເລເຊຍ

  ການຝຶກອົບຮົມຄູຝຶກໃນຄັ້ງນີ້ແມ່ນໄດ້ຮັບການຮັບຮອງຈາກ ສະຫະພັນບານເຕະອາຊີ ຫລື AFC ຊຶ່ງເປັນຄັ້ງທໍາອິດທີ່ ສຕລ ໄດ້ຮັບກຽດເປັນເຈົ້າພາບໃນການຈັດຝຶກອົບຮົມໃນຄັ້ງນີ້, ຜູ້ເຂົ້າຮ່ວມຝຶກອົບຮົມ ແມ່ນຈະໄດ້ຮຽນຮູ້ທາງດ້ານທິດສະດີ, ການປະຕິບັດຕົວຈິງ ແລະ ມີການຮຽນຜ່ານອອນລາຍ ພ້ອມດຽວກັນນັ້ນ ແມ່ນຈະໄດ້ເດີນທາງໄປທັດສະນະ ສຶກສາຕື່ມອີກທີ່ປະເທດຊາອຸດິ ອາຣັບເບຍ ແລະ ປະເທດກາຕ້າ ອີກດ້ວຍ.

            ສະຫະພັນບານເຕະແຫ່ງຊາດລາວ( ສຕລ) ໄດ້ຈັດພິທີເປີດການຝຶກອົບຮົມຄູຝຶກກິລາບານເຕະລະດັບຊີ(C) ຂື້ນໃນຕອນເຊົ້າວັນທີ 21 ພຶດສະພາ 2025 ທີ່ ຫ້ອງປະຊຸມ ສະຫນາມ ກິລາແຂວງສະຫວັນນະເຂດ,ໂດຍມີ ທ່ານ ໄພສານ ຈັນສີນາ ປະທານສະຫະພັນບານເຕະແຂວງສະຫວັນນະເຂດ,ທ່ານ ຊຸນດຣໍາ ມູນຕີ (Sundram Moorthy) ຫົວໜ້າພະແນກເຕັກນິກ - ວິ ທະຍາ ສຕລໃຫ້ກຽດເຂົ້າຮ່ວມ.

             ການຝຶກອົບຮົມແມ່ນຈະດຳເນີນໄປຈົນຮອດວັນທີ31 ພຶດສະພາ 2025,ໃນໄລຍະຝຶກອົບຮົມແບ່ງອອກເປັນ 2 ພາກ ປະກອບມີ ພາກທິດສະດີ ແລະ ການປະຕິບັດຕົວຈິງພາກສະໜາມ, ໂດຍຈະມີການສອບເສັງ 6 ຄັ້ງ ( ຕົວຈິງ 3 ຄັ້ງ ແລະ ທິດສະດີ 2 ຄັ້ງ ແລະ ເສັງກໍາມະການ 1 ຄັ້ງ ), ຜູ້ເຂົ້າຮ່ວມຈະໄດ້ຮຽນຮູ້ກ່ຽວກັບ ການພັດທະນາຄູຝຶກ, ຄວາມຕ້ອງການຄູຝຶກ ຂອງ AFC, ພາລະບົດບາດ ແລະ ໜ້າທີຮັບຜິດຊອບ, ເຕັກນິກ ແລະ ຍຸດທະວິທີຂອງການເຕະບານ, ຄວາມສຳພັນກັບບານ, ການສົ່ງບານ, ການຈັບບານ, ການຍິງບານ, ຫຼັກການຂອງການຝຶກສອນ, ບານເຕະຟຸດຊໍ, ກະຕິກາຂອງກິລາບານເຕະ, ອາຫານ ແລະ ສຸຂະພາບ, ການຝຶກແອບ, ການຝຶກແອບຜູ້ຮັກສາປະຕູ, ການວາງແຜນ, ບົດບາດສຳຄັນຂອງຜູ້ຮັກສາປະຕູ, ການຈະເລີນເຕີບໃຫຍ່ ແລະ ການປະຖົມພະຍາບານ, ແນະນຳພາກປະຕິບັດກິດຈະກຳບານເຕະພື້ນຖານ, ການຫຼີ້ນບານໃນເກມແລະອື່ນໆ.

            ເຂົ້າຮວ່ມໃນການຝຶກອົບຮົມຄັ້ງນີ້ຍັງມີທ່ານ ວົງມີໄຊ ສຸບົວຄຳ ຜູ້ຝຶກສອນຫຼັກຈາກ ສຕລພ້ອມຄະນະ,ສຳມະກອນຈໍານວນ 24 ທ່ານ ທີ່ມາຈາກບັນດາສະໂມສອນລີກ 2 ແຂວງສະຫວັນນະເຂດ, ບັນດາເມືອງອ້ອມຂ້າງແຂວງສະຫວັນນະເຂດ,ຈາກປະເທດໄທ 5 ທ່ານ ແລະ ປະເທດກຳປູເຈຍ 1 ທ່ານ.

           ສະຫະພັນບານເຕະແຫ່ງຊາດລາວ( ສຕລ) ໄດ້ຈັດຊຸດຝຶກອົບຮົມຄູຝຶກກິລາບານເຕະ ລະດັບ B (LFF/AFC "B" DIPLOMA COACHING COURSE 2025 ) ຂື້ນ ໃນຕອນເຊົ້າ ວັນທີ 12 ພຶດສະພາ 2025 ທີ່ ຫ້ອງປະຊຸມ ສຕລ, ໂດຍໃຫ້ກຽດເປັນປະທານກ່າວເປີດຂອງທ່ານ ດຣ. ໄຊຊະນະ ທອງຄໍາຈັນ ຄະນະບໍລິຫານງານ ສຕລ, ທ່ານ Sundram Moorthy ຫົວໜ້າພະແນກເຕັກນິກ - ວິທະຍາ ສຕລ, ທ່ານ ວົງມີໄຊ ສຸບົວຄຳ ຜູ້ຝຶກສອນຫຼັກ ຈາກ ສຕລ ພ້ອມດ້ວຍພະນັກງານວິຊາການກ່ຽວຂ້ອງ ແລະ ນັກສຳມະກອນຈໍານວນ 24 ທ່ານ ເປັນຄົນລາວ 18 ທ່ານ, ໄທ 5 ທ່ານ ແລະ ສິງກະໂປ 1 ທ່ານ. ໄລຍະເວລາການຝຶກອົບຮົມ ນັກສຳມະນາກອນ ແມ່ນຈະໄດ້ຮຽນຮູ້ທາງດ້ານທິດສະດີ ແລະ ການລົງຕົວຈິງ ພ້ອມດຽວກັນນັ້ນແມ່ນຈະໄດ້ມີການສອບເສັງ.

         ສໍາລັບການຝຶກອົບຮົມຄັ້ງນີ້ແມ່ນຈະແບ່ງອອກເປັນ 3 ໄລຍະ ຄື: ໄລຍະທີ 1 ວັນທີ 12-16 ພຶດສະພາ 2025, ໄລຍະທີ 2 ວັນທີ 09-15 ມິຖຸນາ 2025 ແລະ ໄລຍະທີ 3 ວັນທີ 01-07 ກັນຍາ 2025.

       ສະຫະພັນບານເຕະແຫ່ງຊາດລາວ( ສຕລ) ໄດ້ສຳເລັດການຝຶກອົບຮົມຄູຝຶກກິລາບານເຕະລະດັບຊີ(C)ໃຫ້ແກ່ຜູ້ເຂົ້າຮວ່ມເມື່ອວັນທີ 04 ເມສາ 2025ທີ່ຫ້ອງປະຊຸມ ສຕລ,ໃຫ້ກຽດເຂົ້າຮວ່ມ ມີ ທ່ານ ດຣ ໄຊຊະນະ ທອງຄຳຈັນ ຄະນະບໍລິຫານງານ ສຕລ, ທັງເປັນຫົວຫນ້າອະນຸກຳມະການເຕັກນິກ - ວິທະຍາ ສຕລ.

     ໃນໂອກາດດັ່ງກ່າວ ທ່ານ ດຣ ໄຊຊະນະ ທອງຄໍາຈັນ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດຂອງການຝຶກອົບຮົມຄັ້ງນີ້,ເຖິງວ່າຈະເປັນໄລຍະເວລາສັ້ນ,ແຕ່ດວ້ຍຄວາມເອົາໃຈໃສ່ຂອງຄູຝຶກສອນແລະການຕັ້ງໃຈຮັບເອົາບົດຮຽນຂອງຜູ້ເຂົ້າຮວ່ມຈິ່ງເຮັດໃຫ້ການຝຶກອົບຮົມສຳເລັດຕາມຈຸດປະສົງທີ່ໄດ້ກຳນົດໄວ້, ຢ່າງໃດກໍຕາມທ່ານ ດຣ ໄຊຊະນະ ທອງຄຳຈັນ ໄດ້ຮຽກຮ້ອງໃຫ້ຜູ້ເຂົ້າຮວ່ມຈົ່ງນຳໃຊ້ບົດຮຽນທີ່ໄດ້ຮຽນມາໄປພັດທະນານຳໃຊ້ແລະຮຽນຮູ້ແລກປ່ຽນບົດຮຽນ,ປະສົບການນຳກັນ ໃນການເອົາໄປນໍາໃຊ້ໃຫ້ເກີດປະໂຫຍດຫຼາຍເທົ່າທີ່ຈະຫຼາຍໄດ້ເພື່ອພ້ອມກັນພັດທະນາວົງການບານເຕະລາວໃຫ້ດີຂື້ນໄປເລື້ອຍໆ.

       ໄລຍະການຝຶກອົບຮົມສຳມະກອນຈໍານວນ 24 ທ່ານ ເປັນຍິງ 3 ທ່ານ, ຈາກປະເທດໄທ 6 ທ່ານໄດ້ຮຽນຮູ້ທັງພາກທິດສະດີ ແລະ ການປະຕິບັດຕົວຈິງຢູ່ສະໜາມ, ໂດຍມີການສອບເສັງ 6 ຄັ້ງ ( ຕົວຈິງ 3 ຄັ້ງ ແລະ ທິດສະດີ 2 ຄັ້ງ ແລະ ເສັງກໍາມະການ 1 ຄັ້ງ ),ໃນນັ້ນ,ຜູ້ເຂົ້າຮ່ວມໄດ້ຮຽນຮູ້ກ່ຽວກັບ ການພັດທະນາຄູຝຶກ, ຄວາມຕ້ອງການຄູຝຶກຂອງ AFC, ພາລະບົດບາດ ແລະ ໜ້າທີຮັບຜິດຊອບ, ເຕັກນິກ ແລະ ຍຸດທະວິທີຂອງການເຕະບານ, ຄວາມສຳພັນກັບບານ, ການສົ່ງບານ, ການຈັບບານ, ການຍິງບານ, ຫຼັກການຂອງການຝຶກສອນ, ບານເຕະຟຸດຊໍ, ກະຕິກາຂອງກິລາບານເຕະ, ອາຫານ ແລະ ສຸຂະພາບ, ການຝຶກແອບຂອງນັກກິລາ, ການວາງແຜນ, ບົດບາດສຳຄັນຂອງຜູ້ຮັກສາປະຕູ, ການຈະເລີນເຕີບໃຫຍ່ ແລະ ການປະຖົມພະຍາບານ, ແນະນຳພາກປະຕິບັດກິດຈະກຳບານເຕະພື້ນຖານ, ການຫຼີ້ນບານໃນເກມແລະອື່ນໆ.

           ສຳລັບການຝຶກອົບຮົມແມ່ນໄດ້ດຳເນີນໄປ 2 ໄລຍະ ຄື: ໄລຍະທີ 1 ວັນທີ 17 – 21 ກຸມພາ 2025 ແລະ ໄລຍະທີ 2 ວັນທີ 31 ມີນາ ຫາ 04 ເມສາ 2025. ໃນຕອນທ້າຍພິທີຍັງມີການມອບໃບຢັ້ງຢືນໃຫ້ກັບຜູ້ເຂົ້າຮ່ວມຝຶກອົບຮົມ ທັງ24ທ່ານ.

ເຂົ້າຮວ່ມພິທີຍັງມີທ່ານ ຊຸນດຣໍາ ມູນຕີ (Sundram Moorthy) ຫົວໜ້າພະແນກເຕັກນິກ - ວິທະຍາ ສຕລ, ທ່ານ ວົງມີໄຊ ສຸບົວຄຳ ຜູ້ຝຶກສອນຫຼັກຈາກ ສຕລ, ສ່ວນຜົນການຝຶກອົບຮົມຄູຝຶກກິລາບານເຕະລະດັບຊີ(C) ແມ່ນຈະແຈ້ງໃຫ້ຮັບຊາບຕາມພາຍຫຼັງ.ສໍາລັບແຜນການຝຶກອົບຮົມຄູຝຶກກິລາບານເຕະລະດັບຊີ(C) ຄັ້ງຕໍ່ໄປແມ່ນຈະຈັດຢູ່ແຂວງສະຫວັນນະເຂດລະຫວ່າງ ວັນທີ 19-30 ພຶດສະພາ 2025.