ກໍາມະການຕັດສິນກຽມພ້ອມຮັບໃຊ້ການແຂ່ງຂັນກິລາບານເຕະເຍົາວະຊົນ

U15 ແລະ U18 ທີ່ຈະເປີດສາກຂື້ນໃນວັນອັງຄານທີ່ຈະມາເຖິງນີ້

ສະຫະພັນບານເຕະແຫ່ງຊາດລາວ(ສຕລ)ໄດ້ສໍາເລັດການຝຶກອົບຮົມກໍາມະການຕັດສິນການແຂ່ງຂັນກິລາບານເຕະ ເຍົາວະຊົນ ຮຸ່ນອາຍຸບໍ່ເກີນ 15ປີ(U15 ) ແລະ ຮຸ່ນອາຍຸບໍ່ເກີນ18ປີ(U18 )ປະຈໍາປີ 2023ຂື້ນໃນຕອນບ່າຍວັນທີ 4 ສິງຫາ 2023 ທີ່ຫ້ອງປະຊຸມ ສຕລ,ໂດຍໃຫ້ກຽດເຂົ້າຮ່ວມພິທີປິດຂອງທ່ານ ຈັນທະວົງ ສິລິມະໂນທຳ ຮອງເລຂາທິການສຕລ, ທ່ານ ທອງປະເສີດ ພອນສິຣິຍະວົງ ຫົວໜ້າຫ້ອງການນິຕິກຳ ແລະ ທ່ານ ໄຊປະເສີດ ພົງຊະນິດ ຫົວໜ້າພະແນກກຳມະການຕັດສິນທັງເປັນຜູ້ຝຶກສອນກຳມະການຕັດສິນ ສຕລ, ພ້ອມດວ້ຍຜູ້ຊ່ວຍຄູຝຶກສອນ, ວິຊາການພະແນກກໍາມະການຕັດສິນ ສຕລ ແລະນັກຝຶກອົບຮົມເຂົ້າຮ່ວມທັງໝົດ 34 ຄົນ.

ໃນໂອກາດນີ້ ທ່ານ ຈັນທະວົງ ສິລິມະໂນທຳ ໄດ້ສະແດງຄວາມຊົມເຊີຍມາຍັງຜົນສຳເລັດຂອງການ

ອົບຮົມຄັ້ງນີ້ ແລະ ອວຍພອນໃຫ້ທຸກທ່ານທີ່ຜ່ານການຝຶກອົບຮົມຈົ່ງຕັ້ງໃຈນຳເອົາຄວາມຮູ້ທີໄດ້ຮຽນມາໄປຈັດຕັ້ງປະຕິບັດວຽກງານກໍາມະການຕັດສິນໃນສະໜາມກິລາຕົວຈິງດ້ວຍຜົນສໍາເລັດ.

ສໍາລັບການຝຶກອົບຮົມຄັ້ງນີ້ແມ່ນດຳເນີນເປັນເວລາ 3ວັນ ແຕ່ວັນທີ 2-4 ສິງຫາ 2023,ເຊິ່ງໄດ້ມີການຮຽນຮູ້ແລະທົດສອບທາງທິດສະດີ ແລະ ວິເຄາະວີດີໂອໃນການໃຫ້ບັດເຫຼືອງບັດແດງ, ພິເສດນັກຝຶກອົບຮົມທີ່ເຂົ້າຮ່ວມ ແມ່ນໄດ້ ຜ່ານການທົດສອບພາລະກໍາລັງກ່ອນຈຶ່ງຈະເຂົ້າຮ່ວມການຝຶກອົບຮົມໃນຄັ້ງນີ້.

ຜົນສຳເລັດຂອງການຝຶກອົບຮົມຄັ້ງນີ້ສະແດງໃຫ້ເຫັນເຖິງຄວາມກຽມພ້ອມຂອງກຳມະການຕັດສິນໃນການຮັບໃຊ້ການແຂ່ງຂັນກິລາບານເຕະເຍົາວະຊົນ U15 ແລະ U18 ທີ່ຈະເປີດສາກຂື້ນໃນວັນອັງຄານທີ່ຈະມາເຖິງນີ້.

ເມື່ອ​ເວົ້າ​ເຖິງວຽກ​ງານ​ການ​ພັດ​ທະ​ນາ​ບຸກ​ຄະ​ລາ​ກອນ ໃນ​ແຕ່​ລະ​ປີ ສະ​ຫະ​ພັນ​ບານ​ເຕະ​ແຫ່ງ​ຊາດ​ລາວ(ສຕລ) ໄດ້​ສົ່ງ​ພະ​ນັກ​ງານຈາກສຕລ ເຂົ້າຮວ່ມຝຶກ​ອົບ​ໃນ​ຫລາຍ​ວຽກ​ງ​ານ​ທັງ​ພາຍ​ໃນ ແລະ ຕ່າງ​ປະ​ເທດ ​ບໍ່​ວ່າ​ຈະ​ເປັນ​ວຽກ​ງານ​ຈັດ​ການ​ແຂ່ງ​ຂັນ, ວຽກ​ງານ​ກຳ​ມະ​ການ​ຕັດ​ສິນ, ວຽກ​ງານ​ເຕັກ​ນິກ - ວິ​ທະ​ຍາ, ວຽກ​ງານ​ສື່ມວ​ນ​ຊົນ-ການ​ຕະ​ຫລາດ ແລະ ວຽກ​ງານ​ອື່ນໆ​ທີ​ປິ່ນ​ອ້ອມ.

ສະເພາະໃນວັນ​ທີ 31ກໍລະກົດ 2023​ຜ່ານ​ມາ​,ສະ​ຫະ​ພັນ​ບານ​ເຕະ​ອາ​ຊີ ໄດ້​ມີ​ພິ​ທີ​ປິດ ‘’ ຫລັກ​ສູດການບໍລິຫານບານເຕະຂອງສະຫະພັນບານເຕະອາຊີ (The AFC Football Management Certificate, Edition 4 (AFC FMC)’’ ໃນຮູບ​ແບບ​ອອນ​ລາຍ ,ເຊິ່ງ​ ສຕລ​ໄດ້​ສົ່ງ​ບຸກ​ຄະ​ລາ​ກອນ 1 ທ່ານ ຄື: ທ່ານ ນີ​ຕ້າ ທັດສະນີທອນ ພະ​ນັກ​ງານວິ​ຊາ​ການ ຈາກພະ​ແນກ​ຈັດ​ການ​ແຂ່ງ​ຂັນເຂົ້າຮວ່ມຮຽນ​ໃນ​ຫລັກ​ສູດ​ດັ່ງ​ກ່າວ.
ທ່ານນິ​ຕ້າ ທັດສະນີທອນ(ຕ້າ)ໄດ້​ກ່າວ​ວ່າ:ສຳລັບເງື່ອນໄຂຂອງຜູ້ຈະເຂົ້າຮວ່ມການຮຽນໃນຫຼັກສູດນີ້,ສະຫະພັນບານເຕະອາຊີໄດ້ກຳນົດໄວ້ຄືກ່ອນອື່ນໝົດຕ້ອງໄດ້ເຮັດວຽກຢູ່ ສຕລຢ່າງໜ້ອຍເປັນເວລາ1ປີຂື້ນໄປຈື່ງສາມາດສະໝັກຮຽນໄດ້.ຜູ້ສະໝັກຕ້ອງໄດ້ປະກອບເອກະສານຕ່າງໆກ່ຽວກັບປະສົບການເຮັດວຽກ ແລະ ລະດັບຈົບການສຶກສາແລະຕ້ອງຮູ້ພາສາອັງກິດໃນລະດັບດີ ເພື່ອສົ່ງໃຫ້ສະຫະພັນບານເຕະອາຊີ ພິຈາລະນາໃນຂັ້ນຕົ້ນ.ພ້ອມນັ້ນ,ກ່ອນຈະໄດ້ເຂົ້າຮຽນແມ່ນຕ້ອງໄດ້ຜ່ານຮອບສຳພາດແລະຖ້າສຳພາດຜ່ານຈື່ງສາມາດຮຽນກ່ຽວກັບການບໍລິຫານບານເຕະຂັ້ນພື້ນຖານຂອງສະຫະພັນບານເຕະ ອາຊີ ໄດ້ໃນຂັ້ນຕໍ່ໄປ.ສຳລັບການຮຽນ AFC FMC ແມ່ນໃຊ້ເວລາຮຽນທັງຫມົດ 5 ເດືອນ ແລະ ມີທັງຫມົດ 9 ຫົວຂໍ້ຫຼັກຄື:ໂຄງຮ່າງການ​ຈັດ​ຕັ້ງ​ຂອງ​ບານ​ເຕະ​ໂລກ​,ການ​ຄຸ້ມ​ຄອງ​ຍຸດ​ທະ​ສາດໃນວຽກງານກິລາບານເຕະ​,ການ​ຄຸ້ມ​ຄອງ​ທາງ​ດ້ານ​ການ​ເງິນ,ການ​ສ້າງ​ລາຍ​ໄດ້​,ວຽກງານສື່ມວນຊົນ ແລະການສື່ສານ,ການບໍລິຫານຈັດການ,ການຄຸ້ມຄອງການດໍາເນີນງານ,ການຄຸ້ມຄອງຊັບພະຍາກອນມະນຸດແລະການປົກປ້ອງເດັກ.
ໃນການຮຽນ ຈໍານວນ 9 ຫົວຂໍ້ແມ່ນຮຽນແບບທາງໄກ(ອອນລາຍ) ເຊີ່ງຕ້ອງໄດ້ມີການເບີ່ງວິດີໂອ ແລະ ເສັງກ່ອນຈະເລີ່ມຮຽນແຕ່ລະຫົວຂໍ້, ການຮຽນແມ່ນຈໍານວນ 5ມື້ຕໍ່ 1ຫົວຂໍ້ ໂດຍມີຜູ້ຊ່ຽວຊານແຕ່ລະຫົວຂໍ້ມາຝຶກສອນ ແລະ ໃຫ້ຄວາມຮູ້ລົງເລິກກ່ຽວກັບວິຊາສະເພາະ. ເມື່ອໄດ້ມີການຮຽນແຕ່ລະຫົວຂໍ້ແລ້ວ ໄດ້ມີການເຮັດວຽກຮ່ວມກັນເປັນກຸ່ມ ແລະ ມີການເສັງສຳລັບບຸກຄົນ. ກ່ອນຈົບການສືກສາAFC FMC ນັກຮຽນແຕ່ລະຄົນແມ່ນຕ້ອງໄດ້ຂຽນບົດໂຄງການທຸລະກິດນັກສຶກສາ(Student Business Project) ແລະ ໄດ້ປ້ອງກັນບົດກ່ອນຈົບການສຶກສາ. ສໍາລັບການຮຽນແມ່ນໃຊ້ໄລຍະເວລາແຕ່ວັນທີ 14 ຕຸລາ 2022 ຫາ 31 ກໍລະກົດ 2023.
ປະ​ຫວັດ​ຂອງທ່ານນິ​ຕ້າ ໃນການກ້າວເຂົ້າມາສູ່ວົງການບານເຕະ ແລະ ເຮັດວຽກຢູ່ ສຕລ ມີ​ດັ່ງ​ນີ້:

- ປີ2015-2018: ສຶກສາຮໍ່າຮຽນພາສາອັງກິດ ຢູ່ທີ່ ສະຖາບັນລາວ-ອາເມລິກາ

-ປີ2017-2020: ສຶກສາຢູ່ທີ່ມະຫາວິທະຍາໄລແຫ່ງຊາດ, ພາກພົວພັນສາກົນ, ຄະນະນິຕິສາດ ແລະ ລັດຖະສາດ

- ປີ2018: ເປັນຄະນະນຳທີມສະໂມສອນບານເຕະລາວ-ທ໊ອບ ເຂົ້າຮ່ວມການແຂ່ງຂັນຄອມມານໂດ ລາວລີກ2, ສຕລ

-ປີ 2019: ສຳເລັດການສຶກສາຊັ້ນສູງພາກພາສາອັງກິດ ຢູ່ທີ່ວິທະຍາໄລ ລາວ-ທ໊ອບ

- ປີ2019: ເປັນນັກກິລາຂອງສະໂມສອນບານເຕະຊ້າງນ້ອຍ ເຂົ້າຮ່ວມການແຂ່ງຂັນບານເຕະຄອມມານໂດ ລາວລີກ2, ສຕລ

- ປີ2019: ເລີ່ມກ້າວເຂົ້າສູ່ການເປັນອາສາສະໝັກແລະຜູ້ປະສານງານຂອງສຕລໃນລາຍການ AFC U-16 Championship 2019 Qualifiers.

- ປີ2020: ເປັນຄະນະນຳທີມ ແລະ ຜູ້ຊ່ວຍຜູ້ຈັດການທີມຂອງສະໂມສອນບານເຕະຊ້າງນ້ອຍ ໃນລາຍການແຂ່ງຂັນບານເຕະ ລາວລີກ1, ເຂົ້າຮ່ວມການຝຶກອົບຮົມຂອງ ສຕລ ກ່ຽວກັບຜູ້ຄວບຄຸມການແຂ່ງຂັນ ແລະ ຜູ້ຊ່ວຍຜູ້ຄວບຄຸມການແຂ່ງຂັນ, ເປັນຜູ້ຊ່ວຍຜູ້ຄວບຄຸມການແຂ່ງຂັນບານເຕະ ຄອມມານໂດ ລາວລີກ2, ສຕລ, ເປັນຜູ້ຊ່ວຍຜູ້ຄວບຄຸມການແຂ່ງຂັນບານເຕະ The 45th Lao National Day’s Football Championship.

- ປີ2021: ເລີ່ມຕົ້ນເສັ້ນທາງໃນການກ້າວເຂົ້າມາສູ່ການເຮັດວຽກຢູ່ທີ່ ພະແນກຈັດການແຂ່ງຂັນຂອງສຕລ, ເປັນຜູ້ຊ່ວຍຜູ້ຄວບຄຸມການແຂ່ງຂັນບານເຕະ ລາວລີກ1, ເປັນຜູ້ຈັດການທີມຊາດບານເຕະຍິງ(ຊຸດໃຫຍ່) ເຂົ້າຮ່ວມແຂ່ງຂັນບານເຕະ AFC Women’s Asian Cup India 2022, ຢູ່ທີ່ປະເທດ ບາເຣນ, ເຂົ້າຮ່ວມຝຶກອົບຮົມແບບທາງໄກ ກ່ຽວກັບວຽກງານຈັດການແຂ່ງຂັນ, ຜູ້ປະສານງານການແຂ່ງຂັນ ຂອງສະຫະພັນບານເຕະອາຊີ.
- ປີ2022: ເປັນຜູ້ຄວບຄຸມການແຂ່ງຂັນ ແລະ ຜູ້ຊ່ວຍຜູ້ຄວບຄຸມການແຂ່ງຂັນ ໃນລາຍການແຂ່ງຂັນບານເຕະ Lao League1, Lao League2, LFF Cup, Futsal League, Youth League, National Football Championship, ເປັນຜູ້ປະສານງານການແຂ່ງຂັນໃນລາຍການ AFC U20 Asian Cup Uzbekistan 2023 Qualifiers (Group C)

- ປີ2023: ເປັນຜູ້ຄວບຄຸມການແຂ່ງຂັນບານເຕະ ລາວລີກ1 ແລະ ເປັນຜູ້ປະສານງານກ່ຽວກັບການຈັດການແຂ່ງຂັນບານເຕະ ລາວລີກ2.

- ປັດຈຸບັນ: ເປັນຜູ້ຈັດການທີມຊາດລາວ ບານເຕະຊາຍ ຮຸ່ນອາຍຸບໍ່ເກີນ 23ປີ ເພື່ອກະກຽມເຂົ້າຮ່ວມການແຂ່ງຂັນບານເຕະ AFF U23 Championship 2023 Thailand.
ທ່ານນິ​ຕ້າ ໄດ້ສະແດງຄວາມຂອບ​ໃຈ​ມ​າ​ຍັງການນຳສຕລ ທີ່​ໄດ້​ໃຫ້​ໂອ​ກາດ​ໃນ​ການ​ຮຽນຫລັກ​ສູດ ການບໍລິຫານບານເຕະຂອງສະຫະພັນບານເຕະອາຊີໃນຄັ້ງນີ້ (The AFC Football Management Certificate, Edition 4 (AFC FMC)ແລະພ້ອມຈະ​ນຳ​ເອົາ​ຄວາມ​ຮູ້ໃນການ​ຮຽນ​ເພື່ອ​ພັດ​ທະ​ນາ​ວຽກ​ງານ​ບານ​ເຕະ​ລາວ​ໃຫ້​ພັດ​ທະ​ນາ​ຂຶ້ນ​ເລື້ອຍໆ.
ສຳ​ລັບ​ຫລັກ​ສູດ ການບໍລິຫານບານເຕະຂອງສະຫະພັນບານເຕະ ອາຊີ The AFC Football Management Certificate, (AFC FMC ) ແມ່ນ​ມີ​ພະ​ນັກ​ງານ​ຈາກ ສະ​ຫະ​ພັນ​ບານ​ເຕະ​ແຫ່ງ​ຊາດ​ລາວ ສຳ​ເລັດ​ການ​ຮຽນ​ແລ້ວ 2 ທ່ານ ເຊິ່ງ ທ່ານ ນິ​ຕ້າ ທັດສະນີທອນ ແມ່​ນ​ເປັນ​ຜູ້​ທີ່ 3 ຈາກ ສະ​ຫ​ະ​ພັນ​ບານ​ເຕະ​ແຫ່ງ​ຊາດ​ລາວ ສຳ​ເລັດ ຫລັກ​ສູດ​ດັ່ງ​ກ່າວ​ນີ້.

ການ​ແຂ່ງ​ຂັນ​ບານ​ເຕະລາວລີກ2ແຂວງຄຳມ່ວນໄດ້ເລີ່ມການ​ແຂ່ງ​ຂັນ​ມາແຕ່ວັນ​ທີ03ມິ​ຖຸ​ນາ2023ແລະຜ່ານການ​ແຂ່ງ​ຂັນມາ​ໄດ້7ອາ​ທິດ,ຜົນປະກົດວ່າທິມບານເຕະປກ​ຊແຂ​ວງ​ຄຳ​ມ່ວນມີ​ຜົນ​ງານ​​ດີເດ່ນເປັນອັນດັບໜຶ່ງຄືລົງ​ສະ​ຫນາມ7ນັດ ຊະ​ນະ6ນັດ ສະ​ເຫມີ1ຍິງ​ໄດ້25ປະ​ຕູ ເສຍ​ພຽງ2ປະ​ຕູ ມີ19ຄະ​ແນນ,ເຖິງຈະເຫຼືອການແຂ່ງຂັນອີກ3ນັດ,ແຕ່ມີຄະແນນສະສົມເປັນອັນດັບໜຶ່ງຈິ່ງຢັ້ງຢືນໄດ້ວ່າທິມບານເຕະປກ​ຊແຂ​ວງ​ເປັນແຊັມຂອງ​ການ​ແຂ່ງ​ຂັນ​ບານ​ເຕະລາວ​ລີກ2ແຂວງຄຳມວ່ນຢ່າງແນ່ນອນແລ້ວ.

ສວ່ນອັນ​ດັບ2ເປັນຂອງທິມ ປ​ກ​ສ ລົງ​ສະ​ຫນາມ7ນັດ ຊະ​ນະ3ນັດ ສະ​ເຫມີ3ນັດ ເສຍ1ນັດ ມີ12ຄະ​ແນນ,ອັນ​ດັບ3ເທບ​ສີ​ໄຮ​ ລົງ​ສະ​ຫນາມ7ນັດ ຊະ​ນະ3ນັດ,ສະເໝີ1ນັດ, ເສຍ3ນັດ ມີ10ຄະ​ແນນ,ອັນ​ດັບ4ລູກ​ຫມູ ລົງ​ສະ​ຫນາມ7ນັດ ຊະ​ນະ2ນັດ,ສະ​ເຫມີ3ນັດ ເສຍ2ນັດ ມີ​9ຄະ​ແນນ,ອັນ​ດັບ5ເລັກ​ຕ້າ ລົງ​ສະ​ຫນາມ7ນັດ ຊະ​ນະ1ນັດ ສະ​ເຫມີ4ນັດ ເສຍ2ນັດ ມີ7ຄະ​ແນນ ແລະ ອັນ​ດັບ ສຸດ​ທ້າຍ ບໍ່​ໂພນ​ຕິ້ວ ລົງ​ສະ​ຫນາມ7ນັດ ເສຍ4ນັດ ມີ0ຄະ​ແນນ.
ສຳລັບຕາ​ຕະ​ລາງ ການ​ແຂ່ງ​ຂັນ ວັນ​ທີ31ກໍ​ລະ​ກົດ2023ເວ​ລາ15:00ມ ເທ​ບ​ສີ​ໄຮ ພົບ ເລັ​ກ​ຕ້າ,ວັນ​ທີ02ສິງ​ຫາ2023ເວ​ລາ15:00ປກ​ສ ແຂວງ​ຄຳ​ມ່ວນ ພົບ ລູກ​ຫມູ ແລະ ວັນ​ທີ4ສິງ​ຫາ2023ເລັກ​ຕ້າ ພົບ ບໍ່​ໂພນ​ຕິ້ວ ໂດຍ​ທຸກໆ​ນັດ​ແມ່ນ​ແຂ່ງ​ຂັນ​ຢູ່​ທີ່​ສະ​ຫນາມ​ກິ​ລາ​ແຂວງ​ຄຳ​ມ່ວນ.

ວັນທີ 27 ກໍລະກົດ 2023 ຢູ່ທີ່ສຳນັກງານ ສະຫະພັນບານເຕະອາຊີ ນະຄອນຫຼວງກົວລາລຳເປີ ປະເທດມາເລເຊຍ ໄດ້ມີການຈັບສະຫລາກການແຂ່ງຂັນບານໂລກ 2026 ຮອບຄັດເລືອກ ຮອບທີ 1 ໂຊນ​ອາ​ຊີ (FIFA World Cup 2026 Preliminary Joint Qualification R1)ໂດຍຜົນການຈັບສະຫລາກ ທີມຊາດ ເນປານ ພົບ ທີມຊາດລາວ.ສວ່ນຮູບແບບການແຂ່ງຂັນແມ່ນຈັດ 2 ນັດແບບໄປ-ກັບ ແລ້ວຜ່ານເຂົ້າໃນຮອບທີ 2 ຕໍ່ໄປ, ໂດຍຮອບຄັດເລືອກຮອບທີ 1 ຈະແຂ່ງຂັນໃນວັນທີ 12 ຕຸລາ ແລະ 17 ຕຸລາ 2023 ນີ້.
ຮອບຄັດເລືອກ ຮອບທີ 2 ມີທັງໝົດ 36 ທີມ ຜູ້ຊະນະຮອບທີໜຶ່ງ 9 ທີມ ແລະ 27 ທີມທີ່ໄດ້ສິດລໍຖ້າໃນຮອບທີ 2.
ຖ້າ​ຫາກ ລາວ ຫລື ເນ​ປານ ທີມ​ໃດ​ຊະ​ນະ ແມ່ນ​ຈະ​ຜ່ານ​ເຂົ້າ​ສູ່​ຮອບ​ທີ 2 ເຊິ່ງ​ຜົນ​ການ​ຈັບ​ສະ​ຫລາກ​ແມ່ນ ຢູ່​ຮ່ວມ​ກຸ່ມ H ສະ​ຫະ​ລັດ ອາ​ຣັບ ເອມ​ມີ​ເລດ, ບາ​ເຣນ, ເຢ​ເມນ ຫລື ສີ​ລັງ​ກາ.

ຜົນການ​ແຂ່ງ​ຂັນ​ບານ​ເຕະ​ລາວ​ລີກ 2 ແຂວງ​ບໍ​ລິ​ຄຳ​ໄຊ ໃນ​ອາ​ທິດ​ທີ 6 ​ຜ່ານ​ມາ ເມືອງ​ບໍ​ລິ​ຄັນ ສະ​ເຫມີ ທະ​ຫານ​ແຂວງ 3-3, ບໍ​ລິ​ຄຳ​ໄຊ ສະ​ເຫມີ ສະ​ມາ​ຄົມ​ເຂີຍ​ຫຼັກ 4 2-2 ແລະ ບໍ​ລິ​ສັດ ວັນ​ນະ​ແສງເອົາຊະນະໂຈ​ - ເຈ ຟາມ 2-0. ສະ​ຫລຸບ​ຕາ​ຕະ​ລາງ ຄະ​ແນນ ການ​ແຂ່ງ​ຂັນ​ບານ​ເຕະ ລາວ​ລີກ 2 ແຂວງບໍ​ລິ​ຄຳ​ໄຊ ອັນ​ດັບ 1 ບໍ​ລິ​ສັດ ວັນ​ນະ​ແສງ ລົງ​ສະ​ຫນາມ 6 ນັດ ຊະ​ນະ 5 ນັດ ສະ​ເຫມີ 1 ນັດ ມີ 16 ຄະ​ແນນ, ອັນ​ດັບ 2 ທະ​ຫານ​ແຂວງ ລົງ​ສະ​ຫນາມ 6 ນັດ ຊະ​ນະ 4 ນັດ ສະ​ເຫມີ 2 ນັດ ມີ 14 ຄະ​ແນນ, ອັນ​ດັບ 3 ບໍ​ລິ​ຄຳ​ໄຊ ລົງ​ສະ​ຫນາມ 6 ນັດ ຊະ​ນະ 2 ນັດ ສະ​ເໝີ 2 ນັດມີ 8 ຄະແນນ, ອັນ​ດັບ 4 ໂຈ-ຈາມ ຟາມ ລົງ​ສະ​ຫນາມ 6 ນັດ ຊະ​ນະ 2 ນັດ ສະ​ເຫມີ 1 ນັດ ເສຍ 3 ນັດ ມີ 7 ຄະ​ແນນ, ອັນ​ດັບ 5 ສະ​ມ​າ​ຄົມ ເຂີ​ຍ​ຫຼັກ 4 ລົງ​ສະ​ຫນາມ 6 ນັດ ຊະ​ນະ 1 ນັດ ສະ​ເຫມີ 1 ນັດ ເສຍ 4 ນັດ​ ມີ 4 ຄະ​ແນນ ແລະ ອັນ​ດັບ ສຸດ​ທ້າຍ ເມືອງ​ບໍ​ລິ​ຄັນ ລົງ​ສະ​ຫນາມ 6 ນັດ ສະ​ເຫມີ 1 ນັດ ເສຍ 5 ນັດ ມີ 1 ຄະ​ແນນ.

ສຳ​ລັບ​ຕາ​ຕະ​ລາງການ​ແຂ່ງ​ຂັນ​ໃນ​ອາ​ທິດ​ທີ 7 ແຂ່ງ​ຂັນ​ວັນ​ເສົາ 29 ກໍ​ລະ​ກົດ 2023 ເວ​ລາ 09:00ມ ບໍ​ລິ​ຄຳ​ໄຊ ພົບ ໂຈ​ - ເຈ ຟາມ, ເວ​ລາ 13:00ມ ທະ​ຫານ​ແຂວງ ພົບ ບໍ​ລິ​ສັດ ວັນ​ນະ​ແສງ ແລະ ເວ​ລາ 15:00ມ ບໍ​ລິ​ຄັນ ພົບ ສະ​ມ​າ​ຄົມ​ເຂີຍ​ຫຼັກ 4 ທຸກໆ​ຄູ່​ແຂ່ງ​ຂັນ​ຢູ່​ທີ່​ສະ​ຫນາມກິ​ລາ ມ​ສ ສີ​ທ່າ​ນາ​ໄຊ ສາ​ມາດ​ຕິດ​ຕາມ​ຮັບ​ຊົມ​ການ​ແຂ່ງ​ຂັນ​ໄດ້​ເຂົ້າ​ຊົມບໍ່ເສຍຄ່າ(​Free) ຫລື ຮັບ​ຊົມ​ການ​ຖ່າຍ​ທອດ​ສົດ​ຜ່ານ​ທາງ​ເຟ​ສ​ບຸກ Bolikhamxay League 2.

ຜົນການ​ແຂ່ງ​ຂັນ​ບານ​ເຕະ​ລາວ​ລີກ2ແຂວງ​ຫຼວງ​ນ້ຳ​ທາໃນ​ອາ​ທິດ​ທີ5ທີ່​ຜ່ານ​ມາເອັມ​ເອ​ສ​ສະ​ປອດສະ​ເຫມີເດີ​ຄິງອີ​ໂວ້0-0,ນ້ຳ​ທາສະ​ເຫມີປກ​ສແຂວງ2-2ແລະທະຫານ​ແຂວງສະເໝີເມືອງສິງ1-1.
ສະ​ຫລຸບ​ຕາ​ຕະ​ລາງຄະ​ແນນການ​ແຂ່ງ​ຂັນ​ບານ​ເຕະລາວ​ລີກ2ແຂວງຫຼວງ​ນ້ຳ​ທາອັນ​ດັບ1ປກ​ສແຂວງລົງ​ສະ​ຫນາມ5ນັດຊະ​ນະ4ນັດສະ​ເຫມີ1ນັດມີ13ຄະ​ແນນ,ອັນ​ດັບ2ນ້ຳ​ທາລົງ​ສະ​ຫນາມ5ນັດຊະ​ນະ2ນັດສະ​ເຫມີ2ນັດເສຍ1ນັດມີ8ຄະ​ແນນ,ອັນ​ດັບ3ເດີ​ຄິງ​ອີ​ໂວ້ລົງ​ສະ​ຫນາມ5ນັດຊະ​ນະ2ນັດສະ​ເຫມີ1ນັດເສຍ2ນັດມີ7ຄະ​ແນນ,ອັນ​ດັບ4ເອັມ​ເອ​ສ​ສະ​ປອດລົງ​ສະ​ຫນ​າມ5ນັດຊະ​ນະ1ນັດສະ​ເຫມີ3ນັດເສຍ1ນັດມີ6ຄະ​ແນນ,ອັນ​ດັບ5ທະ​ຫານ​ແຂວງລົງ​ສະ​ຫນາມ5ນັດຊະ​ນະ1ນັດສະ​ເຫມີ2ນັດເສຍ2ນັດມີ5ຄະ​ແນນແລະອັນ​ດັບສຸດ​ທ້າຍເມືອງ​ສິງລົງ​ສະ​ຫນາມ5ນັດສະ​ເຫມີ1ນັດເສຍ4ນັດມີ1ຄະ​ແນນ.
ໃນຂະ​ນະທີ່​ຜູ້​ຍິງ​ປະ​ຕູ​ສູງ​ສຸດອັນ​ດັບ1ແມ່ນເບີ10ບຸນ​ຄຳອຸ່ນ​ລະ​ສິດຈາກນ້ຳ​ທາຍິງ​ໄດ້8ປະ​ຕູ,ອັນ​ດັບ2ເບີ7ສຸ​ພາ​ທອງພອນສາ​ລີ​ຈາກປກ​ສແຂວງຍິງ​ໄດ້4ປະ​ຕູ,ອັນ​ດັບ3ມີ2ຄົນເບີ10ສຸກ​ແກ້ວ​ສັກຈາກເອັມ​ເອ​ສ​ສະ​ປອດ​ແລະເບີ77ສິງ​ທາຈາກເມືອງ​ສິງຍິງ​ໄດ້3ປະ​ຕູ.
ສຳ​ລັບ​ຕາ​ຕະ​ລາງການ​ແຂ່ງ​ຂັນ​ໃນ​ຮອບ​ຂາ​ກັບຈະ​ມີ​ຂຶ້ນ​ວັນ​ທີ28ກໍ​ລະ​ກົດ2023ເວ​ລ​າ16:00ມເອັມ​ເອ​ສ​ສະ​ປອດ​ພົບ​ເມືອງ​ສິງ,ວັນ​ທີ29ກໍ​ລະ​ກົດ2023ເວ​ລາ09:00ມປກ​ສແຂວງພົບເດີ​ຄິງ​ອີ​ໂວ້,ເວ​ລາ16:00ມທະ​ຫານ​ແຂວງພົບນ້ຳ​ທາທຸກໆ​ຄູ່​ແມ່ນ​ແຂ່ງ​ຂັນ​ຢູ່​ສະ​ຫນາມ​ກິ​ລາ​ແຂວງ​ຫຼວງ​ນ້ຳ​ທາສາ​ມາດ​ຕິດ​ຕາມ​ຮັບ​ຊົມ​ການ​ແຂ່ງ​ຂັນ​ໄດ້​ເຂົ້າ​ຊົມບໍ່ເສຍຄ່າ(​Free)ຫລືຮັບ​ຊົມ​ການ​ຖ່າຍ​ທອດ​ສົດ​ຜ່ານ​ທາງ​ເຟ​ສ​ບຸກLUANGNAMTHA LEAGUE.

ທ່ານ ຄຳ​ໄພ່ ປ​ຣະ​ເສີດ ຮອງ​ປະ​ທານ ສະ​ຫະ​ພັນ​ບານ​ເຕະ​ແຫ່ງ​ຊາດ​ລາວ(ສຕລ) ທັງ​ເປັນ​ຄະ​ນະ​ນຳ​ທີມ​ຊາດ​ລາວU23ໄດ້​ໂອ້​ລົມ​ຕໍ່ຄະ​ນະ​ຄູ​ຝຶກ,ນັກ​ກິ​ລາ ທີມ​ຊາດ​ລາ​ວU23ໃນວັນ​ທີ 25 ກໍ​ລະ​ກົດ 2023 ຢູ່​ທີ່ຫ້ອງ​ປະ​ຊຸມສູນ​ຝຶກ ສະ​ຫນາມ​ກິ​ລາ​ແຫ່ງ​ຊາດ​ຫຼັກ 16,ກ່ອນເດີນທາງໄປຝຶກ​ຊ້ອມ​ຢູ່​ແຂວງ​ຫນອງ​ບົວ​ລຳ​ພູ,ມະ​ຫາ​ສາ​ລະ​ຄາມ ແລະ​ຂອນ​ແກ່ນປະ​ເທດ​ໄທລະ​ຫວ່າງວັນ​ທີ 26 ກໍ​ລະ​ກົດ ຫາ 04 ສິງ​ຫາ 2023.

ໃນການໂອ້ລົມທ່ານ ຄຳ​ໄພ່ ປ​ຣະ​ເສີດໄດ້ແນະນຳໃຫ້ນັກກິລາສຸມສະຕິປັນຍາ,ກຳລັງວັງຊາເຂົ້າໃນການຝຶກຊ້ອມຄັ້ງນີ້ໃຫ້ມີຄວາມກຽມພ້ອມເຂົ້້າສູ່ການແຂ່ງຂັນ100%ແລະຮຽກ​ຮ້ອງ​ໃຫ້ບັນ​ດາ​ນັກ​ກິ​ລາ​ຈົ່ງ​ມີ​ຄວາມ​ສາ​ມັກ​ຄີ,ນັບ​ຖື​ກົດ​ລະ​ບຽບ​ໃນ​ເວ​ລາ​ເກັບ​ຕົວ​ຝຶກ​ຊ້ອ​ມ ແລະ ຕັ້ງ​ໃຈ​ໃນ​ການ​ຝຶກ​ຊ້ອມ ເພື່ອ​ກະ​ກຽມ​ເຂົ້າ​ຮ່ວມ ​ການແຂ່ງ​ຂັນ​ບານ​ເຕະຊາ​ຍ ຊີງ​ແຊ້ມ​ອາ​ຊຽນ ຮຸ່ນ​ອາ​ຍຸ​ບໍ່​ເກີນ 23 ປີ ປະ​ຈຳ​ປີ 2023 (AFF U23 CHAMPIONSHIP 2023) ຢູ່​ທີ່ແຂວງ​ຣະ​ຢອງ ​ປະ​ເທດ​ໄທໃຫ້ໄດ້ຕາມຈຸດປະສົງແລະແຜນການທີ່ວາງໄວ້.

ສຳລັບລາຍຊື່ນັກກິລາທີ່​ຈະ​ເດີນ​ທາງ​ເກັບ​ຕົວ​ຝຶກ​ຊ້ອມ​ຄັ້ງນີ້,ທ່ານ ອາເຣນ່າ ກູເລຍໂມ່ (ARENA GUGLIERMO)ຄູ​ຝຶກທີ​ມ​ຊາດ​ລາວU23ໄດ້ຄັດເລືອກ​ເອົາ27 ຄົນ​ມີດັ່ງ​​ນີ້:
+ ຜູ້​ຮັກ​ສາ​ປະ​ຕູ

1. ອານຸລັກ ວິລະຜົນ ຈາກ ສະໂມສອນກິ​ລາ​ບານ​ເຕະ ມາສເຕີ້ ເຊເວັ້ນ
2. ກົບ ໂລກພະທິບ ຈາກ ສະ​ໂມ​ສອນກິ​ລາ​ບານ​ເຕະ ເອສະຣາ
3. ຊະນະໄຊ ສອນທະວົງ ຈາກ ສະ​ໂມ​ສອນກິ​ລາ​ບານ​ເຕະເມືອງ​ຫາດ (ລີກ 2 ນະ​ຄອນ​ຫຼວງ)

+ ກອງ​ຫຼັງ

4. ພຸດທະວົງ ສັງວິໄລ ຈາກ ສະ​ໂມ​ສອນກິ​ລາ​ບານ​ເຕະ ເອສະຣາ
5. ສອນສະນິດ ພົມມະຈັນ ຈາກ ສະໂມສອນກິ​ລາ​ບານ​ເຕະ ມາສເຕີ້ ເຊເວັ້ນ
6. ເພັດດາວັນ ສົມສະນິດ ຈາກ ສະໂມສອນກິ​ລາ​ບານ​ເຕະ ມາສເຕີ້ ເຊເວັ້ນ
7. ທິລະພົນ ປະຖຳມະວົງ ຈາກ ສະ​ໂມ​ສອນກິ​ລາ​ບານ​ເຕະ ນ້ຳ​ທາ
8. ອາລິຍາກອນ ຟອງສະຫວັນ ຈາກ ສະ​ໂມ​ສອນກິ​ລາ​ບານ​ເຕະ ເອັສທີທີ (ລີກ 2 ນະ​ຄອນ​ຫຼວງ)
9. ຄຳສະຫງ່າ ພິມມະສອນ ຈາກ ສະໂມສອນກິ​ລາ​ບານ​ເຕະ ເມືອງຫາດ (ລີກ 2 ນະ​ຄອນ​ຫຼວງ)
10. ອານຸລັກ ວັນນະລາດ ຈາກ ສະໂມສອນກິ​ລາ​ບານ​ເຕະ ຈັນທະບູລີ (ລີກ 2 ນະ​ຄອນ​ຫຼວງ)
11. ອິນທະຈັກ ສີສຸພັນ ຈາກ ສະ​ໂມ​ສອນ ກິ​ລາ​ບານ​ເຕະ ຫຼວງ​ພະ​ບາງ
12. ຈິດຕະກອນ ວັນນະຈອນ ຈາກ ສະໂມສອນກິ​ລາ​ບານ​ເຕະ ຫລວງພະບາງ
13. ວິກຕໍ ໄຊຊະນະ ໂຍວິນາສັກ ຈາກ ສະ​ໂມ​ສອນກິ​ລາ​ບາ​ນ​ເຕະ SCSELONGEY ( ລີກ 3 ປະ​ເທດ​ຝ​ຣັ່ງ )

+ ກອງ​ກາງ
14. ຈັນທະວີໄຊ ຂຸນທຸມພອນ ຈາກ ສະ​ໂມ​ສອນກິ​ລາ​ບານ​ເຕະ ເອສະຣາ
15. ດາໝົດ ທອງຄໍາສະຫວັດ ຈາກ ສະ​ໂມ​ສອນກິ​ລາ​ບານ​ເຕະ ເອສະຣາ
16. ອານຸສອນ ໄຊປັນຍາ ຈາກ ສະ​ໂມ​ສອນກິ​ລາ​ບານ​ເຕະ ເອສະຣາ
17. ຈັນທະວີພອນ ພູມສະຫວັນ ຈາກ ສະ​ໂມ​ສອນກິ​ລາ​ບານ​ເຕະ ນ້ຳ​ທາ
18. ອານຸລັກ ໄຊຍະລາດ ຈາກ ສະ​ໂມ​ສອນກິ​ລາ​ບານ​ເຕະ ນ້ຳ​ທາ
19. ໄຊຊະນະ ຈິດວິລະພົນ ສະໂມສອນ ມາສເຕີ ເຊເວັນ
+ ກອງ​ຫນ້າ
20. ພຸດທະຈັກ ວົງສິຣິ ຈາກ ສະ​ໂມ​ສອນກິ​ລາ​ບານ​ເຕະ ເມືອງ​ຫາດ ( ລີກ 2 ນະ​ຄອນ​ຫຼວງ )
21. ນິກໂກ້ ອານຸສອນ ຈາກ ສະ​ໂມ​ສອນກິ​ລາ​ບານ​ເຕະ ເອັສທີທີ ( ລີກ 2 ນະ​ຄອນ​ຫຼວງ )
22. ພົມມາ ໂຄດພູທອນ ຈາກ ສະ​ໂມ​ສອນກິ​ລາ​ບານ​ເຕະ ເອັສທີທີ ( ລີກ 2 ນະ​ຄອນ​ຫຼວງ )
23. ອາທິດ ຫຼວງລາດ ຈາກ ສະ​ໂມ​ສອນກິ​ລາ​ບານ​ເຕະ ເອສະຣາ
24. ຍອດຊາຍ ສາຍອໍາພອນ ຈາກ ສະ​ໂມ​ສອນກິ​ລາ​ບານ​ເຕະ ເມືອງ​ຫາດ ( ລີກ 2 ນະ​ຄອນ​ຫຼວງ )
25. ກົງຢ່າງ ໄຟດ່າງຢ່າງຈົງຕົວ ຈາກ ສະ​ໂມ​ສອນ​ກິ​ລາ​ບານ​ເຕະ ກອງ​ທັບ
26 ສຸກພະຈັນ ເລື່ອນທະລາ ຈາກ ສະໂມສອນກິ​ລາ​ບານ​ເຕະ ມາສເຕີ້ ເຊເວັ້ນ
27. ທິບພະຈັນ ຄຳໃບອ່ອນ ຈາກ ສະ​ໂມ​ສອນກິ​ລາ​ບານ​ເຕະ ເມືອງ​ຫາດ ( ລີກ 2 ນະ​ຄອນ​ຫຼວງ )
ສຳ​ລັບ​ການ​ເດີນ​ທາງ​ຝຶກ​ຊ້ອມ​ ທີ່​ປະ​ເທດ​ໄທ ທີ​ມ​ຊາດ​ລາວU23 ແມ່ນ​ຈະ​ອອກ​ເດີນ​ທາງ​ໃນ​ຕອນ​ເຊົ້າ​ ວັນ​ພຸດ 26 ກໍ​ລະ​ກົດ 2023.

ການແຂ່ງຂັນບານເຕະ ລາວລີກ 2 ແຂວງສະຫວັນນະເຂດ ນັດທີ 7 ຮອບຂາກັບ ໃນອາທິດຜ່ານມາ ວັນເສົາ 22 ກໍ​ລະ​ກົດ 2023 ລີລາວະດີ ສອງຄອນ ເສຍ​ໃຫ້ ສະໂມສອນ ອານັນ ອາໄຫຼ່ 0-4, ໂພໄຊນ້ອຍ ເສຍ​ໃຫ້ ໄຮຢີນ້າ 0-1 ແລະ ວັນ​ອາ​ທິດ 23 ກໍ​ລະ​ກົດ 2023 ດາຣກວູຟ ຢູໄນເຕັດ ເສຍ​ໃຫ້ ສະຫວັນ ຢູໄນເຕັດ 1-4

ສະຫລຸບ ຕາຕະລາງ ຄະແນນ ລາວລີກ 2 ແຂວງສະຫວັນນະເຂດ ອັນດັບ 1 ເປັນຂອງທີມອານັນ ອາໄຫຼ່ ລົງສະໜາມ 7 ນັດ ຊະນະ 5 ນັດ ສະເໝີ 1 ນັດ ເສຍ 1 ນັດ ມີ 16 ຄະແນນ, ອັນດັບ 2 ສະຫວັນ ຢູໄນເຕັດ ລົງສະໜາມ 7 ນັດ ຊະນະ 4 ນັດ ສະເໝີ 2 ນັດ ເສຍ 1 ນັດ ມີ 14 ຄະແນນ, ອັນດັບ 3 ລີລາວະດີ ສອງຄອນ ລົງສະໜາມ 7 ນັດ ຊະນະ 2 ນັດ ສະເໝີ 3 ນັດ ເສຍ 2 ນັດ ມີ 9 ຄະແນນ, ອັນດັບ 4 ໂພໄຊນ້ອຍ ລົງສະໜາມ 7 ນັດ ຊະນະ 2 ນັດ ສະເໝີ2 ນັດ ເສຍ 3 ນັດ ມີ 8 ຄະແນນ, ອັນດັບ 5 ດາຣກວູຟ ລົງສະໜາມ 7 ນັດ ຊະນະ 2 ນັດ ສະເໝີ 1 ນັດ ເສຍ 4 ນັດ ມີ 7 ຄະແນນ ແລະ ອັນດັບ ສຸດທ້າຍ ໄຮຢີນ້າ ລົງສະໜາມ 7 ນັດ ຊະ​ນະ 1 ນັດ ສະເໝີ 1 ນັດ ເສຍ 5 ນັດ ມີ 4 ຄະແນນ. ສຳ​ລັບ​ຕາ​ຕ​ະ​ລາງ​ການ​ແຂ່ງ​ຂັນ​ໃນ​ວັນ​ເສົາ 29 ກໍ​ລະ​ກົດ 2023 ເວ​ລ 13:30 ຮາ​ຢີ​ນ້າ ພົບ ດາຣກວູຟ, ເວ​ລ​າ 16:00 ສະ​ຫວັນ​ ຢູ​ໄນ​ເຕັດ ພົບ ລີ​ລາ​ວະ​ດີ ສອງ​ຄອນ ແລະ ວັນ​ອາ​ທິດ 30 ກໍ​ລະ​ກົດ 2023 ເວ​ລາ 15:00 ໂພ​ໄຊ​ນ້ອຍ ພົບ ອາ​ນັນ ອາ​ໄຫ​ລ່ ​ໂດ​ຍ​ທຸກໆ​ຄູ່​ແມ່ນແຂ່​ງ​ຂັນ​ຢູ່​ທີ່​ສະ​ຫນາມ​ກິ​ລາ​ແຂວງ​ສະ​ຫວັນ ເຂົ້າ​ຊົມບໍ່ເສຍຄ່າ(Free)​ ແລະ ສາ​ມາດ​ຕິດ​ຕາມ​ການ​ຖ່າຍ​ທອດ​ສົດ​ໄດ້​ທີ່​ເພ​ສ ສະ​ຫວັນ​ນະ​ເຂດ​ລີກ 2 - Savannakhet League 2.