ທີມຊາດຊາຍ U-17
News Cover

ທີມຊາດລາວ U16 ເກັບຕົວຝຶກຊ້ອມກຽມເຂົ້າຮ່ວມແຂ່ງຂັນບານເຕະຊິງແຊັມອາຊຽນ

21/05/2024

ທີມຊາດລາວ U16 ເກັບຕົວຝຶກຊ້ອມກຽມເຂົ້າຮ່ວມແຂ່ງຂັນບານເຕະຊິງແຊັມອາຊຽນ ທີມຊາດລາວ ຮຸ່ນອາຍຸບໍ່ເກີນ16 ປີ ຫຼື U16 ໄດ້ເລີ່ມເກັບຕົວຝຶກຊ້ອມຕັ້ງແຕ່ວັນທີ 01 ພຶດສະພາ 2024 ເປັນຕົ້ນມາ ໂດຍມີ ທ່ານ ກັນລະຍາ ສີສົມຫວັງ ເປັນຫົວໜ້າຄູຝຶກ ຊຶ່ງໃນເບື້ອງຕົ້ນໄດ້ຮຽກຕົວນັກກິລາເຍົາວະຊົນ ຈຳນວນ 39 ຄົນ ຈາກຫຼາຍສະໂມສອນ, ທັງຈາກບັນດາແຂວງຕ່າງໆໃນທົ່ວປະເທດ, ສູນຝຶກແອບພາຍໃນ ແລະ ຕ່າງປະເທດ ເຂົ້າຮ່ວມຝຶກແອບເພື່ອເລືອກເຟັ້ນເອົານັກກິລາທີ່ມີຄວາມພ້ອມທັງຮ່າງກາຍ ແລະຈິດໃຈ, ມີທັກສະຄວາມສາມາດທີ່ໂດດເດັ່ນ ໂດຍຈະມີການຄັດນັກກິລາອອກຢ່າງເປັນໄລຍະຈົນກ່ວາຈະໄດ້ນັກກິລາທີ່ມີຄວາມພ້ອມ 23 ຄົນສຸດທ້າຍ ເພື່ອກຽມເຂົ້າຮ່ວມແຂ່ງຂັນບານເຕະຮຸ່ນບໍ່ເກີນ 16 ປີ AFF ASEAN Boy' Championship 2024 ໃນລະຫວ່າງວັນທີ 21 ມີຖຸນາ ຫາ 4 ກໍລະກົດ 2024 ທີ່ ປະເທດ ອິນໂດເນເຊຍ.

News Cover

U17 ທີມຊາດລາວ ສົ່ງທ້າຍ U17 ຊິງແຊ້ມອາຊີ 2023 ປະລາໄຊໃຫ້ ມາເລເຊຍ 1-2

22/06/2023

ການແຂ່ງຂັນເຕະບານຊາຍ ຮຸ່ນອາຍຸບໍ່ເກີນ 17 ປີ ຊິງແຊ້ມອາຊີ 2023 ນັດສຸດທ້າຍຂອງກຸ່ມ A ວັນທີ 21 ມິຖຸນາຜ່ານມາ, U17 ທີມຊາດລາວ ສົ່ງທ້າຍ ດ້ວຍການປະລາໄຊໃຫ້ U17 ມາເລເຊຍ 1-2, U17 ລາວ ນຳກ່ອນ ແຕ່ຖືກແຊງຊະນະ.

U17 ທີມຊາດລາວ ຕົກຮອບແບ່ງກຸ່ມ ເສຍ 3 ນັດລວດ! – ເສຍໃຫ້ ໄທ ເຈົ້າພາບ 1-2, ເສຍໃຫ້ ເຢເມັນ 1-2 ແລະ ເສຍໃຫ້ ມາເລເຊຍ 1-2, U17 ທີມຊາດລາວ ຕົກຮອບແບ່ງກຸ່ມທັງ 3 ຄັ້ງ ທີ່ເຂົ້າຮ່ວມຮອບສຸດທ້າຍ ຕໍ່ຈາກປີ 2004 ແລະ 2012.

ຂະນະທີ່ U17 ທີມຊາດໄທ ເຈົ້າພາບ ໄດ້ອັນດັບ 1 ຂອງກຸ່ມ A ນັດສຸດທ້າຍ ຊະນະ ເຢເມັນ 1-0 ໄດ້ປະຕູໄຊນາທີ 90’+6. U17 ທີມຊາດໄທ ຊະນະ 3 ນັດລວດ ເປັນທີ 1 ຂອງກຸ່ມ, ເຢເມັນ ເປັນທີ 2 ມີ 6 ຄະແນນ ທັງສອງທີມເຂົ້າສູ່ຮອບ 8 ທີມສຸດທ້າຍຕໍ່ໄປ. ຂະນະທີ່ ມາເລເຊຍ ມີ 3 ຄະແນນ ແລະ ລາວ ບໍ່ມີຄະແນນ ຕົກຮອບ.

News Cover

ທີມຊາດລາວU17 ເສຍໃຫ້ ທີມຊາດເຢເມນU17 1-2

18/06/2023

ການແຂ່ງຂັນບານເຕະ ຊິງແຊ້ມອາຊີ ຮຸ່ນອາຍຸບໍ່ເກີນ 17  ປະຈຳປີ 2023 ຮອບສຸດທ້າຍກຸ່ມ A  ວັນທີ 18 ມິຖຸນາ 2023 ຢູ່ທີ່ສະຫນາມກິລາທຳມະສາດ ໄດ້ມີການແຂ່ງຂັນນັດທີສອງລະຫວ່າງ  ທີມຊາດລາວU17  ພົບ ທີມຊາດເຢເມນU17  ຜ່ານການແຂ່ງຂັນຜົນປະກົດວ່າ ທີມຊາດລາວ ເສຍໃຫ້ ເຢເມນ 1-2

- ລາວ ໄດ້ປະຕູຈາກ: ເບີ 19 ພູສົມບູນ  ປັນຍາວົງ ນາທີ 55'
- ເຢເມນ ໄດ້ປະຕູຈາກ: ເບີ 18 ADEL   ນາທີ 28, ເບີ 3 Anwar ( Pen ) ນາທີ 75'


ທີມຊາດລາວU17 ແລະ ມາເລເຊຍU17 ເສຍ 2 ນັດລວດ ຕົກຮອບແນ່ນອນແລ້ວ, ສ່ວນ ໄທ ແລະ ເຢເມນ ຊະນະ 2 ນັດ.

ນັດສຸດທ້າຍຂອງກຸ່ມ A ມາເລເຊຍ ພົບ ລາວ ແລະ ໄທ ພົບ ເຢເມນ ຈະແຂ່ງຂັນວັນທີ 21 ມິຖຸນາ 2023.

News Cover

ທີມຊາດລາວU17 ປະເດີມສະຫນາມນັດທຳອິດເສຍໃຫ້ ທີມຊາດໄທU17 1-2

15/06/2023

ການແຂ່ງຂັນບານເຕະ ຊິງແຊ້ມອາຊີ ຮຸ່ນອາຍຸບໍ່ເກີນ 17  ປະຈຳປີ 2023 ຮອບສຸດທ້າຍກຸ່ມ A  ວັນທີ 15 ມິຖຸນາ 2023 ຢູ່ທີ່ສະຫນາມກິລາປະທຸມທານີ ໄດ້ມີການແຂ່ງຂັນລະຫວ່າງ  ທີມຊາດລາວU17  ພົບ ທີມຊາດລາວU17 ເຊິ່ງເປັນນັດທຳອິດທັງ 2 ທີມ  ຜ່ານການແຂ່ງຂັນຜົນປະກົດວ່າ ທີມຊາດລາວ ເສຍໃຫ້ ໄທ 1-2


- ທີມຊາດລາວ ໄດ້ປະຕູຈາກ: ເບີ 10 ປີເຕີ້ ພັນທະວົງ ນາ  26'

- ທີມຊາດໄທ ໄດ້ປະຕູຈາກ:  ເບີ 19' DUTSADEE 12',  ເບີ 10  CHANOTHAI ນາທີ 90+5'

ນັດທີ ສອງ ຂອງກຸ່ມ A ລາວ ພົບ ເຢເມນ ແລະ ໄທ ພົບ ມາເລເຊຍ ຈະແຂ່ງຂັນວັນທີ  18 ມິຖຸນາ 2023.

News Cover

ປະກາດລາຍຊື່ນັກກິລາ ທີມຊາດລາວ ອາຍຸບໍ່ເກີນ 17 ປີ 23 ຄົນສຸດ​ທ້າຍ ເຂົ້າຮ່ວມການແຂ່ງຂັນ AFCU17 ຮອບສຸດທ້າຍທີ່ປະເທດໄທ

11/06/2023
ປະກາດລາຍຊື່ນັກກິລາ ທີມຊາດລາວ ອາຍຸບໍ່ເກີນ 17 ປີ 23 ຄົນສຸດ​ທ້າຍ ເຂົ້າຮ່ວມການແຂ່ງຂັນ AFCU17 ຮອບສຸດທ້າຍທີ່ປະເທດໄທ
ທີມຊາດລາວU17 ໄດ້ເລີ່ມເກັບຕົວຝຶກຊ້ອມມາຕັ້ງແຕ່ ວັນທີ 06 ມີນາ2023 ເປັນຕົ້ນມາ ເພື່ອກຽມເຂົ້າຮ່ວມການແຂ່ງຂັນ AFC U17 ຮອບສຸດທ້າຍທີ່ປະເທດໄທ.
ທ່ານ ກັນ​ລ​ະຍາ ສີ​ສົມ​ຫວັງ ຫົວ​ຫນ້າ​ຄູ​ຝຶກ​ທີມ​ຊາດ​ລາວU17 ສາ​ມາດ​ຄັດ​ເລືອກ​ນັກ​ກິ​ລາ 23 ຄົນ​ສຸດ​ທ້າຍ ມີລາຍ​ຊື່ດັ່ງນີ້:
+ ຜູ້ຮັກສາປະຕູ
- ຈັນທະວີສຸກ ໝູວໍລະວົງ ຈາກ ແຂວງສະຫວັນນະເຂດ
- ສຸກສະໝອນ ເວທີຕະ ຈາກ ສະໂມສອນ ກິລາບານເຕະ ຊ້າງນ້ອຍ
- ສຸລິສັກ ໝັ້ນປະເສີດ ຈາກ ສະໂມສອນ ກິລາບານເຕະ ຈຳປາສັກ
+ ກອງຫຼັງ
- ອາລີຍາກອນ ຟອງສະຫວັນ ຈາກ ສະໂມສອນ ກິລາບານເຕະ ເອັສທີທີ
- ດູລະໄນ ແກ້ວມະນີວົງ ຈາກ ສະໂມສອນ ກິລາບານເຕະ ຈັນທະບູລີ
- ຈັນທະວີສຸກ ພົງສະຫວັດ ຈາກ ສະໂມສອນ ກິລາບານເຕະ ຈຳປາສັກ
- ຄໍາໝັ້ນ ທາປະເສີດ ຈາກ ແຂວງສະຫວັນນະເຂດ
- ຂຸນວັງ ສູນດາລາ ຈາກ ສະໂມສອນ ກິລາບານເຕະ ນ້ຳທາ
- ສີສະຫວາດ ແກ້ວມຸງຄຸນ ຈາກ ສະໂມສອນ ກິລາບານເຕະ ນ້ຳທາ
- ໄຊຍະສຸກ ແກ້ວວິສອນ ຈາກ ສະໂມສອນ ກິລາບານເຕະ ເອສະຣາ
+ ກອງກາງ
- ບິນລີ້ ໂດນສະໜູພິດ ຈາກ ສະໂມສອນ ກິລາບານເຕະ ເອສະຣາ
- ຄູນທະວີ ທອງມະນີ ຈາກ ສະໂມສອນ ກິລາບານເຕະ ຈັນທະບູລີ
- ໄຊຍະຫວັດ ວັນສະຫວັດ ຈາກ ສະໂມສອນ ກິລາບານເຕະ ຈຳປາສັກ
- ສຸລີນ ທໍາມະສອນ ຈາກ ສະໂມສອນ ກິລາບານເຕະ ນ້ຳທາ
- ຄຳສິງ ນາລິນທອນ ຈາກ ສະໂມສອນ ກິລາບານເຕະ ຊ້າງນ້ອຍ
- ສາຍຝົນ ແກ້ວຫານາມ ຈາກ ສະໂມສອນ ກິລາບານເຕະ ນົນທະບູລີ ( ປະເທດໄທ )
- ເກດສະດາ ເດດກຸມມານ ຈາກ ສະໂມສອນ ກິລາບານເຕະ ກອງທັບ
- ພູສົມບູນ ປັນຍາວົງ ຈາກ ສະໂມສອນ ກິລາບານເຕະ ກອງທັບ
- ກາດໍາ ກອນເຍີ ຈາກ ແຂວງເຊກອງ
+ ກອງຫນ້າ
- ປີເຕີ້ ພັນທະວົງ ຈາກ ສະໂມສອນ ກິລາບານເຕະ ເອສະຣາ
- ທະນູສັກ ນັນທະວົງດວງສີ ຈາກ ສະໂມສອນ ກິລາບານເຕະ ເອ​ສະ​ຣາ
- ຊີການດາ ໄຊສົງຄາມ ຈາກ ສະໂມສອນ ກິລາບານເຕະ ຈຳປາສັກ
- ເພັດສະໝອນ ສີຫາເທບ ຈາກ ສະໂມສອນ ກິລາບານເຕະ ຊ້າງນ້ອຍ
ການແຂ່ງຂັນ AFC U17 ASIAN CUP 2023, Finals ຮອບສຸດທ້າຍທີ່ປະເທດໄທ ແມ່ນຈະແຂ່ງຂັນ ລະຫວ່າງວັນທີ 15 ມິຖຸນາ ຫາ 2 ກໍລະກົດ ໂດຍມີທັງຫມົດ 16 ທີມ ແບ່ງອອກເປັນ 4 ກຸ່ມ ຄື:
- ກຸ່ມ A : ໄທ ( ເຈົ້າພາບ ), ເຢເມນ, ມາເລເຊຍ ແລະ ລາວ
- ກຸ່ມ B : ສ.ເກົາຫລີ, ອີຣານ, ອັຟການິສຖານ ແລະ ກາຕ້າ
- ກຸ່ມ C : ທາຈີກິສຖານ, ອົສຕຣາລີ, ຊາອຸດິ ອາຣັບເບຍ, ສປ ຈີນ
- ກຸ່ມ D : ຍີ່ປຸ່ນ, ອິນເດຍ, ຫວຽດນາມ ແລະ ອຸເບກິສຖານ
ໂດຍແຂ່ງຂັນ 4 ສະຫນາມຄື: ສະຫນາມກິລາຣາຊະມັງກິລາສະຖານ, ສະຫນາມກິລາທຳມະສາດ, ສະຫນາມກິລາປະທຸມທານີ ແລະ ສະຫນາມກິລາຊົນບູຣີ, ອັນດັບ 1 – 4 ລາຍການນີ້ແມ່ນຈະໄດ້ສິດເຂົ້າຮ່ວມການແຂ່ງຂັນບານເຕະຊີງແຊ້ມໂລກ ຮຸ່ນອາຍຸບໍ່ເກີນ 17 ປີ FIFA U-17 WORLD CUP 2023.
ຕາ​ຕະ​ລາງ​ການ​ແຂ່ງ​ຂັນ​ທີມ​ຊາດ​ລາວ
- ວັນ​ທີ 15/06/2023 ເວ​ລາ 19:00 ໄທ ພົບ ລາວ ແຂ່ງ​ຂັນ​ຢູ່​ທີ່​ສະ​ຫນາມ​ກິ​ລ​າປະ​ທຸມ​ທາ​ນີ
- ວັນ​ທີ 18/06/2023 ເວ​ລາ 17:00 ເຢ​ເມນ ພົບ ລາວ ແຂ່ງ​ຂັນ​ຢູ່​ທີ່​ສະ​ຫນາມ​ກິລາ​ທຳ​ມະ​ສາດ
- ວັນ​ທີ 21/06/2023 ເວ​ລາ 19:00 ມາ​ເລ​ເຊຍ ພົບ ລາວ ແຂ່ງ​ຂ​ັນ​ຢູ່​ທີ່​ສະ​ຫນາມ​ກິ​ລາ​ທຳ​ມະ​ສາດ
ກຳ​ນົດ​ການ​ເດີນ​ທາງ​ຂອງ​ທ​ີ​ມ​ຊາດ​ລາວU17 ແມ່ນ​ຈະ​ອອກ​ເດີນ​ທາງ​ໄປ​ທີ່​ປະ​ເທດ​ໄທ​ໃນ​ຕອນ​ບ່​າຍ​ວັນ​ຈັນ 12/06/2023.

News Cover

ຄະນະນັກກິລາທີມຊາດລາວ U17 ສໍາເລັດການເກັບໂຕຝຶກຊ້ອມທີ່ປະເທດ ກາຕ້າ ແລະ ເດີນທາງກັບດ້ວຍຄວາມສະຫວັດດີພາບ

07/06/2023

ຄະນະນັກກິລາທີມຊາດລາວ U17 ສໍາເລັດການເກັບໂຕຝຶກຊ້ອມທີ່ປະເທດ ກາຕ້າ ແລະ ເດີນທາງກັບດ້ວຍຄວາມສະຫວັດດີພາບ ໃນວັນທີ 6 ມີຖຸນາ 2023.ກຽມພ້ອມເຂົ້າຮ່ວມການແຂ່ງຂັນ AFC U17 ຮອບສຸດທ້າຍທີ່ປະເທດໄທ ລະຫວ່າງວັນທີ 15 ມິຖຸນາ ຫາ 2 ກໍລະກົດ 2023.
ຕາ​ຕະ​ລາງ​ການ​ແຂ່ງ​ຂັນ​ທີມ​ຊາດ​ລາວ
- ວັນ​ທີ 15/06/2023 ເວ​ລາ 19:00 ໄທ ພົບ ລາວ ແຂ່ງ​ຂັນ​ຢູ່​ທີ່​ສະ​ຫນາມ​ກິ​ລ​າປະ​ທຸມ​ທາ​ນີ
- ວັນ​ທີ 18/06/2023 ເວ​ລາ 17:00 ເຢ​ເມນ ພົບ ລາວ ແຂ່ງ​ຂັນ​ຢູ່​ທີ່​ສະ​ຫນາມ​ກິລາ​ທຳ​ມະ​ສາດ
- ວັນ​ທີ 21/06/2023 ເວ​ລາ 19:00 ມາ​ເລ​ເຊຍ ພົບ ລາວ ແຂ່ງ​ຂ​ັນ​ຢູ່​ທີ່​ສະ​ຫນາມ​ກິ​ລາ​ທຳ​ມະ​ສາດ
n

News Cover

ກຽມເຂົ້າຮ່ວມການແຂ່ງຂັນ AFC U17 ຮອບສຸດທ້າຍທີ່ປະເທດໄທ

03/04/2023

ກຽມເຂົ້າຮ່ວມການແຂ່ງຂັນ AFC U17 ຮອບສຸດທ້າຍທີ່ປະເທດໄທ ສຳລັບລາຍການດັ່ງກ່າວນີ້ແມ່ນຈະແຂ່ງຂັນ ລະຫວ່າງວັນທີ 15 ມິຖຸນາ ຫາ 2 ກໍລະກົດ ໂດຍມີທັງຫມົດ 16 ທີມ ແບ່ງອອກເປັນ 4 ກຸ່ມ ຜົນການຈັບສະຫລາກມີດັ່ງນີ້:

- ກຸ່ມ A  : ໄທ ( ເຈົ້າພາບ ), ເຢເມນ, ມາເລເຊຍ ແລະ ລາວ  

- ກຸ່ມ B : ສ.ເກົາຫລີ, ອີຣານ, ອັຟການິສຖານ ແລະ ກາຕ້າ 

- ກຸ່ມ C : ທາຈີກິສຖານ, ອົສຕຣາລີ, ຊາອຸດິ ອາຣັບເບຍ, ສປ ຈີນ, 

- ກຸ່ມ D : ຍີ່ປຸ່ນ, ອິນເດຍ, ຫວຽດນາມ ແລະ ອຸເບກິສຖານ 

ໂດຍແຂ່ງຂັນ 4 ສະຫນາມຄື: ສະຫນາມກິລາຣາຊະມັງກິລາສະຖານ, ສະຫນາມກິລາທຳມະສາດ, ສະຫນາມກິລາປະທຸມທານີ ແລະ ສະຫນາມກິລາຊົນບູຣີ, ອັນດັບ 1 – 4 ລາຍການນີ້ແມ່ນຈະໄດ້ສິດເຂົ້າຮ່ວມການແຂ່ງຂັນບານເຕະຊີງແຊ້ມໂລກ ຮຸ່ນອາຍຸບໍ່ເກີນ 17 ປີ FIFA U-17 WORLD CUP 2023 

#AFCU17

News Cover

ຄະນະນໍາ ສະຫະພັນບານເຕະແຫ່ງຊາດລາວ ມອບເງິນ100 ລ້ານກີບໃຫ້ທິມຊາດລາວ U17

11/10/2022

ພາຍຫຼັງທີມຊາດລາວ U17 ສ້າງປະຫວັດສາດຜ່ານເຂົ້າຮອບ16ທີມສຸດທ້າຍເປັນຄັ້ງທີ 3ໃນຮອບຫຼາຍປີໃນລາຍການແຂ່ງຂັນ AFC U17,ຄະນະນໍາສະຫະພັນບານເຕະແຫ່ງຊາດລາວ(ສຕລ)ໄດ້ເຫັນດີຕົກລົງມອບເງິນຈຳນວນ100 ລ້ານກີບໃຫ້ແກ່ທີມຊາດລາວ U17, ເຊິ່ງການຕົກລົງເຫັນດີດັ່ງກ່າວໄດ້ຈັດຂື້ນໃນກອງປະຊຸມພົບລະຫວ່າງການນໍາ ສຕລ ພົບປະໂອ້ລົມກັບນັກກິລາທິມຊາດລາວ U17 ເມື່ອວັນທີ 11 ຕຸລາ 2022 ທີ່ ປະເທດໄທ.

ທ່ານ ຄຳແພງ ວົງຂັນຕີ ຮອງປະທານ ສຕລ ໃນນາມຫົວໜ້າຄະນະໄດ້ກ່າວວ່າ: ພວກເຮົາປະສົບຜົນສໍາເລັດໃນການແຂ່ງຂັນທີ່ສາມາດຜ່ານເຂົ້າຮອບ 16 ທີມສຸດທ້າຍໃນລະດັບອາຊີໃນຮອບຫຼາຍປີ ແຕ່ຈະໃຫ້ດີກວ່ານັ້ນຕ້ອງຜ່ານເຂົ້າສູ່ຮອບ 8 ທີມໃຫ້ໄດ້,ໃຫ້ນັກກິລາໝັ່ນຝຶກຊ້ອມດວ້ຍຕົນເອງໃຫ້ພັດທະນາຂື້ນໄປເລື້ອຍໆ. ຄະນະນໍາ ສຕລ ເຫັນດີຕົກລົງມອບເງິນຈໍານວນ 100 ລ້ານກີບ ເພື່ອເປັນກໍາລັງໃຈໃຫ້ຄະນະນັກກິລາຊຸດນີ້. ໃນໂອກາດດັ່ງກ່າວ ທ່ານ ດຣ ໄຊຊະນະ ທອງຄຳຈັນ ຮອງຫົວໜ້າຄະນະ ທັງເປັນຄະນະບໍລິຫານງານ ສຕລ ກໍ່ໄດ້ແນະນໍາໃຫ້ນັກກິລາເມື່ອເວລາກັບຄືນສະໂມສອນແລ້ວ ໃຫ້ເຄັ່ງຄັດໃນລະບຽບແລະໝັ່ນຝຶກຊ້ອມດ້ວຍຕົນເອງຕື່ມອີກ.

ຕອນທ້າຍຂອງການພົບປະ,ທ່ານພັນໂທ ຖາວອນ ຫຼວງຈັນດາວົງ ຮອງຫົວໜ້າຄະນະ ທັງເປັນຄະນະບໍລິຫານງານ ສຕລ ກໍ່ໄດ້ມີຄໍາເຫັນຕື່ມອີກວ່າ: ພາລະກິດເຮົາຍັງສືບຕໍ່,ບໍ່ໄດ້ສິ້ນສຸດພຽງເທົ່ານີ້,ພາຍຫຼັງກັບຄືນສູ່ສະໂມສອນຂອງຕົນເອງແລ້ວ,ແຕ່ລະຄົນຕ້ອງດຸໝັ່ນຝຶກຊ້ອມໃຫ້ຫຼາຍໆ ແລະ ເຊື່ອໝັ່ນວ່າພວກລູກຫຼານອາຍຸຍັງໜຸ່ມນ້ອຍ ຕ້ອງພັດທະນາຕົນເອງໃຫ້ກ້າວໄປກ່ວານີ້, ຈຸດອ່ອນຢູ່ບ່ອນໃດຕ້ອງໄດ້ປັບປຸງແກ້ໄຂ, ຮຽກຮ້ອງສືບຕໍ່ພາລະກິດຮັກສາມູນເຊື້ອອັນດີງາມນີ້ໄວ້ ເພື່ອພັດທະນາວົງການບານເຕະລາວໃຫ້ກ້າວຂື້ນໄປເລື້ອຍໆໃນຕໍ່ໜ້າ...

#Laosusu #LaoFootballFederation

#AFCU17

News Cover

ທີມຊາດລາວ ຮຸ່ນອາຍຸບໍ່ເກີນ 17 ປີ ຜ່ານເຂົ້າຮອບສຸດທ້າຍ

10/10/2022

ທີມຊາດລາວຊາຍ ຮຸ່ນອາຍຸບໍ່ເກີນ 17 ປີ (U17) ໄດ້ສິດເຂົ້າຮອບສຸດທ້າຍ U17 ປີ ຊີງແຊ້ມອາຊີ 2023ເປັນທີ່ຮຽບຮ້ອຍແລ້ວ ພາຍຫລັງ ລົງສະຫນາມ 3 ນັດ ຊະນະ 2 ນັດຄື ຊະນະ ຮົງກົງ 5-0, ຊະນະ ກຽກກີດສະຖານ 2-1ແລະເສຍ 1 ນັດໃຫ້ ອີຣານ 0-3 ມີ 6 ຄະແນນ ເປັນອັນດັບ 2ຂອງກຸ່ມໄອ.​

ທີມຊາດລາວU17 ເປັນທິມອັນດັບສອງດີສຸດທີມທີ 6ຈາກ10ກຸ່ມ, ຮອງຈາກ ສາທາລະນະລັດເກົາຫລີ (ເກົາຫລີໃຕ້), ສປ ຈີນ, ອັຟການິສຖານ, ອິນເດຍ ແລະ ໄທ ແຕ່ຍັງບໍ່ມີເຈົ້າພາບຮອບສຸດທ້າຍ ຄາດວ່າ: AFC ຈະເລືອກໃນມໍ່ໆນີ້ ແລະ ອາດເປັນ 1 ໃນ 16 ທີມ ທີ່ຜ່ານການຄັດເລືອກຄັ້ງນີ້ ເນື່ອງຈາກ ປະເທດບາເຣນ ຖອນຕົວເປັນເຈົ້າພາບ.

ສຳລັບ ທີມທີ່ຜ່ານເຂົ້າຮອບສຸດທ້າຍ 16 ທີມປະກອບມີດັ່ງນີ້: ກຸ່ມ A : ຢີ່ປຸ່ນ, ກຸ່ມ B : ມາເລເຊຍ ,ກຸ່ມ C : ກາຕ້າ, ກຸ່ມ D : ຊາອຸດີອາຫຼັບບີ, ກຸ່ມ E : ເຢເມນ,ກຸ່ມ F :ຫວຽດນາມ, ກຸ່ມ G :ອອສະເຕເລຍ,ກຸ່ມ H : ທາຈິກິດສະຖານ,ກຸ່ມ I : ອິຣານ, ກຸ່ມ J : ອຸດເບກິສສະຖານ, ທິມຮອງແຊັ້ມ ກຸ່ມ: ສປ ຈີນ, ສ.ເກົາຫລີ,ອັຟການິສຖານ, ອິນເດຍ, ໄທ ແລະ ລາວ.​

ຮອບສຸດທ້າຍ ການແຂ່ງຂັນບານເຕະ ຊີງແຊ້ມອາຊີ 2023 ແມ່ນຈະແຂ່ງຂັນໃນລະຫວ່າງວັນທີ 3-20 ພຶດສະພາ 2023 ແຕ່ຍັງບໍ່ທັນໄດ້ລະບຸເຈົ້າພາບ ເນື່ອງຈາກປະເທດບາເຣນຖອນຕົວເປັນເຈົ້າພາບ, ທີມທີ່ໄດ້ອັນດັບ 1- 4 ແມ່ນຈະໄດ້ສິດເຂົ້າຮ່ວມ ການແຂ່ງຂັນບານເຕະໂລກU17 ຢູ່ທີ່ປະເທດເປຣູ.

News Cover

ການແຂ່ງຂັນບານເຕະ ຊີງແຊ້ມອາຊີ ຮຸ່ນອາຍຸບໍ່ເກີນ 17 ປີ ຮອບຄັດເລືອກ ກຸ່ມໄອ

07/10/2022

ການແຂ່ງຂັນບານເຕະ ຊີງແຊ້ມອາຊີ ຮຸ່ນອາຍຸບໍ່ເກີນ 17 ປີ ຮອບຄັດເລືອກ ກຸ່ມໄອ ລະຫວ່າງ ທີມ ຊາດລາວ ແລະ ທີມ ຮົງກົງ ຜົນປະກົດວ່າ ທີມຊາດລາວ ຊະນະທີມຮົງກົງ 5-0 

ທີມຊາດລາວໄດ້ປະຕູຈາກ ສາຍຝົນ ແກ້ວຫານາມ ໃນນາທີ ທີ 16 ແລະ ນາທີ ທີ 48, ຄໍາໝັ້ນ ທາປະເສີດ ນາທີ 30, ຈາກນັ້ນໃນນາທີ ທີ 73 ແລະ 79 ຂອງເຄິ່ງເວລາທີ ສອງ ປີເຕີ້ ພັນທະວົງ ສ້າງຜົນງານໄດ້ອີກ ສອງປະຕູ ສິ້ນສຸດເວລາຂອງການແຂ່ງຂັນ ທີມຊາດລາວ ຊະນະທີມຮົງກົງ 5-0 ລໍຖ້າລຸ້ນໃນຮອບສຸດທ້າຍເຊິ່ງຈະພົບກັບທີມຊາດ ກຽກກິດສະຖານ ໃນວັນທີ 9 ຕຸລາ ເວລາ 20 ໂມງ 30 ນາທີ.

ຮູບແບບການຄັດເລືອກລາຍການດັ່ງກ່າວ ມີທັງໝົດ 44 ທີມ ແບ່ງເປັນ 10 ກຸ່ມ, ແຂ່ງພົບກັນໝົດໃນກຸ່ມ ແລ້ວຄັດເອົາທີ 1 ຂອງແຕ່ລະກຸ່ມ ແລະ ທີ 2 ດີສຸດ 5 ຫາ 6 ທີມ ເຂົ້າຮອບສຸດທ້າຍໃນປີ 2023.

#Laosusu #LaoFootballFederation

#AFCU17

#afcu17asiancupqualifiers #LaosvsHongkong

News Cover

ທີມຊາດລາວ U17

05/10/2022

ທີມຊາດລາວ U17 ນໍາໂດຍທ່ານ ຄຳແພງ ວົງຂັນຕີ ຮອງປະທານສະຫະພັນບານເຕະແຫ່ງຊາດລາວ(ສຕລ)ຫົວໜ້າຄະນະນໍາ, ຄະນະຄູຝຶກ ແລະ ນັກກິລາທັງໝົດ 36 ຄົນ ໄດ້ອອກເດີນທາງຈາກ ສະໜາມບິນສາກົນວັດໄຕນະຄອນ ຫຼວງວຽງຈັນເມື່ອຕອນບ່າຍຂອງວັນທີ 29 ກັນຍາ 2022 ມຸ່ງໜ້າສູ່ ປະເທດ ກຽກກີສະຖານ, ໂດຍຜ່ານສະໜາມບິນສຸວັນນະພູມ ບາງກອກ ປະເທດໄທ, ສະໜາມບິນດູໄບແລະເດີນທາງຮອດ ສະໜາມບິນສາກົນມານັດ( Manas international airport) ແຫ່ງປະເທດກຽກກີສະຖານເປັນທີ່ຮຽບຮ້ອຍແລ້ວດວ້ຍຄວາມສະຫວັດດີພາບ.

ທີ່ປະເທດ ກຽກກີສະຖານ,ທີມຊາດລາວ U17ຈະໄດ້ເຂົ້າຮ່ວມການແຂ່ງຂັນ AFC U17 Asian Cup 2023 Qualifiers ( group I ) ທີ່ຈະຈັດຂື້ນໃນລະຫວ່າງ ວັນທີ 5 ຫາ 9 ຕຸລາ 2022 ນີ້ ເຊິ່ງ ທິມຊາດລາວ U17 ຢູ່ກຸ່ມ I ຊື່ງປະກອບມີ: ISLAMIC REPUBLIC OF ILAN, HONG KONG, KYRGYZ REPUBLIC, LAOS.

ຕາຕະລາງ ການແຂ່ງຂັນຂອງ ທີມຊາດລາວ

- ວັນທີ 5 ຕຸລາ 2022 ເວລາ 15:00 ອີຣານ ພົບ ລາວ

- ວັນທີ 7 ຕຸລາ 2022 ເວລາ 15:00 ລາວ ພົບ ຮົງກົງ

- ວັນທີ 9 ຕຸລາ 2022 ເວລາ 17:30 ກຽກກີສະຖານ ພົບ ລາວ

ໂດຍທຸກໆນັດແຂ່ງຂັນທີ່ສະໜາມກິລາ Dolon Omurzakov Stadium, Bishkek

#Laosusu #LaoFootballFederation

#LaoNationalTeam

#LFF

News Cover

ລາຍຊື່ນັກກິລາທີມຊາດລາວ U17 ຈຳນວນ 23 ຄົນ

30/09/2022

ພາຍໃຕ້ການຄຸມທີມຂອງທ່ານ ກັນລະຍາ ສີສົມຫວັງ, ນັກກິລາທີມຊາດລາວ U17 ທີ່ໄດ້ເຂົ້າສູນເກັບຕົວຝຶກຊ້ອມ ນັບແຕ່ວັນທີ 1 ກັນຍາ 2022 ເປັນຕົ້ນມາ ຊຶ່ງໃນເບື້ອງຕົ້ນມີນັກກິລາຈໍານວນ 35 ຄົນ ທີ່ມາຈາກຫຼາຍສະໂມສອນເຂົ້າຮ່ວມຝຶກຊ້ອມ. ພ້ອມດຽວກັນນັ້ນກໍ່ໄດ້ມີເກມອຸ່ນເຄື່ອງກັບສະໂມສອນ ໜອງບົວ ພິສະຍະ ແຫ່ງຣາຊາອານາຈັກໄທ ຊຶ່ງມີນັກກິລາຈຳນວນ 28 ຄົນເຂົ້າຮ່ວມເກມດັ່ງກ່າວ ເພື່ອແລກປ່ຽນບົດຮຽນ ແລະ ຫາປະສົບການ ໃນການກຽມຄວາມພ້ອມເຂົ້າຮ່ວມການແຂ່ງຂັນ AFC U17 Asian Cup 2023 Qualifiers ( group I ) ທີ່ຈະຈັດຂື້ນໃນລະຫວ່າງ ວັນທີ 5 ຫາ 9 ຕຸລາ 2022 ນີ້ ທີ່ປະເທດ ກຽກກີສະຖານ Kyrgyz Republic.

ມາຮອດວັນທີ 28 ກັນຍາ 2022 ກໍ່ໄດ້ມີການຝຶກຊ້ອມຢ່າງຂຸນຂ້ຽວ ແລະ ສະຫະພັນບານເຕະແຫ່ງຊາດລາວ ໄດ້ຕົກລົງເຫັນດີປະກາດລາຍຊື່ນັກກິລາ 23 ຄົນເຂົ້າຮ່ວມດັ່ງນີ້:

ຜູ້ຮັກສາປະຕູ

1. ສຸກສະຫມອນ ເວທິຕະ ຈາກ ສະໂມສອນ ກິລາບານເຕະ ຫຼວງພະບາງ

2. ສຸລິສັກ ໝັ້ນປະເສີດ ຈາກ ສະໂມສອນ ກິລາບານເຕະ ຈໍາປາສັກ

3. ຈັນທະວີສຸກ ໜູວໍລະວົງ ຈາກ ແຂວງສະຫວັນນະເຂດ

ກອງຫລັງ

4. ໄຊຍະສຸກ ແກ້ວວິສອນ ຈາກ ສະໂມສອນບານເຕະ ເອສຣາ

5. ຂຸນວັງ ສູນດາລາ ຈາກ ສະໂມສອນ ກິລາບານເຕະ ເອສະຣາ

6. ຄໍາໝັ້ນ ທາປະເສີດ ຈາກ ແຂວງສະຫວັນນະເຂດ

7. ດູລະໄນ ແກ້ວມະນີວົງ ຈາກ ສະໂມສອນ ກິລາບານເຕະ ຊ້າງນ້ອຍ

8. ອະລິຍະກອນ ຟອງສະຫວັນ ຈາກ ສະໂມສອນ ເອສະຣາ

9. ຈັນທະວີສຸກ ພົງສະຫວັດ ຈາກ ສະໂມສອນ ກິລາບານເຕະ ຈໍາປາສັກ

ກອງກາງ

10. ສາຍຝົນ ແກ້ວຫານາມ ຈາກ ສະໂມສອນ ກິລາບານເຕະ ນົນທະບູລີ

11. ຄູນທະວີ ທອງມະນີ ຈາກ ສະໂມສອນ ກິລາບານເຕະ ຊ້າງນ້ອຍ

12. ສີສະຫວາດ ແກ້ວມຸງຄຸນ ຈາກ ສະໂມສອນ ກິລາບານເຕະ ເອສະຣາ

13. ບິ່ນລີ້ ໂດນສະໜູພິດ ຈາກ ສະໂມສອນ ກິລາບານເຕະ ເອສະຣາ

14. ໄຊມັງກອນ ປ່ຽມມະໄລ ຈາກ ສໂມສອນ ກິລາບານເຕະ ສາລະວັນ

15. ສົງການ ລິຍະສັກ ຈາກ ແຂວງອຸດົມໄຊ

16. ນາຄົມ ສຸລິຍະວົງ ຈາກ ສະໂມສອນ ກິລາບານເຕະ ວຽງຈັນ ຢູໄນເຕັດ

17. ໄຊຍະຫວັດ ວັນສະຫວັດ ຈາກ ສະໂມສອນ ກິລາບານເຕະ ຈຳປາສັກ

18. ເກດສະດາ ເດດກຸມມານ ຈາກ ສະໂມສອນ ກິລາບານເຕະ ກອງທັບ

19. ພູສົມບູນ ປັນຍາວົງ ຈາກ ສະໂມສອນ ກິລາບານເຕະ ວຽງຈັນ ເອັຟທີ

ກອງຫນ້າ

20. ປີເຕີ້ ພັນທະວົງ ຈາກ ສະໂມສອນ ກິລາບານເຕະ ເອສະຣາ

21. ທະນູສັກ ນັນທະວົງດວງສີ ຈາກ ສະໂມສອນ ກິລາບານເຕະ ເອສະຣາ

22. ເພັດສະໝອນ ສີຫາເທບ ຈາກ ສະໂມສອນ ກິລາບານເຕະ ຫຼວງພະບາງ

23. ຊີການດາ ໄຊສົງຄາມ ຈາກ ສະໂມສອນ ກິລາບານເຕະ ຈຳປາສັກ

ຕາຕະລາງ ການແຂ່ງຂັນຂອງ ທີມຊາດລາວ

- ວັນທີ 5 ຕຸລາ 2022 ເວລາ 15:00 ອີຣ່ານ ພົບ ລາວ

- ວັນທີ 7 ຕຸລາ 2022 ເວລາ 15:00 ລາວ ພົບ ຮົງກົງ

- ວັນທີ 9 ຕຸລາ 2022 ເວລາ 17:30 ກຽກກີສະຖານ ພົບ ລາວ

ໂດຍທຸກໆນັດແຂ່ງຂັນທີ່ Dolon Omurzakov Stadium, Bishkek

#Laosusu #LaoFootballFederation

#AFCU17