ສະຫະພັນບານເຕະແຫ່ງຊາດລາວ ( ສຕລ ) ໄດ້ສົ່ງຜູ້ຝຶກສອນ ຄູຝຶກຂອງສຕລເຂົ້າຮ່ວມຝຶກອົບຮົມ ຫລັກສູດອົບຮົມການພັດທະນາຄູຝຶກ ເອເອັຟຊີ(AFC) ລະດັບ B ແລະ A ປະຈໍາປີ 2024 AFC COACH EDUCATION TUTORS COURSES 2024- EAST ຢູ່ແຂວງຊຽງໃຫມ່ ປະເທດໄທ,ເຊິ່ງຈະຈັດຂື້ນລະຫວ່າງວັນທີ 25-29 ພະຈິກ 2024.

ຜູ້ຝຶກສອນຄູຝຶກຂອງສຕລທີ່ເຂົ້າຮວ່ມຝຶກອົບຮົມຄັ້ງນີ້ລວມມີ2ທ່ານຄື ທ່ານHerman Zalaini ຫົວໜ້າພັດທະນາຄູຝຶກ ສຕລແລະທ່ານ ວົງມີໄຊ ສຸບົວຄຳ ຜູ້ຝຶກສອນຫຼັກຈາກປະເທດລາວ.

 ສຳລັບຈຸດປະສົງການຝຶກອົບຮົມດັ່ງກ່າວແມ່ນເພື່ອຍົກລະດັບຄຸນນະພາບຂອງ ວິທະຍາກອນ ໃນແຕ່ລະປະເທດ ເພື່ອເພີ່ມທັກສະໃນການເປັນວິທະຍາກອນໃນທຸກໆດ້ານ ລວມໄປເຖິງການວິເຄາະແລກປ່ຽນ ແລະ ການປະເມີນຄວາມສາມາດຂອງຜູ້ຝຶກສອນ, ການແລກປ່ຽນຂໍ້ມູນຈາກແຕ່ລະປະເທດ, ການພັດທະນາວິທະຍາກອນຮ່ວມກັນໃນໄລຍະຍາວ.ການຝຶກອົບຮົມດັ່ງກ່າວມີຜູ້ເຂົ້າຮ່ວມທັງຫມົດ 25 ຄົນທີ່ມາຈາກ12 ປະເທດ.

ສະຫະພັນບານເຕະແຫ່ງຊາດລາວ( ສຕລ) ໄດ້ຈັດພິທີເປີດການຝຶກອົບຮົມຄູຝຶກຜູ້ຮັກສາປະຕູກິລາບານເຕະ ລະດັບບີ(B)ຂື້ນ ໃນຕອນເຊົ້າວັນທີ 13 ພະຈິກ 2024 ທີ່ ຫ້ອງປະຊຸມ ສຕລ,ໂດຍໃຫ້ກຽດເປັນປະທານກ່າວເປີດຂອງທ່ານ ຈັນທະວົງ ສິລິມະໂນທຳ ຮັກສາການເລຂາທິການສະຫະພັນບານເຕະແຫ່ງຊາດລາວ.

ໃນພິທີທ່ານຈັນທະວົງສິລິມະໂນທຳໄດ້ຍົກໃຫ້ເຫັນຄວາມໝາຍແລະຄວາມສຳຄັນຂອງການຝຶກອົບຮົມໃນຄັ້ງນີ້ແລະຮຽກຮ້ອງໃຫ້ຜູ້ເຂົ້າຮວ່ມເອົາໃຈໃສ່ໃນການຮໍ່າຮຽນຍົກລະດັບຄວາມຮູ້ທັງພາກທິດສະດີແລະພາກປະຕິບັດຕົວຈິງເພື່ອພັດທະນາຕົນເອງໃຫ້ກາຍເປັນຄູຝຶກຜູ້ຮັກສາ ປະຕູກິລາບານເຕະທີດີແລະກ້າວຂື້ນໃນລະດັບສູງຂື້ນໄປອີກ.ທ່ານຈັນທະວົງ ສິລິມະໂນທຳກ່າວວ່າ:ການຝຶກອົບຮົມຄູຝຶກຜູ້ຮັກສາປະຕູຄັ້ງນີ້ ຖືວ່າເປັນຄັ້ງທໍາອິດ ທີ່ ສຕລ ຈັດໃນລະດັບ B ຫຼື Level 2 ເຊິ່ງຈະຊ່ວຍຍົກລະດັບຄວາມຮູ້ຄວາມສາມາດໃຫ້ແກ່ຄູຝຶກປະຕູທີ່ເຂົ້າຮ່ວມໃຫ້ສູງຂື້ນ. ໃນຕໍ່ໜ້າ ສຕລ ມີແຜນທີ່ຈະຈັດຝຶກອົບຮົມ ໃນລະດັບ A ຫຼື Level 3 ເຊິ່ງເປັນລະດັບສູງສຸດ ແລະ ມີຄວາມຈໍາເປັນສໍາລັບຕໍາແໜ່ງດັ່ງກ່າວໃນການແຂ່ງຂັນທີມຊາດຊຸດໃຫຍ່ຂອງ AFC”

ການຝຶກອົບຮົມແມ່ນຈະດຳເນີນໄປເປັນ 2 ໄລຍະຄື: 

- ໄລຍະທີ 1 ແຕ່ວັນທີ 13-16 ພະຈິກ 2024.

- ໄລຍະທີ 2 ແຕ່ວັນທີ 3-7 ກຸມພາ 2025.

ແບ່ງເປັນ 2 ພາກຄື: ພາກທິດສະດີ ແລະ ພາກປະຕິບັດຕົວຈິງ.

ເຂົ້າຮວ່ມກອງປະຊຸມນີ້ຍັງມີ,ທ່ານ ຊຸນດຣໍາ ມູນຕີ (Sundram Moorthy) ຫົວໜ້າພະແນກເຕັກນິກ - ວິທະຍາ ສຕລ, ທ່ານ Yong Wai Hwang ຄູຝຶກສອນຫຼັກຈາກປະເທດມາເລເຊຍ ພ້ອມດ້ວຍພະນັກງານວິຊາການກ່ຽວຂ້ອງ ແລະສຳມະກອນຈໍານວນ 17 ທ່ານ,ມາຈາກປະເທດໄທ 3ທ່ານ ແລະ ໂຮນແລນ 1 ທ່ານ.

      ສະຫະພັນບານເຕະແຫ່ງຊາດລາວ( ສຕລ) ໄດ້ຈັດພິທີປີດການຝຶກອົບຮົມຄູຝຶກກິລາບານເຕະລະດັບຊີ(c) ທີ່ຫ້ອງປະຊຸມພະແນກສາທາລະນະສຸກແຂວງຄໍາມ່ວນ ຂື້ນໃນຕອນບ່າຍ ວັນທີ 08 ພະຈິກ 2024 ໃຫ້ກຽດເປັນປະທານກ່າວປີດຂອງທ່ານ ປອ ບຸນປອນ ທອງສຸວັນນະລາດ ຮອງຫົວຫນ້າພະແນກສືກສາ ແລະ ກິລາ ແຂວງຄຳມ່ວນ.

     ໃນໂອກາດດັ່ງກ່າວ ທ່ານ ປອ ບຸນປອນ ທອງສຸວັນນະລາດ ຍັງໄດ້ກ່າວໂອ້ລົມຕໍ່ຜູ້ເຂົ້າຮ່ວມຝຶກອົບຮົມໃນຄັ້ງນີ້ ໃຫ້ນຳໃຊ້ບົດຮຽນທີ່ຮຽນມາເຂົ້າໃນການຝຶກຊ້ອມໃຫ້ກັບເຍົາວະຊົນແລະ ສະໂມສອນ ອ້ອມຂ້າງແຂວງຄຳມ່ວນ ເພື່ອສ້າງນັກກິລາ ຮຸ່ນສືບທອດໃນລະດັບເຍົາວະຊົນພາຍໃນແຂວງ ເພື່ອກ້າວເປັນນັກກິລາອາຊີບ ແລະ ທີມຊາດໃນອະນາຄົດ.

      ການຝຶກອົບຮົມດັ່ງກ່າວແມ່ນໄດ້ເລີ້ມມາແຕ່ ວັນທີ 28 ຕຸລາ ຈົນຮອດ ວັນທີ 08 ພະຈິກ 2024, ໄລຍະການຝຶກອົບຮົມ ແມ່ນແບ່ງອອກເປັນ 2 ພາກ ປະກອບມີ ພາກທິດສະດີ ແລະ ການປະຕິບັດຕົວຈິງພາກສະໜາມ, ໂດຍຈະມີການສອບເສັງ 6 ຄັ້ງ ( ຕົວຈິງ 3 ຄັ້ງ ແລະ ທິດສະດີ 2 ຄັ້ງ ແລະ ເສັງກໍາມະການ 1 ຄັ້ງ ), ຜູ້ເຂົ້າຮ່ວມແມ່ນໄດ້ຮຽນຮູ້ກ່ຽວກັບ ການພັດທະນາຄູຝຶກ, ຄວາມຕ້ອງການຄູຝຶກຂອງ AFC, ພາລະບົດບາດ ແລະ ໜ້າທີຮັບຜິດຊອບ, ເຕັກນິກ ແລະ ຍຸດທະວິທີຂອງການເຕະບານ, ຄວາມສຳພັນກັບບານ, ການສົ່ງບານ, ການຈັບບານ, ການຍິງບານ, ຫຼັກການຂອງການຝຶກສອນ, ບານເຕະຟຸດຊໍ, ກະຕິກາຂອງກິລາບານເຕະ, ອາຫານ ແລະ ສຸຂະພາບ, ການຝຶກແອບ, ການຝຶກແອບຜູ້ຮັກສາປະຕູ, ການວາງແຜນ, ບົດບາດສຳຄັນຂອງຜູ້ຮັກສາປະຕູ, ການຈະເລີນເຕີບໃຫຍ່ ແລະ ການປະຖົມພະຍາບານ, ແນະນຳພາກປະຕິບັດກິດຈະກຳບານເຕະພື້ນຖານ, ການຫຼີ້ນບານໃນເກມ.

     ໃນຕອນທ້າຍພິທີ ຍັງໄດ້ມອບໃບຢັ້ງຢືນໃຫ້ແກ່ຜູ້ສຳເລັດການເຂົ້າຮວ່ມຝຶກອົບຮົມ. ສ່ວນຜົນຂອງການ ຝຶກອົບຮົມຄູຝຶກກິລາບານເຕະລະດັບຊີ (C) ແມ່ນຈະແຈ້ງໃຫ້ຮັບຊາບຕາມພາຍຫລັງ.

     ເຂົ້າຮວ່ມປິດພິທີຍັງມີ ທ່ານ ໂມຮໍາມັດ ເຮີມັນ ( Mohammad Herman B Zailani ) ຫົວໜ້າວຽກງານພັດທະນາຄູຝຶກ ສຕລ, ທ່ານ ວົງມີໄຊ ສຸບົວຄຳ ອາຈານຝຶກສອນ ຈາກ ສຕລ ພ້ອມດ້ວຍຄະນະ ແລະ ທ່ານ ແສງສະຫວັນ ຈັນທະຄຳມະນີ ຫົວໜ້າຂະແໜງກິລາພາລະສີລະປະສືກສາ

                ສະຫະພັນບານເຕະແຫ່ງຊາດລາວ( ສຕລ) ໄດ້ຈັດພິທີເປີດການຝຶກອົບຮົມຄູຝຶກກິລາບານເຕະລະດັບຊີ(C) ຂື້ນໃນຕອນເຊົ້າວັນທີ 28 ຕຸລາ 2024 ທີ່ທີ່ຫ້ອງປະຊຸມພະແນກສາທາລະນະສຸກແຂວງຄໍາມ່ວນ,ໂດຍມີທ່ານ ປອ ບຸນປອນ ທອງສຸວັນນະລາດ ຮອງຫົວໜ້າພະແພກສຶກສາ ແລະ ກິລາແຂວງຄຳມ່ວນ, ທ່ານ ວັນທອນ ບຸດສົມພັນ ຮອງຫົວໜ້າ ສະຫະພັນບານເຕະແຂວງຄຳມ່ວນໃຫ້ກຽດເຂົ້າຮວ່ມ.

              ໃນພິທີ, ທ່ານ ວັນທອນ ບຸດສົມພັນ ຮອງຫົວໜ້າ ສະຫະພັນບານເຕະແຂວງຄຳມ່ວນ ກ່າວເປີດພິທີໂດຍໄດ້ຍົກໃຫ້ເຫັນຄວາມໝາຍສຳຄັນຂອງການຝຶກອົບຮົມຄັ້ງນີ້,ລວມທັງບົດບາດຄວາມສໍາຄັນຂອງຄູຝຶກ, ພ້ອມຮຽກຮ້ອງໃຫ້ຜູ້ເຂົ້າຮວ່ມການຝຶກອົບຮົມຈົ່ງຕັ້ງໃຈຮຽນຮູ້ແລກປ່ຽນບົດຮຽນ,ປະສົບການ ນຳຄູຝຶກທີ່ມີປະສົບການສູງ,ເພື່ອນໍາເອົາບົດຮຽນໃນການຝຶກອົບຮົມຄັ້ງນີ້ ໄປນໍາໃຊ້ໃຫ້ເກີດປະໂຫຍດຫຼາຍເທົ່າທີ່ຈະຫຼາຍໄດ້ເພື່ອພ້ອມກັນພັດທະນາວົງການບານເຕະລາວເວົ້າລວມ,ກໍຄືບານເຕະຂອງແຂວງຄຳມ່ວນໃຫ້ກ້າວສູ່ລະດັບດີຂື້ນໄປເລື້ອຍໆ.

             ໄລຍະການຝຶກອົບຮົມ ແມ່ນແບ່ງອອກເປັນ 2 ພາກ ປະກອບມີ ພາກທິດສະດີ ແລະ ການປະຕິບັດຕົວຈິງພາກສະໜາມ, ໂດຍຈະມີການສອບເສັງ 6 ຄັ້ງ ( ຕົວຈິງ 3 ຄັ້ງ ແລະ ທິດສະດີ 2 ຄັ້ງ ແລະ ເສັງກໍາມະການ 1 ຄັ້ງ ), ຜູ້ເຂົ້າຮ່ວມຈະໄດ້ຮຽນຮູ້ກ່ຽວກັບ ການພັດທະນາຄູຝຶກ, ຄວາມຕ້ອງການຄູຝຶກຂອງ AFC, ພາລະບົດບາດ ແລະ ໜ້າທີຮັບຜິດຊອບ, ເຕັກນິກ ແລະ ຍຸດທະວິທີຂອງການເຕະບານ, ຄວາມສຳພັນກັບບານ, ການສົ່ງບານ, ການຈັບບານ, ການຍິງບານ, ຫຼັກການຂອງການຝຶກສອນ, ບານເຕະຟຸດຊໍ, ກະຕິກາຂອງກິລາບານເຕະ, ອາຫານ ແລະ ສຸຂະພາບ, ການຝຶກແອບ, ການຝຶກແອບຜູ້ຮັກສາປະຕູ, ການວາງແຜນ, ບົດບາດສຳຄັນຂອງຜູ້ຮັກສາປະຕູ, ການຈະເລີນເຕີບໃຫຍ່ ແລະ ການປະຖົມພະຍາບານ, ແນະນຳພາກປະຕິບັດກິດຈະກຳບານເຕະພື້ນຖານ, ການຫຼີ້ນບານໃນເກມ.

                ສຳລັບການຝຶກອົບຮົມແມ່ນຈະດຳເນີນໄປແຕ່ວັນທີ 28 ຕຸລາ ຈົນຮອດ ວັນທີ 08 ພະຈິກ 2024.

              ເຂົ້າຮວ່ມພິທີນີ້ ຍັງມີທ່ານ ຊຸນດຣໍາ ມູນຕີ (Sundram Moorthy) ຫົວໜ້າພະແນກເຕັກນິກ - ວິທະຍາ ສຕລ, ທ່ານ ໂມຮໍາມັດ ເຮີມັນ ( Mohammad Herman B Zailani ) ຫົວໜ້າວຽກງານພັດທະນາຄູຝຶກ ສຕລ, ຕົວແທນຄູຝຶກສອນ ສະຫະພັນບານເຕະນາໆຊາດ ຟີຟາ, ທ່ານ ວົງມີໄຊ ສຸບົວຄຳ ຜູ້ຝຶກສອນຫຼັກຈາກ ສຕລ ພ້ອມດ້ວຍຄະນະ ແລະ ນັກສຳມະກອນຈໍານວນ 23 ທ່ານ ເປັນຍິງ 5 ທ່ານ ມາຈາກບັນດາສະໂມສອນ ເຂົ້າຮ່ວມ ລີກ 2 ແຂວງຄຳມ່ວນ, ບັນດາເມືອງອ້ອມຂ້າງແຂວງຄຳມ່ວນ ແລະ ປະເທດໄທ 6 ທ່ານ.

ສະຫະພັນບານເຕະແຫ່ງຊາດລາວ(ສຕລ) ສົມທົບ ກັບພະແນກສຶກສາທິການ ແລະ ກິລາແຂວງເຊກອງ ໄດ້ສຳເລັດການຈັດກິດຈະກໍາຝຶກອົບຮົມຄູຝຶກກິລາບານເຕະໃນໂຄງການກິລາບານເຕະໃນໂຮງຮຽນ ທົ່ວແຂວງເຊກອງ ຂື້ນ FIFA FOOTBALL FOR SCHOOLS ລະຫວ່າງວັນທີ 18-20 2024 ທີ່ຜ່ານມາ,ໂດຍມີ ທ່ານ ພັທ ຖາວອນ ຫຼວງຈັນດາວົງ ຄະນະບໍລິຫານງານສຕລ, ທ່ານ Sundram Moorthyຫົວໜ້າພະແນກເຕັກນິກວິທະຍາສຕລ, ທ່ານ ຄຳໄພ ສິມມາວັດ ຫົວໜ້າພະແນກສຶກສາທິການ ແລະ ກິລາແຂວງເຊກອງ, ທ່ານ ສຸກສາຄອນ ຈັນທະພານິດ ຮອງປະທານສະຫະພັນບານເຕະແຂວງເຊກອງ ພ້ອມດວ້ຍບັນດາຄູຝຶກຕະຫຼອດຮອດນັກກິລາເຂົ້າຮ່ວມ.

ທ່ານ ພັທ ຖາວອນ ຫຼວງຈັນດາວົງກ່າວວ່າ:ສຳລັບການຝຶກອົບຮົມກິລາບານເຕະໃນໂຮງຮຽນໃນໂຄງການດັ່ງກ່າວນີ້ແມ່ນມີຈຸດປະສົງເພື່ອສົ່ງເສີມໃຫ້ນັກຮຽນ ໄດ້ເຂົ້າເຖິງການຫລິ້ນກິລາບານເຕະພາຍໃນໂຮງຮຽນຫລາຍຂຶ້ນ ແລະ ໄດ້ຮັບການຝຶກແອບແລະສິດສອນຢ່າງຖືກວິທີຈາກຄູອາຈານພາລະສຶກສາພາຍໃນໂຮງຮຽນ ເພື່ອເປັນຕົວແບບ ແລະເປັນອີກໂຄງ ການໜຶ່ງທີ່ດີໃນການພັດທະນາເດັກທັງດ້ານສະຕິປັນຍາແລະກຳລັງວັງຊາ. ໂຄງການນີ້ບໍ່ພຽງແຕ່ຝຶກແອບບານເຕະໃຫ້ນັກຮຽນເທົ່ານັ້ນ, ແຕ່ຍັງຈະສອນໃຫ້ເຂົາເຈົ້າໄດ້ຮັບຮູ້ເຖິງທັກສະການໃຊ້ຊີວິດອີກດ້ວຍ.ຫວັງຢ່າງຍິ່ງວ່າ ຜູ້ເຂົ້າຮ່ວມຈະນຳເອົາຄວາມຮູ້ໃນການເຂົ້າຮ່ວມໃນຄັ້ງນີ້ ເພື່ອໄປພັດທະນາ ໂຮງຮຽນຂອງຕົນເອງ ໄປສິດສອນບານເຕະໃຫ້ ກັບບັນດາເຍົາວະຊົນ ຊື່ງແຂວງເຊກອງ ນັບເປັນແຂວງທີ່ 3 ຖັດຈາກແຂວງບໍ່ແກ້ວແລະນະຄອນຫລວງວຽງຈັນທີ່ໄດ້ສຳເລັດກິດຈະກໍາຝຶກອົບຮົມຄູຝຶກກິລາບານເຕະໃນໂຄງການກິລາບານເຕະໃນໂຮງຮຽນ.

ສະຫະພັນບານເຕະແຫ່ງຊາດລາວ ( ສຕລ ) ໄດ້ສຳເລັດການຈັດຝຶກອົບຮົມຄູຝຶກພາລະກຳລັງລະດັບ 1B ປະຈໍາປີ 2024 LFF/AFC Fitness Coaching Certificate Course Level 1B, ພິທິປິດຝຶກອົບຮົມດັ່ງກ່າວໄດ້ມີຂຶ້ນ ວັນທີ 18 ຕຸລາ 2024 ທີ່ຫ້ອງປະຊຸມ ສຕລ ໂດຍໃຫ້ກຽດເຂົ້າຮ່ວມຂອງ ທ່ານ ຈັນທະວົງ ສິລິມະໂນທຳ ຮັກສາການເລຂາທີການ ສະຫະພັນບານເຕະແຫ່ງຊາດລາວ, ທ່ານ ຊູນດຣໍາ ມູຣຕີ ( Sundram Moorthy ) ຫົວໜ້າພະແນກເຕັກນິກ - ວິທະຍາ ສຕລ, ທ່ານ ມາກ ຈອນ( Mark Jones ) ສັນຊາດອົສຕຣາລີ ຄູຝຶກສອນຈາກສະຫະພັນບານເຕະອາຊີ(AFC) ເປັນວິທະຍາກອນ ພ້ອມດ້ວຍວິຊາການທີ່ກ່ຽວຂ້ອງ ແລະ ບັນດາສໍາມະນາກອນຝຶກອົບຮົມເຂົ້າຮ່ວມ. ການຝຶກອົບຮົມຄູຝຶກໃນຄັ້ງນີ້ແມ່ນໄດ້ຮັບການຮັບຮອງຈາກAFC ຮ່ວມກັບ ສຕລ ຮັບຮອງ ແລະ ຕົກລົງຈັດຝຶກອົບຮົມຢ່າງເປັນທາງການ ຊຶ່ງເປັນຄັ້ງທໍາອິດທີ່ ສຕລ ໄດ້ຮັບກຽດໃນການຈັດຝຶກອົບຮົມໃນຄັ້ງນີ້ ໂດຍມີບັນດາສໍາມະນາກອນຝຶກອົບຮົມຈໍານວນທັງໝົດ 15ທ່ານ,ໃນນັ້ນມາຈາກປະເທດໄທ 3 ທ່ານ ແລະ ຄາເມຣູນ 1 ທ່ານ. ຈຸດປະສົງໃນການຝຶກອົບຮົມຄັ້ງນີ້ແມ່ນເພື່ອໃຫ້ຄູຝຶກທີ່ເຂົ້າຮ່ວມຝຶກອົບຮົມໄດ້ມີຄວາມຮູ້ກ່ຽວກັບວິທະຍາສາດການກິລາ,ມີການສຶກສາເຖິງຄວາມສໍາຄັນ ແລະ ຈຳເປັນດ້ານພາລະກໍາລັງສອດຄ່ອງກັບສະພາບຕົວຈິງ ເພື່ອນໍາຄວາມຮູ້, ປະສົບການໄປປັບປຸງພັດທະນານັກກິລາໃຫ້ມີຄວາມພ້ອມກັບການແຂ່ງຂັນກິລາບານເຕະທີ່ມີຄວາມເຂັ້ມຂຸ້ນແລະທັນສະໄໝຫຼາຍຂື້ນ.

  ທ່ານ ຈັນທະວົງ ສິລິມະໂນທຳ ຮັກສາການເລຂາທິການ ສຕລ ໄດ້ກ່າວປີດແລະໃຫ້ຄວາມເຫັນວ່າ: ເປັນໂອກາດດີທີ່ພວກເຮົາໄດ້ຮັບການຈັດຝຶກອົບຮົມໃນຄັ້ງນີ້ ເພື່ອສົ່ງຄວາມຮູ້ໃຫ້ບັນດາຄູຝຶກໃນລາວ ຊຶ່ງວຽກງານດັ່ງກ່າວ ເປັນທິດທາງແລະເປົ້າໝາຍທີ່ຕ້ອງການຍົກລະດັບຫຼາຍທີ່ສຸດ ແລະ ຢາກຮຽກຮ້ອງໃຫ້ຜູ້ເຂົ້າຮ່ວມນຳເອົາຄວາມຮູ້ ໃນການຮຽນຄັ້ງ ເອົານໍາໄປໃຊ້ໃຫ້ເກີດປະໂຫຍດສູງສຸດໃນການພັດທະນາວົງການບານເຕະລາວ, ພັດທະນາ ສະໂມສອນ ທີ່ຕົນເອງສັງກັດ ແລະ ພັດທະນາທີມຊາດລາວ ໃນອະນາຄົດ. ການຝຶກອົບຮົມແມ່ນໃຊ້ເວລາ 5 ວັນ ແຕ່ວັນທີ 14-18 ຕຸລາ 2024 ຊື່ງຜູ້ເຂົ້າຮ່ວມແມ່ນໄດ້ຮຽນຮູ້ກ່ຽວກັບວິທະຍາດສາດການກິລາ, ຄວາມຮູ້ພື້ນຖານຂອງການອອກກໍາລັງກາຍ, ຄວາມສໍາຄັນດ້ານພາລະກໍາລັງ, ໂພສະນາການຕ່າງໆ ແລະ ສາມາດວາງແຜນລະອຽດກ່ຽວກັບການອອກກໍາລັງກາຍໃຫ້ຖືກວິທີ.

ຕອນເຊົ້າ ວັນທີ 18 ຕຸລາ 2024 ທີ່ຜ່ານມາ ນີ້ ຢູ່ທີ່ຫ້ອງປະຊຸມພະແນກສຶກສາທິການ ແລະ ກິລາແຂວງເຊກອງ ໄດ້ມີພິທີ ເປີດຊຸດຝຶກອົບຮົມໂຄງການບານເຕະໃນໂຮງຮຽນ FIFA FOOTBALL FOR SCHOOLS ຂຶ້ນໃນລະຫວ່າງວັນທີ 18-20 ຕຸລາ 2024 ເຂົ້າຮ່ວມໃນພິທີເປິດໂດຍມີ ທ່ານ ສຸລິຄຳ ພອນທະລາ ຄະນະພັກຮາກຖານ ຮອງຫົວໜ້າພະແນກສຶກສາທິການ ແລະ ກິລາແຂວງ, ທ່ານ ສຸດທາລີ ລຸນສິລິ ຄູຝຶກສອນ ຈາກ ສະຫະພັນບານເຕະແຫ່ງຊາດລາວ ພ້ອມດ້ວຍຄະນະ ແລະ ນັກສຳມະນາກອນ ເຂົ້າຮ່ວມທັງຫມົດ 46 ທ່ານ ໃນນັ້ນເປັນຍິງ 2 ທ່ານ. ຈຸດປະສົງໃນການຝຶກອົບຮົມຄູຝຶກກິລາບານເຕະໃນໂຮງຮຽນຄັ້ງນີ້ແມ່ນເພື່ອຍົກລະດັບຄວາມຮູ້ຄວາມສາມາດແລະວິທີສິດສອນກິລາບານເຕະໃຫ້ກັບຄູພາລະສຶກສາທົ່ວແຂວງເຊກອງ ໄດ້ນໍາເອົາຫຼັກສູດແບບໃໝ່ໆຂອງກິລາບານເຕະໄປນໍາໃຊ້ຝຶກຢູ່ບັນດາໂຮງຮຽນໃນທົ່ວແຂວງເຊກອງ, ເພື່ອເປັນການພັດທະນານັກກິລາບານເຕະລຸ້ນສືບທອດກໍ່ຄືລຸ້ນເຍົາວະຊົນທັງປະເພດຍິງ-ຊາຍໃຫ້ກ້າວສູ່ຄຸນນະພາບສຸງຂື້ນ.ໃນນັ້ນ,ລວມມີການແນະນໍາການຝຶກແອບແບບໝູນສໍາລັບນັກກິລາໃຫ້ເຂົາເຈົ້າໄດ້ປັບປຸງຄວາມສາມາດຂອງນັກກິລາ,ຮູ້ທັກສະ,ມີໄຫວພິກໃນການຫຼີ້ນບານທີ່ຄ່ອງແຄ້ວ,ສ້າງຄວາມປະພຶດກໍ່ຄືມີນໍ້າໃຈນັກກິລາ, ເປັນສູນກາງເຂົ້າເຖິງນັກກິລາ, ເປັນຈຸດສຸມຂອງການພັດທະນານັກກິລາເຍົາວະຊົນ ຍິງ-ຊາຍ ເພື່ອອະນາຄົດ ແລະ ເປັນເວທີສອນນັກກິລາໃຫ້ຫຼີ້ນຫຼາຍກ່ວາເພື່ອເອົາຊະນະ ແລະ ເພື່ອສ້າງການພັດທະນາກິລາບານເຕະໃຫ້ມີຄວາມກ້າວໜ້າ ແລະ ພັດທະນາກິລາບານເຕະມີຄວາມສອດຄ່ອງ ແລະ ເອກກະພາບກັນໃນທົ່ວປະເທດ, ເພື່ອໃຫ້ການຝືກສອນນັບມື້ນັບມື້ມີມາດຕະຖານ ຮັບປະກັນທາງດ້ານປະລິມານ ແລະ ຄຸນນະພາບ.

ສະຫະພັນບານເຕະແຫ່ງຊາດລາວ ( ສຕລ ) ເປີດກອງປະຊຸມຄູຝຶກບານເຕະ ສຕລ 2024 LFF Coaching Conference 2024 ຂຶ້ນຢ່າງເປັນທາງການ ໃນຕອນເຊົ້າຂອງວັນທີ 12 ຕຸລາ 2024 ທີ່ຜ່ານມາຢູ່ ໂຮງແຮມລາວເທວ ພາຍໃຕ້ການເປັນປະທານໂດຍທ່ານ ວີເພັດ ສີຫາຈັກຣ ປະທານ ສຕລ, ມີຮອງປະທານ, ເລຂາທິການ ພ້ອມດ້ວຍຄະນະບໍລິຫານງານ ສຕລ, ຕາງຫນ້າຈາກ ກົມກິລາລະດັບສູງ ກະຊວງສຶກສາທິການ ແລະ ກິລາ, ຄູຝຶກ ແລະ ສື່ມວນຊົນເຂົ້າຮ່ວມຢ່າງພ້ອມພຽງ. ທ່ານ ວີເພັດ ສີຫາຈັກຣ ປະທານສະຫະພັນບານເຕະແຫ່ງຊາດລາວ ກ່າວໃນພິທີວ່າ: ການຈັດກອງປະຊຸມຄັ້ງນີ້ ຈັດຂຶ້ນເປັນຄັ້ງທໍາອິດ ເພື່ອເປັນການພັດທະນາກີລາບານເຕະຂອງພວກເຮົາ, ເຊິ່ງທີ່ຜ່ານມາພວກເຮົາກໍໄດ້ມີການຈັດຝຶກອົບຮົມ ຄູຝຶກບານເຕະ ເຮັດໃຫ້ບຸກຄະລະກອນຄູຝຶກບານເຕະລາວ ຫຼາຍຂຶ້ນໃນແຕ່ລະປີ ໂດຍສະເພາະປີນີ້ ມີການຝຶກອົບຮົມ C ລາຍເຊັນ ແລະ B ລາຍເຊັນ ລວມທັງໝົດ 6 ຄັ້ງ.

  ນອກນັ້ນ, ກໍຍັງມີຫຼາຍໆຫົວຂໍ້ທີ່ຍົກຂຶ້ນມາສົນທະເປັນຕົ້ນແມ່ນ ສົນທະນາກ່ຽວກັບເລື່ອງຄວາມໂປ່ງໃສຂອງຄູຝຶກ ແລະ ສົນທະນາກ່ຽວກັບການປົກປ້ອງສິດທິເດັກ ແລະ ອື່ນໆ, ກອງປະຊຸມຄັ້ງນີ້ກໍເພື່ອເປັນການແລກປ່ຽນຄວາມຄິດເຫັນບັນດາຄູຝຶກຢູ່ທີ່ ສປປລາວ, ມີບັນດາຄູຝຶກ ສະໂມສອນ ທີ່ເຂົົ້າຮ່ວມ ລາວລີກ 1.

ກອງປະຊຸມດັ່ງກ່າວ ແມ່ນໄດ້ດຳເນີນໄປເປັນໄລຍະ 1 ວັນ ແລະ ພິເສດໄດ້ມີການມອບໃບປະກາດຄູຝຶກ ເອ ລາຍເຊັນ ມີຜູ້ທີ່ສອບເສັງຜ່ານທັງຫມົດ 20 ທ່ານ ມີລາຍຊື່ດັ່ງລຸ່ມນີ້:

          1. ທ່ານ ບຸນມາ ປະຖໍາມະວົງ ຈາກ ສະໂມສອນ ມາສດ້າ ຈີບີ

          2. ທ່ານ ຄໍາໃສ ຈັນທະວົງ ຈາກ ສະໂມສອນ ຄໍາໃສ ອະຄາເດີມີ

          3. ທ່ານ ວົງມີໄຊ ສຸບົວຄໍາ ຈາກ ສະຫະພັນບານເຕະແຫ່ງຊາດລາວ

          4. ທ່ານ ພຸດປະສົງ ແສງດາລາວົງ ຈາກ ສະໂມສອນ ຊ້າງນ້ອຍ

          5. ທ່ານ ສຸກ ວົງວີມານ ຈາກ ສະໂມສອນ ສະຫວັນ ຢູໄນເຕັດ

          6. ທ່ານ ວຽງສະຫວັນ ໄຊຍະບູນ ຈາກ ສະໂມສອນ ກອງທັບ

          7. ທ່ານ ບຸນລັບ ເຄນກິຕິສັກ ຈາກ ສະໂມສອນ ວຽງຈັນ ເອຟທີ

          8. ທ່ານ ກັນລະຍາ ສີສົມຫວັງ ຈາກ ສະຫະພັນບານເຕະແຫ່ງຊາດລາວ

          9. ທ່ານ ພູເພັດ ສານຸວົງ ຈາກ ສະຫະພັນບານເຕະແຂວງຄໍາມ່ວນ

         10. ທ່ານ ໂອເລ້ ບູສະອາດ ຈາກ ສະໂມສອນ ມາສດ້າ ຈີບີ

         11. ທ່ານ ພູມປັນຍາ ໄຊຊະນະວົງເພັດ ຈາກ ສະໂມສອນ ມາສດ້າ ຈີບີ

         12. ທ່ານ ສົມພູ ດວງດາລາ ຈາກ ສະຫະພັນບານເຕະແຫ່ງຊາດລາວ

         13. ທ່ານ ຈັນທະຄາດ ສ່ຽນຜ່ອງໃສ ຈາກ ສະໂມສອນ ທ່າຊ້າງ

         14. ທ່ານ ພອນປະດິດ ໄຊຍະວົງ ຈາກ ກະຊວງປ້ອງກັນຄວາມສະຫງົບ

         15. ທ່ານ ຄຣິດຕະໄຊ ວົງສິມ ( ປະເທດໄທ ) ຈາກ ສະໂມສອນ ວຽງຈັນ

         16. ທ່ານ ສາກອນ ແສງຫານ ( ປະເທດໄທ )

         17. ທ່ານ ເອກກະພົບ ໂພທິໃສ ( ປະເທດໄທ )

         18. ທ່ານ ປີຍະ ແກ້ວງອກ ( ປະເທດໄທ ) ຈາກ ສະໂມສອນ ມາສດ້າ ຈີບີ

         19. ທ່ານ ພັນທະວັດ ສຸພາວະສັນຕິຊົນ ( ປະເທດໄທ ) ຈາກ ສະໂມສອນ ຈັນທະບູລີ

         20. ທ່ານ ສຸຄຣິດ ໂຢທີ  ( ປະເທດໄທ ) 

ກ່ອນຫນ້ານັ້ນສປປລາວມີຄູຝຶກລະດັບ Aມາແລວ7ທ່ານຄືທ່ານ ວາລະກອນ ພົມພັກດີ, ທ່ານ ໂກວັນ ນາມທະວີໄຊ, ທ່ານ ນ.ພອນທິບ ແສງມະນີ, ທ່ານ ຈັນດາລາພອນ ລຽບວິໄຊ, ທ່ານ ສົມສັກ ແກ້ວດາລາ, ທ່ານ ເວີນສະຫວັນ ສີວິໄຊ ແລະ ທ່ານ ນ. ດອນສະຫວັນ ໄຊຍະສົມບັດ,ບວກໃສ່ອີກຄັ້ງນີ້ໄດ້ເພີ່ມຕື່ມອີກ 14 ທ່ານລວມເປັນທັງໝົດ21ທ່ານ.

           ສະຫະພັນບານເຕະແຫ່ງຊາດລາວ(ສຕລ )ໄດ້ສຳເລັດການຝຶກອົບຮົມທັກສະການຝຶກສອນກິລາບານເຕະເຍົາວະຊົນລະດັບສູງ LFF ELITE YOUTH 2024ຂື້ນໃນຕອນແລງ ວັນທີ 23 ສິງຫາ 2024 ຢູ່ທີ່ ຫ້ອງປະຊຸມຂອງ ສຕລ ໂດຍໃຫ້ກຽດເຂົ້າຮ່ວມຂອງທ່ານ ພັນໂທ ຖາວອນ ຫຼວງຈັນດາວົງ ຄະນະບໍລິຫານງານສຕລ,ທ່ານ ຊຸນດຣໍາ ມູນຕີ (Sundram Moorthy) ຫົວໜ້າພະແນກເຕັກນິກ - ວິທະຍາ, ທ່ານ Mohammad Herman B Zailani ຫົວໜ້າວຽກງານພັດທະນາຄູຝຶກ ສຕລ.

              ການຝຶກອົບຮົມຄັ້ງນີ້ມີຈຸດປະສົງຫຼັກເພື່ອໃຫ້ບັນດາຄູຝຶກທີ່ເຂົ້າຮວ່ມໄດ້ຮຽນຮູ້ທັກສະການຝຶກສອນກິລາບານເຕະໃຫ້ກັບເຍົາວະຊົນຢ່າງຖືກວິທີ,ເຊິ່ງມີສຳມະນາກອນເຂົ້າຮ່ວມ 12 ຄົນ ທີ່ມາຈາກສະຫະພັນບານເຕະແຫ່ງຊາດລາວ, ແຂວງບໍລິຄຳໄຊ, ແຂວງຄຳມ່ວນ, ແຂວງບໍ່ແກ້ວ, ແຂວງອຸດົມໄຊ, ສະໂມສອນ ບີໄອເອັສ, ສະໂມສອນ ເມືອງຫາດ, ສະໂມສອນ ນ້ຳທາ, ສະໂມສອນ ມາສເຕີ້ ເຊເວັ້ນ , ສະໂມສອນ ຄຳໃສ ອະຄາເດມີ ແລະ ຈາກປະເທດໄທ 1 ຄົນ ມີລາຍຊື່ດັ່ງລຸ່ມນີ້:

1. ທ່ານ ພອນສະຫວັນ ສີຫາລາດ ຈາກ ສະໂມສອນ ມາສເຕີ້ ເຊເວັ້ນ

2. ທ່ານ ຂັນໄຊ ພະກາສີ ຈາກ ແຂວງບໍລິຄຳໄຊ

3. ທ່ານ ຄຳໃສ ຈັນທະວົງ ຈາກ ສະໂມສອນ ຄຳໃສ ອະຄາເດີມີ

4. ທ່ານ ສົມລິດ ລັດສະນີ ຈາກ ແຂວງອຸດົມໄຊ

5. ທ່ານ ໂຄລ່າ ອຸ່ນດາລາ ຈາກ ແຂວງບໍ່ແກ້ວ

6. ທ່ານ ໄຊຍະສັກ ວານີສະເວດ ຈາກ ສະໂມສອນ ບີໄອເອັສ

7. ທ່ານ ວິສິດທິພົງ ແສນພິມມະຈັກ ສະໂມສອນ ອະຄາເດີມີ ເມືອງຫາດ

8. ທ່ານ ອຳໄພວັນ ຈັນທະລາວົງ ຈາກ ສະໂມສອນ ນໍ້າທາ

9. ທ່ານ ສົມພູ ດວງດາລາ ຈາກ ສຕລ

10. ທ່ານ ພູເພັດ ສານຸວົງ ຈາກ ແຂວງຄຳມ່ວນ

11. ທ່ານ ສາຄອນ ແສນຫານ ຈາກປະເທດໄທ

12. ທ່ານ ວົງມີໄຊ ສຸບົວຄຳ ຈາກ ສຕລ

  ສຳລັບການຝຶກອົບຮົມແມ່ນໄດ້ຈັດຂື້ນເປັນ 2 ໄລຍະຄື ໄລຍະທີ 1 ເລີ່ມວັນທີ 30 ພຶດສະພາ - 1 ມີຖຸນາ 2024 ແລະ ໄລຍະທີ 2 ເລີ່ມ ວັນທີ 19-23 ສິງຫາ 2024.

ເປີດຮັບສະໝັກຜູ້ເຂົ້າຮ່ວມຝຶກອົບຮົມຄູຝຶກຜູ້ຮັກສາປະຕູບານເຕະລະດັບ 2

 AFC Goalkeeping B DIPLOMA ( Level 2 )

  ສະຫະພັນບານເຕະແຫ່ງຊາດລາວ(ສຕລ) ຂໍຖືເປັນກຽດແຈ້ງມາຍັງບັນດາສະຫະພັນບານເຕະແຂວງ, ສະໂມສອນກິລາບານເຕະ ທີ່ເປັນສະມາຊິກຂອງ ສຕລ ຊາບວ່າ: ສຕລຈະໄດ້ເປີດຮັບສະໝັກຜູ້ສົນໃຈເຂົ້າຮ່ວມຝຶກອົບຮົມຄູຝຶກຜູ້ຮັກສາປະຕູບານເຕະ ລະດັບ 2. ຝຶກສອນໂດຍວິທະຍາກອນທິ່ໄດ້ຖືກຮັບຮອງຈາກ ສະຫະພັນບານເຕະອາຊີ (AFC), ມາຮອດປັດຈຸບັນ ມີບັນດາຄູຝຶກທີ່ຜ່ານການຝຶກອົບຮົມຄູຝຶກຜູ້ຮັກສາປະຕູທີ່ຜ່ານລະດັບ 1 ຫລື Level 1 ມີທັງຫມົດ 33 ທ່ານ ເປັນຍິງ 2ທ່ານ.

ຜູ້ເຂົ້າຮ່ວມຕ້ອງມີເງື່ອນໄຂດັ່ງລຸ່ມນີ້:

#ກຳນົດການ

- ວັນເວລາການຝຶກອົບຮົມ: ລະຫວ່າງວັນທີ 13-25 ພະຈິກ 2024

- ປິດຮັບສະໝັກ ວັນທີ 01 ຕຸລາ 2024 ເພື່ອໃຫ້ ສຕລ ລົງທະບຽນຜ່ານລະບົບຂອງສະຫະພັນບານເຕະອາຊີ (AFC)

#ສະຖານທີ່

- ສຳນັກງານໃຫຍ່ ສຕລ (ບ້ານຫ້ວຍຫົງ) ນະຄອນຫຼວງວຽງຈັນ, ສປປ ລາວ

#ເງື່ອນໄຂ:

- ຕ້ອງຈົບ ຄູຝຶກຜູ້ຮັກສາປະຕູລະດັບ 1 ຢ່າງຫນ້ອຍ 1 ປີ

- ການຍື່ນສະໝັກຕ້ອງມີ: ຟອມສະໝັກຂອງ ສຕລ, ກ໋ອບປີ້ສີ ບັດປະຈໍາຕົວ, ປື້ມໜັງສືຜ່ານແດນ(ປາສະປໍ) ແລະ ຮູບສີ 1ໃບ.

- ຜູ້ເຂົ້າຮ່ວມຕ້ອງມີໃບປະກາດຄູຝຶກບານເຕະລະດັບ ຊີ(C) ຂື້ນໄປຈື່ງສາມາດເຂົ້າຮ່ວມການຝຶກອົບຮົມໄດ້.

- ໃນເວລາມາຍື່ນໃບສະໝັກເຂົ້າຮ່ວມຝຶກອົບຮົມຕ້ອງຈ່າຍຄ່າລົງທະບຽນພ້ອມ

• ຄົນລາວ 1.500.000ກີບ / ທ່ານ

• ຄົນຕ່າງປະເທດ 1000 ໂດລາ(USD) / ທ່ານ

- ຜູ້ສະໝັກເຂົ້າຮ່ວມຝຶກອົບຮົມຕ້ອງມີອາຍຸ 18ປີຂື້ນໄປ.

- ຮັບປະກັນຄວາມພ້ອມຂອງຮ່າງກາຍຕະຫຼອດໄລຍະການຝຶກອົບຮົມ.

- ຕ້ອງປະຕິບັດຕາມກົດລະບຽບການຝຶກອົບຮົມຂອງAFCວາງອອກຢ່າງເຂັ້ມງວດ.

#ຄວາມຮັບຜິດຊອບຂອງ ສຕລ:

- ສະຖານທີ່ການຝຶກອົບຮົມ (ຫ້ອງຮຽນ ແລະ ສະໜາມຝຶກແອບ).

- ອຸປະກອນຮັບໃຊ້, ເຄື່ອງນຸ່ງສໍາລັບການຝຶກອົບຮົມ

- ອາຫານຫວ່າງ, ນໍ້າດື່ມ ແລະ ນໍ້າກ້ອນ ຮັບໃຊ້ການຝຶກອົບຮົມ.

# ຄວາມຮັບຜິດຊອບຂອງຜູ້ເຂົ້າຮ່ວມຝຶກອົບຮົມ:

- ການເດີນທາງໄປ-ກັບ.

- ບ່ອນພັກເຊົາຕະຫຼອດໄລຍະການຝຶກອົບຮົມ.

- ເກີບສຳລັບເຕະບານ ແລະ ອຸປະກອນຮັບໃຊ້ສ່ວນຕົວ.

- ຖ້າຜູ້ເຂົ້າຮ່ວມນຳເອົາຄອມພິວເຕີໂນ໋ດບຸກ, USB ມາດ້ວຍຍິ່ງຈະເປັນການດີເພື່ອນໍາໃຊ້ເຂົ້າໃນການຝຶກອົບຮົມ.

ໝາຍເຫດ:

#ກະລຸນາສົ່ງລາຍຊື່ ແລະ ແບບຟອມສະໝັກເຂົ້າຮ່ວມການຝຶກອົບຮົມໃຫ້ ສຕລ ກ່ອນວັນປິດ

ຮັບສະໝັກ ວັນທີ 01/10/2024 ເພື່ອລົງທະບຽນ ກັບ AFC.

- ຜູ້ທີ່ຜ່ານການຄັດເລືອກເທົ່ານັ້ນຈິ່ງຈະສາມາດເຂົ້າຮ່ວມການຝຶກອົບຮົມໄດ້, ໂດຍອີງໃສ່ເງື່ອນໄຂ ແລະ ຄຸນສົມບັດຂອງຜູ້ສະໝັກ. (ສຕລ ຈະແຈ້ງໃຫ້ຮັບຊາບຜູ້ທີ່ຜ່ານການຄັດເລືອກ)

- ຜູ້ສະໝັກທີ່ສົ່ງແບບຟອມເຂົ້າຮ່ວມຫຼັງຈາກວັນທີປິດຮັບແລ້ວແມ່ນຈະບໍ່ໄດ້ຮັບການພິຈາລະນາໃນການເຂົ້າຮ່ວມຝຶກອົບຮົມ.

ຕິດຕໍ່ສອບຖາມຂໍ້ມູນໄດ້ທີ່ ເບີໂທ:

ເບີໂທ: 020 51109530

ທ່ານ ນາງ ບຸນມີ ສົມພະສິດ (ຜູ້ປະສານງານ)

Email: [email protected]

ສະຫະພັນບານເຕະແຫ່ງຊາດລາວ(ສຕລ) ໄດ້ປະກາດຜົນການຝຶກອົບຮົມຄູຝຶກກິລາບານເຕະລະດັບ “A”(LFF/AFC “A” Diploma Coaching Course 2023/2024)ຄັ້ງທີ 2 ຂື້ນໃນວັນທີ30 ມິຖຸນາ 2024 ທີ່ຜ່ານມາ ໂດຍມີຄູຝຶກຄົນລາວ 11 ທ່ານສາມາດສອບເສັງຜ່ານ ດັ່ງມີລາຍຊື່ລຸ່ມນີ້:

1. ທ່ານ ບຸນມາ ປະຖໍາມະວົງ ຈາກ ສະໂມສອນ ມາສດ້າ ຈີບີ

2. ທ່ານ ຄໍາໃສ ຈັນທະວົງ ຈາກ ສະໂມສອນ ຄໍາໃສ ອະຄາເດີມີ

3. ທ່ານ ວົງມີໄຊ ສຸບົວຄໍາ ຈາກ ສະຫະພັນບານເຕະແຫ່ງຊາດລາວ

4. ທ່ານ ພຸດປະສົງ ແສງດາລາວົງ ຈາກ ສະໂມສອນ ຊ້າງນ້ອຍ

5. ທ່ານ ສຸກ ວົງວີມານ ຈາກ ສະໂມສອນ ສະຫວັນ ຢູໄນເຕັດ

6. ທ່ານ ວຽງສະຫວັນ ໄຊຍະບູນ ຈາກ ສະໂມສອນ ກອງທັບ

7. ທ່ານ ບຸນລັບ ເຄນກິຕິສັກ ຈາກ ສະໂມສອນ ວຽງຈັນ ເອຟທີ

8. ທ່ານ ກັນລະຍາ ສີສົມຫວັງ ຈາກ ສະຫະພັນບານເຕະແຫ່ງຊາດລາວ

9. ທ່ານ ພູເພັດ ສານຸວົງ ຈາກ ສະຫະພັນບານເຕະແຂວງຄໍາມ່ວນ

10. ທ່ານ ໂອເລ້ ບູສະອາດ ຈາກ ສະໂມສອນ ມາສດ້າ ຈີບີ

11. ທ່ານ ພູມປັນຍາ ໄຊຊະນະວົງເພັດ ຈາກ ສະໂມສອນ ມາສດ້າ ຈີບີ.

ກ່ອນນັ້ນສປປລາວມີຄູຝຶກລະດັບ Aມາແລ້ວ7ທ່ານຄືທ່ານ ວາລະກອນ ພົມພັກດີ, ທ່ານ ໂກວັນ ນາມທະວີໄຊ, ທ່ານ ນ.ພອນທິບ ແສງມະນີ, ທ່ານ ຈັນດາລາພອນ ລຽບວິໄຊ, ທ່ານ ສົມສັກ ແກ້ວດາລາ, ທ່ານ ເວີນສະຫວັນ ສີວິໄຊ ແລະ ທ່ານ ນ. ດອນສະຫວັນ ໄຊຍະສົມບັດ,ບວກໃສ່ອີກຄັ້ງນີ້ໄດ້ເພີ່ມຕື່ມອີກ11ທ່ານລວມເປັນທັງໝົດ18ທ່ານ.

ການຝຶກອົບຮົມຄູຝຶກໃນຄັ້ງນີ້ແມ່ນໄດ້ຮັບການຮັບຮອງຈາກສະຫະພັນບານເຕະອາຊີ ຫຼື AFC ຮ່ວມກັບ ສຕລ, ການຮຽນຄູຝຶກກິລາບານເຕະລະດັບ “A” ແມ່ນໄດ້ແບ່ງເປັນ 6 ໄລຍະໃນການຮຽນ ເຊິ່ງໃຊ້ເວລາໃນການຮຽນ 1 ປີ.

ສະຫະພັນບານເຕະແຫ່ງຊາດລາວ ຈະໄດ້ຈັດການຝຶກອົບຮົມຄູຝຶກບານເຕະລະດັບ LFF/AFC ' B ' DIPLOMA COACHING COURSE ເຊິ່ງຈະໄດ້ຈັດຂື້ນຢູ່ທີ່ ຫ້ອງການ ສະຫະພັນບານເຕະແຫ່ງຊາດລາວ(ບ້ານ ຫ້ວຍຫົງ)ນະຄອນຫຼວງວຽງຈັນ, ສປປ ລາວ,ດັ່ງລາຍລະອຽດ ແລະ ເງື່ອນໄຂດັ່ງລຸ່ມນີ້:

+ ກຳນົດການ:

ການຝຶກອົບຮົມແມ່ນຈະຈັດຂຶ້ນ 2 ໄລຍະຄື:

ໃນໄລຍະທີ 1 ຈັດຂຶ້ນ ລະຫວ່າງວັນທີ 15-26 ກໍລະກົດ 2024

ໄລຍະທີ 2 ໃນລະຫວ່າງ ວັນທີ 2-6 ກັນຍາ 2024

(ປິດຮັບສະໝັກ ວັນທີ 5 ກໍລະກົດ 2024 , ຍ້ອນວ່າ ຕ້ອງສົ່ງລົງທະບຽນ ແລະ ຕາມກົດລະບຽບ ຂອງ ສະຫະພັນບານເຕະອາຊີ AFC).

+ ເງື່ອນໄຂຜູ້ເຂົ້າຮ່ວມຝຶກອົບຮົມ:

1. ບັນດາສະຫະພັນບານເຕະແຂວງ/ສະໂມສອນບານເຕະ/ມະຫາວິທະຍາໄລ/ວິທະຍາໄລ/ໂຮງຮຽນ ຫຼື ອົງການຈັດຕັ້ງຕ່າງໆສາມາດເຂົ້າຮ່ວມໄດ້

2. ຕ້ອງມີໃບປະກາດ AFC “ C” Certificate Coaching Course ມາກ່ອນ ຢ່າງໜ້ອຍ 1 ປີຂື້ນໄປ.

3. ປະກອບເອກະສານເຂົ້າຝຶກອົບຮົມຕາມແບບຟອມທີ່ ສຕລ, ສົ່ງໃຫ້ບໍ່ໃຫ້ກາຍ ວັນທີ 5 ກໍລະກົດ 2024.

4. ການຍື່ນໃບສະໝັກຕ້ອງມີ: ຟອມສະໝັກຂອງ ສຕລ, ກ໋ອບປີ້ສີ ໃບປະ

ກາດສະນີຍະບັດ ‘ຊີ’ ຄັດຕິດມາພ້ອມ.

5. ຜູ້ມີສິດເຂົ້າຝຶກອົບຮົມຕ້ອງຜ່ານການພິລະນາ, ຮັບຮອງຈາກ ສະຫະພັນບານເຕະ ອາຊີ ແລະ ສຕລ ກ່ອນ.

6. ຕ້ອງຮັບປະກັນຄວາມພ້ອມຂອງຮ່າງກາຍຕະຫຼອດການຝຶກອົບຮົມ.

7. ຕ້ອງປະຕິບັດຕາມກົດລະບຽບການຝຶກອົບຮົມຂອງ ສະຫະພັນບານເຕະ ອາຊີ ວາງອອກຢ່າງເຂັ້ມງວດ.

8. ຟັງ,ຂຽນ,ອ່ານ ພາສາອັງກິດໄດ້ຍິ່ງເປັນການດີ.

+ ຄວາມຮັບຜິດຊອບຂອງ ສຕລ:

1. ສະຖານທີ່ການຝຶກອົບຮົມ (ຫ້ອງຮຽນ ແລະ ສະໜາມຝຶກແອບ).

2. ເຄື່ອງນຸ່ງສຳລັບການຝຶກອົບຮົມຈຳນວນ 2 ຊຸດ.

3. ອາຫານຫວ່າງ, ນ້ຳດື່ມ ແລະ ນໍ້າກ້ອນ ຮັບໃຊ້ໃນການຝຶກອົບຮົມ.

+ ຄວາມຮັບຜິດຊອບຂອງ ຜູ້ເຂົ້າຮ່ວມຝຶກອົບຮົມ:

1. ການເດີນທາງໄປ-ກັບ ສຳລັບຜູ້ເຂົ້າຮ່ວມການຝຶກອົບຮົມ.

2. ເສຍຄ່າສະໝັກເປັນຈຳນວນເງີນ 1,500,000 ກີບ (ສຳລັບຄົນລາວ) ແລະ 1000 $ ( ສຳລັບຄົນຕ່າງປະເທດ ) ພາຍຫຼັງໄດ້ຖືກຄັດເລືອກໃຫ້ເຂົ້າຮ່ວມ.

3. ເກີບສຳລັບເຕະບານ,ເກີບຜ້າໃບ ແລະ ອຸປະກອນຮັບໃຊ້ສ່ວນຕົວ ເວລາເຂົ້າຮ່ວມການຝຶກອົບຮົມ.

ໝາຍເຫດ:

+ ກະລຸນາສົ່ງລາຍຊື່ ແລະ ແບບຟອມສະໝັກເຂົ້າຮ່ວມການຝຶກອົບຮົມໃຫ້ ສະຫະພັນບານເຕະແຫ່ງຊາດລາວ ກ່ອນວັນປິດຮັບສະໝັກ, ເພື່ອລົງທະບຽນ ກັບ ສະຫະພັນບານເຕະ ອາຊີ (AFC).

+ ຜູ້ສະໝັກທີ່ສົ່ງແບບຟອມເຂົ້າຮ່ວມຫຼັງຈາກວັນປິດຮັບແລ້ວແມ່ນຈະບໍ່ມີການພິຈາລະນາຢ່າງເດັດຂາດ.

+ ສົ່ງກ່ອນມີສິດກ່ອນ.

ລິ້ງດາວໂຫລດແບບຟອມ : https://drive.google.com/.../1DzT6i5mqnz7uxTZOavnGabhNl9a...

ຕິດຕໍ່ສອບຖາມຂໍ້ມູນໄດ້ທີ່ ເບີໂທ:

ນາງ ບຸນມີ ເບີໂທ 02051109530, WhatsApp: 020 98578918

E mail: [email protected]

#LaoFootballFederation

#coachingCourse

#LFFTechnical