ຊົມເຊີຍວັນສ້າງຕັ້ງກອງທັບປະຊາຊົນລາວຄົບຮອບ 74ປີ ຢ່າງສຸດໃຈ
20/01/2023
ກອງທັບລາວເກັ່ງກ້າ ເຊັງຊ່າລືນາມ
ເດີນຕາມແນວທາງພັກ ບົ່ມພຽນແພງສ້າງ
ເປັນກໍາລັງແຂງເຂັ້ມ ຕີມານປົບພ່າຍ
ຍອມຖະຫວາຍເລືອດເນື້ອ ເພື່ອປະຊາພີ່ນ້ອງ
ທຸກຄົນໄດ້ຮົ່ມເຢັນ
ເປັນກອງທັບປົກປ້ອງ ຍາມເມື່ອສັນຕິ
ມີລະບຽບແບບແຜນ ພັດທະນາໄກກ້າວ
ຄາວສະໄໝເມືອງບ້ານ ສີວິໄລເຮືອງຮຸ່ງ
ກອງທັບສູງສົ່ງດ້ວຍ ປະຕິວັດແກ່ນກ້າ
ເດີນໜ້າບໍ່ຖອຍ ແທ້ນາ
ວາລະລືກເດັ່ນລໍ້າ ຄົບຂວບໄຊງາມ
ຂໍຢື້ຢາມອວຍພອນ ແດ່ຊາວທະຫານກ້າ
ອາຍຸຍືນຍາວໝັ້ນ ໂລຄາໄກຫ່າງ
ວັນນະໃສສ່ອງເຫຼື້ອມ ຂາວແຈ້ງດັ່ງພະຈັນ
ສຸກສັນຊົມຊື່ນຊ້ອຍ ຜົນງານໃໝ່ລືຊາ
ພາລະທັງກາຍໃຈ ແກ່ນແຂງແຮງລົ້ນ
ທຸກເຜົ່າຊົນຍໍຍ້ອງ ກຽດທະຫານສູງສົ່ງ
ຂໍຍືນຍົງຊົ່ວຟ້າ ບຸນຄຸນຍິ່ງໃຫຍ່ລໍ້າ
ຈາລຶກໄວ້ຊົ່ວນິລັນ ແທ້ແລ້ວ.
ດ้ວຍຄວາມປາດຖະໜາດີຈາກປະທານ ແລະ ຄະນະບໍລິຫານງານ
ສະຫະພັນບານເຕະແຫ່ງຊາດລາວ
