ການແຂ່ງຂັນບານເຕະລາວລີກ 2 ນະຄອນຫຼວງວຽງຈັນມາ​ຮອດ​ປັດ​ຈຸ​ບັນ​ແມ່ນ​ໄດ້ດຳເນີນການແຂ່ງຂັນມາໄດ້ 13 ນັດ ເຊິ່ງ​ອາ​ທິດ​ຜ່ານ​ມາ​ (22-23 ກໍ​ລະ​ກົດ2023) ​ທີ່​ສະ​ໜາມ​ກິ​ລາ​ເຈົ້າ​ອາ​ນຸ​ວົງ,ໃນຮອບຂາໄປທີມເຮັ​ສ​ບີ​ທີ 941 ຊະ​ນະ ຄິງ​ດ້ອມ 6-3 ເຮັດໃຫ້ເຮັ​ສ​ບີ​ທີ 941ກາຍເປັນທີມນໍາໜ້າອັນດັບ1ໃນຕາຕະລາງການແຂ່ງຂັນດວ້ຍການລົງສະໜາມ 11 ນັດ ຊະນະ 9 ນັດ ສະເຫມີ 2 ມີ 29 ຄະແນນ.ໃນຂະນະທີ່ທີມທ​ຣີ​ນີ​ ເສຍ​ໃຫ້ ເຄ​ພີ​ເອັ​ສ 1-2, ເອັ​ສ​ອີ​ຊີ ເສຍ​ໃຫ້ ເມືອງ​ຫາດ 2-3, ໄອ​ສະ​ປອດ ສະ​ເຫມີ ຈັນ​ທະ​ບູ​ລີ 1-1, ຈັນ​ສີ ຊະ​ນະ ເຄ​ເອັ​ສ​ທີ 2-0, ເອັ​ສ​ທີ​ທີ ຊະ​ນະ ມ​ຊ 3-2.

ສະ​ຫລຸບ ຕາຕະລາງຄະແນນຮອ​ບ​ຂາ​ໄປອັນດັບໜຶ່ງ ເຮັ​ສ​ບີ​ທີ 941 ລົງສະຫນາມ 11 ນັດ ຊະນະ 9 ນັດ ສະເຫມີ 2 ມີ 29 ຄະແນນ, ອັນດັບ 2 ຈັນທະບູລີ ລົງສະຫນາມ 11 ນັດ ຊະນະ 7 ນັດ ສະເຫມີ 4 ນັດ ມີ 25 ຄະແນນ, ອັນ​ດັບ 3 ເມືອງ​ຫາດ ລົງ​ສະ​ຫນາມ 11 ນັດ ຊະ​ນະ 6 ນັດ ສະ​ເຫມີ 3 ນັດ ເສຍ 2 ນັດ ມີ 21 ຄະ​ແນນ, ອັນ​ດັບ 4 ໄອ​ສະ​ປອດ ລົງ​ສະ​ຫນ​າມ 11 ນັດ ຊະ​ນະ 5 ນັດ ສະ​ເຫມີ 5 ນັດ ເສຍ 1 ນັດ ມີ 20 ຄະ​ແນນ, ອັນ​ດັບ 5 ເຄ​ເອັມ​ທີ ລົງ​ສະ​ຫນ​າມ 11 ນັດ ຊະ​ນະ 5 ນັດ ສະ​ເຫມີ 3 ນັດ ເສຍ 3 ນັດ ມີ 18 ຄະ​ແນນ, ອັນ​ດັບ 6 ມຊ​ ລົງ​ສະ​ຫນ​າມ 11 ນັດ ຊະ​ນະ 5 ນັດ ສະ​ເຫມີີ 2 ນັດ ເສຍ 4 ນັດ ມີ 17 ຄະ​ແນນ, ອັນ​ດັບ 7 ເອັ​ສ​ທີ​ທີ ລົງ​ສະ​ຫນາມ 11 ນັດ ຊະ​ນະ 4 ນັດ ສະ​ເຫມີ 4 ນັດ ເສຍ 3 ນັດ ມີ 16 ຄະ​ແນນ, ອັນ​ດັບ 8 ຈັນ​ສີ ລົງ​ສະ​ຫນາມ 11 ນັດ ຊະ​ນະ 3 ນັດ ເສຍ 8 ນັດ ມີ 9 ຄະ​ແນນ, ອັນ​ດັບ 10 ເອັ​ສ​ອີ​ຊີ ລົງ​ສະ​ຫນາມ 11 ນັດ ຊະ​ນະ 1 ນັດ ສະ​ເຫມີ 3 ນັດ ເສຍ 7 ນັດ ມີ 6 ຄະ​ແນນ, ອັນ​ດັບ 11 ທ​ຣີ​ນີ​ຕີ ລົງ​ສະ​ຫນາມ 11 ນັດ ຊະ​ນະ 1 ນັດ ສະ​ເຫມີ 1 ນັດ ເສຍ 9 ນັດ ມີ 4 ຄະ​ແນນ ແລະ ອັນ​ດັບສຸດ​ທ້າຍ ເຄ​ພີ​ເອັ​ສ ລົງ​ສະ​ຫນາມ 11 ນັດ ຊະ​ນະ 1 ນັດ ເສຍ 10 ນັດ ມີ 3 ຄະ​ແນນ.

ສະຫະພັນບານເຕະແຫ່ງຊາດລາວ( ສຕລ) ໄດ້ສໍາເລັດການຝຶກອົບຮົມຄູຝຶກບານເຕະຟຸດຊໍ ລະດັບ 1 ປະຈໍາປີ 2023 ໃນຕອນບ່າຍວັນທີ 23 ກໍລະກົດ 2023 ທີ່ຫ້ອງປະຊຸມ ສຕລ,ໂດຍໃຫ້ກຽດເຂົ້າຮ່ວມພິທີປິດຂອງທ່ານ ບຸນຍູ້ ສີສານ ຄະນະບໍລິຫານງານ ສຕລ ທັງເປັນຫົວໜ້າອະນຸກຳມະການຟຸດຊໍ, ທ່ານ Sundram Moorthy ຫົວຫນ້າພະແນກເຕັກນິກ -ວິທະຍາ ສຕລ, ທ່ານ Chiew Chun Yong ຄູຝຶກຟຸດຊໍຈາກ AFC , ພ້ອມດ້ວຍຜູ້ຊ່ວຍຝຶກສອນຈາກ ສຕລ.

ໃນໂອກາດນີ້ ທ່ານ ບຸນຍູ້ ສີສານ ໄດ້ສະແດງຄວາມຊົມເຊີຍມາຍັງຜົນສຳເລັດຂອງການອົບຮົມຄັ້ງນີ້ແລະຮຽກຮ້ອງໃຫ້ນັກສໍາມະນາກອນທຸກທ່ານ ພາຍຫຼັງສໍາເລັດການຝຶກອົບຮົມໄປແລ້ວ ໃຫ້ຕັ້ງໃຈນໍາເອົາບົດຮຽນຄວາມຮູ້ທີ່ໄດ້ຈາກການຮຽນຄັ້ງນີ້ໄປຜັນຂະຫຍາຍວຽກງານດັ່ງກ່າວຢ່າງເປັນຮູບປະທຳໃຫ້ມີຂະບວນການ, ຊ່ວຍກັນພັດທະນາສັງຄົມ.

ສໍາລັບການຝຶກອົບຮົມຄັ້ງນີ້ແມ່ນດຳເນີນເປັນເວລາ 6ວັນ ແຕ່ວັນທີ 18-23 ກໍລະກົດ 2023,ເຊິ່ງມີນັກສຳມະກອນເຂົ້າຮວ່ມ19 ທ່ານໄດ້ຮຽນຮູ້ທາງດ້ານທິດສະດີ ແລະ ຝຶກແອບຕົວຈິງ,ໃນນັ້ນມີການສອບເສັງພາກທິດສະດີແລະພາກປະຕິບັດຕົວຈິງ,ພາກລະ2ຄັ້ງ.

ທິມບານເຕະທະຫານແຂວງຈຳປາສັກ ຄວ້າແຊ້ມ ການແຂ່ງຂັນບານເຕະລາວລີກ 2 ແຂວງຈຳປາສັກຊິງຂັນທ່ານເຈົ້າແຂວງປະຈໍາປີ 2023,ເຊິ່ງພິທີມອບຂັນ,ລາງວັນແລະປິດການແຂ່ງຂັນໄດ້ຈັດຂື້ນໃນວັນເສົາທີ22 ກໍລະກົດ 2023 ນີ້ ພາຍຫຼັງການແຂ່ງຂັນໄດ້ດໍາເນີນມາແຕ່ວັນທີ 8 ເມສາ 2023 ທີ່ຜ່ານມາ ໂດຍໃຫ້ກຽດເຂົ້າຮ່ວມເປັນປະທານຂອງ ທ່ານ ປອ. ວິໄລວົງ ບຸດດາຄໍາ ກຳມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງຈໍາປາສັກ,ທ່ານ ທ່ານຄຳໄພ ປະເສີດ ຮອງປະທານສະຫະພັນບານເຕະແຫ່ງຊາດລາວ(ສຕລ), ທ່ານ ປອ ບຸນຍູ້ ສີສານ ຄະນະບໍລິຫານງານ ສຕລ, ບັນດາທ່ານການນໍາຂັ້ນສູງຂອງແຂວງ, ຄະນະບໍລິຫານງານສະຫະພັນກິລາບານເຕະແຂວງ, ຄະນະຈັດການແຂ່ງຂັນ, ແຂກຖືກເຊີນ, ນັກກິລາ ແລະ ແຟນບານ ເຂົ້າຮ່ວມຢ່າງຫຼວງຫຼາຍດວ້ຍບັນຍາກາດເບີກ ບານມວ່ນຊື່ນ.

ສະຫລຸບຜົນການແຂ່ງຂັນມີດັ່ງນີ້:

1. ທະຫານແຂວງຈຳປາສັກ ໄດ້ຮັບຂັນຊະນະເລີດແລະເງີນລາງວັນ 15 ລ້ານກີບ.

2. ລະບຽງພູ ໄດ້ຮັບເງິນ 7 ລ້ານກີບ.

3. ບາຈຽງ ໄດ້ຮັບເງິນ 5 ລ້ານກີບ.

ຂະນະທີ່ ລາງວັນຍິງປະຕູສູງສຸດເປັນຂອງ ທ້າວສີຄູນ ແສງສະຫວ່າງ ນັກກິລາສະໂມສອນກິລາບານເຕະລະບຽງພູ ໂດຍຍິງໄດ້ 13 ປະຕູ ໄດ້ຮັບເງິນລາງວັນ 1 ລ້ານກີບ.

ວັນທີ 19 ກໍລະກົດ 2022 ທີ່ຫ້ອງການສະຫະພັນບານເຕະແຫ່ງຊາດລາວ(ສຕລ),ຄູອາຈານ ແລະ ນັກສຶກສາຈາກສະຖາບັນກິລາ-ກາຍຍະກຳຂອງກະຊວງສຶກສາທິການ ແລະ ກິລານຳໂດຍທ່ານ ກິ່ງລັດຕະນະ ທອງສະຫມຸດ ຮອງຜູ້ອຳນວຍການສະຖາບັນດັ່ງກ່າວໄດ້ມາທັດສະນະສຶກສາແລະ ຢ້ຽມຢາມສຳນັກງານສຕລ,ໂດຍໄດ້ຮັບການຕ້ອນຮັບຈາກທ່ານຈັນທະວົງ ສິລິມະໂນທຳ ຮອງເລຂາທິການສຕລ.

ທ່ານ ກິ່ງລັດຕະນະ ທອງສະຫມຸດໄດ້ລາຍໃຫ້ຮູ້ວ່າ:ເຂົ້າຮວ່ມໃນການມາຖອດຖອນບົດຮຽນໃນຄັ້ງນີ້ລວມມີຄູອາຈານ ແລະ ນັກສຶກສາ ລວມ30 ທ່ານທີ່ກຳລັງຮຽນປີ 2 ໃນລະບົບປະລິນຍາຕີວິຊາຊີບສາຂາວິທະຍາສາດການອອກກຳລັງກາຍ ແລະ ສາຂາວິທະຍາສາດການກິລາກ່ຽວກັບຄູຝຶກ, ສຳລັບຈຸດປະສົງໃນການມາຄັ້ງນີ້: 1. ແມ່ນຢາກໄດ້ຄວາມຮູ້ຈາກ ສະຫະພັນບານເຕະແຫງຊາດລາວ, 2. ຄວາມຊຳນິຊຳນານຂອງການເຮັດວຽກແລະ3. ວິທີການນຳໃຊ້ສິ່ງອຳນວຍຄວາມສະດວກຕ່າງໆ.ໃນພິທີຍັງໄດ້ເປີດໂອກາດໃຫ້ກັບນັກສຶກສາຖາມກ່ຽວກັບສຕລໂດຍໄດ້ຮັບຄວາມສົນໃຈຈາກນັກສຶກສາເປັນຢ່າງດີ.

ທ່ານ ຈັນທະວົງ ສິລິມະໂນທຳ ຮອງເລຂາທິການ ສຕລ ໄດ້ສະແດງຄວາມຍິນດີຕ້ອນຮັບພ້ອມລາຍງານຜົນງານການເຄື່ອນໄຫວຂອງສຕລໄລຍະຜ່ານມາແລະທ່ານໄດ້ກ່າວຕື່ມວ່າ:ໃນອະນາຄົດ ສຕລມີຄວາມຍິນດີທີ່ຈະຈັດການຝຶກອົບຮົມຄູຝຶກ,ກຳມະການຕັດສິນ,ວຽກງານຈັດການແຂ່ງຂັນ ແລະ ວຽກງານອື່ນໆທີ່ກ່ຽວຂ້ອງກັບກິລາບານເຕະໃຫ້ກັບສະຖາບັນກິລາ-ກາຍຍະກຳ.ທ່ານ ທະນົງຈິດ ວິລະສັກ ຮອງຫົວຫນ້າພະແນກຈັດການແຂ່ງຂັນກໍໄດ້ເຂົ້າຮວ່ມຕ້ອນຮັບແລະບັນລະຍາຍກະຕິກາແລະລະບຽບການແຂ່ງຂັນບານເຕະໃຫ້ຄູອາຈານ ແລະ ນັກສຶກສາຈາກສະຖາບັນກິລາ-ກາຍຍະກຳ.

ວັນທີ19ກໍ​ລະ​ກົ​ດ 2023ເພສເຟສບຸກທາງການຂອງສະໂມສອນ ທັບ​ຫລວງຢູໄນເຕັດTHAP LUANG UNITEDທີມຈາກໄທລີກ3ປະເທດໄທໄດ້ລາຍງານຂ່າວການເປີດໂຕນັກກິລາໃຫມ່‘’ພຸດ​ທະ​ໄຊ ໂຄ​ຈະ​ເລີນ‘’ອະ​ດີດ​ນັກ​ກິ​ລາທີມ​ຊາດ​ລາວເຂົ້າຮ່ວມທີມ,ເປັນນັກເຕະຄົນລາວຜູ້ທຳອິດທີ່ໄດ້ລົງຫລິ້ນໃຫ້ກັບສະໂມສອນ ທັບ​ຫລວງ ແລະເປັນໂຄຕ້າອາຊຽນຂອງສະໂມສອນທີ່ຈະສົ່ງຊື່ເຂົ້າຮ່ວມໄທລີກ3ລະດູການ2023.

ປັດຈຸບັນ,ພຸດທະໄຊ ໂຄຈະເລີນມີອາຍຸ27ປີ ເກີດໃນ ວັນທີ29ທັນວາ1995ທີ່ ບ້ານ ສຸນັນທາ ນະ​ຄອນ​ໄກສອນ ພົມວິຫານ ແຂວງ ສະຫວັນນະເຂດເຄີຍຫລິ້ນໃຫ້ ທີມຊາດລາວມາຫລາຍ ຊຸດນັບຕັ້ງແຕ່ຊຸດເຍົາວະຊົນຈົນເຖິງ ຊຸດໃຫຍ່ .

ພຸດທະໄຊ ກ່ອນຈະກ້າວເປັນນັກກິລາບານເຕະອາຊີບ,ເຄີຍເປັນນັກເຕະເຍົາວະຊົນຂອງສະໂມສອນ ເອສະຣາ ແລະຫລິ້ນໃຫ້ກັບ ສະໂມສອນ ນັບຕັ້ງແຕ່ປີ2007ຈົນເຖິງປີ2014.

-ປີ2015ຫລິ້ນໃຫ້ກັບ ສະໂມສອນ ຮ່ວາງແອ໋ງອັດຕະປື ເອຟຊີ

-ປີ2016ຫລິ້ນໃຫ້ກັບ ສະໂມສອນ ລ້ານຊ້າງ ຢູໄນເຕັດ ພ້ອມພາທີມຄວ້າມແຊ້ມ ລາວພຣີເມຍລີກ ແລະ ຮອງແຊ້ມTOYOTA MEKONG CLUB CHAMPIONSHIP 2017

-ປີ2017ຫລິ້ນໃຫ້ກັບ ສະໂມສອນ ທິບ ສະຫວັນ ເອຟຊີ

-ປີ2018 - 2021ຫລິ້ນ​ໃຫ້​ກັບ ສະ​ໂມ​ສອນ ນະ​ຄອນ​ປະ​ຖົມປະເທດໄທ
-ປີ2021 - 2022ຫລິ້ນ​ໃຫ້​ກັບ ສະ​ໂມ​ສອນ ສະ​ຫມຸດ​ປະ​ການປະເທດໄທ
-ປີ2023ຫລິ້ນ​ໃຫ້​ກັບ ສະ​ໂມ​ສອນ ເອ​ສະ​ຣາ ສະຫະພັນບານເຕະແຫ່ງຊາດລາວຂໍ​ອ​ວຍ​ພອນໃຫ້ ພຸດ​ທະ​ໄຊ ໂຄ​ຈະ​ເລີນຈົ່ງປະ​ສົບ​ຜົນ​ສຳ​ເລັດໃນ​ການ​ຫລິ້ນ​ກິລາໃຫ້​ກັບ​ສະ​ໂມ​ສອນ ທັບ​ຫລວງ ຢູ​ໄນ​ເຕັດ ທີມ​ຈາກ​ໄທ​ລີກ3ປະ​ເທດ​ໄທໃນຄັ້ງນີ້ດວ້ຍ.

ສະຫະພັນບານເຕະແຫ່ງຊາດລາວ( ສຕລ) ຮ່ວມກັບສະຫະພັນບານເຕະອາຊີ( AFC ) ໄດ້ຈັດພິທີເປີດຊຸດຝຶກອົບຮົມຄູຝຶກບານເຕະຟຸດຊໍ ລະດັບ 1 ປະຈໍາປີ 2023 ( LFF/AFC FUSAL LEVEL 1 COACHING COURSE 2023) ຂື້ນໃນຕອນເຊົ້າວັນທີ 18 ກໍລະກົດ 2023 ທີ່ ຫ້ອງປະຊຸມ ສຕລ,ໂດຍໃຫ້ກຽດເປັນປະທານກ່າວເປີດພິທີຂອງທ່ານ ດຣ ໄຊຊະນະ ທອງຄຳຈັນ ຮອງປະທານສະຫະພັນບານເຕະແຫ່ງຊາດລາວ,ເຊິ່ງໃນນັ້ນທ່ານໄດ້ຍົກໃຫ້ເຫັນຄວາມໝາຍສຳຄັນໃນການຈັດຝຶກອົບຮົມໃນຄັ້ງນີ້ເພື່ອຈຸດປະສົງຍົກລະດັບກິລາບານເຕະຟຸດຊໍຂອງສປປລາວກ້າວສູ່ຄຸນນະພາບສູງຂື້ນເລື້ອຍໆ.ພ້ອມນັ້ນທ່ານດຣ ໄຊຊະນະ ທອງຄຳຈັນຍັງໄດ້ຮຽກຮ້ອງໃຫ້ນັກຝຶກອົບຮົມຈົ່ງຕັ້ງໃຈຮັບເອົາບົດຮຽນທີ່ຄູຝຶກສິດສອນໃຫ້ໄດ້ນຳໄປຈັດຕັ້ງປະຕິບັດໃຫ້ມີຜົນສຳເລັດປະກອບສວ່ນຊວ່ຍພັດທະນາສະໂມສອນບານເຕະຟຸດຊໍທີ່ຕົນສັງກັດຢູ່ໃຫ້ມີຜົນງານດີເດ່ນຂື້ນ.

ເຂົ້າຮວ່ມໃນກອງປະຊຸມຍັງມີທ່ານ ບຸນຍູ້ ສີສານ ຄະນະບໍລິຫານງານ ສຕລ ທັງເປັນຫົວໜ້າອະນຸກຳມະການຟຸດຊໍ, ທ່ານ Sundram Moorthy ຫົວໜ້າພະແນກເຕັກນິກ -ວິທະຍາ ສຕລ, ທ່ານ Chiew Chun Yong ຄູຝຶກຟຸດຊໍຈາກ AFC , ພ້ອມດ້ວຍຜູ້ຊ່ວຍຝຶກສອນຈາກ ສຕລ ແລະ ນັກສຳມະກອນຈໍານວນ 19 ທ່ານ ໃນນີ້ເປັນຍິງ 2 ທ່ານ, 7 ທ່ານ ມາຈາກປະເທດໄທ ແລະບັນດາສະໂມສອນບານເຕະຟຸດຊໍທີ່ເຂົ້າຮ່ວມຊິງຂັນປະທານ ສຕລ.

ສໍາລັບການຝຶກອົບຮົມຄັ້ງນີ້ແມ່ນດຳເນີນເປັນເວລາ 6ວັນ ແຕ່ວັນທີ 18-23 ກໍລະກົດ 2023. ການຝຶກອົບຮົມແມ່ນຈະໄດ້ຮຽນຮູ້ທາງດ້ານທິດສະດີ ແລະ ຝຶກແອບຕົວຈິງ ຊຶ່ງຈະມີການສອບເສງພາກທິດສະດີ 2 ຄັ້ງ, ພາກປະຕິບັດຕົວຈິງ 2ຄັ້ງ.

ຜົນການແຂ່ງຂັນບານເຕະລາວລີກ 2 ແຂວງຈຳ​ປາ​ສັກ ອາ​ທິດ​ທີ 13 ​ແຂ່ງ​ຂັນວັນ​ທີ 07 ກໍ​ລະ​ກົດ ຫາ 08 ກໍ​ລະ​ກົດ 2023 ທີ່​ຜ່ານ​ມາທະ​ຫານ​ແຂວງ ເອົາ​ຊະ​ນະ ນ້ຳ​ດື່ມ​ນາ​ດາ 6-2,ຫົວ​ແຊ ເສຍ​ໃຫ້ ລະ​ບຽງ​ພູ 2-4, ສີ​ລາ​ເພັດ ເສຍ​ໃຫ້ ບາ​ຈຽງ 0-2ແລະປກ​ສ ແຂວງ​ຈຳ​ປາ​ສັກ ເອົາ​ຊະ​ນະ ສີ​ອຳ​ພອນ 5-2.​ສະ​ຫລຸບ​ຕາ​ຕະ​ລາງຄະ​ແນນ​ການແຂ່ງຂັນ ອັນ​ດັບ 1 ທະ​ຫານ​ແຂວງຈຳ​ປາ​ສັກ ລົງ​ສະ​ໜາມ 13 ນັດ ຊະ​ນະ 9 ນັດ ສະ​ເໝີ 3 ນັດ ເສຍ 1 ນັດ ມີ 30 ຄ​ະ​ແນນ.ຈາກຈຸດນີ້,ຫາກທິມທະຫານແຂວງຊະນະທີມບາຈຽງໃນນັດສຸດທ້າຍ,ທະຫານແຂວງກໍຈະໄດ້ແຊັມການແຂ່ງຂັນບານເຕະລາວລີກ 2 ແຂວງຈຳ​ປາ​ສັກຢ່າງແນ່ນອນ.

ສຳລັບ​ຕາ​ຕະ​ລາງຄະ​ແນນ​ການແຂ່ງຂັນອັນ​ດັບ 2ແມ່ນລະ​ບຽງພູ ລົງ​ສະ​ຫນາມ 12 ນັດ ຊະ​ນະ 9 ນັດ ສະ​ເຫມີ 1 ນັດ ເສຍ 3 ນັດ ມີ 28 ຄະ​ແນນ, ອັນ​ດັບ 3 ບາ​ຈຽງ ລົງ​ສະ​ຫນາມ 12 ນັດ ຊະ​ນະ 8 ນັດ ສະ​ເຫມີ 2 ນັດ ເສຍ 3 ນັດ ມີ 26 ຄະ​ແນນ, ອັນ​ດັບ 4 ປກ​ສ ແຂວງ​ຈຳ​ປາ​ສັກ ລົງ​ສະ​ຫນາມ 13 ນັດ ຊະ​ນະ 7 ນັດ ສະ​ເຫມີ 3 ນັດ ເສຍ 3 ນັດ ມີ 24 ຄະ​ແນນ, ອັນ​ດັບ 5 ສີ​ອຳ​ພອນ ລົງ​ສະ​ຫນາມ 13 ນັດ ຊະ​ນະ 4 ນັດ ສະ​ເຫມີ 3 ນັດ ເສຍ 6 ນັດ ມີ 15 ຄະ​ແນນ, ອັນ​ດັບ 6 ສີ​ລາ​ເພັດ ລົງ​ສະ​ຫນາມ 13 ນັດ ຊະ​ນະ 3 ນັດ ສະ​ເຫມີ 1 ນັດ ເສຍ 9 ນັດ ມີ 10 ຄະ​ແນນ, ອັນ​ດັບ 7 ຫົວ​ແຊ ລົງ​ສະ​ຫນາມ 13 ນັດ ຊະ​ນະ 3 ນັດ ສະ​ເຫມີ 1 ນັດ ເສຍ 9 ນັດ ມີ 10 ຄະ​ແນນ ແລະ ອັນ​ດັບ ສຸ​ດ​ທ້າຍ ນ້ຳ​ດື່ມ ນາ​ດາ ລົງ​ສະ​ຫນາມ 13 ນັດ ຊະ​ນະ 2 ນັດ ເສຍ 11 ນັດ ມີ 6 ຄະ​ແນນ.
ຂະ​ນະ​ທີ່​ຜູ້​ຍິງ​ປະ​ຕູ​ສູງ​ສຸດ ຍັງສືບຕໍ່ໄດ້ລຸ້ນກັນຕື່ມໃນອາທິດສຸດທ້າຍຂອງການແຂ່ງຂັນ, ຕາມການຈັດອັນດັບມາຮອດປັດຈຸບັນ: ອັນດັບ 1 ກີ້ ຂິນດາວົງ ສູນໜ້າຈາກສະໂມສອນ ທະຫານແຂວງຍິງໄດ້11ປະຕູ, ອັນດັບ 2 ຍິງໄດ້ 9 ປະຕູ 2 ຄົນ ຄື: ສຸກຈິນດາ ນັດຜາສຸກ ສູນໜ້າຂອງສະໂມສອນ ປ.ກ.ສ ແຂວງ ແລະ ສີຄູນ ແສງສະຫວ່າງ ນັກກິລາສະໂມສອນ ລະບຽງພູ

ສຳລັບຕາຕະລາງການແຂ່ງຂັນນັດຕໍ່​ໄປ ​ອາ​ທິດທີ 14 ເຊິ່ງ​ເປັນ​ອາ​ທິດ​ສຸດ​ທ້າຍ ຈະ​ມີ​ຂຶ້ນໃນວັນ​ທີ 21 ກໍ​ລະ​ກົດ 2023 ເວ​ລາ 13:30 ນ້ຳ​ດື່ມ​ນາ​ດາ ພົບ ສີ​ລາ​ເພັດ, ເວ​ລ​າ 15:30 ປກ​ສ ແຂວງ​ຈຳ​ປ​າ​ສັກ ພົບ ​ຫົວ​ແຊ ແລະ ວັນ​ທີ 22 ກໍ​ລະ​ກົດ 2023 ເວ​ລາ 13:30 ບາ​ຈຽງ ພົບ ທະ​ຫານ​ແຂວງ ເຊິ່ງ​ເປັນ​ນັດ​ຕັດ​ສິນ​ແຊ້ມ​ຖ້າ​ຫາກ​ທະ​ຫານ​ແຂວງ​ເອົາ​ຊະ​ນະ, ເວ​ລ​າ 15:30 ປກສ​ແຂວງ​ຈຳ​ປາ​ສັກ ພົບ ນ້ຳ​ດື່ມ​ນາ​ດາ. ທຸກໆ​ຄູ່​ແມ່ນ​ແຂ່ງ​ຂັນ​ຢູ່​ທີ່​ສະ​ຫນາມ​ກິ​ລາ​ແຂວງ​ຈຳ​ປາ​ສັກ, ຫລັງ​ຈາກ​ຈົບ​ການ​ແຂ່ງ​ຂັນ​ຄູ່​ສຸດ​ທ້າຍ​ແມ່ນ​ຈະ​ມີ​ການມອບ​ລາງວັນ​ຕ່າງໆ​ໃຫ້​ກັບ​ທີມ​ຊະ​ນະ​ເລີດ ແລະ ລາງວັນ​ປະ​ເພດ​ບຸກ​ຄົນ.

ການແຂ່ງຂັນບານເຕະ ລາວລີກ 2 ແຂວງສະຫວັນນະເຂດ ນັດທີ 6 ຮອບຂາກັບ ໃນອາທິດຜ່ານມາ ຄູ່ທີ່ໜ້າສົນໃຈເປັນການພົບກັນລະຫວ່າງ ອານັນ ອາໄຫລ່ ທີມນຳຕາຕະລາງຄະແນນ ພົບກັບ ທີມສະຫວັນ ຢູໄນເຕັດ ທີມອັນດັບ 2 ເຊິ່ງແຂ່ງຂັນວັນເສົາ 15 ກໍລະກົດ 2023 ຢູ່ທີ່ສະໜາມກິລາແຂວງສະຫວັນນະເຂດ. ຜ່ານການແຂ່ງຂັນຜົນປະກົດວ່າ ສະຫວັນ ຢູໄນເຕັດ ບຽດເອົາຊະນະ ອານັນ ອາໄຫລ່ 2-1 ເຊິ່ງສະຫວັນ ຢູໄນເຕັດ ໄດ້ປະຕູຈາກເບີ 24 ເຈັກກີ້ ອິນທິສອນ ນາທີ 29’, ເບີ 9 ເອກກະໄມ ຣາຊະຈັກ ນາທີ 46’ ສ່ວນ ອານັນ ອາໄຫລ່ ໄດ້ປະຕູຈາກ ເບີ 99 ອານຸຊາ ໄຊຄູນທອງ ນາທີ 40’ ສ່ວນຜົນຄູ່ອື່ນ ດາຣກວູຟ ສະເໝີ ໂພໄຊນ້ອຍ 2-2 ແລະ ລີລາວະດີ ສອງຄອນ ສະເໝີ ໄຮຢີນ້າ 2-2.

ສະຫລຸບ ຕາຕະລາງ ຄະແນນ ລາວລີກ 2 ແຂວງສະຫວັນນະເຂດ ອັນດັບ 1 ອານັນ ອາໄຫຼ່ ລົງສະໜາມ 6 ນັດ ຊະນະ 4 ນັດ ສະເໝີ 1 ນັດ ເສຍ 1 ນັດ ມີ 13 ຄະແນນ, ອັນດັບ 2 ສະຫວັນ ຢູໄນເຕັດ ລົງສະໜາມ 6 ນັດ ຊະນະ 3 ນັດ ສະເໝີ 2 ນັດ ເສຍ 1 ນັດ ມີ 11 ຄະແນນ, ອັນດັບ 3 ລີລາວະດີ ສອງຄອນ ລົງສະໜາມ 6 ນັດ ຊະນະ 2 ນັດ ສະເໝີ 3 ນັດ ເສຍ 1 ນັດ ມີ 9 ຄະແນນ, ອັນດັບ 4 ໂພໄຊນ້ອຍ ລົງສະໜາມ 6 ນັດ ຊະນະ 2 ນັດ ສະເໝີ2 ນັດ ເສຍ 2 ນັດ ມີ 8 ຄະແນນ, ອັນດັບ 5 ດາຣກວູຟ ລົງສະໜາມ 6 ນັດ ຊະນະ 2 ນັດ ສະເໝີ 1 ນັດ ເສຍ 3 ນັດ ມີ 7 ຄະແນນ ແລະ ອັນດັບ ສຸດທ້າຍ ໄຮຢີນ້າ ລົງສະໜາມ 6 ນັດ ສະເໝີ 1 ນັດ ເສຍ 5 ນັດ ມີ 1 ຄະແນນ.

ການແຂ່ງຂັນບານເຕະລາວລີກ2ນະຄອນຫຼວງວຽງຈັນມາ​ຮອດ​ປັດ​ຈຸ​ບັນ​ແມ່ນ​ໄດ້ດຳເນີນການແຂ່ງຂັນມາໄດ້8ນັດ ເຊິ່ງ​ອາ​ທິດ​ຜ່ານ​ມາ​ຄູ່​ທີ່​ໜ້າ​ສົນ​ໃຈ ເປັນ​ການ​ພົບ​ກັນ​ລະ​ຫ​ວ່າງ ເຮັ​ສ​ບີທີ941ທີມ​ນຳໃນຕາຕະລາງຄະແນນພົບກັບຈັນ​ທະ​ບູ​ລີ ທີມ​ອັນ​ດັບ2ເຊິ່ງ​ແຂ່ງ​ຂັນ​ຄູ່​ສຸດ​ທ້າຍ ວັນ​ເສົາ15ກໍ​ລະ​ກົດ2023​ທີ່​ສະ​ຫນາມ​ກິ​ລາ​ເຈົ້າ​ອາ​ນຸ​ວົງ. ຜ່ານ​ການ​ແຂ່ງ​ຂັນ​ຜົນ​ປະ​ກົດ​ວ່າ:ເຮັ​ສ​ບີ​ທີ941ສະ​ເໝີ ຈັນ​ທະ​ບູ​ລີ0-0,ສ່ວນ​ຜົນ​ການ​ແຂ່ງ​ຂັນ​ຄູ່​ອື່ນ ເອັ​ສ​ອີ​ຊີ ສະ​ເໝີ ເອັ​ສ​ທີ​ທີ2-2,ທ​ຣີ​ນີ​ຕີ​ເສຍ​ໃຫ້ ເມືອງ​ຫາດ1-6,ຄິງ​ດ້ອມ ເສຍ​ໃຫ້ ມ​ຊ1-4,ເຄ​ພີ​ເອັ​ສ ເສຍ​ໃຫ້ ເຄ​ເອັ​ສ​ທີ0-7,ຈັນ​ສີ ເສຍ​ໃຫ້ ໄອ​ສະ​ປອດ1-4.

ສະ​ຫລຸບ ຕາຕະລາງຄະແນນ ເຮັ​ສ​ບີ​ທີ941ລົງສະຫນາມ9ນັດ ຊະນະ7ນັດ ສະເຫມີ2ມີ23ຄະແນນ,ອັນດັບ2ຈັນທະບູລີ ລົງສະຫນາມ9ນັດ ຊະນະ6ນັດ ສະເຫມີ3ນັດ ມີ21ຄະແນນ,ອັນດັບ3ເຄເອັມທີ ລົງສະຫນາມ9ນັດ ຊະນະ5ນັດ ສະເຫມີ3ນັດ ເສຍ1ນັດ ມີ18ຄະແນນ,ອັນ​ດັບ4ໄອ​ສະ​ປອດ ລົງ​ສະ​ຫນ​ນາມ9ນັດ ຊະ​ນະ4ນັດ ສະ​ເຫມີ4ນັດ ເສຍ1ນັດ ມີ16ຄະ​ແນນ,ອັນ​ດັບ5ເມືອງ​ຫາດ ລົງ​ສະ​ຫນາມ9ນັດ ຊະ​ນະ4ນັດ ສະ​ເຫມີ3ນັດ ເສຍ2ນັດ ມີ15ຄະ​ແນນ,ອັນ​ດັບ6ມ​ຊ ລົງ​ສະ​ຫນາມ9ນັດ ຊະ​ນະ4ນັດ ສະ​ເຫມີ2ນັດ ເສຍ3ນັດ ມີ14ຄະ​ແນນ,ອັນ​ດັບ7ເອັ​ສ​ທີ​ທີ ລົງ​ສະ​ຫນາມ9ນັດ ຊະ​ນະ3ນັດ ສະ​ເຫມີ4ນັດ ເສຍ2ນັດ ມີ13ຄະ​ແນນ,ອັນ​ດັບ8ຄິງ​ດ້ອມ ລົງ​ສະ​ຫນາມ9ນັດ ຊະ​ນະ3ນັດ ເສຍ3ນັດ ສະ​ເຫມີ3ນັດ ມີ12ຄະ​ແນນ,ອັນ​ດັບ9ເອັ​ສ​ອີ​ຊີ ລົງ​ສະ​ຫນາມ9ນັດ ຊະ​ນະ1ນັດ ສະ​ເຫມີ3ນັດ ເສຍ5ນັດ​ມີ6ຄະ​ແນນ,ອັນ​ດັບ10ຈັນ​ສີ ລົງ​ສະ​ຫນ​າມ9ນັດ ຊະ​ນະ2ນັດ ເສຍ7ນັດ ມີ6ຄະ​ແນນ,ອັນ​ດັບ11ທ​ຣີ​ນີ​ຕີ ລົງ​ສະ​ຫນາມ9ນັດ ຊະ​ນະ1ນັດ ສະ​ເຫມີ1ນັດ ເສຍ7ນັດ ມີ4ຄ​ະ​ແນນ ແລະ ອັນ​ດັບສຸດ​ທ້າຍ ເຄ​ພີ​ເອັ​ສ ລົງ​ສະ​ຫນາມ9ນັດ ເສຍ9ນັດ ມີ0ຄະ​ແນນ.

ສຳລັບການແຂ່ງຂັນບານເຕະ ລາວລີກ2ນະຄອນຫຼວງວຽງຈັນໃນ​ນັດ​ວັນ​ພຸດ19ກໍ​ລ​ະ​ກົດ2023ເວ​ລາ14:00ເອັ​ສ​ອີ​ຊີ ພົບ ໄອ​ສະ​ປອດ,ເວ​ລາ16:00ຈັນ​ສີ ພົບ ຈັນ​ທະ​ບູ​ລີ,ເວ​ລາ18:00ຄິງດອມ ພົບ ເຄ​ພີ​ເອັ​ສ ວັນ​ພະ​ຫັດ20ກໍ​ລະ​ກົດ2023ເວ​ລາ14:00ເອັ​ສ​ທີ​ທີ ພົບ ເມືອງ​ຫາດ,ເວ​ລາ16:00ທ​ຣີ​ນີ​ຕີ ພົບ ມ​ຊ,ເວ​ລາ18:00ເຮັ​ສ​ບີ​ທີ941ພົບ ເຄ​ເອັມ​ທີ ແຂ່ງ​ຂັນ​ຢູ່​ທີ່​ສະ​ຫນ​າມ​ກິ​ລາ​ເຈົ້າອານຸວົງ ແຟນບານສາມາດໄປຕິດຕາມຮັບຊົມໄດ້ໂດຍບໍ່ເສຍຄ່າ(ເຂົ້າຊົມFree).

ສະຫະພັນບານເຕະແຫ່ງຊາດລາວ(ສຕລ)ຮວ່ມກັບອຳນາດການປົກຄອງແຂວງຈຳປາສັກໄດ້ຈັດພິທີເປີດສູນ ຝຶກກິລາບານເຕະເຍົາວະຊົນຈໍາປີ-ຈໍາປາແຫ່ງທີ 3 ຂຶ້ນທີ່ແຂວງຈໍາປາສັກໃນຕອນເຊົ້າ ວັນທີ 15 ກໍລະກົດ 2023,ເຊິ່ງໄດ້ຈັດຂື້ນຢ່າງເປັນທາງການທີ່ສະໜາມກິລາບານເຕະຫຼັກ2 ໃຫ້ກຽດເປັນປະທານກ່າວເປີດຂອງທ່ານ ປະດິດ ວັນນະ ລັດສະໝີ ປະທານ ກວດກາພັກ-ລັດແຂວງ,ທັງເປັນຮອງປະທານສະຫະພັນກິລາບານເຕະແຂວງຈໍາປາສັກ, ໂດຍມີທ່ານ ເພັດສາຄອນ ຄໍສີສະຫວັດ ຮອງຫົວໜ້າພະແນກອຸດສາຫະກຳ ແລະການຄ້າແຂວງ, ຄະນະບໍລິຫານງານສະຫະພັນກິລາບານເຕະ ແຂວງ, ທ່ານ Sundram Moorthy ຫົວໜ້າພະແນກເຕັກນິກວິທະຍາ ສຕລ, ທ່ານ Mohammad Herman B Zailani ຫົວໜ້າວຽກງານພັດທະນາຄູຝຶກ ສຕລ ພ້ອມດ້ວຍຄະນະຄູຝຶກ ສຕລ, ສຕຂ,ນັກກິລາເຍົາ ວະຊົນແລະ ພໍ່ແມ່ຜູ້ປົກຄອງນັກກິລາແຂວງເຂົ້າຮ່ວມ.

ໃນພິທີ,ທ່ານ ປະດິດ ວັນນະລັດສະໝີລາຍງານໃຫ້ຮູ້ວ່າ:ສູນຝຶກກິລາບານເຕະເຍົາວະຊົນຈໍາປີ-ຈໍາປາທີ່ແຂວງຈໍາປາສັກປະກອບມີຄະນະຊີ້ນໍາ 5ທ່ານ, ຄູຝຶກ21ທ່ານ, ໂຄງການດັ່ງກ່າວແມ່ນເລີ່ມຝຶກແອບມາແຕ່ວັນທີ 22 ເມສາ ຫາ 9 ກໍລະກົດ 2023 ໂດຍມີນັກ ກິລາ 5 ຮຸ່ນເຂົ້າຮວ່ມຄືຮຸ່ນອາຍຸບໍ່ເກີນ6ປີ(U6), U8, U10, U12 ແລະ U15, ມີນັກກິລາເຂົ້າຮ່ວມຝຶກແອບສະເລ່ຍ 160 ຄົນແລະ ຝຶກແອບສະເພາະວັນເສົາ-ອາທິດ ເລີ່ມແຕ່ເວລາ 7:30 ຫາ 9:30ມ ໂດຍແມ່ນ ສຕລ ເປັນຜູ້ກຳນົດຫຼັກສູດການຝຶກສອນໃຫ້ໃນແຕ່ລະອາທິດ.ໂຄງການນີ້ແມ່ນພາຍໃຕ້ການສະໜັບສະໜູນ ຈາກໂຄງການພັດທະນາຄວາມອາດສາມາດ ຂອງສະຫະພັນບານເຕະນາໆຊາດ (FIFA Talent Development Scheme).

ມາຮອດປັດຈຸບັນ,ສຕລ ໄດ້ເປີດສູນຝຶກກິລາບານເຕະເຍົາວະຊົນຈໍາປີ-ຈໍາປາມາແລ້ວ3ແຫ່ງຄືແຫ່ງທີ1ຢູ່ນະຄອນຫຼວງວຽງຈັນ,ແຫ່ງທີ2ແຂວງຫຼວງພະບາງແລະແຫ່ງທີ3ຢູ່ແຂວງຈຳປາສັກແລະແຫ່ງທີ4ກໍຈະຈັດພິທີເປີດຂື້ນໃນໄວໆນີ້.

#FIFATalentDevelopmentScheme

#ChampiChampaFootballTrainingCenter