ໃນຕອນບ່າຍຂອງວັນທີ 6 ມີນາ 2026 ທີ່ປະເທດອິນໂດເນເຊຍ, ສະຫະພັນບານເຕະ ອິນໂດເນເຊຍ ຫຼື PSSI (the Football Association of Indonesia) ໄດ້ມີພິທີຈັບສະຫຼາກແບ່ງສາຍ ໃນການແຂ່ງຂັນບານເຕະເຍົາວະຊົນຮຸ່ນອາຍຸບໍ່ເກີນ 17 ປີ ຊີງແຊ້ມອາຊຽນ ປະຈໍາປີ 2026 (ASEAN U17 Boys' Championship 2026) ທີ່ປະເທດອິນໂດເນເຊຍ ເປັນເຈົ້າພາບ ໂດຍການແຂ່ງຂັນຈະເລີ້ມລະຫວ່າງ 11 – 23 ເມສາ 2026 ທີ່ເມືອງ East Java.

ຜ່ານການຈັບສະຫຼາກປະກົດວ່າ:

-ກຸ່ມ A: ອິນໂດເນເຊຍ ເຈົ້າພາບ, ຫວຽດນາມ, ມາເລເຊຍ ແລະ ຕີມໍ ເລສເຕ

-ກຸ່ມ B: ໄທ, ລາວ, ມຽນມາ ແລະ ຟິລິບປິນ

-ກຸ່ມ C: ອົດສະຕຣາລີ, ກໍາປູເຈຍ, ສິງກະໂປ ແລະ ບຣູໄນ

ສໍາລັບ ຮູບແບບການແຂ່ງຂັນຈະຄັດເອົາອັນດັບທີ 1 ຂອງແຕ່ລະກຸ່ມ 3 ກຸ່ມເປັນ 3 ທີມ ແລະ ເອົາອັນດັບ 2 ທີ່ດີທີ່ສຸດ 1 ທີມ ເຂົ້າຮອບ 4 ທີມສຸດທ້າຍ, ສ່ວນຕາຕະລາງແຂ່ງຂັນຈະລາຍງານໃຫ້ຮັບຊາບພາຍຫຼັງ.