ວັນທີ 28 ມີນາ 2025 ສະຫະພັນບານເຕະອາຊີ ໄດ້ສົ່ງຫນັງສືທາງການເຖິງສະຫະພັນບານເຕະແຫ່ງຊາດລາວເພື່ອແຈ້ງໃຫ້ຮູ້ວ່າ:ສະຫະພັນບານເຕະແຫ່ງຊາດລາວ ໄດ້ຮັບລາງວັນຫລຽນເງິນໃນການຈັດກິດຈະກຳສົ່ງເສີມ ບານເຕະຂັ້ນພື້ນຖານຂອງສະຫະພັນບານເຕະອາຊີ AFC GRASSROOTS CHARTER - SILVER LEVEL MEMBERSHIP.

ໃນແຈ້ງການໄດ້ລະບຸໄວ້ວ່າ: ຂໍສະແດງຄວາມຊົມເຊີຍມາຍັງສະຫະພັນບານເຕະແຫ່ງຊາດລາວ,ທີ່ໄດ້ຮັບລາງວັນຫລຽນເງິນໃນຄັ້ງນີ້,ເຊິ່ງຕະຫຼອດໄລຍະຜ່ານມາ ສຕລແມ່ນໄດ້ເອົາໃຈໃສ່ໃນການພັດທະນາກິລາບານເຕະຂັ້ນພຶ້ນຖານໂດຍຜ່ານກິດຈະກຳປະເພດຕ່າງໆແລະຜ່ານບັນດາໂຄງການຕ່າງໆເຊັ່ນ:ການສ້າງສູນຝຶກຈຳປີ - ຈຳປາ, ການຈັດການແຂ່ງຂັນບານເຕະໃນຮຸ່ນເຍົາວະຊົນ, ການໄປຝຶກສອນກິລາບານເຕະໃຫ້ກັບເດັກນ້ອຍຢູ່ທ້ອງຖິ່ນ, ໂດຍນໍາໃຊ້ ຫຼັກການສິດສອນຂອງ ສຕລ ທີ່ຜ່ານການສຶກສາຄົ້ນຄວ້າມາຈາກການນໍາຊ່ຽວຊານ ແລະ ຜູ້ຝຶກສອນທີ່ໄດ້ຮັບການຝຶກອົບຮົມເປັນຢ່າງດີ,ເຮັດໃຫ້ທັງໝົດໂຄງການແມ່ນໄດ້ປະຕິບັດຮ່ວມກັບກະຊວງສຶກສາທິການ ແລະ ກິລາ, ພະແນກສຶກສາທິການ-ກິລາແຂວງ ແລະ ສະຫະພັນບານເຕະແຂວງເຊິ່ງເປັນຄູ່ຮ່ວມງານຂອງສະຫະພັນບານເຕະແຫ່ງຊາດລາວດວ້ຍຜົນສຳເລັດ.

  ສຳລັບໂຄງການບານເຕະຍິງກໍໄດ້ຮັບການເອົາໃຈໃສ່ເຊັ່ນດຽວກັນ,ເຊິ່ງໄດ້ມີການແຂ່ງຂັນບານເຕະໃນວັນສະເຫຼີມສະຫຼອງບານເຕະຍິງຂອງສະຫະພັນບານເຕະອາຊີ (AFC Women’s Football Day), ກິດຈະກຳບານເຕະຍິງ FIFA Women’s Football Campaign, ກິດຈະກໍາ ສະເຫຼີມສະຫຼອງວັນບານເຕະສຳລັບລຸ້ນເຍົາວະຊົນ AFC Grasroot Football Day ບັນດາກິດຈະກໍາເຫຼົ່ານີ້ໄດ້ຊ່ວຍຊຸກຍູ້ໃຫ້ເຍົາວະຊົນລາວໄດ້ເຂົ້າຮ່ວມເປັນຈໍານວນຫຼວງຫຼາຍ. ໃນໄລຍະຜ່ານມາ ສະຫະພັນບານເຕະແຫ່ງຊາດລາວ ແມ່ນເຄີຍໄດ້ຮັບລາງວັນດັ່ງກ່າວປະເພດຫລຽນທອງ ໃນປີ 2019 ເຊິ່ງປີນີ້ໄດ້ຮັບຫລຽນເງິນ,ຖືວ່າເປັນບາດກ້າວຫນຶ່ງໃນການພັດທະນາກິດຈະກໍາການສົ່ງເສີມ ບານເຕະຂັ້ນພື້ນຖານຂອງສປປລາວ.

 ສະຫະພັນບານເຕະແຫ່ງຊາດລາວເວລາໃດກໍມີຈຸດປະສົງແລະມີຄວາມພະຍາຍາມຊ່ວຍເຫຼືອ ເພື່ອສົ່ງເສີມກຸ່ມຄົນທີ່ດ້ອຍໂອກາດ, ສົ່ງເສີມການສ້າງຄູຝຶກ, ຊ່ວຍເຫຼືອດ້ານງົບປະມານ, ອຸປະກອນ ແລະ ສະຖານທີ່ ເພື່ອປະຕິບັດກິດຈະກຳບານເຕະໃຫ້ກັບເຍົາວະຊົນທັງຢູ່ສູນກາງ ແລະ ທ້ອງຖິ່ນຕະຫຼອດມາ.

ສະຫະພັນບານເຕະແຫ່ງຊາດລາວ(ສຕລ) ໄດ້ແຕ່ງຕັ້ງ ທ່ານ ຈອງ ຊອງ ຊົນ(Jong Song-chon)ອາຍຸ 53 ປີ ສັນຊາດ ສ.ເກົາຫລີ ຮັບຫນ້າທີ່ເປັນ ຫົວຫນ້າຄູຝຶກບານເຕະຍິງທີມຊາດລາວຄົນໃຫມ່.ສໍາລັບປະຫວັດ ຂອງ ທ່ານ ຈອງ ຊອງ ຊົນ ເກີດ ວັນທີ 30 ພຶດສະພາ 1971 ມີໃບປະກາດ AFC/KFA Pro License ອະດີດນັກກິລາ ທີມຊາດ ສ.ເກົາຫລີ ຮຸ່ນອາຍຸບໍ່ເກີນ 23 ປີຫຼື U23 ແລະມີຜົນງານການຄຸມທີມ ຄື:

- ປີ 2002 – 2005 ເປັນຜູ້ຊ່ວຍຄູຝຶກ ສະໂມສອນ Geoje U18

- ປີ 2005 – 2010 ເປັນຫົວຫນ້າຄູຝຶກ ສະໂມສອນ Geoje U18

- ປີ 2010 ເປັນຜູ້ຊ່ວຍ ຄູຝຶກ ທີມຊາດ ສ.ເກົາຫລີ ບານເຕະຍິງ U20

- ປີ 2010 – 2018 ເປັນຜູ້ຊ່ວຍຄູຝຶກ ທີມຊາດ ສ. ເກົາຫລີ ບານເຕະຍິງU20

- ປີ 2012 – 2018 ເປັນຫົວຫນ້າຄູຝຶກ ທີມຊາດ ສ.ເກົາຫລີ ຮຸ່ນU20

- ປີ 2018 – 2019 ເປັນຫົວຫນ້າຄູຝຶກ ສະໂມສອນ Sungkyunkwan University

- ປີ 2020 – 2021 ເປັນຫົວຫນ້າຄູຝຶກ ສະໂມສອນ Incheon Hyundai Steel Red Angels, WK League

- ປີ 2021 – 2022 ເປັນຫົວຫນ້າຄູຝຶກ ສະໂມສອນ Ha Noi Women’s Football Club ປະເທດຫວຽດນາມ ພາລະກິດຫຼັກໃນການມາຄຸມທິມຂອງ ທ່ານ ຈອງ ຊອງ ຊົນ ແມ່ນການກຽມທີມຊາດຍິງລາວ ຊຸດໃຫຍ່ ເຂົ້າຮ່ວມ ການແຂ່ງຂັນບານເຕະ ຍິງຊີງແຊ້ມອາຊີ ຮອບຄັດເລືອກ 2026 AFC Women’s Asian Cup 2026 Qualifiers ທີມບານເຕະຍິງທີມຊາດລາວ ຢູ່ ກຸ່ມ F ຮ່ວມກັບ ອຸດເບກິສຖານ ( ເຈົ້າພາບ ຮອບຄັດເລືອກ ), ເນປານ, ລາວ ແລະ ສີລັງກາ ໂດຍຈະແຂ່ງຂັນໃນລະຫວ່າງ ວັນທີ 23 ມິຖຸນາ ຫາ 5 ກໍລະກົດ 2025

  ຕາຕະລາງການແຂ່ງຂັນ ທີມຊາດລາວ

- ນັດທີ 1 ວັນທີ 29/6/2025ທີມຊາດເນປານ ພົບ ທີມຊາດລາວ

- ນັດທີ 2 ວັນທີ 02/07/2025 ທິມຊາດລາວ ພົບ ທີມຊາດອຸດເບກິສຖານ

- ນັດທີ 3 ວັນທີ 05/07/2025 ທີມຊາດລາວ ພົບ ທີມຊາດສີລັງກາ

      ສະຫະພັນບານເຕະແຫ່ງຊາດລາວ(ສຕລ) ສົມທົບ ກັບພະແນກສຶກສາທິການ ແລະ ກິລາແຂວງຫົວພັນ ໄດ້ຈັດພິທີເປີດກິດຈະກຳໂຄງການກິລາບານເຕະໃນໂຮງຮຽນ FIFA FOOTBALL FOR SCHOOLS ຂື້ນເມື່ອຕອນເຊົ້າວັນທີ 27 ມີນາ 2025 ທີ່ສະໜາມກິລາບານເຕະ ເມືອງຊໍາເໜືອ,ໂດຍເປັນກຽດເຂົ້າຮ່ວມຂອງ ທ່ານ ດຣ ໄຊຊະນະ ທອງຄຳຈັນ ຄະນະບໍລິຫານງານ ສຕລ, ທ່ານ ສົມເພັດ ອິນທະສອນ ຮອງຫົວໜ້າພະແນກສຶກສາທິການ ແລະ ກິລາ ແຂວງແລະທ່ານ Soundram Moorthy ຫົວໜ້າພະແນກເຕັກນິກວິທະຍາຂອງ ສຕລ, ທ່ານ ພູຄຳ ກອງສີຫາລາດ ຮອງຫົວໜ້າພະແນກພະລະສຶກສາ ກົມກິລາມວນຊົນພະລະ ແລະ ສີລະປະສຶກສາ ກະຊວງສຶກສາທິການ ແລະ ກິລາ.

    ຈຸດປະສົງເພື່ອຍົກລະດັບຄວາມຮູ້ຄວາມສາມາດແລະວິທີສິດສອນກິລາບານເຕະໃຫ້ກັບຄູພະລະສຶກສາທົ່ວແຂວງຫົວພັນ ໄດ້ນໍາເອົາຫຼັກສູດແບບໃໝ່ຂອງກິລາບານເຕະໄປນໍາໃຊ້ຝຶກແອບຢູ່ບັນດາໂຮງຮຽນໃນທົ່ວແຂວງ, ເພື່ອເປັນການພັດທະນານັກກິລາບານເຕະລຸ້ນສືບທອດກໍ່ຄືລຸ້ນເຍົາວະຊົນທັງປະເພດຍິງ-ຊາຍໃຫ້ກ້າວສູ່ຄຸນນະພາບສຸງຂື້ນ.ໃນນັ້ນ,ລວມມີການແນະນໍາການຝຶກແອບນັກກິລາໃຫ້ຮູ້ປັບປຸງຄວາມສາມາດຂອງການຫຼີ້ນກິລາບານເຕະ,ຮູ້ທັກສະ,ມີໄຫວພິກໃນການຫຼີ້ນບານທີ່ຄ່ອງແຄ້ວ,ມີນໍ້າໃຈນັກກິລາ, ເປັນສູນກາງເຂົ້າເຖິງນັກກິລາ, ເປັນຈຸດສຸມຂອງການພັດທະນານັກກິລາເຍົາວະຊົນ ຍິງ-ຊາຍ ເພື່ອອະນາຄົດ ແລະ ເປັນເວທີສອນນັກກິລາໃຫ້ຫຼີ້ນຫຼາຍກ່ວາເພື່ອເອົາຊະນະ. ການເປີດໂຄງການກິລາບານເຕະໃນໂຮງຮຽນFIFA FOOTBALL FOR SCHOOLS ທີ່ແຂວງຫົວພັນຖືວ່າເປັນແຂວງທີ 4 ຖັດຈາກ ເຊກອງ, ບໍ່ແກ້ວ ແລະ ນະຄອນຫຼວງວຽງຈັນ.

ການຈັດກິດຈະກໍາໃນຄັ້ງນີ້ມີວິທະຍາກອນຈາກ ສຕລ,ຫົວໜ້າຂະແໜງກິລາກາຍະກໍາ, ຄູສອນພະລະສຶກສາ, ຄູສອນຊ່ວຍ, ຜູ້ຮັບຜິດຊອບວຽກງານກິລາໃນໂຮງຮຽນປະຖົມ ແລະ ມັດທະຍົມ ລວມທັງໝົດ 35 ທ່ານ ລວມທັງນ້ອງນັກຮຽນທັງຍິງແລະຊາຍ 100ຄົນເຂົ້າຮ່ວມ. ພາຍໃນງານ ສຕລ ຍັງໄດ້ມອບບານເຕະໃຫ້ບັນດາໂຮງຮຽນທີ່ເຂົ້າຮ່ວມອີກດ້ວຍ.

      ສະຫະພັນບານເຕະແຫ່ງຊາດລາວ( ສຕລ) ໄດ້ສຳເລັດການຝຶກອົບຮົມຄູຝຶກກິລາບານເຕະລະດັບຊີ(C)ໃຫ້ແກ່ຜູ້ເຂົ້າຮວ່ມເມື່ອວັນທີ 21 ມີນາ 2025 ທີ່ຜ່ານມາ ຢູ່ທີ່ຫ້ອງປະຊຸມພະແນກສຶກສາທິການແລະ ກິລາແຂວງສາລະວັນ,ໃຫ້ກຽດເຂົ້າຮວ່ມ ມີ ທ່ານ ທົງໄຊ ບຸນທິສະຫວັດ ຮອງຫົວຫນ້າພະແນກພະລັງງງານ ແລະ ບໍ່ແຮ່ ແຂວງສາລະວັນ.

     ໄລຍະການຝຶກອົບຮົມສຳມະກອນຈໍານວນ 24 ທ່ານ ທີ່ມາຈາກແຂວງສາລະວັນ 14 ທ່ານ, ນະຄອນຫຼວງ 4 ທ່ານ ແລະ ປະເທດໄທ 6 ທ່ານໄດ້ຮຽນຮູ້ທັງພາກທິດສະດີ ແລະ ການປະຕິບັດຕົວຈິງຢູ່ສະໜາມ, ໂດຍມີການສອບເສັງ 6 ຄັ້ງ ( ຕົວຈິງ 3 ຄັ້ງ ແລະ ທິດສະດີ 2 ຄັ້ງ ແລະ ເສັງກໍາມະການ 1 ຄັ້ງ ),ໃນນັ້ນ,ຜູ້ເຂົ້າຮ່ວມໄດ້ຮຽນຮູ້ກ່ຽວກັບ ການພັດທະນາຄູຝຶກ, ຄວາມຕ້ອງການຄູຝຶກຂອງ AFC, ພາລະບົດບາດ ແລະ ໜ້າທີຮັບຜິດຊອບ, ເຕັກນິກ ແລະ ຍຸດທະວິທີຂອງການເຕະບານ, ຄວາມສຳພັນກັບບານ, ການສົ່ງບານ, ການຈັບບານ, ການຍິງບານ, ຫຼັກການຂອງການຝຶກສອນ, ບານເຕະຟຸດຊໍ, ກະຕິກາຂອງກິລາບານເຕະ, ອາຫານ ແລະ ສຸຂະພາບ, ການຝຶກແອບຂອງນັກກິລາ, ການວາງແຜນ, ບົດບາດສຳຄັນຂອງຜູ້ຮັກສາປະຕູ, ການຈະເລີນເຕີບໃຫຍ່ ແລະ ການປະຖົມພະ ຍາບານ, ແນະນຳພາກປະຕິບັດກິດຈະກຳບານເຕະພື້ນຖານ, ການຫຼີ້ນບານໃນເກມແລະອື່ນໆ.

        ການຝຶກອົບຮົມແມ່ນໄດ້ດຳເນີນມາແຕ່ວັນທີ10-21 ມີນາ 2025.ເຂົ້າຮວ່ມພິທີຍັງມີທ່ານ ໂມຮໍາມັດ ເຮີມັນ ( Mohammad Herman B Zailani ) ຫົວໜ້າວຽກງານພັດທະນາຄູຝຶກ ສຕລ, ທ່ານ ວົງມີໄຊ ສຸບົວຄຳ ຜູ້ຝຶກສອນຫຼັກຈາກ ສຕລ ພ້ອມດ້ວຍຄະນະ.ສ່ວນຜົນການຝຶກອົບຮົມຄູຝຶກກິລາບານເຕະລະດັບຊີ(C) ແມ່ນຈະແຈ້ງໃຫ້ຮັບຊາບຕາມພາຍຫຼັງ.ສຳລັບແຜນການຝຶກອົບຮົມຄູຝຶກກິລາບານເຕະລະດັບຊີ(C) ຄັ້ງຕໍ່ໄປແມ່ນຈະຈັດຢູ່ແຂວງສະຫວັນນະເຂດລະຫວ່າງ ວັນທີ 19-30 ພຶດສະພາ 2025.

ເຟສບຸກຂອງ ສະໂມສອນບານເຕະ ເອສະຣາ ແລະ ສະໂມສອນ ສະໂມສອນບານເຕະ ແທັງຮວາ ລາຍງານໃຫ້ຮູ້ເມື່ອບໍ່ດົນມານີ້ວ່າ:ສະໂມສອນບານເຕະ ເອສະຣາ ແຊ້ມລີກສູງ ເປບຊີ ລາວລີກ 1 ລະດູການ 2024/2025 ແລະແຊ້ມລີກສູງສຸດຂອງລາວທີ່ຊະນະເລີດຂັນນາຍົກລັດ ຖະມົນຕີ ແຫ່ງ ສປປ ລາວ ລະດູການນີ້ໄດ້ບັນລຸຂໍ້ຕົກລົງແລະເຊັນສັນຍາກັບສະໂມສອນບານເຕະ ແທັງຮວາ (Thanh Hoa FC) ທີມໃນລີກສູງສຸດຂອງຫວຽດນາມ (V-League)ໃຫ້ດາໝົດ ທອງຄຳສະຫວັດ ( ແຮ໋ມ )ກອງກາງທີມຊາດລາວ ໄວ 20 ປີ ຂອງສະໂມສອນເອສະຣາໄປຫຼີ້ນໃຫ້ກັບສະໂມສອນບານເຕະ ແທັງຮວາ.

ດາຫມົດ ທອງຄຳສະຫວັດ ເກີດວັນທີ 03 ເມສາ 2004 ຢູ່ທີ່່ບ້ານຈັດສັນ ນະຄອນປາກເຊ ແຂວງຈຳປາສັກ, ລວງສູງ 175 ຊັງຕີແມັດ ແລະ ນໍ້າຫນັກ 61ກລ ຈຸດເລີ່ມຕົ້ນການເຕະບານຂອງ ດາຫມົດ ແມ່ນເລີ້ມຫລິ້ນເຕະບານໃນອາຍຸ 10 ປີ ໂດຍສະໂມສອນ ທຳອິດ ແມ່ນ ອາຄາເດີມີ ໄອດີຊີ ຈຳປາສັກ ອາຈານຄົນທຳອິດ ແມ່ນ ອຈ ຄຳຕັນ ປິ່ນແກ້ວ ແລະ ອຈ ແຂກ ວິລະສິດ ສຸນາແກ້ວວົງສາ ເປັນຜູ້ສິດສອນໃຫ້ຈົນກ້າວມາເປັນນັກກິລາທີມຊາດລາວ ໃນຮຸ່ນເຍົາວະຊົນ, ຈາກນັ້ນແມ່ນຕິດທີມປະສົມແຂວງຈຳປາສັກ ຊຸດເຂົ້າຮ່ວມ ການແຂ່ງຂັນບານເຕະ ເພື່ອຂໍ່ານັບຮັບຕ້ອນວັນຊາດ ທີ 2 ທັນວາ ຄົບຮອບ 45 ປີ ແມ່ນພາທີມແຂວງຈຳປາສັກ ຄວ້າແຊ້ມລາຍການດັ່ງກ່າວ, ຈາກນັ້ນໃນປີ 2021 – 2022 ແມ່ນຫລິ້້ນໃຫ້ກັບ ສະໂມສອນ ບານຕະຈຳປາສັກ ເຂົ້າຮ່ວມການແຂ່ງຂັນ ເປບຊີ ລາວລີກ 1 ແລະ ປີິ 2023 – 2025 ແມ່ນຍ້າຍມາຮ່ວມສະໂມສອນ ບານເຕະ ເອສະຣາ ໂດຍໃນລະດູການ 2024/2025 ຜົນງານເດັ່ນກັບຕົ້ນສັງກັດ ສາມາດຊ່ວຍທີມສ້າງປະຫວັດສາດຄວ້າ 2 ແຊ້ມໃນລະດູການນີ້ ພ້ອມຄວ້າລາງວັນນັກເຕະດີເດັ່ນຂອງ ລາວລີກ 1 ດ້ວຍຜົນງານ 7 ປະຕູ 4 ແອັສຊິສ.

 ສ່ວນຜົນງານລະດັບທີມຊາດລາວ ດາຫມົດ ຕິດທີມຊາດລາວໃນຫລາຍຮຸ່ນຄື: ຮຸ່ນອາຍຸບໍ່ເກີນ 16 ປີ, ຮຸ່ນອາຍຸບໍ່ເກີນ 19 ປີ ( ໄດ້ຮອງແຊ້ມອາຊຽນ ) , ຮຸ່ນອາຍຸບໍ່ເກີນ 23 ປີ ແລະ ຕິດທີມຊາດລາວ ຊຸດໃຫຍ່ ໃນປີ 2022.

  ດາຫມົດ ຍັງກ່າວຕື່ມວ່ານັດທີ່ປະທັບໃຈໃນການຫລິ້ນທີມຊາດລາວ ແມ່ນນັດຮອບຮອງຊະນະເລີດ ການແຂ່ງຂັນບານເຕະ ຊາຍຊີງແຊ້ມອາຊຽນ ຮູ່ນອາຍຸບໍ່ເກີນ 19 ປີ 2022 ຮອບຮອງຊະນະເລີດ ທີມຊາດລາວ ເອົາຊະນະ ທີມຊາດໄທ 2-0 ໂດຍນັດດັ່ງກ່າວຜູ້ກ່ຽວຍິງໄດ້ 1 ປະຕູ.

  ດາຫມົດ ທອງຄຳສະຫວັດ ໄດ້ກ່າວສະແດງຄວາມຮູ້ສຶກທີ່ໄດ້ຍ້າຍມາຮ່ວມ ສະໂມສອນບານເຕະ ແທັງຮວາ (Thanh Hoa FC) ທີມໃນລີກສູງສຸດຂອງຫວຽດນາມ (V-League) ວ່າ: ‘’ ຮູ້ສືກດີໃຈ ແລະ ເປັນຄວາມຝັນທີ່່ຢາກໄປເຕະຢູ່ລີກນອກປະເທດ ແລະ ເປັນອີກບາດກ້າວຫນື່ງສຳລັບຕົນເອງ ‘’

ດາໝົດ ຈະກາຍເປັນນັກເຕະບານຈາກລາວຄົນທຳອິດ ໄດ້ລົງຫລິ້ນໃນລີກສູງສຸດຂອງຫວຽດນາມ ຈະໄດ້ຊ່ວຍ ແທັງຮວາ ໃນຮອບຂາກັບຂອງ ວີລີກ ລະດູການນີ້ ປັດຈຸບັນ ແທັງຮວາ ຢູ່ອັນດັບທີ 4 ແຂ່ງ 16 ນັດ ມີ 26 ຄະແນນ ຕາມຫລັງ ນຳດິ່ງ ທີມນຳ 5 ຄະແນນ.

          ວັນທີ 27 ມີນາ 2025 ຢູ່ທີ່ ສຳນັກງານໃຫຍ່ ສະຫະພັນບານເຕະອາຊີ ໄດ້ມີການຈັບສະຫລາກ ການແຂ່ງຂັນບານເຕະ ຍິງຊີງແຊ້ມອາຊີ ຮອບຄັດເລືອກ 2026 AFC Women’s Asian Cup 2026 Qualifiers ໂດຍມີທີມເຂົ້າຮ່ວມທັງຫມົດ 34 ທີມ ແບ່ງອອກເປັນ8 ກຸ່ມ ຄັດເອົາອັນດັບ 1 ແຕ່ລະກຸ່ມ ຜ່ານເຂົ້າຮອບສຸດທ້າຍ ແລະ ອັນດັບ 2 ທີ່ມີຄະແນນດີທີ່ສຸດຈຳນວນ 4 ທີມ, ຮອບສຸດທ້າຍ ຈະຈັດຂຶ້ນໃນປີ 2026 ຢູ່ທີ່ປະເທດ ອົສຕຣາລີ ໂດຍມີທີມທີ່ລໍຖ້າໃນຮອບສຸດທ້າຍ ມີ ອົສຕຣາລີ ( ເຈົ້າພາບ ), ຍີປຸ່ນ, ສປ ຈີນ ແລະ ສ.ເກົາຫລີ.

          ຜົນການຈັບສະຫລາກ ທີມບານເຕະ ຍິງທີມຊາດລາວ ຢູ່ ກຸ່ມ F ຮ່ວມກັບ ອຸດເບກິສຖານ ( ເຈົ້າພາບ ຮອບຄັດເລືອກ ), ເນປານ, ລາວ ແລະ ສີລັງກາ ໂດຍຈະແຂ່ງຂັນໃນລະຫວ່າງ ວັນທີ 23 ມິຖຸນາ ຫາ 5 ກໍລະກົດ 2025. ທີມບານເຕະຍິງ ທີມຊາດລາວ ແມ່ນຈະເກັບຕົວຝຶກຊ້ອມໃນໄລຍະທີ 1 ວັນທີ່ 30 ມີນາ ຫາ 11 ເມສາ 2025 ຢູ່ທີ່ສູນຝຶກ ສະຫນາມກິລາແຫ່ງຊາດຫຼັກ 16.

  ຕາຕະລາງການແຂ່ງຂັນ ທີມຊາດລາວ

- ນັດທີ 1 ທີມຊາດເນປານ ພົບ ທີມຊາດລາວ

- ນັດທີ 2 ທິມຊາດລາວ ພົບ ທີມຊາດອຸດເບກິສຖານ

- ນັດທີ 3 ທີມຊາດລາວ ພົບ ທີມຊາດສີລັງກາ

     ສະຫະພັນບານເຕະແຫ່ງຊາດລາວ(ສຕລ) ສົມທົບ ກັບພະແນກສຶກສາທິການ ແລະ ກິລາແຂວງຫົວພັນ ໄດ້ຈັດພິທີເປີດຝຶກອົບຮົມຄູຝຶກກິລາບານເຕະຂອງໂຄງການກິລາບານເຕະໃນໂຮງຮຽນ FIFA FOOTBALL FOR SCHOOLS ຂື້ນ ໃນວັນທີ 25 ມີນາ 2025 ທີ່ໂຮງຮຽນມັດທະຍົມສົມ ບູນພັນລາ ເມືອງຊໍາເໜືອ,ໂດຍເປັນກຽດເຂົ້າຮ່ວມຂອງທ່ານ ສົມເພັດ ອິນທະສອນ ຮອງຫົວໜ້າພະແນກສຶກສາທິການ ແລະ ກິລາ ແຂວງແລະທ່ານ Soundram Moorthy ຫົວໜ້າພະແນກເຕັກນິກວິທະຍາຂອງ ສຕລ.

    ຈຸດປະສົງໃນການຝຶກອົບຮົມແມ່ນເພື່ອຍົກລະດັບຄວາມຮູ້ຄວາມສາມາດແລະວິທີສິດສອນກິລາບານເຕະໃຫ້ກັບຄູພາລະສຶກສາທົ່ວແຂວງຫົວພັນ ໄດ້ນໍາເອົາຫຼັກສູດແບບໃໝ່ຂອງກິລາບານເຕະໄປນໍາໃຊ້ຝຶກຢູ່ບັນດາໂຮງຮຽນໃນທົ່ວແຂວງ, ເພື່ອເປັນການພັດທະນານັກກິລາບານເຕະລຸ້ນສືບທອດກໍ່ຄືລຸ້ນເຍົາວະຊົນທັງປະເພດຍິງ-ຊາຍໃຫ້ກ້າວສູ່ຄຸນນະພາບສຸງຂື້ນ.ໃນນັ້ນ,ລວມມີການແນະນໍາການຝຶກແອບນັກກິລາໃຫ້ຮູ້ປັບປຸງຄວາມສາມາດຂອງການຫຼີ້ນກິລາບານເຕະາ,ຮູ້ທັກສະ,ມີໄຫວພິກໃນການຫຼີ້ນບານທີ່ຄ່ອງແຄ້ວ,ມີນໍ້າໃຈນັກກິລາ, ເປັນສູນກາງເຂົ້າເຖິງນັກກິລາ, ເປັນຈຸດສຸມຂອງການພັດທະນານັກກິລາເຍົາວະຊົນ ຍິງ-ຊາຍ ເພື່ອອະນາຄົດ ແລະ ເປັນເວທີສອນນັກກິລາໃຫ້ຫຼີ້ນຫຼາຍກ່ວາເພື່ອເອົາຊະນະ.

     ໃນໂອກາດເປີດພິທີ ທ່ານ ສົມເພັດ ອິນທະສອນກ່າວວ່າ: ການຝຶກອົບຮົມຄັ້ງນີ້ ສຸດທີ່ມີຄວາມໝາຍສໍາຄັນເປັນຢ່າງຍິ່ງ ເພາະເປັນການຝຶກໃຫ້ສໍາມະນາກອນໄດ້ນໍາເອົາຄວາມຮູ້ອັນໃໝ່ ເປັນຕົ້ນແມ່ນວຽກງານຂອງການເປັນຄູຝຶກບານເຕະໃຫ້ແກ່ນັກຮຽນສາມັນ,ແຕ່ຍ້ອນເວລາການຝຶກມີໜ້ອຍ,ຈື່ງຮຽກຮ້ອງໃຫ້ສໍາມະນາກອນຈົ່ງເອົາໃຈໃສ່ ຈັດຕັ້ງປະຕິບັດດ້ານເວລາແຕ່ລະວັນ, ແຕ່ລະຕອນໃຫ້ເຂັ້ມງວດ ນັບທັງພາກທິດສະດີ ແລະພາກປະຕິບັດຕົວຈິງຕາມຕາຕະລາງທີ່ວາງໄວ້, ຮັບເອົາຄວາມຮູ້ຈາກຄູຝຶກ ເພື່ອໄປໝູນໃຊ້ໃຫ້ເກີດຜົນປະໂຫຍດ, ສາມາດນໍາເອົາໄປຝຶກນັກກິລາຮຸ່ນສືບທອດເພື່ອພັດທະນາກິລາບານເຕະຂັ້ນທ້ອງຖິ່ນ,ໂຮງຮຽນຕົນເອງໃຫ້ມີທັກສະໃນການຫຼີ້ນທີ່ດີຂື້ນ.ການຝຶກອົບຮົມດັ່ງກ່າວແມ່ນຈະດຳ ເນີນໄປເປັນເວລາ 2 ມື້ນັບຕັ້ງແຕ່ວັນທີ 25–26 ມີນາ 2025 ເຊິ່ງລວມມີພາກທິດສະດີ ແລະພາກປະຕິບັດຕົວຈິງຢູ່ທີ່ສະຫນາມແລະ ຈະໄດ້ເປີດພີທີໂຄງການ FIFA FOOTBALL FOR SCHOOLSຢ່າງເປັນທາງການໃນວັນທີ 27 ມີນາ 2025.

      ເຂົ້າຮວ່ມໃນກອງປະຊຸມນີ້ຍັງມີ ທ່ານ ພູຄຳ ກອງສີຫາລາດ ຮອງຫົວໜ້າພະແນກພະລະສຶກສາ ກົມກິລາມວນຊົນພະລະ ແລະ ສີລະປະສຶກສາ ກະຊວງສຶກສາທິການ ແລະ ກິລາ, ວິທະຍາກອນຈາກ ສຕລ,ຫົວໜ້າຂະແໜງກິລາກາຍະກໍາ, ຄູສອນພະລະສຶກສາ, ຄູສອນຊ່ວຍ, ຜູ້ຮັບຜິດຊອບວຽກງານກິລາໃນໂຮງຮຽນປະຖົມ ແລະ ມັດທະຍົມ ລວມທັງໝົດ 35 ທ່ານ.

#FIFA

#FIFAFOOTBALLFORSCHOOL

#LAOFOOTBALLFEDERATION

#GRASSROOTSLFF

#HUAPHANPROVINCE

ສະຫະພັນບານເຕະແຫ່ງຊາດລາວ(ສຕລ)ໄດ້ສຳເລັດການຝຶກອົບຮົມກຳມະການຕັດສິນບານເຕະຂັ້ນພື້ນຖານທີ່ເມືອງຈຳພອນ ແຂວງສະຫວັນນະເຂດແລະໄດ້ຈັດພິທີອັດການຝຶກອົບຮົມຢ່າງເປັນທາງການໃນວັນທີ 20 ມີນາ 2025ທີ່ສະ ໂມສອນສຶກສາເມືອງດັ່ງກ່າວ, ໂດຍການເຂົ້າຮ່ວມຂອງ ທ່ານ ສີປະເສີດ ໄຊຍະລິນ ຫົວໜ້າຫ້ອງການສຶກສາທິການ ແລະ ກິລາເມືອງ,ທ່ານ ໄຊປະເສີດ ພົງສະນິດ ຫົວໜ້າພະແນກກຳມະການຕັດສິນ ສຕລ ພ້ອມຄະນະວິທະຍາກອນຈາກສຕລ,ຜູ້ຕາງໜ້າຂະແໜງກິລາກາຍະກຳ-ສີລະປະສຶກສາ ຈາກ06ເມືອງຂອງແຂວງສະຫວັນນະເຂດເຂົ້າຮວມ.

ຕະຫຼອດໄລຍະການຝຶກອົບຮົມສຳມະນາກອນທີ່ເປັນກຳມະການຕັດສີນບານເຕະຂັ້ນພື້ນຖານຂອງ 6 ເມືອງຈາກເມືອງຈຳພອນ,ເມືອງຊົນນະບູລີ,ເມືອງອຸທຸມພອນ,ນະຄອນໄກສອນ ພົມວິຫານ, ເມືອງອາດສະພັງທອງ ແລະ ເມືອງ ອາດສະພອນຈຳນວນ 27 ຄົນ (ເມືອງຈຳພອນ 22 ຄົນ)ໄດ້ຮຽນຮູ້ທິດສະດີກະຕິກາບານເຕະຂັ້ນພື້ນຖານທັງໝົດ 17 ຂໍ້ພ້ອມເບິ່ງວີດີໂອໃນການປະຕິບັດໜ້າທີ່ຂອງກຳມະການຕັດສິນ, ລົງພາກປະຕິບັດຕົວຈິງ 2 ວັນ ແລະ ສອບເສັງເອົາຄະແນນເພື່ອປະເມີນຜົນ ຄວາມເຂົ້າໃຈຂອງສຳມະນາກອນ ເຫັນວ່າ ທຸກຄົນໄດ້ຮັບຮູ້ດ້ານກະຕິກາ ແລະ ບົດຮຽນໃນການຕັດສີນກິລາບານເຕະໄດ້ດີພໍສົມຄວນແລະພ້ອມຈະນຳເອົາບົດຮຽນໄປຈັດຕັ້ງປະຕິບັດໃນຕໍ່ໜ້າ. ຕອນທ້າຍ ທ່ານ ສີປະເສີດ ໄຊຍະລິນໄດ້ໃຫ້ກຽດໂອ້ລົມແລະກ່າວປີດການຝຶກອົບຮົມວ່າ: ເມື່ອໄດ້ການຮັບຝຶກອົບຮົມແລ້ວ,ຂໍໃຫ້ສຳມະນາກອນນຳເອົາບົດຮຽນທີ່ສຳຄັນໄປນຳໃຊ້ແລະເຜີຍແຜ່,ຜັນຂະຫຍາຍ ໃນການ ຈັດຕັ້ງປະຕິບັດຕົວຈິງ ໃຫ້ມີຄຸນນະພາບແລະສອດຄ່ອງກັບຄວາມເປັນຈິງໃນການຕັດສີນ. ຈາກນັ້ນທ່ານ ສີປະເສີດ ໄຊຍະລິນ ແລະ ທ່ານ ໄຊປະເສີດ ພົງສະນິດ ກໍ່ໄດ້ມອບໃບຢັ້ງຢືນການຝຶກອົບຮົມໃຫ້ສຳມະນາກອນຢ່າງສົມກຽດ.

ສະຫະພັນບານເຕະແຫ່ງຊາດລາວ ຫຼື ສຕລ ໄດ້ປະກາດລາຍຊື່ນັກກິລາ 28 ຄົນຂອງ ທີມຊາດລາວຊຸດໃຫຍ່ ພາຍໃຕ້ການຄຸມທີມຂອງ ທ່ານ ຮາ ຮອກ ຈູນ (HA HYEOKJUN) ຄູຝຶກທີມຊາດລາວ ສັນຊາດ ສ.ເກົາຫລີ ກຽມອຸ່ນເຄື່ອງພົບກັບ ທີມຊາດສີລັງກາ ແລະ ເຂົ້າຮ່ວມ ການແຂ່ງຂັນບານເຕະ ຊີງແຊ້ມອາຊີ ຮອບຄັດເລືອກ 2027 ການແຂ່ງຂັນ AFC Asian Cup Saudi Arabia 2027 Qualifiers Final Round.

ລາຍຊື່ນັກກິລາມີດັ່ງລຸ່ມນີ້:

+ ຜູ້ຮັກສາປະຕູ

ກົບ ໂລກພະທິບ ຈາກ ສະໂມສອນ ກິລາບານເຕະ ເອສະຣາ

ແກ້ວອຸດອນ ສຸວັນນະສັງໂສ ຈາກ ສະໂມສອນ ກິລາບານເຕະ ກອງທັບ

ອານຸລັກ ວິລະຜົນ ຈາກ ສະໂມສອນ ກິລາບານເຕະ ຊ້າງນ້ອຍ

+ ກອງຫຼັງ

ພຸດທະວົງ ສັງວິໄລ ຈາກ ສະໂມສອນ ກິລາບານເຕະ ເອສະຣາ

ອານັນຕະຊາ ສີພົງພັນ ຈາກ ສະໂມສອນ ກິລາບານເຕະ ເອສະຣາ

ຊີດີ ພົມສະຫວັນ ຈາກ ສະໂມສອນ ກິລາບານເຕະ ເອສະຣາ

ວົງສັກດາ ຈັນທະລືໄຊ ຈາກ ສະໂມສອນ ກິລາບານເຕະ ເອສະຣາ

ຄຳຫມັ້ນ ທາປະເສີດ ຈາກ ສະໂມສອນ ກິລາບານເຕະ ເອສະຣາ

ໄຊຍະສິດ ສິງສະຫວ່າງ ຈາກ ສະໂມສອນ ກິລາບານເຕະ ນໍ້າທາ ຢູໄນເຕັດ

ເພັດດາວັນ ສົມສະນິດ ຈາກ ສະໂມສອນ ກິລາບານເຕະ ມາດສເຕີ

ສອນວິໄລ ເພັດວຽງສີ ຈາກ ສະໂມສອນ ກິລາບານເຕະ ມາດສເຕີ

ແອັດ ວຽງຄຳ ຈາກ ສະໂມສອນ ກິລາບານເຕະ ມາດສເຕີ

ຈີນູ່ລ່າວ ຢ່າໂຊຕູ້ກີ ຈາກ ສະໂມສອນ ກິລາບານເຕະ ມັດສະດ້າ ວຽງຈັນ

ວິກຕໍ ໄຊຊະນະ ໂຢວິນາສັກ ຈາກ ສະໂມສອນ IS SELONGEY B ( ປະເທດຝຣັ່ງ )

ຈິດຕະກອນ ວັນນະຈອນ ຈາກ ສະໂມສອນ ກິລາບານເຕະ ຫຼວງພະບາງ

ອິນທະວົງ ຫຼວງສະລາດ ຈາກ ສະໂມສອນ ກິລາບານເຕະ ກອງທັບ

+ ກອງກາງ

ໂຣມັນ ອານຸສອນ ອັນໂກ ຈາກ ສະໂມສອນ SV LINX ( ປະເທດ ເຢຍລະມັນ )

ພຸດທະລັກ ທອງສະນິດ ຈາກ ສະໂມສອນ ກິລາບານເຕະ ເອສະຣາ

ຈັນທະວີໄຊ ຂຸນທຸມພອນ ຈາກ ສະໂມສອນ ກິລາບານເຕະ ເອສະຣາ

ດາໝົດ ທອງຄໍາສະຫວັດ ຈາກ ສະໂມສອນ ກິລາບານເຕະ ເອສະຣາ

ພູສົມບູນ ປັນຍາວົງ ຈາກ ສະໂມສອນ ກິລາບານເຕະ ກອງທັບ

ສອນສະນິດ ພົມມະຈັນ ຈາກ ສະໂມສອນ ກິລາບານເຕະ ມາດສເຕີ

ອານຸລັກ ໄຊຍະລາດ ຈາກ ສະໂມສອນ ກິລາບານເຕະ ນໍ້າທາ ຢູໄນເຕັດ

+ ກອງຫນ້າ

ເທໂອ ຄລາຍນ໌ ຈາກ ສະໂມສອນ OMAHA MAVERICKS ( ປະເທດ ສະຫະລັດອາເມຣິກາ )

ບຸນພະຈັນ ບຸນກອງ ຈາກ ສະໂມສອນ PREAK KHAN REACH SVAY RIENG FC ( ປະເທດກຳປູເຈຍ )

ໂຈນີ້ ແຫວນປະເສີດ ຈາກ ສະໂມສອນ ກິລາບານເຕະ ເອສະຣາ

ປີເຕີ້ ພັນທະວົງ ຈາກ ສະໂມສອນກິລາບານເຕະ ເອສະຣາ

ກີ້ດາວອນ ສຸວັນນີ ຈາກ ສະໂມສອນ ກິລາບານເຕະ ຊ້າງນ້ອຍ

 ສຳລັບຕາຕະລາງ ການແຂ່ງຂັນນັດອຸ່ນເຄຶ່ອງ ທີມຊາດລາວ ແມ່ນຈະມີຂຶ້ນວັນທີ 20 ມີນາ 2025 ເວລາ 19:00 ທີມຊາດລາວ ພົບ ທີມຊາດສີລັງກາ ແຂ່ງຂັນຢູ່ທີ່ສະຫນາມກິລາແຫ່ງຊາດຫຼັກ 16 ປີ້ເຂົ້າຊົມການແຂ່ງຂັນ ລາຄາ 10.000 ກີບ ຂະນະທີ່ ການແຂ່ງຂັນບານເຕະ ຊີງແຊ້ມອາຊີ ຮອບຄັດເລືອກ 2027 ການແຂ່ງຂັນ AFC Asian Cup Saudi Arabia 2027 Qualifiers Final Round ທີມຊາດລາວ ຖືກຈັດຢູ່ຮ່ວມ ກຸ່ມ F ຮ່ວມກັບ ຫວຽດນາມ, ມາເລເຊຍ ແລະ ເນປານ, ໂດຍນັດທຳອິດ ທີມຊາດລາວ ຈະອອກໄປຢາມທີມຊາດຫວຽດນາມ ເຊິ່ງຈະແຂ່ງຂັນ ວັນທີ 25 ມີນາ 2025 ເວລາ 19:30 ແຂ່ງຂັນຢູ່ທີ່ສະຫນາມກິລາ Go Dau Stadium ແຂວງບິງເຢືອງ ປະເທດຫວຽດນາມ.

                ສະຫະພັນບານເຕະແຫ່ງຊາດລາວ( ສຕລ) ໄດ້ຈັດພິທີເປີດການຝຶກອົບຮົມຄູຝຶກກິລາບານເຕະລະດັບຊີ(C)ໃຫ້ແກ່ນັກສຳມະກອນຈໍານວນ 24 ທ່ານ ທີ່ມາຈາກແຂວງສາລະວັນ 14 ທ່ານ, ນະຄອນຫຼວງ 4 ທ່ານ ແລະ ປະເທດໄທ 6 ທ່ານຂື້ນໃນຕອນເຊົ້າວັນທີ 10 ມີນາ 2025 ທີ່ທີ່ຫ້ອງປະຊຸມພະແນກສຶກສາທິການແລະ ກິລາແຂວງສາລະວັນ, ໃຫ້ກຽດເຂົ້າຮວ່ມມີ ທ່ານ ທ່ານ ແອປີຊານ ລ້ານນາຂວາງ ຮອງພະແນກສຶກສາທິການແລະ ກິລາແຂວງ ປະທານສະຫະພັນບານເຕະແຂວງສາລະວັນ.

             ໄລຍະການຝຶກອົບຮົມ ແມ່ນແບ່ງອອກເປັນ 2 ພາກ ປະກອບມີ ພາກທິດສະດີ ແລະ ການປະຕິບັດຕົວຈິງພາກສະໜາມ, ໂດຍຈະມີການສອບເສັງ 6 ຄັ້ງ ( ຕົວຈິງ 3 ຄັ້ງ ແລະ ທິດສະດີ 2 ຄັ້ງ ແລະ ເສັງກໍາມະການ 1 ຄັ້ງ ),ໃນນັ້ນ,ຜູ້ເຂົ້າຮ່ວມຈະໄດ້ຮຽນຮູ້ກ່ຽວກັບ ການພັດທະນາຄູຝຶກ, ຄວາມຕ້ອງການຄູຝຶກຂອງ AFC, ພາລະບົດບາດ ແລະ ໜ້າທີຮັບຜິດຊອບ, ເຕັກນິກ ແລະ ຍຸດທະວິທີຂອງການເຕະບານ, ຄວາມສຳພັນກັບບານ, ການສົ່ງບານ, ການຈັບບານ, ການຍິງບານ, ຫຼັກການຂອງການຝຶກສອນ, ບານເຕະຟຸດຊໍ, ກະຕິກາຂອງກິລາບານເຕະ, ອາຫານ ແລະ ສຸຂະພາບ, ການຝຶກແອບ, ການຝຶກແອບຜູ້ຮັກສາປະຕູ, ການວາງແຜນ, ບົດບາດສຳຄັນຂອງຜູ້ຮັກສາປະຕູ, ການຈະເລີນເຕີບໃຫຍ່ ແລະ ການປະຖົມພະຍາບານ, ແນະນຳພາກປະຕິບັດກິດຈະກຳບານເຕະພື້ນຖານ, ການຫຼີ້ນບານໃນເກມ.

                ສຳລັບການຝຶກອົບຮົມແມ່ນຈະດຳເນີນໄປແຕ່ວັນທີ 10 ມີນາ ຈົນຮອດ ວັນທີ 21 ມີນາ 2025.ເຂົ້າຮວ່ມພິທີຍັງມີທ່ານ ຊຸນດຣໍາ ມູນຕີ (Sundram Moorthy) ຫົວໜ້າພະແນກເຕັກນິກ - ວິທະຍາ ສຕລ, ທ່ານ ໂມຮໍາມັດ ເຮີມັນ ( Mohammad Herman B Zailani ) ຫົວໜ້າວຽກງານພັດທະນາຄູຝຶກ ສຕລ, ທ່ານ ວົງມີໄຊ ສຸບົວຄຳ ຜູ້ຝຶກສອນຫຼັກຈາກ ສຕລ ພ້ອມດ້ວຍຄະນະ.

           ໃນລະຫວ່າງວັນທີ 28 ກຸມພາ ຫາ 02 ມີນາ 2025 ທີ່ຜ່ານມາ ພະແນກເຕັກນິກວິທະຍາ ສະຫະພັນບານເຕະແຫ່ງຊາດລາວ ຫຼື ສຕລ ນຳໂດຍ ທ່ານ ກັນລະຍາ ສີສົມຫວັງ ຫົວໜ້າຄູຝຶກບານເຕະເຍົາວະຊົນທີມຊາດລາວ ພ້ອມດ້ວຍຄະນະ ໄດ້ລົງເຄື່ອນໄຫວຄັດເລືອກນັກກິລາເຍົາວະຊົນຜູ້ມີພອນສະຫວັນ ປະຈຳສູນຝືກອົບຮົມກິລາບານເຕະເຍົາວະຊົນຈຳປີຈຳປາ ແຂວງຄຳມ່ວນ ທີ່ສະໜາມກິລາບານເຕະແຂວງຄຳມ່ວນ ເພື່ອເຟັ້ນຫານັກກິລາຜູ້ທີ່ມີພອນສະຫວັນໃນດ້ານກິລາບານເຕະ ອາຍຸບໍ່ເກີນ 16 ປີ (ເກີດໃນປີ 2009-2010) ຊຶ່ງຜູ້ທີ່ຜ່ານການຄັດເລືອກແຂວງຄຳມ່ວນ ແມ່ນໄດ້ຈຳນວນ 20 ຄົນ ແມ່ນຈະໄດ້ມາຝຶກແອບຝຶກຊ້ອມປະຈໍາຢູ່ສູນຝຶກຈຳປີຈຳປາ ແຂວງຄຳມ່ວນ ເພື່ອປູເສັ້ນທາງກ້າວສູ່ນັກກິລາທີມຊາດ ຮຸ່ນເຍົາວະຊົນ ໃນອະນາຄົດ. ສຳລັບສູນພັດທະນາກິລາບານເຕະຈຳປີຈຳປາ ສະຫະພັນບານເຕະແຫ່ງຊາດລາວ ແມ່ນໄດ້ຮັບທຶນສະໜັບສະໜູນຈາກສະຫະພັນບານເຕະໂລກ ຫຼື FIFA ພາຍໃຕ້ໂຄງການ ພັດທະນາ ທັກສະຄວາມສາມາດ ຫຼື TALENT DEVELOPMENT SHCEEM ແນໃສ່ການພັດທະນາທັກສະຄວາມສາມາດໃນການຫຼິ້ນກິລາບານເຕະເຍົາວະຊົນລາວ ເວົ້າລວມເວົ້າສະເພາະແມ່ນເຍົາວະຊົນພາຍໃນທ້ອງຖິ່ນ ໃຫ້ມີທັກສະການຫຼິ້ນກິລາບານຂັ້ນພື້ນຖານທີ່ດີ, ມີວິໄນ ສ້າງໃຫ້ມີບ່ອນຝຶກແອບເປັນປະຈໍາ ແລະ ມີຄວາມປອດໄພ ຊຶ່ງເລີ່ມເປີດຝຶກສອນແຕ່ຮຸ່ນອາຍຸ 10 ປີ, 12 ປີ, 14 ປີ ແລະ 15 ປີ, ໂດຍນໍາໃຊ້ ຫຼັກການຂອງ ສຕລ ທີ່ຜ່ານການສຶກສາຄົ້ນຄວ້າຈາກຜູ້ນໍາຊ່ຽວຊານ ແລະ ສິດສອນໄດ້ຮັບການຝຶກອົບຮົມ. ນອກນັ້ນ, ຍັງມີການສ້າງແວດລ້ອມໃນການຝຶກແອບທີ່ດີໃຫ້ນັກກິລາໃຫ້ມີຄວາມປອດໄພ ແລະ ມ່ວນຊື່ນ ອີກດ້ວຍ.

    ມາຮອດປັດຈຸບັນ ສຕລ ສາມາດເປີດສູນຝຶກກິລາບານເຕະຈໍາປີຈໍາປາ ໃນຂອບເຂດທົ່ວປະເທດໄດ້ ທັງໝົດ 6 ແຫ່ງ ຄື: ສູນຝຶກຈໍາປີຈໍາປາ ຫ້ວຍຫົງ ເມືອງຈັນທະບູລີ ນະຄອນຫຼວງວຽງຈັນ, ສູນຈໍາປີຈໍາປາ ຫຼັກ 16 ເມືອງໄຊທານີ ນະຄອນຫຼວງວຽງຈັນ, ສູນຝຶກຈໍາປີຈໍາປາ ນະຄອນປາກເຊ ແຂວງຈໍາປາສັກ, ສູນຝຶກບານແຕະຈໍາປີຈໍາປາ ເມືອງຫຼວງນ້ຳທາ ແຂວງຫຼວງນ້ໍາທາ, ສູນຝຶກຈຳປີຈຳປາ ເມືອງທ່າແຂກ ແຂວງຄຳມ່ວນ, ສູນຝຶກຈຳປີຈຳປາ ເມືອງປາກຊັນ ແຂວງບໍລິຄໍາໄຊ. ສະຫລຸບຈຳນວນການຄັດເລືອກໃນແຕ່ລະແຂວງສາມາດສະຫລຸບໄດ້ດັ່ງນີ້: ແຂວງຈຳປາສັກ ຄັດເລືອກໄດ້ 20 ຄົນ, ແຂວງສາລະວັນ ຄັດເລືອກ ໄດ້ 27 ຄົນ, ແຂວງຫຼວງນໍ້າທາ ຄັດເລຶືອກໄດ້ 13 ຄົນ ແລະ ແຂວງຄໍາມ່ວນ ຄັດເລືອກໄດ້ 20 ຄົນ.

             ສະຫະພັນບານເຕະແຫ່ງຊາດລາວ(ສຕລ) ແລະ ສະຫະພັນບານເຕະແຂວງສາລະວັນ(ສຕຂ)ໄດ້ຈັດ ພິທີເປີດ ກິດຈະ ກໍາບານເຕະຍິງ ສະຫລອງວັນແມ່ຍິງສາກົນຄົບຮອບ115ປີຂຶ້ນພາຍໃຕ້ໂຄງການ AFC Women's Footbal Day ທີ່ສະຫນາມກິລາແຂວງ ສາລະວັນ ໃນວັນທີ 8 ມີນາ 2025 ໂດຍເປັນກຽດເຂົ້າຮ່ວມຂອງ ທ່ານ ນາງ ກັນຍາ ແກ້ວມະນີ ຮອງປະທານ ສຕລ, ທ່ານ ນາງ ພູໄຊ ແພງພົງ ຄະນະບໍລິຫານງານ ສຕລ. ທ່ານ ໂພທິຍາ ວົງຈອມສີ ຫົວໜ້າພະແນກ ພະລັງງານບໍ່ແຮ່, ປະທານ ສຕຂ ສາລະວັນ, ທ່ານ ແອປີຊານ ລ້ານນາຂວາງ ຮອງພະແນກສຶກສາທິການແລະ ກິລາແຂວງ ປະທານສະຫະພັນບານເຕະແຂວງສາລະວັນ ພ້ອມດ້ວຍຄະນະຄູຝຶກ, ນັກກິລາ ແລະ ພໍ່ແມ່ຜູ້ປົກຄອງນັກກິລາເຂົ້າຮ່ວມຢ່ງຫຼວງຫຼາຍ. ງານດັ່ງກ່າວຈັດຂື້ນໂດຍການຮວ່ມມືລະຫວ່າງ ສຕລແລະ ສຕຂ ສາລະວັນ, ພາຍໃຕ້ການສະຫນັບສະຫນຸນ ຈາກໂຄງການ AFC Women's Football Day ,ໂຄງການນີ້ແມ່ນ ເປີດໃຫ້ເດັກນ້ອຍ ເພດຍິງໄດ້ມີໂອກາດຝຶກຊ້ອມ ແລະ ຫລິ້ນກິລາບານເຕະ ໂດຍມີເປົ້າໝາຍເພື່ອເສີມ ສ້າງພັດທະນານັກກິລາບານເຕະຮຸ່ນສຶບ ທອດໃຫ້ໄດ້ທົ່ວຂົງເຂດທີ່ຫ່າງໄກສອກຫຼີກ ແລະເຂດພູດອຍຢ່າງທົ່ວເຖິງ.

            ໃນໂອກາດດັ່ງກ່າວ ທ່ານ ທ່ານ ໂພທິຍາ ວົງຈອມສີ ປະທານ ສຕຂ ສາລະວັນ ໄດ້ກ່າວໃຫ້ຮູ້ວ່າ ບານເຕະສາລະວັນຢູ່ໃນທ່ວງທ່າທີ່ດີໃນການພັດທະນາ ໂດຍໄດ້ຮັບການສະໜັບສະໜູນຢ່າງໃກ້ຊິດຈາກ ສຕລ, ພະແນກສຶກສາທິການແລະກິລາແຂວງ ເຮັດໃຫ້ການພັດທະນາບານເຕະແຂວງ ສາລະວັນ ມີໃບໜ້າອັນໃໝ່ ສະແດງອອກໃນງານກິລາມັດທະຍົມທົ່ວປະເທດຄັ້ງທີ VII ຜ່ານມາ ສາມາດເຂົ້າຊິງຫຼຽນຄຳໄດ້ທັງຍິງ ແລະຊາຍ ໂດຍສະເພາະບານເຕະຍິງພວມກໍາລັງສົ່ງເສີມໃຫ້ມີການຝຶກແອບຢ່າງຕໍ່ເນື່ອງໃນປີຜ່ານມາ ແລະແນ່ນອນວ່າຈະໄດ້ມີການຊຸກຍູ້ຕໍ່ໄປເລື້ອຍໆໃນອະນາຄົດ.

            ກ່າວເປີດພິທີ ທ່ານ ນາງ ກັນຍາ ແກ້ວມະນີ ຮອງປະທານສະຫະພັນບານເຕະແຫ່ງຊາດລາວ ໄດ້ກ່າວຂອບໃຈຕໍ່ທາງສະຫະພັນບານເຕະແຂວງ ສາລະວັນ ທີ່ໄດ້ເປັນເປັນເຈົ້າພາບຈັດງານກິດຈະກໍາວັນແມ່ຍິງສາກົນທີ່ມີຄວາມໝາຍຄວາມສໍາຄັນນີ້ ແລະຫວັງວ່າງານໃນມື້ນີ້ຈະເປັນແຮງບັນດານໃຈເປັນຈຸດເລີ່ມຕົ້ນເລັກໆນ້ອຍໆ, ໃຫ້ທຸກຄົນມີຄວາມມັກຮັກໃນກິລາບານເຕະ ເພື່ອຕໍ່ຍອດໃຫ້ນ້ອງໆທຸກຄົນກາຍເປັນນັກກິລາທີ່ດີໃຫ້ກັບໂຮງຮຽນ, ສະໂມສອນແລະກາຍເປັນນັກກິລາທີມຊາດໃນອະນາຄົດ.

ພາຍໃນງານ ສຕລ ຍັງໄດ້ມອບບານເຕະໃຫ້ບັນໂຮງຮຽນທີ່ເຂົ້າຮ່ວມອີກດ້ວຍ.