ຂ່າວດີສຳລັບນັກກິລາຈາກເມືອງໄຊທານີ ຫລື ນັກກິລາອ້ອມຂ້າງ ສະຫນາມກິລາແຫ່ງຊາດຫຼັກ 16 ສູນພັດທະນາກິລາບານເຕະຈຳປີ - ຈຳປາ( Champi-Champa Football Training Center ) ຈະໄດ້ເລີ່ມການເປີດເທີມໃໝ່ຂຶ້ນ ຢູ່ສູນຝຶກບານເຕະແຫ່ງຊາດລາວຫລັກ 16 ເມືອງໄຊທານີ, ນະຄອນຫຼວງວຽງຈັນ, ຮັບສະໝັກນັກກິລາອາຍຸ: U-8, U-10 ແລະ U-12

ເປີດເທີມ 1 ວັນທີ 28 /10/2023

• 1 ເທີມ ມີ 10 ອາທິດ

• ຄ່າສະໝັກ 400,000 ກີບ

• ຄ່າຊຸດຊ້ອມ 350,000 ກີບ/2ຊຸດ

• ຊ້ອມທຸກໆ ວັນເສົາ-ທິດ ເວລາ 07:30-09:00 ເຊົ້າ

  ພິເສດໄປກວ່ານັ້ນສຳລັບນັກກິລາເພດຍິງທີ່ຕ້ອງການມາສະຫມັກ ແມ່ນໄດ້ເສຍຄ່າທຳນຽມພຽງ 50 %,

 ສະຖານທີ່: ສູນຝຶກບານເຕະແຫ່ງຊາດລາວຫລັກ 16 ເມືອງໄຊທານີ, ນະຄອນຫຼວງວຽງຈັນ

 ຕິດຕໍ່ສອບຖາມ ແລະ ລົງທະບຽນ: 020 97744940 ທ່ານ ສຸດທະນີ ລຸນສິຣິ

#FIFATalentDevelopmentScheme

#ChampiChampaFootballTrainingCenter

ທີມຊາດລາວ ຊຸດໃຫຍ່ ໄດ້ເລີ້ມເກັບຕົວຝຶກຊ້ອມນັບຕັ້ງແຕ່ ວັນທີ 15 ກັນຍາ 2023 ເພື່ອກະກຽມເຂົ້າຮວ່ມແຂ່ງຂັນບານໂລກ 2026 ຮອບຄັດເລືອກ ຮອບທີ 1 ໂຊນອາຊີ (FIFA World Cup 2026 Preliminary Joint Qualification R1) ໂດຍແມ່ນ ທ່ານ ກັນລະຍາ ສີສົມຫວັງ ຫົວຫນ້າຄູຝຶກ ທີມ​ຊາດ​ລາວ ຊຸດ​ໃຫຍ່ ໄດ້ນຳພານັກກິລາຝຶກຊ້ອມ ແລະມີ ທ່ານ ວຽງສະຫວັນ ໄຊຍະບູນພ້ອມ ທ່ານ ພຸດປະສົງ ແສງດາລາວົງ ເປັນຜູ້ຊ່ວຍຄູຝຶກ ຂະນະ ທີ່ຄູຝຶກ ຜູ້ຮັກສາປະຕູ ແມ່ນ ທ່ານ ຈັນທະຄາດ ສ່ຽນຜ່ອງໃສ ໃນເບື້ອງຕົ້ນໄດ້ຄັດເລືອກນັກກິລາ 33 ຄົນ ປັດຈຸບັນ ສາມາດຄັດເລືອກນັກກິລາ ໄດ້ 31 ຄົນ ແລະ ຈະຄັດອອກໃຫ້ເຫລືອ 23 ຄົນສຸດທ້າຍກ່ອນເຂົ້າຮ່ວມການແຂ່ງຂັນ.

  ສຳລັບລາຍຊື່ 31 ຄົນ ມີລາຍຊື່ດັ່ງລຸ່ມນີ໊:

+ ຜູ້ຮັກສາປະຕູ

1. ກົບ ໂລກພະທິບ ຈາກ ສະໂມສອນກິລາບານເຕະ ເອສະຣາ

2. ຊະນະໄຊ ສອນທະວົງ ຈາກ ສະໂມສອນກິລາບານເຕະ ເມືອງຫາດ (ລີກ 2 ນະຄອນຫຼວງ)

3. ອານຸລັກ ວິລະຜົນ ຈາກ ສະໂມສອນກິລາບານເຕະ ມາສເຕີ້ ເຊເວັ້ນ

4. ໄຊສະຫວາດ ສຸວັນນະໂຊກ ຈາກ ສະໂມສອນກິລາບານເຕະ ນ້ຳທາ

5. ສຸກສະຫມອນ ເວທີຕະ ຈາກ ສະໂມສອນ ຊ້າງນ້ອຍ

+ ກອງຫຼັງ

6. ພຸດທະວົງ ສັງວິໄລ ຈາກ ສະໂມສອນກິລາບານເຕະ ເອສະຣາ

7. ອານັນຕະຊາ ສິພົງພັນ ຈາກ ສະໂມສອນກິລາບານເຕະ ເອສະຣາ

8. ອະພີໄຊ ທານະຂັນຕີ ຈາກ ສະໂມສອນກິລາບານເຕະ ເອສະຣາ

9. ອິນທະຈັກ ສີສຸພັນ ຈາກ ສະໂມສອນ ກິລາບານເຕະ ຫຼວງພະບາງ

10 ຈິດຕະກອນ ວັນນະຈອນ ຈາກ ສະໂມສອນກິລາບານເຕະ ຫລວງພະບາງ

11. ທິບພະຈັນ ອິນທະວົງ ຈາກ ສະໂມສອນກິລາບານເຕະ ຊ້າງນ້ອຍ

12.ແສງດາວວີ ຫັນທະວົງ ຈາກ ສະໂມສອນກິລາບານເຕະ ຊ້າງນ້ອຍ

13. ມິດສະດາ ສາຍໃຕ້ຟ້າ ຈາກ ສະໂມສອນກິລາບານເຕະ PHATTALUNG FC ( ໄທລີກ 3 ປະເທດໄທ )

14. ໄຊຍະສິດ ສິງສະຫວ່າງ ຈາກ ສະໂມສອນກິລາບານເຕະ ນ້ຳທາ

15. ວັນນາ ບຸນຫລໍ່ວົງສາ ຈາກ ສະໂມສອກິລາບານເຕະ ເຮັສບີທີ 941 ( ລີກ 2 ນະຄອນຫຼວງ )

+ ກອງກາງ

16. ໄມເຄີນ ວາງ ຈາກ ສະໂມສອນ PORTLAND TIMBERS2 ( ປະເທດ ອາເມຣີກາ )

17. ໂຣມັນ ອານຸສອນ ອັນໂກ ຈາກ ສະໂມສອນ SV OBERACHERM ( ປະເທດເຢຍລະມັນ)

18. ຄອນສະຫວັນ ແກ້ວຫນູຈັນ ຈາກ ສະໂມສອນກິລາບານເຕະ Rome city institute ( ປະເທດອີຕາລີ )

19. ຈັນທະວີໄຊ ຂຸນທຸມພອນ ຈາກ ສະໂມສອນກິລາບານເຕະ ເອສະຣາ

20. ດາໝົດ ທອງຄໍາສະຫວັດ ຈາກ ສະໂມສອນກິລາບານເຕະ ເອສະຣາ

21. ອານຸສອນ ໄຊປັນຍາ ຈາກ ສະໂມສອນກິລາບານເຕະ ເອສະຣາ

22. ພຸດທະລັກ ທອງສະນິດ ຈາກ ສະໂມສອນກິລາບານເຕະ ເອສະຣາ

23. ຈັນທະວີພອນ ພູມສະຫວັນ ຈາກ ສະໂມສອນກິລາບານເຕະ ນ້ຳທາ

24. ສຸພັນ ຄຳໃບອ່ອນ ຈາກ ສະໂມສອນກິລາບານເຕະ ຊ້າງນ້ອຍ

25. ທະນູທອງ ກຽດນະລົງລົບ ຈາກ ສະໂມສອນກິລາບານເຕະ ຊ້າງນ້ອຍ

26. ພຸດດາວີ ພົມມະສານ ຈາກ ສະໂມສອນກິລາບານເຕະ ມາສເຕີ້ ເຊເວັ້ນ

+ ກອງຫນ້າ

27. ບຸນພະຈັນ ບຸນກອງ ຈາກ ສະໂມສອນກິລາບານເຕະ PREAK KHAN REACH SVAY RIENG FC ( ປະເທດກຳປູເຈຍ )

28.ໂຈນີ້ ແຫວນປະເສີດ ຈາກ ສະໂມສອນກິລາບານເຕະ ເອສະຣາ

29.ສຸກພະຈັນ ເລື່ອນທະລາ ຈາກ ສະໂມສອນກິລາບານເຕະ ມາສເຕີ້ ເຊເວັ້ນ

30.ກີ້ດາວອນ ສຸວັນນີ ຈາກ ສະໂມສອນກິລາບານເຕະ ຊ້າງນ້ອຍ

31. ທັດສະພອນ ໄຊສຸກ ຈາກ ສະໂມສອນກິລາບານເຕະ ຄິງຄອມ ( ລີກ 2 ນະຄອນຫຼວງ )

 ສຳລັບ ທີມຊາດລາວ ມີໂປແກຣມອຸ່ນເຄື່ອງ 1 ນັດ ກ່ອນການແຂ່ງຂັນພົບກັບທີມຊາດເນປານ ໂດຍຈະພົບກັບ ທີມຊາດໄທU20 ໃນວັນທີ 30 ກັນຍາ 2023 ເວລາ 17:30 ແຂ່ງຂັນຢູ່ທີ່ສະຫນາມກິລາ ຊ້າງອາຣີນາ ແຂວງບູຣີຣຳ ປະເທດໄທ.

  ທີມຊາດລາວ ຖ້າຊະນະ ທີມຊາດເນປານ ບານໂລກ 2026 ຮອບຄັດເລືອກ ຮອບທີ 1 ທະວີບອາຊີ, ໃນຮອບຄັດເລືອກ ຮອບທີ 2 ຈະຢູ່ກຸ່ມ H ຮ່ວມກັບ ສະຫະລັດ ອາຣັບ ເອມີເຣດ, ບາເຣນ ແລະ ທີມຊະນະລະຫວ່າງ ເຢເມັນ ຫລື ສຣີລັງກາ.

  ບານໂລກ 2026 ຮອບຄັດເລືອກ ຮອບທີ 1 ໂຊນອາຊີ (FIFA World Cup 2026 Preliminary Joint Qualification R1) ມີທັງໝົດ 20 ທີມ ຈັບຄູ່ພົບກັນ 10 ຄູ່ ແຂ່ງຂັນແບບ 2 ນັດ ໄປ-ກັບ ທີມທີ່ຊະນະ ຜ່ານເຂົ້າສູ່ຮອບຄັດເລືອກ ຮອບທີ 2 ຕໍ່ໄປ.

  ທີມຊາດລາວ ພົບກັບ ທີມຊາດເນປານ ນັດທີ 1 ຈະແຂ່ງຂັນໃນວັນທີ 12 ຕຸລາ 2023 ຢູ່ທີ່ປະເທດເນປານ ແລະ ວັນທີ 17 ຕຸລາ 2023 ແມ່ນແຂ່ງຂັນຢູ່ສະໜາມກິລາແຫ່ງຊາດ ຫຼັກ 16 ນະຄອນຫຼວງວຽງຈັນ ສປປ ລາວ.

ສຳລັບ 10 ທີມທີ່ຊະນະ ຮອບຄັດເລືອກ ຮອບທີ 1 ຈະເຂົ້າຄັດເລືອກ ຮອບທີ 2 ບວກກັບອີກ 26 ທີມທີ່ໄດ້ສິດລໍຖ້າອີງຕາມອັນດັບໂລກ ລວມເປັນ 36 ທີມ. ໂດຍການຄັດເລືອກຄັ້ງນີ້ ຈະມີຜົນຕໍ່ການຄັດເລືອກໄປ ເອຊຽນຄັບ ຊິງແຊ້ມອາຊີ 2027 ທີ່ຊາອຸດິອາຣາເບຍ.

#FIFAWorldCup

#AsianCup2027

#LAOSNATIONALTEAM

#LAOFOOTBALLFEDERATION

ນາງ ພຸດສະຫວັນ ຈັນທະວົງ ຜູ້ຊ່ວຍກໍາມະການຕັດສິນລະດັບສູງຂອງສະຫະພັນບານເຕະສາກົນ ຫລື FIFA Elite ໄດ້ຖືກຄັດເລືອກຈາກສະຫະພັນບານເຕະອາຊີ (AFC) ໃຫ້ເຂົ້າຮ່ວມຕັດສິນໃນງານມະຫະກຳກິລາບານເຕະເອຊຽນເກມ ຄັ້ງທີ19 ທີ່ຫາງໂຈວ່, ສປ ຈີນ ໃນລະຫວ່າງວັນທີ 19 ກັນຍາ - 7 ຕຸລາ 2023.

ຈາກການຖືຄັດເລືອກຄັ້ງນີ້,ນາງ ພຸດສະຫວັນ ຈັນທະວົງ ກາຍເປັນກໍາມະການຕັດສິນຍິງ

 1 ດຽວຂອງສປປລາວ ແລະ ເປັນຄັ້ງທຳອິດຂອງນາງພຸດສະຫວັນ ໄດ້ເຂົ້າຮ່ວມຕັດສິນກິລາບານເຕະໃນເອຊຽນເກມຄັ້ງນີ້.

 ກ່ອນໜ້ານີ້ນາງ ພຸດສະຫວັນ ໄດ້ໄປຮ່ວມຕັດສິນການແຂ່ງຂັນກິລາບານເຕະຍິງ ຮຸ່ນອາຍຸບໍ່ເກີນ 20 ປີ ຊິງແຊ້ມອາຊີ 2024 ຮອບຄັດເລືອກ ຮອບທີໜຶ່ງ ກຸ່ມ D ທີ່ປະເທດຈໍແດນ (ຊັອກດານີ) ໃນວັນທີ 6-12 ມີນາ 2023,ກາຍເປັນກຳມະການຕັດສິນຍິງລາວຄົນທຳອິດ ໄດ້ຖືກຄັດເລືອກໃຫ້ເຂົ້າຮ່ວມຕັດສິນລາຍໃນການຊົງກຽດນີ້ໃນລະດັບທະວີບອາຊີ.

 ພິເສດ,ສຳລັບປີນີ້ ນາງ ພຸດສະຫວັນ ທີ່ໄດ້ຖືກຄັດເລືອກເຂົ້າຮ່ວມຕັດສິນກິລາບານເຕະໃນຫລາຍລາຍການໃນການແຂ່ງຂັນລະດັບອາຊີ ແລະ ລະດັບອາຊຽນ.

ອາເຣນ່າ ກູເລຍໂມ່ (ARENA GUGLIERMO) ໄດ້ໝົດສັນຍາຈາກການເປັນຄູຝຶກທີມຊາດລາວ.

  ສຳລັບ ອາເຣນ່າ ກູເລຍໂມ່ ໄດ້ຮັບການຄຸມທີມຊາດລາວຮຸ່ນອາຍຸບໍ່ເກີນ 23 ປີ ຫຼື U23 ນັບຕັ້ງແຕ່ຕົ້ນເດືອນມິຖຸນາ ນໍາທີມເຂົ້າຮ່ວມການແຂ່ງຂັນບານເຕະຊາຍຊີງແຊ້ມອາຊຽນ U23 ຢູ່ທີ່ປະເທດໄທ ໃນລະຫວ່າງວັນທີ 17-26 ສິງຫາ 2023 ແລະ ການແຂ່ງຂັນບານເຕະຊາຍ U23 ຊິງແຊ້ມອາຊີ 2024 ຮອບຄັດເລືອກ (AFC U23 Asian Cup 2024 Qualifying Round) ລະຫວ່າງວັນທີ 06-12 ກັນຍາ 2023 ຢູ່ທີ່ປະເທດທາຈີກິສຖານ.

ສະຫະພັນບານເຕະແຫ່ງຊາດລາວ ຂໍອວຍພອນໃຫ້ທ່ານ ປະສົບຜົນສໍາເລັດໃນໜ້າທີ່ວຽກງານໃນອະນາຄົດ.

 ໃນຂະນະດຽວກັນ ສະຫະພັນບານເຕະແຫ່ງຊາດລາວ ໄດ້ແຕ່ງຕັ້ງ ທ່ານ ກັນລະຍາ ສີສົມຫວັງ ເປັນຮັກສາການຫົວໜ້າຄູຝຶກ ເພື່ອກະກຽມທີມເຂົ້າຮ່ວມ ການແຂ່ງຂັນບານໂລກ 2026 ຮອບຄັດເລືອກ ຮອບທີ 1 ໂຊນອາຊີ (FIFA World Cup 2026 Preliminary Joint Qualification R1) ທີ່ຂະພົບກັບທີມຊາດເນປານ, ຮູບແບບການແຂ່ງຂັນແມ່ນຈັດ 2 ນັດແບບໄປ-ກັບ ແລ້ວຜ່ານເຂົ້າໃນຮອບທີ 2 ຕໍ່ໄປ, ໂດຍຮອບຄັດເລືອກຮອບທີ 1 ຈະແຂ່ງຂັນໃນວັນທີ 12 ຕຸລາ2023 ທີ່ປະເທດເນປານ ແລະ 17 ຕຸລາ 2023 ແມ່ນຈະແຂ່ງຂັນຢູ່ທີ່ສະໜາມກິລາແຫ່ງຊາດ ຫຼັກ 16 ນະຄອນຫຼວງວຽງຈັນ. ຮອບຄັດເລືອກ ຮອບທີ 2 ມີທັງໝົດ 36 ທີມ ຜູ້ຊະນະຮອບທີໜຶ່ງ 9 ທີມ ແລະ 27 ທີມທີ່ໄດ້ສິດລໍຖ້າໃນຮອບທີ 2, ຖ້າຫາກ ສປປລາວ ຫລື ເນປານ ທີມໃດຊະນະ ແມ່ນຈະຜ່ານເຂົ້າສູ່ຮອບທີ 2 ເຊິ່ງຜົນການຈັບສະຫລາກແມ່ນ ຢູ່ຮ່ວມກຸ່ມ H ສະຫະລັດ ອາຣັບ ເອມມີເລດ, ບາເຣນ, ເຢເມນ ຫລື ສີລັງກາ.

ສະຫະພັນບານເຕະແຫ່ງຊາດລາວ( ສຕລ) ໄດ້ຈັດພິທີເປີດການຝຶກອົບຮົມຄູຝຶກຜູ້ຮັກສາປະຕູກິລາບານເຕະ ລະດັບຊີ(c)ຂື້ນໃນຕອນເຊົ້າວັນທີ 20 ກັນຍາ 2023 ທີ່ ຫ້ອງປະຊຸມ ສຕລ,ໂດຍໃຫ້ກຽດເປັນປະທານກ່າວເປີດຂອງທ່ານ ດຣ ໄຊຊະນະ ທອງຄຳຈັນ ຄະນະບໍລິຫານງານສະຫະພັນບານເຕະແຫ່ງຊາດລາວ.

ທ່ານ ດຣ ໄຊຊະນະ ທອງຄຳຈັນໄດ້ກ່າວເປີດພິທີໂດຍໄດ້ຍົກໃຫ້ເຫັນຄວາມໝາຍສຳຄັນຂອງການຝຶກອົບຮົມຄັ້ງນີ້,ລວມທັງຄວາມສໍາຄັນຂອງຜູ້ຮັກສາປະຕູກິລາບານເຕະ,ເພາະຜູ້ຮັກສາປະຕູເຮັດໜ້າໄດ້ດີເທົ່າໃດໂອກາດຈະຊະນະຄູ່ຕໍ່ສູ້ຍິ່ງມີສູງ,ພ້ອມຮຽກຮ້ອງໃຫ້ຜູ້ເຂົ້າການຝຶກອົບຮົມທຸກທ່ານຈົ່ງຕັ້ງໃຈຮຽນຮູ້ແລກປ່ຽນປະສົບການ ນໍາເອົາບົດຮຽນໃນຄັ້ງນີ້ ໄປນໍາໃຊ້ໃຫ້ເກີດປະໂຫຍດຫຼາຍເທົ່າທີ່ຈະຫຼາຍໄດ້ເພື່ອພັດທະນາວົງການບານເຕະລາວໃຫ້ກ້າວໄປໃນຕໍ່ໜ້າ.ໄລຍະການຝຶກອົບຮົມ ແມ່ນແບ່ງອອກເປັນ 2 ພາກ ປະກອບມີ ພາກທິດສະດີ ແລະພາກປະຕິບັດຕົວຈິງໃນພາກສະໜາມ,

ສຳລັບການຝຶກອົບຮົມແມ່ນຈະດຳເນີນໄປຈົນຮອດ ວັນທີ27 ກັນຍາ 2023.

ເຂົ້າຮວ່ມກອງປະຊຸມນີ້ຍັງມີ,ທ່ານ ຊຸນດຣໍາ ມູນຕີ (Sundram Moorthy) ຫົວໜ້າພະແນກເຕັກນິກ - ວິທະຍາ ສຕລ, ທ່ານ ຄຣີສ ຢອງ ( Cris Yong) ຜູ້ຝຶກສອນຫຼັກຈາກປະເທດມາເລເຊຍ ພ້ອມດ້ວຍພະນັກງານວິຊາການກ່ຽວຂ້ອງ ແລະ ນັກສຳມະກອນ ຈໍານວນ 13 ທ່ານ,ມາຈາກປະເທດໄທ 3ທ່ານ.

ການແຂ່ງຂັນເຕະບານຍິງ ລາຍການພິເສດ Women's International Friendly Tournament 2023 ທີ່ເມືອງທາອິຟ ປະເທດຊາອຸດິອາຣາເບຍ 🇸🇦 ລະຫວ່າງວັນທີ 18-30 ກັນຍາ 2023 🇱🇦 ທີມຍິງທີມຊາດລາວຊຸດໃຫຍ່ ລົງແຂ່ງຂັນນັດທຳອິດຂອງກຸ່ມ B ເສຍໃຫ້ 🇱🇧 ເລບານອນ (ລີບັງ) 1-4 ເຄິ່ງເວລາທີໜຶ່ງ ລີບັງ ນຳ 1-0 ເຄິ່ງຫລັງມາໄດ້ອີກ 3 ປະຕູ, ສ່ວນທີມຊາດລາວໄດ້ໜຶ່ງປະຕູທ້າຍເກມຈາກ ຈິນດາ ສີຫາລາດ ນາທີ 81'.

ສຳ​ລັບ ນັດຕໍ່ໄປ ທີມຍິງທີມຊາດລາວ ຈະພົບກັບ ພູຖານ ວັນທີ 24 ກັນຍາ 2023 ເວລາ: 21:30 ທີ່ສະໜາມເດີມ King Fahd Sport City ທີມຊາດລາວ ຕ້ອງການຊະນະ ເພື່ອເຂົ້າຮອບຮອງຊະນະເລີດ.

ສຳລັບລາຍການນີ້ ມີ 6 ປະເທດເຂົ້າຮ່ວມ, ແບ່ງອອກເປັນ 2 ກຸ່ມ, ກຸ່ມ A ປະກອບມີ: ຊາອຸດິອາຣາເບຍ ເຈົ້າພາບ , ມາເລເຊຍ, ປາກິສຖານ ແລະ ກຸ່ມ B ມີ : ເລບານອນ, ບູຖານ ແລະ ທີມຊາດລາວ. ຮູບແບບການແຂ່ງຂັນພົບກັນໝົດໃນກຸ່ມ ແລ້ວຄັດເອົາທີ 1 ແລະ ທີ 2 ຂອງກຸ່ມ ເຂົ້າຮອບ 4 ທີມສຸດທ້າຍຕໍ່ໄປ.

ການແຂ່ງຂັນບານເຕະ ລາວລີກ 2 ແຂວງບໍລິຄຳໄຊ ມີ 6 ທີມເຂົ້າຮ່ວມປະກອບມີບໍລິສັດວັນນະແສງ, ທະຫານແຂວງບໍລິຄຳໄຊ, ໂຈ-ໂຈຟາມ, ບໍລິຄຳໄຊ, ສະມາຄົມເຂີຍຫລັກ 4 ແລະ ເມືອງບໍລິຄັນ,ພາຍຫຼັງໄດ້ດຳເນີນການແຂ່ງຂັນມາຕັ້ງແຕ່ວັນທີ 09 ມິຖຸູນາ 2023 ແລະໄດ້ມີພິທີປິດການແຂ່ງຂັນຢ່າງເປັນທາງການໃນວັນທີ 08 ກັນຍາ 2023.

   ຜ່ານການແຂ່ງຂັນຜົນປະກົດວ່າທິມບານເຕະບໍລິສັດວັນນະແສງຊະນະເລີດໄດ້ເປັນແຊັມພ້ອມຮັບຂັນ,ຫລຽນ ແລະ ເງິນຈຳນວນ 20 ລ້ານກີບ,ສວ່ນຮອງຊະນະເລີດແມ່ນທີມທະຫານແຂວງບໍລິຄຳໄຊໄດ້ຮັບຫລຽນ ແລະ ເງິນ ຈຳນວນ 10 ລ້ານກີບ ແລະ ຮອງຊະນະເລີດອັນດັບ 2ແມ່ນ ໂຈ-ເຈ ຟາມ ໄດ້ຮັບຫລຽນ ແລະ ເງິນຈຳນວນ 5 ລ້ານກີບ.

  ໃນການຈັດການແຂ່ງຂັນລາວລີກ2ຂອງແຕ່ລະແຂວງ ແລະ ນະຄອນຫຼວງວຽງຈັນ ຄັ້ງນີ້,ສະຫະພັນບານເຕະແຫ່ງຊາດລາວ(ສຕລ)ໄດ້ໃຫ້ການ ສະຫນັບສະຫນູນງົບປະມານໃຫ້ແຕ່ລະແຂວງທີ່ຈັດການແຂ່ງຂັນລາວລີກ2ເປັນຈຳນວນເງິນ 60 ລ້ານກີບ,ສວ່ນແຂ່ງຂັນລະດັບມັດທະຍົມຕົ້ນ(ຊາຍ-ຍິງ)30ລ້ານກີບແລະລະດັບມັດທະຍົມປາຍ(ຊາຍ-ຍິງ)30ລ້ານກີບລວມໄດ້ຮັບເງິນອຸປະຖໍາຈາກສຕລໃນການແຂ່ງຂັນທັງ3ລາຍການເປັນເງິນທັງໝົດ 120 ລ້ານກີບ.

    ສະຫະພັນບານເຕະແຫ່ງຊາດລາວ(ສຕລ) ກຽມຈັດການແຂ່ງຂັນຟຸດຊໍ ລີກປະຈຳປີ 2023 (FUTSAL LAO LEAGUE 2023) ,ເຊິ່ງຈະເລີ່ມແຂ່ງຂັນ ໃນວັນທີ 09 ກັນຍາ ຫາ 19 ພະຈິກ 2023 ໂດຍຈະໃຊ້ສະຫນາມກິລາຟຸດຊໍ ສຕລ ເປັນສະຫນາມແຂ່ງຂັນແລະກຳນົດເອົາ 12 ທີມເຂົ້າຮ່ວມການແຂ່ງຂັນ ປະກອບມີ: ເບ ສະຫວັນ, ທີເອັມ , ມາສະດາ ຈີບີ, ບຸນມີ ເຟີນີເຈີ, ເຫນືອ - ໃຕ້, ຄິງດອມ, ຊີທີເອ ພາວເວີ້ , ເອຟເອຈເອວ, ນະຄອນຫຼວງ, ເລີບ ສະປາ, ວີເຊີນ ແລະ ອາສາ ພາວເວີ.

   ສຳລັບຮູບແບບການແຂ່ງຂັນຄັ້ງນີ້ແມ່ນແຂ່ງຂັນແບບພົບກັນຫມົດ 1 ຮອບ ເກັບຄະແນນ ລວມທັງຫມົດມີ 66 ນັດ ສະເລ່ຍ 11 ນັດ / ທີມ.

  ການແຂ່ງຂັນຟຸດຊໍ ລີກ ແມ່ນຈັດການແຂ່ງຂັນລ້າສຸດໃນປີ 2017 ໂດຍມີທັງຫມົດ 10 ທີມ ເຊິ່ງຄັ້ງດັ່ງກ່າວ ອັນດັບ 1 ແມ່ນ ສົມສະນຸກຟາມ ລົງສະຫນາມ 9 ນັດ ຊະນະ 9 ນັດ ມີ 27 ຄະແນນ ຂະນະທີ່ລາງວັນປະເພດຕ່າງໆປະກອບມີ: ລາງວັນທີມມາລະຍາດດີເດັ່ນ ແມ່ນທີມມະຫາວິທະຍາໄລວິທະຍາສຸຂະພາບ ແລະ ນັກເຕະຍິງປະຕູສູງສຸດແມ່ນ ໂຕນ້າ ບຸນມະໄລ ຈາກ ທີມ ເອັສ ທີ ທີ ເອຟຊີ ຍິງໄດ້ 54 ປະຕູ.

  ຕາຕະລາງ ການແຂ່ງຂັນໃນອາທິດທີ 1

+ ວັນເສົາ 09/09/2023

- ເວລາ 14:00 ເບ ສະຫວັນ ພົບ ທີເອັມ

- ເວລາ 16:00 ມາສະດາ ຈີບີ ພົບ ບຸນມີ ເຟີນີເຈີ

- ເວລາ 18:00 ເຫນືອ - ໃຕ້ ພົບ ຄິງດອມ

+ ວັນອາທິດ 10/09/2023

- ເວລາ 14:00 ຊີທີເອ ພາວເວີ້ ພົບ ເອຟເອຈເອວ

- ເວລາ 16:00 ນະຄອນຫຼວງ ພົບ ເລີບ ສະປາ

- ເວລາ 18:00 ວີເຊີນ ພົບ ອາສາ ພາວເວີ່.

 ແຂ່ງຂັນຢູ່ທີ່ສະຫນາມກິລາຟຸດຊໍ ສະຫະພັນບານເຕະແຫ່ງຊາດລາວ.ແຟນບານຟຸດຊໍຫ້າມພາດເລີ່ມການແຂ່ງຂັນນັບຕັ້ງແຕ່ວັນທີ 09 ກັນຍາ 2023 ເປັນຕົ້ນໄປ ເຂົ້າຊົມບໍ່ເສຍຄ່າ(Free)

 ແລະ ສາມາດຮັບຊົມ ການຖ່າຍທອດສົດໄດ້ທີ່ ເພສເຟສບຸກ LAOSFUTSALLEAGUE ,Youtube LAOFF TV

#LAOFOOTBALLFEDERATION

#LAOFUTSALLEAGUE2023

ສະຫະພັນບານເຕະແຫ່ງຊາດລາວ( ສຕລ) ໄດ້ສໍາເລັດການຝຶກອົບຮົມຍົກລະດັບກຳມະການຕັດສິນກິລາບານເຕະລາວ ຟຸດຊໍລີກ ໃນຕອນບ່າຍວັນທີ 6 ກັນຍາ 2023 ທີ່ຫ້ອງປະຊຸມ ສຕລ,ໂດຍໃຫ້ກຽດເຂົ້າຮ່ວມພິທີປິດຂອງທ່ານ ສົມສະໜຸກ ລຽນສະຫວັນ ຮອງເລຂາທິການ ສຕລ.

 ຄະນະຮັບຜິດຊອບການຝຶກອົບຮົມລາຍງານໃຫ້ຮູ້ວ່າ:ການຝຶກອົບຮົມໃນຄັ້ງນີ້ແມ່ນເພື່ອຈຸດປະສົງກຽມຄວາມພ້ອມໃຫ້ແກ່ການແຂ່ງຂັນກິລາບານເຕະລາວ ຟຸດຊໍລີກ 2023 ທີ່ຈະເປີດສາກຂື້ນຢ່າງເປັນທາງການໃນວັນທີ 9 ກັນຍາ 2023 ນີ້.ຕະຫຼອດໄລຍະການຝຶກອົບຮົມເປັນເວລາ 3 ມື້ (ແຕ່ວັນທີ 4-6 ກັນຍາ 2023)ຜູ້ເຂົ້າຮ່ວມ ແມ່ນໄດ້ຮຽນຮູ້ທາງດ້ານ ກົດລະບຽບກະຕິກາໃໝ່ຂອງກິລາບານເຕະຟຸດຊໍ ທີ່ FIFA ໄດ້ປັບປຸງ ແລະ ມີການທົດສອບພາລະກຳລັງພ້ອມດ້ວຍ ມີການ ສອບເສັງຄວາມຮູ້ດ້ານທິດສະດີ.

ເຂົ້າຮວ່ມກອງປະຊຸມນີ້ຍັງມີທ່ານ ສົມພອນ ເພັດສະຫວ່າງ ຜູ້ປະເມີນກຳມະການ ຕັດສິນຈາກວິທະຍາ ໄລປາກປ່າສັກ ແລະ ທ່ານ ຄຳປະສົງ ໄຊຍະວົງສີ ຜູ້ຮັບຜິດຊອບກໍາມະການຕັດສິນຟຸດຊໍ ທັງເປັນຜູ້ຝຶກສອນ ພ້ອມດ້ວຍຜູ້ປະເມີນກໍາມະການຕັດສິນ ແລະສໍາມະນາກອນ 22 ທ່ານ ເຂົ້າຮ່ວມ.

ສະຫະພັນບານເຕະແຫ່ງຊາດລາວ(ສຕລ)ໄດ້ຈັດພິທີເປີດການຝຶກອົບຮົມຄູຝຶກພາລະກໍາລັງ ລະດັບ 1A ປະຈໍາປີ 2023 ( LFF/AFC FITNESS LEVEL 1A COACHING COURSE 2023 ) ຄັ້ງທໍາອິດຂື້ນຢ່າງເປັນທາງການ ໃນຕອນເຊົ້າວັນທີ 7 ກັນຍາ 2023 ທີ່ຫ້ອງປະຊຸມ ສຕລ ໂດຍໃຫ້ກຽດເຂົ້າຮ່ວມຂອງ ທ່ານ ນາງ ກັນຍາ ແກ້ວມະນີ ເລຂາທີການສະຫະພັນບານເຕະແຫ່ງຊາດລາວ, ທ່ານ ຊູນດຣໍາ ມູຣຕີ ( Sundram Moorthy ) ຫົວໜ້າພະແນກເຕັກນິກ - ວິທະຍາ ສຕລ, ທ່ານ ມາກ ຈອນ( Mark Jones ) ສັນຊາດອົສຕຣາລີ ຄູຝຶກສອນຈາກສະຫະພັນບານເຕະອາຊີ(AFC) ເປັນວິທະຍາກອນ ພ້ອມດ້ວຍວິຊາການທີ່ກ່ຽວຂ້ອງ ແລະ ບັນດາສໍາມະນາກອນຝຶກອົບຮົມເຂົ້າຮ່ວມ.

ການຝຶກອົບຮົມຄູຝຶກໃນຄັ້ງນີ້ແມ່ນໄດ້ຮັບການຮັບຮອງຈາກAFC ຮ່ວມກັບ ສຕລ ຮັບຮອງ ແລະ ຕົກລົງຈັດຝຶກອົບຮົມຢ່າງເປັນທາງການ ຊຶ່ງເປັນຄັ້ງທໍາອິດທີ່ ສຕລ ໄດ້ຮັບກຽດໃນການຈັດຝຶກອົບຮົມໃນຄັ້ງນີ້ ໂດຍມີບັນດາສໍາມະນາກອນຝຶກອົບຮົມຈໍານວນທັງໝົດ 21ທ່ານ,ໃນນັ້ນມາຈາກປະເທດໄທ 5 ທ່ານ.

ຈຸດປະສົງໃນການຝຶກອົບຮົມຄັ້ງນີ້ແມ່ນເພື່ອໃຫ້ຄູຝຶກທີ່ເຂົ້າຮ່ວມຝຶກອົບຮົມໄດ້ມີຄວາມຮູ້ກ່ຽວກັບວິທະຍາສາດການກິລາ,ມີການສຶກສາເຖິງຄວາມສໍາຄັນ ແລະ ຈຳເປັນດ້ານພາລະກໍາລັງສອດຄ່ອງກັບສະພາບຕົວຈິງ ເພື່ອນໍາຄວາມຮູ້, ປະສົບການໄປປັບປຸງພັດທະນານັກກິລາໃຫ້ມີຄວາມພ້ອມກັບການແຂ່ງຂັນກິລາບານເຕະທີ່ມີຄວາມເຂັ້ມຂຸ້ນແລະທັນສະໄໝຫຼາຍຂື້ນໃນປັດຈຸບັນ.

ທ່ານ ນາງ ກັນຍາ ແກ້ວມະນີ ເລຂາທິການ ສຕລ ໄດ້ກ່າວເປີດແລະໃຫ້ຄວາມເຫັນວ່າ: ເປັນໂອກາດດີທີ່ພວກເຮົາໄດ້ຮັບການຈັດຝຶກອົບຮົມໃນຄັ້ງນີ້ ເພື່ອສົ່ງຄວາມຮູ້ໃຫ້ບັນດາຄູຝຶກໃນລາວ ຊຶ່ງວຽກງານດັ່ງກ່າວ ເປັນທິດທາງແລະເປົ້າໝາຍທີ່ຕ້ອງການຍົກລະດັບຫຼາຍທີ່ສຸດ ແລະ ຢາກຮຽກຮ້ອງໃຫ້ຜູ້ເຂົ້າຮ່ວມຕັ້ງໃຈຮຽນຮູ້ໃຫ້ໄດ້ຫຼາຍທີ່ສຸດ ເພື່ອນໍາໄປໃຊ້ໃຫ້ເກີດປະໂຫຍດສູງສຸດໃນການພັດທະນາວົງການບານເຕະລາວ.

ການຝຶກອົບຮົມແມ່ນໃຊ້ເວລາ 5 ວັນ ແຕ່ວັນທີ 7-11 ກັນຍາ 2023 ຊື່ງຜູ້ເຂົ້າຮ່ວມຈະໄດ້ຮຽນຮູ້ກ່ຽວກັບວິທະຍາດສາດການກິລາ, ຄວາມຮູ້ພື້ນຖານຂອງການອອກກໍາລັງກາຍ, ຄວາມສໍາຄັນດ້ານພາລະກໍາລັງ, ໂພສະນາການຕ່າງໆ ແລະ ສາມາດວາງແຜນລະອຽດກ່ຽວກັບການອອກກໍາລັງກາຍ.

ວັນທີ06 ກັນຍາ 2023 ຢູ່ທີ່ສະຫນາມກິລາແຂວງເຊກອງ ໄດ້ມີພິທີປິດ ການແຂ່ງຂັນບານເຕະ ລາວລີກ 2 ແຂວງເຊກອງ ພາຍຫລັງໄດ້ດຳເນີນການແຂ່ງຂັນມາຕັ້ງແຕ່ ວັນທີ 14 ມິຖຸນາ 2023 ເປັນຕົ້ນມາ ໂດຍມີ 6 ທີມເຂົ້າຮວ່ມປະກອບມີສະໂມສອນກິລາບານເຕະຊຸມຊົນ, ສະໂມສອນກິລາບານເຕະ ເມືອງດາກຈຶງ, ສະໂມສອນກິລາບານເຕະແມັດທິວ ສະປອດ, ສະໂມສອນກິລາບານເຕະ ບໍລິສັດຄູນຊັບພັດທະນາການຄ້າ, ສະໂມສອນກິລາບານເຕະເມືອງທ່າແຕງ ແລະ ສະໂມສອນກິລາບານເຕະ ບ້ານຕິວ.

  ກ່ອນພິທີປິດການແຂ່ງຂັນ,ໄດ້ມີການແຂ່ງຂັນບານເຕະຄູ່ສຸດທ້າຍເປັນການພົບກັນລະຫວ່າງ ທ່າແຕງ ພົບ ກັບບໍລິສັດຄູນຊັບພັດທະນາການແລະຜ່ານການແຂ່ງຂັນຜົນປະກົດວ່າສະເຫມີ 0-0.

  ສະຫລຸບຜົນການແຂ່ງຂັນ ທີມຊະນະເລີດ: ສະໂມສອນ ບໍລິສັດຄູນຊັບພັດທະນາການຄ້າ ລົງສະຫນາມ 10 ນັດ ຊະນະ 7 ນັດ ສະເຫມີ 1 ນັດ ເສຍ 1 ນັດ ມີ 23 ຄະແນນເປັນທິມຊະນະເລີດໄດ້ແຊັມແລະ ໄດ້ຮັບຂັນລາງວັນ, ພ້ອມກັບເງິນລາງວັນມູນຄ່າ 11,000,000 ກີບ ໃຫ້ກຽດ ມອບຂັນລາງວັນ ແລະ ເງິນລາງວັນ ໂດຍ ທ່ານ ເຫລັກໄຫລ ສີວິໄລ, ເຈົ້າແຂວງໆເຊກອງ. ທີມຮອງຊະນະເລີດ: ສະໂມສອນ ດາກຈຶງ ລົງສະຫນາມ 10 ນັດ ຊະນະ 6 ນັດ ສະ

ເໝີ2 ນັດ ເສຍ 2 ນັດ ມີ 20 ຄະແນນ ໄດ້ຮັບເງິນລາງວັນ 4,000,000 ກີບ. ໃຫ້ກຽດມອບລາງວັນໂດຍ ທ່ານ ບຸນເຫລືອ ແກ້ວມະນີໄລ, ຮອງຫົວໜ້າພະແນກສຶກສາທິການ-ກິລາແຂວງ, ອັນດັບ 3 ທ່າແຕງ, ອັນດັບ 4 ແມັດທິວສະປອດ,ອັນດັບ 5 ຊຸມຊົນ ຢູໄນເຕັດ ແລະ ອັນດັບ ສຸດທ້າຍ ບ້ານຕິ້ວ.

 ໃນການຈັດການແຂ່ງຂັນລາວລີກ2ຂອງແຕ່ລະແຂວງ ແລະ ນະຄອນຫຼວງວຽງຈັນຄັ້ງນີ້,ສະຫະພັນບານເຕະແຫ່ງຊາດລາວ(ສຕລ)ໄດ້ໃຫ້ການສະຫນັບສະຫນູນງົບປະມານໃຫ້ແຕ່ລະແຂວງທີ່ຈັດການແຂ່ງຂັນລາວລີກ2ເປັນຈຳນວນເງິນ 60 ລ້ານກີບ,ສວ່ນການແຂ່ງຂັນລະດັບມັດທະຍົມຕົ້ນ(ຊາຍ-ຍິງ)30ລ້ານກີບແລະລະດັບມັດທະຍົມປາຍ(ຊາຍ-ຍິງ)30ລ້ານກີບລວມໄດ້ຮັບເງິນອຸປະຖໍາຈາກສຕລໃນການແຂ່ງຂັນທັງ3ລາຍການເປັນເງິນທັງໝົດ120ລ້ານກີບຕໍ່ແຂວງ.

ຜົນການແຂ່ງຂັນ  AFC U23 ASIAN CUP 2024, Qualifiers ຢູ່ທີ່ປະເທດທາຈີກິສຖານ 

ວັນທີ 06/09/2023

ທີມຊາດລາວ 1-7 ທີມຊາດອົສຕຣາລີ

- ທີມຊາດລາວໄດ້ປະຕູຈາກ: ຈັນທະວີໄຊ ຂຸນທຸມພອນ 12'

- ທີມຊາດອົສຕຣາລີ ໄດ້ປະຕູຈາກ:​ ເບີ 23 NISHAN VELUPILLAY ນາທີ 2', 40', ເບີ 21 LOUIS D`ARRIGO ນາທີ 7', ເບິ 19 NOAH BOTIC 21' 55', ເບີ 7 LACHLAN BROOK ນາທີ 59' ,​ເບີ 9 ALOU KUOL ນາທີ 79'.

ຕາຕະລາງແຂ່ງຂັນນັດທີ 2 

- ວັນທີ 09/09/2023 ເວລາ 22:30 ທາຈີກິສຖານ ພົບ ລາວ ແຂ່ງຂັນຢູ່ທີ່ສະຫນາມ Republican Central Stadium (Dushanbe)