ຕອນບ່າຍ ວັນທີ 17 ກຸມພາ  2023 ທີ່ຫ້ອງປະຊຸມ ສະຫະພັນບານເຕະແຫ່ງຊາດລາວ(ສຕລ) ໄດ້ມີພິທີປິດຊຸດຝຶກອົບຮົມກຳມະການຕັດສິນເພື່ອກະກຽມຄວາມພ້ອມໃນລາຍການແຂ່ງຂັນບານເຕະເປບຊີລາວລີກ1ປະຈຳປີ 2023,ໂດຍການໃຫ້ກຽດເຂົ້າຮ່ວມໃນພິທີຂອງທ່ານ ຄຳແພງ ວົງຂັນຕີ ຮອງປະທານ ສຕລ,ຫົວໜ້າອະນຸກໍາມະການຕັດສິນ,ທ່ານໄຊປະເສີດພົງຊະນິດຫົວຫນ້າພະແນກກຳມະການຕັດສິນ ສຕລ, ທ່ານ ທອງປະເສີດ ພອນສິຣິຍະວົງ ຫົວຫນ້າຫ້ອງການນິຕິກຳ ສຕລ, ໂດຍມີຜູ້ເຂົ້າຮ່ວມທັງຫມົດ 45 ທ່ານ,ໃນນັ້ນເປັນຍິງ2ທ່ານ,ຜູ້ປະເມີນກຳມະການຕັດສິນ6ທ່ານທີ່ມາຈາກຕ່າງແຂວງ12ທ່ານ. 

  ໃນພິທີ,ທ່ານ  ຄຳແພງ ວົງຂັນຕີ ໄດ້ກ່າວໃຫ້ຄໍາເຫັນວ່າ: ການຝຶກອົບຮົມຄັ້ງນີ້ເປັນການຍົກລະດັບໃຫ້ກຳມະການຕັດສິນກ່ອນເປີດການແຂ່ງຂັນ ເປບຊີລາວລີກ 1ເພື່ອຮັບປະກັນການແຂ່ງຂັນໃຫ້ຮັກສາໄດ້ໃນລະດັບເກນມາດຕະຖານຂອງການແຂ່ງຂັນທີ່ໄດ້ກຳນົດໄວ້ແລະ ໄດ້ສະແດງຄວາມຊົມເຊີຍຢ່າງສຸດໃຈຕໍ່ກຳມະການທີ່ໄດ້ສຳເລັດການຝຶກອົບຮົມໃນຄັ້ງນີ້,ເຮັດໃຫ້ກໍາມະການຈໍານວນໜຶ່ງກໍ່ໄດ້ກ້າວຂື້ນໄປສູ່ການຕັດສິນໃນລະດັບAFC ລະດັບFIFA ຊຶ່ງນອກຈາກເປັນຜົນງານຂອງຕົນເອງແລ້ວ,ກໍຍັງເປັນການສ້າງຊື່ສຽງໃຫ້ກັບປະເທດຊາດກໍ່ຄືສະຫະພັນບານເຕະແຫ່ງຊາດລາວຕື່ມອີກ.

  ສຳລັບການຝຶກອົບຮົມກຳມະການຕັດສິນດຳເນີນມາເປັນເວລາ4ວັນນັບຕັ້ງແຕ່ວັນທີ 14 - 17 ກຸມພາ  2023 ໂດຍນັກສຳມະນາກອນ ໄດ້ຮຽນຮູ້ ທາງດ້ານທິດສະດີກ່ຽວກັບກະຕິກາຕ່າງໆ, ໂດຍສະເພາະການເຮັດຜິດກົດກະຕິກາ ,ຈັງຫວະລໍ້າໜ້າ ນອກຈາກນັ້ນກໍ່ໄດ້ຮຽນຮູ້ກ່ຽວກັບຕໍາແໜ່ງ, ການບໍລິຫານເກມການແຂ່ງຂັນ,ທີ່ສໍາຄັນກໍ່ໄດ້ຮຽນຮູ້ສະກັດກັ້ນການລົ້ມບານ,ແກ້ໄຂ້ປັບປຸງຂໍ້ຜິດພາດໃນໄລຍະຜ່ານມາ ພ້ອມດຽວກັນນັ້ນ ໄດ້ມີການທົດສອບພາລະກຳລັງ,ທົດສອບການວິນິດໄສທາງວີດີໂອແລະອື່ນໆ.

ຕາຕະລາງ ການແຂ່ງຂັນບານເຕະ ເປບຊີ ລາວລີກ 1 ປະຈຳປິ 2023 ອາທິດທີ 1

 ວັນເສົາ 18/02/2023 ມີ​ກາ​ນ​ແຂ່ງ​ຂັນ 2 ຄູ່ ເວລາ 16:00 ​ສະ​ໂມ​ສອນບານເຕະ ວຽງຈັນ ພົບ ສະໂມສອນບານ​ເຕະ ເອສະຣາ ແຂ່ງຂັນຢູ່ທີ່ສະຫນາມກິລາທະຫາວິທະຍາໄລແຫ່ງຊາດລາວ

ລິ້ງຖ່າຍທອດສົດ: https://www.youtube.com/live/607GTPPTUrg?feature=share

 ເວລາ 16:00 ​ ສະໂມສອນບານເຕະ ຊ້າງນ້ອຍ ພົບ ສະໂມສອນບານເຕະ  ນ້ຳ​ທາ ແຂ່ງຂັນຢູ່ທີ່ສະຫນາມກິລາແຫ່ງຊາດຫຼັກ 16

ລິ້ງຖ່າຍທອດສົດ: https://www.youtube.com/live/Kivot6bFEKI?feature=share

 ວັນອາ​ທິດ 19/02/2023 ມີ​ກາ​ນ​ແຂ່ງ​ຂັນ 2 ຄູ່ ເວ​ລາ 16:00 ສະ​ໂມ​ສອນບານ​ເຕະ ກອງ​ທັບ ພົບ ສະ​ໂມ​ສອນບານ​ເຕະ ຫຼວງພະບາ ແຂ່ງຂັນຢູ່ທີ່ສະຫນາມກິລາກອງທັບ ຫຼັກ 5 

ລິ້ງຖ່າຍທອດສົດ: https://www.youtube.com/live/9rzQEUh-9e0?feature=share

 ເວ​ລາ 16:00 ສະ​ໂມ​ສອນບານ​ເຕະ ມາສເຕີ້ ເຊເວັ້ນ ພົບ ສະ​ໂມ​ສອນ​ບານ​ເຕະ ຈຳປາສັກ ແຂ່ງຂັນຢູ່ທີ່ສະຫນາມກິລາແຫ່ງຊາດຫຼັກ 16

ລິ້ງຖ່າຍທອດສົດ: https://www.youtube.com/live/nazZIr6xKus?feature=share

ສາ​ມາດ​ໄປຊົມ ແລະ ເຊຍ ​ຕິດ​ຂອບ​ສະ​ຫນາມ​ທີມ​ທີ່​ຕົນ​ເອງ​ມັກ​ໄດ້, ເຂົ້າ​ຊົມ​ຟ​ຣີ ແລະ ສາ​ມາດ​ຮັບ​ຊົມ ການ​ຖ່າຍ​ທອດ​ສົດ​ໄດ້​ທີ່ ເຟ​ສບຸກ '' Lao League 1 ລາວລີກ 1 ''  ແລະ Youtube ''  LAOFF TV ສະ​ຫະ​ພັນ​ບານ​ເຕະ​ແຫ່ງ​ຊາດ​ລາວ ''     

#PepsiLaoLeague1 

#pepsilaos

#Laotelecom

#evo

#LaoLeague1 #laofootball #laoleague #YoungElephantsFC #LaoArmyFC #ViengchanhFC #EzraFC #Master7FC #LuangPrabangFC #ChampasakFC

#namthaunited

#Matchday1 

 ສະຫະພັນບານເຕະແຫ່ງຊາດລາວ(ສຕລ)ໄດ້ຈັດພິທີຖະແຫລງຂ່າວເປີດການແຂ່ງຂັນບານເຕະ ເປບຊີ ລາວລີກ 1ປະຈຳປີ2023 ຂື້ນຢ່າງເປັນທາງການໃນວັນທີ 17 ກຸມພາ 2023 ທີ່ ວຽງຈັນເຊັນເຕີ ນະຄອນຫຼວງວຽງຈັນ,ໂດຍການເຂົ້າຮ່ວມຂອງ ທ່ານ ຈັນທະວົງ ສິລິມະໂນທຳ ຮອງເລຂາທິການ ສຕລ.

ໃນພິທີ,ທ່ານ ຈັນທະວົງ ສິລິມະໂນທຳ ຮອງເລຂາທິການ ສຕລ ໄດ້ກ່າວຈຸດປະສົງຂອງການຈັດການແຂ່ງຂັນບານເຕະ ເປບຊີ ລາວລີກ 1ປະຈຳປີ 2023 ວ່າ:ໃນການແຂ່ງຂັນຄັ້ງນີ້ມີ 8 ສະໂມສອນ ເຂົ້າຮ່ວມປະກອບມີ:

 1. ສະໂມສອນ ກິລາບານເຕະ ຊ້າງນ້ອຍ.

2. ສະໂມສອນ ກິລາບານເຕະ ກອງທັບ

3. ສະໂມສອນ ກິລາບານເຕະ ວຽງຈັນ

4. ສະໂມສອນ ກິລາບານເຕະ ເອສະຣາ

5. ສະໂມສອນ ກິລາບານເຕະ ມາສເຕີ້ ເຊເວັ້ນ

6. ສະໂມສອນ ກິລາບານເຕະ ຫຼວງພະບາງ

7. ສະໂມສອນ ກິລາບານເຕະ ຈຳປາສັກ

8. ສະໂມສອນ ກິລາບານເຕະ ນ້ຳທາ  

 ທ່ານ ສັນຕິກອນ ແສງດາລາ ຫົວຫນ້າພະແນກຈັດການແຂ່ງຂັນ ສຕລ ໄດ້ອະທິບາຍ ຮູບແບບຂອງການຈັດແຂ່ງຂັນບານເຕະ ເປບຊີ ລາວລີກ 1 ປະຈໍາປີ 2023  ໂດຍຈະໃຊ້ 6 ສະຫນາມ ແຂ່ງຂັນຄື: ສະຫນາມກິລາແຫ່ງຊາດຫຼັກ 16 ສະຫນາມໃນ, , ສະຫນາມກິລາກອງທັບ ຫຼັກ 5, ສະຫນາມກິລາມະຫາວິທະຍາໄລແຫ່ງຊາດລາວ, ສະຫນາມກິລາແຂວງຈຳປາສັກ, ສະຫນາມກິລາແຂວງຫຼວງພະບາງ ແລະ ສະຫນາມກິລາແຂວງຫຼວງນ້ຳທາ.

  ສວ່ນຮູບແບບການຈັດການແຂ່ງຂັນບານເຕະ ເປບຊີ ລາວລີກ 1 ແມ່ນນໍາໃຊ້ຮູບແບບການແຂ່ງຂັນແບບພົບກັນຫມົດຈຳນວນ 2  ຮອບ ຂາໄປ ແລະ ຂາກັບ ເຊິ່ງຈະເລີ້ມແຂ່ງຂັນນັບຕັ້ງແຕ່ວັນທີ  18 ກຸມພາ  ຫາ ສິງຫາ 2023 ຈຳນວນນັດແຂ່ງຂັນທັງຫມົດ 56 ນັດ, ສະໂມສອນທີ່ໄດ້ເປັນແຊ້ມ  ເປບຊີ ລາວລີກ 1ໃນ ລະດູການ 2023 ຈະໄດ້ເປັນສະໂມສອນຕົວແທນຈາກ ສປປ ລາວ ເຂົ້າຮ່ວມການແຂ່ງຂັນລະດັບ AFC Cup 2024 (ແຕ່ຕ້ອງໄດ້ຮັບໃບອະນຸຍາດສະໂມສອນລະດັບອາຊີຈື່ງສາມາດເຂົ້າຮ່ວມໄດ້ ) ຫຼື ລາຍການອື່ນໆທີ່ຖືກເຊີນ ສ່ວນອັນດັບຮອງລົງມາຈະໄດ້ພິຈາລະນາຕາມຄວາມເໝາະສົມ.

 ໃນທ້າຍພິທີຍັງໄດ້ມີພິທີມອບການອຸປະຖຳ ການແຂ່ງຂັນບານເຕະ ເປບຊີ ລາວລີກ 1 ປະຈຳປີ 2023 ຈາກຫລາຍບໍລິສັດຄື:ບໍລິສັດ ເບຍລາວ ຈຳກັດ ສະຫນັບສະຫນູນ ເປັນຈຳນວນ 1,638,000,000 ກີບ, ບໍລິສັດ ລາວໂທລະຄົມມະນາຄົມ ມະຫາຊົນ ຈຳນວນ 481,288,000 ກີບ ແລະ ບໍລິສັດ ອີໂວ ຈຳກັດ 77,761,000 ກີບ ກ່າວຮັບໂດຍແມ່ນ ທ່ານ ຈັນທະວົງ ສິລິມະໂນທຳ ຮອງເລຂາທິການ ສຕລ. 

ໃຫ້ກຽດເຂົ້າຮວ່ມໃນງານນີ້,ຍັງມີທ່ານ ນ. ແສງມະນີ ໄຊຍະກອນ ຜູ້ຈັດການຊ່ອງທາງການຈັດຈຳໜ່າຍເຄື່ອງດື່ມທີ່ບໍ່ມີທາດເຫລົ້າ ບໍລິສັດ ເບຍລາວ ຈຳກັດ, ທ່ານ ທອນແກ້ວ ສີຫາວົງ ຮອງຫົວຫນ້າຝ່າຍປະຕິບັດການ ແລະ ພັດທະນາ ເຄື່ອຂ່າຍ ລາວໂທລະຄົມ, ບໍລິສັດ ລາວໂທລະຄົມ ມະຫາຊົນ ຈຳກັດ , ທ່ານ ແຮັບປີ້ ສີສົມພອນ ຜູ້ອຳນວຍການຝ່າຍການຕະຫລາດ, ບໍລິສັດ ອີໂວ ຈຳກັດ, ທ່ານ ອະພິຊາດ ສະຫວັດມົງຄົນ ຜູ້ຊ່ວຍອຳນວຍການສູນການຄ້າວຽງຈັນເຊັນເຕີ, ທ່ານ ສັນຕິກອນ ແສງດາລາ ຫົວຫນ້າ ພະແນກຈັດການແຂ່ງຂັນ ສຕລ, ພ້ອມດ້ວຍແຂກຖືກເຊີນ ແລະ ສື່ມວນຊົນ  ເຂົ້າຮ່ວມຢ່າງພ້ອມພຽງ. 

 ສຳລັບຕາຕະລາງ ການແຂ່ງຂັນບານເຕະ ເປບຊີ ລາວລີກ 1 ປະຈໍາປິ 2023 ອາທິດທີ 1 ວັນເສົາ 18/02/2023 ມີການແຂ່ງຂັນ 2 ຄູ່ ເວລາ 16:00 ສະໂມສອນບານເຕະ ວຽງຈັນ ພົບກັບ ສະໂມສອນບານເຕະ ເອສະຣາ ແຂ່ງຂັນຢູ່ທີ່ສະຫນາມກິລາມະຫາວິທະຍາໄລແຫ່ງຊາດລາວ, ເວລາ 16:00  ສະໂມສອນບານເຕະ ຊ້າງນ້ອຍ ພົບກັບ ສະໂມສອນບານເຕະ  ນ້ຳທາ ແຂ່ງຂັນຢູ່ທີ່ສະຫນາມກິລາແຫ່ງຊາດຫຼັກ 16, ວັນອາທິດ 19/02/2023 ມີການແຂ່ງຂັນ 2 ຄູ່ ເວລາ 16:00 ສະໂມສອນບານເຕະ ກອງທັບ ພົບກັບ ສະໂມສອນບານເຕະ ຫຼວງພະບາງ ແຂ່ງຂັນຢູ່ທີ່ສະຫນາມກິລາກອງທັບ ຫຼັກ 5, ເວລາ 16:00 ສະໂມສອນບານເຕະ ມາສເຕີ້ ເຊເວັ້ນ ພົບກັບ ສະໂມສອນບານເຕະ ຈຳປາສັກ ແຂ່ງຂັນຢູ່ທີ່ສະຫນາມກິລາແຫ່ງຊາດຫຼັກ 16 ສາມາດໄປຊົມ ແລະ ເຊຍຕິດຂອບສະຫນາມກັບທິມບານເຕະທີ່ຕົນເອງມັກໄດ້, ເຂົ້າຊົມໂດຍບໍ່ເສຍຄ່າ(Free) ແລະ ສາມາດຮັບຊົມ ການຖ່າຍທອດສົດໄດ້ທີ່ ເຟສບຸກ '' Lao League 1 ລາວລີກ 1 ''  ແລະ Youtube ''  LAOFF TV ສະຫະພັນບານເຕະແຫ່ງຊາດລາວ.

ຖືວ່າເປັນອີກໜຶ່ງຂ່າວດີ ແລະ ເປັນຄວາມພາກພູມໃຈຂອງຄົນລາວ ທີ່ຈະໄດ້ເຫັນບຸກຄະລາກອນສັນຊາດລາວ ມີບົດບາດໄດ້ໄປຮ່ວມຕັດສິນລະດັບທະວີບອາຊີຄັ້ງທຳອິດ ເຊິ່ງ ທ່ານ ນາງ ພຸດສະຫວັນ ຈັນທະວົງ ຜູ້ຊ່ວຍກຳມະການຕັດສິນລະດັບຟີຟ້າຈາກລາວ ຈະໄດ້ໄປຮ່ວມຕັດສິນການແຂ່ງຂັນເຕະບານຍິງ ຮຸ່ນອາຍຸບໍ່ເກີນ 20 ປີ ຊິງແຊ້ມອາຊີ 2024 ຮອບຄັດເລືອກ ຮອບທີໜຶ່ງ ກຸ່ມ D ທີ່ປະເທດຈໍແດນ (ຊັອກດານີ້) ໃນວັນທີ 6-12 ມີນາ 2023 ນີ້, ກາຍເປັນກຳມະການຕັດສິນຍິງລາວຄົນທຳອິດ ໄດ້ຖືກຄັດເລືອກໃຫ້ຮ່ວມຕັດສິນລາຍການນີ້ ແລະ ລະດັບທະວີບອາຊີ.

ທ່ານ ນາງ ພຸດສະຫວັນ ຈັນທະວົງ ໃຫ້ຮູ້ຕື່ມວ່າ: ກ່ອນຈະຖືກຄັດເລືອກໄປຮ່ວມຕັດສິນຄັ້ງນີ້ ຕົນເອງຕ້ອງອົດທົນຝຶກຝົນຮຽນຮູ້ດ້ານວິຊາສະເພາະໜັກສົມຄວນ ໂດຍສະເພາະດ້ານພາສາອັງກິດ, ກົດກະຕິກາ, ພະລະກຳລັງ, ຈິດໃຈ ແລະ ການເຮັດວຽກເປັນທີມ ຖືວ່າຈະເປັນປະສົບການອັນໃໝ່ໃຫ້ກັບຕົນເອງ ເພື່ອຕໍ່ຍອດສູ່ການຕັດສິນລະດັບພາກພື້ນ ແລະ ສາກົນຕໍ່ໄປ.

ສຳລັບປະສົບການຜ່ານມາຂອງ ພຸດສະຫວັນ ຈັນທະວົງ ເລີ່ມຕົ້ນດ້ວຍການເປັນນັກກິລາແລ່ນລານ, ຈາກນັ້ນໄດ້ຮັບການອົບຮົມ ຮຽນຮູ້ ເລື່ອງການເປັນກຳມະການຕັດສິນບານເຕະ, ເຄີຍຕັດສິນລາຍການຕ່າງໆພາຍໃນປະເທດ ລວມທັງລະດັບອາຊຽນ ແລະ ອາຊີ ຈຳນວນໜຶ່ງ, ໄດ້ຮັບໃບຢັ້ງຢືນການເປັນຜູ້ຊ່ວຍຜູ້ຕັດສິນລະດັບຟີຟ້າໃນປີ 2019 ເຊິ່ງກ່ອນໄປຮ່ວມຕັດສິນລາຍການນີ້ ພຸດສະຫວັນ ຈັນທະວົງ ໄດ້ໄປຮ່ວມອົບຮົມກຳມະການຕັດສິນລະດັບສູງຂອງຟີຟ້າ ຢູ່ປະເທດມາເລເຊຍ ໃນວັນທີ 7-10 ກຸມພາ 2023 ຜ່ານມາ.

ສຳລັບ ການແຂ່ງຂັນເຕະບານຍິງ ຮຸ່ນອາຍຸບໍ່ເກີນ 20 ປີ ຊິງແຊ້ມອາຊີ 2024 ຮອບຄັດເລືອກ ຮອບທີໜຶ່ງ ນອກຈາກ ພຸດສະຫວັນ ຈັນທະວົງ ຈະໄປຮ່ວມຕັດສິນໃນ ກຸ່ມ D ທີ່ປະເທດຈໍແດນ, ສປປ ລາວ ກໍໄດ້ຮັບກຽດເປັນເຈົ້າພາບ ຮອບຄັດເລືອກ ກຸ່ມ A ໃນລະຫວ່າງວັນທີ 8-12 2023 ໂດຍມີ 4 ທີມຮ່ວມຄັດເລືອກຄື: ສປ ຈີນ, ຟີລິບປິນ, ຮົງກົງ ແລະ ລາວ ເຈົ້າພາບ, ຮູບແບບການແຂ່ງຂັນພົບກັນໝົດ ແລ້ວຄັດເອົາທີ 1 ຂອງກຸ່ມ ເຂົ້າຮອບຄັດເລືອກຮອບທີສອງຕໍ່ໄປ.

ວັນທີ 15/02/2023

ທີມໂຮງຮຽນກິລາ ແຂວງຂອນແກ່ນ ຈາກປະເທດໄທ ເອົາຊະນະ ທີມຊາດຍິງ ລາວU20  6-0

ແຂ່ງຂັນຢູ່ສະໜາມກິລາ ໂຮງຮຽນກິລາ ແຂວງຂອນແກ່ນ ປະເທດໄທ.

• ກິລາບານເຕະຍິງກຳລັງໄດ້ຮັບຄວາມນິຍົມໃນທົ່ວໂລກ ແລະ ພັດທະນາໄວກວ່າທີ່່ເຄີຍມີມາ. ໃນຕົ້້ນປີກາຍນີ້້, ນີ້້ທ່ານນາງ ກັນຍາ ແກ້ວມະນີ ໄດ້ີ ຮັບເລືອກຕັ້້ງເປັນສະມາຊິກິສະພາຟີຟ່າຂອງລາວຄົນທຳອິດ. ນາງໄດ້ເຮັັດວຽກຫຼຼາຍປີເພື່່ອສົ່ງເສີມກິລາບານເຕະຍິິງໃນອາຊີີໃນຖານະເປັນສະມາຊິິກຂອງຄະນະກໍໍາມະການບານເຕະຍິງຂອງ AFC. ການສໍໍາພາດນີ້້ຫວັງວ່າຈະສ່ອງແສງໃຫ້ເຫັັນເຖິງອະນາຄົດຂອງບານເຕະຍິງ ແລະ ແມ່ຍິງທີ່່ເຮັັດວຽກຢູ່ໃນອຸດສາຫະກໍໍາບານເຕະ.
• ໃນຖານະເປັນສະມາຊິິກລາວຄົົນທໍໍາອິິດໃນສະພາ FIFA, ທ່ານຢາກເຫັັນແນວຄວາມຄິິດແນວໃດໃນຕາຕະລາງ? 

  ກ່ອນອື່່ນໝົດ, ຖືວ່າເປັນກຽດຢ່າງແທ້ຈິງທີ່່ໄດ້ຮັບເລືືອກ ຕັ້້ງປັນສະມາຊິກສະມາຊິກິສະພາຂອງ FIFA ເພື່່ອເປັນຕົວແທນໃຫ້ແກ່ແມ່ຍິງອາຊີເຂົ້້າຮ່ວມ ການແຂ່ງຂັນກິລາທີ່່ໃຫຍ່ທີ່່່ສຸດໃນໂລກ. ບໍ່ວ່າຂ້ອຍຢູ່ໃສ, ເປົ້າໝາຍຂອງຂ້ອຍແມ່ນຜູ້ຍິງສະເໝີີ. ການພັດທະນາກິລາບານເຕະຍິງແມ່ນສິ່່ງທີ່່ຂ້ອຍມຸ່ງຫມັ້້ນທີ່່ຈະເຮັັດບໍ່ພຽງແຕ່ຢູ່ໃນສະຫນາມເທົ່ານັ້້ນແຕ່ນອກສະຫນາມເຊັ່ນກັນ. ຂ້າພະເຈົ້້າຫວັງວ່າຈະເປັນສຽງສໍໍາລັບຜູ້ຍິງ, ຄູຝຶກສອນແມ່ຍິງ, ຜູ້ຕັດສິນ, ຜູ້ບໍໍລິຫານ, ແລະ ອື່່ນໆ, ເພື່່ອເຮັັດໃຫ້ສຽງຂອງເຂົາເຈົ້າໄດ້ຍິິນໃນທຸກ ລະດັບຂອງອົງການປົກຄອງບານເຕະ ແລະ ສໍໍາຄັນທີ່່ສຸດ , ສົ່ງເສີມຄວາມລວມຂອງສັັງຄົົມສໍໍາລັບແມ່ຍິງໃນກິລາບານເຕະ ແລະ ໃຫ້ແນ່ໃຈ່ວ່າແມ່ຍິງທຸກຄົນຍິນິດີຕ້ອນຮັບໃນອຸດສາຫະກໍໍາບານເຕະ.

• ບານເຕະຍິິງໃນອາຊີີໄດ້ເປັນສ່ວນຫນຶ່່ງທີ່່ສໍໍາຄັັນຂອງການເຮັັດວຽກຂອງທ່ານສໍໍາລັັບ 15 ປີທີ່່ຜ່ານມາ. ສິ່່ງທ້າທາຍທີ່່ຍັັງເຫຼືືອ ແມ່ນຍັງຕ້ອງໄດ້ຜ່ານຜ່າເພື່່ອໃຫ້ກິິລາພັດທະນາຕໍ່ໄປ?

  ເມື່່ອບໍ່ດົນມານີ້ FIFA ແລະ AFC ໄດ້ນີ້້ລົງທຶຶນຫຼຼາຍໃນການພັດທະນາກິລາບານເຕະຍິງ. ຄວາມນິຍົມຂອງກິລາບານເຕະຍິງໄດ້ເພີ່່ມຂຶ້້ນຢ່າງຫຼວງຫຼຼາຍຫຼັັງຈາກການແຂ່ງຂັນເຕະບານໂລກແມ່ຍິງໃນປີ 2019, ປະເທດຝຣັ່ງ. ໃນປັດຈຸບັນພວກເຮົົາເຫັັນແມ່ຍິງໃນຕໍໍາແຫນ່ງ ບໍໍລິິຫານບານເຕະຫຼາຍຂຶ້້ນ. ເຈົ້້າໜ້າທີ່່ເພດຍິງໄດ້ຮັບການແຕ່ງຕັ້ງໃຫ້ເປັນເຈົ້າໜ້າທີ່່ໃນການແຂ່ງຂັນບານເຕະຊາຍໂລກຄັ້ງສຸດທ້າຍທີ່່ປະເທດກາຕາ ແລະ ສື່ມວນຊົນຈໍໍານວນຫຼາຍໄດ້ເນັ້ນໃສ່ການສົ່ງເສີມນັກເຕະຍິງ ແລະ ຄູຝຶກບານເຕະ. ມັນເປັນສັນຍານໃນທາງບວກສໍໍາລັບບານເຕະຍິງໂດຍທົ່ວໄປ. ຢ່າງໃດກໍ່ຕາມ, ຍັງມີບາງຈຸດທີ່່ດທີ່່ຈະປັບປຸງໂດຍສະເພາະໃນສະມາຄົມສະມາຊິກບານເຕະຂະຫນາດນ້ອຍທີ່່ບານເຕະຍິງຍັງບໍ່ເປັນທີ່່ນິຍົມ ແລະ ຂາດການສະຫນັບສະຫນູນ.ພວກເຂົົາຕ້ອງການການຊ່ວຍເຫຼືືອທີ່່ຖືກຕ້ອງເພື່່ອເສີມສ້າງຄວາມສາມາດຂອງເຂົາເຈົ້າເພື່ອໃຫ້ພວກເຂົາສາມາດແຂ່ງຂັນກັບທີມບານເຕະແຫ່ງຊາດທີ່່ໃຫຍ່ກວ່າການແຂ່ງຂັນໂດຍສະເພາະໃນເວທີບານເຕະທີ່່ໃຫຍ່ທີ່ສຸດຂອງໂລກເຊັ່ນ:FIFA Women’s World Cup.

• ການປ່ຽນແປງໃຫມ່ຂອງຮູບແບບເຕະບານໂລກຈະຊ່ວຍໃຫ້ສະຫະພັນບານເຕະທີ່ຮູ້ຈັັກຫນ້ອຍເຊັ່ນ AFF ແນວໃດ?

  ບານເຕະຍິງໂລກ 2023 ຈະເປັນບານເຕະໂລກຄັ້ງທຳອິດທີ່່ມີ 32 ທີີໃນອົດສະຕາລີີ ແລະ ນິວິຊີແລນ. ສໍໍາລັບ AFF, ນີ້ຫມາຍຄວາມວ່າໂອກາດຫຼາຍສໍໍາລັບປະເທດອາຊຽນທີ່່ຈະຢູ່ໃນເຕະບານໂລກ. ປັດຈຸບັນພວກເຮົາມີ 2 ທີີມອາຊຽນທີ່່ຈະເປີດຕົວໃນບານໂລກຄື: ຫວຽດນາມ ແລະ ຟີລິບປິນ, ໃນຂະນະທີ່່ລໍໍຖ້າ ໄທຜ່ານເຂົ້້າຮອບ Play-off ເຊິ່ງຈະຕັດສິນໃນກາງເດືອນກຸມພານີ້. ມັນເປັນແຮງບັນດານໃຈທີ່່ຈະເຫັນທີີມຊາດຂະຫນາດນ້ອຍຢູ່ທີ່່ນັ້ນ, ຊຶ່່ງຫມາຍຄວາມວ່າທຸກຄົນຈະມີໂອກາດໄດ້ເຫັນທຸງຊາດຂອງພວກເຂົາໃນການແຂ່ງຂັນບານເຕະທີ່່ໃຫຍ່ທີ່່ສຸດຂອງໂລກ. ຈໍໍານວນທີມທີ່່ເພີ່່ມຂຶ້ນໃນຮອບຊິງຊະນະເລີດເຕະບານໂລກແມ່ນການປ່ຽນແປງເກມ ແລະ ເປັນບາດກ້າວທີ່ສໍໍາທີ່່ຄັນສໍໍາລັບການພັດທະນາເກມຂອງແມ່ຍິ່ງ, ຈັງຫວະຈະໄວຂຶ້້ນສໍໍາລັບການພັດທະນາກິລາບານເຕະຂອງແມ່ຍິງ ຍ້ອນວ່າທຸກຄົນກໍໍາລັງມຸ່ງໄປສູ່ຈຸດຫມາຍຂອງເຂົາເຈົ້າໃນເຕະບານໂລກ.ບານເຕະ.

ໃນວັນທີ 13 ກຸມພາ 2023 ​ທີ່​​ ກະ​ຊວງ​ການ​ຕ່າງ​ປະ​ເທດ  ທ່ານ ສະ​ເຫຼີມໄຊ ກົມ​ມະ​ສິດ ຮອງ​ນາ​ຍົກ​ລັດ​ຖະ​ມົນ​ຕີ,​ລັດ​ຖະ​ມົນ​ຕີກະ​ຊວງການ​ຕ່າງ​ປະ​ເທດ ໄດ້​ໃຫ້​ກຽດ​ຕ້ອນ​ຮັບ​ການເຂົ້າຢ້ຽມຂໍ່ານັບຂອງທ່ານ ວີ​ເພັດ ສີ​ຫາ​ຈັກ​ຣ ປະ​ທານ ສະ​ຫະ​ພັນ​ບານ​ເຕະ​ແຫ່ງ​ຊາດ​ລາວ(ສຕລ) ພ້ອມ​ດ້ວຍ ທ່ານ ນາງ ກັນ​ຍາ ແກ້ວ​ມະ​ນີ ເລ​ຂາ​ທິ​ການ ສະ​ຫະ​ພັນ​ບານ​ເຕະ​ແຫ່ງ​ຊາດ​ລາວ,ເພື່ອ​ເຂົ້າ​ລາຍງານ​ຜົນ​ສຳ​ເລັດ​ຂອງການ​ເລືອກ​ຕັ້ງ​ຄະນະບໍລິຫານງານບານ ເຕະນານາຊາດຫຼື FIFA ທີ່ ບຸກຄະລາກອນຂອງ ສຕລ ໄດ້ຮັບການເລືອກຕັ້ງຈາກບັນ​ດາສະມາຊິກ ສະ​ຫະ​ພັນ​ບານ​ເຕະ​ອາ​ຊີ ເພື່ອເປັນຕົວແທນ ໃນການປະຕິບັດໜ້າທີ່ໃນຖານະຄະນະບໍລິຫານງານ ສະ​ຫະ​ພັນ​ບານ​ເຕະFIFA.

ໃນ​ໂອ​ກາດ​ດັ່ງ​ກ່າວ  ທ່ານ ສະ​ເຫຼີມ​ໄຊ ກົມ​ມະ​ສິດ ຮອງ​ນາ​ຍົກ​ລັດ​ຖະ​ມົນ​ຕີ  ໄດ້​ກ່າວສະແດງຄວາມ​ຍ້ອງຍໍຊົມ​ເຊີຍ ທ່ານ ນາງ ກັນ​ຍາ ແກ້ວ​ມະ​ນີ ເລ​ຂາ​ທິ​ການສະ​ຫະ​ພັນ​ບານ​ເຕະ​ແຫ່ງ​ຊາດລ​າວ ທີ່​ໄດ້ຮັບ​ຕຳ​ແຫນ່ງ ເປັນຄະ​ນະ​ບໍ​ລິ​ຫານ​ງານ FIFA ,ອັນໄດ້​ສ້າງ​ກຽດ​ຊື່​ສຽງ​ມາໃຫ້ແກ່​ປະ​ເທດ​ຊ​າດແລະປະຊາຊົນເຮົາ ປຽບ​ເຫມືອນ​ນັກ​ການ​ທູດ​ທາງ​ດ້ານ​ກິ​ລາ ໂດຍ​ສະ​ເພາະ​ແມ່ນ​ເພດ​ຍິງຄົ​ນ​ລາວ​ທຳອິດທີ່​ໄດ້​ຮັບ​ຕຳ​ແຫນ່ງ​ໃນ​ເວ​ທີ​​ພາກ​ພື້ນແລະສາ​ກົນນີ້.

ທ່ານຮອງນາຍົກໄດ້ແນະນຳແລະອວຍພອນໃຫ້ທ່ານນາງກັນຍາແກ້ວມະນີຈົ່ງເສີມຂະຫຍາຍມູນເຊື້ອອັນດີງາມ,ຕັ້ງໜ້າແລະຫ້າວຫັນປະກອບສວ່ນໃນໜ້າທີ່ໃໝ່ທີ່ໄດ້ຮັບການມອບໝາຍດວ້ຍຜົນສຳເລັດ,ກ້າວ​ຫນ້າ​ຍິ່ງໆ​ຂຶ້ນ​.ທ່ານຮອງນາຍົກກ່າວວ່າ:ຜົນສຳເລັດນີ້,​ສະ​ທ້ອນ​ໃຫ້​ເຫັນ​ວ່າ​ ລ​ັດ​ຖະ​ບານ​ລາວ ມີ​ນະ​ໂຍ​ບາຍ​ທີ່​ຖືກ​ຕ້ອງ ໃນການຊຸກ​ຍູ​້​ສົ່ງ​ເສີມ​ຕົວ​ແທນ​ບຸກຄະລາກອນ​ທີ່​ມີຄວາມຮູ້,ຄວາ​ມ​ສາ​ມາດ,ເພາະວ່າການ​ທີ່​ມີ​ສ່ວນ​ຮ່ວມ​ໃນ​ເວທີ​ສາ​ກົນ​ມັນ​ບໍ່​ແມ່ນ​ເລື້ອງ​ງ່າຍ,ຕ້ອງບົນ​ພື້ນ​ຖານ ຄ​ວາມ​ຮູ້ ຄວາມ​ສາ​ມາດ ຂອງ​ບຸກ​ຄົນ​ທີ່​ສະ​ເຫນີ​ລາຍ​ຊື່​ໃນ​ການ​ດຳ​ລົງ​ຕຳ​ແຫນ່ງ​ເປັນ​ຄະ​ນະ​ບໍ​ລິ​ຫານ​ງານ ສະ​ຫະ​ພັນ​ບານ​ເຕະ​ຟີ​ຟາ(FIFA).ຂະ​ນະ​ທີ່ ທ່ານ ນາງ ກັນ​ຍາ ແກ້ວ​ມະ​ນີ ເລ​ຂາ​ທິ​ການ ສະ​ຫະ​ພັນ​ບານ​ເຕະ​ແຫ່ງ​ຊາດ​ລາວ,ໃນນາມຄະນະບໍລິຫານງານFIFAຄົນໃໝ່ກໍ​ໄດ້ນ້ອ​ມ​ຮັບ​ຄຳ​ອວຍ​ພອນ​ຂອງ ທ່ານຮອງ​ນາ​ຍົກ​ລັດ​ຖະ​ມົນ​ຕີ ພ້ອມ​ທັງ​ຈະ​ປະ​ຕິດ​ບັດ​ຫນ້າ​ທີ່​ຂອງ​ຕົນ​ເອງ​ທີ່​ໄດ້​ຖືກມອບ​​ຫມາຍໃຫ້ມີຜົນງານດີທີ່ສຸດ​.  

ສະຫະພັນບານເຕະແຫ່ງຊາດລາວ(ສຕລ)ໄດ້ຈັດພິທີປີດຊຸດຝຶກອົບຮົມຄູຝຶກບານເຕະລະດັບ ຊີ (LFF / AFC 'C' Coaching Certificate Course) ຂື້ນໃນວັນທີ 10 ກຸມ​ພາ 2023 ທີ່​ຜ່ານ​ມາ ຢູ່ທີ່ ຫ້ອງປະຊຸມຂອງສຕລ,ໂດຍໃຫ້ກຽດເປັນປະທານກ່າວປີດຂອງ​ ທ່ານ ນ. ກັນ​ຍາ ແກ້ວ​ມະ​ນີ ເລຂາທິການສະຫະພັນບານເຕະແຫ່ງຊາດລາວ, ທ່ານ Mohammad Herman B Zailani ຫົວໜ້າວຽກງານພັດທະນາຄູຝຶກ ສຕລ ທັງວິທະຍາກອນ ພ້ອມດ້ວຍພະນັກງານວິຊາການກ່ຽວຂ້ອງ ແລະ ນັກສຳມະກອນ ຈໍານວນ 22 ທ່ານ ທີ່ມາຈາກ ສະໂມສອນ ພາຍໃນປະເທດ, ຕ່າງປະເທດ ແລະ ນັກກິລາທີມຊາດລາວ.
ຕະ​ຫ​ລອດໄລຍະການຝຶກອົບຮົມ ແມ່ນແບ່ງອອກເປັນ 2 ພາກ ປະກອບມີ ພາກທິດສະດີ ແລະ ການປະຕິບັດຕົວຈິງໃນພາກສະໜາມ, ໂດຍໄດ້ມີການສອບເສັງ 6 ຄັ້ງ (ຕົວຈິງ 3 ຄັ້ງ ,ທິດສະດີ 2 ຄັ້ງ ແລະ ເສັງກໍາມະການ 1 ຄັ້ງ ), ຜູ້ເຂົ້າຮ່ວມຈະໄດ້ຮຽນຮູ້ກ່ຽວກັບ ການພັດທະນາຄູຝຶກ, ຄວາມຕ້ອງການຄູຝຶກຂອງ AFC, ພາລະບົດບາດ ແລະ ໜ້າທີຮັບຜິດຊອບ, ເຕັກນິກ ແລະ ຍຸດທະວິທີຂອງການເຕະບານ, ຄວາມສຳພັນກັບບານ, ການສົ່ງບານ, ການຈັບບານ, ການຍິງບານ, ຫຼັກການຂອງການຝຶກສອນ, ບານເຕະຟຸດຊໍ, ກະຕິກາຂອງກິລາບານເຕະ, ອາຫານ ແລະ ສຸຂະພາບ, ການຝຶກແອບ, ການຝຶກແອບຜູ້ຮັກສາປະຕູ, ການວາງແຜນ, ບົດບາດສຳຄັນຂອງຜູ້ຮັກສາປະຕູ, ການຈະເລີນເຕີບໃຫຍ່ ແລະ ການປະຖົມພະຍາບານ, ແນະນຳພາກປະຕິບັດກິດຈະກຳບານເຕະພື້ນຖານ, ການຫຼີ້ນບານໃນເກມ.
ການຝຶກອົບຮົມຄັ້ງນີ້ແມ່ນ​ໄດ້ດຳເນີນ​ການຝຶກນັບຕັ້ງແຕ່ວັນທີ 30 ມັງກອນ ຫາ 10 ກຸມພາ 2023.
ໃນ​ຕອນ​ທ້າຍ​ພິ​ທີ​ຍັງ​ມີ​ການ​ມອບ​ໃບ​ຢັ້ງ​ຢືນ​ໃນ​ການ​ເຂົ້າ​ຮ່ວມ​ໃຫ້​ກັບ​ຜູ້​ເຂົ້າ​ຮ່ວມເພື່ອ​ຢັ້ງ​ຢືນ​ໃນ​ການ​ຝຶກ​ອົບ​ຮົມ, ສ່ວນ​ຜົນ​ການ​ສອບ​ເສັງ​ນັ້ນ​ແມ່ນ​ຈະ​ແຈ້ງ​ໃຫ້​ຮັບ​ຊາບ​ຕາມ​ພາຍ​ຫລັງ.

ໃນວັນທີ 09 ກຸມພາ 2023 ​ທີ່​​ສຳ​ນັກ​ງານ ກະ​ຊວງ​ສຶກ​ສາ​ທິການ ແລະ ກິ​ລາ ( ສ​ສກ ) ທ່ານ ຮ​ສ. ປອ ພຸດ ສິມ​ມາ​ລາ​ວົງ ລັດ​ຖະ​ມົນ​ຕີກ​ະ​ຊວ​ງ​ສຶກ​ສາ​ທິ​ການ ແລະ ກິ​ລາ ປະທານຄະນະກຳມະການໂອລິມປິກແຫ່ງຊາດລາວໄດ້​ໃຫ້​ກຽດ​ຕ້ອນ​ຮັບ​ການເຂົ້າຢ້ຽມ ຂໍ່ານັບຂອງທ່ານ ວີ​ເພັດ ສີ​ຫາ​ຈັກ​ຣ ປະ​ທານ ສະ​ຫະ​ພັນ​ບານ​ເຕະ​ແຫ່ງ​ຊາດ​ລາວ(ສຕລ) ພ້ອມ​ດ້ວຍ​ຄະ​ນະ ເພື່ອ​ເຂົ້າ​ລາຍງານ​ກ່ຽວ​​ກັບ​ຜົນ​ສຳ​ເລັດ​ຂອງການ​ເລືອກ​ຕັ້ງ​ ຄະນະບໍລິຫານງານ FIFA ທີ່ ບຸກຄະລາກອນຂອງ ສຕລ ໄດ້ຮັບການເລືອກຕັ້ງຈາກບັນ​ດາສະມາຊິກ ສະ​ຫະ​ພັນ​ບານ​ເຕະ​ອາ​ຊີ ເພື່ອເປັນຕົວແທນ ໃນການປະຕິບັດວຽກງານ ໃນຖານະ ຄະນະບໍລິຫານງານ ສະ​ຫະ​ພັນ​ບານ​ເຕະ​ຟີ​ຟາ(FIFA).

        ໃນ​ໂອ​ກາດ​ດັ່ງ​ກ່າວ  ທ່ານ ຮ​ສ. ປອ ພຸດ ສິມ​ມາ​ລາ​ວົງ ໄດ້​ກ່າວ​ຍ້ອງຍໍຊົມ​ເຊີຍ ສະ​ຫະ​ພັນ​ບານ​ເຕະ​ແຫ່ງ​ຊາດ​ລາວ ທີ່​ມີ​ຜົນ​ງານ​ດີ​ເດ່ນໃນ​ໄລ​ຍະ​ຜ່ານ​ມາ​, ພ້ອມໄດ້​ອວຍ​ພອນໃຫ້ ທ່ານ ນາງ ກັນ​ຍາ ແກ້ວ​ມະ​ນີເລຂາທິການສຕລ ທີ່​ໄດ້​ຮັບຕຳ​ແຫນ່ງ​ໃໝ່ເປັນຄະ​ນະ​ບໍ​ລິ​ຫານ​ງານ FIFA ໃຫ້​ມີ​ຄວ​າມ​ສຳ​ເລັດ​ໃນ​ຫນ້າ​ທີ່​ສາ​ກົນ, ທຸ້ມ​ເທ​ສະຕິ​ປັນຍາແລະເຫື່ອ​ແຮງປະກອບສວ່ນຢ່າງຕັ້ງໜ້າໃຫ້ສົມກັບເປັນ​ທູດ​​ວົງ​ການ​ກິ​ລາບານ​ເຕະ ​ອາ​ຊີ ແລະສາກົນ,ພ້ອມທັງຖືໂອກາດນີ້ເຮັດໜ້າທີ່ເຜີຍ​ແຜ່​ວັດ​ທະ​ນະ​ທຳ​ລາວ​ໃນ​ເວ​ທີ​ສາ​ກົນໃຫ້ກວ້າງຂວາງ.

        ໃນ​ຕອນ​ທ້າຍ ທ່ານ ວີ​ເພັດ ສີ​ຫາ​ຈັກ​ຣ ປະ​ທານ ສ​ຕ​ລ ຍັງໄດ້​ນຳ​ສະ​ເຫນີ​ແຜນ​ການ​ເຄື່ອ​ນ​ໄຫ​ວ​ວຽກ​ງານ ຂອງ ສະ​ຫະ​ພັນ​ບານ​ເຕະ​ແຫ່ງ​ຊາດ​ລາວ ໃນ​ປີ 2023 ໂດຍ​ສະ​ເພາະ​ແມ່ນ​ການ​ແຂ່ງ​ຂັນ​ບານ​ເຕະ ເປ​ບ​ຊີ ລາວ​ລີກ 1 ປະຈຳປີ2023, ການແຂ່ງຂັນ ກິລາລະດັບມັດທະຍົມ ຕອນຕົ້ນ ແລະ ຕອນປາຍ ພາຍໃນແຂວງ (ຍິງ-ຊາຍ) ແລະ ວຽກ​ງານ​ຂອງ ທີມ​ຊາດ​ລາວ ໃຫ້ ທ່ານລັດ​ຖະ​ມົນ​ຕີ ກະ​ຊວງ​ສຶກ​ສາ​ທິ​ການ ແລະ ກິ​ລາ ໄດ້ຮັບ​ຊາບ.

        ທ່ານ ນາງ ກັນຍາ ແກ້ວມະນີ ໄດ້ຖືກສະເໜີ ຊື່ ຈາກ ສະຫະພັນບານເຕະແຫ່ງຊາດລາວ ເຂົ້າເລືອກຕັ້ງ ໃນຕຳແໜ່ງຄະນະບໍລິຫານງານ FIFA ຫລື FIFA Council Member ໂດຍຕຳແໜ່ງດັ່ງກ່າວແມ່ນເປັນຕົວແທນຈາກທະວີບອາຊີ ໃນເວທີບໍລິຫານກິລາບານເຕະລະດັບໂລກ ເຊິ່ງຕົວແທນ ຈາກທະວີບອາຊີ ຈະມີ 6 ທ່ານທີ່ຕ້ອງຜ່ານການເລືອກຕັ້ງຈາກຊາດສະມາຊິກຂອງ ສະຫະພັນບານເຕະອາຊີ ໂດຍບັນດາທ່ານ ທີ່ຖືກເລືອກຕັ້ງໃນຄັ້ງນີ້ໄດ້ແກ່:
1. ທ່ານ ນາງກັນຍາ ແກ້ວມະນີ ເລຂາທິການ ສະຫະພັນບານເຕະແຫ່ງຊາດລາວ
2. ທ່ານ Hamad bin Khalifa bin Ahmed al-Thani ປະທານ ສະຫະພັນບານເຕະກາຕ້າ
3. ທ່ານ Yasser Al-Misehal ປະທານ ສະຫະພັນບານເຕະຊາອຸດິອາເຣເບຍ
4. ທ່ານ Kozo Tashima ປະທານ ສະພັນບານເຕະຢີ່ປຸ່ນ
5. ທ່ານ Mariano V. Araneta ປະທານ ສະຫະພັນບານເຕະຟິລິບປິນ
6. ທ່ານ Datuk Hamidin Mohd Amin ປະທານສະຫະພັນບານເຕະມາເລເຊຍ

ທັ້ງນີ້ ທ່ານ ນາງ ກັນຍາ ແກ້ວມະນີ້ ແມ່ນສະມາຊິກຈາກປະເທດລາວຄົນທຳອິດທີ່ ໄດ້ຮັບຕຳແໜ່ງໃນການເປັນຄະນະບໍລິຫານງານ FIFA ເຊິ່ງປັດຈຸບັນຖືວ່າເປັນ ອົງກອນກິລາທີ່ໃຫຍ່ທີ່ສຸດໃນໂລກ ຮັບຜິດຊອບການພັດທະນາກິລາບານເຕະ ແລະ ຈັດການແຂ່ງຂັນກິລາຍອດນິຍົມສູງສຸດໃນໂລກ ກໍຄື ການແຂ່ງຂັນບານໂລກ ຫລື FIFA World Cup.
#LaoFootballFederation

#MinistryofEducationandSportsLaoPDR

ປະທານກິຕິມະສັກສຕລສະແດງຄວາມຊົມເຊີຍຕໍ່ເລຂາທິການ ສຕລ ທີ່ໄດ້ຮັບເລືອກຕັ້ງເປັນຄະນະບໍລິຫານງານFIFA         

ນະຄອນຫລວງວຽງຈັນ ວັນທີ 7 ກຸມພາ 2023 - ພະນະທ່ານ ສົມສະຫວາດ ເລ່ງສະຫວັດ ປະທານກິຕິມະສັກສະຫະພັນບານເຕະແຫ່ງຊາດລາວ (ສຕລ)ໄດ້ຕອ້ນຮັບການເຂົ້າຢ້ຽມຂໍ່ານັບຂອງຄະນະບໍລິຫານງານສະຫະພັນບານເຕະແຫ່ງຊາດລາວ(ສຕລ)ນໍາໂດຍ ທ່ານ ວີເພັດ ສີຫາຈັກຣ ປະທານ ສຕລ ເພື່ອລາຍງານຕໍ່ກັບຜົນສຳເລັດຈາກການເລືອກຕັ້ງຄະນະບໍລິຫານງານ FIFA ທີ່ ບຸກຄະລາກອນຂອງ ສຕລ ໄດ້ຮັບການເລືອກຕັ້ງຈາກຊາດສະມາຊິກ AFC ເພື່ອເປັນຕົວແທນ ໃນການປະຕິບັດວຽກງານ ໃນ ຖານະ ຄະນະບໍລິຫານງານFIFA 

ໃນໂອກາດນີ້ ທ່ານ ສົມສະຫວາດ ເລ່ງສະຫວັດ ໄດ້ສະແດງຄວາມຍ້ອງຍໍຊົມເຊີຍຜົນງານຂອງ ສຕລ ໃນການປະຕິບັດໜ້າທີ່ໃນຕະຫຼອດໄລຍະຜ່ານມາ, ອັນໄດ້ປະກອບສວ່ນເຮັດໃຫ້ ສຕລ ມີຜົນງານດີເດ່ນເປັນທີ່ພໍໃຈທັງພາຍໃນແລະຕ່າງປະເທດ, ໂດຍສະເພາະແມ່ນ ທ່ານ ນາງ ກັນຍາ ແກ້ວມະນີ ເລຂາທິການ ສຕລ ທີ່ໄດ້ຮັບການເລືອກຕັ້ງເປັນຄະນະບໍລິຫານງານ FIFA ຄົນທຳອິດຂອງປະເທດລາວຍິ່ງສະແດງໃຫ້ເຫັນເຖິງຄວາມໄວ້ວາງໃຈຂອງຄະນະບໍລິຫານງານບານເຕະນານາຊາດທີ່ມີຕໍ່ ສຕລ ກໍຄືບຸກຄະລາກອນຂອງປະເທດເຮົາ.             

ທ່ານ ສົມສະຫວາດ ເລັ່ງສະຫວັດ ຍັງໄດ້ແນະນໍາໃຫ້ປະທານ ສຕລ ພ້ອມຄະນະຈົ່ງເສີມຂະຫຍາຍມູນເຊື້ອແລະສືບຕໍ່ພັດທະນາວົງການບານເຕະລາວ ທີ່ຢູ່ພາຍໃຕ້ການຊີ້ນໍາຂອງ ສຕລ ແຕ່ຫົວທີໃຫ້ມີຜົນງານສູງເດ່ນຂື້ນໄປກວ່າເກົ່າ, ພ້ອມນັ້ນກໍໃຫ້ເພີ່ມທະວີການພົວພັນກັບສະຫະພັນບານເຕະພາກພື້ນ ແລະ ສາກົນໃຫ້ຫຼາຍຂື້ນເພື່ອແລກປ່ຽນບົດຮຽນແລະປະສົບການໃຫ້ນັກກິລາລາວແລະພະນັກງານລາວໄດ້ມີມາດຕະຖານຫຍັບໃກ້ເຂົ້າກັບພາກພື້ນແລະສາກົນ. ທ່ານກ່າວວ່າ: ເພື່ອກ້າວເຂົ້າສູ່ປີ2023ດວ້ຍຜົນງານແລະໄຊຊະນະ ພວກເຮົາຕ້ອງຮີບຮ້ອນຈັດຕັ້ງຜັນຂະຫຍາຍແຜນການຂອງສຕລ ໄປສູ່ການຈັດຕັ້ງປະຕິບັດໃຫ້ມີຜົນສຳເລັດແລະຂ້າພະເຈົ້າມີຄວາມເຊື່ອໝັ້ນວ່າພາຍໃຕ້ການນຳພາຂອງ ທ່ານ ວີເພັດ ສີຫາຈັກຣ ປະທານ ສຕລ ແລະ ມີເລຂາທິການ ສຕລເປັນຄະນະບໍລິຫານງານຂອງFIFA ສຕລຈະຍາດໄດ້ຜົນງານເດ່ນຂື້ນໄປເລື້ອຍໆ.

ເລຂາທິການ ສະຫະພັນບານເຕະແຫ່ງຊາດລາວ ສູ່ ການເປັນຄະນະບໍລິຫານງານ ອົງກອນກິລາລະດັບໂລກ FIFA.

ທ່ານ ນາງ ກັນຍາ ແກ້ວມະນີ ເລຂາທິການ ສະຫະພັນບານເຕະ ແຫ່ງຊາດລາວ ໄດ້ຮັບການເລືອກຕັ້ງ ເປັນຄະນະບໍລິຫານງານ ສະຫະພັນບານເຕະນາໆຊາດ ຫລື FIFA ສົກປີ 2023-2027 ທີ່ ກອງປະຊຸມໃຫຍ່ ສະຫະພັນບານເຕະອາຊີ ຄັ້ງທີ 33 ທີ່ປະເທດບາເຣນ.  ທ່ານ  ນາງ ກັນຍາ ແກ້ວມະນີ ໄດ້ຖືກສະເໜີ ຊື່ ຈາກ ສະຫະພັນບານເຕະແຫ່ງຊາດລາວ ເຂົ້າເລືອກຕັ້ງ ໃນຕຳແໜ່ງຄະນະບໍລິຫານງານ FIFA ຫລື FIFA Council Member ໂດຍຕຳແໜ່ງດັ່ງກ່າວແມ່ນຈະເປັນຕົວແທນຈາກທະວີບອາຊີ ໃນເວທີບໍລິຫານກິລາບານເຕະລະດັບໂລກ ເຊິ່ງຕົວແທນ ຈາກທະວີບອາຊີ ຈະມີ 6 ທ່ານ ທີ່ຕ້ອງຜ່ານການເລືອກຕັ້ງຈາກຊາດສະມາຊິກຂອງ ສະຫະພັນບານເຕະອາຊີ ໂດຍບັນດາທ່ານ ທີ່ຖືກເລືອກຕັ້ງໃນຄັ້ງນີ້ໄດ້ແກ່:

1. ທ່ານ ນາງກັນຍາ ແກ້ວມະນີ ເລຂາທິການ ສະຫະພັນບານເຕະແຫ່ງຊາດລາວ

2. ທ່ານ Hamad bin Khalifa bin Ahmed al-Thani ປະທານ ສະຫະພັນບານເຕະກາຕ້າ

3. ທ່ານ Yasser Al-Misehal  ປະທານ ສະຫະພັນບານເຕະຊາອຸດິອາເຣເບຍ

4. ທ່ານ Kozo Tashima  ປະທານ ສະພັນບານເຕະຢີ່ປຸ່ນ 

5. ທ່ານ Mariano V. Araneta ປະທານ ສະຫະພັນບານເຕະຟິລິບປິນ

6. ທ່ານ Datuk Hamidin Mohd Amin ປະທານສະຫະພັນບານເຕະມາເລເຊຍ

ທັ້ງນີ້ ທ່ານ ນາງ ກັນຍາ ແກ້ວມະນີ້ ແມ່ນສະມາຊິກຈາກປະເທດລາວຄົນທຳອິດທີ່ ໄດ້ຮັບຕຳແໜ່ງໃນການເປັນຄະນະບໍລິຫານງານ FIFA ເຊິ່ງປັດຈຸບັນຖືວ່າເປັນ ອົງກອນກິລາທີ່ໃຫຍ່ທີ່ສຸດໃນໂລກ ຮັບຜິດຊອບການພັດທະນາກິລາບານເຕະ ແລະ ຈັດການແຂ່ງຂັນກິລາຍອດນິຍົມສູງສຸດໃນໂລກ ກໍຄື ການແຂ່ງຂັນບານໂລກ ຫລື FIFA World Cup.