ສະຫະພັນບານເຕະແຫ່ງຊາດລາວ(ສຕລ)ໄດ້ສຳເລັດການຝຶກອົບຮົມກຳມະການຕັດສິນບານເຕະຂັ້ນພື້ນຖານທີ່ເມືອງຈຳພອນ ແຂວງສະຫວັນນະເຂດແລະໄດ້ຈັດພິທີອັດການຝຶກອົບຮົມຢ່າງເປັນທາງການໃນວັນທີ 20 ມີນາ 2025ທີ່ສະ ໂມສອນສຶກສາເມືອງດັ່ງກ່າວ, ໂດຍການເຂົ້າຮ່ວມຂອງ ທ່ານ ສີປະເສີດ ໄຊຍະລິນ ຫົວໜ້າຫ້ອງການສຶກສາທິການ ແລະ ກິລາເມືອງ,ທ່ານ ໄຊປະເສີດ ພົງສະນິດ ຫົວໜ້າພະແນກກຳມະການຕັດສິນ ສຕລ ພ້ອມຄະນະວິທະຍາກອນຈາກສຕລ,ຜູ້ຕາງໜ້າຂະແໜງກິລາກາຍະກຳ-ສີລະປະສຶກສາ ຈາກ06ເມືອງຂອງແຂວງສະຫວັນນະເຂດເຂົ້າຮວມ.

ຕະຫຼອດໄລຍະການຝຶກອົບຮົມສຳມະນາກອນທີ່ເປັນກຳມະການຕັດສີນບານເຕະຂັ້ນພື້ນຖານຂອງ 6 ເມືອງຈາກເມືອງຈຳພອນ,ເມືອງຊົນນະບູລີ,ເມືອງອຸທຸມພອນ,ນະຄອນໄກສອນ ພົມວິຫານ, ເມືອງອາດສະພັງທອງ ແລະ ເມືອງ ອາດສະພອນຈຳນວນ 27 ຄົນ (ເມືອງຈຳພອນ 22 ຄົນ)ໄດ້ຮຽນຮູ້ທິດສະດີກະຕິກາບານເຕະຂັ້ນພື້ນຖານທັງໝົດ 17 ຂໍ້ພ້ອມເບິ່ງວີດີໂອໃນການປະຕິບັດໜ້າທີ່ຂອງກຳມະການຕັດສິນ, ລົງພາກປະຕິບັດຕົວຈິງ 2 ວັນ ແລະ ສອບເສັງເອົາຄະແນນເພື່ອປະເມີນຜົນ ຄວາມເຂົ້າໃຈຂອງສຳມະນາກອນ ເຫັນວ່າ ທຸກຄົນໄດ້ຮັບຮູ້ດ້ານກະຕິກາ ແລະ ບົດຮຽນໃນການຕັດສີນກິລາບານເຕະໄດ້ດີພໍສົມຄວນແລະພ້ອມຈະນຳເອົາບົດຮຽນໄປຈັດຕັ້ງປະຕິບັດໃນຕໍ່ໜ້າ. ຕອນທ້າຍ ທ່ານ ສີປະເສີດ ໄຊຍະລິນໄດ້ໃຫ້ກຽດໂອ້ລົມແລະກ່າວປີດການຝຶກອົບຮົມວ່າ: ເມື່ອໄດ້ການຮັບຝຶກອົບຮົມແລ້ວ,ຂໍໃຫ້ສຳມະນາກອນນຳເອົາບົດຮຽນທີ່ສຳຄັນໄປນຳໃຊ້ແລະເຜີຍແຜ່,ຜັນຂະຫຍາຍ ໃນການ ຈັດຕັ້ງປະຕິບັດຕົວຈິງ ໃຫ້ມີຄຸນນະພາບແລະສອດຄ່ອງກັບຄວາມເປັນຈິງໃນການຕັດສີນ. ຈາກນັ້ນທ່ານ ສີປະເສີດ ໄຊຍະລິນ ແລະ ທ່ານ ໄຊປະເສີດ ພົງສະນິດ ກໍ່ໄດ້ມອບໃບຢັ້ງຢືນການຝຶກອົບຮົມໃຫ້ສຳມະນາກອນຢ່າງສົມກຽດ.

ສະຫະພັນບານເຕະແຫ່ງຊາດລາວ ຫຼື ສຕລ ໄດ້ປະກາດລາຍຊື່ນັກກິລາ 28 ຄົນຂອງ ທີມຊາດລາວຊຸດໃຫຍ່ ພາຍໃຕ້ການຄຸມທີມຂອງ ທ່ານ ຮາ ຮອກ ຈູນ (HA HYEOKJUN) ຄູຝຶກທີມຊາດລາວ ສັນຊາດ ສ.ເກົາຫລີ ກຽມອຸ່ນເຄື່ອງພົບກັບ ທີມຊາດສີລັງກາ ແລະ ເຂົ້າຮ່ວມ ການແຂ່ງຂັນບານເຕະ ຊີງແຊ້ມອາຊີ ຮອບຄັດເລືອກ 2027 ການແຂ່ງຂັນ AFC Asian Cup Saudi Arabia 2027 Qualifiers Final Round.

ລາຍຊື່ນັກກິລາມີດັ່ງລຸ່ມນີ້:

+ ຜູ້ຮັກສາປະຕູ

ກົບ ໂລກພະທິບ ຈາກ ສະໂມສອນ ກິລາບານເຕະ ເອສະຣາ

ແກ້ວອຸດອນ ສຸວັນນະສັງໂສ ຈາກ ສະໂມສອນ ກິລາບານເຕະ ກອງທັບ

ອານຸລັກ ວິລະຜົນ ຈາກ ສະໂມສອນ ກິລາບານເຕະ ຊ້າງນ້ອຍ

+ ກອງຫຼັງ

ພຸດທະວົງ ສັງວິໄລ ຈາກ ສະໂມສອນ ກິລາບານເຕະ ເອສະຣາ

ອານັນຕະຊາ ສີພົງພັນ ຈາກ ສະໂມສອນ ກິລາບານເຕະ ເອສະຣາ

ຊີດີ ພົມສະຫວັນ ຈາກ ສະໂມສອນ ກິລາບານເຕະ ເອສະຣາ

ວົງສັກດາ ຈັນທະລືໄຊ ຈາກ ສະໂມສອນ ກິລາບານເຕະ ເອສະຣາ

ຄຳຫມັ້ນ ທາປະເສີດ ຈາກ ສະໂມສອນ ກິລາບານເຕະ ເອສະຣາ

ໄຊຍະສິດ ສິງສະຫວ່າງ ຈາກ ສະໂມສອນ ກິລາບານເຕະ ນໍ້າທາ ຢູໄນເຕັດ

ເພັດດາວັນ ສົມສະນິດ ຈາກ ສະໂມສອນ ກິລາບານເຕະ ມາດສເຕີ

ສອນວິໄລ ເພັດວຽງສີ ຈາກ ສະໂມສອນ ກິລາບານເຕະ ມາດສເຕີ

ແອັດ ວຽງຄຳ ຈາກ ສະໂມສອນ ກິລາບານເຕະ ມາດສເຕີ

ຈີນູ່ລ່າວ ຢ່າໂຊຕູ້ກີ ຈາກ ສະໂມສອນ ກິລາບານເຕະ ມັດສະດ້າ ວຽງຈັນ

ວິກຕໍ ໄຊຊະນະ ໂຢວິນາສັກ ຈາກ ສະໂມສອນ IS SELONGEY B ( ປະເທດຝຣັ່ງ )

ຈິດຕະກອນ ວັນນະຈອນ ຈາກ ສະໂມສອນ ກິລາບານເຕະ ຫຼວງພະບາງ

ອິນທະວົງ ຫຼວງສະລາດ ຈາກ ສະໂມສອນ ກິລາບານເຕະ ກອງທັບ

+ ກອງກາງ

ໂຣມັນ ອານຸສອນ ອັນໂກ ຈາກ ສະໂມສອນ SV LINX ( ປະເທດ ເຢຍລະມັນ )

ພຸດທະລັກ ທອງສະນິດ ຈາກ ສະໂມສອນ ກິລາບານເຕະ ເອສະຣາ

ຈັນທະວີໄຊ ຂຸນທຸມພອນ ຈາກ ສະໂມສອນ ກິລາບານເຕະ ເອສະຣາ

ດາໝົດ ທອງຄໍາສະຫວັດ ຈາກ ສະໂມສອນ ກິລາບານເຕະ ເອສະຣາ

ພູສົມບູນ ປັນຍາວົງ ຈາກ ສະໂມສອນ ກິລາບານເຕະ ກອງທັບ

ສອນສະນິດ ພົມມະຈັນ ຈາກ ສະໂມສອນ ກິລາບານເຕະ ມາດສເຕີ

ອານຸລັກ ໄຊຍະລາດ ຈາກ ສະໂມສອນ ກິລາບານເຕະ ນໍ້າທາ ຢູໄນເຕັດ

+ ກອງຫນ້າ

ເທໂອ ຄລາຍນ໌ ຈາກ ສະໂມສອນ OMAHA MAVERICKS ( ປະເທດ ສະຫະລັດອາເມຣິກາ )

ບຸນພະຈັນ ບຸນກອງ ຈາກ ສະໂມສອນ PREAK KHAN REACH SVAY RIENG FC ( ປະເທດກຳປູເຈຍ )

ໂຈນີ້ ແຫວນປະເສີດ ຈາກ ສະໂມສອນ ກິລາບານເຕະ ເອສະຣາ

ປີເຕີ້ ພັນທະວົງ ຈາກ ສະໂມສອນກິລາບານເຕະ ເອສະຣາ

ກີ້ດາວອນ ສຸວັນນີ ຈາກ ສະໂມສອນ ກິລາບານເຕະ ຊ້າງນ້ອຍ

 ສຳລັບຕາຕະລາງ ການແຂ່ງຂັນນັດອຸ່ນເຄຶ່ອງ ທີມຊາດລາວ ແມ່ນຈະມີຂຶ້ນວັນທີ 20 ມີນາ 2025 ເວລາ 19:00 ທີມຊາດລາວ ພົບ ທີມຊາດສີລັງກາ ແຂ່ງຂັນຢູ່ທີ່ສະຫນາມກິລາແຫ່ງຊາດຫຼັກ 16 ປີ້ເຂົ້າຊົມການແຂ່ງຂັນ ລາຄາ 10.000 ກີບ ຂະນະທີ່ ການແຂ່ງຂັນບານເຕະ ຊີງແຊ້ມອາຊີ ຮອບຄັດເລືອກ 2027 ການແຂ່ງຂັນ AFC Asian Cup Saudi Arabia 2027 Qualifiers Final Round ທີມຊາດລາວ ຖືກຈັດຢູ່ຮ່ວມ ກຸ່ມ F ຮ່ວມກັບ ຫວຽດນາມ, ມາເລເຊຍ ແລະ ເນປານ, ໂດຍນັດທຳອິດ ທີມຊາດລາວ ຈະອອກໄປຢາມທີມຊາດຫວຽດນາມ ເຊິ່ງຈະແຂ່ງຂັນ ວັນທີ 25 ມີນາ 2025 ເວລາ 19:30 ແຂ່ງຂັນຢູ່ທີ່ສະຫນາມກິລາ Go Dau Stadium ແຂວງບິງເຢືອງ ປະເທດຫວຽດນາມ.

                ສະຫະພັນບານເຕະແຫ່ງຊາດລາວ( ສຕລ) ໄດ້ຈັດພິທີເປີດການຝຶກອົບຮົມຄູຝຶກກິລາບານເຕະລະດັບຊີ(C)ໃຫ້ແກ່ນັກສຳມະກອນຈໍານວນ 24 ທ່ານ ທີ່ມາຈາກແຂວງສາລະວັນ 14 ທ່ານ, ນະຄອນຫຼວງ 4 ທ່ານ ແລະ ປະເທດໄທ 6 ທ່ານຂື້ນໃນຕອນເຊົ້າວັນທີ 10 ມີນາ 2025 ທີ່ທີ່ຫ້ອງປະຊຸມພະແນກສຶກສາທິການແລະ ກິລາແຂວງສາລະວັນ, ໃຫ້ກຽດເຂົ້າຮວ່ມມີ ທ່ານ ທ່ານ ແອປີຊານ ລ້ານນາຂວາງ ຮອງພະແນກສຶກສາທິການແລະ ກິລາແຂວງ ປະທານສະຫະພັນບານເຕະແຂວງສາລະວັນ.

             ໄລຍະການຝຶກອົບຮົມ ແມ່ນແບ່ງອອກເປັນ 2 ພາກ ປະກອບມີ ພາກທິດສະດີ ແລະ ການປະຕິບັດຕົວຈິງພາກສະໜາມ, ໂດຍຈະມີການສອບເສັງ 6 ຄັ້ງ ( ຕົວຈິງ 3 ຄັ້ງ ແລະ ທິດສະດີ 2 ຄັ້ງ ແລະ ເສັງກໍາມະການ 1 ຄັ້ງ ),ໃນນັ້ນ,ຜູ້ເຂົ້າຮ່ວມຈະໄດ້ຮຽນຮູ້ກ່ຽວກັບ ການພັດທະນາຄູຝຶກ, ຄວາມຕ້ອງການຄູຝຶກຂອງ AFC, ພາລະບົດບາດ ແລະ ໜ້າທີຮັບຜິດຊອບ, ເຕັກນິກ ແລະ ຍຸດທະວິທີຂອງການເຕະບານ, ຄວາມສຳພັນກັບບານ, ການສົ່ງບານ, ການຈັບບານ, ການຍິງບານ, ຫຼັກການຂອງການຝຶກສອນ, ບານເຕະຟຸດຊໍ, ກະຕິກາຂອງກິລາບານເຕະ, ອາຫານ ແລະ ສຸຂະພາບ, ການຝຶກແອບ, ການຝຶກແອບຜູ້ຮັກສາປະຕູ, ການວາງແຜນ, ບົດບາດສຳຄັນຂອງຜູ້ຮັກສາປະຕູ, ການຈະເລີນເຕີບໃຫຍ່ ແລະ ການປະຖົມພະຍາບານ, ແນະນຳພາກປະຕິບັດກິດຈະກຳບານເຕະພື້ນຖານ, ການຫຼີ້ນບານໃນເກມ.

                ສຳລັບການຝຶກອົບຮົມແມ່ນຈະດຳເນີນໄປແຕ່ວັນທີ 10 ມີນາ ຈົນຮອດ ວັນທີ 21 ມີນາ 2025.ເຂົ້າຮວ່ມພິທີຍັງມີທ່ານ ຊຸນດຣໍາ ມູນຕີ (Sundram Moorthy) ຫົວໜ້າພະແນກເຕັກນິກ - ວິທະຍາ ສຕລ, ທ່ານ ໂມຮໍາມັດ ເຮີມັນ ( Mohammad Herman B Zailani ) ຫົວໜ້າວຽກງານພັດທະນາຄູຝຶກ ສຕລ, ທ່ານ ວົງມີໄຊ ສຸບົວຄຳ ຜູ້ຝຶກສອນຫຼັກຈາກ ສຕລ ພ້ອມດ້ວຍຄະນະ.

             ສະຫະພັນບານເຕະແຫ່ງຊາດລາວ(ສຕລ) ແລະ ສະຫະພັນບານເຕະແຂວງສາລະວັນ(ສຕຂ)ໄດ້ຈັດ ພິທີເປີດ ກິດຈະ ກໍາບານເຕະຍິງ ສະຫລອງວັນແມ່ຍິງສາກົນຄົບຮອບ115ປີຂຶ້ນພາຍໃຕ້ໂຄງການ AFC Women's Footbal Day ທີ່ສະຫນາມກິລາແຂວງ ສາລະວັນ ໃນວັນທີ 8 ມີນາ 2025 ໂດຍເປັນກຽດເຂົ້າຮ່ວມຂອງ ທ່ານ ນາງ ກັນຍາ ແກ້ວມະນີ ຮອງປະທານ ສຕລ, ທ່ານ ນາງ ພູໄຊ ແພງພົງ ຄະນະບໍລິຫານງານ ສຕລ. ທ່ານ ໂພທິຍາ ວົງຈອມສີ ຫົວໜ້າພະແນກ ພະລັງງານບໍ່ແຮ່, ປະທານ ສຕຂ ສາລະວັນ, ທ່ານ ແອປີຊານ ລ້ານນາຂວາງ ຮອງພະແນກສຶກສາທິການແລະ ກິລາແຂວງ ປະທານສະຫະພັນບານເຕະແຂວງສາລະວັນ  ພ້ອມດ້ວຍຄະນະຄູຝຶກ, ນັກກິລາ ແລະ ພໍ່ແມ່ຜູ້ປົກຄອງນັກກິລາເຂົ້າຮ່ວມຢ່ງຫຼວງຫຼາຍ. ງານດັ່ງກ່າວຈັດຂື້ນໂດຍການຮວ່ມມືລະຫວ່າງ ສຕລແລະ ສຕຂ ສາລະວັນ, ພາຍໃຕ້ການສະຫນັບສະຫນຸນ ຈາກໂຄງການ AFC Women's Football Day ,ໂຄງການນີ້ແມ່ນ ເປີດໃຫ້ເດັກນ້ອຍ ເພດຍິງໄດ້ມີໂອກາດຝຶກຊ້ອມ ແລະ ຫລິ້ນກິລາບານເຕະ ໂດຍມີເປົ້າໝາຍເພື່ອເສີມ ສ້າງພັດທະນານັກກິລາບານເຕະຮຸ່ນສຶບ ທອດໃຫ້ໄດ້ທົ່ວຂົງເຂດທີ່ຫ່າງໄກສອກຫຼີກ ແລະເຂດພູດອຍຢ່າງທົ່ວເຖິງ.

            ໃນໂອກາດດັ່ງກ່າວ ທ່ານ ທ່ານ ໂພທິຍາ ວົງຈອມສີ ປະທານ ສຕຂ ສາລະວັນ ໄດ້ກ່າວໃຫ້ຮູ້ວ່າ ບານເຕະສາລະວັນຢູ່ໃນທ່ວງທ່າທີ່ດີໃນການພັດທະນາ ໂດຍໄດ້ຮັບການສະໜັບສະໜູນຢ່າງໃກ້ຊິດຈາກ ສຕລ, ພະແນກສຶກສາທິການແລະກິລາແຂວງ ເຮັດໃຫ້ການພັດທະນາບານເຕະແຂວງ ສາລະວັນ ມີໃບໜ້າອັນໃໝ່ ສະແດງອອກໃນງານກິລາມັດທະຍົມທົ່ວປະເທດຄັ້ງທີ VII ຜ່ານມາ ສາມາດເຂົ້າຊິງຫຼຽນຄຳໄດ້ທັງຍິງ ແລະຊາຍ ໂດຍສະເພາະບານເຕະຍິງພວມກໍາລັງສົ່ງເສີມໃຫ້ມີການຝຶກແອບຢ່າງຕໍ່ເນື່ອງໃນປີຜ່ານມາ ແລະແນ່ນອນວ່າຈະໄດ້ມີການຊຸກຍູ້ຕໍ່ໄປເລື້ອຍໆໃນອະນາຄົດ.

            ກ່າວເປີດພິທີ ທ່ານ ນາງ ກັນຍາ ແກ້ວມະນີ ຮອງປະທານສະຫະພັນບານເຕະແຫ່ງຊາດລາວ ໄດ້ກ່າວຂອບໃຈຕໍ່ທາງສະຫະພັນບານເຕະແຂວງ ສາລະວັນ ທີ່ໄດ້ເປັນເປັນເຈົ້າພາບຈັດງານກິດຈະກໍາວັນແມ່ຍິງສາກົນທີ່ມີຄວາມໝາຍຄວາມສໍາຄັນນີ້ ແລະຫວັງວ່າງານໃນມື້ນີ້ຈະເປັນແຮງບັນດານໃຈເປັນຈຸດເລີ່ມຕົ້ນເລັກໆນ້ອຍໆ, ໃຫ້ທຸກຄົນມີຄວາມມັກຮັກໃນກິລາບານເຕະ ເພື່ອຕໍ່ຍອດໃຫ້ນ້ອງໆທຸກຄົນກາຍເປັນນັກກິລາທີ່ດີໃຫ້ກັບໂຮງຮຽນ, ສະໂມສອນແລະກາຍເປັນນັກກິລາທີມຊາດໃນອະນາຄົດ.

ພາຍໃນງານ ສຕລ ຍັງໄດ້ມອບບານເຕະໃຫ້ບັນໂຮງຮຽນທີ່ເຂົ້າຮ່ວມອີກດ້ວຍ.

ການແຂ່ງຂັນບານເຕະ ຊິງຂັນ ພະນະທ່ານ ນາຍົກ ລັດຖະມົນຕີ ແຫ່ງ ສປປ ລາວ ປະຈຳປີ 2024/2025 ນັດຊີງຊະນະເລີດ ໄດ້ມີຂຶ້ນ ວັນທີ 08 ມີນາ 2025 ຢູ່ທີ່ສະຫນາມກິລາແຂວງຈໍາປາສັກ ເປັນການພົບກັນ ລະຫວ່າງ ສະໂມສອນ ບານເຕະ ເອສະຣາ ພົບ ສະໂມສອນ ບານເຕະ ຊ້າງນ້ອຍ ຜ່ານການແຂ່ງຂັນຜົນປະກົດວ່າ ສະໂມສອນ ບານເຕະ ເອສະຣາ ເອົາຊະນະ ສະໂມສອນ ບານເຕະ ຊ້າງນ້ອຍ 2-1 ຕະຫລອດ 90 ນາທີ ເອສະຣາ ສະເຫມີ ຊ້າງນ້ອຍ 1-1 ຕ້ອງໄດ້ ຕໍ່ເວລາພິເສດອອກໄປ 30 ນາທີ, ເອສະຣາ ເຮັດໄດ້ດີກວ່າໃນໄລຍະເວລາຕໍ່ເວລາພິເສດ ເອົາຊະນະ ຊ້າງນ້ອຍ 2-1 ໂດຍ ເອສະຣາ ໄດ້ປະຕູຈາກ: ເບີ 8 ດາຫມົດ ທອງຄຳສະຫວັດ ນາທີ 45, ເບີ 4 ອານັນຕະຊາ ສີພົງພັນ ນາທີ 97 ຂະນະທີ່ ຊ້າງນ້ອຍ ໄດ້ປະຕູຈາກ: ເບີ 9 ກີ້ດາວອນ ສຸວັນນີ ນາທີ 77.

 ສະໂມສອນ ບານເຕະ ເອສະຣາ ໄດ້ຮັບຂັນຊະນະເລີດ, ຫລຽນ ແລະ ເງິນລາງວັນ 200 ລ້ານກີບ ຂະນະທີ່ ອັນດັບ 2 ສະໂມສອນ ບານເຕະ ຊ້າງນ້ອຍ ໄດ້ຮັບຫລຽນ ແລະ ເງິນລາງວັນ 50 ລ້ານກີບ, ສ່ວນລາງວັນບຸກຄົນ ຄູຝຶກດີເດັ່ນ ທ່ານ ບຽງຊູນາ ຄູຝຶກ ສະໂມສອນ ບານເຕະ ເອສະຣາ, ນັກກິລາຍິງປະຕູສູງສຸດ ປີເຕີ້ ພັນທະວົງ ຈາກ ສະໂມສອນ ບານເຕະ ເອສະຣາ ຍິງໄດ້ 11 ປະຕູ, ນັກຮັບດີເດັ່ນ ກົບ ໂລກພະທິບ ຈາກ ສະໂມສອນ ບານເຕະ ເອສະຣາ ລົງສະຫນາມ 4 ນັດ ເສຍ 1 ປະຕູ ແລະ ນັກກິລາດີເດັ່ນ ກີ້ດາວອນ ສຸວັນນີ ຈາກ ສະໂມສອນ ບານເຕະ ຊ້າງນ້ອຍ.

ການແຂ່ງຂັນບານເຕະ ຊິງຂັນ ພະນະທ່ານ ນາຍົກ ລັດຖະມົນຕີ ແຫ່ງ ສປປ ລາວ ປະຈຳປີ 2024/2025 ນັດຊີງຊະນະເລີດ ແມ່ນໄດ້ເລີ່ມການແຂ່ງຂັນນັບຕັ້ງແຕ່ ວັນທີ 23 ມັງກອນ 2025 ມີທີມເຂົ້າຮ່ວມ 16 ທີມເຂົ້າຮ່ວມ ຄື: ທີມຈາກ ລີກ 1 ມິ 8 ທີມ ປະກອບມີ: ສະໂມສອນ ບານເຕະ ຊ້າງນ້ອຍ, ສະໂມສອນ ບານເຕະ ມາດສເຕີ , ສະໂມສອນ ບານເຕະ ເອສະຣາ, ສະໂມສອນ ບານເຕະ ກອງທັບ, ສະໂມສອນ ບານເຕະ ຫຼວງພະບາງ, ສະໂມສອນ ບານເຕະ ຈຳປາສັກ, ສະໂມສອນ ບານເຕະ ນໍ້າທາ ຢຸູໄນເຕັດ ແລະ ສະໂມສອນ ບານເຕະ ມັດສະດ້າ ວຽງຈັນ ຂະນະ ທີມຈາກ ລີກ 2 ປະກອບມີ: ສະໂມສອນ ບານເຕະ ພີເອັມ ເຊກອງ, ສະໂມສອນບານເຕະ ທະຫານແຂວງຄຳມ່ວນ, ສະໂມສອນ ບານເຕະ ເມືອງເລົ່າງາມ, ສະໂມສອນ ບານເຕະ ສະຫວັນ ຢູໄນເຕັດ, ສະໂມສອນ ບານເຕະ ເມືອງພວນ, ສະໂມສອນ ບານເຕະ ທະຫານແຂວງຈຳປາສັກ, ສະໂມສອນ ບານເຕະ ທະຫານແຂວງຊຽງຂວາງ, ສະໂມສອນ ບານເຕະ ເຮືອເຫຼັກ.

  ເຂົ້າຮ່ວມພິທີປິດໃນຄັ້ງນີ້່ ມີ ພະນະທ່ານ ສອນໄຊ ສີພັນດອນ ນາຍົກ ລັດຖະມົນຕີ ແຫ່ງ ສປປ ລາວ, ທ່ານ ອາລຸນໄຊ ສຸວັນນະລາດ ສູນນະລາດ ເຈົ້າແຂວງ ແຂວງຈຳປາສັກ, ທ່ານ ວີເພັດ ສີຫາຈັກຣ ປະທານສະຫະພັນບານເຕະແຫ່ງຊາດລາວ, ທ່ານ ກິ່ງມະໂນ ພົມມະຫາໄຊ ຮອງລັດຖະມົນຕີ ກະຊວງສຶກສາທິການ ແລະ ກິລາ, ທ່ານ Henrik Andersen ຜູ້ອຳນວຍການໃຫຍ່ບໍລິສັດ ເບຍລາວ ຈຳກັດ, ພ້ອມດ້ວຍຄະນະບໍລິຫານງານ ສະຫະພັນບານເຕະແຫ່ງຊາດລາວ, ແຂກຖືກເຊີນ, ແຟນບານ ແລະ ສື່່ມວນຊົນ ເຂົ້າຮ່ວມຊົມນັດດັ່ງກ່າວຢ່າງຟົດຟື້ນໂດຍມີແຟນບານທັງພາຍໃນ ແລະ ຕ່າງປະເທດເຂົ້າຮ່ວມຮັບຊົມທັງຫມົດ 5ພັນກວ່າ ຄົນ.

ການແຂ່ງຂັນບານເຕະ ເປບຊີ ລາວລີກ 1 ລະດູການ 2024/2025 ນັດສຸດທ້າຍຂອງການແຂ່ງຂັນໄດ້ຈັດຂຶ້ນທີ່ສະຫນາມກິລາແຫ່ງຊາດ(ຫຼັກ16) ເປັນການພົບກັນ ລະຫວ່າງ ສະໂມສອນ ບານເຕະ ມັດສະດ້າ ວຽງຈັນ ພົບ ສະໂມສອນ ບານເຕະ ເອສະຣາ ຜ່ານການແຂ່ງຂັນສະໂມສອນ ບານເຕະ ເອສະຣາ ເອົາຊະນະ ສະໂມສອນ ບານເຕະ ມັດສະດ້າ ວຽງຈັນ 5-1 ໂດຍ ເອສະຣາ ໄດ້ປະຕູຈາກ: ເບີ 10 ໂຈນີ້ ແຫວນປະເສີດ ນາທີ 10, ເບີ 7 ປີເຕີ້ ພັນທະວົງ ນາທີ 45+1, 76, ເບີ 8 ດາຫມົດ ທອງຄຳສະຫວັດ ນາທີ 70, ເບີ 79 ທະນູສັກ ນັນທະວົງດວງສີ ນາທີ 68 ສ່ວນ ມັດສະດ້າ ວຽງຈັນ ໄດ້ປະຕູຈາກ: ເບີ 18 MICHAEL MADUABUCHUKWU OKUSHI ນາທີ 90+2, ສ່ວນຜົນອີກ 3 ຄູ່ ແຂ່ງຂັນໃນມື້ດຽວກັນນັ້ນ ມາດສເຕິີີ ເສຍໃຫ້ ຊ້າງນ້ອຍ 0-1, ກອງທັບ ຊະນະ ນໍ້າທາ ຢູໄນເຕັດ 2-0 ແລະ ຈຳປາສັກ ເສຍໃຫ້ ຫຼວງພະບາງ 0-3.

 ເອສະຣາ ເກັບໄຊຊະນະ ເປັນນັດທີ 12 ຈາກທັງຫມົດ 14 ນັດ ສ່ວນທີ່ເຫລືອ ສະເໜີ 2 ນັດເສຍ 0 ຍິງໄດ້ 56 ປະຕູ ເສຍ 13 ປະຕູ,ມີ 38 ຄະແນນ ແລະ ເອສະຣາ ຄວ້າແຊ້ມ ປະຫວັດສາດ ການແຂ່ງຂັນບານເຕະເປບຊີ ລາວລີກ 1 ລະດູການ 2024/2025 ເປັນສະໄຫມທຳອິດ ພາຍຫຼັງ ສ້າງຕັ້ງສະໂມສອນ ມາໄດ້ 22 ໄດ້ຮັບຂັນຊະນະເລີດ, ຫລຽນ ແລະ ເງິນລາງວັນ 450 ລ້ານກີິບ, ສະໂມສອນ ບານເຕະ ເອສະຣາ ໄດ້ເປັນແຊ້ມການແຂ່ງຂັນບານເຕະ ເປບຊີ ລາວລີກ 1 ລະດູການ 2024/2025 ຈະໄດ້ເປັນສະໂມສອນ ຕົວແທນຈາກ ສປປ ລາວ ເຂົ້າຮ່ວມການແຂ່ງຂັນລະດັບ AFC CHALLENGE LEAGUE 2025/2026 (ແຕ່ຕ້ອງໄດ້ຮັບໃບອະນຸຍາດຈາກສະໂມສອນລະດັບອາຊີຈື່ງສາມາດເຂົ້າຮ່ວມໄດ້ ) ຫຼື ລາຍການອື່ນໆທີ່ຖືກເຊີນ ສ່ວນອັນດັບຮອງລົງມາຈະໄດ້ພິຈາລະນາຕາມຄວາມເໝາະສົມ.

 ຂະນະທີ່ ອັນດັບ 2 ຊ້າງນ້ອຍ ໄດ້ຮັບເງິນລາງວັນ 250 ລ້ານກີບ, ອັນດັບ 3 ມາດສເຕີ້ ໄດ້ຮັບເງິນລາງວັນ 120 ລ້ານກີບ, ອັນດັບ 4 ຫຼວງພະບາງ ໄດ້ຮັບເງິນລາງວັນ 60 ລ້ານກີບ, ອັນດັບ 5 ກອງທັບ ໄດ້ຮັບເງິນລາງວັນ 45 ລ້ານກີບ, ອັນດັບ 6 ນໍ້າທາ ໄດ້ຮັບເງິນລາງວັນ 30 ລ້ານກີບ, ອັນດັບ 7 ວຽງຈັນ ໄດ້ຮັບເງິນລາງວັນ 20 ລ້ານກີບ ແລະ ອັນດັບສຸດທ້າຍ ຈຳປາສັກ ໄດ້ຮັບເງິນລາງວັນ 10 ລ້ານກີບ. ສ່ວນລາງວັນປະເພດບຸກຄົນມີຄື: ລາງວັນຄູຝຶກດີເດັ່ນ ທ່ານ ບຽງຊູນາ BYUNG SOO NA ສັນຊາດ ສ.ເກົາຫລີ ຈາກ ສະໂມສອນ ບານເຕະ ເອສະຣາ, ລາງວັນນັກກິລາດີເດັ່ນ ດາຫມົດ ທອງຄຳສະຫວັດ ຈາກ ສະໂມສອນ ບານເຕະ ເອສະຣາ, ລາງວັນຜູ້ຮັກສາປະຕູດີເດັ່ນ ກົບ ໂລກພະທິບ ຈາກ ສະໂມສອນ ບານເຕະ ເອສະຣາ ແລະ ລາງວັນຜູ້ຍິງປະຕູສູງສຸດ TAKUMU NISHIHARA ສັນຊາດຍີ່ປຸ່ນ ຈາກ ສະໂມສອນ ບານເຕະ ຊ້າງນ້ອຍ ຍິງໄດ້ 26 ປະຕູ.

        ການແຂ່ງຂັນບານເຕະ ເປບຊີ ລາວລີກ 1 ລະດູການ 2024/2025 ແມ່ນໄດ້ເລີ່ມແຂ່ງຂັນນັບຕັ້ງແຕ່ ວັນທີ 14 ກັນຍາ 2024 ຫາ ວັນທີ 1 ມີນາ 2025. ຮູບແບບການແຂ່ງຂັນແມ່ນແຂ່ງຂັນແບບພົບກັນຫມົດຈຳນວນ 2 ຮອບ ຂາໄປ ແລະ ຂາກັບ ຈຳນວນນັດແຂ່ງຂັນທັງຫມົດ 56 ນັດ.

ໃຫ້ກຽດເຂົ້າຮ່ວມພິທີປິດ ແລະ ມອບລາງວັນໂດຍມີ ທ່ານ ວີເພັດ ສີຫາຈັກຣ ປະທານ ສະຫະພັນບານເຕະແຫ່ງຊາດລາວ, ທ່ານ ຈັນສະຫມອນ ຜ່ອງຈັນທາ ຜູ້ອຳນວຍການຝ່າຍການຕະຫລາດບໍລິສັດເບຍລາວຈຳກັດ, ທ່ານ ທິດຕະວັນ ວັນນະຈັກ ຜູ້ອຳນວຍການຮ້ານຂາຍເຄື່ອງກິລາ LIFE FOOTBALL, ພ້ອມດ້ວຍ ຄະນະບໍລິຫານງານ ສະຫະພັນບານເຕະແຫ່ງຊາດລາວ, ແຂກຖືກເຊີນ ຕະຫລອດຮອດແຟນບານ ເຂົ້າຮ່ວມຮັບຊົມ.

ທະນາຄານ ມາຣູຮານ ໄດ້ມອບເງິນສະໜັບສະໜູນການແຂ່ງຂັນ ກິລາບານເຕະຊິງຂັນພະນະທ່ານນາຍົກລັດຖະມົນຕີ ແຫ່ງ ສປປ ລາວ ລະດູການ 2024/2025 ເປັນຈຳນວນເງິນ 100,000,000 ກີບ. ພິທີດັ່ງກ່າວ ໄດ້ຈັດຂຶ້ນໃນຕອນບ່າຍຂອງວັນທີ 27 ກຸມພາ 2025 ທີ່ຕຶກສຳນັກງານໃຫຍ່ຂອງທະນາຄານມາຣູຮານ, ບ້ານຫັດສະດີ, ຖະໜົນລ້ານຊ້າງ, ນະຄອນຫຼວງວຽງຈັນ.

ເປັນກຽດຂຶ້ນມອບເງິນສະໜັບສະໜູນໂດຍແມ່ນທ່ານ ເຄນຈິ ຄູໂຣກິ Kenji KUROKI ຮອງຜູ້ອຳນວຍການ ທະນາຄານມາຣູຮານແລະຂຶ້ນຮັບໂດຍທ່ານ ຈັນທະວົງ ສີລິມະໂນທຳ ຮັກສາການເລຂາທິການ ສະຫະພັນບານເຕະແຫ່ງຊາດລາວ ໂດຍຊ່ອງໜ້າພະນັກງານທັງສອງຝ່າຍ.

ໃນພິທີທ່ານ ເຄນຈິ ຄູໂຣກິໄດ້ກ່າວວ່າ: ທະນາຄານພວກເຮົາໄດ້ໃຫ້ການສະໜັບສະໜູນ ສຕລ ຕິດຕໍ່ກັນມາ ເປັນເວລາ 3 ປີ ເຖິງແມ່ນວ່າການສະໜັບສະໜູນຈະມີມູນຄ່ານ້ອຍແຕ່ກໍ່ແມ່ນຄວາມຕັ້ງໃຈຂອງພວກເຮົາທີ່ຢາກໃຫ້ການສະໜັບສະໜູນການແຂ່ງຂັນໃນຄັ້ງນີ້.

ໂອກາດນີ້,ທ່ານ ຈັນທະວົງ ສີລິມະໂນທຳ ໄດ້ກ່າວສະແດງຄວາມຂອບໃຈມາຍັງທະນາຄານ ມາຣູຮານ ທີ່ໄດ້ເປັນຄູ່ຮ່ວມງານທີ່ດີ ແລະໃຫ້ການສະໜັບສະໜູນການແຂ່ງຂັນຄັ້ງນີ້ແລະຫວັງຢ່າງຍິ່ງວ່າໃນຕໍ່ໜ້າບໍ່ພຽງແຕ່ສືບຕໍ່ໃຫ້ການສະໜັບສະໜູນໃນການແຂ່ງຂັນເທົ່ານັ້ນ,ຕໍ່ການເຄື່ອນໄຫວກິດຈະກຳອື່ນໆຂອງສຕລກໍຈະໄດ້ຮັບການສະໜັບສະ ໜູນຕື່ມອີກຈາກທະນາຄານ ມາຣູຮານເຊັ່ນດຽວກັນ.

      ນັກກິລາຮຸ່ນອາຍຸບໍ່ເກີນ 16 ປີ ຫຼື ຢູ-16 ທີ່ເກີດໃນປີ 2009-2010 ພາຍໃນແຂວງສາລະວັນ ຈຳນວນ 130 ກວ່າຄົນ ຜູ້ທີ່ມີພອນສະຫວັນດີເດັ່ນໄດ້ເຂົ້າຮ່ວມຄັດເລືອກກັບສູນຝຶກກິລາບານເຕະຈຳປີຈຳປາ ແຂວງສາລະວັນ ເພື່ອພັດທະນາກາຍເປັນນັກກິລາດິເດັ່ນປູເສັ້ນທາງກ້າວສູ່ນັກກິລາທີມຊາດ ຮຸ່ນເຍົາວະຊົນ ໃນອະນາຄົດ.

      ໃນລະຫວ່າງວັນທີ 12-14 ກຸມພາ 2025 ພະແນກເຕັກນິກວິທະຍາ ສະຫະພັນບານເຕະແຫ່ງຊາດລາວ ຫຼື ສຕລ ນຳໂດຍ ທ່ານ ກັນລະຍາ ສີສົມຫວັງ ຫົວໜ້າຄູຝຶກບານເຕະເຍົາວະຊົນທີມຊາດລາວ ພ້ອມດ້ວຍຄະນະ ສືບຕໍ່ເຄື່ອນໄຫວຄັດເລືອກນັກກິລາເຍົາວະຊົນຜູ້ມີພອນສະຫວັນ ປະຈຳສູນຝືກອົບຮົມກິລາບານເຕະເຍົາວະຊົນຈໍາປີຈຳປາ ແຂວງສາລະວັນ ທີ່ພາຍຫຼັງສຳເລັດໂຄງການດັ່ງກ່າວ ທີ່ແຂວງຈຳປາສັກ (8-10 ກຸມພາ) ເພື່ອເລືອກເຟັ້ນຫານັກກິລາຜູ້ທີ່ມີພອນສະຫວັນໃນດ້ານກິລາບານເຕະ ອາຍຸບໍ່ເກີນ 16 ປີ (ເກີດໃນປີ 2009-2010) ຊຶ່ງຜູ້ທີ່ຜ່ານການຄັດເລືອກ ໃນຈຳນວນ 22 ຄົນ ຈະໄດ້ມາຝຶກແອບຝຶກຊ້ອມປະຈໍາຢູ່ສູນຝຶກຈຳປີຈຳປາ ແຂວງສາລະວັນ ເພື່ອປູເສັ້ນທາງກ້າວສູ່ນັກກິລາທີມຊາດ ຮຸ່ນເຍົາວະຊົນ ໃນອະນາຄົດ.ໃນໂອກາດດັ່ງກ່າວ, ທາງ ສຕລ ກໍຍັງໄດ້ມອບອຸປະກອນບານເຕະຈຳນວນຫຼາຍລາຍການໃຫ້ທາງສະຫະພັນບານເຕະແຂວງສາລະວັນ ເພື່ອນຳໄປພັດທະນານັກກິລາເຍົາວະຊົນອີກດ້ວຍ.

        ສຳລັບສູນພັດທະນາກິລາບານເຕະຈຳປີຈຳປາ ສຕລ ແມ່ນໄດ້ຮັບທຶນສະໜັບສະໜູນຈາກສະຫະພັນບານເຕະໂລກ ຫຼື FIFA ພາຍໃຕ້ໂຄງການ ພັດທະນາ ທັກສະຄວາມສາມາດ ຫຼື TALENT DEVELOPMENT SHCEEM ແນໃສ່ການພັດທະນາທັກສະຄວາມສາມາດໃນການຫຼິ້ນກິລາບານເຕະເຍົາວະຊົນລາວ ເວົ້າລວມ,ເວົ້າສະເພາະແມ່ນເຍົາວະຊົນພາຍໃນທ້ອງຖິ່ນ ໃຫ້ມີທັກສະການຫຼິ້ນກິລາບານຂັ້ນພື້ນຖານທີ່ດີ, ມີວິໄນ ສ້າງໃຫ້ມີບ່ອນຝຶກແອບເປັນປະຈໍາ ແລະ ມີຄວາມປອດໄພ ຊຶ່ງເລີ່ມເປີດຝຶກສອນແຕ່ຮຸ່ນອາຍຸ 10 ປີ, 12 ປີ, 14 ປີ ແລະ 15 ປີ, ໂດຍນໍາໃຊ້ ຫຼັກການຂອງ ສຕລ ທີ່ຜ່ານການສຶກສາຄົ້ນຄວ້າຈາກຜູ້ນໍາຊ່ຽວຊານ ແລະ ສິດສອນໄດ້ຮັບການຝຶກອົບຮົມ. ນອກນັ້ນ, ຍັງມີການສ້າງສະພາບແວດລ້ອມໃນການຝຶກແອບທີ່ດີໃຫ້ນັກກິລາໃຫ້ມີຄວາມປອດໄພ ແລະ ມ່ວນຊື່ນ ອີກດ້ວຍ.

       ມາຮອດປັດຈຸບັນ ສຕລ ສາມາດເປີດສູນຝຶກກິລາບານເຕະຈໍາປີຈໍາປາ ໃນຂອບເຂດທົ່ວປະເທດ ທັງໝົດ 5 ແຫ່ງ ຄື: ສູນຝຶກຈໍາປີຈໍາປາ ຫ້ວຍຫົງ ເມືອງຈັນທະບູລີ ນະຄອນຫຼວງວຽງຈັນ, ສູນຈໍາປີຈໍາປາ (ຫຼັກ 16) ເມືອງໄຊທານີ ນະຄອນຫຼວງວຽງຈັນ, ເມືອງປາກຊັນ ແຂວງບໍລິຄໍາໄຊ, ສູນຝຶກຈໍາປີຈໍາປາ ນະຄອນປາກເຊ ແຂວງຈໍາປາສັກ, ສູນຝຶກບານເຕະຈໍາປີຈໍາປາ ແຂວງສາລະວັນ, ສູນຝຶກບານເຕະຈໍາປີຈໍາປາ ເມືອງຫຼວງນ້ຳທາ ແຂວງຫຼວງນ້ໍາທາ ແລະ ສູນຝຶກຈຳປີຈຳປາ ແຂວງຄຳມ່ວນ.

ສຳລັບແຜນພັດທະນາສູນຝຶກຈຳປີຈຳປາ ໃນຕໍ່ໜ້າທາງ ສຕລ ຍັງຈະໄດ້ສືບຕໍ່ລົງເຄື່ອນໄຫວຄັດເລືຶອກນັກກິລາຢູ່ທີ່ແຂວງຫຼວງນໍ້າທາ ແລະ ແຂວງຄຳມ່ວນ ຕື່ມອີກ.

               ສະຫະພັນບານເຕະແຫ່ງຊາດລາວ( ສຕລ) ໄດ້ຈັດພິທີເປີດຝຶກອົບຮົມຄູຝຶກກິລາບານເຕະລະດັບຊີ(C) ຂື້ນໃນຕອນເຊົ້າວັນທີ 17 ກຸມພາ 2025 ທີ່ຫ້ອງປະຊຸມ ສຕລ ,ໂດຍໃຫ້ກຽດເຂົ້າຮວ່ມຂອງ ທ່ານ ພັນໂທ ຖາວອນ ຫຼວງຈັນດາວົງ ຄະນະບໍລິຫານງານ ສຕລ.

              ໃນພິທີ, ທ່ານ ພັນໂທ ຖາວອນ ຫຼວງຈັນດາວົງ ໄດ້ກ່າວເປີດພິທີໂດຍໄດ້ຍົກໃຫ້ເຫັນຄວາມໝາຍສຳຄັນຂອງການຝຶກອົບຮົມຄັ້ງນີ້,ລວມທັງບົດບາດຄວາມສໍາຄັນຂອງຄູຝຶກ, ພ້ອມຮຽກຮ້ອງໃຫ້ຜູ້ເຂົ້າຮວ່ມການຝຶກອົບຮົມທຸກທ່ານຈົ່ງຕັ້ງໃຈຮຽນຮູ້ແລກປ່ຽນບົດຮຽນ,ປະສົບການ ເພື່ອນໍາເອົາບົດຮຽນໃນການຝຶກອົບຮົມຄັ້ງນີ້ ໄປນໍາໃຊ້ໃຫ້ເກີດປະໂຫຍດຫຼາຍເທົ່າທີ່ຈະຫຼາຍໄດ້ເພື່ອພັດທະນາວົງການບານເຕະລາວ.

             ໄລຍະການຝຶກອົບຮົມ ແມ່ນແບ່ງອອກເປັນ 2 ພາກ ປະກອບມີ ພາກທິດສະດີ ແລະ ການປະຕິບັດຕົວຈິງພາກສະໜາມ, ໂດຍຈະມີການສອບເສັງ 6 ຄັ້ງ ( ຕົວຈິງ 3 ຄັ້ງ ແລະ ທິດສະດີ 2 ຄັ້ງ ແລະ ເສັງກໍາມະການ 1 ຄັ້ງ ), ຜູ້ເຂົ້າຮ່ວມຈະໄດ້ຮຽນຮູ້ກ່ຽວກັບ ການພັດທະນາຄູຝຶກ, ຄວາມຕ້ອງການຄູຝຶກຂອງ AFC, ພາລະບົດບາດ ແລະ ໜ້າທີຮັບຜິດຊອບ, ເຕັກນິກ ແລະ ຍຸດທະວິທີຂອງການເຕະບານ, ຄວາມສຳພັນກັບບານ, ການສົ່ງບານ, ການຈັບບານ, ການຍິງບານ, ຫຼັກການຂອງການຝຶກສອນ, ບານເຕະຟຸດຊໍ, ກະຕິກາຂອງກິລາບານເຕະ, ອາຫານ ແລະ ສຸຂະພາບ, ການຝຶກແອບ, ການຝຶກແອບຜູ້ຮັກສາປະຕູ, ການວາງແຜນ, ບົດບາດສຳຄັນຂອງຜູ້ຮັກສາປະຕູ, ການຈະເລີນເຕີບໃຫຍ່ ແລະ ການປະຖົມພະຍາບານ, ແນະນຳພາກປະຕິບັດກິດຈະກຳບານເຕະພື້ນຖານ, ການຫຼີ້ນບານໃນເກມ. ສຳລັບການຝຶກອົບຮົມແມ່ນຈະດຳເນີນໄປ 2 ໄລຍະ ຄື: ໄລຍະທີ 1 ວັນທີ 17 – 21 ກຸມພາ 2025 ແລະ ໄລຍະທີ 2 ວັນທີ 31 ມີນາ ຫາ 04 ເມສາ 2025.

              ເຂົ້າຮວ່ມພິທີນີ້ ຍັງມີທ່ານ ຊຸນດຣໍາ ມູນຕີ (Sundram Moorthy) ຫົວໜ້າພະແນກເຕັກນິກ - ວິທະຍາ ສຕລ, ທ່ານ Mohammad Herman B Zailani ຫົວໜ້າວຽກງານພັດທະນາຄູຝຶກ ສຕລ, ທ່ານ ວົງມີໄຊ ສຸບົວຄຳ ຜູ້ຝຶກສອນຫຼັກຈາກ ສຕລ, ທ່ານ ວຽງສະຫວັນ ໄຊຍະບູນ ຜູ້ຊ່ວຍຜູ້ຝຶກສອນ, ທ່ານ ຄຳໃສ ຈັນທະວົງ ຜູ້ຊ່ວຍຜູ້ຝຶກສອນ ພ້ອມດ້ວຍພະນັກງານວິຊາການກ່ຽວຂ້ອງ ແລະ ນັກສຳມະກອນຈໍານວນ 24 ທ່ານ ເປັນຍິງ 3 ທ່ານ, ຈາກປະເທດໄທ 6 ທ່ານ.

#LFFCOACHINGCOURSE

#LFFAFCCLICENSECOURSE 

#LAOFOOTBALLFEDERATION 

ພິທີຖະແຫຼງຂ່າວຜູ້ສະໜັບສະໜູນຫຼັກຢ່າງເປັນທາງການ ໃນການແຂ່ງຂັນກິລາບານເຕະ ຊິງຂັນ ພະນະທ່ານນາຍົກລັດຖະມົນຕີ ແຫ່ງ ສປປລາວ ລະດູການ 2024 – 2027 ລະຫວ່າງ ສະຫະພັນບານເຕະແຫ່ງຊາດ ແລະ ບໍລິສັດ ເບຍລາວ ຈຳກັດ ໄດ້ຈັດຂຶ້ນໃນຕອນບ່າຍຂອງວັນທີ 13 ກຸມພາ 2025 ທີ່ ຮາດຣ໋ອກ ຄາເຟ (Hard Rock Café) ນະຄອນຫຼວງວຽງຈັນ. ໃນພິທີທ່ານ ວີເພັດ ສີຫາຈັກຣ ປະທານ ສະຫະພັນບານເຕະແຫ່ງຊາດລາວ ກໍ່ໄດ້ປະກອບຄຳຄິດຄຳເຫັນໂດຍເພິ່ນໄດ້ກ່າວວ່າ ບໍລິສັດເບຍລາວແມ່ນຄູ່ຮ່ວມສັນຍາທີ່ດີຕໍ່ ສະຫະພັນບານເຕະແຫ່ງຊາດລາວ ຕະຫຼອດມາ, ການອຸປະຖຳຄັ້ງນີ້ແມ່ນຈະເອົາໄປໃຊ້ຈ່າຍສຳລັບຄ່າທີ່ພັກ, ເດີນທາງ ແລະ ຄ່າອື່ນໆຂອງບັນດາສະໂມສອນ.

  ຈາກນັ້ນທ່ານ ຈັນສະໝອນ ຜ່ອງຈັນທາ ຜູ້ອຳນວຍການ ການຕະຫຼາດຂອງບໍລິສັດເບຍລາວ ກໍ່ໄດ້ປະກອບຄຳຄິດຄຳເຫັນ ເຊິ່ງເພີ່ນໄດ້ໃຫ້ຮູ້ວ່າ: ການແຂ່ງຂັນບານເຕະຊິງຂັນພະນະທ່ານນາຍົກລັດຖະມົນຕີຄັ້ງນີ້ແມ່ນໂຄງການ

ໃໝ່ ແລະ ກໍ່ດີໃຈທີ່ທາງ ສຕລ ໄດ້ເອົາໃຈໃສ່ໃນການພັດທະນາກິລາບານເຕະຕັ້ງແຕ່ຂັ້ນພື້ນຖານຈົນຮອດຂັ້ນອາຊີບ ສຳລັບງານນີ້ ບໍລິສັດ ເບຍລາວຈະເປັນຜູ້ສະໜັບສະໜູນຫຼັກ ແລະ ຫວັງວ່າການສະໜັບສະໜູນຂອງພວກເຮົານີ້ຈະຊ່ວຍຕໍ່ຍອດໃນການພັດທະນາຕໍ່ໄປ.

  ໃນພິທີຖະແຫຼງຂ່າວຍັງໄດ້ມີການມອບຮັບການສະໜັບສະໜູນ ລະຫວ່າງ ສຕລ ແລະ ບໍລິສັດ ເບຍລາວ

ໂດຍບໍລິສັດເບຍລາວໃຫ້ການສະໜັບສະໜູນການແຂ່ງຂັນເປັນໄລຍະເວລາ ຄືແຕ່ປີ 2024 ຫາປີ 2027 ເຊິ່ງເປັນມູນຄ່າ 4,200,000,000 ກີບ. ຫຼັງຈາກນັ້ນກໍ່ເປີດໂອກາດໃຫ້ສື່ມວນຊົນສອບຖາມ.

  ເປັນກຽດເຂົ້າຮ່ວມໃນພິທີມີທ່ານ ວີເພັດ ສີຫາຈັກຣ ປະທານ ສະຫະພັນບານເຕະແຫ່ງຊາດລາວ, ທ່ານ ຈັນສະໝອນ ຜ່ອງຈັນທາ ຜູ້ອຳນວຍການ ການຕະຫຼາດ ບໍລິສັດເບຍລາວ, ທ່ານ ນາງ ກັນຍາ ແກ້ວມະນີ ຮອງປະທານ ສຕລ, ທ່ານ ຈັນທະວົງ ສີລິມະໂນທຳ ຮັກສາການເລຂາທິການ ສຕລ, ພະນັກງານຈາກບໍລິສັດເບຍລາວ, ພະນັກງານຈາກ ສຕລ ແລະ ບັນດາສື່ມວນຊົນ ເຂົ້າຮ່ວມ.