ສະຫະພັນບານເຕະແຫ່ງຊາດລາວ(ສຕລ)ໄດ້ແຕ່ງຕັ້ງທ່ານ ໂທໂຢດະ ນາຢູຮະ (Toyoda Nayuha) ໄວ 37 ປີສັນຊາດຍີ່ປຸ່ນຮັບຫນ້າທີ່ເປັນ ຄູຝຶກຍິງ ທີມຊາດລາວ ຄົນໃຫມ່.

ສຳລັບປະຫວັດ ຂອງ ໂທໂຢດະ ນາຢູຮະ ແມ່ນເກີດ ວັນທີ 15 ກັນຍາ 1986ເກີດທີ່ເມືອງ ກາມາກູຣະ ( Kamakura ) ປະເທດຍີປຸ່ນ,ເປັນນັກກິລາຫລິ້ນໃນຕຳແຫນ່ງກອງກາງ ເລີ້ມຕົ້ນເປັນນັກກິລາ ປີ 2003 - 2011 ສະໂມສອນ Nippon Tv Beleza ລົງສະຫນາມ 134 ນັດ ຍິງໄດ້ 6 ປະຕູ, ປິ 2012 ຫລິ້ນໃຫ້ກັບ Speranza FC Osaka-Takatsuki ລົງສະຫນາມ 8 ນັດ, ປີ 2012 ຫລິ້ນໃຫ້ກັບ Albirex Niigata ລົງສະຫນາມ 6 ນັດ , ປີ 2013 ຫລິ້ນໃຫ້ກັບ ສະໂມສອນ Bunnys Kyoto SC ລົງສະຫນາມ 22 ນັດ ຍິງໄດ້ 6 ປະຕ, ປີ 2014 ຫລິ້ນໃຫ້ກັບ ສະໂມສອນ Yokohama FC Seagulls.

ໂທໂຢດະ ນາຢູຮະ ແມ່ນຕິດ ທີມຊາດຍີປຸ່ນ ດ້ວຍໄວ 18 ປີ ລົງສະຫນາມນັດທຳອິດ ພົບ ໄຕ້ຫວັນ ໃນວັນທີ 18 ທັນວາ 2004, ເຄີຍຫລິ້ນໃຫ້ກັບ ທີມຊາດຍີປຸ່ນ ຈຳນວນ 22 ນັດ ເຄີຍຜ່ານການແຂ່ງຂັນບານເຕະຍິງ ຊີງແຊ້ມໂລກ ໃນປີ 2007.

ສ່ວນຜົນງານການເປັນຄູຝຶກ ໂຕໂຢດະ ນາຢູຮະ ມີໃບປະກາດ JFA A License Coach ທຽບເທົ່າກັບ AFC A LICENSE, ຜົນງານຄຸມທີມ ປີ 2015 ເປັນຄູຝຶກ ສະໂມສອນ Yokohama FC Seagulls Joy, ປິ 2020 ເປັນຄະນະ ຄູຝຶກ ສະໂມສອນ Kanagawa , ປີ 2021-2023 ຄຸມທີມໄຕ້ຫວັນ.

ເປົ້າໝາຍຫຼັກການມາຄຸມທິມຂອງ ໂທໂຢດະ ນາຢູຮະ ນາຢູຮະ ແມ່ນຊ່ວຍພັດທະນາບານເຕະຍິງທິມຊາດລາວ ໃຫ້ມີການພັດທະນາກ້າວຫນ້າຍິ່ງໆຂຶ້ນ.