ການແຂ່ງຂັນເຕະບານ ລາວລີກ 2 ແຂວງສະຫວັນນະເຂດ ປະຈຳປີ 2023 ເພື່ອຊີງຂັນປະທານສະຫະພັນບານເຕະແຂວງສະຫວັນນະເຂດປະຈໍາປີ 2023ນັດສຸດທ້າຍ ວັນທີ 12-13 ສິງຫາ2023 ສະໂມສອນບານເຕະ ດາຣກວູຟ ເອົາຊະນະ ລີລາວະດີ ສອງຄອນ 7-3, ໄຮຢີນ້າ ເສຍໃຫ້ ອານັນ ອາໄຫຼ່ 2-6 ແລະ ໂພໄຊນ້ອຍ ເສຍໃຫ້ ສະຫວັນ ຢູໄນເຕັດ 0-2.

ສະຫລຸບຕາຕະລາງຄະແນນ ແຂ່ງຄົບ 10 ນັດ ອັນດັບ 1ກໍຄືທິມຊະນະເລີດເປັນຂອງສະໂມສອນສະຫວັນ ຢູໂນເຕັດ ມີ 23 ຄະແນນ ຄວ້າແຊ້ມຮັບຂັນປະທານ ສຕຂ ພ້ອມເງິນລາງວັນ 12,000,000 ກີບ, ອັນດັບ 2 ອານັນ ອາໄຫຼ່ ມີ 22 ຄະແນນ ຮອງແຊ້ມ ຮັບເງິນລາງວັນ 10,000,000 ກີບ, ອັນດັບ 3 ດາຣກວູຟ ມີ 16 ຄະແນນ, ອັນດັບ 4 ໂພໄຊນ້ອຍ ມີ 11 ຄະແນນ, ອັນດັບ 5 ລີລາວະດີ ສອງຄອນ ມີ 9 ຄະແນນ ແລະ ອັນດັບສຸດທ້າຍ ໄຮຢີນ້າ ມີ 4 ຄະແນນ.

ຂະນະທີ່ລາງວັນອື່ນໆມີຄື: ດວງໄຊ ໄຊສົມແພງ ຈາກ ດາຣກວູຟ ຄວ້າລາງວັນນັກເຕະດີເດັ່ນ ພ້ອມທັງ ດາວຍິງສູງສຸດ ຍິງ 13 ປະຕູ ຮັບເງິນລາງວັນ ລາງວັນລະ 1,000,000 ກີບ, ວາດສະໜາ ແກ້ວສະຫວັນ ຜູ້ຮັກສາປະຕູຈາກ ສະຫວັນ ຢູໄນເຕັດ ຮັບເງິນລາງວັນຜູ້ຮັກສາປະຕູດີເດັ່ນ1,000,000 ກີບ ແລະ ລາງວັນຄູຝຶກດີເດັ່ນ ຄູຝຶກຈາກ ສະຫວັນ ຢູໄນເຕັດ ຮັບເງິນລາງວັນ 1,000,000 ກີບ.

ໃຫ້ກຽດມອບລາງວັນໂດຍ ທ່ານ ປອ ສຸກສົມພອນ ອະໂນໄທ ຫົວໜ້າພະແນກສຶກສາທິການ ແລະ ກິລາແຂວງສະຫວັນນະເຂດ, ໂດຍມີ ທ່ານ ຈັນທະວົງ ສີລິມະໂນທໍາ ຮອງເລຂາທິການ ສະຫະພັນບານເຕະແຫ່ງຊາດລາວ ພ້ອມພາກສ່ວນທີ່ກ່ຽວຂ້ອງ ຕະຫລອດຮອດແຟນບານເຂົ້າຮ່ວມ.

ການແຂ່ງຂັນເຕະບານ ລາວລີກ 2 ແຂວງສະຫວັນນະເຂດ ປະຈຳປີ 2023 ເພື່ອຊີງຂັນປະທານສະຫະພັນບານເຕະແຂວງ ສະຫວັນນະເຂດປະຈໍາປີ 2023 ໄດ້ດຳເນີນການແຂ່ງຂັນມາແຕ່ວັນທີ 3 ມີຖຸນາ ຈົນຮອດວັນທີ 13 ສິງຫາ 2023ຈິ່ງປິດສາກລົງດວ້ຍຜົນສຳເລັດ.

ສະ​ຫະ​ພັນ​ບານ​ເຕະ​ແຫ່ງ​ຊາດ​ລາວ ກຽມ​ຈັດ​ການ​ແຂ່ງ​ຂັນ​ຟຸ​ດ​ຊໍ ລີກ ປະ​ຈຳ​ປີ 2023 FUTSAL LAO LEAGUE 2023 ໂດຍ​ຈະ​ເລີ້ມ​ແຂ່ງ​ຂັນ ວັນ​ທີ 09 ກັນ​ຍາ ຫາ 19 ພະ​ຈິກ 2023 ໂດຍ​ຈະ​ໃຊ້​ສະ​ຫນາມ​ກິ​ລາ​ຟຸດ​ຊໍ ສະ​ຫະ​ພັນ​ບານ​ເຕະ​ແຫ່ງ​ຊາດ​ລາວ ເປັນ​ສະ​ຫນາມ​ແຂ່ງ​ຂັນ ກຳ​ນົດ​ເອົາ 12 ທີມເຂົ້າ​ຮ່ວມ​ການ​ແຂ່ງ​ຂັນ. ສຳ​ລັບ​ຮູບ​ແບບ​ການ​ແຂ່ງ​ຂັນຄັ້ງ​ນີ້​ແມ່ນ​ແຂ່ງ​ຂັນ​ແບບ​ພົບ​ກັນ​ຫມົດ 1 ຮອບ ເກັບ​ຄະ​ແນນ ລ​ວ​ມ​ທັງ​ຫມົດມີ 66 ນັດ ສະ​ເລ່ຍ 11 ນັດ / ທີມ.
ການແຂ່ງຂັນຟຸດຊໍ ລີກ ແມ່ນຈັດການແຂ່ງຂັນລ້າສຸດໃນປີ 2017 ໂດຍມີທັງຫມົດ 10 ທີມ ເຊິ່ງຄັ້ງນັ້ນ ອັນດັບ 1 ແມ່ນ ສົມສະນຸກຟາມ ລົງ​ສະ​ຫນາມ 9 ນັດ ຊະນະ 9 ນັດ ມີ 27 ຄະແນນ, ອັນ​ດັບ 2 ນະຄອນຫລວງ ຢູໄນເຕັດ ລົງສະຫນາມ 9 ນັດ ມີ 24 ຄະແນນ, ອ​ັນ​ດັບ 3 ເອັສ ທີ ທີ ເອຟຊີ ລົງສະຫນາມ 9 ນັດ ມີ 21 ຄະແນນ, ​ອັນ​ດັບ 4 ສູນກິລາສະເຕດ້ຽມ ເອຟຊີ ມີ 18 ຄະແນນ, ອັນ​ດັບ 5 ມະຫາວິທະຍາໄລວິທະຍາສາດສຸຂະພາບ ລົງສະຫນາມ 9 ນັດ ມີ 13 ຄະແນນ, ອັນ​ດັບ 6 ກຣີນໄລເດີ້ ເອຟຊີ ລົງສະຫນາມ 9 ນັດ ມີ 12 ຄະແນນ, ອັນ​ດັບ 7 ດີເຄ ເອຟຊີ ລົງສະຫນາມ 9 ນັດ ມີ 10 ຄະແນນ, ອັນ​ດັບ 8 ບຸນເກີດສຶກສາ ເອຟຊີ ລົງສະຫນາມ 9 ນັດ ມີ 6 ຄະແນນ, ​ອັນ​ດັບ 9 ເອຟຊີ ລັກກີ້ ລົງສະຫນາມ 9 ນັດ ມີ 3 ຄະແນນ ແລະ ​ອັບ​ດັບ 10 ວິທະຍາໄລລາວທ໋ອບ ລົງສະຫນາມ 9 ນັດ ບໍ່ມີຈັກຄະແນນ, ລາງວັນທີມມາລະຍາດດີເດັ່ນ ທີມ ມະຫາວິທະຍາໄລວິທະຍາດສຸຂະພາບ ແລະ ນັກເຕະຍິງປະຕູສູງສຸດ ໂຕນ້າ ບຸນມະໄລ ຈາກ ທີມ ເອັສ ທີ ທີ ເອຟຊີ ຍິງໄດ້ 54 ປະຕູ.

ແຟນ​ບານ​ຟຸດ​ຊໍ​ຫ້າມ​ພາດ​ເລີ້ມ​ການ​ແຂ່ງ​ຂັນ​ນັບ​ຕັ້ງ​ແຕ່​ວັນ​ທີ 09 ກັນ​ຍາ 2023 ເປັນ​ຕົ້ນ​ໄປ ເຂົ້າ​ຊົມ​ບໍ່ເສຍຄ່າ(Free)

ຕອນເຊົ້າ ວັນທີ 08 ສິງ​ຫາ 2023 ຢູ່​ທີ່​ຫ້ອງ​ປ​ະ​ຊຸມ ສູນຝຶກ ສະຫນາມກິລາແຫ່ງຊາດຫຼັກ 16 ຄະນະຄູຝຶກ ແລະ ນັກກິລາທີມຊາດລາວU23 ໄດ້ຮັບຟັງການເຜີຍແຜ່ກ່ຽວ​ການ​ສະ​ກັດ​ກັ້ນ​ການ​ລົ້ມ​ບານ ໂດຍ​ແມ່ນ ທ່ານ ພອ​ນ​ສະ​ຫວັນ ເພັດ​ສາຍ​ຊຳ ໜ່ວຍງານການຕໍ່ຕ້ານການລົ້ມບານ ເປັນ​ຜູ້​ບັນ​ລະ​ຍາຍ.

​ຈຸດ​ປະ​ສົງ​ໃນ​ການເຜີຍແຜ່ກ່ຽວ​ການ​ສະ​ກັດ​ກັ້ນ​ການ​ລົ້ມ​ ກໍ​ເພື່ອ​ໃຫ້​ບັນ​ດາ ຄະ​ນະຄູ​ຝຶກ ແລະ ນັກ​ກິ​ລາ ໄດ້​ຮັບ​ຮູ້ເຂົ້າ​ໃຈ​ເລິກ​ເຊິ່ງ ​ກ່ຽວ​ກັບ​ຜົນ​ຮ້າຍ​ຂອງ​ການລ໋ອກ​ຜົນ​ການ​ແຂ່ງ​ຂັນ, ພຶດຕິກຳ ທີ່ຖືວ່າເປັນການລັອກຜົນການແຂ່ງຂັນ. ສຳ​ລັບການລົ້ມກິລາຕາມທີ່ໄດ້ບັນຍັດໄວ້ໃນກົດໝາຍວ່າດ້ວຍ ກິລາ ແລະ ກາຍຍະກໍາ, ສະບັບເລກທີ 29/ສພຊ, ລົງວັນທີ 25 ພະຈິກ 2019. ມ110: ການລົ້ມກິລາແມ່ນການຕົກລົງກັນໄວ້ລ່ວງໜ້າກ່ຽວກັບຜົນຂອງການແຂ່ງຂັນ ຢູ່ພາຍໃນ ແລະ ຕ່າງປະເທດ ເພື່ອຜົນປະໂຫຍດຂອງບຸກຄົນ ຫຼື ກຸ່ມຄົນໃດໜຶ່ງ ລວມມີນັກກິລາ, ຄູຝຶກ, ກໍາມະການຕັດສິນ ແລະ ບຸກຄົນອື່ນ ຊຶ່ງເປັນການທໍາລາຍກຽດສັກສີ, ຊື່ສຽງຂອງວົງການກິລາ ແລະ ປະເທດຊາດ.

ບຸກຄົນ, ນິຕິບຸກຄົນໃດ ໂດຍເຈດຕະນາ ຫາກໄດ້ສະເໜີໃຫ້: ເອົາໃຫ້ ຫຼື ສັນຍາວ່າຈະໃຫ້, ຮັບເອົາ, ທວງເອົາ,​ ຂໍເອົາ, ຫຼື ຕົກລົງຮັບເອົາ ເງິນ, ຊັບສິ່ງຂອງ, ຫຼື ຜົນປະໂຫຍດໃດໜຶ່ງ ໂດຍທາງກົງ ຫຼື ທາງອ້ອມ ເພື່ອລົ້ມກິລາ ຕາມທີ່ໄດ້ກໍານົດໄວ້ໃນວັກໜຶ່ງຂອງມາດຕານີ້ ກໍຈະຖືວ່າເປັນການກະທໍາຜິດທາງອາຍາໃນສະຖານໃຫ້ສິນບົນ ຫຼື ການຮັບຮັບສິນບົນ ແລະ ຈະຖືກລົງໂທດ ຕາມທີ່ໄດ້ກໍານົດໄວ້ໃນປະມວນກົດໝາຍອາຍາ ຊຶ່ງມີໂທດຕັດອິດສາລະພາບສູງສຸດແມ່ນຕະຫຼອດຊີວິດ.

ທ່ານພອນສະຫວັນ ຍັງໄດ້ຮຽກຮ້ອງໃຫ້ຄະນະຄູຝຶກ ແລະ ບັນດານັກກິລາທຸກທ່ານເປັນເຈົ້າການໃນການສະກັດກັ້ນ, ປະຕິເສດ ແລະ ລາຍງານຂໍ້ມູນການລົ້ມບານ ເພາະການລົ້ມບານນີ້ປຽບດັ່ງເປັນກັບການປຸ້ນຊາດດ້ວຍການປຸ້ນກຽດສັກສີ, ຊື່ສຽງຂອງຊາດ ແລະ ຄວາມພາກພູມໃຈຂອງມວນຊົນຄົນລາວທັງຊາດ.

ບັນ​ດາ​ທ່ານ​ ທ່ານສາມາດລາຍງານການລັອກຜົນບານ ຫຼື ການລົ້ມບານຫາໜ່ວຍງານສະກັດກັ້ນການ. ຊຶ່ງຂໍ້ມູນທີ່ທ່ານສົ່ງ ຈະຖືກຮັກສາໄວ້ເປັນຄວາມລັບສູງສຸດ. ທ່ານສາມາດສົ່ງຫາພວກເຮົາຕາມຊ່ອງທາງດັ່ງນີ້:

1. ທາງອີເມລທີ່: [email protected].
2. ທາງເວັບໄຊ້ https://laoff.org.la/la. ເຂົ້າໄປທີ່ “ໜ່ວຍງານສະກັດກັ້ນການລົ້ມບານ”.

ການແຂ່ງຂັນບານເຕະຊາຍຊີງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ປະຈຳປີ 2023 (AFF U23 CHAMPIONSHIP 2023) ຢູ່ທີ່ ແຂວງຣະຢອງ ປະເທດໄທ ທີ່ໄດ້ຮັບກຽດເປັນເຈົ້າພາບ ໃນລະຫວ່າງວັນທີ 17-26 ສິງຫາ 2023, ໂດຍມີທັງຫມົດ 10 ປະເທດ ເຂົ້າຮ່ວມການແຂ່ງຂັນໂດຍແບ່ງອອກເປັນ 3 ກຸ່ມດັ່ງນີ້:

- ກຸ່ມ A : ໄທ, ກຳປູເຈຍ, ບຣູໄນ ແລະ ມຽນມາ

- ກຸ່ມ B : ຕີມໍເລສເຕ, ມາເລເຊຍ ແລະ ອິນໂດເນເຊຍ

- ກຸ່ມ C : ຫວຽດນາມ, ຟີລິບປິນ ແລະ ລາວ

ຕາຕະລາງ ການແຂ່ງຂັນຂອງ ທີມຊາດລາວ

- ວັນທີ 18/08/2023 ເວລາ 16:00 ຟີລິບປີນ ພົບ ລາວ ແຂ່ງຂັນຢູ່ທີ່ສະຫນາມ RAYONG PROVINCIAL STADIUM.

- ວັນທີ 20/08/2023 ເວລາ 16:00 ລາວ ພົບ ຫວຽດນາມ ແຂ່ງຂັນຢູ່ທີ່ສະຫນາມ ຫນາມ RAYONG PROVINCIAL STADIUM.

ຮອບຮອງຊະນະເລີດ ແມ່ນຈະແຂ່ງຂັນວັນທີ 24 ສິງຫາ 2023 ສ່ວນນັດຊີງຊະນະເລີດ, ນັດຊີງອັນດັບ 3 ແມ່ນ ຈະແຂ່ງຂັນວັນທີ 26 ສິງຫາ 2023.

ລາຍການດັ່ງກ່າວແມ່ນຄັດເອົາອັນດັບ 1 ຂອງກຸ່ມຜ່ານເຂົ້າສູ່ຮອບຮອງຊະນະເລີດ ແລະ ເອົາອັນດັບ 2 ທີ່ມີຄະແນນດີທີ່ສຸດຜ່ານເຂົ້າສູ່ຮອບຮອງຊະນະເລີດ.

ການແຂ່ງຂັນບານເຕະ ລາວລີກ 2 ແຂວງສະຫວັນນະເຂດ ນັດທີ 9 ຮອບຂາກັບ ໃນອາທິດຜ່ານມາ ວັນເສົາ 05 ສິງ​ຫາ 2023 ລີລາວະດີ ສອງຄອນ ຊິຕີ້ ເສຍ​ໃຫ້ ໂພໄຊນ້ອຍ 1-2, ອານັນ ອາໄຫຼ່ ເສຍ​ໃຫ້ ດາຣກວູຟ ຢູໄນເຕັດ 1-2 ແລະ ວັນ​ອາ​ທິດ 06 ສິງ​ຫາ 2023 ສະຫວັນ ຢູໄນເຕັດ ຊະ​ນະ ໄຮຢີນ້າ 6-1.

ສະຫລຸບ ຕາຕະລາງ ຄະແນນ ລາວລີກ 2 ແຂວງສະຫວັນນະເຂດ ສະ​ຖາ​ນະ​ການ​ໃນ​ປັດ​ຈຸ​ບັນ ສະ​ຫວັນ ຢູ​ໄນ​ເຕັດ ແຊງ ອາ​ນັນ ອາ​ໄຫລ່ ຂຶ້ນ​ມາ​ຢູ່​ອັນ​ດັບ 1ຄື ລົງສະໜາມ 9 ນັດ ຊະນະ 6 ນັດ ສະເໝີ 2 ນັດ ເສຍ 1 ນັດ ມີ 20ຄະແນນ,ຖ້າ​ຫາກ​ນັດ​ສຸດ​ທ້າຍ​ສາ​ມາດເອົາ​ຊະ​ນະໄດ້​ກໍ​ເປັນ​ແຊ້ມ​ທັນ​ທີ.ອັນດັບ 2 ອາ​ນັນ ອາ​ໄຫລ່ ລົງສະໜາມ 9 ນັດ ຊະນະ 6 ນັດ ສະເໝີ 1 ນັດ ເສຍ 2 ນັດ ມີ 19ຄະແນນ, ອັນດັບ 3 ດາຣກວູຟ ລົງສະໜາມ 9 ນັດ ຊະນະ 4ນັດ ສະເໝີ 1 ນັດ ເສຍ 4 ນັດ ມີ 13 ຄະແນນ,ອັນດັບ 4 ໂພ​ໄຊ​ນ້ອຍ ລົງສະໜາມ 9 ນັດ ຊະນະ 3 ນັດ ສະເໝີ 2 ນັດ ເສຍ 4 ນັດ ມີ 11 ຄະແນນ, ອັນດັບ 5 ລີລາວະດີ ສອງຄອນ ລົງສະໜາມ 9 ນັດ ຊະນະ 2 ນັດ ສະເໝີ3 ນັດ ເສຍ 4 ນັດ ມີ 9 ຄະແນນ, ແລະ ອັນດັບ ສຸດທ້າຍ ໄຮຢີນ້າ ລົງສະໜາມ 9 ນັດ ຊະນະ 1 ນັດ ສະເໝີ 1 ນັດ ເສຍ 7 ນັດ ມີ 4 ຄະແນນ.

ສຳລັບຕາຕະລາງການແຂ່ງຂັນໃນອາທິດນີ້ ວັນເສົາ 12 ສິງຫາ 2023 ເວລ 15:00 ລີ​ລາ​ວະ​ດີ ສອງ​ຄອນ ພົບ ດາຣກວູຟ ຢູໄນເຕັດ ແລະ ວັນ​ອາ​ທິດ 13 ສິງ​ຫາ 2023 ເວລາ 13:30 ອາ​ນັນ ອາ​ໄຫລ່ ພົບ ໄຮ​ຢີ​ນ້າ ແລະ ເວ​ລາ 16:00 ສະຫວັນ ຢູໄນເຕັດ ພົບ ໂພ​ໄຊ​ນ້ອຍ. ຫລັງ​ຈາກ​ຈົບ​ການ​ແຂ່ງ​ຂັນ​ຄູ່​ສຸດ​ທ້າຍ​ແມ່ນ​ຈະ​ມີ​ພິ​ທີ​ມອບ​ຂັນ​ລາງວັນ​ຕ່າງໆ ໂດຍທຸກໆຄູ່ແມ່ນແຂ່ງຂັນຢູ່ທີ່ສະໜາມກິລາແຂວງສະຫວັນ ເຂົ້າຊົມບໍ່ເສຍຄ່າ( Free) ແລະ ສາມາດຕິດຕາມການຖ່າຍທອດສົດໄດ້ທີ່ເພສ ສະຫວັນນະເຂດລີກ 2 - Savannakhet League 2.

ສະຫະພັນບານເຕະແຫ່ງຊາດລາວ(ສຕລ)ໄດ້ຈັດກອງ​ປະ​ຊຸມ​ເຕັກ​ນິກການແຂ່ງຂັນກິລາບານເຕະເຍົາວະຊົນຮຸ່ນອາຍຸບໍ່ເກີນ15ປີ ຫຼື U15 ໄດ້​ຈັດ​ຂຶ້ນ​ຕອນ​ເຊົ້າ ວັນ​ຈັ​ນ 07 ສິງ​ຫາ 2023 ຢູ່​ຫ້ອງ​ປະ​ຊຸມ ສຕລ ພາຍ​ໃຕ​້​ການ​ເປັນ​ປະ​ທານກອງ​ປະ​ຊຸມ​ຂອງທ່າ​ນ ຈັນ​ທະ​ວົງ ສິ​ລິ​ມະ​ໂນ​ທຳ ຮອງ​ເລ​ຂາ​ທິ​ການ ສຕລ,ໂດຍມີທ່ານ ສັນ​ຕິ​ກອນ ແສງ​ດາ​ລາ ຫົວ​ຫນ້າ​ພະ​ແນກ​ຈັດ​ການ​ແຂ່ງ​ຂັນ ສ​ຕ​ລ, ພ້ອມ​ດ້ວຍ​ວິ​ຊາ​ການທີ່​ກ່ຽວ​ຂ້ອງ ແລະຜູ້ຕາງ​ຫນ້າ​ບັນ​ດາ​ສະ​ໂມ​ສອນກິລາບານ ເຕະເຂົ້າ​ຮ່ວມ​.

ການຈັດກອງປະຊຸມຄັ້ງນີ້ແມ່ນເພື່ອກະກຽມໃຫ້ແກ່ການ​ແຂ່ງ​ຂັນ​ບານ​ເຕະ​ເຍົາ​ວະ​ຊົນ U15 ຊີງ​ຂັນ ສຕລ ປະ​ຈຳ​ປີ 2023 (LFF U-15 CHAMPIONSHIP 2023) ທີ່ຈະເລີ່ມແຂ່ງຂັນລະຫວ່າງວັນທີ 8 ສິງຫາ ຫາ 2 ກັນ ຍາ 2023 ເຊິ່ງກຳນົດເອົາ 8 ສະໂມສອນທີ່ໄດ້ເຂົ້າຮ່ວມແຂ່ງຂັນເຕະບານລີກສູງສຸດຂອງປະເທດມາແຂ່ງຂັນກັນ ປະ ກອບມີ ເອສະຣາ , ຊ້າງນ້ອຍ , ມາສເຕີ ເຊເວັ້ນ , ກອງທັບ , ນໍ້າທາ , ຫຼວງພະບາງ ແລະ ວຽງຈັນ , ໂດຍຈະແຂ່ງຂັນພົບກັນໝົດ ຄັດເລືອກເອົາອັນດັບທີ 1, ອັນດັບທີ 2, ອັນດັບທີ 3 ແລະ ອັນດັບທີ 4 ຜ່ານເຂົ້າຮອບຮອງຊະນະເລີດ ພ້ອມທັງຈົກສະຫຼາກປະກົບຄູ່ແຂ່ງຂັນ ທີມໃດຊະນະ ແມ່ນຜ່ານເຂົ້າຊີງຊະນະເລີດ. ສ່ວນທີມທີ່ເສຍ ແມ່ນໄປຊີງອັນດັບທີ 3, ການ​ແຂ່ງ​ຂັນ​ແມ່ນ​ຈະ​ແຂ່ງ​ຂັນ​ທັງ​ຫມົດ 80 ນາ​ທີ ໂດຍ​ແບ່ງອອ​ກ​ເປັນ 2 ຕັ້ງ , ຕັ້ງລະ 40 ນາ​ທີ.
ສຳ​ລັບ​ຕາ​ຕະ​ລາງ ກາ​ນ​ແຂ່ງ​ຂັນ​ໃນ​ນັດ​ທຳ​ອິດ ຈະ​ມີ​ຂຶ້ນໃນວັນ​ທີ 08 ສິງ​ຫາ 2023
- ເວ​ລາ 15:30 ຈຳ​ປາ​ສັກ ພົບ ນ້ຳ​ທາ ແຂ່ງ​ຂັນ​ຢູ່​ທີ່​ສະ​ຫນາມ​ຫຍ້າ​ທຽມ​ຂອງ ສຕລ ສະ​ຫນາມ 1
- ເວລາ 15:30 ຊ້າງນ​້ອຍ ພົບ ວຽງ​ຈັ​ນ ແຂ່ງ​ຂັນ​ຢູ່​ທີ່​ສະ​ຫນາມ​ຫຍ້າ​ທຽມ​ຂອງ ສຕລ ສະ​ຫນາມ 2
- ເວ​ລາ 18:30 ຫຼວງ​ພະ​ບາງ ພົບ ກອງ​ທັບ ແຂ່ງ​ຂັນ​ຢູ່​ທີ່​ສະ​ຫນາມ​ຫຍ້າ​ທຽມ​ຂອງ ສຕລ ສະ​ຫນາມ 1
- ເວ​ລາ 18:30 ເອ​ສະ​ຣາ ພົບ ມາ​ສ​ເຕີ​້ ເຊ​ເວັ້ນ ແຂ່ງ​ຂັນ​ຢູ່​ທີ່​ສະ​ຫນາມ​ຫຍ້າ​ທຽມຂອງ​ ສຕລສະ​ຫນາມ 2
ທ່ານສາ​ມາດ​ໄປຊົມ ແລະ ເຊຍ ​ຕິດ​ຂອບ​ສະ​ຫນາມ​ທີມ​ທີ່​ຕົນ​ເອງ​ມັກ​ໄດ້, ເຂົ້າ​ຊົມ​ບໍ່ເສຍຄ່າ(Free) ແລະ ສາ​ມາດ​ຮັບ​ຊົມ ການ​ຖ່າຍ​ທອດ​ສົດ​ໄດ້​ທີ່ ເພ​ສ​ເຟ​ສ​ບຸກ LFF U-15Championship ແລະ Youtube LAOFFTV LAOFF TV ສະ​ຫະ​ພັນ​ບານ​ເຕະ​ແຫ່ງ​ຊາດ​ລາວ.

ສະຫະພັນບານເຕະແຫ່ງຊາດລາວ(ສຕລ)ໄດ້ສໍາເລັດການຝຶກອົບຮົມກໍາມະການຕັດສິນການແຂ່ງຂັນກິລາບານເຕະ ເຍົາວະຊົນ ຮຸ່ນອາຍຸບໍ່ເກີນ 15ປີ(U15 ) ແລະ ຮຸ່ນອາຍຸບໍ່ເກີນ18ປີ(U18 )ປະຈໍາປີ 2023ຂື້ນໃນຕອນບ່າຍວັນທີ 4 ສິງຫາ 2023 ທີ່ຫ້ອງປະຊຸມ ສຕລ,ໂດຍໃຫ້ກຽດເຂົ້າຮ່ວມພິທີປິດຂອງທ່ານ ຈັນທະວົງ ສິລິມະໂນທຳ ຮອງເລຂາທິການສຕລ, ທ່ານ ທອງປະເສີດ ພອນສິຣິຍະວົງ ຫົວໜ້າຫ້ອງການນິຕິກຳ ແລະ ທ່ານ ໄຊປະເສີດ ພົງຊະນິດ ຫົວໜ້າພະແນກກຳມະການຕັດສິນທັງເປັນຜູ້ຝຶກສອນກຳມະການຕັດສິນ ສຕລ, ພ້ອມດວ້ຍຜູ້ຊ່ວຍຄູຝຶກສອນ, ວິຊາການພະແນກກໍາມະການຕັດສິນ ສຕລ ແລະນັກຝຶກອົບຮົມເຂົ້າຮ່ວມທັງໝົດ 34 ຄົນ.

ໃນໂອກາດນີ້ ທ່ານ ຈັນທະວົງ ສິລິມະໂນທຳ ໄດ້ສະແດງຄວາມຊົມເຊີຍມາຍັງຜົນສຳເລັດຂອງການ

ອົບຮົມຄັ້ງນີ້ ແລະ ອວຍພອນໃຫ້ທຸກທ່ານທີ່ຜ່ານການຝຶກອົບຮົມຈົ່ງຕັ້ງໃຈນຳເອົາຄວາມຮູ້ທີໄດ້ຮຽນມາໄປຈັດຕັ້ງປະຕິບັດວຽກງານກໍາມະການຕັດສິນໃນສະໜາມກິລາຕົວຈິງດ້ວຍຜົນສໍາເລັດ.

ສໍາລັບການຝຶກອົບຮົມຄັ້ງນີ້ແມ່ນດຳເນີນເປັນເວລາ 3ວັນ ແຕ່ວັນທີ 2-4 ສິງຫາ 2023,ເຊິ່ງໄດ້ມີການຮຽນຮູ້ແລະທົດສອບທາງທິດສະດີ ແລະ ວິເຄາະວີດີໂອໃນການໃຫ້ບັດເຫຼືອງບັດແດງ, ພິເສດນັກຝຶກອົບຮົມທີ່ເຂົ້າຮ່ວມ ແມ່ນໄດ້ ຜ່ານການທົດສອບພາລະກໍາລັງກ່ອນຈຶ່ງຈະເຂົ້າຮ່ວມການຝຶກອົບຮົມໃນຄັ້ງນີ້.

ຜົນສຳເລັດຂອງການຝຶກອົບຮົມຄັ້ງນີ້ສະແດງໃຫ້ເຫັນເຖິງຄວາມກຽມພ້ອມຂອງກຳມະການຕັດສິນໃນການຮັບໃຊ້ການແຂ່ງຂັນກິລາບານເຕະເຍົາວະຊົນ U15 ແລະ U18 ທີ່ຈະເປີດສາກຂື້ນໃນວັນອັງຄານທີ່ຈະມາເຖິງນີ້.

ເມື່ອ​ເວົ້າ​ເຖິງວຽກ​ງານ​ການ​ພັດ​ທະ​ນາ​ບຸກ​ຄະ​ລາ​ກອນ ໃນ​ແຕ່​ລະ​ປີ ສະ​ຫະ​ພັນ​ບານ​ເຕະ​ແຫ່ງ​ຊາດ​ລາວ(ສຕລ) ໄດ້​ສົ່ງ​ພະ​ນັກ​ງານຈາກສຕລ ເຂົ້າຮວ່ມຝຶກ​ອົບ​ໃນ​ຫລາຍ​ວຽກ​ງ​ານ​ທັງ​ພາຍ​ໃນ ແລະ ຕ່າງ​ປະ​ເທດ ​ບໍ່​ວ່າ​ຈະ​ເປັນ​ວຽກ​ງານ​ຈັດ​ການ​ແຂ່ງ​ຂັນ, ວຽກ​ງານ​ກຳ​ມະ​ການ​ຕັດ​ສິນ, ວຽກ​ງານ​ເຕັກ​ນິກ - ວິ​ທະ​ຍາ, ວຽກ​ງານ​ສື່ມວ​ນ​ຊົນ-ການ​ຕະ​ຫລາດ ແລະ ວຽກ​ງານ​ອື່ນໆ​ທີ​ປິ່ນ​ອ້ອມ.

ສະເພາະໃນວັນ​ທີ 31ກໍລະກົດ 2023​ຜ່ານ​ມາ​,ສະ​ຫະ​ພັນ​ບານ​ເຕະ​ອາ​ຊີ ໄດ້​ມີ​ພິ​ທີ​ປິດ ‘’ ຫລັກ​ສູດການບໍລິຫານບານເຕະຂອງສະຫະພັນບານເຕະອາຊີ (The AFC Football Management Certificate, Edition 4 (AFC FMC)’’ ໃນຮູບ​ແບບ​ອອນ​ລາຍ ,ເຊິ່ງ​ ສຕລ​ໄດ້​ສົ່ງ​ບຸກ​ຄະ​ລາ​ກອນ 1 ທ່ານ ຄື: ທ່ານ ນີ​ຕ້າ ທັດສະນີທອນ ພະ​ນັກ​ງານວິ​ຊາ​ການ ຈາກພະ​ແນກ​ຈັດ​ການ​ແຂ່ງ​ຂັນເຂົ້າຮວ່ມຮຽນ​ໃນ​ຫລັກ​ສູດ​ດັ່ງ​ກ່າວ.
ທ່ານນິ​ຕ້າ ທັດສະນີທອນ(ຕ້າ)ໄດ້​ກ່າວ​ວ່າ:ສຳລັບເງື່ອນໄຂຂອງຜູ້ຈະເຂົ້າຮວ່ມການຮຽນໃນຫຼັກສູດນີ້,ສະຫະພັນບານເຕະອາຊີໄດ້ກຳນົດໄວ້ຄືກ່ອນອື່ນໝົດຕ້ອງໄດ້ເຮັດວຽກຢູ່ ສຕລຢ່າງໜ້ອຍເປັນເວລາ1ປີຂື້ນໄປຈື່ງສາມາດສະໝັກຮຽນໄດ້.ຜູ້ສະໝັກຕ້ອງໄດ້ປະກອບເອກະສານຕ່າງໆກ່ຽວກັບປະສົບການເຮັດວຽກ ແລະ ລະດັບຈົບການສຶກສາແລະຕ້ອງຮູ້ພາສາອັງກິດໃນລະດັບດີ ເພື່ອສົ່ງໃຫ້ສະຫະພັນບານເຕະອາຊີ ພິຈາລະນາໃນຂັ້ນຕົ້ນ.ພ້ອມນັ້ນ,ກ່ອນຈະໄດ້ເຂົ້າຮຽນແມ່ນຕ້ອງໄດ້ຜ່ານຮອບສຳພາດແລະຖ້າສຳພາດຜ່ານຈື່ງສາມາດຮຽນກ່ຽວກັບການບໍລິຫານບານເຕະຂັ້ນພື້ນຖານຂອງສະຫະພັນບານເຕະ ອາຊີ ໄດ້ໃນຂັ້ນຕໍ່ໄປ.ສຳລັບການຮຽນ AFC FMC ແມ່ນໃຊ້ເວລາຮຽນທັງຫມົດ 5 ເດືອນ ແລະ ມີທັງຫມົດ 9 ຫົວຂໍ້ຫຼັກຄື:ໂຄງຮ່າງການ​ຈັດ​ຕັ້ງ​ຂອງ​ບານ​ເຕະ​ໂລກ​,ການ​ຄຸ້ມ​ຄອງ​ຍຸດ​ທະ​ສາດໃນວຽກງານກິລາບານເຕະ​,ການ​ຄຸ້ມ​ຄອງ​ທາງ​ດ້ານ​ການ​ເງິນ,ການ​ສ້າງ​ລາຍ​ໄດ້​,ວຽກງານສື່ມວນຊົນ ແລະການສື່ສານ,ການບໍລິຫານຈັດການ,ການຄຸ້ມຄອງການດໍາເນີນງານ,ການຄຸ້ມຄອງຊັບພະຍາກອນມະນຸດແລະການປົກປ້ອງເດັກ.
ໃນການຮຽນ ຈໍານວນ 9 ຫົວຂໍ້ແມ່ນຮຽນແບບທາງໄກ(ອອນລາຍ) ເຊີ່ງຕ້ອງໄດ້ມີການເບີ່ງວິດີໂອ ແລະ ເສັງກ່ອນຈະເລີ່ມຮຽນແຕ່ລະຫົວຂໍ້, ການຮຽນແມ່ນຈໍານວນ 5ມື້ຕໍ່ 1ຫົວຂໍ້ ໂດຍມີຜູ້ຊ່ຽວຊານແຕ່ລະຫົວຂໍ້ມາຝຶກສອນ ແລະ ໃຫ້ຄວາມຮູ້ລົງເລິກກ່ຽວກັບວິຊາສະເພາະ. ເມື່ອໄດ້ມີການຮຽນແຕ່ລະຫົວຂໍ້ແລ້ວ ໄດ້ມີການເຮັດວຽກຮ່ວມກັນເປັນກຸ່ມ ແລະ ມີການເສັງສຳລັບບຸກຄົນ. ກ່ອນຈົບການສືກສາAFC FMC ນັກຮຽນແຕ່ລະຄົນແມ່ນຕ້ອງໄດ້ຂຽນບົດໂຄງການທຸລະກິດນັກສຶກສາ(Student Business Project) ແລະ ໄດ້ປ້ອງກັນບົດກ່ອນຈົບການສຶກສາ. ສໍາລັບການຮຽນແມ່ນໃຊ້ໄລຍະເວລາແຕ່ວັນທີ 14 ຕຸລາ 2022 ຫາ 31 ກໍລະກົດ 2023.
ປະ​ຫວັດ​ຂອງທ່ານນິ​ຕ້າ ໃນການກ້າວເຂົ້າມາສູ່ວົງການບານເຕະ ແລະ ເຮັດວຽກຢູ່ ສຕລ ມີ​ດັ່ງ​ນີ້:

- ປີ2015-2018: ສຶກສາຮໍ່າຮຽນພາສາອັງກິດ ຢູ່ທີ່ ສະຖາບັນລາວ-ອາເມລິກາ

-ປີ2017-2020: ສຶກສາຢູ່ທີ່ມະຫາວິທະຍາໄລແຫ່ງຊາດ, ພາກພົວພັນສາກົນ, ຄະນະນິຕິສາດ ແລະ ລັດຖະສາດ

- ປີ2018: ເປັນຄະນະນຳທີມສະໂມສອນບານເຕະລາວ-ທ໊ອບ ເຂົ້າຮ່ວມການແຂ່ງຂັນຄອມມານໂດ ລາວລີກ2, ສຕລ

-ປີ 2019: ສຳເລັດການສຶກສາຊັ້ນສູງພາກພາສາອັງກິດ ຢູ່ທີ່ວິທະຍາໄລ ລາວ-ທ໊ອບ

- ປີ2019: ເປັນນັກກິລາຂອງສະໂມສອນບານເຕະຊ້າງນ້ອຍ ເຂົ້າຮ່ວມການແຂ່ງຂັນບານເຕະຄອມມານໂດ ລາວລີກ2, ສຕລ

- ປີ2019: ເລີ່ມກ້າວເຂົ້າສູ່ການເປັນອາສາສະໝັກແລະຜູ້ປະສານງານຂອງສຕລໃນລາຍການ AFC U-16 Championship 2019 Qualifiers.

- ປີ2020: ເປັນຄະນະນຳທີມ ແລະ ຜູ້ຊ່ວຍຜູ້ຈັດການທີມຂອງສະໂມສອນບານເຕະຊ້າງນ້ອຍ ໃນລາຍການແຂ່ງຂັນບານເຕະ ລາວລີກ1, ເຂົ້າຮ່ວມການຝຶກອົບຮົມຂອງ ສຕລ ກ່ຽວກັບຜູ້ຄວບຄຸມການແຂ່ງຂັນ ແລະ ຜູ້ຊ່ວຍຜູ້ຄວບຄຸມການແຂ່ງຂັນ, ເປັນຜູ້ຊ່ວຍຜູ້ຄວບຄຸມການແຂ່ງຂັນບານເຕະ ຄອມມານໂດ ລາວລີກ2, ສຕລ, ເປັນຜູ້ຊ່ວຍຜູ້ຄວບຄຸມການແຂ່ງຂັນບານເຕະ The 45th Lao National Day’s Football Championship.

- ປີ2021: ເລີ່ມຕົ້ນເສັ້ນທາງໃນການກ້າວເຂົ້າມາສູ່ການເຮັດວຽກຢູ່ທີ່ ພະແນກຈັດການແຂ່ງຂັນຂອງສຕລ, ເປັນຜູ້ຊ່ວຍຜູ້ຄວບຄຸມການແຂ່ງຂັນບານເຕະ ລາວລີກ1, ເປັນຜູ້ຈັດການທີມຊາດບານເຕະຍິງ(ຊຸດໃຫຍ່) ເຂົ້າຮ່ວມແຂ່ງຂັນບານເຕະ AFC Women’s Asian Cup India 2022, ຢູ່ທີ່ປະເທດ ບາເຣນ, ເຂົ້າຮ່ວມຝຶກອົບຮົມແບບທາງໄກ ກ່ຽວກັບວຽກງານຈັດການແຂ່ງຂັນ, ຜູ້ປະສານງານການແຂ່ງຂັນ ຂອງສະຫະພັນບານເຕະອາຊີ.
- ປີ2022: ເປັນຜູ້ຄວບຄຸມການແຂ່ງຂັນ ແລະ ຜູ້ຊ່ວຍຜູ້ຄວບຄຸມການແຂ່ງຂັນ ໃນລາຍການແຂ່ງຂັນບານເຕະ Lao League1, Lao League2, LFF Cup, Futsal League, Youth League, National Football Championship, ເປັນຜູ້ປະສານງານການແຂ່ງຂັນໃນລາຍການ AFC U20 Asian Cup Uzbekistan 2023 Qualifiers (Group C)

- ປີ2023: ເປັນຜູ້ຄວບຄຸມການແຂ່ງຂັນບານເຕະ ລາວລີກ1 ແລະ ເປັນຜູ້ປະສານງານກ່ຽວກັບການຈັດການແຂ່ງຂັນບານເຕະ ລາວລີກ2.

- ປັດຈຸບັນ: ເປັນຜູ້ຈັດການທີມຊາດລາວ ບານເຕະຊາຍ ຮຸ່ນອາຍຸບໍ່ເກີນ 23ປີ ເພື່ອກະກຽມເຂົ້າຮ່ວມການແຂ່ງຂັນບານເຕະ AFF U23 Championship 2023 Thailand.
ທ່ານນິ​ຕ້າ ໄດ້ສະແດງຄວາມຂອບ​ໃຈ​ມ​າ​ຍັງການນຳສຕລ ທີ່​ໄດ້​ໃຫ້​ໂອ​ກາດ​ໃນ​ການ​ຮຽນຫລັກ​ສູດ ການບໍລິຫານບານເຕະຂອງສະຫະພັນບານເຕະອາຊີໃນຄັ້ງນີ້ (The AFC Football Management Certificate, Edition 4 (AFC FMC)ແລະພ້ອມຈະ​ນຳ​ເອົາ​ຄວາມ​ຮູ້ໃນການ​ຮຽນ​ເພື່ອ​ພັດ​ທະ​ນາ​ວຽກ​ງານ​ບານ​ເຕະ​ລາວ​ໃຫ້​ພັດ​ທະ​ນາ​ຂຶ້ນ​ເລື້ອຍໆ.
ສຳ​ລັບ​ຫລັກ​ສູດ ການບໍລິຫານບານເຕະຂອງສະຫະພັນບານເຕະ ອາຊີ The AFC Football Management Certificate, (AFC FMC ) ແມ່ນ​ມີ​ພະ​ນັກ​ງານ​ຈາກ ສະ​ຫະ​ພັນ​ບານ​ເຕະ​ແຫ່ງ​ຊາດ​ລາວ ສຳ​ເລັດ​ການ​ຮຽນ​ແລ້ວ 2 ທ່ານ ເຊິ່ງ ທ່ານ ນິ​ຕ້າ ທັດສະນີທອນ ແມ່​ນ​ເປັນ​ຜູ້​ທີ່ 3 ຈາກ ສະ​ຫ​ະ​ພັນ​ບານ​ເຕະ​ແຫ່ງ​ຊາດ​ລາວ ສຳ​ເລັດ ຫລັກ​ສູດ​ດັ່ງ​ກ່າວ​ນີ້.

ການ​ແຂ່ງ​ຂັນ​ບານ​ເຕະລາວລີກ 2 ແຂວງຄຳມ່ວນໄດ້ເລີ່ມການ​ແຂ່ງ​ຂັນ​ມາແຕ່ວັນ​ທີ 03 ມິ​ຖຸ​ນາ 2023 ແລະຜ່ານການ​ແຂ່ງ​ຂັນມາ​ໄດ້ 7 ອາ​ທິດ,ຜົນປະກົດວ່າທິມບານເຕະປກ​ຊແຂ​ວງ​ຄຳ​ມ່ວນມີ​ຜົນ​ງານ​​ດີເດ່ນເປັນອັນດັບໜຶ່ງຄືລົງ​ສະ​ຫນາມ 7 ນັດ ຊະ​ນະ 6 ນັດ ສະ​ເຫມີ 1 ຍິງ​ໄດ້ 25 ປະ​ຕູ ເສຍ​ພຽງ 2 ປະ​ຕູ ມີ 19 ຄະ​ແນນ,ເຖິງຈະເຫຼືອການແຂ່ງຂັນອີກ3ນັດ,ແຕ່ມີຄະແນນສະສົມເປັນອັນດັບໜຶ່ງຈິ່ງຢັ້ງຢືນໄດ້ວ່າທິມບານເຕະປກ​ຊແຂ​ວງ​ເປັນແຊັມຂອງ​ການ​ແຂ່ງ​ຂັນ​ບານ​ເຕະລາວ​ລີກ 2 ແຂວງຄຳມວ່ນຢ່າງແນ່ນອນແລ້ວ.

ສວ່ນອັນ​ດັບ2ເປັນຂອງທິມ ປ​ກ​ສ ລົງ​ສະ​ຫນາມ 7 ນັດ ຊະ​ນະ 3 ນັດ ສະ​ເຫມີ 3 ນັດ ເສຍ 1 ນັດ ມີ 12 ຄະ​ແນນ, ອັນ​ດັບ 3 ເທບ​ສີ​ໄຮ​ ລົງ​ສະ​ຫນາມ 7 ນັດ ຊະ​ນະ 3 ນັດ,ສະເໝີ1ນັດ, ເສຍ 3 ນັດ ມີ 10 ຄະ​ແນນ, ອັນ​ດັບ 4 ລູກ​ຫມູ ລົງ​ສະ​ຫນາມ 7 ນັດ ຊະ​ນະ 2 ນັດ, ສະ​ເຫມີ 3 ນັດ ເສຍ 2 ນັດ ມີ​ 9 ຄະ​ແນນ, ອັນ​ດັບ 5 ເລັກ​ຕ້າ ລົງ​ສະ​ຫນາມ 7 ນັດ ຊະ​ນະ 1 ນັດ ສະ​ເຫມີ 4 ນັດ ເສຍ 2 ນັດ ມີ 7 ຄະ​ແນນ ແລະ ອັນ​ດັບ ສຸດ​ທ້າຍ ບໍ່​ໂພນ​ຕິ້ວ ລົງ​ສະ​ຫນາມ 7 ນັດ ເສຍ 4 ນັດ ມີ 0 ຄະ​ແນນ.
ສຳລັບຕາ​ຕະ​ລາງ ການ​ແຂ່ງ​ຂັນ ວັນ​ທີ 31 ກໍ​ລະ​ກົດ 2023 ເວ​ລາ 15:00ມ ເທ​ບ​ສີ​ໄຮ ພົບ ເລັ​ກ​ຕ້າ, ວັນ​ທີ 02 ສິງ​ຫາ 2023 ເວ​ລາ 15:00 ປກ​ສ ແຂວງ​ຄຳ​ມ່ວນ ພົບ ລູກ​ຫມູ ແລະ ວັນ​ທີ 4 ສິງ​ຫາ 2023 ເລັກ​ຕ້າ ພົບ ບໍ່​ໂພນ​ຕິ້ວ ໂດຍ​ທຸກໆ​ນັດ​ແມ່ນ​ແຂ່ງ​ຂັນ​ຢູ່​ທີ່​ສະ​ຫນາມ​ກິ​ລາ​ແຂວງ​ຄຳ​ມ່ວນ.

ວັນທີ 27 ກໍລະກົດ 2023 ຢູ່ທີ່ສຳນັກງານ ສະຫະພັນບານເຕະອາຊີ ນະຄອນຫຼວງກົວລາລຳເປີ ປະເທດມາເລເຊຍ ໄດ້ມີການຈັບສະຫລາກການແຂ່ງຂັນບານໂລກ 2026 ຮອບຄັດເລືອກ ຮອບທີ 1 ໂຊນ​ອາ​ຊີ (FIFA World Cup 2026 Preliminary Joint Qualification R1)ໂດຍຜົນການຈັບສະຫລາກ ທີມຊາດ ເນປານ ພົບ ທີມຊາດລາວ.ສວ່ນຮູບແບບການແຂ່ງຂັນແມ່ນຈັດ 2 ນັດແບບໄປ-ກັບ ແລ້ວຜ່ານເຂົ້າໃນຮອບທີ 2 ຕໍ່ໄປ, ໂດຍຮອບຄັດເລືອກຮອບທີ 1 ຈະແຂ່ງຂັນໃນວັນທີ 12 ຕຸລາ ແລະ 17 ຕຸລາ 2023 ນີ້.
ຮອບຄັດເລືອກ ຮອບທີ 2 ມີທັງໝົດ 36 ທີມ ຜູ້ຊະນະຮອບທີໜຶ່ງ 9 ທີມ ແລະ 27 ທີມທີ່ໄດ້ສິດລໍຖ້າໃນຮອບທີ 2.

ຖ້າ​ຫາກ ລາວ ຫລື ເນ​ປານ ທີມ​ໃດ​ຊະ​ນະ ແມ່ນ​ຈະ​ຜ່ານ​ເຂົ້າ​ສູ່​ຮອບ​ທີ 2 ເຊິ່ງ​ຜົນ​ການ​ຈັບ​ສະ​ຫລາກ​ແມ່ນ ຢູ່​ຮ່ວມ​ກຸ່ມ H ສະ​ຫະ​ລັດ ອາ​ຣັບ ເອມ​ມີ​ເລດ, ບາ​ເຣນ, ເຢ​ເມນ ຫລື ສີ​ລັງ​ກາ.

ຜົນການ​ແຂ່ງ​ຂັນ​ບານ​ເຕະ​ລາວ​ລີກ 2 ແຂວງ​ບໍ​ລິ​ຄຳ​ໄຊ ໃນ​ອາ​ທິດ​ທີ 6 ​ຜ່ານ​ມາ ເມືອງ​ບໍ​ລິ​ຄັນ ສະ​ເຫມີ ທະ​ຫານ​ແຂວງ 3-3, ບໍ​ລິ​ຄຳ​ໄຊ ສະ​ເຫມີ ສະ​ມາ​ຄົມ​ເຂີຍ​ຫຼັກ 4 2-2 ແລະ ບໍ​ລິ​ສັດ ວັນ​ນະ​ແສງເອົາຊະນະໂຈ​ - ເຈ ຟາມ 2-0. ສະ​ຫລຸບ​ຕາ​ຕະ​ລາງ ຄະ​ແນນ ການ​ແຂ່ງ​ຂັນ​ບານ​ເຕະ ລາວ​ລີກ 2 ແຂວງບໍ​ລິ​ຄຳ​ໄຊ ອັນ​ດັບ 1 ບໍ​ລິ​ສັດ ວັນ​ນະ​ແສງ ລົງ​ສະ​ຫນາມ 6 ນັດ ຊະ​ນະ 5 ນັດ ສະ​ເຫມີ 1 ນັດ ມີ 16 ຄະ​ແນນ, ອັນ​ດັບ 2 ທະ​ຫານ​ແຂວງ ລົງ​ສະ​ຫນາມ 6 ນັດ ຊະ​ນະ 4 ນັດ ສະ​ເຫມີ 2 ນັດ ມີ 14 ຄະ​ແນນ, ອັນ​ດັບ 3 ບໍ​ລິ​ຄຳ​ໄຊ ລົງ​ສະ​ຫນາມ 6 ນັດ ຊະ​ນະ 2 ນັດ ສະ​ເໝີ 2 ນັດມີ 8 ຄະແນນ, ອັນ​ດັບ 4 ໂຈ-ຈາມ ຟາມ ລົງ​ສະ​ຫນາມ 6 ນັດ ຊະ​ນະ 2 ນັດ ສະ​ເຫມີ 1 ນັດ ເສຍ 3 ນັດ ມີ 7 ຄະ​ແນນ, ອັນ​ດັບ 5 ສະ​ມ​າ​ຄົມ ເຂີ​ຍ​ຫຼັກ 4 ລົງ​ສະ​ຫນາມ 6 ນັດ ຊະ​ນະ 1 ນັດ ສະ​ເຫມີ 1 ນັດ ເສຍ 4 ນັດ​ ມີ 4 ຄະ​ແນນ ແລະ ອັນ​ດັບ ສຸດ​ທ້າຍ ເມືອງ​ບໍ​ລິ​ຄັນ ລົງ​ສະ​ຫນາມ 6 ນັດ ສະ​ເຫມີ 1 ນັດ ເສຍ 5 ນັດ ມີ 1 ຄະ​ແນນ.

ສຳ​ລັບ​ຕາ​ຕະ​ລາງການ​ແຂ່ງ​ຂັນ​ໃນ​ອາ​ທິດ​ທີ 7 ແຂ່ງ​ຂັນ​ວັນ​ເສົາ 29 ກໍ​ລະ​ກົດ 2023 ເວ​ລາ 09:00ມ ບໍ​ລິ​ຄຳ​ໄຊ ພົບ ໂຈ​ - ເຈ ຟາມ, ເວ​ລາ 13:00ມ ທະ​ຫານ​ແຂວງ ພົບ ບໍ​ລິ​ສັດ ວັນ​ນະ​ແສງ ແລະ ເວ​ລາ 15:00ມ ບໍ​ລິ​ຄັນ ພົບ ສະ​ມ​າ​ຄົມ​ເຂີຍ​ຫຼັກ 4 ທຸກໆ​ຄູ່​ແຂ່ງ​ຂັນ​ຢູ່​ທີ່​ສະ​ຫນາມກິ​ລາ ມ​ສ ສີ​ທ່າ​ນາ​ໄຊ ສາ​ມາດ​ຕິດ​ຕາມ​ຮັບ​ຊົມ​ການ​ແຂ່ງ​ຂັນ​ໄດ້​ເຂົ້າ​ຊົມບໍ່ເສຍຄ່າ(​Free) ຫລື ຮັບ​ຊົມ​ການ​ຖ່າຍ​ທອດ​ສົດ​ຜ່ານ​ທາງ​ເຟ​ສ​ບຸກ Bolikhamxay League 2.