ສຕລ ຈັດຝຶກອົບຮົມຄູຝຶກສອນສູນພັດທະນາກິລາບານເຕະ ຈຳປີ-ຈຳປາ

ສະບາຍດີປີໃໝ່ສາກົນ ຄສ 2024 Happy New Year

ເນື່ອງໃນໂອກາດປີໃໝ່ສາກົນ ຄສ 2024 ໃນນາມປະທານສະຫະພັນບານເຕະແຫ່ງຊາດລາວ(ສຕລ) ພ້ອມຄະນະບໍລິຫານງານ ແລະ ພະນັກງານສຕລ, ຂໍອວຍພອນໄຊອັນປະເສີດມາຍັງບັນດາທ່ານຜູ້ນຳພັກ-ລັດ,ພະນັກງານພ້ອມດວ້ຍພໍ່ແມ່ປະຊາຊົນລາວບັນດາເຜົ່າ ແລະ ຜູ້ໃຫ້ການສະໜັບສະໜຸນ ສຕລ ທຸກຖວ້ນໜ້າ ຈົ່ງມີແຕ່ຄວາມສຸກກາຍສະບາຍໃຈ, ມີພະລານາໄມສົມບຸນ, ມີໂຊກໄຊ ແລະ ສົມປາດຖະໜາທຸກປະການດວ້ຍເທີ້ນ.

•ປີເກົ່າກາຍຜ່ານພົ້ນ ປີໃໝ່ວຽນມາເຖິງ

ຂໍສົ່ງພອນກະເສີມສຸກ ທຸກຍ່າວຽນມາໃກ້

ສຸກທັງກາຍໃຈພ້ອມ ໂພຍໄພພະຍາດຫ່າງ

ອາຍຸຍືນຍາວໝັ້ນ ຈະເລີນກ້າວຮຸ່ງເຮືອງ

•ໂອກາດປີໃໝ່ນີ້2024ມາເຖິງ ຂໍສົ່ງພອນໄຊ

ໃຫ້ຜູ້ນຳທັງຫຼາຍ ຢູ່ສະບາຍຫາຍຮ້ອນ

ໃຫ້ປະຊາໂຮມທ້ອນ ເປັນກຳລັງກ້າແກ່ນ

ສາມັກຄີແໜ້ນແຟ້ນ ແປງສ້າງມິ່ງເມືອງ ນັ້ນທ້ອນ

ດ້ວຍຄວາມປາດຖະໜາດີຈາກ: ສະຫະພັນບານເຕະແຫ່ງຊາດລາວ

#LAOFOOTBALLDFEDERATION

#HAPPYNEWYEAR2024

ເປີດສູນຝຶກກິລາບານເຕະເຍົາວະຊົນ ຈໍາປີ-ຈໍາປາ ທີ່ແຂວງຫຼວງນໍ້າທາ

ພິທີເປີດສູນຝຶກກິລາບານເຕະ ຈໍາປີ-ຈໍາປາ ແຫ່ງທີ 4 ໄດ້ຈັດຂື້ນໃນຕອນເຊົ້າ ວັນທີ 17 ທັນວາ 2023 ທີ່ສະໜາມກິລາບານເຕະ ແຂວງຫຼວງນໍ້າທາ ພາຍໃຕ້ການສະໜັບສະໜູນຈາກໂຄງການ ພັດທະນາຄວາມອາດສາມາດຂອງສະຫະພັນບານເຕະນາໆຊາດຫຼືຟີຟາ( FIFA Talent Development Scheme)ໃຫ້ກຽດ ເປັນ ປະທານກ່າວເປີດໂດຍ ທ່ານ ວັນດີ ພົມທອງ ຮອງປະທານແນວລາວສ້າງຊາດແຂວງ ທັງເປັນ ຮອງປະທານ ສະຫະພັນບານເຕະແຂວງຫຼວງນໍ້າທາ. 

ທ່ານ ທ່ານ ວັນດີ ພົມທອງ ໄດ້ກ່າວເຖິງການເປີດສູນຝຶກໃນຄັ້ງນີ້ວ່າ: ຈຸດປະສົງຂອງການເປີດສູນຝຶກແຫ່ງນີ້ ແມ່ນເພື່ອພັດທະນາກິລາບານເຕະຂອງແຂວງໃຫ້ມີຄວາມກ້າວໜ້າ ແລະແຜ່ຂະຫຍາຍໄປທົ່ວທຸກແຂວງ ເພື່ອໃຫ້ນ້ອງໆ ນັກຮຽນມີສຸຂະພາບແຂງແຮງພ້ອມທັງເປັນການເປີດໂອກາດໃຫ້ ນັກກິລາໄດ້ສະແດງຄວາມ ສາມາດທາງດ້ານ ພອນສະຫວັນກິລາບານເຕະ ມາເປັນນັກກິລາຮຸ່ນສືບທອດ ກາຍເປັນນັກກິລາທີມຂອງແຂວງ ແລະ ກ້າວສູ່ການເປັນນັກກິລາທີມຊາດໃນອະນາຄົດ.

ໃນໂອກາດດັ່ງກ່າວທ່ານ ດຣ ໄຊຊະນະ ທອງຄຳຈັນ ຄະນະບໍລິຫານງານ ສະຫະ ພັນບານເຕະແຫ່ງຊາດລາວ,

ກໍ່ໄດ້ກ່າວຍ້ອງຍໍຊົມເຊີຍຕໍ່ການເປີດສູນຝຶກໃນຄັ້ງນີ້ທີ່ໄດ້ດໍາເນີນໄປຕາມຈຸດປະສົງຄາດໝາຍທີ່ວາງໄວ້ ແລະ ຫວັງວ່າສູນຝຶກແຫ່ງນີ້ຈະມີສວ່ນປະກອບທີ່ສຳຄັນໃນການພັດທະນາກິລາບານເຕະຂອງແຂວງໃຫ້ສູງຂື້ນທັງລະດັບນັກກິລາ ຮຸ່ນສືບຂອງແຂວງແລະທີມຊາດ. 

ໃຫ້ກຽດເຂົ້າຮວ່ມໃນງານນີ້ຍັງມີທ່ານ ທອງສອນ ອາດຜາສຸກ ຮອງຫົວໜ້າພະແນກສຶກສາທິການແລະ ກິລາແຂວງ ຫຼວງນໍ້າທາ, ທ່ານ Sundram Moorthy ຫົວໜ້າພະແນກເຕັກນິກວິທະຍາ ສຕລ,ພ້ອມດ້ວຍຄະນະຄູຝຶກ ສຕລ, ຄະນະຄູຝຶກ ສຕຂ,ນັກກິລາເຍົາວະຊົນແຂວງຫຼວງນໍ້າທາ ແລະ ພໍ່ແມ່ຜູ້ປົກຄອງນັກກິລາເຂົ້າຮ່ວມ.

#FIFATalentDevelopmentScheme

#ChampiChampaFootballTrainingCenter

#Luangnamthaprovince

ສຳເລັດ ການຝຶກອົບຮົມຄູຝຶກ JFA FOOTBALL COURSE IN LAOS

ກົດ​ອ່ານ​ຂ່າວ: https://laoff.org.la/la/news/view/372

#JFA

#JICA

#LFF

ກອງປະຊຸມໃຫຍ່ ສະໄໝສາມັນ ສະຫະພັນບານເຕະແຫ່ງຊາດລາວ(ສຕລ)ປະຈໍາປີ 2023 

ສຕລ ຈັດກອງປະຊຸມພັດທະນາບານເຕະທົ່ວປະເທດ ປະຈຳປີ 2023

ເລຂາທິການ ສະຫະພັນບານເຕະນາໆຊາດ ຫຼື ຟິີຟາ ຢ້ຽມຢາມ ສະຫະພັນບານເຕະແຫ່ງຊາດລາວ

ສະຫະພັນບານເຕະນາໆຊາດຮ່ວມກັບສະຫະພັນບານເຕະແຫ່ງຊາດລາວ(ສຕລ)ໄດ້ຈັດພິທີເປີດຝຶກອົບຮົມບານເຕະໃນໂຮງຮຽນ FIFA FOOTBALL FOR SCHOOLS ຂື້ນໃນວັນທີ 28 ພະຈິກ 2023 ທີ່ໂຮງແຮມ ແລນມາກ ໂດຍເປັນກຽດເຂົ້າຮ່ວມຂອງ ທ່ານ ວີເພັດ ສີຫາຈັກຣ ປະທານ ສະຫະພັນບານເຕະແຫ່ງຊາດລາວ, ທ່ານ ນາງ ຟາຕີມາຕາ ໂຊ ຊີດີເບ່ Fatimata Sow Sidibe ຫົວຫນ້າໂຄງການກິລາບານເຕະໃນໂຮງຮຽນ,ຜູ້ຕາງຫນ້າກະຊວງສຶກສາທິການ ແລະ ກິລາ ພ້ອມດ້ວຍບັນດາຄູອາຈານທີ່ສິດສອນວິຊາພະລາສຶກສາຈຳນວນ 80 ທ່ານ ຈາກ 80 ໂຮງຮຽນທົ່ວນະຄອນຫຼວງວຽງຈັນ ເຂົ້າຮ່ວມ.

ທ່ານ ວີເພັດ ສີຫາຈັກຣ ປະທານ ສະຫະພັນບານເຕະແຫ່ງຊາດລາວ ໄດ້ກ່າວເປີດພິທີວ່າ:ສຳລັບການຝຶກອົບຮົມກິລາບານເຕະໃນໂຮງຮຽນໃນໂຄງການດັ່ງກ່າວນີ້ແມ່ນມີຈຸດປະສົງສົ່ງເສີມໃຫ້ນັກຮຽນ ໄດ້ເຂົ້າເຖິງການຫລິ້ນກິລາບານເຕະພາຍໃນໂຮງຮຽນຫລາຍຂຶ້ນ ແລະ ໄດ້ຮັບການຝຶກແອບຢ່າງຖືກວິທີ ສອນໂດຍຄູອາຈານພາລະສຶກສາພາຍໃນໂຮງຮຽນ ເພື່ອເປັນຕົວແບບ ແລະເປັນອີກໂຄງການໜຶ່ງສຳລັບປີຕໍ່ໆໄປ, ພາຍຫຼັງການຝຶກອົບຮົມສຳເລັດລົງ,ພວກເຮົາຈະໄດ້ມີພິທີເປີດພິທີໂຄງການ ກິລາບານເຕະໃນໂຮງຮຽນ FIFA FOOTBALL FOR SCHOOLS ໃນວັນທີ 30 ພະຈິກ 2023.

 ສະຫະພັນບານເຕະແຫ່ງຊາດລາວຍາມໃດກໍໄດ້ເອົາໃຈໃສ່ ແລະ ໃຫ້ຄວາມສຳຄັນໃນການພັດທະນາບານເຕະຂັ້ນພື້ນຖານໃຫ້ແກ່ນັກຮຽນ,ເຊິ່ງທີ່ຜ່ານມາ ໄດ້ມີການລົງເຮັດກິດຈະກຳບານເຕະຂັ້ນພື້່ນຖານ ແລະ ຈັດຝຶກອົບຮົມຄູຝຶກລະດັບ D ໃນທຸກໆແຂວງທົ່ວປະເທດ. ສໍາລັບໂຄງການນີ້ແມ່ນຈະສຸມໃສ່ການພັດທະນາບານເຕະໃນໂຮງຮຽນເປັນຫຼັກ ໂດຍແມ່ນບັນດານັກຮຽນ ແລະ ຄູພາລະເປັນເປົ້າຫມາຍຫລັກຂອງໂຄງການດັ່ງກ່າວ.

ທ່ານ ນາງ ຟາຕີມາຕາ ໂຊ ຊີດີເບ(Fatimata Sow Sidibe) ຫົວຫນ້າ ໂຄງການກິລາບານເຕະໃນໂຮງຮຽນ ໄດ້ກ່າວວ່າ ຮູ້ສຶກເປັນກຽດທີ່ໄດ້ມາປະເທດລາວແລະໄດ້ເຂົ້າຮ່ວມຝຶກອົບຮົມກິລາບານເຕະໃນໂຮງຮຽນ FIFA FOOTBALL FOR SCHOOLS ເຊິ່ງໂຄງການດັ່ງກ່າວໄດ້ຈັດຂຶ້ນໃນຫລາຍປະເທດ.ທ່ານ ນາງ ຟາຕີມາຕາ ໂຊ ຊີດີເບ ກ່າວຢໍ້າຕື່ມວ່າ ໂຄງການນີ້ບໍ່ພຽງແຕ່ຝຶກແອບບານເຕະໃຫ້ນັກຮຽນເທົ່ານັ້ນ, ແຕ່ຍັງຈະສອນໃຫ້ເຂົາເຈົ້າໄດ້ຮັບຮູ້ເຖິງທັກສະການໃຊ້ຊີວິດອີກດ້ວຍ.ຫວັງຢ່າງຍິ່ງວ່າ ຜູ້ເຂົ້າຮ່ວມຈະນຳເອົາຄວາມຮູ້ໃນການເຂົ້າຮ່ວມໃນຄັ້ງນີ້ ເພື່ອໄປພັດທະນາ ໂຮງຮຽນຂອງຕົນເອງ ໄປສິດສອນບານເຕະໃຫ້ ກັບບັນດາເຍົາວະຊົນແລະສະແດງຄວາມຊົມເຊີມມາຍັງ ສຕລ ທີ່ສາມາດສ້າງແຜນຍຸດທະສາດພັດທະນາກິລາບານເຕະຍິງ ແລະ ຈັດການແຂ່ງຂັນລາວລີກຍິງ ເປັນຄັັ້ງທໍາອິດ.

  ການຝຶກອົບຮົມດັ່ງກ່າວແມ່ນຈະດຳເນີນໄປເປັນເວລາ 2 ມື້ນັບຕັ້ງແຕ່ວັນທີ 28 – 29 ພະຈິກ 2023 ເຊິ່ງລວມມີພາກທິດສະດີ ແລະພາກປະຕິບັດຕົວຈິງຢູ່ທີ່ສະຫນາມ, ແລະ ຈະໄດ້ເປີດພີທີໂຄງການ FIFA FOOTBALL FOR SCHOOLS ໃນວັນທີ 30 ພະຈິກ 2023.

ສຳລັບໂຄງການດັ່ງກ່າວຖືວ່າເປັນໂຄງການໄລຍະຍາວ ແລະເປັນໂຄງການຮ່ວມມືລະຫວ່າງ ສະຫະພັນບານເຕະນາໆຊາດ(FIFA)ກັບ ສະຫະພັນບານເຕະແຫ່ງຊາດລາວ ແລະ ກົມກິລາມວນຊົນ, ພະລະ ແລະ ສິລະປະ ເພື່ອພັດທະນາບານເຕະລະດັບເຍົາວະຊົນຂອງສປປລາວ.

ການຝຶກ​ແອບກິລາບານເຕະ​ເຍົາວະຊົນ ສູນພັດທະນາກິລາບານເຕະ ຈຳປີ-ຈຳປາ CHAMPI-CHAMPA FOOTBALL TRAINING CENTER ທີ່ສະໜາມສູນຝຶກ ຫ້ວຍຫົງ ໃນວັນອາທິດ 26/11/2023

ຈຳ​ປ​າ​ສັກ 1-2 ຫຼວງ​ພະ​ບາງ

ເອ​ສະ​ຣາ 0-1 ຊ້າງ​ນ້ອຍ

ນ້ຳ​ທາ 5-0 ວຽງ​ຈັນ