ນະຄອນຫຼວງວຽງຈັນ ວັນທີ 24 ຕຸລາ 2023 ຢູ່ທີ່ຫ້ອງປະຊຸມໂຮງແຮມ ແລນມາກ ນະຄອນຫຼວງວຽງຈັນ,ສະຫະພັນບານເຕະແຫ່ງຊາດລາວ ໄດ້ຈັດກອງປະຊຸມສຳມະນາ ການພັດທະນາກິລາບານເຕະຍິງ 2023 LFF WOMEN’S FOOTBALL DEVELOPMENT WORKSHOP 2023 ເປັນກຽດເຂົ້າຮ່ວມເປັນປະທານ ຂອງ ທ່ານ ວີເພັດ ສີຫາຈັກຣ ປະທານ ສະຫະພັນບານເຕະແຫ່ງຊາດລາວ, ເປັນກຽດເຂົ້າຮ່ວມກອງປະຊຸມຄັ້ງນີ້ີຍັງມີີ ທ່ານ ແສງພອນ ພົນອາມາດ ຫົວຫນ້າກົມກິລະດັບສູງ ກະຊວງສຶກສາທິການ ແລະ ກິລາ, ຜູ້ຕາງໜ້າຈາກ ສະຫະພັນບານເຕະນາໆຊາດ ຫຼື ຟີຟາ, ຕົວແທນຈາກອົງການຈັດຕັ້ງລັດ ແລະ ເອກະຊົນ,ຄະນະບໍລິຫານງານ ສຕລ, ຜູ້ແທນຈາກບັນດາສະຫະພັນບານເຕະແຂວງ, ນະຄອນຫຼວງ, ຜູ້ສະຫນັບສະຫນູນ, ຜູ້ຕາງໜ້າຈາກສະໂມສອນກິລາບານເຕະລາວລີກ 1 ປະຈໍາປີ 2023, ບັນດາຄູຝຶກທີມຊາດລາວ, ບັນດາສື່ມວນຊົນ ພ້ອມດ້ວຍ ບັນດາວິຊາການ ສຕລ. ກ່າວເປີດກອງປະຊຸມຢ່າງເປັນທາງການ, ທ່ານ ວີເພັດ ສີຫາຈັກຣ໌ ປະທານສະຫະພັນບານເຕະແຫ່ງຊາດລາວໄດ້ກ່າວວ່າ: ‘’ ສຕລ ໄດ້ເຫັນຄວາມສຳຄັນໃນການພັດທະນາກິລາບານເຕະຍິງ ໂດຍມີການສົ່ງເສີມໃຫ້ການແຂ່ງຂັນພາຍໃນ ເຊັ່ນ:ການແຂ່ງຂັນບານເຕະ ລາວລີກຍິງ ປະຈຳປີ 2023 ທີ່ໄດ້ເລີ້ມຂຶ້ນໃນທ້າຍອາທິດທີ່ຜ່ານມາ ລວມທັງການແຂ່ງຂັນບານເຕະເຍົາວະຊົນໃນແຕ່ລະແຂວງ, ພ້ອມດຽວກັນນັ້ນ ສຕລ ຍັງໄດ້ສົ່ງເສີມການພັດທະນາບຸກຄະລາກອນທີ່ເປັນເພດຍິງ ແລະ ຊຸກຍູ້ໃຫ້ເຂົາເຈົ້າກ້າວສູ່ລະດັບເວທີສາກົນ ເຊັ່ນ: ທ່ານ ນ. ກັນຍາ ແກ້ວມະນີ ເລຂາທິການ ສະຫະພັນບານເຕະແຫ່ງຊາດລາວ ພ້ອມທັງເປັນຄະນະບໍລິຫານງານຂອງ FIFA ແລະ AFC ແລະ ທ່ານ ນ.ພຸດສະຫວັນ ຈັນທະວົງ ກຳມະການຕັດສິນຍິງລະດັບ AFC ELITE ທີ່ໄດ້ເຂົ້າຮ່ວມຕັດສິນລະດັບສາກົນມາຫລາຍຄັ້ງແລ້ວ, ການພັດທະນາກິລາບານເຕະຍິງໃນ ສປປລາວ ຈະບໍ່ສາມາດບັນລຸເປົ້າຫມາຍໄດ້ ຫາກຂາດການຮ່ວມມື ແລະ ສະຫນັບສະຫນູນຈາກພາກລັດກໍຄືກະຊວງສຶກສາທິການ ແລະ ກິລາ,ສະຫະພັນບານເຕະແຂວງ ນະຄອນຫຼວງ,ສະໂມສອນ ບານເຕະ, ສະຖາບັນການສຶກສາ, ໃນການພັດທະນາດ້ານກິລາ, ຜູ້ສະຫນັບສະຫນູນ,ສື່ມວນຊົນ ທີ່ຈະຊ່ວຍຜັກດັນ ແລະ ເປັນກະບອກສຽງໃຫ້ແກ່ການພັດທະນາກິລາບານເຕະຍິງໃນທົ່ວປະເທດ‘’ .

  ທ່ານ ນ.ກັນຍາ ແກ້ວມະນີ ເລຂາທິການ ສະຫະພັນບານເຕະແຫ່ງຊາດລາວ ໄດ້ກ່າວວ່າ ‘’ ສຳລັບໂຄງການການພັດທະນາກິລາບານເຕະຍິງນີ້ເກີດຂຶ້ນເຊິ່ງເປັນຄັ້ງທຳອິດ ທີ່ ສຕລ ໄດ້ມີການສ້າງແຜນຍຸດທະສາດ ພັດທະນາກິລາບານເຕະຍິງ ໂດຍເປັນການສຶກສາຄົ້ນຄວ້າຈາກ ພະແນກເຕັກນິກ - ວິທະຍາ ຂອງ ສຕລ ຮ່ວມກັບຟີຟາ ຕິດຕາມຢ່າງໃກ້ສິດໃນທຸກຂັ້ນຕອນ ເພື່ອສ້າງໃຫ້ແຜນຍຸດທະສາດນີ້ສົມບູນແບບທີ່ສຸດ ແລະ ສ້າງຄວາມຫມັ້ນໃຈແກ່ຜູ້ໃຫ້ທຶນ ກໍຄື ຟີຟາໃນການຮັບຮອງໂຄງການດັ່ງກ່າວ ແລະ ມອບທຶນໃຫ້ກັບ ສຕລ ເພື່ອຈັດຕັ້ງແຜນຍຸດທະສາດໃຫ້ເກີດຫມາກຜົນທີ່ສຸດ.

 ສຕລ ເລັ່ງເຫັນຄວາມສຳຄັນໃນການສ້າງໂຄງການພັດທະນາກິລາບານເຕະຍິງນີ້ໂດຍເລີ້ມຈາກການວາງແຜນຍຸດທະສາດເພື່ອເປັນແບບແຜນການຈັດຕັ້ງປະຕິບັດໃຫ້ມີການພັດທະນາແບບຍືນຍົງ

 ໃນວາລະຂອງການສຳມະນາ ຜູ້ເຂົ້າຮ່ວມສຳມະນາຍັງໄດ້ຮ່ວມສົນທະນາ ເພື່ອແລກປ່ຽນຄວາມຄິດເຫັນໂດຍແບ່ງການສົນທະນາເປັນກຸ່ມ 8 ເສົາຫລັກຍຸດທະສາດ ຄື: ບານເຕະຂັ້ນພື້ນຖານ, ການເຟັ້ນຫານັກກິລາພອນສະຫວັນ, ການພັດທະນາພອນສະຫວັນ, ພັດທະນາຄູຝຶກ, ລີກ / ສະໂມສອນ, ທີມຊາດ, ການບໍລິຫານ - ການປົກຄອງ ແລະ ການສະຫນັບສະຫນູນ.

ສະຫຼຸບຜົນການແຂ່ງຂັນບານເຕະ ລາວລີກຍິງ 2023 ປະຈຳອາທິດ ທີ 1

- ນ້ຳ​ທາ ຊະ​ນະ ຫຼວງ​ພະ​ບາງ 1-0

- ຈຳ​ປາ​ສັກ ຊະ​ນະ ວຽງ​ຈັນ 21-0

- ເອ​ສະ​ຣາ ສະ​ເຫມີ ນ້ຳ​ທາ 0-0

- ຊ້າງ​ນ້ອຍ ຊະ​ນະ ກອງ​ທັບ 3-1

ການແຂ່ງຂັນບານເຕະ ລາວລີກຍິງ ປະຈຳອາທິດທີ2 ນັດທີ2 25 ຕຸລາ 2023

🟣 ນ້ຳທາ ພົບ ມາສເຕີ້ ເຊເວັ້ນ

- ⏱ ເວລາ 16:00 PM

- 🏟 ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ1

🟣 ຫຼວງພະບາງ ພົບ ກອງທັບ

- ⏱ ເວລາ 16:00 PM

- 🏟 ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ2

🟣 ເອສະຣາ ພົບ ວຽງຈັນ

- ⏱ ເວລາ 19:00 PM

- 🏟 ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ1

🟣 ຊ້າງນ້ອຍ ພົບ ຈຳປາສັກ

- ⏱ ເວລາ 19:00 PM

- 🏟 ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ2

    ການແຂ່ງຂັນບານເຕະລາວລີກຍິງ ປະຈຳປີ 2023 ( Lao Women's League 2023 )ຈະເປີດສາກຢ່າງເປັນທາງການໃນວັນເສົາ 21 ຕຸລາ 2023 ເຊິ່ງໃຊ້ສະໜາມຫຍ້າທຽມສະຫະພັນບານເຕະແຫ່ງຊາດລາວ ສະໜາມ 1 ແລະ ສະໜາມ 2 ຕັ້ງຢູ່ບ້ານຫ້ວຍຫົງ ເມືອງຈັນທະບູລີ ນະຄອນຫຼວງວຽງຈັນ ເປັນສະໜາມແຂ່ງຂັນ ໂດຍມີທີມເຂົ້າຮ່ວມທັງໝົດ 8 ທີມ.

   ພິທີຖະແຫຼງຂ່າວກະກຽມການແຂ່ງຂັນບານເຕະ ລາວລີກຍິງ ປະຈໍາປີ 2023 ໃຫ້ກຽດເຂົ້າຮ່ວມໂດຍ ທ່ານ ຈັນທະວົງ ສີລິມະໂນທຳ ຮອງເລຂາທິການ ສະຫະພັນບານເຕະແຫ່ງຊາດລາວ (ສຕລ), ທ່ານ ສັນຕິກອນ ແສງດາລາ ຫົວຫນ້າພະແນກຈັດການແຂ່ງຂັນ ສຕລ, ທ່ານ ນາງ ອານຸລັກ ທອງຄໍາສະຫວັດ ຜູ້ຈັດການຝ່າຍຂາຍ ບໍລິສັດ ວາຣີິ, ທ່ານ ບຸນສູງ ຄົມຂາວ ຫົວໜ້າພະແນກການຕະຫຼາດ ບໍລິສັດ ອີໂວ ສະຕໍ.

   ໃນໂອກາດຖະແຫຼງຂ່າວ, ທ່ານ ຈັນທະວົງ ສີລິມະໂນທຳ ຮອງເລຂາທິການ ສຕລ ໄດ້ກ່າວວ່າ: ການຈັດການແຂ່ງຂັນບານເຕະ ລາວລີກ ຍິງ ຄັ້ງນີ້ເປັນຄັ້ງທໍາອິດທີ່ຈັດເປັນແບບລີກຂອງເພດຍິງ, ເຊິ່ງຕ້ອງຂໍຂອບໃຈມາຍັງທຸກໆພາກສ່ວນ ທັງຜູ້ສະໜັບສະໜູນ ແລະ ບັນດາທີມທີ່ສົ່ງທີມເຂົ້າຮ່ວມການແຂ່ງຂັນ ໂດຍງົບປະມານຫຼັກໄດ້ຈາກ ສະຫະພັນບານເຕະນາໆຊາດ (FIFA) ເພື່ອຈັດການແຂ່ງຂັນລີກບານເຕະຍິງແບບຍືນຍົງ ແລະ ຈັດຂຶ້ນທຸກໆປີ ເພື່ອພັດທະນານັກກີລາຍິງ ແລະ ເປັນຕົວເລືອກນັກກີລາສູ່ທີມຊາດ.

   ຂະນະດຽວກັນ ທ່ານ ສັນຕິກອນ ແສງດາລາ ຫົວຫນ້າພະແນກຈັດການແຂ່ງຂັນ ສຕລ ກ່າວວ່າ: ປີນີ້ເປັນປີທໍາອິດທີ່ ສຕລ ຈັດການແຂ່ງຂັນບານເຕະລາວລີກຍິງ ປະຈໍາປີ 2023 ຫວັງວ່າລາຍການນີ້ຈະໃຫ້ປະໂຫຍດ ແລະ ສາມາດສ້າງຖານນັກກີລາຍິງໃຫ້ມີມາດຕະຖານທີ່ສູງຂຶ້ນ ໂດຍໄດ້ຮັບການສະໜັບສະໜູນຈາກບັນດາສະໂມສອນໃນລາວລີກ 1 ຊ່ວຍໃຫ້ການສ້າງທີມຍິງ ເຂົ້າຮ່ວມການແຂ່ງຂັນບານເຕະ ລາວລີກ ຍິງ ນັບແຕ່ປີ 2023 ເປັນຕົ້ນໄປ ລວມເຖິງຈະເພີ່ມຈໍານວນທີມເຂົ້າຮ່ວມການແຂ່ງຂັນຂຶ້ນເລື້ອຍໆ ແລະ ຈະມີການພິຈາລະນາວ່າຈະໃຫ້ມີການຕົກຊັ້ນເລື່ອນຊັ້ນໃນອະນາຄົດ.

   ສໍາລັບ ການແຂ່ງຂັນບານເຕະ ລາວລີກຍິງ ປະຈຳປີ 2023 ເປີດສາກຢ່າງເປັນທາງການໃນວັນເສົາ 21 ຕຸລາ 2023 ແລະ ຈະໄປສິ້ນສຸດໃນວັນທີ 20 ທັນວາ 2023 ໂດຍມີທີມເຂົ້າຮ່ວມທັງຫມົດ 8 ທີມປະກອບມີ:

1. ຊ້າງນ້ອຍ

2. ມາສເຕີ້ ເຊເວັ້ນ

3. ເອສະຣາ

4. ກອງທັບ

5. ຫຼວງພະບາງ

6. ຈຳປາສັກ

7. ນໍ້າທາ

8. ວຽງຈັນ

   ສໍາລັບ ທີມທີ່ເຂົ້າຮ່ວມນັ້ນແມ່ນໄດ້ຮັບເງິນອຸດຫນູນຈຳນວນ 150 ລ້ານກີບ ຂະນະທີ່ ເງິນລາງວັນ ອັນດັບ 1 ແມ່ນຈະໄດ້ຮັບຂັນແຊັມພ້ອມເງິນລາງວັນ 100 ລ້ານກີບ, ອັນດັບ 2 ໄດ້ 50 ລ້ານກີບ ແລະ ອັນດັບ 3 ໄດ້ 20 ລ້ານກີບ.

ຕາຕະລາງ ການແຂ່ງຂັນໃນອາທິດທຳອິດ

ວັນເສົາ 21 ຕຸລາ 2023 ເວລາ 16:00 ມາສເຕີ້ ເຊເວັ້ນ ພົບ ຫຼວງພະບາງ ແຂ່ງຂັນຢູ່ທີ່ຫຍ້າທຽມສະຫະພັນບານເຕະແຫ່ງຊາດລາວ ສະໜາມ 1, ເວລາ 16:00 ຈຳປາສັກ ພົບ ວຽງຈັນ ແຂ່ງຂັນຢູ່ທີ່ຫຍ້າທຽມສະຫະພັນບານເຕະແຫ່ງຊາດລາວ ສະໜາມ 2 ແລະ ວັນທີ 22 ຕຸລາ 2023 ເວລາ 16:00 ເອສະຣາ ພົບ ນ້ຳທາ ແຂ່ງຂັນຢູ່ທີ່ຫຍ້າທຽມສະຫະພັນບານເຕະແຫ່ງຊາດລາວ ສະໜາມ 1 ແລະ ເວລາ 16:00 ຊ້າງນ້ອຍ ພົບ ກອງທັບ ແຂ່ງຂັນຢູ່ທີ່ຫຍ້າທຽມສະຫະພັນບານເຕະແຫ່ງຊາດລາວ ສະໜາມ 2.

ສາມາດໄປຊົມ ແລະ ເຊຍ ຕິດຂອບສະຫນາມທີມທີ່ຕົນເອງມັກໄດ້, ເຂົ້າຊົມບໍ່ເສຍຄ່າ(FREE) ແລະ ສາມາດຮັບຊົມ ການຖ່າຍທອດສົດໄດ້ທີ່ ເພສເຟສບຸກ LAOWOMEN'SLEAGUE ລາວລີກຍິງ ,Youtube LAOFF TV ແລະ Application LTC PLAY.

---------------------------------------------

ຕິດຕາມຂ່າວສານກ່ຽວກັບບານຍິງ

FB: Lao Women's League ລາວລີກຍິງ

https://www.facebook.com/Laowomensleague/

IG: laowomensleague_official https://www.instagram.com/laowomensleague_official/

Youtube: LAOFF TV ສະຫະພັນບານເຕະແຫ່ງຊາດລາວ https://www.youtube.com/channel/UCvFindEKBnIA2H9dDMWrwkQ

TikTok: laowomensleague_official

https://www.tiktok.com/@laowomensleague_official

#LaoWomensFootball

#LaoFootball

#LaoFootballFederation

#ບານເຕະຍິງລາວ

#LaowomensLeague

#ສະຫະພັນບານເຕະແຫ່ງຊາດລາວ

#Daretoplay

#ກ້າທີ່ຈະສູ້

ກໍາມະການຕັດສິນກຽມພ້ອມຮັບໃຊ້ການແຂ່ງຂັນກິລາບານເຕະລາວລີກຍິງ 2023 ທີ່ຈະເປີດສາກ 21 ຕຸລານີ້.

ສະຫະພັນບານເຕະແຫ່ງຊາດລາວ(ສຕລ)ໄດ້ສໍາເລັດການຝຶກອົບຮົມກໍາມະການຕັດສິນການແຂ່ງຂັນກິລາບານເຕະລາວລີກຍິງ 2023 ຕອນແລງວັນທີ 18 ສິງຫາ 2023 ທີ່ຫ້ອງປະຊຸມ ສຕລ,ໂດຍໃຫ້ກຽດເຂົ້າຮ່ວມເປັນປະທານກ່າວປິດພິທີຂອງທ່ານ ນາງ ກັນຍາ ແກ້ວມະນີ ເລຂາທິການ ສຕລ.

ໃນໂອກາດນີ້ ທ່ານ ນາງ ກັນຍາ ແກ້ວມະນີ ໄດ້ສະແດງຄວາມຊົມເຊີຍມາຍັງຜົນສຳເລັດຂອງການຝຶກອົບຮົມຄັ້ງນີ້ ແລະ ຮຽກຮ້ອງໃຫ້ທຸກທ່ານທີ່ຜ່ານການຝຶກອົບຮົມໃຫ້ສຶບຕໍ່ພັດທະນາຝຶກຝົນຕົນເອງໃຫ້ປະສົບຜົນສໍາເລັດໃນການເຂົ້າຮ່ວມເປັນກໍາມະການຕັດສິນໃນການແຂ່ງຂັນ ລາວລີກຍິງ 2023 ຊຶ່ງເປັນຄັ້ງປະຫວັດສາດຂອງການຈັດການແຂ່ງຂັນກິລາບານເຕະລາວລີກຍິງຂອງສປປລາວ,ຂໍໃຫ້ທຸກທ່ານຈົ່ງຕັ້ງໃຈແລະ ມີຜົນສຳເລັດໃນການເປັນກໍາມະການຕັດສິນ.

ສໍາລັບການຝຶກອົບຮົມຄັ້ງນີ້ແມ່ນດຳເນີນເປັນເວລາ 3ວັນ ແຕ່ວັນທີ 16-18 ຕຸລາ 2023,ເຊິ່ງມີນັກຝຶກອົບຮົມເຂົ້າຮ່ວມທັງໝົດ26 ຄົນ.ເຂົ້າຮວ່ມກອງປະຊຸມນີ້ຍັງມີທ່ານ ໄຊປະເສີດ ພົງຊະນິດ ຫົວໜ້າພະແນກກຳມະການຕັດສິນທັງເປັນຜູ້ຝຶກສອນກຳມະການຕັດສິນ ສຕລ, ພ້ອມດວ້ຍຜູ້ຊ່ວຍຄູຝຶກສອນແລະວິຊາການພະແນກກໍາມະການຕັດສິນສຕລ.

 ການແຂ່ງຂັນບານເຕະ ລາວລີກຍິງ ປະຈຳປີ 2023 Lao Women's League 2023 ຈະເລີ່ມເປີດສາກຢ່າງເປັນທາງການໃນວັນເສົາ 21/10/2023 ເຊິ່ງໃຊ້ສະຫນາມຫຍ້າທຽມສະຫະພັນບານເຕະແຫ່ງຊາດລາວ ສະຫນາມ 1 ແລະ ສະຫນາມ 2 ເປັນສະຫນາມທີ່ແຂ່ງຂັນໂດຍມີທີມເຂົ້າຮ່ວມທັງຫມົດ 8 ທີມປະກອບມີ:

1. ຊ້າງນ້ອຍ

2. ມາສເຕີ້ ເຊເວັ້ນ

3. ເອສະຣາ

4. ກອງທັບ

5. ຫຼວງພະບາງ

6. ຈຳປາສັກ

7. ນໍ້າທາ

8. ວຽງຈັນ

ສາມາດໄປຊົມ ແລະ ເຊຍ ຕິດຂອບສະຫນາມທີມທີ່ຕົນເອງມັກໄດ້, ເຂົ້າຊົມບໍ່ເສຍຄ່າ(FREE) ແລະ ສາມາດຮັບຊົມ

ການຖ່າຍທອດສົດໄດ້ທີ່ ເພສເຟສບຸກ LAOWOMEN'SLEAGUE ລາວລີກຍິງ ,Youtube LAOFF TV ແລະ Application LTC PLAY.

ທີມຊາດລາວເຂົ້າຮວ່ມກອງປະຊຸມເຕັກນິກກ່ອນການແຂ່ງຂັນບານໂລກ 2026 ຮອບຄັດເລືອກ ຮອບທີ 1 ໂຊນອາຊີ (FIFA World Cup 2026 Preliminary Joint Qualification R1) ນັດທີ 2

ຕອນເຊົ້າຂອງວັນທີ 16 ຕຸລາ 2023 ທີ່ຫ້ອງປະຊຸມ ໂຮງແຮມແລນມາກ ,ຄະນະກຳມະການແຂ່ງຂັນໄດ້ຈັດກອງປະຊຸມເຜີຍແຜ່ກົດລະບຽບການແຂ່ງຂັນ,ກ່ອນການການແຂ່ງຂັນບານໂລກ 2026 ຮອບຄັດເລືອກ ຮອບທີ 1 ໂຊນອາຊີ ນັດທີ 2 ລະຫວ່າງ ທີມຊາດລາວ ພົບກັບ ທີມຊາດເນປານ

ທີມຊາດລາວຈະໃສ່ຊຸດສີແດງ, ສ່ວນທີມຊາດເນປານ ຈະໃສ່ຊຸດສີຟ້າ.

ສຳລັບລະບຽບການແຂ່ງຂັນຮອບຄັດເລືອກ ແມ່ນບໍ່ນັບກົດປະຕູທີມເຢືອນ Away Goal ຖ້າຫາກສະເຫມີກັນແມ່ນຕ້ອງໄດ້ຕໍ່ເວລາພິເສດ 30 ນາທີ ຖ້າຫາກຍັງສະເຫມີກັນອິກ ແມ່ນຕ້ອງຕັດສິນດ້ວຍການເຕະຈຸດໂທດ ເພື່ອຫາທີມທີ່ຊະນະ ຜ່ານເຂົ້າສູ່ຮອບແບ່ງກຸ່ມ.

🏆 ການແຂ່ງຂັນບານໂລກ 2026 ຮອບຄັດເລືອກ ຮອບທີ 1 ໂຊນອາຊີ (FIFA World Cup 2026 Preliminary Joint Qualification R1) ນັດທີ 2

📅 ວັນອັງຄານ 17/10/2023

⏰ ເວລາ 19:00 ໂມງ

🏟️ ສະຫນາມກິລາແຫ່ງຊາດຫຼັກ 16

📺 ຖ່າຍທອດສົດ ໂທລະພາບແຫ່ງຊາດລາວຊ່ອງ 3 LNTV 3 HD

⭐ ລາຄາບັດເຂົ້າຊົມ 20.000ກີບ ທຸກບ່ອນນັ່ງ

ນັດທີ 2 ສາມາດຊື້ໄດ້ ທີ່ ສະຫະພັນບານເຕະແຫ່ງຊາດລາວ ຫ້ວຍຫົງ ແລະ ສະໜາມກິລາແຫ່ງຊາດ (ຫຼັກ16) ໃນມື້ແຂ່ງຂັນ

ຕິດຕໍ່ສອບຖາມທີ່ 020 5541 4619.

#FIFAWorldCup

#AsianCup2027

#LAOSNATIONALTEAM

ຕອນເຊົ້າ ວັນທີ 16 ຕຸລາ 2023 ຢູ່ທີ່ຫ້ອງປະຊຸມ ສະຫະພັນບານເຕະແຫ່ງຊາດລາວ ໄດ້ມີພິທີເປີດ ຊຸດຝຶກອົບກຳມະການຕັດສິນ ເພື່ອກະກຽມ ການແຂ່ງຂັນບານເຕະ ລາວລີກຍິງ ປະຈຳປີ 2023 Lao Women's League 2023 ໂດຍເຂົ້າຮ່ວມພິທີເປີດໂດຍມີ ທ່ານ ຄໍາແພງ ວົງຂັນຕິ ຮອງປະທານ ສະຫະພັນບານເຕະແຫ່ງຊາດລາວ ທັງເປັນຫົວຫນ້າອະນຸກຳມະການຕັດສິນ ສຕລ, ທ່ານ ທອງປະເສີດ ພອນສິຣິຍະວົງ ຫົວໜ້າຫ້ອງການນິຕິກຳ ແລະ ທ່ານ ໄຊປະເສີດ ພົງຊະນິດ ຫົວໜ້າພະແນກກຳມະການຕັດສິນທັງເປັນຜູ້ຝຶກສອນກຳມະການຕັດສິນ ສຕລ, ພ້ອມດວ້ຍຜູ້ຊ່ວຍຄູຝຶກສອນ, ວິຊາການພະແນກກໍາມະການຕັດສິນ ສຕລ ແລະ ຜູ້ຝຶກອົບຮົມເຂົ້າຮ່ວມທັງໝົດ 24 ຄົນ ເປັນຍິງ 7 ຄົນ.

 ທ່ານ ຄຳແພງ ວົງຂັນຕີ ໄດ້ກ່າວວ່າ: ຖືວ່າເປັນໂອກາດດີອັນຫນຶ່ງຂອງ ສະຫະພັນບານເຕະແຫ່ງຊາດລາວ ເວົ້າລວມ ເວົ້າສະເພາະກໍຄືບານເຕະຍິງ ທີ່ທາງພວກເຮົາມີິຄວາມສາມາດຈັດການແຂ່ງຂັນຂຶ້ນ ເຊິ່ງເປັນຄັ້ງທຳອິດທີ່່ຈັດລາຍການແຂ່ງຂັນນີ້ຂຶ້ນ ສະນັ້່ນຂໍສະເຫນີໃຫ້ກຳມະການຕັດສິນທີ່ຝຶກອົບຮົມຄັ້ງດັ່ງກ່າວໃຫ້ເອົາໃຈໃສ່ໃຫ້ລະອຽດກ່ຽວກັບກົດລະບຽບກະຕິກາຕ່າງໆ

 ສຳລັບຈຸດປະສົງແມ່ນກໍເພື່ອກະກຽມຄວາມພ້ອມເຂົ້າຮ່ວມຕັດສິນ ການແຂ່ງຂັນບານເຕະ ລາວລີກຍິງ ປະຈຳປີ 2023, ກຽມຄວາມພ້ອມທາງດ້ານກະຕິການ, ພາລະກໍາລັງ ເຊິ່ງການຝຶກອົບຮົມແມ່ນໄດ້ດໍາເນີນການຝຶກອົບຮົມ 3 ມື້ຄື: ນັບຕັ້ງແຕ່ວັນທີ 16 -18 ຕຸລາ 2023.

  ການແຂ່ງຂັນບານເຕະ ລາວລີກຍິງ ປະຈຳປີ 2023 Lao Women's League 2023 ຈະເລີ້ມເປີດສາກຄວາມມັນໃນວັນເສົາ 21/10/2023 ເຊິ່ງໃຊ້ສະຫນາມຫຍ້າທຽມສະຫະພັນບານເຕະແຫ່ງຊາດລາວ ສະຫນາມ 1 ແລະ ສະຫນາມ 2 ເປັນສະຫນາມທີ່ແຂ່ງຂັນໂດຍມີທີມເຂົ້າຮ່ວມທັງຫມົດ 8 ທີມປະກອບມີ:

1. ຊ້າງນ້ອຍ

2. ມາສເຕີ້ ເຊເວັ້ນ

3. ເອສະຣາ

4. ກອງທັບ

5. ຫຼວງພະບາງ

6. ຈຳປາສັກ

7. ນໍ້າທາ

8. ວຽງຈັນ

ສາມາດໄປຊົມ ແລະ ເຊຍ ຕິດຂອບສະຫນາມທີມທີ່ຕົນເອງມັກໄດ້, ເຂົ້າຊົມຟຣີ ແລະ ສາມາດຮັບຊົມ ການຖ່າຍທອດສົດໄດ້ທີ່ ເພສເຟສບຸກ LAOWOMEN'SLEAGUE ລາວລີກຍິງ ,Youtube LAOFF TV ແລະ Application LTC PLAY.

ເປິດຂາຍບັດເຂົ້າຊົມ 🏆 ການແຂ່ງຂັນບານໂລກ 2026 ຮອບຄັດເລືອກ ຮອບທີ 1 ໂຊນອາຊີ (FIFA World Cup 2026 Preliminary Joint Qualification R1) ນັດທີ 2

⭐ ລາຄາບັດເຂົ້າຊົມ 20.000ກີບ ທຸກບ່ອນນັ່ງ

ນັດທີ 2 ລາວ ພົບ ເນປານ ວັນທີ 17 ຕຸລາ 2023

ເວລາ 19:00 ທີ່ ສະໜາມກິລາແຫ່ງຊາດ ຫຼັກ 16 ນະຄອນຫຼວງວຽງຈັນ ສປປ ລາວ.

ສາມາດຊື້ໄດ້ ທີ່ ສະຫະພັນບານເຕະແຫ່ງຊາດລາວ ຫ້ວຍຫົງ

ແລະ ສະໜາມກິລາແຫ່ງຊາດ (ຫຼັກ16)

ຕິດຕໍ່ສອບຖາມທີ່ 020 5541 4619.

#FIFAWorldCup

#AsianCup2027

#LAOSNATIONALTEAM

👉 ຂ່າວດີ ສຳລັບແຟນບານ ທ່ານໃດທີ່ໃສ່ເສື້ອທີມຊາດລາວ ທຸກລຸ້ນ ເຊິ່ງເປັນລຸ້ນໃດກໍໄດ້ ແມ່ນສາມາດຮັບບັດເຂົ້າຮັບຊົມການແຂ່ງຂັນ

👉 ( ຟຣີ ) ສາມາດຮັບບັດໄດ້ຢູ່ທີ່ຫນ້າສະຫນາມໃນມື້ແຂ່ງຂັນ ໂດຍໄດ້ແບ່ງອອກ ເປັນ 2 ບູ໋ດ .

1. ສຳລັບຂາຍບັດເຂົ້າຊົມ ລາຄາບັດເຂົ້າຊົມ 20.000ກີບ ທຸກບ່ອນນັ່ງ.

2. ສຳລັບແລກບັດເຂົ້າຊົມ ( ຟຣີ ) ສຳລັບຜູ້ໃສ່ເສື້ອທີມຊາດລາວ.

ການແຂ່ງຂັນບານໂລກ 2026 ຮອບຄັດເລືອກ ຮອບທີ 1 ໂຊນອາຊີ (FIFA World Cup 2026 Preliminary Joint Qualification R1) ນັດທີ 2 ວັນທີ 17/10/2023 ເວລາ 19:00 ທີມຊາດລາວ ພົບ ທີມຊາດເນປານ ແຂ່ງຂັນຢູ່ທີ່ສະຫນາມກິລາແຫ່ງຊາດຫຼັກ 16

ແລ້ວພົບກັນ ! ມາຮ້ອງສຽງເຊຍໄປພ້ອມໆກັນ !

#FIFAWorldCup

#AsianCup2027

#LAOSNATIONALTEAM

#LAOFOOTBALLFEDERATION

ການແຂ່ງຂັການແຂ່ງຂັນບານໂລກ 2026 ຮອບຄັດເລືອກ ຮອບທີ 1 ໂຊນອາຊີ (FIFA World Cup 2026 Preliminary Joint Qualification R1) ນັດທີ 1

ວັນທີ 12/10/2023

ທິີມຊາດເນປານ ສະເຫມີ ທີມຊາດລາວ 1-1

- ເນປານ ໄດ້ປະຕູຈາກ: ເບີ 14 ANJAN ນາທີ 49'

- ລາວ ໄດ້ປະຕູຈາກ: ເບີ 17 ບຸນພະຈັນ ບຸນກອງ ນາທີ 33'

🏆 ການແຂ່ງຂັນບານໂລກ 2026 ຮອບຄັດເລືອກ ຮອບທີ 1 ໂຊນອາຊີ (FIFA World Cup 2026 Preliminary Joint Qualification R1) ນັດທີ 2

📅 ວັນອັງຄານ 17/10/2023

⏰ ເວລາ 19:00 ໂມງ

🏟️ ສະຫນາມກິລາແຫ່ງຊາດຫຼັກ 16

#FIFAWorldCup

#AsianCup2027

#LAOSNATIONALTEAM

#LAOFOOTBALLFEDERATION

ສະຫະພັນບານເຕະແຫ່ງຊາດລາວ( ສຕລ) ໄດ້ຈັດພິທີເປີດການຝຶກອົບຮົມຄູຝຶກກິລາບານເຕະ ລະດັບຊີ(c)ຂື້ນໃນຕອນເຊົ້າວັນທີ 9 ຕຸລາ 2023 ທີ່ຫ້ອງປະຊຸມ ສະຫະພັນບານເຕະ ແຂວງຈຳປາສັກ ,ໂດຍໃຫ້ກຽດເປັນປະທານກ່າວເປີດຂອງທ່ານ ດຣ ເພັດສາຄອນ ຄະນະບໍລິຫານງານສະຫະພັນບານເຕະແຂວງຈຳປາສັກ.

ທ່ານ ເພັດສາຄອນ ໄດ້ກ່າວເປີດພິທີໂດຍໄດ້ຍົກໃຫ້ເຫັນຄວາມໝາຍສຳຄັນຂອງການຝຶກອົບຮົມຄັ້ງນີ້,ລວມທັງບົດບາດຄວາມສໍາຄັນຂອງໂຄສບານເຕະ,ພ້ອມຮຽກຮ້ອງໃຫ້ຜູ້ເຂົ້າຮວ່ມການຝຶກອົບຮົມທຸກທ່ານຈົ່ງຕັ້ງໃຈຮຽນຮູ້ແລກ ປ່ຽນບົດຮຽນ,ປະສົບການ ເພື່ອນໍາເອົາບົດຮຽນໃນການຝຶກອົບຮົມຄັ້ງນີ້ ໄປນໍາໃຊ້ໃຫ້ເກີດປະໂຫຍດຫຼາຍເທົ່າທີ່ຈະຫຼາຍໄດ້ເພື່ອພັດທະນາວົງການບານເຕະລາວໃຫ້ກ້າວໄປໃນຕໍ່ໜ້າ.

ໄລຍະການຝຶກອົບຮົມໄດ້ແບ່ງອອກເປັນ 2 ພາກ ປະກອບມີ ພາກທິດສະດີໃນຫ້ອງຮຽນແລະພາກປະຕິບັດຕົວຈິງໃນພາກສະໜາມ,ສຳລັບການຝຶກອົບຮົມແມ່ນຈະດຳເນີນວັນທີ 09 ຕຸ ລາ ໄປຈົນຮອດວັນທີ20 ຕຸລາ 2023.

ເຂົ້າຮວ່ມກອງປະຊຸມນີ້ຍັງມີທ່ານ ຊຸນດຣໍາ ມູນຕີ (Sundram Moorthy) ຫົວໜ້າພະແນກເຕັກນິກ - ວິທະຍາ ສຕລ, ທ່ານ ວົງມີໄຊ ສຸບົວຄຳ ຜູ້ຝຶກສອນຫຼັກຈາກປະເທດລາວ ແລະ ທ່ານHerman Zalaini ຫົວຫນ້າພັດທະນາຄູຝຶກ ຈາກປະເທດ ສິງກະໂປພ້ອມດ້ວຍພະນັກງານວິຊາການກ່ຽວຂ້ອງແລະນັກສຳມະກອນຈໍານວນ 24 ທ່ານ,ມາຈາກປະເທດໄທ 6 ທ່ານ.

#LaoFootballFederation

#LFFCoachEducation

ທີມຊາດລາວ ຊຸດໃຫຍ່ ໄດ້ເລີ້ມເກັບຕົວຝຶກຊ້ອມນັບຕັ້ງແຕ່ ວັນທີ 15 ກັນຍາ 2023 ເພື່ອກະກຽມເຂົ້າຮວ່ມແຂ່ງຂັນບານໂລກ 2026 ຮອບຄັດເລືອກ ຮອບທີ 1 ໂຊນອາຊີ (FIFA World Cup 2026 Preliminary Joint Qualification R1) ໂດຍແມ່ນ ທ່ານ ກັນລະຍາ ສີສົມຫວັງ ຫົວຫນ້າຄູຝຶກ ທີມ​ຊາດ​ລາວ ຊຸດ​ໃຫຍ່ ໃນເບື້ອງຕົ້ນໄດ້ຄັດເລືອກນັກກິລາ 33 ຄົນ ປັດຈຸບັນ ສາມາດຄັດເລືອກນັກກິລາ 23 ຄົນສຸດທ້າຍກ່ອນ.

ສຳ​ລັ​ບ​ລາຍ​ຊື່ ຄະ​ນ​ະ​ນຳ, ຄະ​ນະ ຄູ​ຝຶກ ມີ​ດັ່ງ​ນີ້:

1. ທ່ານ ຄຳ​ໄພ່ ປ​ຣະ​ເສີດ ຮອງ​ປະ​ທານ ສ​ະ​ຫະ​ພັນ​ບານ​ເຕະ​ແຫ່ງ​ຊາດ​ລາວ ຫົວ​ຫນ້າ​ຄະ​ນະ

2. ທ່ານ ຖາ​ວອນ ຫຼວງ​ຈັນ​ດາ​ວົງ ຄະ​ນະ​ບໍ​ລິ​ຫານ​ສ​ະ​ຫະ​ພັນ​ບານ​ເຕະ​ແຫ່ງ​ຊາດ​ລາວ ຮອງ​ຫົວ​ຫນ້າ​ຄະ​ນະ

3. ທ່ານ ກັນ​ລະ​ຍາ ສີ​ສົມ​ຫວັງ ຫົວ​ຫນ້າ​ຄູ​ຝຶກ

4. ທ່ານ ພຸດ​ປະ​ສົງ ແສງ​ດາ​ລາ​ວົງ ຜູ້​ຊ່ວຍ​ຄູ​ຝຶກ

5. ທ່ານ ວຽງ​ສະ​ຫວັນ ໄຊ​ຍະ​ບູນ ຜູ້​ຊ່ວຍ​ຄູ​ຝຶກ

6. ທ່ານ ຈັນ​ທະ​ຄາດ ສ່ຽນ​ຜ່ອງ​ໃສ ຄູ​ຝຶກ​ຜູ້​ຮັກ​ສາ​ປະ​ຕູ

7. ທ່ານ ນີ​ຕ້າ ທັດ​ສະ​ນີ​ທອນ ຜູ້​ຈັດ​ການ​ທີມ

8. ທ່ານ ອຸດ​ຕະ​ມະ ຂ​າງ​ມະ​ນີວົງ ບໍ​ລິ​ຫານ​ທີມ

9. ທ່ານ ດ​ຣ ບົວພັນ ສີ​ຫາ​ວົງ ທີມ​ແພດ

10. ທ່ານ ບັນ​ຈົງ ຈິນ​ດາ ທີມ​ແພດ

11. ທ່ານ ຈັນ​ທິດ ອິນ​ໃຈ ທີມ​ແພດ

12. ທ່ານ ທິບ​ພະ​ກອນ ພະ​ກາ​ສີ ສື່ມວນຊົນ

13. ທ່ານ ສະ​ໄຫວ ໂອ​ລະ​ໄທ ອຸ​ປະ​ກອນ

ສຳລັບລາຍຊື່ 23 ຄົນ ມີລາຍຊື່ດັ່ງລຸ່ມນີ໊:

+ ຜູ້ຮັກສາປະຕູ

1. ກົບ ໂລກພະທິບ ຈາກ ສະໂມສອນກິລາບານເຕະ ເອສະຣາ

2. ອານຸລັກ ວິລະຜົນ ຈາກ ສະໂມສອນກິລາບານເຕະ ມາສເຕີ້ ເຊເວັ້ນ

3. ໄຊສະຫວາດ ສຸວັນນະໂຊກ ຈາກ ສະໂມສອນກິລາບານເຕະ ນ້ຳທາ

+ ກອງຫຼັງ

4. ພຸດທະວົງ ສັງວິໄລ ຈາກ ສະໂມສອນກິລາບານເຕະ ເອສະຣາ

5. ອານັນຕະຊາ ສິພົງພັນ ຈາກ ສະໂມສອນກິລາບານເຕະ ເອສະຣາ

6. ອາພີໄຊ ທານະຂັນຕີ ຈາກ ສະໂມສອນກິລາບານເຕະ ເອສະຣາ

7. ອິນທະຈັກ ສີສຸພັນ ຈາກ ສະໂມສອນ ກິລາບານເຕະ ຫຼວງພະບາງ

8. ຈິດຕະກອນ ວັນນະຈອນ ຈາກ ສະໂມສອນກິລາບານເຕະ ຫລວງພະບາງ

9. ທິບພະຈັນ ອິນທະວົງ ຈາກ ສະໂມສອນກິລາບານເຕະ ຊ້າງນ້ອຍ

10.ແສງດາວວີ ຫັນທະວົງ ຈາກ ສະໂມສອນກິລາບານເຕະ ຊ້າງນ້ອຍ

11. ໄຊຍະສິດ ສິງສະຫວ່າງ ຈາກ ສະໂມສອນກິລາບານເຕະ ນ້ຳທາ

12. ວັນນາ ບຸນຫລໍ່ວົງສາ ຈາກ ສະໂມສອກິລາບານເຕະ ເຮັສບີທີ 941 ( ລີກ 2 ນະຄອນຫຼວງ )

+ ກອງກາງ

13. ໄມເຄີນ ວາງ ຈາກ ສະໂມສອນ PORTLAND TIMBERS2 ( ປະເທດ ອາເມຣີກາ )

14. ຈັນທະວີໄຊ ຂຸນທຸມພອນ ຈາກ ສະໂມສອນກິລາບານເຕະ ເອສະຣາ

15. ດາໝົດ ທອງຄໍາສະຫວັດ ຈາກ ສະໂມສອນກິລາບານເຕະ ເອສະຣາ

16. ອານຸສອນ ໄຊປັນຍາ ຈາກ ສະໂມສອນກິລາບານເຕະ ເອສະຣາ

17. ຈັນທະວີພອນ ພູມສະຫວັນ ຈາກ ສະໂມສອນກິລາບານເຕະ ນ້ຳທາ

18. ທະນູທອງ ກຽດນະລົງລົບ ຈາກ ສະໂມສອນກິລາບານເຕະ ຊ້າງນ້ອຍ

19. ພຸດດາວີ ພົມມະສານ ຈາກ ສະໂມສອນກິລາບານເຕະ ມາສເຕີ້ ເຊເວັ້ນ

+ ກອງຫນ້າ

20. ບຸນພະຈັນ ບຸນກອງ ຈາກ ສະໂມສອນກິລາບານເຕະ PREAK KHAN REACH SVAY RIENG FC ( ປະເທດກຳປູເຈຍ )

21.ໂຈນີ້ ແຫວນປະເສີດ ຈາກ ສະໂມສອນກິລາບານເຕະ ເອສະຣາ

22.ສຸກພະຈັນ ເລື່ອນທະລາ ຈາກ ສະໂມສອນກິລາບານເຕະ ມາສເຕີ້ ເຊເວັ້ນ

23.ກີ້ດາວອນ ສຸວັນນີ ຈາກ ສະໂມສອນກິລາບານເຕະ ຊ້າງນ້ອຍ

  ​ທີມຊາດລາວ ຖ້າຊະນະ ທີມຊາດເນປານ ບານໂລກ 2026 ຮອບຄັດເລືອກ ຮອບທີ 1 ທະວີບອາຊີ, ໃນຮອບຄັດເລືອກ ຮອບທີ 2 ຈະຢູ່ກຸ່ມ H ຮ່ວມກັບ ສະຫະລັດ ອາຣັບ ເອມີເຣດ, ບາເຣນ ແລະ ທີມຊະນະລະຫວ່າງ ເຢເມັນ ຫລື ສຣີລັງກາ.

  ​ບານໂລກ 2026 ຮອບຄັດເລືອກ ຮອບທີ 1 ໂຊນອາຊີ (FIFA World Cup 2026 Preliminary Joint Qualification R1) ມີທັງໝົດ 20 ທີມ ຈັບຄູ່ພົບກັນ 10 ຄູ່ ແຂ່ງຂັນແບບ 2 ນັດ ໄປ-ກັບ ທີມທີ່ຊະນະ ຜ່ານເຂົ້າສູ່ຮອບຄັດເລືອກ ຮອບທີ 2 ຕໍ່ໄປ.

  ​ທີມຊາດລາວ ພົບກັບ ທີມຊາດເນປານ ນັດທີ 1 ຈະແຂ່ງຂັນໃນວັນທີ 12 ຕຸລາ 2023 ເວ​ລາ 18:45 ( ເວ​ລາ​ຢູ່​ລາວ ) ຢູ່ທີ່ສະ​ຫນາມ ​Dashrath Stadium, Kathmandu ປະເທດເນປານ ແລະ ວັນທີ 17 ຕຸລາ 2023 ເວ​ລາ 19:00 ແມ່ນແຂ່ງຂັນຢູ່ສະໜາມກິລາແຫ່ງຊາດ ຫຼັກ 16 ນະຄອນຫຼວງວຽງຈັນ ສປປ ລາວ.

 ​ສຳລັບ 10 ທີມທີ່ຊະນະ ຮອບຄັດເລືອກ ຮອບທີ 1 ຈະເຂົ້າຄັດເລືອກ ຮອບທີ 2 ບວກກັບອີກ 26 ທີມທີ່ໄດ້ສິດລໍຖ້າອີງຕາມອັນດັບໂລກ ລວມເປັນ 36 ທີມ. ໂດຍການຄັດເລືອກຄັ້ງນີ້ ຈະມີຜົນຕໍ່ການຄັດເລືອກໄປ ເອຊຽນຄັບ ຊິງແຊ້ມອາຊີ 2027 ທີ່ຊາອຸດິອາຣາເບຍ.

#FIFAWorldCup

#AsianCup2027

#LAOSNATIONALTEAM

#LAOFOOTBALLFEDERATION

ສະຫະພັນບານເຕະອາຊີ (AFC) ໄດ້ຈັດກອງປະຊຸມປະທານ ແລະ ເລຂາທິການ ສະຫະພັນບານເຕະ ຄັ້ງທໍາອິດ ໃນວັນທີ 7-8 ຕຸລາ 2023 ທີ່ນະຄອນຫຼວງທັດສະເກັ້ນ, ປະເທດອຸດສະເບກິດສະຖານ ໂດຍມີບັນດາປະທານ ແລະ ເລຂາທິການ ສະຫະພັນບານເຕະປະເທດສະມາຊິກ ແລະ 5 ສະຫະພັນບານເຕະພາກພື້ນ ຂອງ AFC ເຂົ້າຮ່ວມ ເຊິ່ງໄດ້ມີການບັນລະຍາຍໃນຫຼາຍຫົວຂໍ້ກ່ຽວກັບການບໍລິຫານອົງກອນກິລາບານເຕະຢ່າງມີປະສິດທິພາບ ແລະ ປະສິດທິຜົນ ຈາກຜູ້ບັນລະຍາຍທີ່ມີຄວາມສາມາດ ແລະ ປະສົບການໃນວົງການກິລາບານເຕະທົ່ວໂລກ. ໃນກອງປະຊຸມຄັ້ງນີ້ ທ່ານ ນາງ ກັນຍາ ແກ້ວມະນີ, ເລຂາທິການ ສະຫະພັນບານເຕະແຫ່ງຊາດລາວ ທັງເປັນຄະນະບໍລິຫານງານ FIFA ແລະ AFC ໄດ້ຖືກຮັບເຊີນໃຫ້ເປັນໜຶ່ງໃນຜູ້ບັນລະຍາຍ ໃນຫົວຂໍ້ Shattering Barriers: Redefining Success in Women’s Football Leadership. 

ທ່ານສາມາດ ເຂົ້າເບິ່ງວີດີໂອກອງປະຊຸມຍ້ອນຫຼັງໄດ້ທີ່ລິ້ງລຸ່ມນີ້:

https://www.youtube.com/live/1M_xMBhZcyg?si=qQqo1BuQWveBqhtM