ວັນທີ 13 ມິຖຸນາ 2024 ທີ່ສຳນັກງານໃຫຍ່ ສະຫະພັນບານເຕະອາຊີ ປະເທດມາເລເຊຍ ໄດ້ມີການຈັບສະຫລາກ ການແຂ່ງຂັນບານເຕະຊາຍອາຍຸບໍ່ເກີນ20ປີ U20 ຊິງແຊ້ມອາຊີ 2025 ຮອບຄັດເລືອກ ໂດຍມີທັງຫມົດ 45 ທີມເຂົ້າຮ່ວມ ແບ່ງອອກເປັນ 10 ກຸ່ມ ຜົນການຈັບສະຫລາກມີດັ່ງລຸ່ມນີ້:

- ກຸ່ມ G ປະກອບມີ: ອີຣານ, ມົງໂກລີ, ອິນເດຍ,ສປປລາວ (ເຈົ້າພາບຮອບຄັດເລືອກ)

  ຮອບຄັດລືອກຈະແຂ່ງຂັນລະຫວ່າງວັນທີ 21 - 29 ກັນຍາ 2024, ຮູບແບບການຄັດເລືອກເອົາທີ 1 ຂອງ 10 ກຸ່ມ ບວກກັບ ທີ 2 ດີສຸດ 5 ທີມ ບວກກັບ ເຈົ້າພາບ ສປ ຈີນ ເຂົ້າຮອບສຸດທ້າຍ ປີ 2025.

             4 ທີມ ທີ່ສາມາດເຂົ້າສູ່ຮອບຮອງຊະນະເລີດ ໄດ້ສິດເປັນຕົວແທນທະວີບອາຊີ ໄປແຂ່ງຂັນບານເຕະຊາຍ U20 ປີ ຊິງແຊ້ມບານໂລກ 2025 ທີ່ປະເທດຊີລີ (ຊິເລ່).

          ວັນທີ 13 ມິຖຸນາ 2024 ທີ່ສຳນັກງານໃຫຍ່ ສະຫະພັນບານເຕະອາຊີ ປະເທດມາເລເຊຍ ໄດ້ມີການຈັບສະຫລາກ ການແຂ່ງຂັນບານເຕະຊາຍຮຸ່ນອາຍຸບໍ່ເກີນ17ປີ(U17)ຊິງແຊ້ມອາຊີ 2025 ຮອບຄັດເລືອກ ໂດຍມີທັງຫມົດ 42 ທີມເຂົ້າຮ່ວມ ແບ່ງອອກເປັນ 10 ກຸ່ມ ຜົນການຈັບສະຫລາກທິມຊາດລາວຖືກຈັດຢູ່ໃນກຸ່ມ H,ໂດຍປະກອບມີ: ມາເລເຊເຍ,ສປປລາວ ( ເຈົ້າພາບຮອບຄັດເລືອກ ) , ສະຫະລັດ ອາຣັບ ເອມີເຣດ ແລະ ເລບານອນ

          ຮອບຄັດເລືອກຈະແຂ່ງຂັນໃນລະຫວ່າງ ໃນລະຫວ່າງວັນທີ 19-27 ຕຸລາ 2024 ຮູບແບບການຄັດເລືອກ:ເອົາທີ 1 ຂອງ 10 ກຸ່ມ ບວກກັບ ທີ 2 ດີສຸດ 5 ທີມ ບວກກັບ ເຈົ້າພາບ ຊາອຸດິອາຣາເບຍ ເຂົ້າຮອບສຸດທ້າຍ ປີ 2025.

  4 ທີມ ທີ່ສາມາດເຂົ້າສູ່ຮອບຮອງຊະນະເລີດ ໄດ້ສິດເປັນຕົວແທນທະວີບອາຊີ ໄປແຂ່ງຂັນບານເຕະຊາຍ U17 ປີ ຊິງແຊ້ມໂລກ 2025 ທີ່ປະເທດກາຕ້າ.

           ຕອນເຊົ້າ ວັນທີ 12 ມິຖຸນາ 2024 ຢູ່ທີ່ຫ້ອງປະຊຸມ ສະຫະພັນບານເຕະແຫ່ງຊາດລາວ(ສຕລ)ໄດ້ມີພິທີເປີດຊຸດຝຶກອົບຮົມກຳມະການຕັດສິນ ເພື່ອກຽມຄວາມພ້ອມໃຫ້ແກ່ການແຂ່ງຂັນບານເຕະ ລາວລີກຍິງ ປະຈຳປີ 2024 Lao Women's League 2024 ໂດຍເຂົ້າຮ່ວມພິທີເປີດຂອງທ່ານ ປະສາດໄຊ ພິລາພັນເດຊ ຮອງປະທານ ສະຫະພັນບານເຕະແຫ່ງຊາດລາວ ທັງເປັນຮອງຫົວຫນ້າອະນຸກຳມະການຕັດສິນ ສຕລ, ທ່ານ ສົມສະນຸກ ລຽນສະຫວັນ ຮອງເລຂາທິການ ສຕລ, ທ່ານ ໄຊປະເສີດ ພົງຊະນິດ ຫົວໜ້າພະແນກກຳມະການຕັດສິນ ສຕລ ທັງເປັນຜູ້ຝຶກສອນກຳມະການຕັດສິນ ສຕລ, ພ້ອມດວ້ຍຜູ້ປະເມີນກຳມະການຕັດສິນ, ວິຊາການພະແນກກໍາມະການຕັດສິນ ສຕລ ແລະ ຜູ້ຝຶກອົບຮົມເຂົ້າຮ່ວມທັງໝົດ 27 ຄົນ ເປັນຍິງ 15 ຄົນ.

          ໂອກາດດັ່ງກ່າວ ທ່ານ ປະສາດໄຊ ພິລາພັນເດຊ ໄດ້ຮຽກຮ້ອງໃຫ້ກຳມະການຕັດສິນທີ່ເຂົ້າຮວ່ມຝຶກອົບຮົມຄັ້ງນີ້ໃຫ້ເອົາໃຈໃສ່ຢ່າງລະອຽດກ່ຽວກັບກົດລະບຽບກະຕິກາທີ່ທາງສະຫະພັນບານເຕະສາກົນ(FIFA)ໄດ້ປັບປຸງໃໝ່ 2024 ພ້ອມໃຫ້ຮັກສາສຸຂະພາບ ເພື່ອຕໍ່ຍອດການໄປຕັດສິນໃນລະດັບສາກົນໃນຕໍ່ຫນ້າ.ການຝຶກອົບຮົມ,ນອກຈາກກຽມຄວາມພ້ອມເຂົ້າຮ່ວມຕັດສິນການແຂ່ງຂັນບານເຕະ ລາວລີກຍິງ ປະຈຳປີ 2024ແລ້ວຍັງເປັນການກຽມຄວາມພ້ອມທາງດ້ານກະຕິກາ, ພາລະກໍາລັງ, ອັບເດດ ກະຕິກາ ຟີຟາ ປັບປຸງໃຫມ່ 2024ຕື່ມອີກ ເຊິ່ງການຝຶກອົບຮົມຈະໄດ້ດໍາເນີນການຝຶກອົບຮົມ 3 ມື້ຄືນັບຕັ້ງແຕ່ວັນທີ 12 -14 ມິຖຸນາ 2024.

            ການແຂ່ງຂັນບານເຕະລາວລີກຍິງ ປະຈຳປີ 2024 ( Lao Women's League 2024)ຈະເປີດສາກຢ່າງເປັນທາງການໃນວັນເສົາ 15 ມິຖຸນາ ຫາ 08 ກັນຍາ 2024,ເຊິ່ງການແຂ່ງຂັນແມ່ນແຂ່ງຂັນແບບລີກ ພົບກັນໝົດທັງ 2 ຮອບ ໂດຍມີ10 ທີມ ເຂົ້າຮ່ວມປະກອບມີ:

1. ກອງທັບ

2. ນ້ຳທາ

3. ຈຳປາສັກ

4. ຫຼວງພະບາງ

5. ມາສເຕີ້ ເຊເວັ້ນ

6. ທ່າຊ້າງ

7. ເອັສອີຊີ

8. ປາກຊັນ

9. ມະຫາວິທະຍາໄລແຫ່ງຊາດລາວ

10. ວຽງຈັນ

              ການແຂ່ງຂັນຄັ້ງນີ້ຈະນຳໃຊ້ 7 ສະຫນາມຄື: ກິລາແຫ່ງຊາດຫຼັກ 16,ສູນຝຶກຫ້ວຍຫົງ ( 2 ສະຫນາມ),ກິລາກາງມະຫາວິທະຍາໄລແຫ່ງຊາດລາວ,ກິລາກອງທັບ ຫຼັກ 5,ກິລາກອງບັນຊາການທະຫານແຂວງວຽງຈັນ ແລະສະຫນາມກິລາສະຖານບັນກິລາ-ກາຍຍະກຳ ( ສີເກີດ )

ສໍາລັບ ທີມທີ່ເຂົ້າຮ່ວມນັ້ນແມ່ນໄດ້ຮັບເງິນອຸດໜູນຈຳນວນ 150 ລ້ານກີບ ຂະນະທີ່ ເງິນລາງວັນ ອັນດັບ 1 ແມ່ນຈະໄດ້ຮັບຂັນແຊັມພ້ອມເງິນລາງວັນ 100 ລ້ານກີບ, ອັນດັບ 2 ໄດ້ 50 ລ້ານກີບ ແລະ ອັນດັບ 3 ໄດ້ 20 ລ້ານກີບ, ນອກຈາກນັ້ນ,ຍັງມີລາງວັນປະເພດບຸກຄົນລວມມີ: ລາງວັນນັກກິລາທີ່ຍິງປະຕູສູງສຸດ ໄດ້ຮັບຂັນລາງວັນ 1 ໜວ່ຍ, ຜູ້ຮັກສາປະຕູດີເດັ່ນ ໄດ້ຮັບຂັນລາງວັນ 1 ຫນ່ວຍ, ຄູຝຶກດີເດັ່ນ ໄດ້ຮັບຂັນລາງວັນ 1ໜວ່ຍ ແລະ ລາງວັນນັກກິລາດີເດັ່ນປະຈຳການແຂ່ງຂັນ ໄດ້ຮັບຂັນລາງວັນ 1 ໜວ່ຍ.

           ຕາຕະລາງ ການແຂ່ງຂັນບານເຕະ ລາວລີກ ຍິງ 2024 LAO WOMEN'S LEAGUE 2024 ນັດທີ 1

- ວັນເສົາ 15 ມິຖຸນາ 2024

ເວລາ 16:00 ມາສເຕີ້ ເຊເວັ້ນ ພົບ ມຊ

ແຂ່ງຂັນຢູ່ທີ່ ສະຫນາມກິລາແຫ່ງຊາດຫຼັກ 16 ສະຫນາມໃນ

ຖ່າຍທອດສົດ

ເວລາ 16:00 ຫຼວງພະບາງ ພົບ ວຽງຈັນ

ແຂ່ງຂັນຢູ່ທີ່ ສະຫນາມສູນຝຶກຫ້ວຍຫົງ 2

ເວລາ 16:00 ຈຳປາສັກ ພົບ ທ່າຊ້າງ

ແຂ່ງຂັນຢູ່ທີ່ ສະຫນາມສູນຝຶກຫ້ວຍຫົງ 1

ຖ່າຍທອດສົດ

ເວລາ 16:00 ກອງທັບ ພົບ ປາກຊັນ

ແຂ່ງຂັນຢູ່ທີ່ ສະຫນາມກິລາກອງທັບ

ຖ່າຍທອດສົດທາງເຟສບຸກ

ເວລາ 16:00 ນໍ້າທາ ພົບ ເອັສອີຊີ

ແຂ່ງຂັນຢູ່ທີ່ ສະຫນາມກິລາ ສະຖາບັນກິລາ - ກາຍຍະກຳ ສີເກີດ

ສາມາດໄປຊົມ ແລະ ເຊຍ ຕິດຂອບສະຫນາມທີມທີ່ຕົນເອງມັກໄດ້, ເຂົ້າຊົມບໍ່ເສຍຄ່າ(FREE) ແລະ ຮັບຊົມ ການຖ່າຍທອດສົດໄດ້ທີ່ ເພສເຟສບຸກ LAOWOMEN'SLEAGUE ລາວລີກຍິງ ,Youtube LAOFF TV ແລະ ເວບໄຊ ສະຫະພັນບານເຕະແຫ່ງຊາດລາວ www.laoff.org.la

         ກອງປະຊຸມກ່ອນການແຂ່ງຂັນ ບານເຕະເຍົາວະຊົນຮຸ່ນອາຍຸບໍ່ເກີນ 12, 14 ປີ ແລະ 15 ປີ ຍິງ ໄດ້ມີຂຶ້ນເມື່ອທ້າຍອາທິດຜ່ານມາຢູ່ຫ້ອງປະຊຸມ ສະຫະພັນບານເຕະແຫ່ງຊາດລາວ ໂດຍເປັນກຽດເຂົ້າຮ່ວມ ທ່ານ ຈັນທະວົງ ສິລິມະໂນທຳ ຮັກສາການເລຂາທິການ ສະຫະພັນບານເຕະແຫ່ງຊາດລາວ, ທ່ານ ຊູນດາມ ມູນຕີ ຫົວຫນ້າພະແນກເຕັກນິກ-ວິທະຍາ ສຕລ ພ້ອມດ້ວຍວິຊາການທີ່ກ່ຽວຂ້ອງ ແລະ ສະໂມສອນ ທີ່ເຂົ້າຮ່ວມການແຂ່ງຂັນ.

 ສຳລັບທີມທີ່ຜ່ານເຂົ້າຮອບສຸດທ້າຍມີດັ່ງນີ້:

- ຮຸ່ນອາຍຸບໍ່ເກີນ 12 ປີ ຊາຍ ມີ 8 ທີມຄື:

1. ສະໂມສອນ ຈໍາປີ - ຈໍາປາ

2. ສະໂມສອນ ວຽງຈັນ ເອັຟທີິ

3. ສະໂມສອນ ຊ້າງນ້ອຍ ເອຟຊີ

4. ສະໂມສອນ ມະຫາວິທະຍາໄລແຫ່ງຊາດ ເອຟຊີ

5. ສະໂມສອນ ພົມມະທັດ ເອຟຊີ

6. ສະໂມສອນ ພີເຄພີ ເອຟຊີ

7. ເອຟຊີ ຕາລັນ

8. ວິເຊິນ ຢູໄນເຕັດ

- ຮຸ່ນອາຍຸບໍ່ເກີນ 14 ປີ ຊາຍ ມີ 8 ທີມຄື:

1. ສະໂມສອນ ເອສະຣາ ເອຟຊີ

2. ສະໂມສອນ ເອັສທີທີ ເອຟຊີ

3. ສະໂມສອນ ຊ້າງນ້ອຍ ເອຟຊີ

4. ສະໂມສອນ ໄອສະປອດ ເອຟຊີ

5. ສະໂມສອນ ຈັນສີ ເອຟຊີ

6. ສະໂມສອນ ວຽງຈັນ ເອຟທີ

7. ສະໂມສອນ ມະຫາວິທະຍາໄລແຫ່ງຊາດລາວ

8. ສະໂມສອນ ເອຟຊີ ຕາລັນ

- ຮຸ່ນອາຍຸບໍ່ເກີນ 15 ຍິງ ມີ 4 ທີມຄື:

1. ສະໂມສອນ ຈໍາປີ - ຈໍາປາ 1

2. ສະໂມສອນ ມາສເຕີ ເຊເວັນ

3. ສະໂມສອນ ສະປີດ ເອຟຊີ

4. ສະໂສອນ ຈໍາປີ - ຈໍາປາ 2

          ການແຂ່ງຂັນ 3 ລາຍການດັ່ງກ່າວ ການແຂ່ງຂັນແບບລີກແມ່ນແຂ່ງຂັນພົບກັນໝົດ 2 ຮອບ ໄປ ແລະ ກັບ - ຮອບທີ່ 1: ເລີ່ມແຕ່ວັນທີ 16/6/2024 – 4/8/2024 ( ມີພິທີມອບຂັນ ແລະ ຫຼຽນລາງວັນໃຫ້ນັກກິລາສໍາລັບຮອບທີ່ 1 ), ຮອບທີ່ 2: ເລີ່ມແຕ່ວັນ 18/8/2824 – 6/10/2824 ( ມີພິທີມອບຂັນ ແລະ ຫຼຽນລາງວັນໃຫ້ນັກກິລາສໍາລັບຮອບທີ 2) ການໄລ່ຄະແນນແມ່ຄິດໄລ່ຄະແນນ ດັ່ງນີ້: ຊະນະ 3 ຄະແນນ, ສະເໝີ 1 ຄະແນນ, ເສຍ 0 ຄະແນນ. ທີມທີ່ໄດ້ຄະແນນສູງສຸດຈະໄດ້ເປັນອັນດັບທີ 1 ຂອງການແຂ່ງຂັນ ແລະ ຮອງລົງມາຕາມລໍາດັບທີ 2 ແລະ ທີ 3 ຈົນຮອດອັນດັບທີ່ສຸດທ້າຍ.

          ຈຸດປະສົງຂອງການຈັດການແຂ່ງຂັນລາຍການນີ້ຂຶ້ນມາກໍເພື່ອ ເປັນການພັດທະນາກິລາບານເຕະໃນຮຸ່ນເຍົາວະຊົນໃຫ້ມີການເຄື່ອນໄຫວຢ່າງເປັນປົກກະຕິ, ພ້ອມທັງເປັນການສົ່ງເສີມໃຫ້ກັບເຍົາວະຊົນ ໄດ້ກ້າສະແດງອອກ ໄດ້ມີເວທີການແຂ່ງຂັນກິລາບານເຕະ ວັດລະດັບຄວາມສາມາດ, ເພື່ອກ້າວເປັນຮຸ່ນສືບທອດຂອງແຕ່ລະທີມ ແລະ ກ້າວສູ່ລະດັບຊາດໃນຕໍ່ຫນ້າ, ສະຫະພັນບານເຕະແຫ່ງຊາດລາວ ມີເປົ້າໝາຍໃນການສົ່ງເສີມໃຫ້ ເຍົາວະຊົນ ຫຼີ້ນກີລາບານເຕະ ເພື່ອໃຫ້ເຂົາເຈົ້າຫ່າງໄກຈາກຢາເສບຕິດ ແລະ ສິ່ງອະບາຍຍະມຸກອື່ນໆ.

         ສຳລັບສະຫນາມທີ່ໃຊ້ການແຂ່ງຂັນແມ່ນ ສະຫນາມສູນຝຶກຫຼັກ 16 , ສ່ວນຕາຕະລາງການແຂ່ງຂັນແມ່ນຈະແຈ້ງໃຫ້ຮັບຊາບຕາມພາຍຫຼັງ.

ສະຫະພັນບານເຕະແຫ່ງຊາດລາວ ຈະໄດ້ຈັດການຝຶກອົບຮົມຄູຝຶກບານເຕະລະດັບ LFF/AFC ' B ' DIPLOMA COACHING COURSE ເຊິ່ງຈະໄດ້ຈັດຂື້ນຢູ່ທີ່ ຫ້ອງການ ສະຫະພັນບານເຕະແຫ່ງຊາດລາວ(ບ້ານ ຫ້ວຍຫົງ)ນະຄອນຫຼວງວຽງຈັນ, ສປປ ລາວ,ດັ່ງລາຍລະອຽດ ແລະ ເງື່ອນໄຂດັ່ງລຸ່ມນີ້:

+ ກຳນົດການ:

ການຝຶກອົບຮົມແມ່ນຈະຈັດຂຶ້ນ 2 ໄລຍະຄື:

ໃນໄລຍະທີ 1 ຈັດຂຶ້ນ ລະຫວ່າງວັນທີ 15-26 ກໍລະກົດ 2024

ໄລຍະທີ 2 ໃນລະຫວ່າງ ວັນທີ 2-6 ກັນຍາ 2024

(ປິດຮັບສະໝັກ ວັນທີ 5 ກໍລະກົດ 2024 , ຍ້ອນວ່າ ຕ້ອງສົ່ງລົງທະບຽນ ແລະ ຕາມກົດລະບຽບ ຂອງ ສະຫະພັນບານເຕະອາຊີ AFC).

+ ເງື່ອນໄຂຜູ້ເຂົ້າຮ່ວມຝຶກອົບຮົມ:

1. ບັນດາສະຫະພັນບານເຕະແຂວງ/ສະໂມສອນບານເຕະ/ມະຫາວິທະຍາໄລ/ວິທະຍາໄລ/ໂຮງຮຽນ ຫຼື ອົງການຈັດຕັ້ງຕ່າງໆສາມາດເຂົ້າຮ່ວມໄດ້

2. ຕ້ອງມີໃບປະກາດ AFC “ C” Certificate Coaching Course ມາກ່ອນ ຢ່າງໜ້ອຍ 1 ປີຂື້ນໄປ.

3. ປະກອບເອກະສານເຂົ້າຝຶກອົບຮົມຕາມແບບຟອມທີ່ ສຕລ, ສົ່ງໃຫ້ບໍ່ໃຫ້ກາຍ ວັນທີ 5 ກໍລະກົດ 2024.

4. ການຍື່ນໃບສະໝັກຕ້ອງມີ: ຟອມສະໝັກຂອງ ສຕລ, ກ໋ອບປີ້ສີ ໃບປະ

ກາດສະນີຍະບັດ ‘ຊີ’ ຄັດຕິດມາພ້ອມ.

5. ຜູ້ມີສິດເຂົ້າຝຶກອົບຮົມຕ້ອງຜ່ານການພິລະນາ, ຮັບຮອງຈາກ ສະຫະພັນບານເຕະ ອາຊີ ແລະ ສຕລ ກ່ອນ.

6. ຕ້ອງຮັບປະກັນຄວາມພ້ອມຂອງຮ່າງກາຍຕະຫຼອດການຝຶກອົບຮົມ.

7. ຕ້ອງປະຕິບັດຕາມກົດລະບຽບການຝຶກອົບຮົມຂອງ ສະຫະພັນບານເຕະ ອາຊີ ວາງອອກຢ່າງເຂັ້ມງວດ.

8. ຟັງ,ຂຽນ,ອ່ານ ພາສາອັງກິດໄດ້ຍິ່ງເປັນການດີ.

+ ຄວາມຮັບຜິດຊອບຂອງ ສຕລ:

1. ສະຖານທີ່ການຝຶກອົບຮົມ (ຫ້ອງຮຽນ ແລະ ສະໜາມຝຶກແອບ).

2. ເຄື່ອງນຸ່ງສຳລັບການຝຶກອົບຮົມຈຳນວນ 2 ຊຸດ.

3. ອາຫານຫວ່າງ, ນ້ຳດື່ມ ແລະ ນໍ້າກ້ອນ ຮັບໃຊ້ໃນການຝຶກອົບຮົມ.

+ ຄວາມຮັບຜິດຊອບຂອງ ຜູ້ເຂົ້າຮ່ວມຝຶກອົບຮົມ:

1. ການເດີນທາງໄປ-ກັບ ສຳລັບຜູ້ເຂົ້າຮ່ວມການຝຶກອົບຮົມ.

2. ເສຍຄ່າສະໝັກເປັນຈຳນວນເງີນ 1,500,000 ກີບ (ສຳລັບຄົນລາວ) ແລະ 1000 $ ( ສຳລັບຄົນຕ່າງປະເທດ ) ພາຍຫຼັງໄດ້ຖືກຄັດເລືອກໃຫ້ເຂົ້າຮ່ວມ.

3. ເກີບສຳລັບເຕະບານ,ເກີບຜ້າໃບ ແລະ ອຸປະກອນຮັບໃຊ້ສ່ວນຕົວ ເວລາເຂົ້າຮ່ວມການຝຶກອົບຮົມ.

ໝາຍເຫດ:

+ ກະລຸນາສົ່ງລາຍຊື່ ແລະ ແບບຟອມສະໝັກເຂົ້າຮ່ວມການຝຶກອົບຮົມໃຫ້ ສະຫະພັນບານເຕະແຫ່ງຊາດລາວ ກ່ອນວັນປິດຮັບສະໝັກ, ເພື່ອລົງທະບຽນ ກັບ ສະຫະພັນບານເຕະ ອາຊີ (AFC).

+ ຜູ້ສະໝັກທີ່ສົ່ງແບບຟອມເຂົ້າຮ່ວມຫຼັງຈາກວັນປິດຮັບແລ້ວແມ່ນຈະບໍ່ມີການພິຈາລະນາຢ່າງເດັດຂາດ.

+ ສົ່ງກ່ອນມີສິດກ່ອນ.

ລິ້ງດາວໂຫລດແບບຟອມ : https://drive.google.com/.../1DzT6i5mqnz7uxTZOavnGabhNl9a...

ຕິດຕໍ່ສອບຖາມຂໍ້ມູນໄດ້ທີ່ ເບີໂທ:

ນາງ ບຸນມີ ເບີໂທ 02051109530, WhatsApp: 020 98578918

E mail: [email protected]

#LaoFootballFederation

#coachingCourse

#LFFTechnical

       ການແຂ່ງຂັນລາຍການນີ້ ມີ 10 ທີມເຂົ້າຮ່ວມການແຂ່ງຂັນ ປະກອບມີ: ຊ້າງນ້ອຍ ເອັຟຊີ ແຊ້ມເກົ່າ, ນໍ້າທາ ຢູໄນເຕັດ ຮອງແຊ້ມເກົ່າ, ກອງທັບ ເອັຟຊີ, ຈຳປາສັກ ເອັຟຊີ, ເອສະຣາ ເອັຟຊີ, ມາສເຕີ້ ເຊເວັ້ນ ເອັຟຊີ, ວຽງຈັນ ເອັຟຊີ, ຫຼວງພະບາງ ເອັຟຊີ, 2 ທີມນ້ອງໃໝ່ ທີບີ ບໍ່ແກ້ວ ແລະ ມາສະດາ ຈີບີ ເອັຟຊີ.

     ຮູບແບບການແຂ່ງຂັນແມ່ນແຂ່ງຂັນແບບພົບກັນຫມົດ 1 ຮອບ ເອົາອັນດັບ 1-4 ເຂົ້າຮອບຮອງຊະນະເລີດ ແລ້ວຈົກສະຫລາກຈັບຄູ່ເຕະເສຍຄັດອອກ, ທີມຊະນະເຂົ້າໄປຮອບຊີງຊະນະເລີດ ສ່ວນທີມທີ່ເສຍແມ່ນຊີງອັນດັບ 3, ທຸກໆນັດແມ່ນແຂ່ງຂັນຢູ່ທີ່ສູນຝຶກ ສະຫະພັນບານເຕະແຫ່ງຊາດລາວ ບ້ານຫ້ວຍຫົງ ເມືອງຈັນທະບູລີ ນະຄອນຫຼວງວຽງຈັນ.

     ນັດທີ 2 ວັນທີ 4 ມິຖຸນາຜ່ານມາ, ນໍ້າທາ ເອົາຊະນະ ວຽງຈັນ 3-1, ເອສຣາ ເອົາຊະນະ ຫຼວງພະບາງ 3-2, ຊ້າງນ້ອຍ ເອົາຊະນະ ມາສະດາ ຈີບີ 4-1, ມາສເຕີ້ ເຊເວັ້ນ ເອົາຊະນະ ກອງທັບ 7-0, ຈຳປາສັກ ເອົາຊະນະ ທີບີ ບໍ່ແກ້ວ 8-1.

     ຜ່ານໄປ 2 ນັດ: ເອສຣາ ແລະ ນໍ້າທາ ມີ 6 ຄະແນນເທົ່າກັນ, ຈຳປາສັກ, ມາສເຕີ້ ແລະ ຊ້າງນ້ອຍ ມີ 4 ຄະແນນເທົ່າກັນ, ຫຼວງພະບາງ, ທີບີ ບໍ່ແກ້ວ ແລະ ກອງທັບ ມີ 1 ຄະແນນເທົ່າກັນ, ສ່ວນ ມາສະດາ ຈີບີ ແລະ ວຽງຈັນ ຍັງບໍ່ມີຄະແນນ.

     ນັດທີ 3 ຈະແຂ່ງຂັນໃນວັນທີ 7 ມິຖຸນາ 2024: ເວລາ 9:00 ໂມງ ມາສເຕີ້ ພົບກັບ ວຽງຈັນ; ເວລາ 16:00 ຫຼວງພະບາງ ພົບກັບ ນໍ້າທາ ແລະ ກອງທັບ ພົບກັບ ຊ້າງນ້ອຍ; ເວລາ 19:00 ໂມງ ມາສະດາ ຈີບີ ພົບກັບ ຈຳປາສັກ ແລະ ເອສຣາ ພົບກັບ ທີບີ ບໍ່ແກ້ວ

     ທີມແຊ້ມ ຈະໄດ້ຮັບຂັນແຊ້ມ ຫຼຽນລາງວັນ ພ້ອມເງິນລາງ 30 ລ້ານກີບ, ພ້ອມຫລຽນລາງວັນ ແລະ ຂັນຊະນະເລີດ, ຮອງແຊ້ມ ຈະໄດ້ຮັບຫຼຽນ ພ້ອມເງິນລາງວັນ 15 ລ້ານກີບ ແລະ ອັນດັບ 3 ຈະໄດ້ຮັບຫຼຽນ ພ້ອມເງິນລາງວັນ 10 ລ້ານກີບ, ນອກຈາກນັ້ນຍັງມີລາງປະເພດບຸກຄົນ ປະກອບມີ: ລາງວັນນັກເຕະດີເດັ່ນ, ລາງວັນນັກກິລາຍິງປະຕູສູງສຸດ, ລາງວັນຜູ້ຮັກສາປະຕູດີເດັ່ນ ແລະ ລາງວັນຄູຝຶກດີເດັ່ນ.

     ການແຂ່ງຂັນ ຮອບທີ 1: ວັນທີ 01 - 14 ມິຖຸນານີ້, ສ່ວນຮອບທີ 2 ວັນທີ 09-27 ກໍລະກົດ 2024.

            ການແຂ່ງຂັນບານເຕະ ລາວ ຟຸດຊໍ ລີກ 2024 LAO FUTSAL LEAGUE 2024ທີ່ສະຫນາມຟຸດຊໍ ສະຫະພັນບານເຕະແຫ່ງຊາດລາວເມື່ອວັນທີ 02 ມິຖຸນາ 2024 ແມ່ນຮອບຊິງຊະນະເລີດລະຫວ່າງເບສະຫວັນ ແຊ້ມເກົ່າພົບກັບ ເອັສທີທີ,ໂດຍມີກອງເຊຍເຂົ້າຮ່ວມຊົມ-ເຊຍ ຢ່າງຄັບຄາໜາແໜ້ນແລະບັນຍາກາດດຳເນີນໄປດວ້ຍໄມຕີຈິດມິດຕະພາບທີ່ເບີກບານມວ່ນຊື່ນ.

ຜ່ານການແຂ່ງຂັນຜົນປະກົດວ່າ ເບສະຫວັນ ເອົາຊະນະ ເອັສທີທີໄປຢ່າງຂາດລອຍ 10-3, ເບ​ສະ​ຫວັນ ໄດ້​ປະ​ຕູ​ຈາກ: ເບີ 18 ວົງ​ພະ​ຈັນ ພຸດ​ທະ​ວົງ ນາ​ທີ 8, 38 ( OG ), ເບີ 7 ຄຳ​ຜາ ພິ​ພັກ​ຂະ​ວົງ ນາ​ທີ 11, 20, 34, 35, ເບີ 27 ຂຸນ​ວັງ ສູນ​ດາ​ລາ ນາ​ທີ 19, ເບີ 9 ສຸ​ລິ​ຈັນ ພະ​ສະ​ແຫວງ ນາ​ທີ 30, ເບີ 8 ນິດ​ນີ​ລັນ ຈັນ​ຈະ​ເລີນ ນາ​ທີ 39, ເບີ 32 ວັນ​ນາ ບຸນ​ຫລໍ່​ວົງ​ສາ ນາ​ທີ 37 ສ່ວນ ເອັ​ສ​ທີ​ທີ ໄດ້​ປະ​ຕູ​ຈາກ: ເບີ 1 ແບ້ງ ຊະ​ນະ​ສິດ ( OG ), ເບີ 88 ມະ​ໂນ​ລົມ ເພັດ​ພັກ​ດີ ນາ​ທີ 26, ເບີ 44 ນະ​ລິນ ຫຼວງ​ສີ​ສົມ​ບັດ ນາ​ທີ 29, ຈາກໄຊຊະນະດັ່ງກ່າວເຮັດໃຫ້ ເບສະຫວັນ ຄວ້າແຊ້ມລາຍການດັ່ງກ່າວເປັນສະໄໝທີ່2ຕິດຕໍ່ກັນ,ເຊິ່ງກ່ອນຫນ້ານັ້ນແມ່ນໄດ້ແຊ້ມໃນປີ 2023.

             ການແຂ່ງຂັນ ລາວ ຟຸດຊໍ ລີກ 2024 LAO FUTSAL LEAGUE 2024 ແມ່ນໄດ້ເລີ່ມແຂ່ງຂັນມາແຕ່ ວັນທີ 02 ມີນາ 2024 ຫາ 02 ມິຖຸນາ 2024 ມີ12 ທີມເຂົ້າຮ່ວມການແຂ່ງຂັນ ປະກອບມີ: ເບ ສະຫວັນ, ລະຊະຕະ , ມາສດາ ຈີບີ, ເຫນືອ - ໃຕ້, ຊີທີເອ ພາວເວີ້ , ນະຄອນຫຼວງ, ວີເຊີນ, ອາສາ ພາວເວີ້, ເຄເອັມທີ, ເອັສທີທີ, ຈັນສີ ແລະ ຊີໄອທີ. ສຳລັບຮູບແບບການແຂ່ງຂັນແມ່ນແຂ່ງຂັນແບບລີກພົບກັນຫມົດ 1 ຮອບ ສະສົມຄະແນນ,ແລ້ວຄັດເລືອກເອົາສະໂມສອນ ອັນດັບ 1 ແລະ 2 ເຂົ້າຮອບ 4 ທີມໂດຍອັດຕະໂນມັດ. ສ່ວນອັນດັບ 3-6 ແມ່ນປະຄົບຄູ່ແຂ່ງຂັນ ຮອບ Play-off ນັດດຽວ.ສວ່ນສະໂມສອນ ທີ່ຊະນະຈະໄດ້ຜ່ານເຂົ້າສູ່ຮອບ 4 ທີມ ໂດຍພົບກັບທີມອັນດັບ 1 ແລະ ອັນດັບ 2 ທີ່ເປັນທີມຢືນ, ຮອບ 4 ທີມ ແລະ ຮອບຊີງຊະນະເລີດ ຕາມລຳດັບ .

              ຜົນການແຂ່ງຂັນສາມາດສະຫລຸບອັນດັບໄດ້ດັ່ງລຸ່ມນີ້໊:

ອັນດັບ 1 ຊະນະເລີດ ເບສະຫວັນ ໄດ້ຮັບຂັນແຊັມ 1 ໜ່ວຍ ພ້ອມຫຼຽນຊະນະເລີດ ເເລະ ເງິນລາງວັນ ຈຳນວນ 50.000.000ກີບ

ອັນດັບ 2 ຮອງຊະນະເລີດ ເອັສທີທີ ໄດ້ຮັບເງິນລາງວັນ ຈຳນວນ 25.000.000 ກີບ

ອັນດັບ 3 ຊີໄອທີ ໄດ້ຮັບເງິນລາງວັນ 10.000.000 ກີບ

ອັນດັບ 4 ນະຄອນຫຼວງ

ອັນດັບ 5 ເຫນືອ - ໃຕ້

ອັນດັບ 6 ວີເຊີນ

ອັນດັບ 7 ເຄເອັມທີ

ອັນດັບ 8 ລະຊະຕະ

ອັນດັບ 9 ອາສາ ພາວເວີ້

ອັນດັບ 10 ຈັນສີ

ອັນດັບ 11 ມາສດາ ຈີບີ

ອັນດັບ 12 ຊີທີເອ ພາວເວີ້້

                ນອກຈາກນັ້ນ,ຍັງມີລາງວັນຜູ້ຍິງປະຕູສູງສຸດເປັນຂອງ ຈັນສະຫມອນ ພົມມະລີວົງ ຈາກ ເອັສທີທີ ຍິງໄດ້ 25ປະຕູ ໄດ້ຮັບຂັນລາງວັນ, ຜູ້ຮັກສາປະຕູດີເດັ່ນ ບຸນເພັງຂາວພູມີ ຈາກ ເບສະຫວັນ ລົງສະຫນາມ 12 ນັດ ໄດ້ຮັບຂັນລາງວັນ, ນັກກິລາດີເດັ່ນ ຄໍາຜາ ພິພັກຂະວົງ ຈາກ ເບ​ສະ​ຫວັນ​ ໄດ້ຮັບຂັນລາງວັນ ແລະ ຄູຝຶກດີເດັ່ນ ສົມພອນ ສໍາເພົານົນ ຈາກ ເບສະຫວັນ ໄດ້ຮັບຂັນລາງວັນ.

               ໃຫ້ກຽດເຂົ້າຮ່ວມພິີທີມອບລາງວັນມີທ່ານ ຄຳໄພ່ ປຣະເສີດ ຮອງປະທານ ສະຫະພັນບານເຕະແຫ່ງຊາດລາວ ທັງເປັນຫົວຫນ້າອະນຸກຳມະການຈັດການແຂ່ງຂັນ, ທ່ານ ປອ ບຸນຍູ້ ສີສານ ຄະນະບໍລິຫານງານ ສະຫະພັນບານເຕະແຫ່ງຊາດລາວດ, ທ່ານ ພັທ ຖາວອນ ຫຼວງຈັນດາວົງ ຄະນະບໍລິຫານງານ ສະຫະພັນບານເຕະແຫ່ງຊາດລາວ, ທ່ານ ຈັນທະວົງ ສິລິມະໂນທຳ ຮັກສາການເລຂາທິການ ສະຫະພັນບານເຕະແຫ່ງຊາດລາວ, ທ່ານ ສັນຕິກອນ ແສງດາລາ ຫົວຫນ້າພະແນກຈັດການແຂ່ງຂັນ ສຕລ, ທ່ານ ທ່ອນແກ້ວ ສີຫາວົງ ຜູ້ອຳນວຍການ ບໍລິສັດ ທີພລັດ ດິຈິຕອລ ຈຳກັດຜູ້ດຽວ, ທ່ານ ນ. ທີດາລັກ ບົວບຸນມີ ປະທານ Cava - ຊາວ໌ະ , ແຟນບານຟຸດຊໍ ແລະ ສື່ມວນຊົນ ເຂົ້າຮ່ວມ.

         ໃນຕອນເຊົ້າວັນທີ 1 ມີຖຸນາ 2024 ຢູ່ທີ່ ສູນຝຶກບານເຕະຫຼັກ 16 ສະຫະພັນບານເຕະແຫ່ງຊາດລາວ(ສຕລ) ໄດ້ກິດຈະກຳວັນກິລາບານເຕະ ສຕລ (LFF Football Day 2024) ພ້ອມດ້ວຍປູກຕົ້ນໄມ້ ເນື່ອງໃນໂອກາດວັນປູກຕົ້ນໄມ້ແຫ່ງຊາດ ແລະ ວັນເດັກນ້ອຍສາກົນ ໂດຍການເຂົ້າຮ່ວມຂອງທ່ານ ວີເພັດ ສີຫາຈັກຣ ປະທານ ສະຫະພັນບານເຕະແຫ່ງຊາດລາວ ພ້ອມດ້ວຍຄະນະບໍລິຫານງານ ສະຫະພັນບານເຕະແຫ່ງຊາດລາວ, ມີບັນດາພະນັກງານ ສຕລ ພ້ອມດ້ວຍພໍ່ແມ່ຜູ້ປົກຄອງ ແລະ ນັກກິລາເຍົາວະຊົນເຂົ້າຮ່ວມ.

          ສຳລັບການຈັດກິດຈະກຳວັນກິລາບານເຕະ ສຕລ(LFF Football Day 2024) ກໍເພື່ອຝຶກສອນທັກສະໃຫ້ກັບບັນດາເຍົາວະຊົນໄດ້ຮຽນຮູ້ທັກສະການເຕະບານ ໂດຍມີເຍົາວະຊົນເຂົ້າຮ່ວມທັງຫມົດ 100 ກວ່າຄົນ.

           ສຕລ ມີເປົ້າໝາຍໃນການສົ່ງເສີມໃຫ້ອະນຸຊົນເຍົາວະຊົນ ຫຼີ້ນກີລາບານເຕະ ເພື່ອໃຫ້ເຂົາເຈົ້າຫ່າງໄກຈາກຢາເສບຕິດ ແລະ ສິ່ງອະບາຍຍະມຸກອື່ນໆ. ງານນີ້ໄດ້ຈັດໃຫ້ມີການສະເຫຼີມສະຫຼອງໃນທຸກໆປີ. ການພັດທະນານັກກີລາບານເຕະລຸ້ນເຍົາວະຊົນ ເປັນໜຶ່ງໃນບຸລີມະສິດຂອງ ສຕລ ຈຶ່ງເຮັດໃຫ້ມີການສ້າງຕັ້ງສູນພັດທະນາກີລາບານເຕະ ຈໍາປີ-ຈໍາປາ ຂື້ນມາໄດ້ 3 ປີແລ້ວ. ຫລັງຈາກກໍໄດ້ມີການປູກຕົ້ນໄມ້ ຢູ່ໃນຂອບເຂດບໍລິເວນສູນຝຶກບານເຕະຫຼັກ 16.

           ຮ້ານຂາຍເຄື່ອງກິລາ ໄລຟ ຟຸດບອນ Life Football ໄດ້ໃຫ້ການສະໜັບສະໜູນ ເຄື່ອງກິລາໃຫ້ກັບ ຄະນະຈັດການແຂ່ງຂັນ ແລະ ກຳມະການ 3 ລາຍການແຂ່ງຂັນຄື: ການແຂ່ງຂັນບານເຕະເຍົາວະຊົນ ຮຸ່ນອາຍຸບໍ່ເກີນ 16 ປີ, ການແຂ່ງຂັນບານເຕະເຍົາວະຊົນ ຮຸ່ນອາຍຸບໍ່ເກີນ 19 ປີ ແລະ ການແຂ່ງຂັນບານເຕະ ລາວລີກ ຍີງ.

           ພິທີດັ່ງກ່າວໄດ້ຈັດຂຶ້ນໃນວັນທີ 31 ພຶດສະພາ 2024 ຢູ່ທີ່ ສະຫະພັນບານເຕະແຫ່ງຊາດລາວ ໄດ້ມີພີທີເຊັນສັນຍາການສະໜັບສະໜູນເຄື່ອງກິລາໃຫ້ກັບ ຄະນະຈັດການແຂ່ງຂັນ ແລະ ກຳມະການ

           ພິທີລົງນາມເຊັນສັນຍາໃນຄັ້ງນີ້ຕາງຫນ້າ ສະຫະພັນບານເຕະແຫ່ງຊາດລາວ ແມ່ນ ທ່ານ ຈັນທະວົງ ສິລິມະໂນທຳ ຮັກສາການເລຂາທິການ ສະຫະພັນບານເຕະແຫ່ງຊາດລາວ ແລະ ຮ້ານຂາຍເຄື່ອງກິລາ ໄລຟ ຟຸດບອນ ແມ່ນ ທ່ານ ທິດຕາວັນ ວັນນະຈັກ ຜູ້ອຳນວຍການ.

           ສຳລັບ ຮ້ານຂາຍເຄື່ອງກິລາ ໄລຟ ຟຸດບອນ ເປັນເຄື່ອງກິລາພິມລາຍ ທີ່ຫາກໍສ້າງຂຶ້ນບໍ່ດົນແຕ່ຄອງໃຈຜູ້ຊົມໃຊ້ຫລາຍສົມຄວນໃນສັງຄົມລາວ, ຜ່ານມາເຄີຍໃຫ້ການສະໜັບສະໜູນ ສະໂມສອນ ລາວລີກ 1 , ລາວລີກ 2 ແລະ ອີກຫລາຍສະໂມສອນ.

ກອງປະຊຸມເຕັກນິກ ການແຂ່ງຂັນກິລາບານເຕະເຍົາວະຊົນ U16 ໄດ້ມີຂຶ້ນຕອນເຊົ້າ ວັນສຸກ 31 ພຶດສະພາ 2024 ຢູ່ຫ້ອງປະຊຸມ ສະຫະພັນບານເຕະແຫ່ງຊາດລາວ ພາຍໃຕ້ການເປັນປະທານກອງປະຊຸມໂດຍແມ່ນ ທ່ານ ສັນຕີກອນ ແສງດາລາ ຫົວຫນ້າພະແນກຈັດການແຂ່ງຂັນ ພ້ອມດ້ວຍວິຊາການທີ່ກ່ຽວຂ້ອງ ແລະ ຕາງຫນ້າບັນດາສະໂມສອນ ເຂົ້າຮ່ວມການແຂ່ງຂັນ.

ການແຂ່ງຂັນບານເຕະເຍົາວະຊົນ ຮຸ່ນອາຍຸບໍ່ເກີນ 16 ປີ ຊີງຂັນ ສະຫະພັນບານເຕະແຫ່ງຊາດລາວ ປະຈຳປີ 2024 LFF U-16 CHAMPIONSHIP 2024 ມີ 10 ທີມເຂົ້າຮ່ວມການແຂ່ງຂັນ ປະກອບມີ:

1. ຊ້າງນ້ອຍ

2. ກອງທັບ

3. ຈຳປາສັກ

4. ເອສະຣາ

5. ມາສເຕີ້ ເຊເວັ້ນ

6. ນ້ຳທາ

7. ວຽງຈັນ

8. ຫຼວງພະບາງ

9. ທີບີ ບໍ່ແກ້ວ

10. ມາສະດາ ຈີບີ

  ຮູບແບບການແຂ່ງຂັນແມ່ນແຂ່ງຂັນແບບພົບກັນຫມົດ 1 ຮອບ ເພື່ອສະສົມຄະແນນ, ເອົາອັນດັບ 1-4 ເຂົ້າຮອບຮອງຊະນະເລີດ ( SEMI FINAL ) ແລ້ວຈັບສະຫລາກປະກົບຄູ່ເຕະເສຍຄັດອອກ ( Knock - Out ), ທີມຊະນະເຂົ້າໄປຮອບຊີງຊະນະເລີດ ສ່ວນທີມທີ່ເສຍແມ່ນຊີງອັນດັບ 3, ທຸກໆນັດແມ່ນແຂ່ງຂັນຢູ່ທີ່ສູນຝຶກ ສະຫະພັນບານເຕະແຫ່ງຊາດລາວ.

  ສຳລັບເງິນລາງວັນອັນດັບ 1 ໄດ້ຮັບເງິນ 30 ລ້ານກີບ ພ້ອມຫລຽນລາງວັນ ແລະ ຂັນຊະນະເລີດ, ອັນດັບ 2 ໄດ້ຮັບເງິນ 15 ລ້ານກີບ ພ້ອມຫລຽນ ແລະ ອັນດັບ 3 ໄດ້ຮັບເງິນ 10 ລ້ານກີບ ພ້ອມຫລຽນ ນອກຈາກນັ້ນຍັງມີລາງປະເພດບຸກຄົນ ມີ ລາງວັນນັກກິລາຍິງປະຕູສູງສຸດ ໄດ້ຮັບຂັນ 1 ຫນ່ວຍ, ຜູ້ຮັກສາປະຕູດີເດັ່ນ ໄດ້ຮັບຂັນລາງວັນ 1 ຫນ່ວຍ, ຄູຝຶກດີເດັ່ນ ໄດ້ຮັບຂັນລາງວັນ 1 ຫນ່ວຍ ແລະ ນັກກິລາດີເດັ່ນປະຈຳການແຂ່ງຂັນ ໄດ້ຮັບຂັນລາງວັນ 1 ຫນ່ວຍ.

  ການແຂ່ງຂັນແມ່ນຈະເລີ້ມແຂ່ງຂັນ ຮອບທີ 1: ວັນທີ 01 - 14 ມິຖຸນາ 2024 . ຮອບທີ 2 ວັນທີ 09-27 ກໍລະກົດ 2024.

 ຕາຕະລາງ ການແຂ່ງຂັນບານເຕະເຍົາວະຊົນ ຮຸ່ນອາຍຸບໍ່ເກີນ 16 ປີ ຊີງຂັນ ສະຫະພັນບານເຕະແຫ່ງຊາດລາວ ປະຈຳປີ 2024 LFF U-16 CHAMPIONSHIP 2024 ນັດທີ 1

- ວັນເສົາ 01 ມິຖຸນາ 2024

 ເວລາ 09:30 ມາສດາ ຈີບີ ພົບ ນ້ຳທາ

 ແຂ່ງຂັນຢູ່ທີ່ ສູນຝຶກຫ້ວຍຫົງ ສຕລ ສະຫນາມ 1

 ເວລາ 16:00 ຊ້າງນ້ອຍ ພົບ ທີບີ ບໍ່ແກ້ວ

 ແຂ່ງຂັນຢູ່ທີ່ ສູນຝຶກຫ້ວຍຫົງ ສຕລ ສະຫນາມ 1

 ເວລາ 16:00 ຈຳປາສັກ ພົບ ກອງທັບ

 ແຂ່ງຂັນຢູ່ທີ່ ສູນຝຶກຫ້ວຍຫົງ ສຕລ ສະຫນາມ 2

 ເວລາ 19:00 ເອສະຣາ ພົບ ວຽງຈັນ

 ແຂ່ງຂັນຢູ່ທີ່ ສູນຝຶກຫ້ວຍຫົງ ສຕລ ສະຫນາມ 1

 ເວລາ 19:00 ມາສເຕີ້ ເຊເວັ້ນ ພົບ ຫຼວງພະບາງ

 ແຂ່ງຂັນຢູ່ທີ່ ສູນຝຶກຫ້ວຍຫົງ ສຕລ ສະຫນາມ 2

 ສາມາດໄປຊົມ ແລະ ເຊຍ ຕິດຂອບສະຫນາມທີມທີ່ຕົນເອງມັກໄດ້, ເຂົ້າຊົມຟຣີ ແລະ ສາມາດຕິດຕາມຮັບຊົມ ການຖ່າຍທອດສົດໄດ້ຜ່ານທາງເພສ ເຟສບຸກ LFF U-16 CHAMPIONSHIP, YOUTUBE LAOFF TV ສະຫະພັນບານເຕະແຫ່ງຊາດລາວ ແລະ ເວບໄຊ ສະຫະພັນບານເຕະແຫ່ງຊາດລາວ www.laoff.org.la

#LFFU16CHAMPIONSHIP2024

#PepsiLaos

#LaoTelecom

#Tigerhead

#Sting

#Revive

#LifeFootball

#YOUNGELEPHANTSFC

#ARMYFC

#CHAMPASAKFC

#EZRAFC

#MASTER7FC

#NAMTHAUNITED

#VIENGCHANHFC

#LUANGPRABANGFC

#TBBOKEOFC

#MAZDAGBFC

📌⚽️ ຕາ​ຕະ​ລາງ ການ​ແຂ່ງ​ຂັນ​ບານ​ເຕະ​ເຍົາ​ວະ​ຊົນ ຮຸ່ນ​ອາ​ຍຸ​ບໍ່​ເກີນ 16 ປີ ຊີງ​ຂັນ ສະ​ຫະ​ພັນ​ບານ​ເຕະ​ແຫ່ງ​ຊາດ​ລາວ ປະ​ຈຳ​ປີ 2024 LFF U-16 CHAMPIONSHIP 2024 ນັດ​ທີ 1

- 🗓 ວັນ​ເສົາ 01 ມິ​ຖຸ​ນາ 2024

⏱ ເວລາ 09:30 ​ມາ​ສ​ດາ ຈີ​ບີ ພົບ ​ນ້ຳ​ທາ

🏟 ແຂ່ງຂັນຢູ່ທີ່ ສູນຝຶກຫ້ວຍຫົງ ສຕລ ສະ​ຫນາມ 1

⏱ ເວ​ລາ 16:00 ​ຊ້າງ​ນ້ອຍ ພົບ ທີ​ບີ ບໍ່​ແກ້ວ

🏟 ແຂ່ງຂັນຢູ່ທີ່ ສູນຝຶກຫ້ວຍຫົງ ສຕລ ສະ​ຫນາມ 1

⏱ ເວ​ລາ 16:00 ​ຈຳ​ປາ​ສັກ ພົບ ກອງ​ທັບ

🏟 ແຂ່ງຂັນຢູ່ທີ່ ສູນຝຶກຫ້ວຍຫົງ ສຕລ ສະ​ຫນາມ 2

⏱ ເວ​ລາ 19:00 ​ເອ​ສະ​ຣາ ພົບ ​ວຽງ​ຈັນ

🏟 ແຂ່ງຂັນຢູ່ທີ່ ສູນຝຶກຫ້ວຍຫົງ ສຕລ ສະ​ຫນາມ 1

 ⏱ ເວ​ລາ 19:00 ​ມາ​ສ​ເຕີ້ ເຊ​ເວັ້ນ ພົບ ຫຼວງ​ພະ​ບາງ

🏟 ແຂ່ງຂັນຢູ່ທີ່ ສູນຝຶກຫ້ວຍຫົງ ສຕລ ສະ​ຫນາມ 2

📺 ສາມາດໄປຊົມ ແລະ ເຊຍ ຕິດຂອບສະຫນາມທີມທີ່ຕົນເອງມັກໄດ້, ເຂົ້າຊົມຟຣີ ແລະ ສາມາດຕິດຕາມຮັບ​ຊົມ ການຖ່າຍທອດສົດໄດ້ຜ່ານທາງເພສ ເຟສບຸກ LFF U-16 CHAMPIONSHIP, YOUTUBE LAOFF TV ສະຫະພັນບານເຕະແຫ່ງຊາດລາວ ແລະ ເວບ​ໄຊ ສະ​ຫະ​ພັນ​ບານ​ເຕະ​ແຫ່ງ​ຊາດ​ລາວ www.laoff.org.la

#LFFU16CHAMPIONSHIP2024

#PepsiLaos

#LaoTelecom

#Tigerhead

#Sting

#Revive

#LifeFootball