ສະຫະພັນບານເຕະແຫ່ງຊາດລາວ ຂໍເຊີນບັນດາທ່ານ ຫຼື ຮ້ານອາຫານ ທີ່ມີຄວາມສົນໃຈໃນການໃຫ້ບໍລິການອາຫານ ແລະ ເຄື່ອງດື່ມ ທີ່ຫ້ອງອາຫານ ສູນຝຶກກິລາບານເຕະ ຂອງສະຫະພັນບານເຕະແຫ່ງຊາດລາວ ທີ່ ບ້ານຫ້ວຍຫົງ, ເມືອງຈັນທະບູລີ, ນະຄອນຫຼວງວຽງຈັນ ໂດຍມີລາຍລະອຽດ ແລະ ເງື່ອນໄຂດັ່ງລຸ່ມນີ້:

ເງື່ອນໄຂໃນການສຳປະທານ ຫ້ອງອາຫານ ສູນຝຶກຫ້ວຍຫົງ ແລະ ສູນຝຶກ ຫລັກ16

- ສິ່ງອຳນວຍຄວາມສະດວກທີ່ ສະຫະພັນບານເຕະແຫ່ງຊາດລາວ ປະກອບໃຫ້ ມີຄື: ໝາຍເຫດ

1. ສະຖານທີ່ຕຶກຫ້ອງອາຫານປະກອບມີ: ຫ້ອງຄົວ, ຫ້ອງນໍ້າ, ໂຕະຕັ່ງຈໍານວນໜຶ່ງ, ລະບົບໄຟຟ້າ-ນໍ້າປະປາ, ດອກໄຟ, ພັດລົມເພດານ, ພັດລົມດູດອາກາດ ແລະ ແອເຢັນ.

2. ຮັກສາຄວາມປອດໄພ (ມີພະນັກງານເວນຍາມຕະຫຼອດ 24 ຊົ່ວໂມງ)

- ພັນທະ ແລະ ເງື່ອນໄຂຂອງຜູ້ສຳປະທານ ມີຄື:

1. ຜູ້ສຳປະທານ ຈະຕ້ອງມີໃບທະບຽນວິສາຫະກິດ(ຮ້ານອາຫານ) ແລະ ມີເລກບັນຊີທະນາຄານ ອອກຊື່ຄືກັນກັບໃບທະບຽນວິສາຫະກິດຂອງຕົນ

2. ຈ່າຍຄ່າສຳປະທານ ກຳນົດ ໄລຍະ 2 ປີ (ສາມາດຈ່າຍເປັນລາຍເດືອນໄດ້)

3. ຈະຕ້ອງໄດ້ກຸ້ມຕົນເອງ ກ່ຽວກັບ ອຸປະກອນຕ່າງໆ ທີ່ປະກອບໃນຫ້ອງອາຫານ ເຊັ່ນ: ໂຕະຕັ່ງ, ເຄື່ອງຄົວແຕ່ງກິນ, ຖ້ວຍບ່ວງ ແລະ ເຄື່ອງສິ່ງອໍານວຍຄວາມສະດວກສຳລັບຫ້ອງອາຫານ.

4. ຮັບຜິດຊອບ ຈ່າຍຄ່າ ໄຟຟ້າ, ນໍ້າປະປາ, ຂີ້ເຫຍື້ອ (ຊ່ວງໄລຍະຂອງການສຳປະທານຫ້ອງອາຫານ).

5. ໃຫ້ບໍລິການອາຫານ ແລະ ເຄື່ອງດື່ມ ໃຫ້ຖືກສຸຂະອະນາໄມ ແລະ ບໍ່ໝົດອາຍຸ

- ສິດ ແລະ ແຫລ່ງລາຍຮັບ: ຜູ້ສຳປະທານຈະໄດ້ຮັບສິດໃນການບໍລິການອາຫານ ແລະ ເຄື່ອງດື່ມ ພາຍໃນສູນຫ້ວຍຫົງ ມີຄື:

1. ສາມາດຂາຍອາຫານໃຫ້ພະນັກງານ ສຕລ ແລະ ຄົນນອກທົ່ວໄປ

2. ຈັດອາຫານໃຫ້ທີມຊາດທຸກລຸ້ນ ທີ່ໄດ້ເຂົ້ານອນສູນຝຶກຫ້ວຍຫົງ ແລະ ສູນຝຶກ ຫລັກ16 ເພື່ອກະກຽມໄປເຂົ້າຮ່ວມການແຂ່ງຂັນທຸກລາຍການ.

3. ທີມສະໂມສອນທີ່ໄດ້ເຂົ້າມາຝຶກແອບ (ຂໍນໍາໃຊ້ສະໜາມຫ້ວຍຫົງ) ເດີ່ນບານຫຍ້າທຽມ 2 ເດີ່ນ, ເດີນນ້ອຍ 1 ເດີ່ນ ແລະ 1 ເດີ່ນຟຸດຊໍ.

- ບັນດາກິດຈະກຳຕ່າງໆ ມີຄື:

1. ສໍາລັບທຸກໆລາຍການແຂ່ງຂັນ ທີ່ ສຕລ ຈັດໃນສູນຫ້ວຍຫົງ

2. ສູນຝຶກ ຈໍາປີ-ຈໍາປາ ແມ່ນຈັດເປັນປະຈໍາໃນ ວັນເສົາ ແລະ ວັນອາທິດ

3. ລາຍການແຂ່ງຂັນທີ່ຈັດພາຍໃນສູນຝຶກຫ້ວຍຫົງ ເຊັ່ນ: ການແຂ່ງຂັນບານເຕະເຍົາວະຊົນ, ການແຂ່ງຂັນຟຸດຊໍ ແລະ ລາຍການອື່ນໆ…

4. ຫຼັກສູດຈັດຝຶກອົບຮົມວິຊາການຕ່າງໆ ທີ່ຮັບໃຊ້ແກ່ກິລາບານເຕະ

5.​ ຫຼັກສູດຈັດຝຶກອົບຮົມກຳມະການຕັດສິນຂອງແຕ່ລະລາຍການແຂ່ງຂັນ

6. ຫຼັກສູດຝຶກອົບຮົມຄູຝຶກລະດັບຕ່າງໆ

(ສໍາລັບຫຼັກສູດຝຶກອົບຮົມແຕ່ລະຫຼັກສູດ ຈະຈັດຢ່າງໜ້ອຍ 2 ຄັ້ງຕໍ່ປີ, ຈະມີຜູ້ເຂົ້າຮ່ວມປະມານ 30 ຄົນ ແລະ ໃຊ້ເວລາເລີ່ມແຕ່ 1 ອາທິດ ຫາ 3 ອາທິດ ຕໍ່ໜຶ່ງຫລັກສູດ)

ຖ້າຫາກທ່ານມີຄວາມສົນໃຈ ກະລຸນາສົ່ງ ໜັງສືແຈ້ງເຈດຈໍານົງ ມາໃຫ້ ທ່ານ ນາງ ທິບພະພອນ ພານິດ ເບີໂທ 020 9444 3782 ຖ້າຫາກທ່ານເຄີຍມີປະສົບການໃຫ້ບໍລິການດັ່ງກ່າວ ຈະພິຈາລະນາເປັນພິເສດ.

ປິດຮັບ ວັນທີ 11 ກໍລະກົດ 2025 ເວລາ 15:00 ໂມງ

ການແຂ່ງຂັນບານເຕະລີກ 2 ຂອງແຂວງສະຫວັນນະເຂດຈະໄດ້ເລີ້ມຕົ້ນໃນວັນທີ 06 ກໍລະກົດ 2025 ໂດຍມີສະໂມສອນເຂົ້າຮ່ວມທັງໝົດ 8 ສະໂມສອນຄື:

1. ສະໂມສອນກິລາບານເຕະ ທະຫານແຂວງ

2. ສະໂມສອນກິລາບານເຕະ ລີລາວະດີ

3. ສະໂມສອນກິລາບານເຕະ ສະຫວັນຢູໄນເຕັດ

4. ສະໂມສອນກິລາບານເຕະ ທອມມີ

5. ສະໂມສອນກິລາບານເຕະ ເຊໂນ

6. ສະໂມສອນກິລາບານເຕະ ມະຫາວິທະຍາໄລສະຫວັນນະເຂດ

7. ສະໂມສອນກິລາບານເຕະ ສົງເປືອຍ

8. ສະໂມສອນ ຊຸບເປິ້ຄີມ

ການແຂ່ງຂັນແຕ່ລະນັດແມ່ນຈະໄດ້ຈັດຂຶ້ນຢູ່ທີ່ສະໜາມກິລາຫຼັກ 4 ແຂວງສະຫວັນນະເຂດ ແລະ ຈະສິ້ນສຸດລົງພາຍໃນເດືອນ 09/2025. ລວມການແຂ່ງຂັນທັງໝົດມີ 42 ນັດ ເຊິ່ງຈະແຂ່ງຂັນ 4 ມື້ຕໍ່ອາທິດຄື ໃນວັນເສົາ, ອາທິດ, ອັງຄານ ແລະ ວັນພຸດ.

ໃນການຈັດການແຂ່ງຂັນລາວລີກ 2 ຂອງແຕ່ລະແຂວງ ແລະ ນະຄອນຫຼວງວຽງຈັນ,ສະຫະພັນບານເຕະແຫ່ງຊາດລາວ (ສຕລ) ໄດ້ໃຫ້ການສະຫນັບສະຫນູນງົບປະມານໃຫ້ແຕ່ລະແຂວງຈັດການແຂ່ງຂັນລາວລີກ 2, ການແຂ່ງຂັນລະດັບມັດທະຍົມຕົ້ນ(ຊາຍ-ຍິງ) ແລະ ລະດັບມັດທະຍົມປາຍ(ຊາຍ-ຍິງ).

ການແຂ່ງຂັນບານເຕະ ລາວໂຕໂຢຕ້າ ພາກໃຕ້ແຂວງຈຳປາສັກ ລາວລີກ 2 ປະຈຳປີ 2025 ມີສະໂມສອນເຂົ້າຮ່ວມທັງໝົດ 8 ສະໂມສອນດັ່ງນີ້:

1. ສະໂມສອນ ກິລາບານເຕະ ຂົງເຂດປົກປ້ອງກົດໝາຍ ແຂວງຈໍາປາສັກ;

2. ສະໂມສອນ ກິລາບານເຕະ ສຸລິຍະວົງ;

3. ສະໂມສອນ ກິລາບານເຕະ ໂຮງຫຼໍ່ການໄຊ;

4. ສະໂມສອນ ກິລາບານເຕະ ບາຈຽງ;

5. ສະໂມສອນ ກິລາບານເຕະ ສະຖາບັນຈຸລະພາກ ພຸດພະຈັນ;

6. ສະໂມສອນ ກິລາບານເຕະ PT STORE ປາກຊ່ອງ;

7. ສະໂມສອນ ກິລາບານເຕະ ສະມາໂບຣກເກີ້

8. ສະໂມສອນ ກິລາບານເຕະ ພົມປັນຍາຟາມ.

ການແຂ່ງຂັນແມ່ນຈັດຂຶ້ນຢູ່ທີ່ສະຫນາມກິລາແຂວງຈຳປາສັກເຊິ່ງເປັນສະໜາມຫຼັກໃນການດຳເນີນການແຂ່ງຂັນ ແລະ ນໍາໃຊ້ຮູບແບບການແຂ່ງຂັນແບບພົບກັນຫມົດຈຳນວນ 2 ຮອບ ຂາໄປ ແລະ ຂາກັບ.

ມາຮອດປັດຈຸບັນນີ້ການແຂ່ງຂັນໄດ້ດຳເນີນມາເປັນອາທິດທີ 5 ແລ້ວ ເຊິ່ງຜົນການແຂ່ງຂັນແມ່ນສະຫຼຸບໄດ້ດັ່ງນີ້:

ວັນທີ 21/06/2025 ມີການແຂ່ງຂັນ 2 ຄູ່

• ສະໂມສອນກິລາບານເຕະ ໂຮງຫຼໍ່ການໄຊ ສະເໝີ ສະໂມສອນກິລາບານເຕະ ສະຖາບັນການເງິນຈຸລະພາກ

ພຸດພະຈັນ 1 – 1

• ສະໂມສອນກິລາບານເຕະ ຂົງເຂດປົກປ້ອງກົດໝາຍແຂວງຈຳປາສັກ ຊະນະ ສະໂມສອນກິລາບານເຕະ ສະມາຍໂບຣກເກີ 4 – 0

ວັນທີ 22/06/2025 ການແຂ່ງຂັນມີ 1 ຄູ່

• ສະໂມສອນກິລາບານເຕະ ພົມປັນຍາ ຟຣາມ ເສຍໃຫ້ ສະໂມສອນກິລາບານເຕະ ສຸລິຍະວົງ 2 – 5

ໃນການຈັດການແຂ່ງຂັນລາວລີກ 2 ຂອງແຕ່ລະແຂວງ ແລະ ນະຄອນຫຼວງວຽງຈັນ,ສະຫະພັນບານເຕະແຫ່ງຊາດລາວ (ສຕລ) ໄດ້ໃຫ້ການສະຫນັບສະຫນູນງົບປະມານໃຫ້ແຕ່ລະແຂວງຈັດການແຂ່ງຂັນລາວລີກ 2, ການແຂ່ງຂັນລະດັບມັດທະຍົມຕົ້ນ(ຊາຍ-ຍິງ) ແລະ ລະດັບມັດທະຍົມປາຍ(ຊາຍ-ຍິງ).

ການແຂ່ງຂັນບານເຕະລາວລີກ 2 ທີ່ແຂວງສາລະວັນໄດ້ເລີ້ມເປີດສາກ ໃນວັນທີວັນທີ 21/06/2025. ໂດຍຊື່ການແຂ່ງຂັນຢ່າງເປັນທາງການກໍຄື ຈຸງຢາອີຊີ ຊີມັງລາວ ສາລະວັນລີກ 2 ແລະ ສະໂມສອນທີ່ມາເຂົ້າຮ່ວມທັງໝົດມີ 6 ສະໂມສອນດັ່ງນີ້:

1. ສະໂມສອນກິລາບານເຕະ ຮັກແພງ ເອັຟຊີ

2. ສະໂມສອນກິລາບານເຕະ ມສ ສາລະວັນ

3. ສະໂມສອນກິລາບານເຕະ ບ່າວດອຍ

4. ສະໂມສອນກິລາບານເຕະ ຊີພີ ສະປອດ

5. ສະໂມສອນກິລາບານເຕະ ປກສ ແຂວງ

6. ສະໂມສອນກິລາບານເຕະ ບັນໄດຝັນ

ຜ່ານການແຂ່ງຂັນໃນອາທິດທີ 1 ຜ່ານມາ,ຜົນການແຂ່ງຂັນມີດັ່ງນີ້:

ສະໂມສອນກິລາບານເຕະ ຮັກແພງ ເອັຟຊີ ຊະນະ ສະໂມສອນກິລາບານເຕະ ມສ ສາລະວັນ 3 – 1

ສະໂມສອນກິລາບານເຕະ ບ່າວດອຍ ເສຍໃຫ້ ສະໂມສອນກິລາບານເຕະ ຊີພີສະປອດ 2 – 7

ສະໂມສອນກິລາບານເຕະ ປກສ ແຂວງ ຊະນະ ສະໂມສອນກິລາບານເຕະ ບັນໄດຝັນ 3 – 1

ສຳລັບລາຍການແຂ່ງຂັນໃນອາທິດທີ 2 ວັນທີ 28/06/2025 ມີດັ່ງນີ້:

ສະໂມສອນກິລາບານເຕະ ຮັກແພງ ພົບກັບ ສະໂມສອນກິລາບານເຕະ ຊີພີ ສະປອດ

ສະໂມສອນກິລາບານເຕະ ປກສ ແຂວງ ພົບກັບ ສະໂມສອນກິລາບານເຕະ ບ່າວດອຍ

ສະໂມສອນກິລາບານເຕະ ບັນໄດຝັນ ເອັຟຊີ ພົບກັບ ສະໂມສອນກິລາບານເຕະ ມສ ສາລະວັນ

ໃນການຈັດການແຂ່ງຂັນລາວລີກ 2 ຂອງແຕ່ລະແຂວງ ແລະ ນະຄອນຫຼວງວຽງຈັນ,ສະຫະພັນບານເຕະແຫ່ງຊາດລາວ (ສຕລ) ໄດ້ໃຫ້ການສະຫນັບສະຫນູນງົບປະມານໃຫ້ແຕ່ລະແຂວງຈັດການແຂ່ງຂັນລາວລີກ 2, ການແຂ່ງຂັນລະດັບມັດທະຍົມຕົ້ນ(ຊາຍ-ຍິງ) ແລະ ລະດັບມັດທະຍົມປາຍ(ຊາຍ-ຍິງ).

ສະຫະພັນບານເຕະແຫ່ງຊາດລາວ ຂໍຖືແຈ້ງມາຍັງບັນດາທ່ານຜູ້ທີ່ມີຄວາມສົນໃຈກ່ຽວກັບໜ້າວຽກການຈັດການແຂ່ງຂັນກິລາບານເຕະ ຊາບກ່ຽວກັບການຈັດຝຶກອົມຮົມຜູ້ຄວບຄຸມການແຂ່ງຂັນ ແລະ ຜູ້ປະສານງານການແຂ່ງຂັນ ຊຸດໃໝ່ MC&GC WORKSHOP 2025ລະຫວ່າງ ວັນທີ 2-4 ກໍລະກົດ 2025, ໂດຍມີຈຸດປະສົງເພື່ອສ້າງ ຜູ້ຄວບຄຸມການແຂ່ງຂັນ ແລະ ຜູ້ປະສານງານການແຂ່ງຂັນຂອງ ສະຫະພັນບານເຕະແຫ່ງຊາດລາວ ຊຸດໃໝ່ເພື່ອຕອບສະໜອງໃຫ້ກັບວຽກງານການຈັດການແຂ່ງຂັນຂອງ ສຕລ ເຊິ່ງລາຍລະອຽດມີດັ່ງລຸ່ມນີ້:

+ ກໍານົດການ

- ວັນທີ 2-4 ກໍລະກົດ 2025

+ ສະຖານທີ່

- ຫ້ອງປະຊຸມ ສະຫະພັນບານເຕະແຫ່ງຊາດລາວ, ບ້ານຫ້ວຍຫົງ, ເມືອງຈັນທະບູລີ, ນະຄອນຫຼວງວຽງຈັນ.

+ ເງື່ອນໄຂຜູ້ເຂົ້າຮ່ວມ

• ຜູ້ເຂົ້າຮ່ວມຕ້ອງມີອາຍຸ 19 ປີຂື້ນໄປ ທີ່ມີຄວາມສົນໃຈໃນວຽກງານບານເຕະທົ່ວໄປ.

• ຜູ້ທີ່ບໍ່ເຄີຍຜ່ານການຝຶກອົບຮົມຂອງສະຫະພັນບານເຕະແຫ່ງຊາດລາວ ກໍສາມາດເຂົ້າຮ່ວມໄດ້.

• ສາມາດສື່ສານ ຫຼື ຂຽນ ພາສາອັງກິດຂັ້ນພຶ້ນຖານໄດ້.

• ສາມາດໃຊ້ຄອມພິວເຕີ MICROSOFT WORD, MICROSOFT EXCEL, MICROSOFT POWER POINT.

• ຈັດກັດຜູ້ເຂົ້າຮ່ວມ 15 ທ່ານ

+ ນະໂຍບາຍຕໍ່ຜູ້ເຂົ້າຮ່ວມຝຶກອົບຮົມ

• ເຂົ້າຮ່ວມຝຶກອົບຮົມ ໂດຍບໍ່ເສຍຄ່າ.

• ອຸປະກອນເຄື່ອງຂຽນ.

• ອາຫານວ່າງ ແລະ ນໍ້າດື່ມທີ່ໃຊ້ໃນການຝຶກອົບຮົມ.

• ອາຫານທ່ຽງສຳຫຼັບຜູ້ເຂົ້າຮ່ວມຝຶກອົບຮົມ.

• ເສື້ອໂປໂລ້ ຈາກ ສຕລ.

+ ຂັ້ນຕອນການສະໝັກເຂົ້າຮ່ວມຝຶກອົບຮົມ

  ຜູ້ທີ່ສົນໃຈ ສາມາດສົ່ງຟອມສະໝັກ ພ້ອມຮູບພາບຕິດບັດ ໂດຍ ສຕລ ຈະມີແບບຟອມສົ່ງໃຫ້ປະກອບຂໍ້ມູນ ຫຼັງຈາກປະກອບຂໍມູນສຳເລັດແລ້ວ ໃຫ້ສົ່ງແບບຟອມກັບຄະນະຮັບຜິດຊອບ ຫຼື ຕິດຕໍ່ຜ່ານທາງ ເບີໂທ ຫຼື ວ໋ອດແອບ ທີ່ເບີຜູ້ຮັບຜິດຊອບທາງດ້ານລຸ່ມ ນັບຕັ້ງແຕ່ມື້ນີ້ ຈົນເຖິງ ວັນທີ 30 ມິຖຸນາ 2025.

ສອບຖາມຂໍ້ມູນເພີ່ມເຕີມ: ທ. ສູກພະໄຊ ສູລະສິນ (ໜຶ່ງ) (ເບີໂທ,W.A) +856 20 56425845, ນ. ທິດາພອນ ອູໄທຍະວົງ (ນ້ອງ) (ເບີໂທ,W.A) +856 20 76662200 

       ການແຂ່ງຂັນບານເຕະລາວລີກຍິງ ປະຈຳປີ 2025 ( Lao Women's League 2025)ຈະເປີດສາກຢ່າງເປັນທາງການໃນວັນອາທິດ 22ມິຖຸນາ ຫາ 11 ກັນຍາ 2025, ເຊິ່ງການແຂ່ງຂັນແມ່ນແຂ່ງຂັນແບບລີກ ພົບກັນໝົດທັງ 2 ຮອບ ໂດຍມີ 10 ທີມ ເຂົ້າຮ່ວມປະກອບມີ:

1. ມາດສເຕີ້ 

2. ກອງທັບ

3. ເອັສອີຊີ 

4. ນໍ້າທາ 

5. ມັດສະດ້າ ຈີບີ

6. ໄຊເສດຖາ

7. ມະຫາວິທະຍາໄລວິທະຍາສາດສຸຂະພາບ

8. ບໍລິຄຳໄຊ

9. ເຄພີເອັສ

10. ເຊໂນ ຈາກແຂວງສະຫວັນນະເຂດ

      ການແຂ່ງຂັນຄັ້ງນີ້ຈະນຳໃຊ້ 6 ສະຫນາມຄື: ສະຫນາມກິລາແຫ່ງຊາດຫຼັກ 16 ສະຫນາມນອກ, ສະຫນາມກິລາສູນຝຶກຫ້ວຍຫົງ ( 2 ສະຫນາມ), ສະຫນາມກິລາກອງທັບ ຫຼັກ 5, ສະຫນາມກິລາສະຖານບັນກິລາ-ກາຍຍະກຳ ( ສີເກີດ ) ແລະ ສະຫນາມກິລາລ້ານຊ້າງ.

       ຕາຕະລາງການແຂ່ງຂັນ ນັດທຳອິດ 3 ຄູ່ ແມ່ນເລື່ອນການແຂ່ງຂັນ ເນື່ອງຈາກນັກກິລາພາຍໃນທີມ ມາດສເຕີ, ເອັສອີຊີ ແລະ ກອງທັບ ຕິດທີມຊາດຊຸດຈະເຂົ້າຮ່ວມ ຊິງແຊ້ມອາຊີ 2026 ຮອບຄັດເລືອກ ກຸ່ມ F ຊຶ່ງຈະແຂ່ງຂັນຢູ່ ອຸສເບກິສຖານ ລະຫວ່າງວັນທີ 29 ມິຖຸນາ - 5 ກໍະລະກົດ 2025 ນີ້ ໂດຍຕາມຂໍ້ກຳນົດສະໂມສອນໃດມີນັກກິລາຕິດທີມ 3 ຄົນຂຶ້ນໄປ ແມ່ນໄດ້ເລື່ອນການແຂ່ງຂັນອອກໄປ ຕາມຕາຕະລາງ ມາດສເຕີ ຈະພົບກັບ ເຊໂນ, ເຄພີເອັສ ພົບ ກອງທັບ ແລະ ອັສອີຊີ ພົບ ໄຊເສດຖາ ວັນທີ 22 ມິຖຸນາ 2025.

      ສ່ວນອີກ 2 ຄູ່ຍັງແຂ່ງຕາມກຳນົດເດີມ ວັນທີ 22 ມິຖຸນາທີ່ຈະມາເຖິງນີ້: ບໍລິຄຳໄຊ ພົບ ຈີບີ ເອັຟຊີ ເວລາ 16:00 ທີ່ສະໜາມ ສູນຝຶກສະຫະພັນບານເຕະແຫ່ງຊາດລາວຫ້ວຍຫົງ ສະໜາມ 2, ມະຫາວິທະຍາໄລ ວິທະຍາສາດ ສຸຂະພາບ ພົບ ນໍ້າທາ ຢູໄນເຕັດ ເວລາ 16:00 ທີ່ສະໜາມກິລາລ້ານຊ້າງ ບ້ານໜອງໄຮ ເມືອງຫາດຊາຍຟອງ ນະຄອນຫລວງວຽງຈັນ.

ຮູບແບບການແຂ່ງຂັນພົບກັນໝົດ 2 ຮອບ ທີມໜຶ່ງຕ້ອງແຂ່ງ 18 ນັດ, ທີມທີ່ມີຄະແນນຫລາຍສຸດເປັນແຊ້ມ ຖ້າຄະແນນເທົ່າກັນມາໄລ່ Head to Head ຫລື ສະຖິຕິການພົບກັນ, ຖ້າຫາກຄະແນນ ແລະ ສະຖິຕິຍັງເທົ່າກັນ ຈະມາໄລ່ປະຕູໄດ້ເສຍ.

 ທຸກໆຄູ່ແມ່ນສາມາດຕິດຕາມການຖ່າຍທອດສົດໄດ້ທີ່ YOUTUBE : LAOFF TV.

           ໃນລະຫວ່າງວັນທີ 17-20 ມິຖຸນາ 2025 ສະຫະພັນບານເຕະແຫ່ງຊາດລາວ(ສຕລ)ໄດ້ເປີດຊຸດຝຶກອົບຮົມກໍາມະການຕັດສິນ ຂື້ນຢູ່ທີ່ແຂວງຈໍາປາສັກ ໂດຍການເຂົ້າຮ່ວມຂອງ ທ່ານ ໄຊປະເສີດ ພົງສະນິດ ຫົວໜ້າພະແນກກຳມະການຕັດສິນ ສຕລ ພ້ອມຄະນະວິທະຍາກອນຈາກ ສຕລແລະມີສໍາມະນາກອນທີເປັນກໍາມະການຕັດສິນ ຈາກຫຼາຍພາກສ່ວນໃນ 9 ເມືອງ, 1 ນະຄອນຂອງແຂວງຈໍາປາສັກເຂົ້າຮວມ. ການຝຶກອົບຮົມໃນຄັ້ງນີ້ແມ່ນໂຄງການປະຈຳປີຂອງ ສຕລ, ເພື່ອເປົ້າໝາຍພັດທະນາທັກສະຄວາມຮູ້ຄວາມສາມາດທາງດ້ານທິດສະດີ ແລະ ການປະຕິບັດຕົວຈິງໃຫ້ແກ່ກຳມະການຕັດສິນ, ພ້ອມດຽວກັນນັ້ນ ຜູ້ເຂົ້າຮ່ວມຍັງຈະໄດ້ຮຽນຮູ້ກະຕິກາ ກິລາບານເຕະທີ່ມີການປັບປຸງໃໝ່, ການຂຽນບົດລາຍງານຂອງກໍາມະການຕັດສິນໃຫ້ຖືກຕ້ອງຕາມຫລັກການຂອງFIFA.

          ໂອກາດນີ້, ທ່ານ ໄຊປະເສີດ ພົງສະນິດ ຫົວໜ້າພະແນກກຳມະການຕັດສິນ ສຕລ ໄດ້ໃຫ້ຮູ້ວ່າ: ເພື່ອເປັນການພັດທະນາ ແລະ ຍົກສູງຂີດຄວາມສາມາເດຂອງກຳມະການຕັດສິນກິລາບານເຕະໃຫ້ແກ່ທ້ອງຖິ່ນ ກໍ່ຄືແຂວງຈໍາປາສັກ ໃຫ້ມີຄວາມເຂັ້ມແຂງ ຮອງຮັບໃຫ້ແກ່ການຈັດຕັ້ງປະຕິບັດແຜນການຂອງສຕລແລະ ສະຫະພັນກິລາບານເຕະແຂວຈໍາປາສັກ ໃນການຈັດການແຂ່ງຂັນກິລາບານເຕະລາຍການຕ່າງໆ ໃຫ້ມີຄວາມພ້ອມ ແລະຮັບປະກັນປະສິດທິພາບໃນການປະຕິບັດໜ້າທີ່ພ້ອມທັງນໍາເອົາບົດຮຽນທີ່ສຳຄັນນີ້ ໄປນຳໃຊ້, ເຜີຍແຜ່ຜັນຂະຫຍາຍ ໃຫ້ມີຄຸນນະພາບ ແລະສອດຄ່ອງກັບຄວາມເປັນຈິງໃນການຕັດສີນ.

         ບໍລິສັດ ອີໂວ ການກິລາ ຈໍາກັດ (EVO) ເຊັນສັນຍາສະໜັບສະໜູນ ສະຫະພັນບານເຕະແຫ່ງຊາດລາວ ຢ່າງເປັນທາງການດ້ວຍການສະໜັບສະໜູນເຄື່ອງກິລາໃຫ້ກັບ ກຳມະການຕັດສິນໃນທຸກໆລາຍການແຂ່ງຂັນທີ່ ສຕລ ເປັນຜູ້ຈັດ ນັບຕັ້ງແຕ່ປີ 2025-2028 ຫຼື ໄລຍະເວລາ 3 ລະດູການ.

         ພິທີເຊັນສັນຍາສະໜັບສະໜູນດັ່ງກ່າວ ໄດ້ຈັດຂຶ້ນໃນວັນທີ 17 ມິຖຸນາ 2025 ໃຫ້ກຽດເຂົ້າຮ່ວມໂດຍ ທ່ານ ວີເພັດ ສີຫາຈັກຣ ປະທານສະຫະພັນບານເຕະແຫ່ງຊາດລາວ ພ້ອມດ້ວຍຄະນະບໍລິຫານງານ ສຕລ, ຄະນະຄູຝຶກ ແລະ ນັກກິລາຈາກບັນດາສະໂມສອນທີ່ເຂົ້າຮ່ວມການແຂ່ງຂັນ ກໍ່ໃຫ້ກຽດເຂົ້າຮ່ວມເປັນສັກຂີພິຍານ.

         ໂອກາດດັ່ງກ່າວ ທ່ານ ວີເພັດ ສີຫາຈັກຣ ປະທານສະຫະພັນບານເຕະແຫ່ງຊາດລາວ ກ່າວວ່າ: ຂ້າພະເຈົ້າມີຄວາມປິຕິຍິນດີ ທີ່ຈະແຈ້ງໃຫ້ບັນດາທ່ານຊາບວ່າ EVO ຈະເຂົ້າມາເປັນຜູ້ສະໜັບສະໜູນເຄື່ອງກິລາໃຫ້ກັບກຳມະການຕັດສິນ ລາຍການແຂ່ງຂັນທີ່ ສຕລ ເປັນຜູ້ຈັດ ນັບຕັ້ງແຕ່ປີ 2025-2028, ທັງສອງຝ່າຍໄດ້ມີວິໄສທັດເພື່ອຈະພັດທະນາກິລາບານເຕະລາວ. EVO ໄດ້ມີຜະລິດຕະພັນທີ່ສະແດງໃຫ້ທຸກຄົນໄດ້ເຫັນເຖິງ ນະວັດຕະກຳ, ຄຸນນະພາບ ແລະ ຄວາມເປັນເອກະລັກ ແບບລາວ. ສຕລ ມີຄວາມພູມໃຈ ທີ່ໄດ້ເຫັນຜະລິດຕະພັນຂອງຄົນລາວ ເຂົ້າມາປະກອບສ່ວນຊຸກຍູ້ການພັດທະນາກິລາບານເຕະພາຍໃນປະເທດ. ການສະໜັບສະໜູນໃນໄລຍະ 3 ລະດູການຕໍ່ໜ້າ ກໍສະແດງໃຫ້ເຫັນເຖິງຄວາມມຸ່ງມາດປາດຖະໜາຂອງ EVO ທີ່ຢາກເຂົ້າມາປະກອບສ່ວນໃນເສັ້ນທາງພັດທະນາກິລາບານເຕະລາວ.

           ໃນງານນີ້ ທ່ານ ສີສະຫວັນ ມາຢົງເຊີນ  ປະທານ ບໍລິສັດ ອີໂວ ການກິລາ ຈໍາກັດ ໄດ້ກ່າວວ່າ: EVO ເລີ່ມສ້າງມາແຕ່ປີ 2015 ທີ່ໄດ້ສ້າງເປັນຜະລິດຕະພັນເຄື່ອງກິລາຂອງຄົນລາວ ເຊິ່ງກໍໄດ້ມີການສະໜັບສະໜູນວົງການກິລາລາວ ມາຢ່າງຍາວນານ ແລະ ເມື່ອ 2-3 ປີທີ່ຜ່ານມາ ພວກເຮົາກໍສາມາດກາຍເປັນຜູ້ສະໜັບສະໜູນຂອງທີມຊາດລາວ ຮຸ່ນເຍົາວະຊົນອາຍຸບໍ່ເກີນ 16 ປີ ແລະ ອື່ນໆ ເຊິ່ງກໍຕ້ອງຂໍຂອບໃຈທາງສະຫະພັນບານເຕະແຫ່ງຊາດລາວ ທີ່ໃຫ້ໂອກາດ EVO ໄດ້ເປັນສ່ວນໜຶ່ງ ແລະ ຫວັງວ່າພວກເຮົາຈະໄດ້ຮ່ວມມືກັນໃນການພັດທະນາວົງການກິລາບານເຕະລາວ ຕໍ່ໆໄປ. ບໍລິສັດ ອີໂວ ການກິລາ ຈໍາກັດ (EVO) ແມ່ນໄດ້ໃຫ້ການສະຫນັບສະຫນູນ ການແຂ່ງຂັນບານເຕະ ລາວລີກ 1, ລາວລີກ ຍິງ, ການແຂ່ງຂັນບານເຕະຊີງຂັນ ພະນະທ່ານ ນາຍົກລັດຖະມົນຕີແຫ່ງ ສປປ ລາວ ແລະ ການແຂ່ງຂັນບານເຕະເຍົາວະຊົນ ຊາຍ ຮຸ່ນອາຍຸບໍ່ເກີນ 16 ປີ, 19 ປີ.

         Clear Men ສະໜັບສະໜູນ ສະຫະພັນບານເຕະແຫ່ງຊາດລາວ (ສຕລ) ຈໍານວນ 750 ລ້ານກີບ ເພື່ອນໍາໃຊ້ເຂົ້າໃນການແຂ່ງຂັນກິລາບານເຕະ ເຄລຍເມັນ ຮຸ່ນອາຍຸບໍ່ເກີນ 16 ປີ ຫຼື U-16 ແລະ U-19 ປະຈຳປີ 2025, ເຊິ່ງພິທີເຊັນສັນຍາສະໜັບສະໜູນການແຂ່ງຂັນບານເຕະລາຍການດັ່ງກ່າວ ໄດ້ຈັດຂຶ້ນໃນວັນທີ 17 ມິຖຸນາ 2025 ທີ່ຫ້ອງການ ສະຫະພັນບາເຕະແຫ່ງຊາດລາວ ລະຫວ່າງ ທ່ານ ນາງ ຍອດແກ້ວ ພາວະດີ ເລຂາທິການ ສະຫະພັນບານເຕະແຫ່ງຊາດລາວ ກັບ ທ່ານ ນາງ ສະຫວັນວຽງທອງ ສີບຸນເຮືອງ, ຜູ້ຈັດການຝ່າຍຜະລິດຕະພັນຄວາມງາມ ແລະ ສຸຂະພາບ ຈາກ Clear Men ບໍລິສັດຢູນິລີເວີລາວ, ໂດຍໃຫ້ກຽດເຂົ້າຮ່ວມເປັນສັກຂີພະຍານ ທ່ານ ວີເພັດ ສີຫາຈັກຣ ປະທານສະຫະພັນບານເຕະແຫ່ງຊາດລາວ ພ້ອມດ້ວຍຄະນະບໍລິຫານງານ ສຕລ, ທ່ານ ສຽວສະຫວາດ ເດດວົງສາ ຜູ້ຈັດການຝ່າຍສື່ສານອົງກອນ ແລະ ພົວພັນລັດຖະບານ ບໍລິສັດຢູນິລີເວີລາວພ້ອມຄະນະນຳທັງສອງຝ່າຍ, ຄູຝຶກ ແລະ ນັກກິລາຕະຫຼອດຮອດສື່ມວນຊົນເຂົ້າຮ່ວມ.

         ໂອກາດດັ່ງກ່າວ ທ່ານ ວີເພັດ ສີຫາຈັກຣ ກ່າວວ່າ: ການເຊັນສັນຍາຄັ້ງນີ້ເປັນນິມິດໝາຍທີ່ມີຄວາມໝາຍຄວາມສໍາຄັນ ແລະ ເປັນບາດກ້າວອັນໃໝ່ສໍາລັບການແຂ່ງຂັນບານເຕະຮຸ່ນເຍົາວະຊົນຂອງປະເທດເຮົາ. ຂ້າພະເຈົ້າ ຂໍແຈ້ງໃຫ້ບັນດາທ່ານຊາບວ່າ: Clear Men ຈະເຂົ້າມາເປັນຜູ້ສະໜັບສະໜູນຫຼັກ ການແຂ່ງຂັນບານເຕະເຍົາວະຊົນ ຮຸ່ນ U-16 ແລະ U-19 ປະຈໍາປີ 2025 ມູນຄ່າສະຫນັບສະຫນູນທັງສອງລາຍການແມ່ນ 750 ລ້ານກີບ ເພື່ອພັດທະນາວົງການກິລາບານເຕະຮຸ່ນເຍົາວະຊົນ ເພາະລາຍການແຂ່ງຂັນ U-16 ແລະ U-19 ເປັນເວທີໜຶ່ງທີ່ມີບົດບາດໃນການເລືອກເຟັ້ນຫານັກກິລາ ທີ່ມີພອນສະຫວັນ, ທັກສະຄວາມສາມາດ ທີ່ເປັນເລີດ ເພື່ອກາຍເປັນນັກກິລາລຸ້ນສືບທອດໃຫ້ແກ່ສະໂມ ສອນບານເຕະພາຍໃນປະເທດ ແລະ ທີມຊາດລາວໃນ ອະນາຄົດ ພ້ອມກັນນັ້ນ, ຍັງຈະສ້າງຄວາມເຂັ້ມແຂງໃຫ້ແກ່ການພັດທະນາວົງການກິລາບານເຕະລາວເຮົາອີກ. ຂະນະດຽວກັນ ທ່ານ ສຽວສະຫວາດ ເດດວົງສາ ໃນນາມຕາງໜ້າໃຫ້ແກ່ Clear Men ບໍລິສັດຢູນິລີເວີລາວ ກໍໄດ້ກ່າວວ່າ: Clear Men ໃນນາມຜູ້ໃຫ້ການສະໜັບສະໜູນຫຼັກການແຂ່ງຂັນບານເຕະເຍົາວະຊົນຮຸ່ນ U-16 ແລະ U-19 ປະຈໍາປີ 2025 ພວກເຮົາຮູ້ສຶກດີໃຈທີ່ໄດ້ຮັບໂອກາດຈາກຄະນະຜູ້ບໍລິຫານສະຫະພັນບານເຕະແຫ່ງຊາດລາວ ໃຫ້ໄດ້ມີໂອກາດປະກອບສ່ວນຊຸກຍູ້ວົງການບານເຕະລາວ ໂດຍສະເພາະໃນເວທີການແຂ່ງຂັນບານເຕະລະດັບເຍົາວະຊົນ. ພວກເຮົາຫວັງຢ່າງຍິ່ງວ່າ ການປະກອບສ່ວນຂອງພວກເຮົາໃນຖານະຜູ້ໃຫ້ການສະໜັບສະໜູນຫຼັກໃນຄັ້ງນີ້ ຈະສາມາດສ້າງຜົນກະທົບດ້ານບວກໃຫ້ແກ່ວົງການບານເຕະລະດັບເຍົາວະຊົນຂອງພວກເຮົາ. ນອກນັ້ນ, ພວກເຮົາຫວັງວ່າ ຈະໄດ້ມີໂອກາດເປັນສ່ວນໜຶ່ງໃນການຊຸກຍູ້ວົງການບານເຕະລາວໃນອະນາຄົດອີກຕື່ມ.

         ສໍາລັບຕາຕະລາງ ການແຂ່ງຂັນ ແມ່ນຈະເລີ່ມແຂ່ງຂັນບານເຕະເຍົາວະຊົນຮຸ່ນ U-16 ໂດຍມີ 12 ທີມເຂົ້າຮ່ວມ ຮູບແບບການແຂ່ງຂັນແມ່ນພົບກັນຫມົດ 1 ຮອບ ເພື່ອສະສົມຄະແນນ, ເອົາອັນດັບ 1-4 ເຂົ້າຮອບຮອງຊະນະເລີດ ( SEMI FINAL ) ແລ້ວຈັບສະຫລາກປະກົບຄູ່ເຕະເສຍຄັດອອກ ( Knock - Out ), ທີມຊະນະຜ່ານເຂົ້າສູ່ຮອບຊີງຊະນະເລີດ ສ່ວນທີມທີ່ເສຍແມ່ນຊີງອັນດັບ 3, ທຸກໆນັດແມ່ນແຂ່ງຂັນຢູ່ທີ່ສູນຝຶກ ສະຫະພັນບານເຕະແຫ່ງຊາດລາວ. ການແຂ່ງຂັນແມ່ນຈະເລີ້ມແຂ່ງຂັນ ຮອບທີ 1: ວັນທີ 18 ມິຖຸນາ ຫາ 3 ກໍລະກົດ, ຮອບທີ 2 ວັນທີ 14 ກໍລະກົດ ຫາ 2 ສິງຫາ 2025.

  ຂະນະທີ່ ການແຂ່ງຂັນກິລາບານເຕະ ເຄລຍເມັນ ຮຸ່ນອາຍຸບໍ່ເກີນ 19 ປີ ປະຈຳປີ 2025 ແມ່ນຈະເລີ້ມແຂ່ງຂັນ ຮອບທີ 1 ວັນທີ 29 ມິຖຸນາ ຫາ 11 ກໍລະກົດ 2025 ແລະ ຮອບທີ 2 ວັນທີ 25 ກໍລະກົດ ຫາ 08 ສິງຫາ 2025.

        ສະຫະພັນບານເຕະແຫ່ງຊາດລາວ ( ສຕລ ) ໄດ້ຈັດຝຶກອົບຮົມກຳມະການຕັດສິນ ເພື່ອກຽມຄວາມພ້ອມຕັດສິນ ການແຂ່ງຂັນບານເຕະ ຮຸ່ນອາຍຸບໍ່ເກີນ 16ປີ (U16) ແລະ ຮຸ່ນອາຍຸບໍ່ເກິນ 19 ປີ (U19) ຊີງຂັນ ສຕລ ປະຈໍາປີ 2025 ຂື້ນເມື່ອວັນທີ 13 ມິຖຸນາ 2025 ຢູ່ທີ່ຫ້ອງປະຊຸມສຕລ, ໂດຍມີ ທ່ານ ຄຳແພງ ວົງຂັນຕີ ຮອງປະທານ ສຕລ ທັງເປັນຫົວໜ້າອະນຸກຳມະການຕັດສິນ ສຕລ, ທ່ານ ໄຊປະເສີດ ພົງຊະນິດ ຫົວຫນ້າພະແນກ ກຳມະການຕັດສິນ ສຕລ ເປັນຄູຝຶກ, ຜູ້ປະເມີນກຳມະການຕັດສິນ ແລະ ກຳມະການຕັດສິນ ທັງຫມົດ 29 ຄົນ, ເປັນຍິງ 5 ຄົນ ທີ່ມາຈາກຫລາຍພາກສ່ວນ.
        ທ່ານ ຄຳແພງ ວົງຂັນຕີ ຮອງປະທານສຕລໄດ້ກ່າວວ່າ: ໄດ້ຍົກໃຫ້ເຫັນກ່ຽວກັບພາລະບົດບາດກຳມະການສິນແມ່ນຄວາມສຳຄັນຫລາຍ, ການຝຶກອົບໃນຄັ້ງນີ້ກໍເພື່ອເປັນກະກຽມກຳມະການຕັດສິນໃນການແຂ່ງຂັນບານເຕະ U16 ແລະ U19 ຊີງຂັນສຕລ ປະຈໍາປີ 2025 , ເພາະສະນັ້ນຈິ່ງຮຽກຮ້ອງມາຍັງກຳມະການຕັດສິນ ທຸກຄົນຈົ່ງເອົາໃຈໃສ່ໃນການຝຶກອົບຮົມ ສຶກສາກົດລະບຽບທີ່ທາງສະຫະພັນບານເຕະນານາຊາດ(FIFA )ປັປປຸງໃຫມ່ ໃຫ້ລະອຽດ ເພື່ອເຮັດໃຫ້ການຕັດສິນແຕ່ລະນັດອອກມາດີທີ່ສຸດແລະຫລີກເວັ້ນຂໍ້ຜິດພາດຕ່າງໆ.

          ສຳລັບການຝຶກອົບກຳມະການຕັດສິນ ຈະໄດ້ດຳເນີນການຝຶກອົບຮົມນັບຕັ້ງແຕ່ວັນທີ 13-15 ມິຖຸນາ 2025 ໂດຍບັນດາກຳມະການຕັດສິນ ແມ່ນຈະໄດ້ຮຽນຮູ້ ທາງດ້ານທິດສະດີ ແລະ ພາກປະຕິບັດຕົວຈິງ, ພ້ອມດຽວກັນນັ້ນກໍ່ຈະໄດ້ມີການທົດສອບພະລະກຳລັງຕື່ມອີກ.

         ພິທີເຊັນສັນຍາຮ່ວມມືລະຫວ່າງ ສຕລ ລະ ກຸ່ມບໍລິສັດ ດົງລຶກ ຈັດຂຶ້ນໃນວັນທີ 9 ມິຖຸນາ 2025 ທີ່ໂຮງແຮມເມືອງແທ໋ງ ນະຄອນຫຼວງວຽງຈັນ ໃຫ້ກຽດເປັນສັກຂີພະຍານໂດຍ ທ່ານ ກິ່ງມະໂນ ພົມມະຫາໄຊ, ຮອງລັດຖະມົນຕີກະຊວງສຶກສາທິການ ແລະ ກິລາ, ທ່ານ ນາງ Nguyen Thi Thuan ທີ່ປຶກສາປະຈຳ ສະມາຄົມຫວຽດນາມປະຈໍາລາວ ແລະ ທ່ານ ວີເພັດ ສີຫາຈັກຣ ປະທານສະຫະພັນບານເຕະແຫ່ງຊາດລາວ. ໃຫ້ກຽດລົງນາມໃນສັນຍາໂດຍ ທ່ານ ນາງ ຍອດແກ້ວ ພາວະດີ ເລຂາທິການ ສະຫະພັນບານເຕະແຫ່ງຊາດລາວ ແລະ ທ່ານ ນາງ ເລ ວູ ຮົງ ງອກ, ຜູ້ອໍານວຍການ ຝ່າຍການຕະຫຼາດ ກຸ່ມບໍລິສັດ ດົງລຶກ ພ້ອມດ້ວຍຄະນະ, ຄູຝຶກ, ນັກກີລາທີມຊາດລາວ ທັງຊຸດຍິງ ແລະ ຊາຍ ຕະຫຼອດຮອດສື່ມວນຊົນ ເຂົ້າຮ່ວມຢ່າງພ້ອມພຽງ.

      ໂອກາດດັ່ງກ່າວ ທ່ານ ວີເພັດ ສີຫາຈັກຣ ປະທານສະຫະພັນບານເຕະແຫ່ງຊາດລາວ ກ່າວວ່າ: ຈຸດປະສົງ ການເຊັນສັນຍາຮ່ວມມືໃນຄັ້ງນີ້, ແມ່ນທັງສອງຝ່າຍໄດ້ມີເປົ້າໝາຍ ແລະ ຄວາມມຸ້ງມາດປາດຖະຫນາທີ່ຈະພັດທະນາກິລາບານເຕະຮ່ວມກັນ. ສັນຍາການຮ່ວມມືຄັ້ງນີ້ ມີໄລຍະເວລາ 3 ປີ (ແຕ່ ປີ 2025 ຫາ 2028) ທາງກຸ່ມບໍລິສັດ ດົງລຶກ ຈະເປັນຜູ້ອຸປະຖຳຄືດັ່ງນີ້:

1. ຊຸດແຂ່ງຂັນສໍາລັບທິມຊາດ ຍິງ - ຊາຍ ທຸກຮຸ່ນອາຍຸ.

2. ໝາກບານສໍາລັບການແຂ່ງຂັນ.

- ການແຂ່ງຂັນບານເຕະ ລາວລີກ 1

- ການແຂ່ງຂັນບານເຕະ ຊີງຂັນ ພະນະທ່ານ ນາຍົກລັດຖະມົນຕີແຫ່ງ ສປປ ລາວ

- ການແຂ່ງຂັນບານເຕະ ລາວລີກ ຍິງ

- ການແຂ່ງຂັນບານເຕະເຍົາວະຊົນ ຊາຍ ຮຸ່ນອາຍຸບໍ່ເກີນ 16 ປີ ຊີງຂັນ ສຕລ ການແຂ່ງຂັນບານເຕະເຍົາວະຊົນ ຊາຍ ຮຸ່ນອາຍຸບໍ່ເກີນ 19 ປີ ຊີງຂັນ ສຕລ

- ການແຂ່ງຂັນ ລາວ ຟຸດຊໍ ລີກ

3. ຈະມີກິດຈະກຳກິລາບານເຕະ ຮ່ວມກັນໃນຂອບເຂດທົ່ວປະເທດ.

        ຂ້າພະເຈົ້າຫວັງຢ່າງຍິ່ງ ນີ້ຈະເປັນບາດກ້າວເບື້ອງຕົ້ນໃນການຮ່ວມມື ແລະ ຈະມີຫຼາຍກິດຈະກໍາທີ່ທັງສອງ ຝ່າຍຈະມີການປະສານງານຮ່ວມມືກັນໃນອານາຄົດ.

       ຂະນະດຽວກັນ ທ່ານ ນາງ ເລ ວູ ຮົງ ງອກ, ຜູ້ອໍານວຍການ ຝ່າຍການຕະຫຼາດ ກຸ່ມບໍລິສັດ ດົງລຶກ ກ່າວວ່າ: ເປັນເວລາຫຼາຍກວ່າ 35 ປີ, ກຸ່ມບໍລິສັດ ດົງລຶກ ໄດ້ທຸ້ມເທເຂົ້າໃນການສະໜັບສະໜູນ ແລະ ພັດທະນາວົງການກີລາ ທົ່ວຫວຽດນາມ ແລະ ຕ່າງປະເທດ. ຈາກກິລາບານເຕະ, ບານສົ່ງ, ດອກປີກໄກ່, ເທັນນິສ ຈົນເຖິງກິລາປະເພດ ອື່ນໆ, ມື້ນີ້ຖືເປັນຂີດໝາຍພິເສດຫຼາຍໃນເສັ້ນທາງຂອງພວກຂ້າພະເຈົ້າ ການເປີດໂຕຊຸດ ແຂ່ງຂັນໃໝ່ຂອງທີມຊາດລາວຢ່າງເປັນທາງການ ທີ່ຜະລິດໂດຍ Jogarbola ແລະ ກຸ່ມ ບໍລິສັດດົງລຶກ, ຊຸດແຂ່ງຂັນໃໝ່ທີ່ທ່ານໄດ້ເຫັນໃນມື້ນີ້ໄດ້ຖືກພັດທະນາຂຶ້ນດ້ວຍວັດຖຸທີ່ມີເທັກໂນໂລຢີ ປ່ອຍຄວາມຊື້ນແບບທາງດຽວ ເພື່ອຄວາມສະດວກສະບາຍ, ຄວາມທົນທານ ແລະ ປະສິດທິພາບໃນການໃຊ້ງານ - ອອກແບບຂຶ້ນ ເພື່ອຕອບສະໜອງຄວາມຕ້ອງການຂອງການແຂ່ງຂັນລະດັບນາໆຊາດ. ນອກເໜືອໄປຈາກດ້ານເຕັກນິກ, ມັນຍັງເປັນຕົວ ແທນໃຫ້ແກ່ຈິດວິນຍານ, ເອກະລັກ, ຄວາມມຸ່ງມາດປາຖະໜາຂອງປະຊາຊົນລາວ. ສໍາລັບ ຊຸດແຂ່ງຂອງທີມຊາດລາວ ຍີ່ຫໍ່ Jogarbola ໄດ້ໃຊ້ຊຸດທໍາອິດເປັນ ທີມຊາດຍິງລາວ ຢູ 19 ໃຊ້ລົງແຂ່ງຂັນນັດທໍາອິດດ້ວຍການເປີດຕົວເອົາຊະນະ ທີມຊາດຕີມໍ ເລສເຕ 2-0 ໂດຍທີມຊາດລາວ ໄດ້ປະຕູຈາກ ເບີ 7 ອັນນ້າ ແກ້ວອ່ອນສີ ນາທີ 18', 85' ນັດທໍາອິດ ການແຂ່ງຂັນບານເຕະຍິງຊີງແຊ້ມອາຊຽນ ຮຸ່ນອາຍຸບໍ່ເກີນ 19 ປີ ປະຈຳປີ 2025 ( ASEAN U19 Girls' Championship 2025 ) ທີ່ປະເທດຫວຽດນາມ ເປັນເຈົ້າພາບ, ສ່ວນທີມຊາດລາວ ຊຸດໃຫຍ່ ( ທີມຊາຍ ) ຈະເປັນຊຸດທີ 2 ທີ່ໄດ້ໃຊ້ເສື້ອຈາກ Jogarbola ກໍຄືທີ່ທາງ ກຸ່ມບໍລິສັດ ດົງລຶກ ສະໜັບສະໜູນໃຫ້ ລົງແຂ່ງຂັນໃນການແຂ່ງຂັນບານເຕະ ຊີງແຊ້ມອາຊີ 2027 ຮອບຄັດເລືອກ ເປີດບ້ານຮັບການມາຢາມຂອງ ທີມຊາດເນປານ ທີ່ສະໜາມກີລາແຫ່ງຊາດ ຫຼັກ 16 ເວລາ 19:00 ໂມງຂອງວັນທີ 10 ມິຖຸນາ 2025.

        ທີມຊາດລາວ ຊຸດໃຫຍ່ ພາຍໃຕ້ການຄຸມທີມຂອງ ທ່ານ ຮາ ຮອກ ຈູນ (HA HYEOKJUN) ຄູຝຶກ ທີມຊາດລາວ ສັນຊາດ ສ.ເກົາຫລີ ໄດ້ປະກາດລາຍຊື່ນັກກິລາ 23 ຄົນ ເຂົ້າຮ່ວມ ການແຂ່ງຂັນບານເຕະ ຊີງແຊ້ມອາຊີ ຮອບຄັດເລືອກ 2027 AFC Asian Cup Saudi Arabia 2027 Qualifiers Final Round ນັດທີ 2 ເຊິ່ງຈະແຂ່ງຂັນ ພົບ ທີມຊາດເນປານ ວັນທີ 10 ມິຖຸນາ 2025 , ນັກກິລາ 23 ຄົນ ມີລາຍຊື່ດັ່ງລຸ່ມນີ໊:

+ ຜູ້ຮັກສາປະຕູ

ໄຊສະຫວາດ ສຸວັນນະໂຊກ ຈາກ ສະໂມສອນ ກິລາບານເຕະ ນໍ້າທາ ຢູໄນເຕັດ

ກົບ ໂລກພະທິບ ຈາກ ສະໂມສອນ ກິລາບານເຕະ ເອສະຣາ

ອານຸລັກ ວິລະຜົນ ຈາກ ສະໂມສອນ ບານເຕະ ຊ້າງນ້ອຍ

+ ກອງຫຼັງ

ອານັນຕະຊາ ສີພົງພັນ ຈາກ ສະໂມສອນ ກິລາບານເຕະ ເອສະຣາ

ພຸດທະວົງ ສັງວິໄລ ຈາກ ສະໂມສອນ ກິລາບານເຕະ ເອສະຣາ

ຊີດີ ພົມມະຫວັນ ຈາກ ສະໂມສອນ ກິລາບານເຕະ ເອສະຣາ

ຄຳຫມັ້ນ ທາປະເສີດ ຈາກ ສະໂມສອນ ກິລາບານເຕະ ເອສະຣາ

ໄຊຍະສິດ ສິງສະຫວ່າງ ຈາກ ສະໂມສອນ ນໍ້າທາ ຢູໄນເຕັດ

ແສງດາວວີ ຫານທະວົງ ຈາກ ສະໂມສອນ ກິລາບານເຕະ ຊ້າງນ້ອຍ

ເພັດດາວັນ ສົມສະນິດ ຈາກ ສະໂມສອນ ກິລາບານເຕະ ມາດສເຕີ້

ແອັດ ວຽງຄຳ ຈາກ ສະໂມສອນ ກິລາບານເຕະ ມາດສເຕີ້

ຈິດຕະກອນ ວັນນະຈອນ ຈາກ ສະໂມສອນ ກິລາບານເຕະ ຫຼວງພະບາງ

+ ກອງກາງ

ດາຫມົດ ທອງຄຳສະຫວັດ ຈາກ ສະໂມສອນ ກິລາບານເຕະ ແທັງຮວາ ( ປະເທດຫວຽດນາມ )

ອຸ່ນ ເພັດວົງສາ ຈາກ ສະໂມສອນ ນໍ້າທາ ຢູໄນເຕັດ

ຄອນສະຫວັນ ແກ້ວຫນູຈັນ ຈາກ ສະຖາບັນ ROME CITY INSTITUTE ( ປະເທດອີຕາລີ )

ອານຸສອນ ໄຊປັນຍາ ຈາກ ສະໂມສອນ ກິລາບານເຕະ ຊ້າງນ້ອຍ

ຈັນທະວີໄຊ ຂຸນທຸມພອນ ຈາກ ສະໂມສອນ ກິລາບານເຕະ ເອສະຣາ

ໂຈນີ້ ແຫວນປະເສີດ ຈາກ ສະໂມສອນ ກິລາບານເຕະ ເອສະຣາ

ສົມສະນິດ ພົມມະຈັນ ຈາກ ສະໂມສອນ ກິລາບານເຕະ ມາດສເຕີ້

ສຸກພະຈັນ ເລື່ອນທະລາ ຈາກ ສະໂມສອນ ກິລາບານເຕະ ມາດສເຕີ້

+ ກອງຫນ້າ

ບຸນພະຈັນ ບຸນກອງ ຈາກ ສະໂມສອນກິລາບານເຕະ ສວາຍຣຽງ ( ປະເທດກຳປູເຈຍ )

ປີເຕີ້ ພັນທະວົງ ຈາກ ສະໂມສອນ ກິລາບານເຕະ ເອສະຣາ

ສາຍຝົນ ແກ້ວຫານາມ ຈາກ ສະໂມສອນ ກິລາບາເຕະ ຫົວຫີນ ມາຣາເຣຍນາ ( ປະເທດໄທ )

ການແຂ່ງຂັນບານເຕະ ຊີງແຊ້ມອາຊີ ຮອບຄັດເລືອກ 2027 AFC Asian Cup Saudi Arabia 2027 Qualifiers Final Round

 ວັນອັງຄານ 10/06/2025

 ທີມຊາດລາວ ທີມຊາດເນປານ

 ເວລາ 19:00ມ

 ສະຫນາມກິລາແຫ່ງຊາດຫຼັກ 16

 ຖ່າຍທອດສົດທາງເຟສບຸກ ສະຫະພັນບານເຕະແຫ່ງຊາດລາວ Lao Football Federation

 ບັດເຂົ້າຊົມລາຄາ 10.000 ກີບ

ປະຕູທາງເຂົ້າສະຫນາມກິລາແຫ່ງຊາດຫຼັກ 16 ແມ່ນຈະເປີດ 2 ປະຕູ ຄື:

- ປະຕູໂຊນ VIP ຈະສາມາດເຂົ້າໄດ້ສະເພາະແຂກທີ່ຖືກເຊີນ

- ປະຕູໂຊນ C ແຟນບານທັງ 2 ທີມ