ໃນຕອນເຊົ້າວັນທີ 7 ຕຸລາ 2023 ສະຫະພັນບານເຕະແຫ່ງຊາດລາວ (ສຕລ) ໄດ້ຈັດງານວັນກິລາບານເຕະຂື້ນພ້ອມກັນທົ່ວປະເທດ. ເພື່ອເປັນການສະເຫຼີມສະຫຼອງວັນຄູແຫ່ງຊາດແລະສົ່ງເສີມການຫຼີ້ນກິລາຜ່ານກິລາບານເຕະໃຫ້ແກ່ລູກຫຼານອະນຸຊົນລາວແລະ ເປັນການເຕົ້າໂຮມບັນດາທ່ານທີ່ມີນໍ້າໃຈມັກຮັກໃນກິລາບານເຕະມາຮ່ວມກັນ ເພື່ອສ້າງກິດຈະກໍາດີໆໃນການພັດທະນາກິລາບານເຕະທົ່ວປະເທດ, ຊຶ່ງກິດຈະກຳຄັ້ງນີ້ ແມ່ນເປັນການຈັດຂື້ນຮ່ວມກັນລະຫວ່າງ ສຕລແລະ ສະຫະພັນບານເຕະແຂວງທັງ18ແຂວງ, ໃນງານດັ່ງກ່າວ ຍັງໄດ້ຮັບການປະກອບສ່ວນອຸປະຖໍາເສື້ອຈໍານວນ 2500 ໂຕ ລວມມູນຄ່າ 83ລ້ານກວ່າກີບ ຈາກທະນາຄານ ມາຣູຮານ ເຈແປນ ລາວ.

 ພ້ອມນັ້ນ, ເປົ້າໝາຍຫຼັກຂອງການຈັດງານແມ່ນເພື່ອສ້າງຄວາມສາມັກຄີ, ຄວາມມ່ວນຊື່ນແລະ ການຮຽນຮູ້ກັບການແຂ່ງຂັນແກ່ນນັກກິລາເອງຕະຫຼອດຮອດຄອບຄົວແລະ ແຟນບານ.

ການແຂ່ງຂັນບານເຕະ ລາວລີກ 2 ນະຄອນຫລວງວຽງຈັນ ປະຈໍາປີ 2023 ນັດຕົກຄ້າງວັນທີ 4 ຕຸລານີ້, ຄິງດ໋ອມ ຢູໄນເຕັດ ທີມອັນດັບ 2 ພົບກັບ ຈັນທະບູລີ ທີມອັນດັບ 6 ທີ່ຍັງບໍ່ເສຍໃຫ້ທີມໃດ, ນັດນີ້ ຄິງດ໋ອມ ເປັນຝ່າຍຂຶ້ນນຳກ່ອນຈາກ ນະລິນ ຫຼວງສີສົມບັດ ນາທີ 7', ຈັນທະບູລີ ໄດ້ປະຕູຕີສະເໝີຈາກ ທິບພະຈັນ ຄຳໃບອ່ອນ ນາທີ 51', ແຕ່ ຄິງດ໋ອມ ມາໄດ້ປະຕູໄຊ ຈາກ ອານຸລັກ ວັນນະລາດ ກອງຫຼັງຈັນທະບູລີ ສະກັດເຂົ້າປະຕູຕົວເອງ ນາທີ 90', ຈົບເກມ ຄິງດ໋ອມ ເອົາຊະນະ ຈັນທະບູລີ 2-1. ສົ່ງຜົນໃຫ້ ຄິງດ໋ອມ ແຂ່ງຄົບ 22 ນັດ ມີ 44 ຄະແນນ, ສ່ວນ ຈັນທະບູລີ ເສຍເປັນນັດທຳອິດ ໃນນະຄອນຫຼວງ ລີກ 2 ຈາກການລົງສະໜາມ 16 ນັດ ຊະນະ 10 ສະເໝີ 5 ເສຍ 1 ມີ 35 ຄະແນນ ໝົດສິດລຸ້ນແຊ້ມແນ່ນອນ ໂດຍຍັງເຫຼືອການແຂ່ງຂັນນັດຕົກຄ້າງອີກ 6 ນັດ (ຖ້າຊະນະລວດ ກໍ່ຈະມີ 53 ຄະແນນ), ເພາະວ່າ ເຮັສບີທີ 941 ທີມນຳ ທີ່ມີ 54 ຄະແນນ ຄວ້າແຊ້ມແນ່ນອນແລ້ວ, ໂດຍທັງ 2 ທີມຈະພົບກັນ ໃນວັນທີ 25 ຕຸລານີ້ ເວລາ 16:30 ໂມງ.

  ສຳລັບອີກ 6 ນັດທີເຫຼືອຂອງ ຈັນທະບູລີ ພົບກັບ ທຣີນີຕີ້ ວັນທີ 7 ຕຸລາ ເວລາ 16:30 ໂມງ, ຈັນທະບູລີ ພົບກັບ ເອັສທີທີ ວັນທີ 11 ຕຸລາ ເວລາ 16:30 ໂມງ, ຈັນທະບູລີ ພົບກັບ ເມືອງຫາດ ວັນທີ 14 ຕຸລາ ເວລາ 16:30 ໂມງ, ຈັນທະບູລີ ພົບກັບ ມຊ ວັນທີ 18 ຕຸລາ ເວລາ 16:30 ໂມງ, ຈັນທະບູລີ ພົບກັບ ເຄພີເອັສ ວັນທີ 21 ຕຸລາ ເວລາ 16:30 ໂມງ ແລະ ຈັນທະບູລີ ພົບກັບ ເຮັສບີທີ 941 ວັນທີ 25 ຕຸລານີ້ ເວລາ 16:30 ໂມງ. ທຸກໆນັດແຂ່ງຢູ່ສະໜາມກິລາ ເຈົ້າອະນຸວົງ.

ສຳລັບ ການແຂ່ງຂັນບານເຕະ ລາວລີກ 2 ນະຄອນຫລວງວຽງຈັນ ປີນີ້ ມີ 12 ທີມເຂົ້າຮ່ວມ, ຮູບແບບການແຂ່ງຂັນແມ່ນພົບກັນໝົດແບບໄປ-ກັບ ທີມທີ່ເປັນແຊ້ມ ຈະໄດ້ສິດເລື່ອນຊັ້ນສູ່ລີກສູງສຸດ ປີ 2024 ແຕ່ຕ້ອງມີເງື່ອນໄຂຄົບຖວ້ນຕາມສະຫະພັນບານເຕະແຫ່ງຊາດລາວກຳນົດໄວ້.

  ໃນການຈັດການແຂ່ງຂັນລາວລີກ2ຂອງແຕ່ລະແຂວງ ແລະ ນະຄອນຫຼວງວຽງຈັນຄັ້ງນີ້,ສະຫະພັນບານເຕະແຫ່ງຊາດລາວ(ສຕລ)ໄດ້ໃຫ້ການ ສະຫນັບສະຫນູນງົບປະມານໃຫ້ແຕ່ລະແຂວງທີ່ຈັດການແຂ່ງຂັນລາວລີກ2ເປັນຈຳນວນເງິນ 60 ລ້ານກີບ,ສວ່ນແຂ່ງຂັນລະດັບມັດທະຍົມຕົ້ນ(ຊາຍ-ຍິງ)30ລ້ານກີບແລະລະດັບມັດທະຍົມປາຍ(ຊາຍ-ຍິງ)30ລ້ານກີບລວມໄດ້ຮັບເງິນອຸປະຖໍາຈາກສຕລໃນການແຂ່ງຂັນທັງ3ລາຍການເປັນເງິນທັງໝົດ120ລ້ານກີບຕໍ່ແຂວງ.

#VientianeCapitalLeague2

#LaoFootballFederation

ສະຫະພັນບານເຕະແຫ່ງຊາດລາວ ເຫັນດີຕໍ່ກັບການຕັດສິນຂອງ FIFA ທີ່ມອບໃຫ້ປະເທດສະມາຊິກຂອງ AFC ຍື່ນສິດເປັນເຈົ້າພາບການແຂ່ງຂັນບານໂລກ ປີ 2034. ພ້ອມທັງເຫັນດີຕໍ່ຄໍາເຫັນຂອງ ທ່ານ ປະທານ ສະຫະພັນບານເຕະອາຊີ (AFC) ທີ່ສະຫນັບສະຫນູນເຈດຈໍານົງ ຂອງສະຫະພັນບານເຕະ ຊາອຸດີ ອາຣາບີ (Saudi Arabian Football Federation) ໃນການຍື່ນສິດເປັນເຈົ້າພາບການແຂ່ງຂັນກິລາຍອດນິຍົມຂອງໂລກໃນປີ 2034.

https://www.the-afc.com/en/national/fifa_world_cup/news/afc_president_welcomes_fwc_hosting_decision_backs_saff_intent_to_bid_for_2034_edition.html?fbclid=IwAR0bsI800IiEk00BDJ17isoK2HT2QdT2Yeqf1wed6BLzIXEtsexb0n1mdAY

ນາງ ພຸດສະຫວັນ ຈັນທະວົງ ຜູ້ຊ່ວຍກຳມະການຕັດສິນ FIFA Elite ຈາກ ສປປລາວ ໄດ້ຖືກຄັດເລືອກໃຫ້ລົງຕັດສິນ ການແຂ່ງຂັນກິລາບານເຕະ ງານມະຫະກໍາກິລາເອຊຽນເກມ ຄັ້ງທີ 19 ທີ່ຫາງໂຈວ່ ສປ ຈີນ ຮອບຮອງຊະນະເລີດ ລະຫວ່າງ ອຸດສະເບກິດສະຖານ ພົບ ສປປ ເກົາຫລີ ເຊິ່ງການແຂ່ງຂັນຈະມີຂຶ້ນໃນວັນທີ 03 ຕຸລາ 2023.

#RefereeLFF

#LaoFootballFederation

#asiangames2023

ທ່ານ ຄຳໄພ່ ປຣະເສີດ ຮອງປະທານ ສະຫະພັນບານເຕະແຫ່ງຊາດລາວ(ສຕລ) ທັງເປັນຄະນະນຳທີມຊາດລາວ ຊຸດໃຫຍ່ ໄດ້ໂອ້ລົມຕໍ່ຄະນະຄູຝຶກ,ນັກກິລາ ທີມຊາດລາວ ຊຸດໃຫຍ່ ໃນວັນທີ 05 ຕຸລາ 2023 ຢູ່ທີ່ຫ້ອງປະຊຸມສູນຝຶກ ສະຫນາມກິລາແຫ່ງຊາດຫຼັກ 16,ກ່ອນເດີນທາງໄປ ບານໂລກ 2026 ຮອບຄັດເລືອກ ຮອບທີ 1 ໂຊນອາຊີ (FIFA World Cup 2026 Preliminary Joint Qualification R1) ນັດທຳອິດ ຢູ່ທີ່ປະເທດເນປານ.

  ການໂອ້ລົມທ່ານ ຄຳໄພ່ ປຣະເສີດ ໄດ້ແນະນຳໃຫ້ນັກກິລາສຸມສະຕິປັນຍາ,ກຳລັງວັງຊາເຂົ້າໃນການຝຶກຊ້ອມຄັ້ງນີ້ໃຫ້ມີຄວາມກຽມພ້ອມທີ່ສຸດເຂົ້້າສູ່ການແຂ່ງຂັນ ຂໍໃຫ້ນັກກິລາຈົ່ງມີຄວາມສາມັກຄີ,ນັບຖືກົດລະບຽບໃນເວລາ ການຝຶກຊ້ອມ ແລະ ພ້ອມທັງຮຽກຮ້ອງໃຫ້ບັນດານັກກິລາໃຫ້ສູ້ສຸດຄວາມສາມາດ ພາ ທີມຊາດລາວ ຜ່ານເຂົ້າຮອບແບ່ງກຸ່ມໃຫ້ໄດ້.

  ບານໂລກ 2026 ຮອບຄັດເລືອກ ຮອບທີ 1 ໂຊນອາຊີ (FIFA World Cup 2026 Preliminary Joint Qualification R1) ມີທັງໝົດ 20 ທີມ ຈັບຄູ່ພົບກັນ 10 ຄູ່ ແຂ່ງຂັນແບບ 2 ນັດ ໄປ-ກັບ ທີມທີ່ຊະນະ ຜ່ານເຂົ້າສູ່ຮອບຄັດເລືອກ ຮອບທີ 2 ຕໍ່ໄປ.

  ທີມຊາດລາວ ພົບກັບ ທີມຊາດເນປານ ນັດທີ 1 ຈະແຂ່ງຂັນໃນວັນທີ 12 ຕຸລາ 2023 ເວລາ 18:15 ( ເວລາຢູ່ລາວ ) ຢູ່ທີ່ສະຫນາມ Dashrath Stadium, Kathmandu ປະເທດເນປານ ແລະ ວັນທີ 17 ຕຸລາ 2023 ເວລາ 19:00 ແມ່ນແຂ່ງຂັນຢູ່ສະໜາມກິລາແຫ່ງຊາດ ຫຼັກ 16 ນະຄອນຫຼວງວຽງຈັນ ສປປ ລາວ.

  ສຳລັບ 10 ທີມທີ່ຊະນະ ຮອບຄັດເລືອກ ຮອບທີ 1 ຈະເຂົ້າຄັດເລືອກ ຮອບທີ 2 ບວກກັບອີກ 26 ທີມທີ່ໄດ້ສິດລໍຖ້າອີງຕາມອັນດັບໂລກ ລວມເປັນ 36 ທີມ. ໂດຍການຄັດເລືອກຄັ້ງນີ້ ຈະມີຜົນຕໍ່ການຄັດເລືອກໄປ ເອຊຽນຄັບ ຊິງແຊ້ມອາຊີ 2027 ທີ່ຊາອຸດິອາຣາເບຍ, ທີມຊາດລາວ ຖ້າຊະນະ ທີມຊາດເນປານ ບານໂລກ 2026 ຮອບຄັດເລືອກ ຮອບທີ 1 ທະວີບອາຊີ, ໃນຮອບຄັດເລືອກ ຮອບທີ 2 ຈະຢູ່ກຸ່ມ H ຮ່ວມກັບ ສະຫະລັດ ອາຣັບ ເອມີເຣດ, ບາເຣນ ແລະ ທີມຊະນະລະຫວ່າງ ເຢເມັນ ຫລື ສຣີລັງກາ.

#FIFAWorldCup

#AsianCup2027

#LAOSNATIONALTEAM

#LAOFOOTBALLFEDERATION

ໃນລະຫວ່າງວັນທີ 26-30/9/2023 ສະຫະພັນບານເຕະແຫ່ງຊາດລາວ ໄດ້ສົ່ງ ທ່ານ ຄໍາປະສົງ ໄຊຍະວົງສີ ກໍາມະການຕັດສິນຟູດຊໍ FIFA ເຂົ້າຮ່ວມຕັດສິນລາຍການ International Futsal Friendly Match ທີ່ ປະເທດໄທ

    ການແຂ່ງຂັນບານເຕະ ລາວລີກ 2 ແຂວງຫຼວງນ້ຳທາ ແມ່ນໄດ້ເລີ່ມການແຂ່ງຂັນນັບຕັ້ງແຕ່ ວັນທີ 16 ມິຖຸນາ 2023 ເປັນຕົ້ນມາ, ມີ 6 ທີມເຂົ້າຮ່ວມແຂ່ງຂັນຄື: ທະຫານແຂວງ, ປກສ ແຂວງ, ນ້ຳທາ ເອັຟຊີ, ເອັຟຊີ ເມືອງສິງ THE KING EVO ແລະ ສະໂມສອນ MS SPORT CITY. ໂດຍໆທຸກໆນັດແມ່ນແຂ່ງຂັນຢູ່ທີ່ສະຫນາມກິລາແຂວງຫຼວງນໍ້າທາ.

    ນັດສຸດທ້າຍຂອງການແຂ່ງຂັນໃນວັນທີ 28 ກັນຍາ 2023: ປກສ ແຂວງ ທີມນຳ ເອົາຊະນະ ນ້ຳທາ ທີມອັນດັບ 2 ດວ້ຍປະຕູ.4-2.

    ສະຫລຸບຕາຕະລາງຄະແນນ ອັນດັບ 1 ປກສ ແຂວງ ລົງສະຫນາມ 10 ນັດ ຊະນະ 9 ນັດ ສະເຫມີ 1 ນັດ ມີ 28 ຄະແນນ ຄວ້າແຊ້ມ ຮັບຂັນແຊ້ມ ພ້ອມເງິນລາງວັນ 10,000,000 ກີບ, ອັນດັບ 2 ນ້ຳທາ ລົງສະຫນາມ 10 ນັດ ຊະນະ 5 ນັດ ສະເຫມີ 3 ນັດ ເສຍ 2 ນັດ ມີ 18 ຄະແນນ, ອັນດັບ 3 ທະຫານແຂວງ ລົງສະຫນາມ 10 ນັດ ຊະນະ 3 ນັດ ສະເຫມີ 4 ນັດເສຍ 3 ນັດ ມີ 13 ຄະແນນ, ອັນດັບ 4 ເອັມເອັສສະປອດຊິຕີ້ ລົງສະຫນາມ 10 ນັດ ຊະນະ 2 ນັດ ສະເຫມີ 3 ນັດ ເສຍ 5 ນັດ ມີ 9 ຄະແນນ, ອັນດັບ 5 ເດີຄິງ ອີໂວ ລົງສະຫນາມ 10 ນັດ ຊະນະ 2 ນັດ ສະເຫມີ 3 ນັດ ເສຍ 5 ນັດ ມີ 9 ຄະແນນ ແລະ ອັນດັບສຸດທ້າຍ ເອັຟຊີ ເມືອງສິງ ລົງສະຫນາມ 10 ນັດ ຊະນະ 1 ນັດ ສະເຫມີ 2 ນັດ ເສຍ 7 ນັດ ມີ 5 ຄະແນນ,

     ສ່ວນລາງວັນຜູ້ຍິງປະຕູສູງສຸດ ບຸນຄຳ ອຸ່ນລະສິດ ຈາກ ນ້ຳທາ ເອັຟຊີ ຍິງໄດ້ 16 ປະຕູ, ລາງວັນນັກເຕະດີເດັ່ນ ຫນໍ່ຄໍາ ປະທຸມມາ ຈາກ ປກສ ແຂວງ ແລະ ຄູຝືກດີເດັ່ນ ທ່ານ ບຸນທັນ ຈາກ ນໍ້າທາ ເອັຟຊີ.

ສະຫະພັນບານເຕະແຫ່ງຊາດລາວ ຈະໄດ້ຈັດການຝຶກອົບຮົມຄູຝຶກບານເຕະລະດັບ AFC “ B“ Coaching Certificate Course ເຊິ່ງຈະໄດ້ຈັດຂື້ນຢູ່ທີ່ ຫ້ອງການ ສະຫະພັນບານເຕະແຫ່ງຊາດລາວ(ບ້ານ ຫ້ວຍຫົງ)ນະຄອນຫຼວງວຽງຈັນ, ສປປ ລາວ,ດັ່ງລາຍລະອຽດ ແລະ ເງື່ອນໄຂດັ່ງລຸ່ມນີ້:

+ ກຳນົດການ:

ການຝຶກອົບຮົມແມ່ນຈະຈັດຂຶ້ນ 2 ໄລ​ຍະ​ຄື: 

ໃນໄລ​ຍະ​ທີ 1 ຈັດ​ຂຶ້ນ ລະຫວ່າງວັນທີ 1-10 / 11 / 2023 

ໄລ​ຍະ​ທີ 2 ໃນ​ລະ​ຫວ່າງ ວັນ​ທີ 19-28/ 02 /2024 

(ປິດຮັບສະໝັກ ວັນທີ 25/10/2023 , ຍ້ອນວ່າ ຕ້ອງສົ່ງລົງທະບຽນ ແລະ ຕາມກົດລະບຽບ ຂອງ ສະຫະພັນບານເຕະອາຊີ AFC).

+ ເງື່ອນໄຂຜູ້ເຂົ້າຮ່ວມຝຶກອົບຮົມ:

1. ບັນດາສະຫະພັນບານເຕະແຂວງ/ສະໂມສອນບານເຕະ/ມະຫາວິທະຍາໄລ/ວິທະຍາໄລ/ໂຮງຮຽນ ຫຼື ອົງການຈັດຕັ້ງຕ່າງໆສາມາດເຂົ້າ​ຮ່ວມ​ໄດ້

2. ຕ້ອງມີໃບປະກາດ AFC “ C” Certificate Coaching Course ມາກ່ອນ ຢ່າງໜ້ອຍ 1 ປີຂື້ນໄປ.

3. ປະກອບເອກະສານເຂົ້າຝຶກອົບຮົມຕາມແບບຟອມທີ່ ສຕລ, ສົ່ງໃຫ້ບໍ່ໃຫ້ກາຍ ວັນທີ 23 ຕຸລາ 2023.

4. ການຍື່ນໃບສະໝັກຕ້ອງມີ: ຟອມສະໝັກຂອງ ສຕລ, ກ໋ອບປີ້ສີ ໃບປະ

ກາດສະນີຍະບັດ ‘ຊີ’ ຄັດຕິດມາພ້ອມ.

5. ຜູ້ມີສິດເຂົ້າຝຶກອົບຮົມຕ້ອງຜ່ານການພິລະນາ, ຮັບຮອງຈາກ ສະຫະພັນບານເຕະ ອາຊີ ແລະ ສຕລ ກ່ອນ.

6. ຕ້ອງຮັບປະກັນຄວາມພ້ອມຂອງຮ່າງກາຍຕະຫຼອດການຝຶກອົບຮົມ.

7. ຕ້ອງປະຕິບັດຕາມກົດລະບຽບການຝຶກອົບຮົມຂອງ ສະຫະພັນບານເຕະ ອາຊີ ວາງອອກຢ່າງເຂັ້ມງວດ.

8. ຟັງ,ຂຽນ,ອ່ານ ພາສາອັງກິດໄດ້ຍິ່ງເປັນການດີ.

+ ຄວາມຮັບຜິດຊອບຂອງ ສຕລ:

1. ສະຖານທີ່ການຝຶກອົບຮົມ (ຫ້ອງຮຽນ ແລະ ສະໜາມຝຶກແອບ).

2. ເຄື່ອງນຸ່ງສຳລັບການຝຶກອົບຮົມຈຳນວນ 2 ຊຸດ.

3. ອາຫານຫວ່າງ, ນ້ຳດື່ມ ແລະ ນໍ້າກ້ອນ ຮັບໃຊ້ໃນການຝຶກອົບຮົມ.

4. ອາຫານທ່ຽງ ສຳລັບ ນັກສຳມະນາກອນຜູ້ທີ່ເຂົ້າຮ່ວມຝຶກອົບຮົມ.

+ ຄວາມຮັບຜິດຊອບຂອງ ຜູ້ເຂົ້າຮ່ວມຝຶກອົບຮົມ:

1. ການເດີນທາງໄປ-ກັບ ສຳລັບຜູ້ເຂົ້າຮ່ວມການຝຶກອົບຮົມ.

2. ເສຍຄ່າສະໝັກເປັນຈຳນວນເງີນ 1,500,000 ກີບ (ສຳລັບຄົນລາວ) ແລະ 1000 $ ( ສຳ​ລັ​ບ​ຄົນ​ຕ່າງ​ປະ​ເທດ ) ພາຍຫຼັງໄດ້ຖືກຄັດເລືອກໃຫ້ເຂົ້າຮ່ວມ.

3. ເກີບສຳລັບເຕະບານ,ເກີບຜ້າໃບ ແລະ ອຸປະກອນຮັບໃຊ້ສ່ວນຕົວ ເວລາເຂົ້າຮ່ວມການຝຶກອົບຮົມ.

ໝາຍເຫດ:

+ ກະລຸນາສົ່ງລາຍຊື່ ແລະ ແບບຟອມສະໝັກເຂົ້າຮ່ວມການຝຶກອົບຮົມໃຫ້ ສະຫະພັນບານເຕະແຫ່ງຊາດລາວ ກ່ອນວັນປິດຮັບສະໝັກ, ເພື່ອລົງທະບຽນ ກັບ ສະຫະພັນບານເຕະ ອາຊີ (AFC).

+ ຜູ້ສະໝັກທີ່ສົ່ງແບບຟອມເຂົ້າຮ່ວມຫຼັງຈາກວັນປິດຮັບແລ້ວແມ່ນຈະບໍ່ມີການພິຈາລະນາຢ່າງເດັດຂາດ.

+ ສົ່ງກ່ອນມີສິດກ່ອນ.

ລິ​້ງ​ດາ​ວ​ໂຫລດ​ແບບ​ຟອມ : https://drive.google.com/drive/folders/197Mr4EsEPtQSgxBXMnMHKtJV9tZzvb2F?usp=share_link    

ຕິດຕໍ່ສອບຖາມຂໍ້ມູນໄດ້ທີ່ ເບີໂທ: 

+8562097744940 ທ່ານ ສຸດທານີ ລຸນສິລິ

E mail: [email protected]

#LaoFootballFederation

#coachingCourse

#LFFTechnical

 ການແຂ່ງຂັນເຕະບານ ລາວລີກ 2 ນະຄອນຫລວງວຽງຈັນ ປະຈຳປີ 2023 ດຳເນີນການແຂ່ງຂັນມາໄດ້ 21 ອາທິດ

ຕາຕະລາງຄະແນນໃນເວລານີ້ HBT 941 ຍຶດຕຳແໜ່ງທີມນຳບໍ່ເຄີຍເສຍໃຫ້ທິມໃດຕໍ່ໄປ ລົງສະຫນາມ20 ນັດ ຊະນະ 17 ນັດ ສະເໝີ 3 ນັດ ມີ 54 ຄະແນນ, ຮອງລົງມາແມ່ນໄອສະປອດ ລົງສະຫນາມ 21 ນັດ ຊະນະ 10 ນັດ ສະເຫມີ 8 ນັດ ເສຍ 3 ນັດ ມີ 38 ຄະແນນ, ອັນດັບ 3 ຄິງດອມ ລົງສະຫນາມ 20 ນັດ ຊະນະ 11 ນັດ ສະເຫມີ 5 ນັດ ເສຍ 4 ນັດ ມີ 38 ຄະແນນ, ອັນດັບ 4 ເມືອງຫາດ ລົງສະຫນາມ 20 ນັດ ມີ 37 ຄະແນນ, ອັນດັບ 5 ເຄເອັມທີ ລົງສະຫນາມ 20 ນັດ ມີ 36 ຄະແນນ, ອັນດັບ 6 ຈັນທະບູລີ ລົງສະຫນາມ 13 ນັດ ມີ 31 ຄະແນນ, ອັນດັບ 7 ເອັສທີທີ ລົງສະຫນາມ 20 ນັດ ມີ 26 ຄະແນນ, ອັນດັບ 8 ມຊ ລົງສະຫນາມ 20 ມີ 24 ຄະແນນ, ອັນດັບ 9 ເອັສອີຊີ ລົງສະຫນາມ 20 ນັດ ມີ 19 ຄະແນນ, ອັນດັບ 10 ຈັນສີ ລົງສະຫນາມ 21 ນັດ ມີ 14 ຄະແນນ, ອັນດັບ 11 ທຣີນີຕີ ລົງສະຫນາມ 20 ນັດ ມີ 9 ຄະແນນ ແລະ ອັນດັບ ສຸດທ້າຍ ເຄພີເອັສ ລົງສະຫນາມ 19 ນັດ ມີ 3 ຄະແນນ.

  ຕາຕະລາງ ການແຂ່ງຂັນນັດຕົກຄ້າງ ວັນພຸດ 27/09/2023 ເວລາ 16:30 ຈັນທະບູລີ ພົບ ເຄເອັມທີ ແຂ່ງຂັນຢູ່ທີ່ສະຫນາມກິລາເຈົ້າອານຸວົງ ເຂົ້າຊົມບໍ່ເສຍຄ່າ(FREE).

ສຳລັບ ການແຂ່ງຂັນບານເຕະ ລາວລີກ 2 ນະຄອນຫລວງວຽງຈັນ ປີນີ້ ມີ 12 ທີມເຂົ້າຮ່ວມ, ຮູບແບບການແຂ່ງຂັນແມ່ນພົບກັນໝົດແບບໄປ-ກັບ ທີມທີ່ເປັນແຊ້ມ ຈະໄດ້ສິດເລື່ອນຊັ້ນສູ່ລີກສູງສຸດ ປີ 2024 ແຕ່ຕ້ອງມີເງື່ອນໄຂຄົບຖວ້ນຕາມສະຫະພັນບານເຕະແຫ່ງຊາດລາວກຳນົດໄວ້.

#VientianeCapitalLeague2

#LaoFootballFederation

ການແຂ່ງຂັນບານເຕະ ລາວລີກ 2 ແຂວງຫຼວງນ້ຳທາ ແມ່ນໄດ້ເລີ້ມການແຂ່ງຂັນນັບຕັ້ງແຕ່ ວັນທີ 16 ມິຖຸນາ 2023 ເປັນຕົ້ນມາ ມີ 6 ສະໂມສອນແຂ່ງຂັນຄື : ສະໂມສອນ THE KING EVO, ສະໂມສອນ FC ເມືອງສິງ, ສະໂມສອນ MS SPORT CITY, ສະໂມສອນ ນ້ຳທາ ເອັຟຊີ, ສະໂມສອນ ທະຫານແຂວງ ແລະ ສະໂມສອນ ປກສແຂວງ ໂດຍໆທຸກໆນັດແມ່ນຈະແຂ່ງຂັນຢູ່ທີ່ສະຫນາມກິລາແຂວງຫຼວງນໍ້າທາ.

ສຳລັບມື້ສຸດທ້າຍຂອງການແຂ່ງຂັນໃນວັນທີ 28 ກັນຍາ 2023 ເວລາ 14:00 ທີ່ສະຫນາມກິລາແຂວງຫຼວງ ນໍ້າທາເປັນການພົບກັນລະຫວ່າງ ປກສ ແຂວງ ທີມນຳຕາຕະລາງຄະແນນ ພົບກັບ ທີມອັນດັບ 2ຄືນ້ຳທາ,ຫລັງຈາກຈົບການແຂ່ງຂັນຄູ່ດັ່ງກ່າວແມ່ນຈະມີພິທີມອບຂັນລາງວັນ.

  ສະຫລຸບຕາຕະລາງຄະແນນໃນປັດຈຸບັນ ອັນດັບ 1 ປກສ ແຂວງ ລົງສະຫນາມ 9 ນັດ ຊະນະ 8 ນັດ ສະເຫມີ 1 ນັດ ມີ 25 ຄະແນນ, ອັນດັບ 2 ນ້ຳທາ ລົງສະຫນາມ 9 ນັດ ຊະນະ 5 ນັດ ສະເຫມີ 3 ນັດ ເສຍ 1 ນັດ ມີ 18 ຄະແນນ, ອັນດັບ 3 ທະຫານແຂວງ ລົງສະຫນາມ 10 ນັດ ຊະນະ 3 ນັດ ສະເຫມີ 4 ນັດເສຍ 3 ນັດ ມີ 13 ຄະແນນ, ອັນດັບ 4 ເອັມເອັສສະປອດຊິຕີ້ ລົງສະຫນາມ 10 ນັດ ຊະນະ 2 ນັດ ສະເຫມີ 3 ນັດ ເສຍ 5 ນັດ ມີ 9 ຄະແນນ, ອັນດັບ 5 ເດີຄິງ ອີໂວ ລົງສະຫນາມ 10 ນັດ ຊະນະ 2 ນັດ ສະເຫມີ 3 ນັດ ເສຍ 5 ນັດ ມີ 9 ຄະແນນ ແລະ ອັນດັບສຸດທ້າຍ ເອັຟຊີ ເມືອງສິງ ລົງສະຫນາມ 10 ນັດ ຊະນະ 1 ນັດ ສະເຫມີ 2 ນັດ ເສຍ 7 ນັດ ມີ 5 ຄະແນນ, ຂະນະ ທີ່ຜູ້ຍິງປະຕູສູງສຸດ ເບີ 10 ບຸນຄຳ ອຸ່ນລະສິດ ຈາກ ສະໂມສອນ ນ້ຳທາ ເອັຟຊີ ຍິງໄດ້ 15 ປະຕູ.

ໃນການຈັດການແຂ່ງຂັນລາວລີກ2ຂອງແຕ່ລະແຂວງ ແລະ ນະຄອນຫຼວງວຽງຈັນຄັ້ງນີ້,ສະຫະພັນບານເຕະແຫ່ງຊາດລາວ(ສຕລ)ໄດ້ໃຫ້ການ ສະຫນັບສະຫນູນງົບປະມານໃຫ້ແຕ່ລະແຂວງທີ່ຈັດການແຂ່ງຂັນລາວລີກ2ເປັນຈຳນວນເງິນ 60 ລ້ານກີບ,ສວ່ນແຂ່ງຂັນລະດັບມັດທະຍົມຕົ້ນ(ຊາຍ-ຍິງ)30ລ້ານກີບແລະລະດັບມັດທະຍົມປາຍ(ຊາຍ-ຍິງ)30ລ້ານກີບລວມໄດ້ຮັບເງິນອຸປະຖໍາຈາກສຕລໃນການແຂ່ງຂັນທັງ3ລາຍການເປັນເງິນທັງໝົດ120ລ້ານກີບຕໍ່ແຂວງ.

ຂ່າວດີສຳລັບນັກກິລາຈາກເມືອງໄຊທານີ ຫລື ນັກກິລາອ້ອມຂ້າງ ສະຫນາມກິລາແຫ່ງຊາດຫຼັກ 16 ສູນພັດທະນາກິລາບານເຕະຈຳປີ - ຈຳປາ( Champi-Champa Football Training Center ) ຈະໄດ້ເລີ່ມການເປີດເທີມໃໝ່ຂຶ້ນ ຢູ່ສູນຝຶກບານເຕະແຫ່ງຊາດລາວຫລັກ 16 ເມືອງໄຊທານີ, ນະຄອນຫຼວງວຽງຈັນ, ຮັບສະໝັກນັກກິລາອາຍຸ: U-8, U-10 ແລະ U-12

ເປີດເທີມ 1 ວັນທີ 28 /10/2023

• 1 ເທີມ ມີ 10 ອາທິດ

• ຄ່າສະໝັກ 400,000 ກີບ

• ຄ່າຊຸດຊ້ອມ 350,000 ກີບ/2ຊຸດ

• ຊ້ອມທຸກໆ ວັນເສົາ-ທິດ ເວລາ 07:30-09:00 ເຊົ້າ

  ພິເສດໄປກວ່ານັ້ນສຳລັບນັກກິລາເພດຍິງທີ່ຕ້ອງການມາສະຫມັກ ແມ່ນໄດ້ເສຍຄ່າທຳນຽມພຽງ 50 %,

 ສະຖານທີ່: ສູນຝຶກບານເຕະແຫ່ງຊາດລາວຫລັກ 16 ເມືອງໄຊທານີ, ນະຄອນຫຼວງວຽງຈັນ

 ຕິດຕໍ່ສອບຖາມ ແລະ ລົງທະບຽນ: 020 97744940 ທ່ານ ສຸດທະນີ ລຸນສິຣິ

#FIFATalentDevelopmentScheme

#ChampiChampaFootballTrainingCenter