![News Cover](https://laoff.org.la/storage/news/News_Image_1724060757990.webp)
ສະຫວັນ ຢູໄນເຕັດ ເປັນທີມນຳລາວລີກ 2 ແຂວງສະຫວັນນະເຂດ
ການແຂ່ງຂັນກິລາເຕະບານລາວລີກ 2 ປະຈໍາປີ 2024ຂອງແຂວງສະຫວັນນະເຂດ ແມ່ນໄດ້ດຳເນີນການແຂ່ງຂັນ ນັບຕັ້ງແຕ່ວັນທີ 8 ມິຖຸນາ 2024 ເປັນຕົ້ນມາທີ່ສະໜາມກິລາແຂວງ(ຫຼັກ 4) ໂດຍມີ 8 ທີມເຂົ້າຮ່ວມຊີງໄຊ ປະກອບມີເຮືອເຫຼັກ ເອັບຊີ, ສະຫວັນ ຢູໄນເຕັດ, ໂພໄຊນ້ອຍ, ຮາຢີນາ, ມະຫາວິທະຍາໄລສະຫວັນນະເຂດ, ເຊໂນ, ອີໂວ້ ແລະ ດັກວູ໋ບ. ຜົນການແຂ່ງຂັນອາທິດທີ 11 ວັນພຸດ ວັນທີ 14 ສິງຫາ 2024 ເຊໂນ ເສຍໃຫ້ ມະຫາວິທະຍາໄລສະຫວັນນະເຂດ 1-2, ວັນເສົາ 17 ສິງຫາ 2024 ຮາຢີນາ ເສຍໃຫ້ ເຊໂນ 1-2, ເຮືອເຫຼັກ ຊະນະ ມະຫາວິທະຍາໄລສະຫວັນນະເຂດ 6-1, ວັນອາທິດ 18 ສິງຫາ 2024 ສະຫວັນ ຢູໄນເຕັດ ຊະນະ ດັກວຸ໋ບ 2-0 ແລະ ໂພໄຊນ້ອຍ ເສຍໃຫ້ ອີໂວ ສະຫວັນ 0-3.
ສະຫລຸບຕາຕະລາງ ຄະແນນ,ອັນດັບໜຶ່ງແມ່ນ ສະຫວັນ ຢູໄນເຕັດ ແຂ່ງຂັນ 11 ນັດ ຊະນະ 10 ນັດ ເສຍ 1 ນັດ ມີ 30 ຄະແນນ, ອັນດັບ 2 ເຮືອເຫຼັກ ແຂ່ງຂັນ 11 ນັດ ຊະນະ 10 ນັດ ເສຍ 1 ນັດ ມີ 30 ຄະແນນ, ອັນດັບ 3 ອີໂວ ສະຫວັນ ແຂ່ງຂັນ 11 ນັດ ຊະນະ 7 ນັດ ເສຍ 4 ນັດ ມີ 21 ຄະແນນ, ອັນດັບ 4 ດັກວຸ໋ບ ແຂ່ງຂັນ 12 ນັດ ຊະນະ 5 ນັດ ສະເຫມີ 2 ນັດ ເສຍ 5 ນັດ ມີ 17 ຄະແນນ, ອັນດັບ 5 ເຊໂນ ແຂ່ງຂັນ 12 ນັດ ຊະນະ 4 ນັດ ສະເຫມີ 2 ນັດ ເສຍ 6 ນັດ ມີ 21 ຄະແນນ, ອັນດັບ 6 ໂພໄຊນ້ອຍ ແຂ່ງຂັນ 11 ນັດ ຊະນະ 2 ນັດ ສະເຫມີ 3 ນັດ ເສຍ 6 ນັດ ມີ 9 ຄະແນນ, ອັນດັບ 7 ຮາຢີນາ ແຂ່ງຂັນ 11 ນັດ ຊະນະ 1 ນັດ ສະເຫມີ 4 ນັດ ເສຍ 6 ນັດ ມີ 7 ຄະແນນ ແລະ ອັນດັບ 8 ມະຫາວິທະຍາໄລສະຫວັນນະເຂດ ແຂ່ງຂັນ 13 ນັດ ຊະນະ 1 ນັດ ສະເຫມີ 1 ນັດ ເສຍ 11 ນັດ ມີ 4 ຄະແນນ.
ຕາຕະລາງການແຂ່ງຂັນອາທິດທີ 12 ວັນພຸດ 21 ສິງຫາ 2024 ເວລາ 16:30 ສະຫວັນ ຢູໄນເຕັດ ພົບ ຮາຢີນາ, ວັນເສົາ 24 ສິງຫາ 2024 ເວລາ 14:30 ຮາຢີນາ ພົບ ເຮືອເຫຼັກ , ເວລາ 16:30 ໂພໄຊນ້ອຍ ພົບ ມະຫາວິທະຍາໄລສະຫວັນນະເຂດ ແລະ ວັນອາທິດ 25 ສິງຫາ 2024 ເວລາ 14:30 ດັກວຸ໋ບ ພົບ ອີໂອ ສະຫວັນ , ເວລາ 16:30 ສະຫວັນ ຢູໄນເຕັດ ພົບ ເຊໂນ ທຸກໆຄູ່ແຂ່ງຂັນຢູ່ທີ່ສະຫນາມກິລາແຂວງສະຫວັນນະເຂດ.
ສຳລັບສະໂມສອນທີ່ຊະນະເລີດ ການແຂ່ງຂັນເຕະບານລາວລີກ2ປະຈຳປີ2024ຂອງແຂວງສະຫວັນນະເຂດຈະໄດ້ຮັບສິດເຂົ້າຮ່ວມການແຂ່ງຂັນ ຊິງຂັນພະນະທ່ານ ນາຍົກລັດຖະມົນຕີ ແຫ່ງ ສປປ ລາວ ລະດູການ 2024/25 ໃນຖານະສະໂມສອນຊະນະເລີດການແຂ່ງຂັນ ລາວລີກ 2 ເຊິ່ງຈະເລີ່ມການແຂ່ງຂັນໃນທ້າຍປີ 2024 ນີ້.
![News Cover](https://laoff.org.la/storage/news/News_Image_1724058265109.webp)
ສາຍຝົນ ແກ້ວຫານາມ ກາຍເປັນນັກເຕະລາວຄົນທີ 2 ລຸຍ Thai League 2 " ລະດູການ 2024-2025"
ສາຍຝົນ ແຫ້ວຫານາມ ນັກກິລາເຕະບານຕຳແໜ່ງກອງກາງ ທີມຊາດລາວ ອາຍຸ 18 ປີ ໄດ້ລົງຫຼີ້ນ ໄທລີກ 2 ເປັນທີ່ແນ່ນອນ ແລ້ວ ຫຼັງຈາກ ສະໂມສອນ ສຸພັນບຸລີ ປະກາດລາຍຊື່ນັກກິລາ ລຸຍໄທລີກ 2 ລະດູການ 2024-2025 ບັນລຸຂໍ້ຕົກລົງ ຍ້າຍຈາກ ນົນທະບູລີ ເອຟຊີ ໄທລີກ 3 ສູ່ ສະໂມສອນ ສຸພັນບູລີ ເອັຟຊີ Suphanburi FC ໄທລີກ 2 ປະເທດໄທ ລະດູການ 2024/25.
ສາຍຝົນ ໄດ້ກ່າວວ່າ:‘’ ຮູ້ສຶກດີໃຈທີ່ໄດ້ຫລິ້ນໃຫ້ທີມ ສຸພັນບູລີ ເພາະວ່າ ສະໂມສອນ ສຸພັນບູລີ ເປັນທີມທີ່ດີ ເເລະ ເປັນທີມທີ່ມີຊື່ສຽງແລະຕົນເອງກໍມີຄວາມໄຝ່ຝັນຢາກມາຫຼີ້ນກັບທິມດັ່ງກ່າວນີ້ຕັ້ງແຕ່ຍັງນ້ອຍ,ຖືວ່າເປັນໂອກາດເເລະເປັນການເລິ່ມຕົ້ນທີ່ດີສຳລັບໂຕຂ້ອຍເອງ ‘’.
ສຳລັບປະຫວັດ ສາຍຝົນ ເຄີຍຝຶກຊ້ອມຢູ່ ສະໂມສອນ ເອສະຣາ ຕັ້ງແຕ່ຍັງນ້ອຍ, ຫລັງຈາກນັ້ນໄດ້ມີໂອກາດໄປຄັດໂຕກັບ ອາຄາເດີມີ ສະຫມຸຍ ເປັນທີມທີ່ສ້າງໃຫ່ມໃນຕອນນັ້ນເລີຍແລະໄດ້ໄປຝຶກຊ້ອມຢູ່ເກາະສະຫມຸຍ 3 ປີ ຫລັງຈາກນັ້ນໄດ້ຍ້າຍມາຢູ່ ອະຄາເດີມີ ນົນທະບູລີ 1 ປີ ເເລະ ຍ້າຍມາຢູ່ ອະຄາເດີມີ ຫົວຫີນ 1 ປີ ແລະ ຍ້າຍມາຮ່ວມ ສະໂມສອນ ສຸພັນບູລີ ໄທລີກ 2 ໃນປັດຈຸບັນ, ສ່ວນຜົນງານລະດັບ ທີມຊາດລາວ ແມ່ນຫລິ້ນໃຫ້ກັບ ທີມຊາດລາວ ຢູ16, ຢູ17, ຢູ19 ແລະ ຢູ20.
ໃນລະດຸການ 2024-2025 ມີນັກເຕະລາວທີ່ ຫລິ້ນໃຫ້ກັບ ສະໂມສອນ ຈາກໄທ 3 ຄົນຄື: ສຸກອາພອນ ວົງຈຽງຄຳ ຫລິ້ນໃຫ້ກັບ ສະໂມສອນ ນະຄອນສີ ໄທລີກ 2 , ມິດສະດາ ສາຍໃຕ້ຟ້າ ຫລິ້ນໃຫ້ກັບ ສະໂມສອນ ເມືອງເລີຍ ໄທລີກ 3 ແລະ ສາຍຝົນ ແກ້ວຫານາມ ຫລິ້ນໃຫ້ກັບ ສຸພັນບູລີ ໄທລີກ 2.
![News Cover](https://laoff.org.la/storage/news/News_Image_1724057718958.webp)
ທະຫານແຂວງເປັນທີມນຳລາວລີກ 2 ແຂວງສາລະວັນ
ການແຂ່ງຂັນບານເຕະ ລາຊາ ສະປອດ ສາລະວັນ ລາວລີກ 2 ປະຈຳປີ 2024ທີ່ແຂວງສາລະວັນ ມີ ທີມເຂົ້າຮ່ວມທັງຫມົດ 6 ທີມ ຄື: ສະໂມສອນ ບານເຕະ ສະຫະກອນສິນເຊື່ອ ແລະ ເງິນຝາກປະຢັດວັນໃຫມ່ ເອັຟຊີິ ( ສ.ສ.ງ. ວັນໃຫມ່ ) , ສະໂມສອນ ບານເຕະ ສາລະວັນ ເອັຟຊີ, ສະໂມສອນ ບານເຕະ ເລົ່າງາມ ວິລະຊົນ ເອັຟຊີ, ສະໂມສອນ ບານເຕະ ທະຫານແຂວງສາລະວັນ, ສະໂມສອນ ບານເຕະ ໂຮງຫມໍ ແຂວງສາລະວັນ ແລະ ສະໂມສອນ ບານເຕະໃຫຍ່ ໂຕໂຢຕ້າ ເອັຟຊີ,ເຊິ່ງຮູບແບບການແຂ່ງຂັນແມ່ນແຂ່ງຂັນ 2 ຮອບ ແບບໄປ-ກັບ.
ຜົນການແຂ່ງຂັນໃນອາທິດທີ 4 ວັນເສົາ 17 ສິງຫາ 2024 ສະໂມສອນ ບານເຕະ ສະຫະກອນສິນເຊື່ອ ແລະ ເງິນຝາກປະຢັດວັນໃຫມ່ ເອັຟຊີິ ຊະນະ ສະໂມສອນ ບານເຕະ ສາລະວັນ ເອັຟຊີ 5-3,ສະໂມສອນ ບານເຕະ ເລົ່າງາມ ວິລະຊົນ ສະເຫມີ ສະໂມສອນ ບານເຕະ ທະຫານແຂວງ 0-0, ສະໂມສອນ ບານເຕະ ໂຮງຫມໍແຂວງ ເສຍໃຫ້ ສະໂມສອນ ບານເຕະ ໃຫຍ່ ໂຕໂຢຕ້າ 1-2.
ສະຫລຸບຕາຕະລາງຄະແນນ,ອັນດັບໜຶ່ງແມ່ນທະຫານແຂວງ ແຂ່ງຂັນ 4 ນັດ ຊະນະ 3 ນັດ ສະເຫມີ 1 ມີ 10 ຄະແນນ, ອັນດັບ 2 ເລົ່າງາມ ແຂ່ງຂັນ 4 ນັດ ຊະນະ 2 ນັດ ສະເຫມີ 2 ນັດ ມີ 8 ຄະແນນ, ອັນດັບ 3 ສສງ ວັນໃຫມ່ ແຂ່ງຂັນ 4 ນັດ ຊະນະ 2 ນັດ ສະເຫມີ 1 ນັດ ເສຍ 1 ນັດ ມີ 7 ຄະແນນ, ອັນດັບ 4 ໃຫຍ່ ໂຕໂຢຕ້າ ແຂ່ງຂັນ 4 ນັດ ຊະນະ 1 ນັດ ສະເຫມີ 1 ນັດ ເສຍ 2 ນັດ ມີ 4 ຄະແນນ, ອັນດັບ 5 ສາລະວັນ ແຂ່ງຂັນ 4 ນັດ ສະເຫມີ 2 ນັດ ເສຍ 2 ນັດ ມີ 2 ຄະແນນ ແລະ ອັນດັບ 6 ໂຮງຫມໍແຂວງ ແຂ່ງຂັນ 4 ນັດ ສະເຫມີ 1 ເສຍ 3 ນັດ ມີ 1 ຄະແນນ.
ສຳລັບສະໂມສອນທີ່ຊະນະເລີດ ການແຂ່ງຂັນບານເຕະ ລາຊາ ສະປອດ ສາລະວັນ ລາວລີກ 2 ປະຈຳປີ 2024 ຈະໄດ້ຮັບສິດເຂົ້າຮ່ວມການແຂ່ງຂັນ ຊິງຂັນພະນະທ່ານ ນາຍົກລັດ ຖະມົນຕີ ແຫ່ງ ສປປ ລາວ ລະດູການ 2024/25 ໃນຖານະສະໂມສອນຊະນະເລີດການແຂ່ງຂັນ ລາວລີກ 2 ເຊິ່ງຈະເລີ່ມການແຂ່ງຂັນໃນທ້າຍປີ 2024 ນີ້.
![News Cover](https://laoff.org.la/storage/news/News_Image_1723625161125.webp)
ສຕລ ຖະແຫລງຂ່າວແຕ່ງຕັ້ງຫົວໜ້າຄູຝຶກທີມຊາດລາວຄົນໃຫມ່ 🇱🇦🇰🇷🤝
ວັນທີ 14 ສິງຫາ 2024 ສະຫະພັນບານເຕະແຫ່ງຊາດລາວ(ສຕລ) ໄດ້ຖະແຫລງຂ່າວການແຕ່ງຕັ້ງ ທ່ານ ຮາ ຮອກ ຈູນ (HA HYEOKJUN) ໄວ 54 ປີ ສັນຊາດ ສ. ເກົາຫລີ ຮັບໜ້າທີ່ເປັນ ຄູຝຶກ ທີມຊາດລາວ ຄົນໃໝ່, ເຊິ່່ງຈະຄຸມທີມຊາດລາວ ຊຸດໃຫຍ່ ແລະ ທີມຊາດລາວ ຮຸ່ນອາຍຸບໍ່ເກີນ 23 ປິ ໂດຍມີ ທ່ານ ວີເພັດ ສີຫາຈັກຣ ປະທານ ສະຫະພັນບານເຕະແຫ່ງຊາດລາວ, ພ້ອມດ້ວຍບັນດາຄູຝຶກ ແລະ ສື່ມວນຊົນ ເຂົ້າຮ່ວມ.
ທ່ານ ວີເພັດ ສີຫາຈັກຣ ໄດ້ກ່າວວ່າ: ທ່ານ ຮາ ຮອກ ຈູນ ( HA HYEOKJUN )ຈະເຮັດຫນ້າທີ່່ ຄຸມທີມຊາດລາວ ຊຸດໃຫຍ່ ແລະ ທີມຊາດລາວ ຮຸ່ນອາຍຸບໍ່ເກີນ 23 ປິ ໄລຍະເວລາ 2 ປິ, ເຊິ່ງເປັນແຜນຍຸດທະສາດໃໝ່ຂອງ ສະຫະພັນບານເຕະແຫ່ງຊາດລາວ ນຳໃຊ້ຄູຝຶກ ສ.ເກົາຫລີ ເປັນຄັ້ງທຳອິດເປັນບາດກ້າວໃໝ່.
ຂະນະທີ່ ທ່ານ ຮາ ຮອກ ຈູນ ໄດ້ກ່າວວ່າ: ກ່ອນອື່ນຫມົດຂ້າພະເຈົ້າຂໍສະແດງຄວາມດີໃຈ ທີ່ໄດ້ຮັບໜ້າທີ່ເປັນຫົວໜ້າຄູຝຶກ ທີມຊາດລາວ ແລະຂໍສັນຍາວ່າຈະທຸ້ມເທທຸກສິ່່ງຢ່າງ ເພື່ອໃຫ້ທີມຊາດລາວປະສົບຜົນສຳເລັດ.
ສຳລັບປະຫວັດ ຂອງ ທ່ານ ຮາ ຮອກ ຈູນ ແມ່ນເກີດ ວັນທີ 27 ມັງກອນ 1970 ເປັນຄົນສັນຊາດ ສ. ເກົາຫລີ, ມີໃບປະກາດ AFC/KFA INSTRUCTOR PRO-LICENSE ທຽບເທົ່າ AFC Professional Diploma ແລະ ມີຜົນງານການຄຸມທີມ ຄື:
- ປີ 2009 – 2011 ເຮັດວຽກຢູ່ທີ່ ສະຫະພັນບານເຕະເກົາຫລີ (KFA)
- ປີ 2012 – 2013 ເປັນຜູ້ຊ່ວຍຄູຝຶກ ທີມຊາດມຽນມາ ຊຸດໃຫຍ່ ແລະ ທີມຊາດມຽນມາ ຮຸ່ນອາຍຸບໍ່ເກີນ 23 ປີ
- ປີ 2015 - 2016 ເປັນຄູຝຶກພາລະກໍາລັງ ສະໂມສອນ BEIJING BEKONG ລີກສູງສຸງ ສປ ຈີນ
- ປິ 2016 - 2017 ເປັນຫົວໜ້າຄູຝຶກ ສະໂມສອນ BEIJING BEKONG ລີກສູງສຸງ ສປ ຈີນ
- ປີ 2017 - 2018 ເປັນຜູ້ຊ່ວຍຄູຝຶກ ສະໂມສອນ SUWON SAMSUNG BLUEWING ລີກສູງສຸດ ສ.ເກົາຫລີ
- ປີ 2019 - 2021 ເປັນຫົວໜ້າຄູຝຶກ ສະໂມສອນ ມະຫາວິທະໄລ DAEGU NATIONAL UNIVERSITY
- ປີ 2023 ເປັນຫົວໜ້າຄູຝຶກ ສະໂມສອນ Resources Capital FC ລີກສູງສຸດ ເຂດປົກຄອງພິເສດຮົງກົງ
ພາລະກິດຫຼັກໃນການມາຄຸມທິມຂອງ ທ່ານຮາ ຮອກ ຈູນ ແມ່ນການກຽມທີມຊາດລາວ ຊຸດໃຫຍ່ ເຂົ້າຮ່ວມການແຂ່ງຂັນ ASEAN Mitsubishi Electric Cup 2024 ແລະ ການແຂ່ງຂັນ AFC Asian Cup 2027 ຮອບຄັດເລືອກ ຮອບ 2.
#LAONATIONALTEAM
#LAOFOOTBALLFEDERATION
#KOREAREPUBLIC
#HAHYEOKJUN
![News Cover](https://laoff.org.la/storage/news/News_Image_1723622781792.webp)
ສຕລ ແຕ່ງຕັ້ງ ຮາ ຮອກ ຈູນ (HA HYEOKJUN) ເປັນຫົວໜ້າຄູຝຶກ ທີມຊາດລາວ ຄົນໃຫມ່
ວັນທີ 14 ສິງຫາ 2024 ສະຫະພັນບານເຕະແຫ່ງຊາດລາວ ໄດ້ຖະແຫລງຂ່າວການແຕ່ງຕັ້ງ ທ່ານ ຮາ ຮອກ ຈູນ (HA HYEOKJUN) ໄວ 54 ປີ ສັນຊາດ ສ. ເກົາຫລີ ຮັບຫນ້າທີ່ເປັນ ຄູຝຶກ ທີມຊາດລາວ ຄົນໃຫມ່ ເຊິ່່ງຈະຄຸມທີມຊາດລາວ ຊຸດໃຫຍ່ ແລະ ທີມຊາດລາວ ຮຸ່ນອາຍຸບໍ່ເກີນ 23 ປິ.
ສຳລັບປະຫວັດ ຂອງ ທ່ານ ຮາ ຮອກ ຈູນ ແມ່ນເກີດ ວັນທີ 27 ມັງກອນ 1970 ເປັນຄົນສັນຊາດ ສ. ເກົາຫລີ, ມີໃບປະກາດ AFC/KFA INSTRUCTOR PRO-LICENSE ທຽບເທົ່າ AFC Professional Diploma ແລະ ມີຜົນງານການຄຸມທີມ ຄື:
- ປີ 2009 – 2011 ເຮັດວຽກຢູ່ທີ່ ສະຫະພັນບານເຕະເກົາຫລີ (KFA)
- ປີ 2012 – 2013 ເປັນຜູ້ຊ່ວຍຄູຝຶກ ທີມຊາດມຽນມາ ຊຸດໃຫຍ່ ແລະ ທີມຊາດມຽນມາ ຮຸ່ນອາຍຸບໍ່ເກີນ 23 ປີ
- ປີ 2015 - 2016 ເປັນຄູຝຶກພາລະກຳລັງ ສະໂມສອນ BEIJING BEKONG ລີກສູງສຸງ ສປ ຈີນ
- ປິ 2016 - 2017 ເປັນຫົວຫນ້າຄູຝຶກ ສະໂມສອນ BEIJING BEKONG ລີກສູງສຸງ ສປ ຈີນ
- ປີ 2017 - 2018 ເປັນຜູ້ຊ່ວຍຄູຝຶກ ສະໂມສອນ SUWON SAMSUNG BLUEWING ລີກສູງສຸດ ສ.ເກົາຫລີ
- ປີ 2019 - 2021 ເປັນຫົວຫນ້າຄູຝຶກ ສະໂມສອນ ມະຫາວິທະໄລ DAEGU NATIONAL UNIVERSITY
- ປີ 2023 ເປັນຫົວຫນ້າຄູຝຶກ ສະໂມສອນ Resources Capital FC ລີກສູງສຸດ ເຂດປົກຄອງພິເສດຮົງກົງ
ພາລະກິດຫຼັກໃນການມາຄຸມທິມຂອງ ທ່ານ ຮາຮຸກຈູນ ແມ່ນການກຽມທີມຊາດລາວ ຊຸດໃຫຍ່ ເຂົ້າຮ່ວມການແຂ່ງຂັນ ASEAN Mitsubishi Electric Cup 2024 ແລະ ການແຂ່ງຂັນ AFC Asian Cup 2027 ຮອບຄັດເລືອກ ຮອບ 2.
#LAONATIONALTEAM
#LAOFOOTBALLFEDERATION
#KOREAREPUBLIC
#HAHYEOKJUN
![News Cover](https://laoff.org.la/storage/news/News_Image_1723449156513.webp)
ເປີດຮັບສະໝັກຜູ້ເຂົ້າຮ່ວມຝຶກອົບຮົມຄູຝຶກຜູ້ຮັກສາປະຕູບານເຕະລະດັບ 2 AFC Goalkeeping B DIPLOMA ( Level 2 )
ເປີດຮັບສະໝັກຜູ້ເຂົ້າຮ່ວມຝຶກອົບຮົມຄູຝຶກຜູ້ຮັກສາປະຕູບານເຕະລະດັບ 2
AFC Goalkeeping B DIPLOMA ( Level 2 )
ສະຫະພັນບານເຕະແຫ່ງຊາດລາວ(ສຕລ) ຂໍຖືເປັນກຽດແຈ້ງມາຍັງບັນດາສະຫະພັນບານເຕະແຂວງ, ສະໂມສອນກິລາບານເຕະ ທີ່ເປັນສະມາຊິກຂອງ ສຕລ ຊາບວ່າ: ສຕລຈະໄດ້ເປີດຮັບສະໝັກຜູ້ສົນໃຈເຂົ້າຮ່ວມຝຶກອົບຮົມຄູຝຶກຜູ້ຮັກສາປະຕູບານເຕະ ລະດັບ 2. ຝຶກສອນໂດຍວິທະຍາກອນທິ່ໄດ້ຖືກຮັບຮອງຈາກ ສະຫະພັນບານເຕະອາຊີ (AFC), ມາຮອດປັດຈຸບັນ ມີບັນດາຄູຝຶກທີ່ຜ່ານການຝຶກອົບຮົມຄູຝຶກຜູ້ຮັກສາປະຕູທີ່ຜ່ານລະດັບ 1 ຫລື Level 1 ມີທັງຫມົດ 33 ທ່ານ ເປັນຍິງ 2ທ່ານ.
ຜູ້ເຂົ້າຮ່ວມຕ້ອງມີເງື່ອນໄຂດັ່ງລຸ່ມນີ້:
#ກຳນົດການ
- ວັນເວລາການຝຶກອົບຮົມ: ລະຫວ່າງວັນທີ 13-25 ພະຈິກ 2024
- ປິດຮັບສະໝັກ ວັນທີ 01 ຕຸລາ 2024 ເພື່ອໃຫ້ ສຕລ ລົງທະບຽນຜ່ານລະບົບຂອງສະຫະພັນບານເຕະອາຊີ (AFC)
#ສະຖານທີ່
- ສຳນັກງານໃຫຍ່ ສຕລ (ບ້ານຫ້ວຍຫົງ) ນະຄອນຫຼວງວຽງຈັນ, ສປປ ລາວ
#ເງື່ອນໄຂ:
- ຕ້ອງຈົບ ຄູຝຶກຜູ້ຮັກສາປະຕູລະດັບ 1 ຢ່າງຫນ້ອຍ 1 ປີ
- ການຍື່ນສະໝັກຕ້ອງມີ: ຟອມສະໝັກຂອງ ສຕລ, ກ໋ອບປີ້ສີ ບັດປະຈໍາຕົວ, ປື້ມໜັງສືຜ່ານແດນ(ປາສະປໍ) ແລະ ຮູບສີ 1ໃບ.
- ຜູ້ເຂົ້າຮ່ວມຕ້ອງມີໃບປະກາດຄູຝຶກບານເຕະລະດັບ ຊີ(C) ຂື້ນໄປຈື່ງສາມາດເຂົ້າຮ່ວມການຝຶກອົບຮົມໄດ້.
- ໃນເວລາມາຍື່ນໃບສະໝັກເຂົ້າຮ່ວມຝຶກອົບຮົມຕ້ອງຈ່າຍຄ່າລົງທະບຽນພ້ອມ
• ຄົນລາວ 1.500.000ກີບ / ທ່ານ
• ຄົນຕ່າງປະເທດ 1000 ໂດລາ(USD) / ທ່ານ
- ຜູ້ສະໝັກເຂົ້າຮ່ວມຝຶກອົບຮົມຕ້ອງມີອາຍຸ 18ປີຂື້ນໄປ.
- ຮັບປະກັນຄວາມພ້ອມຂອງຮ່າງກາຍຕະຫຼອດໄລຍະການຝຶກອົບຮົມ.
- ຕ້ອງປະຕິບັດຕາມກົດລະບຽບການຝຶກອົບຮົມຂອງAFCວາງອອກຢ່າງເຂັ້ມງວດ.
#ຄວາມຮັບຜິດຊອບຂອງ ສຕລ:
- ສະຖານທີ່ການຝຶກອົບຮົມ (ຫ້ອງຮຽນ ແລະ ສະໜາມຝຶກແອບ).
- ອຸປະກອນຮັບໃຊ້, ເຄື່ອງນຸ່ງສໍາລັບການຝຶກອົບຮົມ
- ອາຫານຫວ່າງ, ນໍ້າດື່ມ ແລະ ນໍ້າກ້ອນ ຮັບໃຊ້ການຝຶກອົບຮົມ.
# ຄວາມຮັບຜິດຊອບຂອງຜູ້ເຂົ້າຮ່ວມຝຶກອົບຮົມ:
- ການເດີນທາງໄປ-ກັບ.
- ບ່ອນພັກເຊົາຕະຫຼອດໄລຍະການຝຶກອົບຮົມ.
- ເກີບສຳລັບເຕະບານ ແລະ ອຸປະກອນຮັບໃຊ້ສ່ວນຕົວ.
- ຖ້າຜູ້ເຂົ້າຮ່ວມນຳເອົາຄອມພິວເຕີໂນ໋ດບຸກ, USB ມາດ້ວຍຍິ່ງຈະເປັນການດີເພື່ອນໍາໃຊ້ເຂົ້າໃນການຝຶກອົບຮົມ.
ໝາຍເຫດ:
#ກະລຸນາສົ່ງລາຍຊື່ ແລະ ແບບຟອມສະໝັກເຂົ້າຮ່ວມການຝຶກອົບຮົມໃຫ້ ສຕລ ກ່ອນວັນປິດ
ຮັບສະໝັກ ວັນທີ 01/10/2024 ເພື່ອລົງທະບຽນ ກັບ AFC.
- ຜູ້ທີ່ຜ່ານການຄັດເລືອກເທົ່ານັ້ນຈິ່ງຈະສາມາດເຂົ້າຮ່ວມການຝຶກອົບຮົມໄດ້, ໂດຍອີງໃສ່ເງື່ອນໄຂ ແລະ ຄຸນສົມບັດຂອງຜູ້ສະໝັກ. (ສຕລ ຈະແຈ້ງໃຫ້ຮັບຊາບຜູ້ທີ່ຜ່ານການຄັດເລືອກ)
- ຜູ້ສະໝັກທີ່ສົ່ງແບບຟອມເຂົ້າຮ່ວມຫຼັງຈາກວັນທີປິດຮັບແລ້ວແມ່ນຈະບໍ່ໄດ້ຮັບການພິຈາລະນາໃນການເຂົ້າຮ່ວມຝຶກອົບຮົມ.
ຕິດຕໍ່ສອບຖາມຂໍ້ມູນໄດ້ທີ່ ເບີໂທ:
ເບີໂທ: 020 51109530
ທ່ານ ນາງ ບຸນມີ ສົມພະສິດ (ຜູ້ປະສານງານ)
Email: [email protected]
![News Cover](https://laoff.org.la/storage/news/News_Image_1722495276368.webp)
ຄູຝຶກ ຄົນລາວ 11 ທ່ານ ສອບເສັງຜ່ານຄູຝຶກ ລະດັບ A
ສະຫະພັນບານເຕະແຫ່ງຊາດລາວ(ສຕລ) ໄດ້ປະກາດຜົນການຝຶກອົບຮົມຄູຝຶກກິລາບານເຕະລະດັບ “A”(LFF/AFC “A” Diploma Coaching Course 2023/2024)ຄັ້ງທີ 2 ຂື້ນໃນວັນທີ30 ກໍລະກົດ 2024 ທີ່ຜ່ານມາ ໂດຍມີຄູຝຶກຄົນລາວ 11 ທ່ານສາມາດສອບເສັງຜ່ານ ດັ່ງມີລາຍຊື່ລຸ່ມນີ້:
1. ທ່ານ ບຸນມາ ປະຖໍາມະວົງ ຈາກ ສະໂມສອນ ມາສດ້າ ຈີບີ
2. ທ່ານ ຄໍາໃສ ຈັນທະວົງ ຈາກ ສະໂມສອນ ຄໍາໃສ ອະຄາເດີມີ
3. ທ່ານ ວົງມີໄຊ ສຸບົວຄໍາ ຈາກ ສະຫະພັນບານເຕະແຫ່ງຊາດລາວ
4. ທ່ານ ພຸດປະສົງ ແສງດາລາວົງ ຈາກ ສະໂມສອນ ຊ້າງນ້ອຍ
5. ທ່ານ ສຸກ ວົງວີມານ ຈາກ ສະໂມສອນ ສະຫວັນ ຢູໄນເຕັດ
6. ທ່ານ ວຽງສະຫວັນ ໄຊຍະບູນ ຈາກ ສະໂມສອນ ກອງທັບ
7. ທ່ານ ບຸນລັບ ເຄນກິຕິສັກ ຈາກ ສະໂມສອນ ວຽງຈັນ ເອຟທີ
8. ທ່ານ ກັນລະຍາ ສີສົມຫວັງ ຈາກ ສະຫະພັນບານເຕະແຫ່ງຊາດລາວ
9. ທ່ານ ພູເພັດ ສານຸວົງ ຈາກ ສະຫະພັນບານເຕະແຂວງຄໍາມ່ວນ
10. ທ່ານ ໂອເລ້ ບູສະອາດ ຈາກ ສະໂມສອນ ມາສດ້າ ຈີບີ
11. ທ່ານ ພູມປັນຍາ ໄຊຊະນະວົງເພັດ ຈາກ ສະໂມສອນ ມາສດ້າ ຈີບີ.
ກ່ອນນັ້ນສປປລາວມີຄູຝຶກລະດັບ Aມາແລ້ວ7ທ່ານຄືທ່ານ ວາລະກອນ ພົມພັກດີ, ທ່ານ ໂກວັນ ນາມທະວີໄຊ, ທ່ານ ນ.ພອນທິບ ແສງມະນີ, ທ່ານ ຈັນດາລາພອນ ລຽບວິໄຊ, ທ່ານ ສົມສັກ ແກ້ວດາລາ, ທ່ານ ເວີນສະຫວັນ ສີວິໄຊ ແລະ ທ່ານ ນ. ດອນສະຫວັນ ໄຊຍະສົມບັດ,ບວກໃສ່ອີກຄັ້ງນີ້ໄດ້ເພີ່ມຕື່ມອີກ11ທ່ານລວມເປັນທັງໝົດ18ທ່ານ.
ການຝຶກອົບຮົມຄູຝຶກໃນຄັ້ງນີ້ແມ່ນໄດ້ຮັບການຮັບຮອງຈາກສະຫະພັນບານເຕະອາຊີ ຫຼື AFC ຮ່ວມກັບ ສຕລ, ການຮຽນຄູຝຶກກິລາບານເຕະລະດັບ “A” ແມ່ນໄດ້ແບ່ງເປັນ 6 ໄລຍະໃນການຮຽນ ເຊິ່ງໃຊ້ເວລາໃນການຮຽນ 1 ປີ.
![News Cover](https://laoff.org.la/storage/news/News_Image_1722415699792.webp)
ຄະນະນໍາ ສຕລ ເຂົ້າຢ້ຽມຢາມ ສີສະຫວາດ ແກ້ວມຸງຄຸນພາຍຫຼັງເຂົ້າຮັບການຜ່າຕັດເອັນໄຂວ່ຫນ້າຫົວເຂົ່າ
ຕອນເຊົ້າ ວັນທີ 31 ກໍລະກົດ 2024 ທ່ານ ພັນໂທ ຖາວອນ ຫຼວງຈັນດາວົງ ຄະນະບໍລິຫານງານສະຫະພັນບານເຕະແຫ່ງຊາດລາວ(ສຕລ), ຫົວໜ້າຄະນະທີມຊາດລາວU19 ພອ້ມດວ້ຍທ່ານ ຄໍລະເດດ ພອນພະຈັນ ຄະນະບໍລິຫານງານ ສຕລ, ຮອງຫົວໜ້າຄະນະທີມຊາດລາວU19ແລະທີມງານຄູຝຶກໄດ້ໄປຢ້ຽມຢາມ, ຕິດຕາມອາການ ແລະໃຫ້ກໍາລັງໃຈ ທ້າວສີສະຫວາດ ແກ້ວມຸງຄຸນ ກອງຫຼັງ ທີມຊາດລາວ U19 ພາຍຫຼັງໄດ້ເຂົ້າຮັບການຜ່າຕັດເອັນໄຂວ່ຫນ້າຫົວເຂົ່າ ທີ່ໂຮງໝໍມິດຕະພາບ 150 ຕຽງ.
ທ້າວສີສະຫວາດ ແກ້ວມຸງຄຸນ ກອງຫຼັງທິມຊາດລາວສັງກັດ ສະໂມສອນ ບານເຕະ ນໍ້າທາ ຢູໄນເຕັດ ໄດ້ເຂົ້າຮັບການຜ່າຕັດເອັນໄຂ່ວໜ້າຫົວເຂົ່າຈີກຂາດ ໃນວັນທີ 29 ກໍລະກົດ 2024 ທີ່ໂຮງຫມໍມິດຕະພາບ 150 ຕຽງ ພາຍຫຼັງໄດ້ຮັບການບາດເຈັບຈາກການຮັບໃຊ້ທີມຊາດລາວ U19 ທີ່ເຂົ້າຮ່ວມການແຂ່ງຂັນບານເຕະ ຊີງແຊ້ມອາຊຽນ U19 ປີ 2024 ທີ່ປະເທດອິນໂດເນເຊຍຜ່ານມາ.ປະຈຸບັນຢູ່ໃນໄລຍະພັກຟື້ນຮ່າງກາຍທີ່ໂຮງໝໍ ມິດຕະພາບ 150 ຕຽງ ຄາດວ່າວັນທີ 1 ສິງຫາ 2024 ກໍ່ຈະສາມາດອອກໂຮງໝໍແລະກັບໄປພັກຜ່ອນທີ່ເຮືອນໄດ້.
ສໍາລັບຄ່າໃຊ້ຈ່າຍໃນການປິ່ນປົວ ແລະ ໃນໄລຍະບໍາບັດໃນຄັ້ງນີ້ ແມ່ນສຕລຮັບຜິດຊອບທັງໝົດ.ສຕລ ຂໍອວຍພອນໃຫ້ ທ້າວສີສະຫວາດຈົ່ງຫາຍຈາກອາການບາດເຈັບຄັ້ງນີ້ໂດຍໄວ.
![News Cover](https://laoff.org.la/storage/news/News_Image_1722253952284.webp)
ສີສະຫວາດ ແກ້ວມຸງຄຸນ ກອງຫຼັງ ທີມຊາດລາວ U19 ເຂົ້າຮັບການຜ່າຕັດເອັນໄຂວ່ຫນ້າຫົວເຂົ່າ
ວັນທີ 29 ກໍລະກົດ 2024, ສີສະຫວາດ ແກ້ວມຸງຄຸນ ກອງຫຼັງ ທີມຊາດລາວຮຸ່ນອາຍຸບໍ່ເກີນ 19 ປີ(U19) ສັງກັດ ສະໂມສອນ ບານເຕະ ນໍ້າທາ ຢູໄນເຕັດ ໄດ້ເຂົ້າຮັບການຜ່າຕັດເອັນໄຂ່ວໜ້າຫົວເຂົ່າຈີກຂາດ ທີ່ໂຮງຫມໍມິດຕະພາບ 150 ຕຽງ ພາຍຫຼັງໄດ້ຮັບການບາດເຈັບຈາກການຮັບໃຊ້ທີມຊາດລາວ U19 ທີ່ເຂົ້າຮ່ວມການແຂ່ງຂັນບານເຕະ ຊີງແຊ້ມອາຊຽນ U19 ປີ 2024 ທີ່ປະເທດອິນໂດເນເຊຍ ໃນອາທິດຜ່ານມາ.
ສໍາລັບຄ່າໃຊ້ຈ່າຍໃນການປິ່ນປົວ ແລະ ໃນໄລຍະບໍາບັດໃນຄັ້ງນີ້ ແມ່ນສະຫະພັນບານເຕະແຫ່ງຊາດລາວ ຮັບຜິດຊອບທັງໝົດ.
ສຕລ ຂໍອວຍພອນໃຫ້ ສີສະຫວາດ ຫາຍຈາກອາການບາດເຈັບຄັ້ງນີ້ໂດຍໄວ.
![News Cover](https://laoff.org.la/storage/news/News_Image_1722177421790.webp)
ຈຳປາສັກ ຄວ້າແຊ້ມ ການແຂ່ງຂັນບານເຕະເຍົາວະຊົນ U16 ຊີງຂັນ ສຕລ ປະຈຳປີ 2024
ສະຫະພັນບານເຕະແຫ່ງຊາດລາວ(ສຕລ) ໄດ້ສຳເລັດການແຂ່ງຂັນກິລາບານເຕະເຍົາວະຊົນຮຸ່ນອາຍຸບໍ່ເກີນ16ປີ ຫຼື U16 (LFF U-16 CHAMPIONSHIP 2024) ຂື້ນເມື່ອ ວັນທີ 28 ກໍລະກົດ 2024 ນີ້ພາຍຫຼັງດໍາເນີການແຂ່ງຂັນມາແຕ່ວັນທີ 01 ມິຖຸນາ 2024.
ການແຂ່ງຂັນບານເຕະເຍົາວະຊົນ ຮຸ່ນອາຍຸບໍ່ເກີນ 16 ປີ ຊີງຂັນ ສະຫະພັນບານເຕະແຫ່ງຊາດລາວ ປະຈຳປີ 2024 LFF U-16 CHAMPIONSHIP 2024 ມີ 10 ທີມເຂົ້າຮ່ວມການແຂ່ງຂັນ ປະກອບມີ:
1. ຈຳປາສັກ
2. ເອສະຣາ
3. ມາສເຕີ້ ເຊເວັ້ນ
4. ນໍ້າທາ ຢູໄນເຕັດ
5. ທີບີ ບໍ່ແກ້ວ
6. ຊ້າງນ້ອຍ
7. ຫຼວງພະບາງ
8. ມາສດ້າ ຈີບີ
9. ກອງທັບ
10. ວຽງຈັນ
ຮູບແບບການແຂ່ງຂັນແມ່ນແຂ່ງຂັນແບບພົບກັນຫມົດ 1 ຮອບ ເພື່ອສະສົມຄະແນນ, ເອົາອັນດັບ 1-4 ເຂົ້າຮອບຮອງຊະນະເລີດ ( SEMI FINAL ) ແລ້ວຈັບສະຫລາກປະກົບຄູ່ເຕະເສຍຄັດອອກ ( Knock - Out ), ທີມຊະນະເຂົ້າໄປຮອບຊີງຊະນະເລີດ ສ່ວນທີມທີ່ເສຍແມ່ນຊີງອັນດັບ 3. ຜົນການແຂ່ງຂັນນັດຊີງຊະນະເລີດ ຈໍາປາສັກ ເອົາຊະນະ ເອສະຣາ 6 -1 ຄວ້າແຊ໋ມໄປຄອງ ໄດ້ຮັບຂັນ ພ້ອມເງິນລາງວັນ 50 ລ້ານກີບ ແລະ ຫຼຽນລາງວັນ, ອັນດັບທີ 2 ສະໂມສອນ ເອສະຣາ ໄດ້ຮັບເງິນລາງວັນ 25 ລ້ານກີບ ແລະ ຫຼຽນລາງວັນ, ສ່ວນອັນດັບ 3 ຕົກເປັນຂອງ ມາສເຕີ້ ເຊເວັ້ນ ໄດ້ຮັບເງິນລາງວັນ 15 ລ້ານກີບ ພ້ອມຫຼຽນລາງວັນ. ຂະນະທີ່ ລາງວັນຄູຝຶກດີເດັ່ນເປັນຂອງ ທ່ານ ທົດສະກັນ ພົມມະຄູນ ຈາກ ສະໂມສອນ ບານເຕະ ຈຳປາສັກ , ລາງວັນນັກກີລາດີເດັ່ນ ບິນລີ້ ໂດນສະໜູພິດ ສະໂມສອນ ເອສະຣາ , ລາງວັນນັກເຕະຍິງປະຕູສູງສຸດ ຊີການດາ ໄຊສົງຄາມ ຈາກສະໂມສອນ ຈຳປາສັກ ຍິງໄດ້ 19 ປະຕູ ແລະ ລາງວັນຜູ້ຮັກສາປະຕູດີເດັ່ນ ເປັນຂອງ ທິດສາຄອນ ສຳລີວົງຫວັດ ຈາກ ສະໂມສອນ ບານເຕະ ຈຳປາສັກ. ເຂົ້າຮ່ວມພິທີປິດມີ ທ່ານ ຄຳໄພ ປຣະເສີດ ຮອງປະທານ ສະຫະພັນບານເຕະແຫ່ງຊາດລາວ ພ້ອມດ້ວຍບັນດາຄະນະບໍລິຫານງານ ສະຫະພັນບານເຕະແຫ່ງຊາດລາວ, ທ່ານ ທິດຕະວັນ ວັນນະຈັກ ຜູ້ອຳນວຍການຮ້ານຂາຍເຄື່ອງກິລາ LIFE FOOTBALL ແລະ ທ່ານ ວິລະພອນ ວັງວິລະຈິດ ຕາງຫນ້າບໍລິສັດ ລາວໂທລະຄົມ ມະຫາຊົນ.
![News Cover](https://laoff.org.la/storage/news/News_Image_1722158253255.webp)
ປິ່ນແກ້ວ 2010 ຄວ້າແຊ້ມ ການແຂ່ງຂັນລາວໂຕໂຢຕ້າພາກໃຕ້ຈໍາປາສັກ ລາວລີກ 2 ປະຈໍາປີ 2024
ການແຂ່ງຂັນກິລາບານເຕະລາວ ໂຕໂຢຕ້າ ພາກໃຕ້ ຈໍາປາສັກ ລາວລີກ 2 ປະຈໍາປີ 2024 ທີ່ດຳເນີນມາແຕ່ວັນທີ 18 ພຶດສະພາ 2024ໄດ້ຈັດພິທີປິດຢ່າງເປັນທາງການໃນ ວັນທີ 27 ກໍລະກົດ 2024 ທີ່ສະຫນາມກິລາແຂວງຈໍາປາສັກ. ການແຂ່ງຂັນຄັ້ງນີ້ມີ 6 ສະໂມສອນເຂົ້າຮ່ວມຄື:ສະໂມສອນກິລາບານເຕະທະຫານແຂວງຈໍາປາສັກ, ສະໂມສອນກິລາບານເຕະລະບຽງພູ, ສະໂມສອນກິລາບານເຕະ ປ.ກ.ສ ແຂວງຈໍາປາສັກ, ສະໂມສອນກິລາບານເຕະສີລາເພັດ, ສະໂມສອນກິລາບານເຕະປິ່ນແກ້ວ 2010 ແລະ ສະໂມສອນກິລາບານເຕະບຸ່ງອຸດົມ.
ສະຫລຸບ ຕາຕະລາງ ການແຂ່ງຂັນ ອັນດັບ 1 ປິ່ນແກ້ວ ລົງສະຫນາມ 10 ນັດ ຊະນະ 9 ນັດ ສະເຫມີ 1ນັດມີ 28 ຄະແນນ ໄດ້ຮັບຂັນ, ຫລຽນ ແລະ ເງິນຈໍານວນ 10 ລ້ານກີບ, ອັນດັບ 2 ທະຫານແຂວງຈໍາປາສັກ ລົງສະຫນາມ 10 ນັດ ຊະນະ 7 ນັດ ເສຍ 3 ນັດ ມີ 21 ຄະແນນ ໄດ້ຮັບຫລຽນ ແລະ ເງິນຈໍານວນ 6 ລ້ານກີບ, ອັນດັບ 3ລະບຽງພູ ລົງສະຫນາມ 10 ນັດ ຊະນະ 6 ນັດ ສະເຫມີ 1 ນັດ ເສຍ 3 ນັດ ມີ 19 ຄະແນນ ໄດ້ຮັບຫລຽນ ແລະ ເງິນຈຳນວນ 3 ລ້ານກີບ, ອັນດັບ 4 ປກສແຂວງຈຳປາສັກ ລົງສະຫນາມ 10 ນັດ ຊະນະ 4 ນັດ ເສຍ 6 ນັດ ມີ 12 ຄະແນນ, ອັນດັບ 5 ບຸ່ງອຸດົມ ລົງສະຫນາມ 9 ນັດ ຊະນະ 3 ນັດ ເສຍ 7 ນັດ ມີ 9 ຄະແນນ ແລະ ອັນດັບສຸດທ້າຍ ສີລາເພັດ ລົງສະຫນາມ 9 ນັດ ເສຍ 10 ນັດ ມີ 0 ຄະແນນ ຂະນະທີ່ ຜູ້ຍິງປະຕູສູງສຸດ ອັນດັບ 1 ມັງກອນ ວົງສະຫວັດ ຈາກ ທະຫານແຂວງຈຳປາສັກ ຍິງໄດ້ 11 ປະຕູ ໄດ້ຮັບເງິນ 1 ລ້ານກີບ.
ສະໂມສອນບານເຕະ ປິ່ນແກ້ວ 2010 ຍັງໄດ້ຮັບສິດເຂົ້າຮ່ວມການແຂ່ງຂັນ ຊິງຂັນພະນະທ່ານ ນາຍົກລັດຖະມົນຕີ ແຫ່ງ ສປປ ລາວ ລະດູການ 2024/25 ໃນຖານະສະໂມສອນຊະນະເລີດການແຂ່ງຂັນ ລາວລີກ 2 ເຊິ່ງຈະເລີ່ມການແຂ່ງຂັນໃນທ້າຍປີ 2024 ນີ້ ໂດຍຈະເປັນສະໂມສອນທີ 2 ຈາກແຂວງຈໍາປາສັກ ຕໍ່ຈາກສະໂມສອນບານເຕະຈໍາປາສັກ ທີ່ໄດ້ສິດເຂົ້າຮ່ວມລາຍການດັ່ງກ່າວ ໃນນາມສະໂມສອນໃນການແຂ່ງຂັນ ເປບຊີ ລາວລີກ 1.
ເຂົ້າຮ່ວມພິທີປິດ ມີ ທ່ານ ອາລຸນໄຊ ສູນນະລາດ ກຳມະການສູນກາງພັກ, ເລຂາພັກແຂວງ, ເຈົ້າແຂວງຈໍາປາສັກ,ທ່ານ ສາຍທອງ ໄຊຍະວົງ ຮອງເລຂາພັກແຂວງ, ປະທານຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 15 ທັງເປັນປະທານສະພາປະຊາຊົນແຂວງຈໍາປາສັກ ພ້ອມດ້ວຍບັນດາທ່ານການນໍາຂັ້ນສູງຂອງແຂວງ, ພະນັກງານ-ລັດຖະກອນ, ທະຫານ-ຕໍາຫຼວດ ຈາກບັນດາພະແນກການ-ກົມກອງ ແລະ ອົງການທຽບເທົ່າຂັ້ນແຂວງ, ຄະນະຄູຝຶກ-ນັກກິລາ ແລະແຟນບານເຂົ້າຮ່ວມ ຈໍານວນຫຼາຍກວ່າ 1,500 ຄົນ. ຄະນະຮັບຜິດຊອບຈັດການແຂ່ງຂັນລາຍງານໃຫ້ຮູ້ວ່າ:ຈຸດປະສົງຂອງການຈັດການແຂ່ງຂັນຄັ້ງນີ້ກໍ່ເພື່ອປະຕິບັດຕາມແຜນການເຄື່ອນໄຫວຂອງສະຫະພັນບານເຕະແຫ່ງຊາດລາວ ປະຈຳປີ 2024,ທັງເປັນການສ້າງຂະບວນການຕ້ອນ ຮັບວັນສໍາຄັນຕ່າງໆຂອງພັກ, ຂອງຊາດ ໂດຍສະເພາະຕ້ອນຮັບກອງປະຊຸມສາມຂັ້ນຂອງແຂວງຈໍາປາສັກ ໃຫ້ມີບັນ ຍາກາດ ແລະ ຂະບວນການຟົດຟື້ນ ແລະເພື່ອເປັນການຄັດເລືອກໃຫ້ໄດ້ນັກກິລາທີ່ມີຄວາມສາມາດ ເຂົ້າຮັບໃຊ້ແຂວງ ແລະ ທິມຊາດລາວ.ພ້ອມນັ້ນທ່ານຍັງໄດ້ເນັ້ນໃຫ້ບັນດາສະໂມສອນຕະຫຼອດຄະນະຈັດການແຂ່ງຂັນຈົ່ງພ້ອມກັນເອົາໃຈໃສ່ ແລະ ເຮັດສໍາເລັດໜ້າທີ່ຄວາມຮັບຜິດຊອບ,ໂດຍສະເພາະນັກກິລາ ຈົ່ງພ້ອມກັນຕັ້ງໜ້າ ແລະ ເອົາໃຈໃສ່ ຝຶກແອັບຕົນເອງເພື່ອສະແດງໃຫ້ເຫັນເຖິງຄວາມສາມາດໃນການເຂົ້າຮ່ວມການແຂ່ງຂັນລາຍການດັ່ງກ່າວສາມາດຕໍ່ຍອດ ນໍາພາຕົນເອງກ້າວໄປສູ່ການເປັນນັກກິລາອາຊີບ ແລະ ຮັບໃຊ້ຊາດ.
![News Cover](https://laoff.org.la/storage/news/News_Image_1722157712409.webp)
ສະຫວັນ ຢູໄນເຕັດເປັນທີມນຳ ຕາຕະລາງ ຄະແນນ ລີກ 2 ແຂວງສະຫວັນນະເຂດ ຮອບຂາໄປ
ການແຂ່ງຂັນກິລາເຕະບານລາວລີກ 2 ປະຈໍາປີ 2024 ແມ່ນໄດ້ດຳເນີນການແຂ່ງຂັນ ນັບຕັ້ງແຕ່ວັນທີ 8 ມິຖຸນາ 2024 ເປັນຕົ້ນມາທີ່ສະໜາມກິລາແຂວງສະຫວັນນະເຂດ (ຫຼັກ 4) ໂດຍມີ 8 ທີມເຂົ້າຮ່ວມຊີງໄຊ ປະກອບມີເຮືອເຫຼັກ ເອັບຊີ, ສະຫວັນ ຢູໄນເຕັດ, ໂພໄຊນ້ອຍ, ຮາຢີນາ, ມະຫາວິທະຍາໄລສະຫວັນນະເຂດ, ເຊໂນ, ອີໂວ້ ແລະ ດັກວູ໋ບ. ສະຫລຸບຕາຕະລາງ ຄະແນນ ຮອບຂາໄປ ສະຫວັນ ຢູໄນເຕັດ ລົງສະຫນາມ 7 ນັດ ຊະນະ 6 ນັດ ເສຍ 1 ນັດ ມີ 18 ຄະແນນ, ອັນດັບ 2 ເຮືອເຫລັກ ລົງສະຫນາມ 7 ນັດ ຊະນະ 6 ນັດ ເສຍ 1 ນັດ ມີ 18 ຄະແນນ, ອັນດັບ 3 ອີໂວ ລົງສະຫນາມ 7 ນັດ ຊະນະ 5 ນັດ ເສຍ 2 ນັດ ມີ 15 ຄະແນນ, ອັນດັບ 4 ເຊໂນ ລົງສະຫນາມ 7 ນັດ ຊະນະ 3 ນັດ ສະເຫມີ 1 ນັດ ເສຍ 3 ນັດ ມີ 10 ຄະແນນ, ອັນດັບ 5 ດັກວຸ໋ບ ລົງສະຫນາມ 7 ນັດ ຊະນະ 2 ນັດ ສະເຫມີ 2 ນັດ ເສຍ 3 ນັດ ມີ 8 ຄະແນນ, ອັນດັບ 6 ໂພໄຊນ້ອຍ ລົງສະຫນາມ 7 ນັດ ຊະນະ 1 ນັດ ສະເຫມີ 2 ນັດ ເສຍ 4 ນັດ ມີ 5 ຄະແນນ, ອັນດັບ 7 ຮາຢີນາ ລົງສະຫນາມ 7 ນັດ ສະເຫມີ 4 ນັດ ເສຍ 3 ນັດ ມີ 4 ຄະແນນ ແລະ ອັນດັບ ສຸດທ້າຍ ມະຫາວິທະຍາໄລສະຫວັນນະເຂດ ລົງສະຫນາມ 7 ນັດ ສະເຫມີ 1 ນັດ ເສຍ 6 ນັດ ມີ 1 ຄະແນນ. ໃນຂະນະ ທີ່ນັກເຕະທີ່ຍິງປະຕູສູງສຸດອັນດັບ 1 ໄດ້ແກ່ຈິດຕະກອນ ວໍລະເດດ ຈາກ ສະຫວັນ ຢູໄນເຕັດ ຍິງໄດ້ 9 ປະຕູ ແລະ ອັນດັບ 2 ສຸລິສັກ ຈາກ ອີໂວ ຍິງໄດ້ 8 ປະຕູ. ສຳລັບຕາຕະລາງການແຂ່ງຂັນຮອບຂາກັບແມ່ນຈະແຂ່ງຂັນໃນວັນທີ 27 ກໍລະກົດ 2024 ເວລາ 14:00 ດັກວຸ໋ບ ພົບ ເຮືອເຫຼັກ , ເວລາ 16:30 ອີໂວ ພົບ ສະຫວັນ ຢູໄນເຕັດ ແລະ ວັນອາທິດ 28 ກໍລະກົດ 2024 ເວລາ 14:00 ເຊໂນ ພົບ ໂພໄຊນ້ອຍ ແລະ ເວລາ 16:30 ມະຫາວິທະຍາໄລສະຫວັນນະເຂດ ພົບ ຮາຍີນາ ທຸກໆຄູ່ແມ່ນແຂ່ງຂັນຢູ່ທີ່ສະຫນາມກິລາແຂວງສະຫວັນນະເຂດ.