ສະຫະພັນບານເຕະແຫ່ງຊາດລາວ ແລະ ສະຫະພັນບານເຕະຍິ່ປຸ່ນ ໄດ້ລົງນາມສືບຕໍ່ບົດບັນທຶກຄວາມເຂົ້າໃຈ (MOU) ຮ່ວມກັນພັດທະນາກິລາບານເຕະລະຫວ່າງສອງສະຫະພັນ ທີ່ນະຄອນຫຼວງເຊອຸນ, ສ. ເກົາຫຼີ. 

ການລົງນາມ MOU ຄັ້ງນີ້ ນໍາໂດຍ ທ່ານ ວິເພັດ ສີຫາຈັກຣ ປະທານ ສຕລ ພ້ອມດ້ວຍຄະນະ ແລະ ທ່ານ Tsuneyasu Miyamoto ປະທານສະຫະພັນບານເຕະຍິ່ປຸ່ນ (JFA) ພ້ອມດ້ວຍຄະນະ ເຊີ່ງກອບການຮ່ວມມືພັດທະນາກິລາບານເຕະມີຄື:

1. ການພັດທະນານັກກິລາຍິງ-ຊາຍ

2. ການແຂ່ງຂັນນັດມິດຕະພາບ ລວມທັງແຄ້ມຝຶກຊ້ອມທີມຊາດທຸກໆຮຸ່ນອາຍຸ

3. ໂຄງການພັດທະນາເຍົາວະຊົນ

4. ການພັດທະນາຄູຝຶກ

5. ຍົກລະດັບບານເຕະຍິງ

6. ການພັດທະນາກໍາມະການຕັດສິນ

7. ການຄຸ້ມຄອງ ແລະ ການນໍາໃຊ້ໂຄງລ່າງພື້ນຖານກິລາບານເຕະ

8. ໂຄງການແລກປ່ຽນບຸກຄະລາກອນເຕັກນິກ ແລະ ບໍລິຫານ

ທັງ 2 ສະຫະພັນ ໄດ້ລິ່ເລີ່ມການຮ່ວມມື 2 ຝ່າຍຕັ້ງແຕ່ປີ 2011 ເປັນຕົ້ນມາ ເຊິ່ງ MOU ສະບັບນີ້ຈະຄອບຄຸມເອົາໄລຍະ 3 ປີຕໍ່ໜ້າ.

ສະຫະພັນບານເຕະແຫ່ງຊາດລາວ ຂໍແຈ້ງໃຫ້ກັບ ແຟນບານລາວຮັບຊາບວ່າ: ການແຂ່ງຂັນບານເຕະນັດມິດຕະພາບ FIFA DAY ໃນໄລຍະວັນທີ 11-19 ພະຈິກ 2024 ທີມຊາດລາວ ຊຸດໃຫຍ່ ໄດ້ວາງໂປແກຣມ ການອຸ່ນເຄື່ອງ 2 ນັດ ໂດຍ ນັດທີ 1 ໃນວັນທີ 14 ພະຈິກ 2024 ທີມຊາດລາວ ພົບ ທີມຊາດມາເລເຊຍ ແຂ່ງຂັນຢູ່ທີ່ສະຫນາມ PAT Stadium, ປະເທດໄທ ແລະ ນັດທີ 2 ໃນວັນທີ 17 ພະຈິກ 2024 ທີມຊາດລາວ ພົບ ທີມຊາດໄທ ແຂ່ງຂັນຢູ່ທີ່ສະຫນາມ Thammasat Stadium, ປະເທດໄທ ສ່ວນເວລາ ການແຂ່ງຂັນ ແລະ ການຖ່າຍທອດສົດ ນັ້ນແມ່ນຈະແຈ້ງໃຫ້ກັບ ແຟນບານຮັບຊາບຕາມພາຍຫຼັງ.

                ສະຫະພັນບານເຕະແຫ່ງຊາດລາວ( ສຕລ) ໄດ້ຈັດພິທີເປີດການຝຶກອົບຮົມຄູຝຶກກິລາບານເຕະລະດັບຊີ(C) ຂື້ນໃນຕອນເຊົ້າວັນທີ 28 ຕຸລາ 2024 ທີ່ທີ່ຫ້ອງປະຊຸມພະແນກສາທາລະນະສຸກແຂວງຄໍາມ່ວນ,ໂດຍມີທ່ານ ປອ ບຸນປອນ ທອງສຸວັນນະລາດ ຮອງຫົວໜ້າພະແພກສຶກສາ ແລະ ກິລາແຂວງຄຳມ່ວນ, ທ່ານ ວັນທອນ ບຸດສົມພັນ ຮອງຫົວໜ້າ ສະຫະພັນບານເຕະແຂວງຄຳມ່ວນໃຫ້ກຽດເຂົ້າຮວ່ມ.

              ໃນພິທີ, ທ່ານ ວັນທອນ ບຸດສົມພັນ ຮອງຫົວໜ້າ ສະຫະພັນບານເຕະແຂວງຄຳມ່ວນ ກ່າວເປີດພິທີໂດຍໄດ້ຍົກໃຫ້ເຫັນຄວາມໝາຍສຳຄັນຂອງການຝຶກອົບຮົມຄັ້ງນີ້,ລວມທັງບົດບາດຄວາມສໍາຄັນຂອງຄູຝຶກ, ພ້ອມຮຽກຮ້ອງໃຫ້ຜູ້ເຂົ້າຮວ່ມການຝຶກອົບຮົມຈົ່ງຕັ້ງໃຈຮຽນຮູ້ແລກປ່ຽນບົດຮຽນ,ປະສົບການ ນຳຄູຝຶກທີ່ມີປະສົບການສູງ,ເພື່ອນໍາເອົາບົດຮຽນໃນການຝຶກອົບຮົມຄັ້ງນີ້ ໄປນໍາໃຊ້ໃຫ້ເກີດປະໂຫຍດຫຼາຍເທົ່າທີ່ຈະຫຼາຍໄດ້ເພື່ອພ້ອມກັນພັດທະນາວົງການບານເຕະລາວເວົ້າລວມ,ກໍຄືບານເຕະຂອງແຂວງຄຳມ່ວນໃຫ້ກ້າວສູ່ລະດັບດີຂື້ນໄປເລື້ອຍໆ.

             ໄລຍະການຝຶກອົບຮົມ ແມ່ນແບ່ງອອກເປັນ 2 ພາກ ປະກອບມີ ພາກທິດສະດີ ແລະ ການປະຕິບັດຕົວຈິງພາກສະໜາມ, ໂດຍຈະມີການສອບເສັງ 6 ຄັ້ງ ( ຕົວຈິງ 3 ຄັ້ງ ແລະ ທິດສະດີ 2 ຄັ້ງ ແລະ ເສັງກໍາມະການ 1 ຄັ້ງ ), ຜູ້ເຂົ້າຮ່ວມຈະໄດ້ຮຽນຮູ້ກ່ຽວກັບ ການພັດທະນາຄູຝຶກ, ຄວາມຕ້ອງການຄູຝຶກຂອງ AFC, ພາລະບົດບາດ ແລະ ໜ້າທີຮັບຜິດຊອບ, ເຕັກນິກ ແລະ ຍຸດທະວິທີຂອງການເຕະບານ, ຄວາມສຳພັນກັບບານ, ການສົ່ງບານ, ການຈັບບານ, ການຍິງບານ, ຫຼັກການຂອງການຝຶກສອນ, ບານເຕະຟຸດຊໍ, ກະຕິກາຂອງກິລາບານເຕະ, ອາຫານ ແລະ ສຸຂະພາບ, ການຝຶກແອບ, ການຝຶກແອບຜູ້ຮັກສາປະຕູ, ການວາງແຜນ, ບົດບາດສຳຄັນຂອງຜູ້ຮັກສາປະຕູ, ການຈະເລີນເຕີບໃຫຍ່ ແລະ ການປະຖົມພະຍາບານ, ແນະນຳພາກປະຕິບັດກິດຈະກຳບານເຕະພື້ນຖານ, ການຫຼີ້ນບານໃນເກມ.

                ສຳລັບການຝຶກອົບຮົມແມ່ນຈະດຳເນີນໄປແຕ່ວັນທີ 28 ຕຸລາ ຈົນຮອດ ວັນທີ 08 ພະຈິກ 2024.

              ເຂົ້າຮວ່ມພິທີນີ້ ຍັງມີທ່ານ ຊຸນດຣໍາ ມູນຕີ (Sundram Moorthy) ຫົວໜ້າພະແນກເຕັກນິກ - ວິທະຍາ ສຕລ, ທ່ານ ໂມຮໍາມັດ ເຮີມັນ ( Mohammad Herman B Zailani ) ຫົວໜ້າວຽກງານພັດທະນາຄູຝຶກ ສຕລ, ຕົວແທນຄູຝຶກສອນ ສະຫະພັນບານເຕະນາໆຊາດ ຟີຟາ, ທ່ານ ວົງມີໄຊ ສຸບົວຄຳ ຜູ້ຝຶກສອນຫຼັກຈາກ ສຕລ ພ້ອມດ້ວຍຄະນະ ແລະ ນັກສຳມະກອນຈໍານວນ 23 ທ່ານ ເປັນຍິງ 5 ທ່ານ ມາຈາກບັນດາສະໂມສອນ ເຂົ້າຮ່ວມ ລີກ 2 ແຂວງຄຳມ່ວນ, ບັນດາເມືອງອ້ອມຂ້າງແຂວງຄຳມ່ວນ ແລະ ປະເທດໄທ 6 ທ່ານ.

ສະຫະພັນບານເຕະແຫ່ງຊາດລາວ ຂໍແຈ້ງການໃຫ້ກັບ ແຟນບານຮັບຊາບວ່າ: ການແຂ່ງຂັນບານເຕະນັດມິດຕະພາບ FIFA DAY ໃນໄລຍະວັນທີ 11-19 ພະຈິກ 2024 ທີມຊາດລາວ ຊຸດໃຫຍ່ ໄດ້ວາງໂປແກຣມ ການອຸ່ນເຄື່ອງ 1 ນັດ ໂດຍຈະພົບກັບ ທີມຊາດ ໄທ ໃນວັນທີ 17 ພະຈິກ 2024 ແຂ່ງຢູ່ທີ່ສະຫນາມ ທຳມະສາດ ລັງສິດ ປະເທດໄທ. ສ່ວນໂປແກຣມການອຸ່ນເຄື່ອງອີກ 1 ນັດ ສະຫະພັນບານເຕະແຫ່ງຊາດລາວ ແມ່ນຈະແຈ້ງໃຫ້ຮັບຊາບໃນໄວໆນີ້.

ທີມຊາດລາວ ຮຸ່ນອາຍຸບໍ່ເກີນ 17 ປີ ພາຍໃຕ້ການຄຸມທີມຂອງ ທ່ານ ກັນລະຍາ ສີສົມຫວັງ ແມ່ນໄດ້ນຳພານັກກິລາ ຝຶກຊ້ອມ ນັບຕັ້ງແຕ່ ວັນທີ 19 ສິງຫາ 2024 ເປັນຕົ້ນມາ ໂດຍໃນເບື້ອງຕົ້ນມີນັກກິລາ 35 ຄົນ ແລະ ສາມາດຄັດເລືືອກນັກກິລາ ໄດ້ 23 ຄົນ ເພື່ອເຂົ້າຮ່ວມ ການແຂ່ງຂັນບານເຕະ ຊີງແຊ້ມອາຊີ U17 ຮອບຄັດເລືອກ 2025 ຈັດຂຶ້ນລະຫວ່າງວັນທີ 23-27 ຕຸລາ 2024 ທີ່ປະເທດ ສປປ ລາວ ເປັນເຈົ້າພາບ( AFC U17 ASIAN CUP 2025 Qualifiers ) ກຸ່ມ H ປະກອບມີ: ມາເລເຊຍ , ລາວ ແລະ ສະຫະລັດ ອາຣັບອີມີເຣດ .

  ຜ່ານການຕິດຕາມແລະຝຶກຊ້ອມ,ຄະນະບໍລິຫານງານສະຫະພັນບານເຕະແຫ່ງຊາດລາວ(ສຕລ)ສົມທົບກັບຄູຝຶກເຫັນດີປະກາດລາຍຊື່ຄະນະນຳ,ຄູຝຶກແລະນັກກິລາດັ່ງນີ້:

 ຄະນະນຳ,ຄູຝຶກທີ່ເດີນທາງໄປເຂົ້າຮວ່ມລວມ12ທ່ານມີລາຍຊື່ດັ່ງລຸ່ມນີ້:

1. ທ່ານ ຄໍລະເດດ ພອນພະຈັນ ຄະນະບໍລິຫານງານ ສະຫະພັນບານເຕະແຫ່ງຊາດລາວ ຫົວຫນ້າ ຄະນະ 

2. ທ່ານ ກັນລະຍາ ສີສົມຫວັງ ຫົວຫນ້າຄູຝຶກ

3. ທ່ານ ສອນວິໄລ ສີຫາວົງ ຜູ້ຊ່ວຍຄູຝຶກ

4. ທ່ານ ໂຄລ່າ ອຸ່ນດາລາ ຜູ້ຊ່ວຍຄູຝຶກ

5. ທ່ານ ນາງ ພອນທິບ ແສງມະນີ ຜູ້ຊ່ວຍຄູຝຶກ

6. ທ່ານ ພັທ ແສງເພັດ ວົງໄຊຍະລາດ ຄູຝຶກຜູ້ຮັກສາປະຕູ

7. ທ່ານ ອຸດຕະມະ ຂາງມະນີວົງ ຜູ້ຈັດການທີມ

8. ທ່ານ ຈັນທະບູນ ຫມື່ນສີ ອຸປະກອນ

9. ທ່ານ ດຣ ບົວພັນ ສີຫາວົງ ແພດປະຈຳທີມ

10. ທ່ານ ວີລະເດດ ແກ້ວພິຄຸນ ແພດກາຍຍະບຳບັດ

11. ທ່ານ ນ. ເຄືອວັນ ເມັງວິໄລ ແພດກາຍຍະບຳບັດ

12. ທ່ານ ສອນໄຊ ລາດສະອາດ ສື່ມວນຊົນ

13. ທ່ານ ສຸກນີລັນ ສະຫວັດວົງ ວິເຄາະເກມ 

  ນັກກິລາ 23 ຄົນມີລາຍຊື່ດັ່ງລຸ່ມນີ້:

+ ຜູ້ຮັກສາປະຕູ

- ສານຄຳ ທະວີທົງ ສະໂມສອນ ບານເຕະ ທີບີ ບໍ່ແກ້ວ

- ໄຊສົມພົງ ທິບພະວົງ ຈາກ ສະໂມສອນ ຊ້າງນ້ອຍ

- ສິດທິເດດ ນາມມະກອນ ຈາກ ສະໂມສອນ ບານເຕະ ມາສດ້າ ຈີບີ

+ ກອງຫຼັງ

- ກິ ມູນກັນຍາ ຈາກ ສະໂມສອນ ບານເຕະ ມາດສເຕີ

- ທັນຍະວຸດ ໄຊຈະເລີນ ຈາກ ສະໂມສອນບານເຕະ ເອສະຣາ

- ແສງອາທິດ ມະນີໄລ ຈາກ ສະໂມສອນບານເຕະ ເອສະຣາ

- ປະລິນເດດ ເພັດຕະກູນ ຈາກ ສະໂມສອນ ບານເຕະ ມາສດ້າ ຈີບີ 

- ກິດສະນະ ອິນທະວົງສາ ຈາກ ສະໂມສອນ ບານເຕະ ມາດສເຕີ 

- ວິໄສທັດ ນັນທະວົງ ຈາກ ສະໂມສອນບານເຕະ ເອສະຣາ

- ສຸວັນນະພູມ ສີສຸລາດ ຈາກ ແຂວງ ສະຫວັນນະເຂດ

+ກອງກາາງ

- ບຸນປະເສີດ ແສງສະຫວ່າງ ຈາກ ສະໂມສອນ ບານເຕະ ເອສະຣາ

- ດາວພະຫັດ ກໍ່າກາຊົມພູ ຈາກ ສະໂມສອນບານເຕະ ມາດສເຕີ

- ບິນລີ້ ໂດນສະຫນູພິດ ຈາກ ສະໂມສອນບານເຕະ ເອສະຣາ

- ວົງເດືອນ ສຸລິບັນ ຈາກ ສະໂມສອນບານເຕະ ມາດສເຕີ

- ສະຫວັນໄຊ ມູນລາດຊະວົງ ຈາກ ສະໂມສອນບານເຕະ ທີບີ ບໍ່ແກ້ວ

- ເຈັກກີ້ ອິນທິສອນ ຈາກ ແຂວງ ສະຫວັນນະເຂດ

- ອານຸສິດ ປະດິດ ຈາກ ສະໂມສອນບານເຕະ ຫຼວງພະບາງ

- ສີສຸພັນ ວົງສາລີ ຈາກ ສະໂມສອນບານເຕະ ຫຼວງພະບາງ

- ພິມມະສອນ ນິລະວົງ ຈາກ ສະໂມສອນບານເຕະ ມາດສເຕີ

- ພຸດທະສັກ ສີຫາໂຄດ ຈາກ ສະໂມສອນບານເຕະ ທີບີ ບໍ່ແກ້ວ

+ ກອງໜ້າ

- ສິດທິລາດ ຈັນທະມາລີ ຈາກ ສະໂມສອນບານເຕະ ຫຼວງພະບາງ

- ໂອດີມ ສີພານິນ ຈາກ ສະໂມສອນບານເຕະ ທີບີ ບໍ່ແກ້ວ

- ພະຍັກ ສີພານົມ ຈາກ ໂຮງຮຽນອົງການບໍລິຫານແຂວງໄຊນາດ ( ປະເທດໄທ )

ຕາຕະລາງການແຂ່ງຂັນ

- ວັນທີ 23 ຕຸລາ 2024 ເວລາ 19:00 ສະຫະລັດ ອາຣັບອີມີເຣດ ພົບ ມາເລເຊຍ

- ວັນທີ 25 ຕຸລາ 2024 ເວລາ 19:00 ສປປ ລາວ ພົບ ສະຫະລັດ ອາຣັບອີມີເຣດ

- ວັນທີ 27 ຕຸລາ 2024 ເວລາ 19:00 ມາເລເຊຍ ພົບ ລາວ 

ທຸກນັດແຂ່ງຂັນຢູ່ທີ່ສະຫນາມກິລາແຫ່ງຊາດຫຼັກ16

ບັດເຂົ້າຊົມລາຄາ 10.000 ກີບ ສາມາດຊື້ໄດ້ທີ່ ສະຫະພັນບານເຕະແຫ່ງຊາດລາວ ແລະ ສະຫນາມກິລາແຫ່ງຊາດຫຼັກ 16 ໃນມື້ທີ່ມີການແຂ່ງຂັນ.

ສາມາດຕິດຕາມຖ່າຍທອດສົດໄດ້ທາງ Youtube; LAOFF TV 

ສະຫະພັນບານເຕະແຫ່ງຊາດລາວ(ສຕລ) ສົມທົບ ກັບພະແນກສຶກສາທິການ ແລະ ກິລາແຂວງເຊກອງ ໄດ້ສຳເລັດການຈັດກິດຈະກໍາຝຶກອົບຮົມຄູຝຶກກິລາບານເຕະໃນໂຄງການກິລາບານເຕະໃນໂຮງຮຽນ ທົ່ວແຂວງເຊກອງ ຂື້ນ FIFA FOOTBALL FOR SCHOOLS ລະຫວ່າງວັນທີ 18-20 2024 ທີ່ຜ່ານມາ,ໂດຍມີ ທ່ານ ພັທ ຖາວອນ ຫຼວງຈັນດາວົງ ຄະນະບໍລິຫານງານສຕລ, ທ່ານ Sundram Moorthyຫົວໜ້າພະແນກເຕັກນິກວິທະຍາສຕລ, ທ່ານ ຄຳໄພ ສິມມາວັດ ຫົວໜ້າພະແນກສຶກສາທິການ ແລະ ກິລາແຂວງເຊກອງ, ທ່ານ ສຸກສາຄອນ ຈັນທະພານິດ ຮອງປະທານສະຫະພັນບານເຕະແຂວງເຊກອງ ພ້ອມດວ້ຍບັນດາຄູຝຶກຕະຫຼອດຮອດນັກກິລາເຂົ້າຮ່ວມ.

ທ່ານ ພັທ ຖາວອນ ຫຼວງຈັນດາວົງກ່າວວ່າ:ສຳລັບການຝຶກອົບຮົມກິລາບານເຕະໃນໂຮງຮຽນໃນໂຄງການດັ່ງກ່າວນີ້ແມ່ນມີຈຸດປະສົງເພື່ອສົ່ງເສີມໃຫ້ນັກຮຽນ ໄດ້ເຂົ້າເຖິງການຫລິ້ນກິລາບານເຕະພາຍໃນໂຮງຮຽນຫລາຍຂຶ້ນ ແລະ ໄດ້ຮັບການຝຶກແອບແລະສິດສອນຢ່າງຖືກວິທີຈາກຄູອາຈານພາລະສຶກສາພາຍໃນໂຮງຮຽນ ເພື່ອເປັນຕົວແບບ ແລະເປັນອີກໂຄງ ການໜຶ່ງທີ່ດີໃນການພັດທະນາເດັກທັງດ້ານສະຕິປັນຍາແລະກຳລັງວັງຊາ. ໂຄງການນີ້ບໍ່ພຽງແຕ່ຝຶກແອບບານເຕະໃຫ້ນັກຮຽນເທົ່ານັ້ນ, ແຕ່ຍັງຈະສອນໃຫ້ເຂົາເຈົ້າໄດ້ຮັບຮູ້ເຖິງທັກສະການໃຊ້ຊີວິດອີກດ້ວຍ.ຫວັງຢ່າງຍິ່ງວ່າ ຜູ້ເຂົ້າຮ່ວມຈະນຳເອົາຄວາມຮູ້ໃນການເຂົ້າຮ່ວມໃນຄັ້ງນີ້ ເພື່ອໄປພັດທະນາ ໂຮງຮຽນຂອງຕົນເອງ ໄປສິດສອນບານເຕະໃຫ້ ກັບບັນດາເຍົາວະຊົນ ຊື່ງແຂວງເຊກອງ ນັບເປັນແຂວງທີ່ 3 ຖັດຈາກແຂວງບໍ່ແກ້ວແລະນະຄອນຫລວງວຽງຈັນທີ່ໄດ້ສຳເລັດກິດຈະກໍາຝຶກອົບຮົມຄູຝຶກກິລາບານເຕະໃນໂຄງການກິລາບານເຕະໃນໂຮງຮຽນ.

ທີມຊາດຍິງລາວ ຊຸດໃຫຍ່ ພາຍໃຕ້ການຄຸມທີມຂອງ ທ່ານ ໂທໂຢດະ ນາຢູຮະ (Toyoda Nayuha) ຄູຝຶກ ສັນຊາດຍີປຸ່ນ ແມ່ນໄດ້ນຳພານັກກິລາ ຝຶກຊ້ອມ ນັບຕັ້ງແຕ່ ວັນທີ 01 ຕຸລາ 2024 ເປັນຕົ້ນມາ ໂດຍໃນເບື້ອງຕົ້ນມີນັກກິລາ 25 ຄົນ ແລະ ສາມາດຄັດເລືືອກນັກກິລາ ໄດ້ 22 ຄົນ ເພື່ອເຂົ້າຮ່ວມ ການແຂ່ງຂັນບານເຕະ ນັດມິດຕະພາບ 3 ປະເທດ INTERNATIONAL WOMEN'S TOURNAMENT 2024 ຢູ່ປະເທດສະຫະລັດ ອາ ຣັບເອມີເລດ ເຊິ່ງປະກອບມີ 3 ປະເທດຄື: ມາເລເຊຍ, ລາວ ແລະ ຊາອຸດິ ອາຣັບບີ ແຂ່ງຂັນ ໃນລະຫວ່າງວັນທີ 20-31 ຕຸລາ 2024.

ຜ່ານການຕິດຕາມແລະຝຶກຊ້ອມ,ຄະນະບໍລິຫານງານສະຫະພັນບານເຕະແຫ່ງຊາດລາວ(ສຕລ)ສົມທົບກັບຄູຝຶກເຫັນດີປະກາດລາຍຊື່ຄະນະນຳ,ຄູຝຶກແລະນັກກິລາດັ່ງນີ້:

 ຄະນະນຳ,ຄູຝຶກທີ່ເດີນທາງໄປເຂົ້າຮວ່ມລວມ12ທ່ານມີລາຍຊື່ດັ່ງລຸ່ມນີ້:

       1. ທ່ານ  ປອ ບຸນຍູ້ ສີສານ ຄະນະບໍລິຫານງານ ສະຫະພັນບານເຕະແຫ່ງຊາດລາວ ເປັນຫົວຫນ້າຄະນະ

       2. ທ່ານ Toyoda Nayuha ຫົວຫນ້າຄູຝຶກ

       3. ທ່ານ ນ. ວິໄລວັນ ປັນຍານຸວົງ ຜູ້ຊ່ວຍຄູຝຶກ

       4. ທ່ານ ພຸດທະສັກ ສິລິກຸນ ຜູ້ຊ່ວຍຄູຝຶກ

       5. ທ່ານ ນາງ ພຸດ ຄຳສຸກຖາວົງ ຄູຝຶກຜູ້ຮັກສາປະຕູ

       6 .ທ່ານ ນາງ ມີນູ່ ພັກດີ ຜູ້ແປພາສາ

       7. ທ່ານ ນາງ ໄກເກສີ ພົມມະວັນ ຜູ້ຈັດການທີມ

       8 .ທ່ານ ນາງ ມະນີລາ ອາລຸນລັງສີ ບໍລິຫານທີມ

       9. ທ່ານ ຫຼ້າສະໃໝ່ ອຸປະກອນ

      10. ທ່ານ ນ. ຕິກຕ້າ ດວງພະຈັນ ແພດປະຈໍາທີມ

      11. ທ່ານ ນາງ ອ່ອນຕາ ມະນີແສງ ແພດປະຈໍາທີມ

      12. ທ່ານ ພຶດສະພາ ພັນນາມວົງ ສື່ມວນຊົນ

  ນັກກິລາ 22 ຄົນມີລາຍຊື່ດັ່ງລຸ່ມນີ້:

       + ຜູ້ຮັກສາປະຕູ

      1. ນາງ ພັດທະລາວະດີ ສໍໂພທິຣາຊ ຈາກ ສະໂມສອນບານເຕະ ຊ້າງນ້ອຍ

      2. ນາງ ຕາມົນ ສຸກທິວົງ ຈາກ ສະໂມສອນ ບານເຕະ ມາດສເຕີ

      + ກອງຫຼັງ

     3. ສາຍສະມອນ ອິນທະພອນ ຈາກ ສະໂມສອນ ບານເຕະ ທ່າຊ້າງ

     4. ທິບປະກອນ ສີວົງລາດ ຈາກ ສະໂມສອນ ບານເຕະ ທ່າຊ້າງ

     5. ວິລີນທອນ ວົງແສງທອງ ຈາກ ສະໂມສອນ ບານເຕະ ຊ້າງນ້ອຍ

     6. ວິໄລພອນ ແພງຊະນະ ຈາກ ສະໂມສອນ ບານເຕະ ຊ້າງນ້ອຍ

     7. ຄຳຫລ້າ ແກ້ວມະນີ ຈາກ ສະໂມສອນ ບານເຕະ ຊ້າງນ້ອຍ

     8. ຫຼ້ານ້ອຍ ວົງສິງຄໍາ ຈາກ ສະໂມສອນ ບານເຕະ ກອງທັບ

     9. ກາເຫວົາ ວົງພະຈັນ ຈາກ ສະໂມສອນ ບານເຕະ ເອັສອີຊີ

     10. ນິຊາ ສຸລາລຸ ຈາກ ສະໂມສອນ ບານເຕະ ເອັສອີຊີ

     11. ແອ່ນນ້າ ແກ້ວອ່ອນສີ ຈາກ ສະໂມສອນ ບານເຕະ ມາດສເຕີ

+ ກອງກາງ

      12. ອິນທິດາ ຄູນສີ ຈາກ ສະໂມສອນ ບານເຕະ ທ່າຊ້າງ

      13. ແສງເດືອນ ພົງໄພລັດ ຈາກ ສະໂມສອນ ບານເຕະ ມາດສເຕີ

      14. ເກມມີ້ ພັດດາລາ ຈາກ ສະໂມສອນ ບານເຕະ ຊ້າງນ້ອຍ

      15. ອາພັດສະລາ ຈັນທະວົງໄຊ ຈາກ ສະໂມສອນ ບານເຕະ ກອງທັບ

      16. ລັດດາ ວໍລະຈິດ ຈາກ ສະໂມສອນ ບານເຕະ ຫຼວງພະບາງ

      17. ສາຍຝົນ ທະມະນີ ຈາກ ສະໂມສອນ ບານເຕະ ຫຼວງພະບາງ

+ ກອງຫນ້າ

      18. ແກ້ມມີ້ ອຸດົມສຸກ ຈາກ ສະໂມສອນບານເຕະ ຊ້າງນ້ອຍ

      19. ແມັກຈັນທາ ພິມມະສອນ ຈາກ ສະໂມສອນບານເຕະ ຈຳປາສັກ

      20. ພະນິກອນ ວັນນະລາດ ຈາກ ສະໂມສອນ ບານເຕະ ເອັສອີຊີ

      21. ທອງດີ ຫຼວງທຸມມາລາ ຈາກ ສະໂມສອນ ບານເຕະ ກອງທັບ

      22. ນຸ້ນ ຈັນທະນາຮັກ ຈາກ ສະໂມສອນບານເຕະ ຫຼວງພະບາງ

ການແຂ່ງຂັນບານເຕະ ນັດມິດຕະພາບ 3 ປະເທດ INTERNATIONAL WOMEN'S TOURNAMENT 2024 ຈັດຂຶ້ນທີ່ສະຫະຣັດ ອາຣັບ ອີມີເຣດ ຮູບແບບການແຂ່ງຂັນແມ່ນພົບກັນຫມົດ. ສ່ວນຕາຕະລາງການແຂ່ງຂັນແມ່ນຈະແຈ້ງໃຫ້ຮັບຊາບພາຍຫຼັງ.ການເຂົ້າຮ່ວມ ການແຂ່ງຂັນບານເຕະນັດມີດຕະພາບໃນຄັ້ງນີ້ ທີມຊາດຍິງ ລາວ ຊຸດໃຫຍ່ ແມ່ນກະກຽມທີມ ເພຶ່ອເຂົ້າຮ່ວມ ການແຂ່ງຂັນ ບານເຕະຍິງຊີງແຊ້ມ ອາຊຽນ 2024 AFF WOMEN'S CUP 2024 ທີ່ ສປປລາວ ໄດ້ຮັບກຽດເປັນເຈົ້າພາບ ມີ 6 ປະເທດ ເຂົ້າຮ່ວມແຂ່ງຂັນ ໂດຍແບ່ງອອກເປັນ 2 ກຸ່ມ, ກຸ່ມA: ລາວ ( ເຈົ້າພາບ), ສິງກະໂປ ແລະ ຕີມໍ ເລສເຕ ແລະ ກຸ່ມ ບີ: ກຳປູເຈຍ, ມາເລເຊຍ ແລະ ອິນໂດເນເຊຍ

ກຳນົດການເດີນທາງ ທີມຊາດຍິງ ລາວ ຊຸດໃຫຍ່ ແມ່ນຈະອອກເດີນທາງໃນເວລາ 20:30 ຂອງວັນທີ 22 ຕຸລາ 2024.

ຕອນເຊົ້າ ວັນທີ 19 ຕຸລາ 2024 ຢູ່ທີ່ ສະຫະພັນບານເຕະແຫ່ງຊາດລາວ ໄດ້ມີພິທີຈັບສະຫລາກ ການແຂ່ງຂັນ ບານເຕະຍິງຊີງແຊ້ມ ອາຊຽນ 2024 AFF WOMEN'S CUP 2024 ໂດຍການໃຫ້ກຽດເຂົ້າຮ່ວມຂອງ ທ່ານ ນາງ ກັນຍາ ແກ້ວມະນີ ຮອງປະທານ ສະຫະພັນບານເຕະແຫ່ງຊາດລາວ ພ້ອມດ້ວຍຄະນະບໍລິຫານງານ ສະຫະພັນບານເຕະແຫ່ງຊາດລາວ, ຕາງຫນ້າ ຈາກ ສະຫະພັນບານເຕະອາຊຽນ ແລະ ສື່ມວນຊົນ ເຂົ້າຮ່ວມ. ຜົນການຈັບສະຫລາກ ການແຂ່ງຂັນ ບານເຕະຍິງຊີງແຊ້ມ ອາຊຽນ 2024  AFF WOMEN'S CUP 2024 ມີດັ່ງນີ້:

- ກຸ່ມ ເອ: ລາວ ( ເຈົ້າພາບ), ສິງກະໂປ ແລະ ຕີມໍ ເລສເຕ

- ກຸ່ມ ບີ: ກຳປູເຈຍ, ມາເລເຊຍ ແລະ ອິນໂດເນເຊຍ

 ຮູບແບບ ການແຂ່ງຂັນຮອບແບ່ງກຸ່ມແມ່ນແຂ່ງຂັນ ແບບພົບກັນຫມົດ, ທີມທີ່ໄດ້ອັນດັບ 1 – 2 ຂອງທັງ 2 ກຸ່ມ ແມ່ນຈະໄດ້ຜ່ານເຂົ້າສູ່ຮອບຮອງຊະນະເລີດ, ທີມທີ່ຊະນະໃນຮອບຮອງຊະນະເລີດ ຈະໄດ້ຜ່ານເຂົ້າໄປສູ່ຮອບຊີງຊະນະເລີດ, ທີມທີ່ເສຍຮອບຮອງຊະນະເລີດ ແມ່ນຈະໄດ້ຊີງອັນດັບທີ 3.

ການແຂ່ງຂັນລາຍການດັ່ງກ່າວແມ່ນ ຈະແຂ່ງຂັນໃນລະຫວ່າງ ວັນທີ 23 ພະຈິກ ຫາ 06 ທັນວາ 2024 ໂດຍ ສປປລາວ ໄດ້ຮັບກຽດເປັນເຈົ້າພາບ.

  ອັນດັບ1 ຫາ ອັນດັບ 4 ແມ່ນຈະສິດເຂົ້າຮ່ວມ ການແຂ່ງຂັນ ບານເຕະຍິງຊີງແຊ້ມ ອາຊຽນ ຮອບສຸດທ້າຍ ຮ່ວມກັບ ຫວຽດນາມ, ໄທ , ຟີລິບປິນ ແລະ ມຽນມາ. ສ່ວນຕາຕະລາງການແຂ່ງຂັນແມ່ນຈະແຈ້ງໃຫ້ຮັບຊາບຕາມພາຍຫລັງ.

        ການແຂ່ງຂັນລາວລີກ 2 ແຂວງຊຽງຂວາງ ໄດ້ຈົບລົງແລ້ວ ຫຼັງແຂ່ງຂັນກັນມາແຕ່ວັນທີ 16 ສິງຫາ 2024 ເຖິງວັນທີ 18 ຕຸລາ 2024 ມີທີມເຂົ້າຮ່ວມແຂ່ງຂັນທັງໝົດ 6 ທີມ ແຂ່ງຂັນທັງໝົດ ທີມລະ 10 ນັດ ທີມໃດມີຄະແນນຫຼາຍຈະໄດ້ແຊ໋ມໄປຄອງ.

        ຜົນການແຂ່ງຂັນທັງ 10 ນັດ ປະກົດວ່າ ສະໂມສອນ ເມືອງພວນ ສາມາດຄວ້າແຊ໋ມລີກ 2 ຊຽງຂວາງລະດູ 2024 ໄປຄອງໄດ້ສໍາເລັດ ດ້ວຍຜົນການແຂ່ງຂັນ 10 ນັດ ຊະນະ 8 ເສຍ 1 ສະເໝີ 1 ມີ 25 ຄະແນນ   

ສ່ວນຮອງແຊ໋ມເປັນຂອງ ສະໂມສອນ ກອງທັບ ຜົນການແຂ່ງຂັນ 10ນັດ ຊະນະ 7 ສະເໝີ 1 ເສຍ 2 ມີ 22 ຄະແນນ, ແລະອັນດັບ 3 ເປັນຂອງສະໂມສອນ ໄຊໂຍ ຜົນການແຂ່ງຂັນຊະນະ 5 ສະເໝີ 2 ເສຍ 3 ມີ 17 ຄະແນນ, 

ອັນດັບ 4 ສະໂສອນ ດວງຖາວອນ ຊະນະ 4 ສະເໝີ 1 ເສຍ 5 ມີ 13 ຄະແນນ, ອັນດັບ 5 ສະໂມສອນ ສຸລິວັນ (ເມືອງຄໍາ) ຊະນະ 3 ສະເໝີ 1 ເສຍ 6 ມີ 10 ຄະແນນ ແລະ ອັນດັບທ້າຍຕາຕະລາງ ເປັນຂອງເມືອງຄູນ ເສຍ 10 ມີ 0ຄະແນນ. 

        ສຳລັບທີມຄວ້າແຊ໋ມແມ່ນໄດ້ຮັບເງິນລາງວັນ 10ລ້ານກີບ, ຫຼຽນຄໍາ ພ້ອມຂັນ 1ໜ່ວຍ, ຮອງແຊ໋ມ ໄດ້ 7ລ້ານກີບ ພ້ອມຫຼຽນເງິນ ແລະ ອັນດັບ 3 ໄດ້ຮັບລາງວັນ 5 ລ້ານກີບ ພ້ອມຫຼຽນທອງ. ໃຫ້ກຽດຂຶ້ນມອບລາງວັນ ໂດຍທ່ານ ບຸນຈັນ ສີວົງພັນ ເຈົ້າແຂວງໆຊຽງຂວາງ, ທ່ານ ບົວເງິນ ຫຸມໄຊຍະພົມ ຮອງເຈົ້າແຂວງໆຊຽງຂວາງ, ຄະນະປະທານສະຫະພັນບານເຕະແຂວງ ຄະນະພະແນກສຶກສາທິການ ແລະ ກິລາແຂວງ. 

       ສະໂມສອນ ເມືອງພວນໃນນາມທີມຄວ້າແຊ໋ມແມ່ນໄດ້ສິດເຂົ້າຮ່ວມ ການແຂ່ງຂັນ ຊິງຂັນພະນະທ່ານ ນາຍົກລັດຖະ ມົນຕີ ແຫ່ງ ສປປ ລາວ ລະດູການ 2024/25 ໃນຖານະສະໂມສອນຊະນະເລີດ ລາວລີກ 2 ຂອງແຕ່ລະແຂວງ/ນະຄອນຫຼວງ 

ສະຫະພັນບານເຕະແຫ່ງຊາດລາວ ( ສຕລ ) ໄດ້ສຳເລັດການຈັດຝຶກອົບຮົມຄູຝຶກພາລະກຳລັງລະດັບ 1B ປະຈໍາປີ 2024 LFF/AFC Fitness Coaching Certificate Course Level 1B, ພິທິປິດຝຶກອົບຮົມດັ່ງກ່າວໄດ້ມີຂຶ້ນ ວັນທີ 18 ຕຸລາ 2024 ທີ່ຫ້ອງປະຊຸມ ສຕລ ໂດຍໃຫ້ກຽດເຂົ້າຮ່ວມຂອງ ທ່ານ ຈັນທະວົງ ສິລິມະໂນທຳ ຮັກສາການເລຂາທີການ ສະຫະພັນບານເຕະແຫ່ງຊາດລາວ, ທ່ານ ຊູນດຣໍາ ມູຣຕີ ( Sundram Moorthy ) ຫົວໜ້າພະແນກເຕັກນິກ - ວິທະຍາ ສຕລ, ທ່ານ ມາກ ຈອນ( Mark Jones ) ສັນຊາດອົສຕຣາລີ ຄູຝຶກສອນຈາກສະຫະພັນບານເຕະອາຊີ(AFC) ເປັນວິທະຍາກອນ ພ້ອມດ້ວຍວິຊາການທີ່ກ່ຽວຂ້ອງ ແລະ ບັນດາສໍາມະນາກອນຝຶກອົບຮົມເຂົ້າຮ່ວມ. ການຝຶກອົບຮົມຄູຝຶກໃນຄັ້ງນີ້ແມ່ນໄດ້ຮັບການຮັບຮອງຈາກAFC ຮ່ວມກັບ ສຕລ ຮັບຮອງ ແລະ ຕົກລົງຈັດຝຶກອົບຮົມຢ່າງເປັນທາງການ ຊຶ່ງເປັນຄັ້ງທໍາອິດທີ່ ສຕລ ໄດ້ຮັບກຽດໃນການຈັດຝຶກອົບຮົມໃນຄັ້ງນີ້ ໂດຍມີບັນດາສໍາມະນາກອນຝຶກອົບຮົມຈໍານວນທັງໝົດ 15ທ່ານ,ໃນນັ້ນມາຈາກປະເທດໄທ 3 ທ່ານ ແລະ ຄາເມຣູນ 1 ທ່ານ. ຈຸດປະສົງໃນການຝຶກອົບຮົມຄັ້ງນີ້ແມ່ນເພື່ອໃຫ້ຄູຝຶກທີ່ເຂົ້າຮ່ວມຝຶກອົບຮົມໄດ້ມີຄວາມຮູ້ກ່ຽວກັບວິທະຍາສາດການກິລາ,ມີການສຶກສາເຖິງຄວາມສໍາຄັນ ແລະ ຈຳເປັນດ້ານພາລະກໍາລັງສອດຄ່ອງກັບສະພາບຕົວຈິງ ເພື່ອນໍາຄວາມຮູ້, ປະສົບການໄປປັບປຸງພັດທະນານັກກິລາໃຫ້ມີຄວາມພ້ອມກັບການແຂ່ງຂັນກິລາບານເຕະທີ່ມີຄວາມເຂັ້ມຂຸ້ນແລະທັນສະໄໝຫຼາຍຂື້ນ.

  ທ່ານ ຈັນທະວົງ ສິລິມະໂນທຳ ຮັກສາການເລຂາທິການ ສຕລ ໄດ້ກ່າວປີດແລະໃຫ້ຄວາມເຫັນວ່າ: ເປັນໂອກາດດີທີ່ພວກເຮົາໄດ້ຮັບການຈັດຝຶກອົບຮົມໃນຄັ້ງນີ້ ເພື່ອສົ່ງຄວາມຮູ້ໃຫ້ບັນດາຄູຝຶກໃນລາວ ຊຶ່ງວຽກງານດັ່ງກ່າວ ເປັນທິດທາງແລະເປົ້າໝາຍທີ່ຕ້ອງການຍົກລະດັບຫຼາຍທີ່ສຸດ ແລະ ຢາກຮຽກຮ້ອງໃຫ້ຜູ້ເຂົ້າຮ່ວມນຳເອົາຄວາມຮູ້ ໃນການຮຽນຄັ້ງ ເອົານໍາໄປໃຊ້ໃຫ້ເກີດປະໂຫຍດສູງສຸດໃນການພັດທະນາວົງການບານເຕະລາວ, ພັດທະນາ ສະໂມສອນ ທີ່ຕົນເອງສັງກັດ ແລະ ພັດທະນາທີມຊາດລາວ ໃນອະນາຄົດ. ການຝຶກອົບຮົມແມ່ນໃຊ້ເວລາ 5 ວັນ ແຕ່ວັນທີ 14-18 ຕຸລາ 2024 ຊື່ງຜູ້ເຂົ້າຮ່ວມແມ່ນໄດ້ຮຽນຮູ້ກ່ຽວກັບວິທະຍາດສາດການກິລາ, ຄວາມຮູ້ພື້ນຖານຂອງການອອກກໍາລັງກາຍ, ຄວາມສໍາຄັນດ້ານພາລະກໍາລັງ, ໂພສະນາການຕ່າງໆ ແລະ ສາມາດວາງແຜນລະອຽດກ່ຽວກັບການອອກກໍາລັງກາຍໃຫ້ຖືກວິທີ.

ຕອນເຊົ້າ ວັນທີ 18 ຕຸລາ 2024 ທີ່ຜ່ານມາ ນີ້ ຢູ່ທີ່ຫ້ອງປະຊຸມພະແນກສຶກສາທິການ ແລະ ກິລາແຂວງເຊກອງ ໄດ້ມີພິທີ ເປີດຊຸດຝຶກອົບຮົມໂຄງການບານເຕະໃນໂຮງຮຽນ FIFA FOOTBALL FOR SCHOOLS ຂຶ້ນໃນລະຫວ່າງວັນທີ 18-20 ຕຸລາ 2024 ເຂົ້າຮ່ວມໃນພິທີເປິດໂດຍມີ ທ່ານ ສຸລິຄຳ ພອນທະລາ ຄະນະພັກຮາກຖານ ຮອງຫົວໜ້າພະແນກສຶກສາທິການ ແລະ ກິລາແຂວງ, ທ່ານ ສຸດທາລີ ລຸນສິລິ ຄູຝຶກສອນ ຈາກ ສະຫະພັນບານເຕະແຫ່ງຊາດລາວ ພ້ອມດ້ວຍຄະນະ ແລະ ນັກສຳມະນາກອນ ເຂົ້າຮ່ວມທັງຫມົດ 46 ທ່ານ ໃນນັ້ນເປັນຍິງ 2 ທ່ານ. ຈຸດປະສົງໃນການຝຶກອົບຮົມຄູຝຶກກິລາບານເຕະໃນໂຮງຮຽນຄັ້ງນີ້ແມ່ນເພື່ອຍົກລະດັບຄວາມຮູ້ຄວາມສາມາດແລະວິທີສິດສອນກິລາບານເຕະໃຫ້ກັບຄູພາລະສຶກສາທົ່ວແຂວງເຊກອງ ໄດ້ນໍາເອົາຫຼັກສູດແບບໃໝ່ໆຂອງກິລາບານເຕະໄປນໍາໃຊ້ຝຶກຢູ່ບັນດາໂຮງຮຽນໃນທົ່ວແຂວງເຊກອງ, ເພື່ອເປັນການພັດທະນານັກກິລາບານເຕະລຸ້ນສືບທອດກໍ່ຄືລຸ້ນເຍົາວະຊົນທັງປະເພດຍິງ-ຊາຍໃຫ້ກ້າວສູ່ຄຸນນະພາບສຸງຂື້ນ.ໃນນັ້ນ,ລວມມີການແນະນໍາການຝຶກແອບແບບໝູນສໍາລັບນັກກິລາໃຫ້ເຂົາເຈົ້າໄດ້ປັບປຸງຄວາມສາມາດຂອງນັກກິລາ,ຮູ້ທັກສະ,ມີໄຫວພິກໃນການຫຼີ້ນບານທີ່ຄ່ອງແຄ້ວ,ສ້າງຄວາມປະພຶດກໍ່ຄືມີນໍ້າໃຈນັກກິລາ, ເປັນສູນກາງເຂົ້າເຖິງນັກກິລາ, ເປັນຈຸດສຸມຂອງການພັດທະນານັກກິລາເຍົາວະຊົນ ຍິງ-ຊາຍ ເພື່ອອະນາຄົດ ແລະ ເປັນເວທີສອນນັກກິລາໃຫ້ຫຼີ້ນຫຼາຍກ່ວາເພື່ອເອົາຊະນະ ແລະ ເພື່ອສ້າງການພັດທະນາກິລາບານເຕະໃຫ້ມີຄວາມກ້າວໜ້າ ແລະ ພັດທະນາກິລາບານເຕະມີຄວາມສອດຄ່ອງ ແລະ ເອກກະພາບກັນໃນທົ່ວປະເທດ, ເພື່ອໃຫ້ການຝືກສອນນັບມື້ນັບມື້ມີມາດຕະຖານ ຮັບປະກັນທາງດ້ານປະລິມານ ແລະ ຄຸນນະພາບ.

ສະຫະພັນບານເຕະແຫ່ງຊາດລາວ ( ສຕລ ) ເປີດກອງປະຊຸມຄູຝຶກບານເຕະ ສຕລ 2024 LFF Coaching Conference 2024 ຂຶ້ນຢ່າງເປັນທາງການ ໃນຕອນເຊົ້າຂອງວັນທີ 12 ຕຸລາ 2024 ທີ່ຜ່ານມາຢູ່ ໂຮງແຮມລາວເທວ ພາຍໃຕ້ການເປັນປະທານໂດຍທ່ານ ວີເພັດ ສີຫາຈັກຣ ປະທານ ສຕລ, ມີຮອງປະທານ, ເລຂາທິການ ພ້ອມດ້ວຍຄະນະບໍລິຫານງານ ສຕລ, ຕາງຫນ້າຈາກ ກົມກິລາລະດັບສູງ ກະຊວງສຶກສາທິການ ແລະ ກິລາ, ຄູຝຶກ ແລະ ສື່ມວນຊົນເຂົ້າຮ່ວມຢ່າງພ້ອມພຽງ. ທ່ານ ວີເພັດ ສີຫາຈັກຣ ປະທານສະຫະພັນບານເຕະແຫ່ງຊາດລາວ ກ່າວໃນພິທີວ່າ: ການຈັດກອງປະຊຸມຄັ້ງນີ້ ຈັດຂຶ້ນເປັນຄັ້ງທໍາອິດ ເພື່ອເປັນການພັດທະນາກີລາບານເຕະຂອງພວກເຮົາ, ເຊິ່ງທີ່ຜ່ານມາພວກເຮົາກໍໄດ້ມີການຈັດຝຶກອົບຮົມ ຄູຝຶກບານເຕະ ເຮັດໃຫ້ບຸກຄະລະກອນຄູຝຶກບານເຕະລາວ ຫຼາຍຂຶ້ນໃນແຕ່ລະປີ ໂດຍສະເພາະປີນີ້ ມີການຝຶກອົບຮົມ C ລາຍເຊັນ ແລະ B ລາຍເຊັນ ລວມທັງໝົດ 6 ຄັ້ງ.

  ນອກນັ້ນ, ກໍຍັງມີຫຼາຍໆຫົວຂໍ້ທີ່ຍົກຂຶ້ນມາສົນທະເປັນຕົ້ນແມ່ນ ສົນທະນາກ່ຽວກັບເລື່ອງຄວາມໂປ່ງໃສຂອງຄູຝຶກ ແລະ ສົນທະນາກ່ຽວກັບການປົກປ້ອງສິດທິເດັກ ແລະ ອື່ນໆ, ກອງປະຊຸມຄັ້ງນີ້ກໍເພື່ອເປັນການແລກປ່ຽນຄວາມຄິດເຫັນບັນດາຄູຝຶກຢູ່ທີ່ ສປປລາວ, ມີບັນດາຄູຝຶກ ສະໂມສອນ ທີ່ເຂົົ້າຮ່ວມ ລາວລີກ 1.

ກອງປະຊຸມດັ່ງກ່າວ ແມ່ນໄດ້ດຳເນີນໄປເປັນໄລຍະ 1 ວັນ ແລະ ພິເສດໄດ້ມີການມອບໃບປະກາດຄູຝຶກ ເອ ລາຍເຊັນ ມີຜູ້ທີ່ສອບເສັງຜ່ານທັງຫມົດ 20 ທ່ານ ມີລາຍຊື່ດັ່ງລຸ່ມນີ້:

          1. ທ່ານ ບຸນມາ ປະຖໍາມະວົງ ຈາກ ສະໂມສອນ ມາສດ້າ ຈີບີ

          2. ທ່ານ ຄໍາໃສ ຈັນທະວົງ ຈາກ ສະໂມສອນ ຄໍາໃສ ອະຄາເດີມີ

          3. ທ່ານ ວົງມີໄຊ ສຸບົວຄໍາ ຈາກ ສະຫະພັນບານເຕະແຫ່ງຊາດລາວ

          4. ທ່ານ ພຸດປະສົງ ແສງດາລາວົງ ຈາກ ສະໂມສອນ ຊ້າງນ້ອຍ

          5. ທ່ານ ສຸກ ວົງວີມານ ຈາກ ສະໂມສອນ ສະຫວັນ ຢູໄນເຕັດ

          6. ທ່ານ ວຽງສະຫວັນ ໄຊຍະບູນ ຈາກ ສະໂມສອນ ກອງທັບ

          7. ທ່ານ ບຸນລັບ ເຄນກິຕິສັກ ຈາກ ສະໂມສອນ ວຽງຈັນ ເອຟທີ

          8. ທ່ານ ກັນລະຍາ ສີສົມຫວັງ ຈາກ ສະຫະພັນບານເຕະແຫ່ງຊາດລາວ

          9. ທ່ານ ພູເພັດ ສານຸວົງ ຈາກ ສະຫະພັນບານເຕະແຂວງຄໍາມ່ວນ

         10. ທ່ານ ໂອເລ້ ບູສະອາດ ຈາກ ສະໂມສອນ ມາສດ້າ ຈີບີ

         11. ທ່ານ ພູມປັນຍາ ໄຊຊະນະວົງເພັດ ຈາກ ສະໂມສອນ ມາສດ້າ ຈີບີ

         12. ທ່ານ ສົມພູ ດວງດາລາ ຈາກ ສະຫະພັນບານເຕະແຫ່ງຊາດລາວ

         13. ທ່ານ ຈັນທະຄາດ ສ່ຽນຜ່ອງໃສ ຈາກ ສະໂມສອນ ທ່າຊ້າງ

         14. ທ່ານ ພອນປະດິດ ໄຊຍະວົງ ຈາກ ກະຊວງປ້ອງກັນຄວາມສະຫງົບ

         15. ທ່ານ ຄຣິດຕະໄຊ ວົງສິມ ( ປະເທດໄທ ) ຈາກ ສະໂມສອນ ວຽງຈັນ

         16. ທ່ານ ສາກອນ ແສງຫານ ( ປະເທດໄທ )

         17. ທ່ານ ເອກກະພົບ ໂພທິໃສ ( ປະເທດໄທ )

         18. ທ່ານ ປີຍະ ແກ້ວງອກ ( ປະເທດໄທ ) ຈາກ ສະໂມສອນ ມາສດ້າ ຈີບີ

         19. ທ່ານ ພັນທະວັດ ສຸພາວະສັນຕິຊົນ ( ປະເທດໄທ ) ຈາກ ສະໂມສອນ ຈັນທະບູລີ

         20. ທ່ານ ສຸຄຣິດ ໂຢທີ  ( ປະເທດໄທ ) 

ກ່ອນຫນ້ານັ້ນສປປລາວມີຄູຝຶກລະດັບ Aມາແລວ7ທ່ານຄືທ່ານ ວາລະກອນ ພົມພັກດີ, ທ່ານ ໂກວັນ ນາມທະວີໄຊ, ທ່ານ ນ.ພອນທິບ ແສງມະນີ, ທ່ານ ຈັນດາລາພອນ ລຽບວິໄຊ, ທ່ານ ສົມສັກ ແກ້ວດາລາ, ທ່ານ ເວີນສະຫວັນ ສີວິໄຊ ແລະ ທ່ານ ນ. ດອນສະຫວັນ ໄຊຍະສົມບັດ,ບວກໃສ່ອີກຄັ້ງນີ້ໄດ້ເພີ່ມຕື່ມອີກ 14 ທ່ານລວມເປັນທັງໝົດ21ທ່ານ.