![News Cover](https://laoff.org.la/storage/news/News_Image_1673494381571.webp)
ສຕລ ມອບເງິນ 205 ລ້ານກວ່າກີບຊ່ວຍເຫຼືອແຂວງອຸດົມໄຊ
ສະຫະພັນບານເຕະແຫ່ງຊາດລາວ(ສຕລ) ໄດ້ມອບເງິນຈໍານວນ 205.120.000 ກີບ ໃຫ້ແຂວງອຸດົມໄຊເພື່ອນໍາໃຊ້ເຂົ້າໃນວຽກງານຕ້ານໄພພິບັດ. ໃນນັ້ນເປັນເງິນທີ່ໄດ້ຈາກການຂາຍປີ້ເຂົ້າຊົມການແຂ່ງຂັນ AFC U-20 ຮອບຄັດເລືອກຈໍານວນ 155.120.000 ກີບ ແລະ ເງິນຈາກ ສຕລ ຈໍານວນ 50.000.000 ກີບ.
ພິທີມອບ-ຮັບດັ່ງກ່າວ ໄດ້ຈັດຂື້ນທີ່ຫ້ອງວ່າການປົກຄອງແຂວງອຸດົມໄຊ ເມື່ອວັນທີ 15 ຕຸລາ 2022, ເຊິ່ງກ່າວມອບໂດຍ ທ່ານ ວີເພັດ ສີຫາຈັກຣ ປະທານສະຫະພັນບານເຕະແຫ່ງຊາດລາວ ແລະ ກ່າວຮັບໂດຍທ່ານ ທ່ານ ອ່ອນແກ້ວ ອຸ່ນອາລົມ ຄະນະປະຈຳພັກແຂວງ, ຮອງເຈົ້າແຂວງໆອຸດົມໄຊ ໂດຍຊ້ອງໜ້າຄະນະປະຈຳພັກແຂວງ, ສະຫະພັນບານເຕະແຫ່ງຊາດລາວ, ສະຫະພັນບານເຕະແຂວງອຸດົມໄຊ, ຫຼວງພະບາງ, ໄຊຍະບູລີ ແລະຈໍາປາສັກ ພ້ອມດ້ວຍຜູ້ຕາງໜ້ານັກກິລາທີມຊາດລາວເຂົ້າຮ່ວມເປັນສັກຂີພະຍານ.
ໃນໂອກາດນີ້ ທ່ານ ອ່ອນແກ້ວ ອຸ່ນອາລົມ ໄດ້ຕາງໜ້າອຳນາດການປົກຄອງແຂວງ ມອບໃບກຽດຕິຄຸນໃຫ້ແກ່ສຕລ ໂດຍແມ່ນ ທ່ານ ວີເພັດ ສີຫາຈັກຣ ປະທານສະຫະພັນບານເຕະແຫ່ງຊາດລາວ ເປັນຜູ້ຕາງໜ້າຮັບ ພ້ອມດ້ວຍມອບທຸງແລກປ່ຽນໃຫ້ແຂວງອຸດົມໄຊ.
![News Cover](https://laoff.org.la/storage/news/News_Image_1673494037914.webp)
ຜົນການແຂ່ງຂັນບານເຕະຍິງ ໃນກຸ່ມ ຂໍ
ຜົນການແຂ່ງຂັນບານເຕະຍິງໃນລາຍການແຂ່ງຂັນບານເຕະແຫ່ງຊາດ ປະຈໍາປີ 2022 ໃນວັນສຸກ ວັນທີ 14/10/2022 ຄູ່ທໍາອິດແຂ່ງຢູ່ເດີ່ນໃນ16 ເດີ່ນໃນ ແຂວງອຸດົມໃຊ ສະເໝີກັບ ແຂວງສະຫວັນນະເຂດ 1-1. ແຂວງສະຫວັນນະເຂດໄດ້ປະຕູນໍາໄປກ່ອນ ໃນນາທີ ທີ 57 ຈາກການຍິງຂອງ ຫຼິວ ຟອງສະໝຸດ ຕໍ່ມາໃກ້ຈະສິ້ນສຸດເວລາຂອງການແຂ່ງຂັນຄືໃນນາທີ ທີ 80+3 ແຂວງອຸດົມໃຊສາມາດຍິງປະຕູສະເໝີຂຶ້ນມາໄດ້ຈາກກາຍິງຂອງ ຈິນດາສີຫາລາດ.
ສໍາລັບຄູ່ທີສອງເປັນການພົບກັນລະຫວ່າງ ແຂວງຊຽງຂວາງ ແລະ ແຂວງ ບໍລິຄໍາໄຊ ຢູ່ທີ່ເດີ່ນຫຼັກ 16 ເດີ່ນນອກ ຜົນການແຂ່ງຂັນແມ່ນແຂວງຊຽງຂວາງ ຊະນະ ແຂວງ ບໍລິຄໍາໄຊ 3-1 ປະຕູທໍາອິດຂອງແຂວງຊຽງຂວາງແມ່ນໄດ້ຈາກ ໃຈຄໍາ ໄຊຍະປະເສີດ ໃນນາທີ ທີ 6, ປະຕູທີ 2 ໃນນາທີ ທີ 19 ຈາກການຍິງຂອງ ຈັນທາພິມມະສອນ ແລະ ປະຕູທີ 3 ໄດ້ຈາກ ຄໍາອົ້ນ ວິລະວົງ ໃນນາທີ ທີ 84 ຂອງເຄິ່ງເວລາທີ 2 ສ່ວນແຂວງບໍລິຄໍາໄຊ ແມ່ນໄດ້ປະຕູຈາກ ຫັດລືໄທ ທໍາມະວົງສາ ໃນນາທີ ທີ 28.
![News Cover](https://laoff.org.la/storage/news/News_Image_1673493909367.webp)
ຜົນການແຂ່ງຂັນບານເຕະຍິງ ໃນກຸ່ມ ກໍ
ສໍາລັບຜົນການແຂ່ງຂັນບານເຕະຍິງໃນກຸ່ມ ກໍ ວັນພະຫັດ ວັນທີ 13/10/2022 ມີດັ່ງນີ້້: ການແຂ່ງຂັນຢູ່ທີ່ເດີ່ນຫຼັກ 16 ເດີ່ນໃນ ນະຄອນຫຼວງວຽງຈັນ ຊະນະ ແຂວງວຽງຈັນ 7-0. ນະຄອນຫຼວງວຽງຈັນໄດ້ປະຕູຈາກ ເພັດສະໝອນ ເວທິຕະ ນາທີ ທີ 7, ເກມມີ້ ອຸດົມສຸກ ຍິງໄດ້ 3 ປະຕູ ນາທີ ທີ 29, 42, 51, ກາເຫວົ່າ ວົງພະຈັນ ນາທີ ທີ 40, ພັດຊາ ສຸທິປະພາ ນາທີ ທີ 69 ແລະ ເຂັມອັກສອນ ວົງພັດຕາ ນາທີ ທີ 80. ສ່ວນຄູ່ທີ 2 ເປັນການພົບກັນລະຫວ່າງແຂວງໄຊຍະບູລີ ແລະ ແຂວງຈໍາປາສັກ ຜົນການແຂ່ງຂັນສໍາລັບຄູ່ນີ້ ແຂວງຈໍາປາສັກ ຊະນະ ແຂວງໄຊຍະບູລີ 6-0. ແຂວງຈໍາປາສັກໄດ້ປະຕູຈາກ ເຮມາ ແສງປະເສີດ ໃນນາທີ ທີ 2, ແປ້ວມະນີ ແກ້ວດວງຕາ ນາທທີ ທີ 28, ລັດດາ ວໍລະຈິດ ນາທີ ທີ 28, ສີສະອາດ ອໍາໄພລາດ ຍິງໄດ້ 2 ປະຕູ ໃນນາທີ ທີ 36, 50 ແລະ ສຸກສະຫວັນ ພົມມະວົງໄຊ ນາທີ ທີ 74.
![News Cover](https://laoff.org.la/storage/news/News_Image_1673493826212.webp)
ຜົນການແຂ່ງຂັນບານເຕະແຫ່ງຊາດປະຈໍາປີ 2022
ສໍາລັບການແຂ່ງຂັນບານເຕະຍິງໃນມື້ນີ້ ວັນພຸດ ວັນທີ 12/10/2022 ແມ່ນເປັນການແຂ່ງຂັນໃນກຸ່ມ ຂໍ ເຊິ່ງແຂ່ງຂັນທັງໝົດ 2 ຄູ່ ຄູ່ທໍາອິດເປັນການພົບກັນລະຫວ່າງ ແຂວງສະຫວັນນະເຂດ ແລະ ແຂວງຊຽງຂວາງ ແຂ່ງຂັນຢູ່ທີ່ເດີ່ຫຼັກ 16 ເດີ່ນໃນ ຜົນການແຂ່ງຂັນແມ່ນແຂວງຊຽງຂວາງ ຊະນະ ແຂວງສະຫວັນນະເຂດ 1-0. ແຂວງຊຽງຂວາງ ໄດ້ປະຕູຈາກ ນັກກິລາໝາຍເລກ 22 ຄໍາອົ້ນ ວິລະວົງ ໃນນາທີ ທີ 24.
ສ່ວນເດີ່ນນອກເປັນການແຂ່ງຂັນລະຫວ່າງ ແຂວງບໍລິຄໍາໄຊ ແລະ ແຂວງອຸດົມໄຊ ຜົນການແຂ່ງຂັນລະຫວ່າງຄູ່ນີ້ແມ່ນແຂວງອຸດົມໄຊ ຊະນະ ແຂວງ ບໍລິຄໍາໄຊ 5-0. ແຂວງອຸດົມໄຊໄດ້ປະຕູຈາກ ຄອນສະຫວັນ ສີປະເສີດ ໃນນາທີ ທີ 11, ຈິນດາ ສີຫາລາດ ນາທີ ທີ 16, ເຄມ ແອນໄຊຍະລາດ ນາທີ ທີ 49, ວັນນາ ສຸກສົມບັດ ນາທີ ທີ 69, ຈັນສະໝອນ ອິນສີວົງ ນາທີ ທີ 80+1.
![News Cover](https://laoff.org.la/storage/news/News_Image_167349369854.webp)
ຜົນການແຂ່ງຂັນບານເຕະແຫ່ງຊາດປະຈໍາປີ 2022
ການແຂ່ງຂັນບານເຕະແຫ່ງຊາດປະເພດຍິງໃນມື້ທີ 2 ຂອງ ກຸ່ມ ກໍ ມີການແຂ່ງຂັນທັງໝົດ 2 ຄູ່ ຄູ່ທີ 1 ເປັນການແຂ່ງຂັນຢູ່ທີ່ເດີ່ນຫຼັກ 16 ເດີ່ນໃນ ລະຫວ່າງ ແຂວງໄຊຍະບູລິ ແລະ ແຂວງຫຼວງພະບາງ ຜົນການແຂ່ງຂັນແມ່ນແຂວງຫຼວງພະບາງຊະນະ ແຂວງໄຊຍະບູລີ 3-1 ປະຕູທໍາອິດ ແລະ ປະຕູທີ 2 ຈາກການຍິງຂອງ ສິນລະຄອນ ບຸນນາລີ ໃນນາທີ ທີ 45 ແລະ ນາທີ ທີ 80+2 ເຊິ່ງຢູ່ໃນຊ່ວງຕໍ່ເວລາ, ປະຕູທີ 3 ຈາກການຍິງຂອງ ສາຍຝົນ ທະມະນີ ໃນນາທີ ທີ 62 ສ່ວນແຂວງໄຊຍະບູລີໄດ້ປະຕູຈາກ ມິນຕາ ວົງວັນສີ ໃນນາທີ ທີ 27 ເຊິ່ງໄດ້ປະຕູນໍາໄປກ່ອນ.
ສ່ວນຄູ່ທີ 2 ເປັນການພົບກັນລະຫວ່າງ ແຂວງ ຈໍາປາສັກ ແລະ ນະຄອນຫຼວງວຽງຈັນ ເປັນການແຂ່ງຂັນ ຢູ່ທີ່ເດີ່ນຫຼັກ 16 ເດີ່ນນອກ ການແຂ່ງຂັນລະຫວ່າງຄູ່ນີ້ ເລີ້ມການແຂ່ງຂັນແຂວງຈໍາປາສັກເປັນຝ່າຍບຸກແຕ່ມາຮອດນາທີ ທີ 23 ຜູ້ຮັກສາປະຕູຂອງແຂວງຈໍາປາສັກຈັບບານພາດ, ບານໄດ້ຟົ້ງມາຫາ ແກມມີ້ ອຸດົມສຸກ ແລະ ເຮັດໃຫ້ ແກມມີ້ຍິງຜ່ານຜູ້ຮັກສາປະຕູ ເປັນປະຕູທີ່ສວຍງາມຂອງນະຄອນຫຼວງວຽງຈັນ. ສໍາລັບການແຂ່ງຂັນຂອງເຄິ່ງເວລາທີ 2 ບໍ່ມີຝ່າຍໃດຍິງປະຕູໄດ້ ສິ້ນສຸດເວລາຂອງການແຂ່ງຂັນ ນະຄອນຫຼວງວຽງຈັນ ຊະນະ ແຂວງຈໍາປາສັກ 1-0.
![News Cover](https://laoff.org.la/storage/news/News_Image_1673493603128.webp)
ປະເພດຍິງ ໃນກຸ່ມ ກໍ ວັນທີ 11/10/2022
ການແຂ່ງຂັນບານເຕະແຫ່ງຊາດປະເພດຍິງໃນມື້ທີ 2 ຂອງ ກຸ່ມ ກໍ ມີການແຂ່ງຂັນທັງໝົດ 2 ຄູ່ ຄູ່ທີ 1 ເປັນການແຂ່ງຂັນຢູ່ທີ່ເດີ່ນຫຼັກ 16 ເດີ່ນໃນ ລະຫວ່າງ ແຂວງໄຊຍະບູລິ ແລະ ແຂວງຫຼວງພະບາງ ຜົນການແຂ່ງຂັນແມ່ນແຂວງຫຼວງພະບາງຊະນະ ແຂວງໄຊຍະບູລີ 3-1 ປະຕູທໍາອິດ ແລະ ປະຕູທີ 2 ຈາກການຍິງຂອງ ສິນລະຄອນ ບຸນນາລີ ໃນນາທີ ທີ 45 ແລະ ນາທີ ທີ 80+2 ເຊິ່ງຢູ່ໃນຊ່ວງຕໍ່ເວລາ, ປະຕູທີ 3 ຈາກການຍິງຂອງ ສາຍຝົນ ທະມະນີ ໃນນາທີ ທີ 62 ສ່ວນແຂວງໄຊຍະບູລີໄດ້ປະຕູຈາກ ມິນຕາ ວົງວັນສີ ໃນນາທີ ທີ 27 ເຊິ່ງໄດ້ປະຕູນໍາໄປກ່ອນ.
ສ່ວນຄູ່ທີ 2 ເປັນການພົບກັນລະຫວ່າງ ແຂວງ ຈໍາປາສັກ ແລະ ນະຄອນຫຼວງວຽງຈັນ ເປັນການແຂ່ງຂັນ ຢູ່ທີ່ເດີ່ນຫຼັກ 16 ເດີ່ນນອກ ການແຂ່ງຂັນລະຫວ່າງຄູ່ນີ້ ເລີ້ມການແຂ່ງຂັນແຂວງຈໍາປາສັກເປັນຝ່າຍບຸກແຕ່ມາຮອດນາທີ ທີ 23 ຜູ້ຮັກສາປະຕູຂອງແຂວງຈໍາປາສັກຈັບບານພາດ, ບານໄດ້ຟົ້ງມາຫາ ແກມມີ້ ອຸດົມສຸກ ແລະ ເຮັດໃຫ້ ແກມມີ້ຍິງຜ່ານຜູ້ຮັກສາປະຕູ ເປັນປະຕູທີ່ສວຍງາມຂອງນະຄອນຫຼວງວຽງຈັນ. ສໍາລັບການແຂ່ງຂັນຂອງເຄິ່ງເວລາທີ 2 ບໍ່ມີຝ່າຍໃດຍິງປະຕູໄດ້ ສິ້ນສຸດເວລາຂອງການແຂ່ງຂັນ ນະຄອນຫຼວງວຽງຈັນ ຊະນະ ແຂວງຈໍາປາສັກ 1-0.
![News Cover](https://laoff.org.la/storage/news/News_Image_1673493429925.webp)
ຄະນະນໍາ ສະຫະພັນບານເຕະແຫ່ງຊາດລາວ ມອບເງິນ100 ລ້ານກີບໃຫ້ທິມຊາດລາວ U17
ພາຍຫຼັງທີມຊາດລາວ U17 ສ້າງປະຫວັດສາດຜ່ານເຂົ້າຮອບ16ທີມສຸດທ້າຍເປັນຄັ້ງທີ 3ໃນຮອບຫຼາຍປີໃນລາຍການແຂ່ງຂັນ AFC U17,ຄະນະນໍາສະຫະພັນບານເຕະແຫ່ງຊາດລາວ(ສຕລ)ໄດ້ເຫັນດີຕົກລົງມອບເງິນຈຳນວນ100 ລ້ານກີບໃຫ້ແກ່ທີມຊາດລາວ U17, ເຊິ່ງການຕົກລົງເຫັນດີດັ່ງກ່າວໄດ້ຈັດຂື້ນໃນກອງປະຊຸມພົບລະຫວ່າງການນໍາ ສຕລ ພົບປະໂອ້ລົມກັບນັກກິລາທິມຊາດລາວ U17 ເມື່ອວັນທີ 11 ຕຸລາ 2022 ທີ່ ປະເທດໄທ.
ທ່ານ ຄຳແພງ ວົງຂັນຕີ ຮອງປະທານ ສຕລ ໃນນາມຫົວໜ້າຄະນະໄດ້ກ່າວວ່າ: ພວກເຮົາປະສົບຜົນສໍາເລັດໃນການແຂ່ງຂັນທີ່ສາມາດຜ່ານເຂົ້າຮອບ 16 ທີມສຸດທ້າຍໃນລະດັບອາຊີໃນຮອບຫຼາຍປີ ແຕ່ຈະໃຫ້ດີກວ່ານັ້ນຕ້ອງຜ່ານເຂົ້າສູ່ຮອບ 8 ທີມໃຫ້ໄດ້,ໃຫ້ນັກກິລາໝັ່ນຝຶກຊ້ອມດວ້ຍຕົນເອງໃຫ້ພັດທະນາຂື້ນໄປເລື້ອຍໆ. ຄະນະນໍາ ສຕລ ເຫັນດີຕົກລົງມອບເງິນຈໍານວນ 100 ລ້ານກີບ ເພື່ອເປັນກໍາລັງໃຈໃຫ້ຄະນະນັກກິລາຊຸດນີ້. ໃນໂອກາດດັ່ງກ່າວ ທ່ານ ດຣ ໄຊຊະນະ ທອງຄຳຈັນ ຮອງຫົວໜ້າຄະນະ ທັງເປັນຄະນະບໍລິຫານງານ ສຕລ ກໍ່ໄດ້ແນະນໍາໃຫ້ນັກກິລາເມື່ອເວລາກັບຄືນສະໂມສອນແລ້ວ ໃຫ້ເຄັ່ງຄັດໃນລະບຽບແລະໝັ່ນຝຶກຊ້ອມດ້ວຍຕົນເອງຕື່ມອີກ.
ຕອນທ້າຍຂອງການພົບປະ,ທ່ານພັນໂທ ຖາວອນ ຫຼວງຈັນດາວົງ ຮອງຫົວໜ້າຄະນະ ທັງເປັນຄະນະບໍລິຫານງານ ສຕລ ກໍ່ໄດ້ມີຄໍາເຫັນຕື່ມອີກວ່າ: ພາລະກິດເຮົາຍັງສືບຕໍ່,ບໍ່ໄດ້ສິ້ນສຸດພຽງເທົ່ານີ້,ພາຍຫຼັງກັບຄືນສູ່ສະໂມສອນຂອງຕົນເອງແລ້ວ,ແຕ່ລະຄົນຕ້ອງດຸໝັ່ນຝຶກຊ້ອມໃຫ້ຫຼາຍໆ ແລະ ເຊື່ອໝັ່ນວ່າພວກລູກຫຼານອາຍຸຍັງໜຸ່ມນ້ອຍ ຕ້ອງພັດທະນາຕົນເອງໃຫ້ກ້າວໄປກ່ວານີ້, ຈຸດອ່ອນຢູ່ບ່ອນໃດຕ້ອງໄດ້ປັບປຸງແກ້ໄຂ, ຮຽກຮ້ອງສືບຕໍ່ພາລະກິດຮັກສາມູນເຊື້ອອັນດີງາມນີ້ໄວ້ ເພື່ອພັດທະນາວົງການບານເຕະລາວໃຫ້ກ້າວຂື້ນໄປເລື້ອຍໆໃນຕໍ່ໜ້າ...
#Laosusu #LaoFootballFederation
#AFCU17
![News Cover](https://laoff.org.la/storage/news/News_Image_1673493335222.webp)
ທີມຊາດລາວ ຮຸ່ນອາຍຸບໍ່ເກີນ 17 ປີ ຜ່ານເຂົ້າຮອບສຸດທ້າຍ
ທີມຊາດລາວຊາຍ ຮຸ່ນອາຍຸບໍ່ເກີນ 17 ປີ (U17) ໄດ້ສິດເຂົ້າຮອບສຸດທ້າຍ U17 ປີ ຊີງແຊ້ມອາຊີ 2023ເປັນທີ່ຮຽບຮ້ອຍແລ້ວ ພາຍຫລັງ ລົງສະຫນາມ 3 ນັດ ຊະນະ 2 ນັດຄື ຊະນະ ຮົງກົງ 5-0, ຊະນະ ກຽກກີດສະຖານ 2-1ແລະເສຍ 1 ນັດໃຫ້ ອີຣານ 0-3 ມີ 6 ຄະແນນ ເປັນອັນດັບ 2ຂອງກຸ່ມໄອ.
ທີມຊາດລາວU17 ເປັນທິມອັນດັບສອງດີສຸດທີມທີ 6ຈາກ10ກຸ່ມ, ຮອງຈາກ ສາທາລະນະລັດເກົາຫລີ (ເກົາຫລີໃຕ້), ສປ ຈີນ, ອັຟການິສຖານ, ອິນເດຍ ແລະ ໄທ ແຕ່ຍັງບໍ່ມີເຈົ້າພາບຮອບສຸດທ້າຍ ຄາດວ່າ: AFC ຈະເລືອກໃນມໍ່ໆນີ້ ແລະ ອາດເປັນ 1 ໃນ 16 ທີມ ທີ່ຜ່ານການຄັດເລືອກຄັ້ງນີ້ ເນື່ອງຈາກ ປະເທດບາເຣນ ຖອນຕົວເປັນເຈົ້າພາບ.
ສຳລັບ ທີມທີ່ຜ່ານເຂົ້າຮອບສຸດທ້າຍ 16 ທີມປະກອບມີດັ່ງນີ້: ກຸ່ມ A : ຢີ່ປຸ່ນ, ກຸ່ມ B : ມາເລເຊຍ ,ກຸ່ມ C : ກາຕ້າ, ກຸ່ມ D : ຊາອຸດີອາຫຼັບບີ, ກຸ່ມ E : ເຢເມນ,ກຸ່ມ F :ຫວຽດນາມ, ກຸ່ມ G :ອອສະເຕເລຍ,ກຸ່ມ H : ທາຈິກິດສະຖານ,ກຸ່ມ I : ອິຣານ, ກຸ່ມ J : ອຸດເບກິສສະຖານ, ທິມຮອງແຊັ້ມ ກຸ່ມ: ສປ ຈີນ, ສ.ເກົາຫລີ,ອັຟການິສຖານ, ອິນເດຍ, ໄທ ແລະ ລາວ.
ຮອບສຸດທ້າຍ ການແຂ່ງຂັນບານເຕະ ຊີງແຊ້ມອາຊີ 2023 ແມ່ນຈະແຂ່ງຂັນໃນລະຫວ່າງວັນທີ 3-20 ພຶດສະພາ 2023 ແຕ່ຍັງບໍ່ທັນໄດ້ລະບຸເຈົ້າພາບ ເນື່ອງຈາກປະເທດບາເຣນຖອນຕົວເປັນເຈົ້າພາບ, ທີມທີ່ໄດ້ອັນດັບ 1- 4 ແມ່ນຈະໄດ້ສິດເຂົ້າຮ່ວມ ການແຂ່ງຂັນບານເຕະໂລກU17 ຢູ່ທີ່ປະເທດເປຣູ.
![News Cover](https://laoff.org.la/storage/news/News_Image_1673493173268.webp)
ຜົນການແຂ່ງຂັນບານເຕະແຫ່ງຊາດປະຈໍາປີ 2022
ການແຂ່ງຂັນບານເຕະແຫ່ງຊາດປະຈໍາປີ 2022 ປະເພດຍິງ ໃນມື້ທໍາອິດຄືໃນວັນທີ 09/10/2022 ເຊິ່ງມີການແຂ່ງຂັນທັງໝົດ 2 ຄູ່ຄື: ຄູ່ທີ 1 ເປັນການພົບກັນລະຫວ່າງ ແຂວງຈໍາປາສັກ ແລະ ແຂວງວຽງຈັນ ຢູ່ທີ່ເດີ່ນຫຼັກ 16 ເດີ່ນໃນ ຜົນການແຂ່ງຂັນແມ່ນ ແຂວງຈໍາປາສັກ ຊະນະ ແຂວງວຽງຈັນ 4-1. ແຂວງຈໍາປາສັກໄດ້ປະຕູຈາກ ເຣມາ ແສງປະເສີດ ໃນນາທີທີ 8 ແລະ ນາທີທີ 30 ຈາກນັ້ນພຽງ ໜຶ່ງນາທີຕໍ່ມາ ວັນວິໄລ ແກ້ວສະໝຸດກໍ່ຍິງໄດ້ຕື່ມອີກເປັນປະຕູທີ 3 ສ່ວນປະຕູທີ 4 ໄດ້ຈາກ ຄອນສະຫວັນ ວົງຄໍາແກ້ວ ໃນນາທີທີ 72 ຂອງເຄິ່ງເວລາທີ 2 ສໍາລັບ ແຂວງວຽງຈັນ ໄດ້ 1 ປະຕູຫຼັງຈາກເລີ້ມການແຂ່ງຂັນໃນເຄິ່ງເວລາທີ 1 ພຽງ 2 ນາທີ.
ຄູ່ທີ 2 ເປັນການແຂ່ງຂັນຢູ່ທີ່ເດີ່ນຫຼັກ 16 ເດີ່ນນອກ ລະຫວ່າງ ນະຄອນຫຼວງວຽງຈັນ ແລະ ແຂວງຫຼວງພະບາງ ເຊິ່ງນະຄອນຫຼວງວຽງຈັນ ຊະນະ ແຂວງຫຼວງພະບາງ ໄດ້ຢ່າງຂາດລອຍ 5-0 ເຊິ່ງໄດ້ປະຕູຈາກ ເພັດສະໝອນ ເວທີຕະ ໃນນາທີທີ 15, 46 ແລະ 72 ອີກ 2 ປະຕູໄດ້ຈາກ ແກມມີ ອຸດົມສຸກ ໃນນາທີທີ 24 ແລະ 64.
ສໍາລັບຕາຕະລາງການແຂ່ງຂັນຂອງວັນທີ 11/10/2022 ມີດັ່ງນີ້:
ຄູ່ທີ 1: ແຂວງໄຊຍະບູລີ ພົບກັບ ແຂວງຫຼວງພະບາງ ເດີ່ນຫຼັກ 16 ເດີ່ນໃນ ເວລາ 16:00
ຄູ່ທີ 2: ແຂວງຈໍາປາສັກ ພົບກັບ ນະຄອນຫຼວງວຽງຈັນ ເດີ່ນຫຼັກ 16 ເດີ່ນນອກ ເວລາ 16:00
ຢ່າລືມໄປຊົມເຊຍ ແລະ ໄປໃຫ້ກໍາລັງໃຈກັບ ທີມທີ່ທ່ານມັກ
![News Cover](https://laoff.org.la/storage/news/News_Image_1673493019678.webp)
ການແຂ່ງຂັນບານເຕະ ຊີງແຊ້ມອາຊີ ຮຸ່ນອາຍຸບໍ່ເກີນ 17 ປີ ຮອບຄັດເລືອກ ກຸ່ມໄອ
ການແຂ່ງຂັນບານເຕະ ຊີງແຊ້ມອາຊີ ຮຸ່ນອາຍຸບໍ່ເກີນ 17 ປີ ຮອບຄັດເລືອກ ກຸ່ມໄອ ລະຫວ່າງ ທີມ ຊາດລາວ ແລະ ທີມ ຮົງກົງ ຜົນປະກົດວ່າ ທີມຊາດລາວ ຊະນະທີມຮົງກົງ 5-0
ທີມຊາດລາວໄດ້ປະຕູຈາກ ສາຍຝົນ ແກ້ວຫານາມ ໃນນາທີ ທີ 16 ແລະ ນາທີ ທີ 48, ຄໍາໝັ້ນ ທາປະເສີດ ນາທີ 30, ຈາກນັ້ນໃນນາທີ ທີ 73 ແລະ 79 ຂອງເຄິ່ງເວລາທີ ສອງ ປີເຕີ້ ພັນທະວົງ ສ້າງຜົນງານໄດ້ອີກ ສອງປະຕູ ສິ້ນສຸດເວລາຂອງການແຂ່ງຂັນ ທີມຊາດລາວ ຊະນະທີມຮົງກົງ 5-0 ລໍຖ້າລຸ້ນໃນຮອບສຸດທ້າຍເຊິ່ງຈະພົບກັບທີມຊາດ ກຽກກິດສະຖານ ໃນວັນທີ 9 ຕຸລາ ເວລາ 20 ໂມງ 30 ນາທີ.
ຮູບແບບການຄັດເລືອກລາຍການດັ່ງກ່າວ ມີທັງໝົດ 44 ທີມ ແບ່ງເປັນ 10 ກຸ່ມ, ແຂ່ງພົບກັນໝົດໃນກຸ່ມ ແລ້ວຄັດເອົາທີ 1 ຂອງແຕ່ລະກຸ່ມ ແລະ ທີ 2 ດີສຸດ 5 ຫາ 6 ທີມ ເຂົ້າຮອບສຸດທ້າຍໃນປີ 2023.
#Laosusu #LaoFootballFederation
#AFCU17
#afcu17asiancupqualifiers #LaosvsHongkong
![News Cover](https://laoff.org.la/storage/news/News_Image_167349282569.webp)
ທີມຊາດລາວ U17
ທີມຊາດລາວ U17 ນໍາໂດຍທ່ານ ຄຳແພງ ວົງຂັນຕີ ຮອງປະທານສະຫະພັນບານເຕະແຫ່ງຊາດລາວ(ສຕລ)ຫົວໜ້າຄະນະນໍາ, ຄະນະຄູຝຶກ ແລະ ນັກກິລາທັງໝົດ 36 ຄົນ ໄດ້ອອກເດີນທາງຈາກ ສະໜາມບິນສາກົນວັດໄຕນະຄອນ ຫຼວງວຽງຈັນເມື່ອຕອນບ່າຍຂອງວັນທີ 29 ກັນຍາ 2022 ມຸ່ງໜ້າສູ່ ປະເທດ ກຽກກີສະຖານ, ໂດຍຜ່ານສະໜາມບິນສຸວັນນະພູມ ບາງກອກ ປະເທດໄທ, ສະໜາມບິນດູໄບແລະເດີນທາງຮອດ ສະໜາມບິນສາກົນມານັດ( Manas international airport) ແຫ່ງປະເທດກຽກກີສະຖານເປັນທີ່ຮຽບຮ້ອຍແລ້ວດວ້ຍຄວາມສະຫວັດດີພາບ.
ທີ່ປະເທດ ກຽກກີສະຖານ,ທີມຊາດລາວ U17ຈະໄດ້ເຂົ້າຮ່ວມການແຂ່ງຂັນ AFC U17 Asian Cup 2023 Qualifiers ( group I ) ທີ່ຈະຈັດຂື້ນໃນລະຫວ່າງ ວັນທີ 5 ຫາ 9 ຕຸລາ 2022 ນີ້ ເຊິ່ງ ທິມຊາດລາວ U17 ຢູ່ກຸ່ມ I ຊື່ງປະກອບມີ: ISLAMIC REPUBLIC OF ILAN, HONG KONG, KYRGYZ REPUBLIC, LAOS.
ຕາຕະລາງ ການແຂ່ງຂັນຂອງ ທີມຊາດລາວ
- ວັນທີ 5 ຕຸລາ 2022 ເວລາ 15:00 ອີຣານ ພົບ ລາວ
- ວັນທີ 7 ຕຸລາ 2022 ເວລາ 15:00 ລາວ ພົບ ຮົງກົງ
- ວັນທີ 9 ຕຸລາ 2022 ເວລາ 17:30 ກຽກກີສະຖານ ພົບ ລາວ
ໂດຍທຸກໆນັດແຂ່ງຂັນທີ່ສະໜາມກິລາ Dolon Omurzakov Stadium, Bishkek
#Laosusu #LaoFootballFederation
#LaoNationalTeam
#LFF
![News Cover](https://laoff.org.la/storage/news/News_Image_1673492718620.webp)
ສະຫະພັນບານເຕະແຫ່ງຊາດລາວຈັດຝຶກອົບຮົບກຳມະການຕັດສິນຍິງ
ວັນທີ 03 ຕຸລາ 2022 ທີ່ຫ້ອງປະຊຸມ ສະຫະພັນບານເຕະແຫ່ງຊາດລາວ(ສຕລ) ໄດ້ມີການຈັດຝຶກອົບຮົມຍົກລະດັບກຳມະການຕັດສິນຍິງ ເພື່ອກະກຽມຮັບໃຊ້ການແຂ່ງຂັນກິລາບານເຕະຍິງແຫ່ງຊາດ ປະຈໍາປີ 2022 ແລະ ງານມະຫະກຳກິລາແຫ່ງຊາດຄັ້ງທີ 11 ທີ່ແຂວງຊຽງຂວາງ, ໂດຍການເຂົ້າຮ່ວມໃນພິທີມີທ່ານ ນາງ ພູໄຊ ແພງພົງ ຄະນະບໍລິຫານ ສຕລ ທັງເປັນຫົວຫນ້າອະນຸກຳມະການບານເຕະຍິງຂອງສຕລ, ທ່ານ ສົມສະນຸກ ລຽນສະຫວັນ ຮອງເລຂາທິການ ສຕລ, ທ່ານ ໄຊປະເສີດ ພົງຊະນິດ ຫົວຫນ້າພະແນກກຳມະການຕັດສິນຂອງສຕລ, ທ່ານ ທອງປະເສີດ ພອນສິຣິຍະວົງ ຫົວຫນ້າຫ້ອງການນິຕິກຳ ຂອງສຕລ ພ້ອມດ້ວຍຜູ້ປະເມີນກຳມະການຕັດສິນ ແລະ ນັກສໍາມະນາກອນກຳມະການຕັດສິນ ເຂົ້າຮ່ວມທັງຫມົດ 29 ຄົນ ທີ່ມາຈາກຕ່າງແຂວງ ແລະ ນະຄອນຫລວງວຽງຈັນຄື: ແຂວງບໍ່ແກ້ວ, ຫົວພັນ,ຜົ້ງສາລີ,ໄຊຍະບູລີ,ຄຳມ່ວນ,ສະຫວັນນະເຂດ,ເຊກອງ ແລະຈຳປາສັກ.
ສຳລັບຈຸດປະສົງໃນການຝຶກອົບຮົມແມ່ນເພື່ອຍົກລະດັບຄວາມຮູ້, ຄວາມສາມາດກໍາມະການຕັດສິນຍິງທົ່ວປະເທດ ໃນການປະຕິບັດຫນ້າທີ່ນຳເອົາບົດຮຽນຝຶກອົບຮົມດັ່ງກ່າວໄປເຜີຍແຜ່ ແລະ ສິດສອນກໍາມະການຕັດສິນໃນທ້ອງຖິ່ນທີ່ຕົນເອງຮັບຜິດຊອບ, ເພື່ອຄັດເລືອກເອົາກຳມະການຕັດສິນທີ່ຜ່ານມາດຖານເຂົ້າຮ່ວມ ການແຂ່ງຂັນກິລາບານເຕະຍິງແຫ່ງຊາດ ປະຈຳປີ 2022 ແລະ ງານມະຫະກຳກິລາແຫ່ງຊາດຄັ້ງທີ 11 ທີ່ແຂວງຊຽງຂວາງ.
ໃນການຝຶກອົບຄັ້ງນີ້ ນັກສຳມະນາກອນຈະໄດ້ຮຽນຮູ້ທາງດ້ານທິດສະດີ ແລະ ທົດສອບພະລະກຳລັງ ພ້ອມດຽວນັ້ນຈະໄດ້ຮຽນຮູ້ກະຕິກາ ກິລາບານເຕະທີ່ມີການປັບປຸງໃຫມ່ ປະຈຳປີ 2022 / 2023, ຮຽນຮູ້ທັກສະ ແລະ ຍຸດທະວິທີໃນການປະຕິບັດຫນ້າທີ່ ຈັດການບໍລິຫານເກມການແຂ່ງຂັນ.
ການຝຶກອົບຮົມດັ່ງກ່າວແມ່ນຈະໄດ້ໃຊ້ເວລາ 5 ມື້ ເລີ້ມຕັ້ງແຕ່ວັນທີ 03-07 ຕຸລາ 2022, ສຳລັບນັກສຳມະກອນທີ່ສອບເສັງຜ່ານ ແມ່ນໄດ້ເຂົ້າຮ່ວມຕັດສິນ ການແຂ່ງຂັນກິລາບານເຕະຍິງແຫ່ງຊາດ ປະຈຳປີ 2022 ທີ່ຈະເລີ້ມແຂ່ງຂັນໃນວັນທີ 09 - 21/10/2022.
- ກຸ່ມ ກ: ແຂວງຈຳປາສັກ, ນະຄອນຫຼວງວຽງຈັນ, ແຂວງຫຼວງພະບາງ, ແຂວງວຽງຈັນ ແລະ ແຂວງໄຊຍະບູລີ.
- ກຸ່ມ ຂ: ແຂວງສະຫວັນນະເຂດ, ແຂວງບໍລິຄຳໄຊ ແລະ ແຂວງຊຽງຂວາງ.
ໂດຍທຸກໆນັດແມ່ນແຂ່ງຂັນຢູ່ທີ່ສະຫນາມກິລາແຫ່ງຊາດຫຼັກ 16 ເດີ່ນໃນ ແລະ ເດີ່ນນອກ.